Sarvatathāgatatattvasaṃgraha · Chapter 109

tatraiṣāṃ hṛdayāni bhavanti /
oṃ sarvajagadvaśitā jñānapadmāviśa aḥ //
oṃ jñānapadma tiṣṭhādṛśyaṃ kuru vaṃ //
oṃ samādhi viśvapadma tiṣṭha vaiśvarūpyaṃ darśaya bhagavan ḍhaḥ /
oṃ samādhi vajrapadma tiṣṭhottiṣṭha śīghraṃ hrīḥ //
lokeśvaraṃ samālikhya maṇḍalādiṣu sarvataḥ /
purastasya samākarṣet hayagrīvāgryamudrayā

lokeśvaraṃ samālikhya maṇḍalādiṣu tasya vai /
amoghapāśamudrayā vaśīkuryājjagatsa tu

lokeśvaraṃ samālikhya maṇḍalādiṣu sarvataḥ /
purastasya bandhanīyāt padmasphoṭāgramudrayā

lokeśvaraṃ samālikhya maṇḍalādiṣu tasya vai /
purataḥ padmaghaṇṭayā sarvāveśanamuttamam // iti