Shatapatha Brahmana · Chapter 11.7

brāhmaṇaṃ

१ paśubandhayāga: - tatra darśapūrṇamāsavannityaṃ pratisaṃvatsaraṃ yaṣṭavyasyapaśuyāgasya vidhānam, uktapaśuyāgasya sābhiprāyaṃ paśuphalasādhanatvamabhidhāya darśapūrṇamāsavannityatvaṃ pratipādayitumakaraṇe pratyavāyajanakatvasya pratipādanam, evaṃ doṣamupanyasya paśubandhasya tatparihārahetutvābhidhānam, asya paśubandhayāgasyāyurhetutvamamidhātumātmaniṣkrayaṇasādhanatvasya sopapattikaṃ nirūpaṇaṃ ceti /
brāhmaṇaṃ

२-paśubandhasyeṣṭisavavidhatvena dvaividhyābhidhāyakaṃ brāhmaṇam - tatra prathamaṃ paśu / bandhasyeṣṭividhatvaṃ savavidhatvaṃ ceti dvaividhyaṃ pradarśya kramāttayoḥ svarūpavarṇanaṃ, tatra savavidhatvasyaiva mīmāṃsāpūrvakaṃ siddhāntatayā pratiṣṭhāpanam , tathā'tra savanatrayamupapādya tadupajīvanena dakṣiṇākālaṃ vidhātuṃ śāgvāntarīyaṃ dakṣiṇākālamanūdya ca tasya pratyākhyānam, tataḥ svamatena dakṣiṇākālaṃ vidhāya saprakārakaṃ dakṣiṇādānavidhānam, ṣaḍḍhotṛhomasya vidhitsayā tasya dīkṣārūpatāṃ sampādayituṃ praśnamudbhāvya taduttaratvena ṣaḍḍhotṛsaṃjñakā ekā''jyāhutiḥ pañca vā''jyāhutayo hotavyā iti vidhāya tatra mantrasya viniyojanam , kaḥ punaravabhṛtha ityāśaṅkya tatsamādhānakathanam, nirūḍhapaśubandharūpapālāśayūpasya - prakṛtibhūtapalāśadravyavṛkṣasya vidhitsayopodghātakathanam, tatra paśubandhasya visomatvaṃ sasomatvaṃ ceti prāguktaṃ pakṣadvayamanūdya tatrāntime pakṣe palāśavṛkṣasyaiva yūpaṃ kurvītetyabhidhānam ,
uktapakṣasya nigamanaṃ cetyādi /
brāhmaṇaṃ

३-itthaṃ yūpasya pālāśatvaṃ pratipādya tatrāpi bahusārasya paśuvirodhitvamalpasārasya paśusamṛddhikaraṇatvaṃ cetyarthasya pradarśanam, itthamalpasārasya yūpārhatāmuktvā tasyaiva sanniveśamupajīvya doṣapradarśanam , uktayūpavṛkṣe apanatyupanatyoḥ krameṇānnavirodhitvasyānnasamṛddhikaratvasya ca pradarśanaṃ ceti /
brāhmaṇaṃ

४ / itthaṃ yūpārhaṃ vṛkṣaṃ tatsvarūpaṃ cābhidhāyedānīṃ yūpasya tattatphalābhidhānapuraḥsaraṃ vikalpena ekadvitricaturaratnyātmakapramāṇavidhānam, ito'dhikāratnipramāṇaviśeṣasya somayāgaviṣayatvapratipādanaṃ, tata ājyabhāgayoravaśyakartavyatāyāḥ sadṛṣṭāntaṃ nirūpaṇaṃ, paśvavayavapākaviṣaye kasyacidviśeṣasya pratipādanam, vapāvadānasya pañcāvattatvaprakārasampādanadvārā pṛthivyādilokatrayātmanā'gnyādityātmanā ca praśaṃsanaṃ, ceti /