Scripture Library
Sarvatathāgatatattvasaṃgraha · Chapter 29
29.1
tatraitāni hṛdayā[ni bhavanti] /
mahāmaitryā sphara //
mahākaruṇayā sphara //
sarvaśuddha pramoda sphara //
sarvasatvān saṃbodhaya //
tataḥ sarvatathāgatānusmṛtijñānaṃ śikṣayet /
ākāśe vānyadeśe vā sūkṣmavajraprayogataḥ /
utthito vā niṣaṇṇo vā vajrabimbaṃ tu bhāvayet
29.2
tathaiva sarvasthāneṣu sukṣmavajraprayogataḥ /
hṛdvajraṃ bodhisatvaṃ tu bhāvayetsusamāhitaḥ
29.3
vajrapāṇimahābimbaṃ sarvasthāneṣu bhāvayet /
sūkṣmavajraprayogeṇa yathāvadanupūrvaśaḥ
29.4
sarvākāravaropetaṃ buddhabimbaṃ tu sarvataḥ /
yathāvadanupūrveṇa bhāvayetsusamāhita // iti
Original text: Sarvatathāgatatattvasaṃgraha · Edition: Lokesh Chandra: Sarva Tathāgata Tattva Saṅgraha. Delhi : Motilal Banarsidas, 1987. · Data entry Udip Shakya Anula Shakya · GRETIL (Göttingen) · CC BY-NC-SA 4.0