Saravali · Chapter p1

//śrīgaṇeśāya namaḥ//
śrīmatkalyāṇavarmasūriviracitā sārāvalī
prathamo'dhyāyaḥ
(śāstrāvatāraḥ)
maṅgalācaraṇam
yasyodaye jagadidaṃ pratibodhameti madhyasthite prasarati prakṛtikriyāsu/
astaṃ gate svapiti cocchavasitaikamātraṃ bhāvatraye sa jayati prakaṭaprabhāvaḥ

vistarakṛtāni munibhiḥ parihṛtya purātanāni śāstrāṇi/
horātantraṃ racitaṃ varāhamihireṇa saṃkṣepāt

rāśidaśavargabhūpatiyogāyudāryato daśādīnām/
viṣayavibhāgaṃ spaṣṭaṃ kartuṃ na tu śakyate yatastena

ata eva vistarebhyo yavananarendrādiracitaśāstrebhyaḥ/
sakalamasāraṃ tyaktvā tebhyaḥ sāraṃ samuddhriyate

devagrāmapuraproṣaṇabalādbrahmāṇḍasatpañjare
kīrtirhasavilāsinīva sahasā yasyeha bhātyātatā/
śrīmadvyāghrapadīśvaro racayati spaṣṭāṃ sa sārāvalīṃ
horāśāstravinirmalīkṛtamanāḥ kalyāṇavarmā kṛtī

horātṛṣṇārtānāṃ śiṣyāṇāṃ sphuṭatarārthaśiśirajalā/
kalyāṇavarmaśailānnadīva sārāvalī prasṛtā

iti kalyāṇavarmaviracitāyāṃ sārāvalyāṃ śāstrāvatāro nāma prathamo'dhyāyaḥ
dvitīyo'dhyāyaḥ
(horāśabdārthacintā)
vidhātrā likhitā yā'sau lalāṭe'kṣaramālikā/
daivajñātāṃ paṭhedvyaktaṃ horānirmalacakṣuṣā

(ho.ra. 1 a. 25 ślo.)ādyantavarṇalopāddhorāśāstraṃ bhavatyahorātram(tyahorātram)/
tatpratibaddhaścāyaṃ grahabhagaṇaścintyate yasmāt(draṣṭavya vṛhatpārāśara)

karmaphalalābhahetuṃ caturāḥ saṃvarṇayantyanye/
horeti śāstrasaṃjñā lagnasya tathārdharāśeśca(dra.vṛ. jā. 2/9)

jātakamiti prasiddhaṃ yalloke tadiha kīrtyate horā/
athavā daivavimarśanaparyāyaḥ khalvayaṃ śabdaḥ

(ho.ra. 1 a. pṛ. 7)arthārjane sahāyaḥ puruṣāṇāmāpadarṇave potaḥ/
yātrāsamaye mantrī jātakamapahāya nāstyaparaḥ

iti kalyāṇavarmaviracitāyāṃ sārāvalyāṃ horāśabdārtha horāśāstracintā nāma dvikatīyo'dhyāyaḥ
tṛtīyo'dhyāyaḥ
(horāśabdārthacintā)
udito bhagavān bhānuḥ prakāśayan svaprakāśena

vyasṛjajjagatsamastaṃ graharkṣasaṃghātakalpitāvagatam(vayavam)/
(grahabhavanādyaiḥ, grahadaśabhedai)dvādaśabhedaiścitraḥ kālaḥ saṃprastutastasmāt

meṣavṛṣamithunakarkaṭasiṃhāḥ kanyā tulātha(tulā'layaścaiva) vṛścikakaḥ/
dhanvī makaraḥ kumbho mīnastviti rāśināmāni(ho.ra. 1 a. 14 pṛ.)

