Shatapatha Brahmana · Chapter 11.8

brāhmaṇaṃ

१ agnihotre mahaupasthānama - tatra prathamamagnihotre karmaṇi maha ityupasthānaṃ taddārḍhyāya kartavyanimittaṃ vidhātumākhyāyikāyā abhidhānaṃ, tasyāṃ ca viśeṣatomahaḥśabdārthamabhidhāya tasya lokaprasiddhayā pramāṇīkaraṇam, uktārthajñānasya praśaṃsanam , maha ityupasthānasya phalasahitaṃ vidhānaṃ ceti.
brāhmaṇaṃ

२ agneścāturvidhyābhidhāyakaṃ brāhmaṇam -- tatra prathamamāhavanīyātprākprahṛte uttaravedike'gnau paśuyāgaḥ kartavya iti vidhātumagnerāhitoddhṛtaprahṛtavihṛtātmanā cāturvidhyapradarśanam, uktāhitādicatuṣṭayasya bhūrādyātmanā'gnyādyātmanā ca praśaṃsanam, āhitādīnāmabhipretasyārthasya śrutikṛtavivaraṇapradarśanam, upayaḍḍhomārthaṃ varṇitasyāgnestatprayojananirūpaṇaṃ cetyādi.
brāhmaṇaṃ

३ paśudevatāvikalpābhidhāyakaṃ brāhmaṇam - tatra prathamasya paśoḥ prajāpatiḥ sūrya indrāgnī ceti trayo devā vikalpitā iti darśayituṃ krameṇa tasya tasya pakṣasya sopapattikamabhidhānaṃ, paśutvasya prāṇātmakatāyāstathā tatparijñātuḥ paśunā''rtihetutāyāḥ samarthanaṃ, vihitasya paśoraktaprāṇarūpatopapādanāya tasyaiva agnyādiṣaḍdevatāmayatvasyopapādanāya cākhyāyikāyāḥ pratipādanaṃ, tasyāṃ ca viśeṣataḥ prasaṅgādāprīśabdanirvacanaṃ, yathā'śvamedheneṣṭabhāvanāpuraḥsaraṃ paśuneṣṭavata: phalaṃ bhavati tathaivānena paśubandheneṣṭavatastadeva phalaṃ bhavatīti pratipādanaṃ, tatastasminniṣprāṇatvenocchūne ādityalakṣaṇe paśau prācyādidikkartṛkasyānuprāṇanasya vidhānaṃ, prasaṅgātkiñcitpuruṣārthasyānuprāṇanaprayogasya vidhānaṃ, tata ādityasyāgneḥ sakāśātprāṇādāne--vāyoḥ sakāśādrūpādāne puruṣasya sakāśāñcittādāne--paśubhyaḥ sakāśāccakṣuṣa ādāne-candramasaḥ sakāśātprabhāyā ādāne ca krameṇa kāraṇamabhidhāya pratiparyāyaṃ uktārthaṃ vedituḥ phalakathanam , uktavidhamādānaṃ nimittīkṛtyādityaśabdo niṣpanna iti pradarśanaṃ cetyādi
brāhmaṇaṃ

४ paśuprāyaścittīyāḥ spṛtihomāḥ--tatra spṛtyākhyānhomānpaśuprāyaścittatayā vidhātumākhyāyikāyā abhidhānaṃ, tasyāṃ ca pravargyadohanārthāyāṃ gavi śārdūlena hatāyāṃ kā prāyaścittiriti saha satriṇa upetya keśigṛhapateḥ praśnasyodbhāvanaṃ, khaṇḍika evaitatprāyaścittaṃ jānātīti teṣāmuttarapradānam, uktaprāyaścittaṃ jñātuṃ keśirājasya khaṇḍikaṃ prati gatvā prāyaścittaṃ yadi bravīṣi tarhi yajñaṃ samāpsyāmīti prārthanākaraṇam , etasmai rājñe prāyaścittamupadeṣṭavyaṃ na veti sandihānasya khaṇḍikasya svairvicārakaiḥ saha maṃtrakaraṇapradarśanaṃ,-tatra tairāptairhe bhagavannasmai vidyāṃ mā voca iti pratyākhyāte'pi balavattarakāraṇapuraḥsaraṃ vakṣyāmītyevaṃ khaṇḍikasya niścayakaraṇapradarśanaṃ, tataḥ khaṇḍikaḥ spṛtihomākhyaṃ saprakārakaṃ prāyaścittamuvācetyabhidhānaṃ, vihite prāyaścitte spṛtisaṃjñakānāṃ pañcānāṃ mantrāṇāṃ viniyojanaṃ, spṛtīrhutvā'nyāmājateti vacanapradarśanaṃ cetyādi.