Scripture Library
Sarvatathāgatatattvasaṃgraha · Chapter 35
35.1
tatraitāni bhavanti /
praṇamāmi //
anumode //
buddhapūja //
pariṇāma //
tato dharmapūjāmudrājñānaṃ śikṣayet /
prakṛtiprabhāsvarā dharmā hyādiśuddhāḥ svabhāvataḥ /
pūjito 'nena dharmeṇa labhed ratisukhāni tu
35.2
a-kārastu mukhaṃ vācyaṃ sarvadharmasamuccaye /
anayā dharmamudrayā sarvaduḥkhāṃśchinatti saḥ
35.3
sarveṣāmeva dharmāṇāṃ heturatra tathāgataḥ /
saddharmacakrapūjayā pūjya dharmadharo bhavet
35.4
pratiśrutkopamānuktvā sarvadharmā svabhāvataḥ /
anayā dharmapūjayā saṃpūjya svaratāṃ labhet
Original text: Sarvatathāgatatattvasaṃgraha · Edition: Lokesh Chandra: Sarva Tathāgata Tattva Saṅgraha. Delhi : Motilal Banarsidas, 1987. · Data entry Udip Shakya Anula Shakya · GRETIL (Göttingen) · CC BY-NC-SA 4.0