(dra. vṛ. jā.)kumbhaḥ kumbhadharo naro'tha mithunaṃ vīṇāgadābhṛnnarau
mīno mīnayugaṃ dhanuśca sadhanuḥ paścāccharīro hayaḥ/
eṇāsyo makaraḥ pradīpasahitā kanyā ca nausaṃsthitā
śeṣo rāśigaṇaḥ svanāmasadṛśo dhatte tulābhṛttulām

śīrṣāsyabāhuhṛdayaṃ jaṭharaṃ kaṭibastimehanoruyugam/
(jānuka)jānū jaṃghe caraṇau kālasyāṅgāni rāśayo'jādyāḥ

(ho.ra. 1a .16 pṛ. laghujātaka 1/5)kālanarasyāvayavānpuruṣāṇāṃ kalpayetprasavakāle/
sadasadgrahasaṃyogātpuṣṭānsopadravāṃścāpi

(ho.ra.1 a. 27 pṛ.)meṣādīnāṃ kriyatāvurujutumakulīraleyapāthonāḥ(pātheyāḥ)/
saṃjñāstu jūkakaurpikataukṣākokerahṛdayarogāntyāḥ

ṛkṣaṃ bhavananāmāni rāśiḥ kṣetraṃ bhameva vā/
uktāni pūrvamunibhistulyārthapratipattaye

dvādaśamaṇḍalabhagaṇaṃ(bhagaṇaeḥ) tasyārdhe siṃhato ravirnāthaḥ/
karkaṭakātpratilomaṃ śaśī tathānye'pi tatsthānāt

bhānorardhe vihagaiḥ śūrāstejasvinaśca sāhasikāḥ/
śaśino mṛdavaḥ saumyāḥ saubhāgyayutāḥ prajāyante

(ho.ra. 1 a. pṛ. 31)kujabhṛgubudhenduraviśaśisutasitarudhirāryamandaśanijīvāḥ/
gṛhapā navabhāgānāmajamṛga(tulakarkaṭāścādyāḥ) ghaṭakarkaṭādyāśca

bhavanādhipaiḥ samastaṃ jātakavihitaṃ vicintayenmatimān/
ebhirvinā na śakyaṃ padamapi gantuṃ mahāśāstre

(dra.vṛ. jā. 1/14)vargottamā navāṃśāstathādimadhyāntagāścarādyeṣu/
sūtau kulamukhyakārā dvādaśabhāgāḥ svarāṃśyādyāḥ

svarkṣasutanavamabheśā dreṣkāṇānāṃ kramācca horāṇām/
ravicandrāvinduravī viṣamasameṣvardharāśīnām

(ho.ra. 1 a 35 pṛ.)śarapañcāṣṭamunīndriyabhāgāstriṃśāṃśakāstu viṣameṣu/
yugmeṣūtkramagaṇyāḥ kujārkijīvajñaśukrāṇām

(ho. ra. 1 a. 39 pṛ.)meṣālimithunamṛgaharimīnatulāvṛṣabhacāpadharakarkī/
ghaṭadharakanyāpūrvāḥ saptāṃśānāṃ bhavantīśāḥ

ṣaṣṭirhorātriṃśaccūḍapadānāṃ dvisaptatisametā/
liptānāmaṣṭādaśaśatāni parivartanaiḥ svagṛhāt

lagnādīnāṃ liptā jñeyāḥ svagṛhādivargasaṃguṇitāḥ/
aṣṭādaśaśatabhaktāllabdhaḥ syādīpsito vargaḥ

eteṣāṃ guṇadoṣān vistarato naṣṭajātaka vakṣye/
ebhiḥ spaṣṭataraṃ tatpratyakṣaparīkṣaṇaṃ yasmāt

ajāditaḥ krūraśubhau pumāṃstrī caraḥ sthiro miśratanuśca dṛṣṭāḥ/
kulīramīnāligṛhāntasandhiṃ vadanti gaṇḍāntamiti prasiddham

jāto na jīvati naro māturapathyo bhavetsvakulahantā/
yadi jīvati gaṇḍānte bahugajaturago bhavedbhūpaḥ

aindrāndyaṃ parivartaistritayaṃ tritayaṃ tribhistu meṣādyaiḥ/
ebhirdikṣu nibaddhairyātrādi vikalpayetkārye(tkāryam)

narapaśuvṛścikajalajā yathākramaṃ prāgdigādigā balinaḥ/
niśi divase sandhyāyāṃ paśavaḥ puruṣo mṛgālikarkijhaṣāḥ

