Sarvatathāgatatattvasaṃgraha · Chapter 173
Initiation into the mandala
athātra karmamaṇḍale yathāvadvidhivistaraṃ kṛtvā praveśyaivaṃ vadet / "na tvayā kasyacidayaṃ vaktavyaḥ / mā te karmāvaraṇadhiṣṭhitasyaiva maraṇaṃ bhaved" iti, uktvā, maṇikarmajñānāni śikṣayet /
Mudra
vajragarbhamahāmudrāṃ badhvā tu samāhitaḥ /
pūjayaṃ sarvapūjābhiḥ sarvabuddhān vaśannayet
badhvā caikatarāmmudrāṃ samayagrīṃ samādhinā /
pūjayaṃ sarvabuddhāṃ hi svabhiṣekāṃ sa lapsyati
vajragarbhasamādhiṃ tu bhāvayaṃ susamāhitaḥ /
pūjayaṃ sarvabuddhāṃstu nāśayejjagaduttamaṃ
badhvā karmamayīṃ mudrāṃ vajragarbhasamādhinā /
pūjayaṃ sarvabuddhāṃstu savārthāṃ labhate kṣaṇād // iti //
Original text: Sarvatathāgatatattvasaṃgraha · Edition: Lokesh Chandra: Sarva Tathāgata Tattva Saṅgraha. Delhi : Motilal Banarsidas, 1987. · Data entry Udip Shakya Anula Shakya · GRETIL (Göttingen) · CC BY-NC-SA 4.0