Scripture Library
Sarvatathāgatatattvasaṃgraha · Chapter 62
62.1
tatraitānyupamudrāhṛdayāni bhavanti //
kāmaya vajra //
cchindaya vajra //
bhrāmaya vajra //
brūhi vajra //
vajrakrodhāṅgulī samyaguttānamukhasandhitā /
parivartya tathoṣṇīṣe tarjanī mukhasaṃsthitā
62.2
vajrakarmaprayogeṇa sarvakāryāgramaṇḍalaṃ /
darśayan nṛtyavidhinā hṛdaye pratiśāmayet
62.3
tathaiva nṛtyavidhinā vajrarakṣāṃ tu bandhayet /
vajradaṃṣṭre samādhāya vajramuṣṭyā tu pīḍayet
62.4
anena pūjāvidhinā sarvakarmakṣamo bhavet /
kṛtvā caturvidhāṃ pūjāṃ mudrāṃ muñced yathāvidhir // iti
Original text: Sarvatathāgatatattvasaṃgraha · Edition: Lokesh Chandra: Sarva Tathāgata Tattva Saṅgraha. Delhi : Motilal Banarsidas, 1987. · Data entry Udip Shakya Anula Shakya · GRETIL (Göttingen) · CC BY-NC-SA 4.0