(dra.bṛ.jā. 1/10)naktaṃbalā mithunakarkimṛgājagośvādyuḥśreṣṭhakā haritulālighaṭāntyakanyāḥ/
pṛṣṭhodayāḥ samithunā mithunaṃ vihāya śeṣāḥ śirobhiyadantyubhayena mīnaḥ

(dra.bṛ. jā. 2/19)ātmīyanāthadṛṣṭaḥ sahitastenaiva tatpriyairvāpi/
śaśisutajīvābhyāmapi rāśirbalavānna ceccheṣaiḥ

tanvarthasahajabāndhavaputraristrīvināśapuṇyāni/
karmāyavyayabhāvā lagnādyā bhāvataścintyāḥ

(kalpasvavikrama ho. ra. 1 a. pṛ. 56)śaktidhanapauruṣagṛhapratibhāvraṇakāmadehavivarāṇi/
gurumānabhavavyayamiti kathitānyaparāṇi nāmāni

saṃjñā veśmāṣṭamayoścaturasraṃ vai tapaśca navamasya/
horāstadaśajalānāṃ catuṣṭayaṃ kaṇṭakaṃ kendram

nāmāni caturthasya tu sukhajalapātālabandhuhibukāni/
karmājñāmeṣūraṇagaganākhyaṃ kīrtyate daśamam

dharmasutayostrikoṇaṃ sutasya dhīstrikoṇamiti(matha) tapasaḥ/
dyūnaṃ jāyāstamayaṃ jāmitraṃ saptamasyākhyāḥ

ṣaṭkoṇaṃ ripubhavanaṃ tṛtīyamatha kīrtayanti duścikyam/
riḥphaṃ dvādaśabhavanaṃ (kuṭumbasaṃjñaṃ dvitīyamatha parataḥ)dvitīyasaṃjñaṃ kuṭumbaṃ ca

kendrātparaṃ paṇapharamāpoklimasaṃjñitaṃ tayoḥ parataḥ/
bālayuvasthaviratve krameṇa phaladā grahāsteṣu

ṣaḍdaśabhavaduścikyānyupacayasaṃjñāni kīrtyante/
svatanusukhasutāstatapaśchidravyayasaṃjñi(bhavanāni)tāni cānyāni

siṃhavṛṣameṣakanyāḥ kārmukabhṛttaulikumbhadharāḥ/
sūryādīnāmete trikoṇabhavanāni kathyante

sūryādīnāmuccāḥ kriyavṛṣamṛgayuvatikarkimīnatulāḥ/
svoccagṛhakathitabhāgā yathākrameṇaiva paramoccāḥ

digvahnyaṣṭāviṃśatitithibāṇatrighanaviṃśatayaḥ/
svoccātsaptamarāśirnīcaḥ syādaṃśakātparamam

(ho.ra.1a. 44 pṛ.)hrasvāstimigojaghaṭā mithunadhanuḥkarkimṛgamukhāśca samāḥ/
vṛścikakanyāmṛgapativaṇico dīrghāḥ samākhyātāḥ

ebhirlagnādhigataiḥ śīrṣaprabhṛtīni vai śarīrāṇi/
sadṛśāni vijāyante yutagaganajaraiśca tulyāni

(ho. ra. 1 a. 52 pṛ.)bhavanādhipadiṅnāma plava iti yavanaiḥ prayatnataḥ kathitaḥ/
tatpalavago vinihanyādacireṇa mahīpatiḥ śatrūn

(ho. ra. 1 a. 53 pṛ.)lohitasitaśukaharitāḥ pāṭalaparidhūmrapāṇḍucitrāśca/
kṛṣṇakanakābhapiṅgāḥ karburababhrutvajādivarṇāḥ syuḥ

hanti hareriha śatrūnindradhvajinīva devaripūn

iti kalyāṇavarmaviracitāyāṃ sārāvalyāṃ horārāśibhedo nāma tṛtīyo'dhyāyaḥ
caturtho'dhyāyaḥ
(grahayonibhedaḥ)
ātmā raviḥ śītakarastu cetaḥ sattvaṃ dharājaḥ śaśijo'tha vāṇī/
jñānaṃ sukhaṃ(vavegururmadaśca śukraḥ) śukragurū madaśca rāhuḥ śaniḥ kālanarasya duḥkham

ātmādayo gaganagairvalibhirbalavattarā/
durbalairdurbalāste tu viparītaṃ śaneḥ phalam(smṛttam)

yathā yathā lagnagṛhāśrayāṇāṃ samudgamo'bhūrittrivikalpanānām(bhūrivikalpanānām)/
tathā tathā śailanagāṣṭasaṃkhyāḥ(śailanavāṣṭa) krameṇa kālāvayavāḥ prasūtau(prasūtāḥ)

lagnāttatkṣaṇamuditaṃ (bāmamaṅgam)bāmāṅgamathābalam/
savyārdhāditaraṃ tasya(rattasya) nodgataṃ sabalaṃ(suphalaṃ) ca tat

mūrdhālocanakarṇagandhavahanaṃ (gaṇḍa)gaṇḍau hanuścānanaṃ
grīvāskandhabhujaṃ tu pārśvahṛdayakroḍāśca nābhiḥ punaḥ/
bastirliṅgagude ca muṣkayugalaṃ corudvayaṃ jānunī/
jaṅghe pādayugaṃ vilagnabhavanātpārśvadvaye kalpitāḥ

pāpā vraṇaṃ lāñchanameṣu(meṣa) saumyāḥ svāṃśe svarāśāvathavā sthiteṣu/
kurvanti janmotthitameṣu cihnameṣu(meṣya) grahāstadviparītasaṃsthāḥ

rājā raviḥ śaśadharaśca(rastu) budhaḥ kumāraḥ senāpatiḥ kṣitisutaḥ sacivau sitejyau/
bhṛtyastayośca ravijaḥ sabalā narāṇāṃ kurvanti janmasamaye nijameva sattvam(rūpam)

(dra.bṛ. pārā. 3/14, bṛ.jā. 2/1, jā. pā. 2/2)bhānuḥ śukraḥ kṣamāputraḥ saiṃhikeyaḥ śaniḥ śaśī/
saumyastridaśamantrī ca prācyādidigadhīśvarāḥ

gurubudhaśukrāḥ saumyā saurikujārkāstu nigaditāḥ(nisargataḥ) pāpāḥ/
śaśijo'śubhasaṃyuktaḥ kṣīṇaśca niśākaraḥ (ho.ra. 1 a. 65 pṛ.)pāpaḥ

helirbhānuḥ śaśī candraḥ (krūradṛk)krūrākṣaḥ kṣitinandanaḥ/
āro raktastathā vakro hemno vid jño'tha bodhanaḥ

īḍyejyāvaṅgirā jīvo hyāsphujicca sito bhṛguḥ/
mandaḥ koṇo yamaḥ kṛṣṇo vidyādanyāni lokataḥ

tāmrasitāruṇaharitakapotavicitrāsitā inādīnām/
(ho.ra. 1 a. 64 pṛ.)pāvakajalaguhakeśavaśakraśacīvedhasaḥ patayaḥ

arkādigrahadaivatamaṃtraiḥ saṃpūjya tāmāśām/
kanakagajavāhanādīnprāpnoti gato'ritaḥ śīghram

strīṇāṃ candrasitau napuṃsakapatī somātmajārkātmajau
puṃsāṃ jīvadivākarakṣitisutā viprasya śukro'ṅgirā/
rājñāṃ sūryakujau viśāṃ śaśadharo miśrasya mando budhaḥ
śūdrāṇāṃ śikhibhūkhatoyamarutāṃ bhaumādayaḥ kīrtitāḥ

kaṭulavaṇatiktamiśritamadhurāmlakaṣāyarasaviśeṣāṇām/
(suragrahakāgni ho. ra.1a. 75 pṛ.)suratoyāgnivihārarthaśayanapāṃsūtkarāṇāṃ ca

vastrāṇāṃ sthūlāhataśikhijalahatamadhyadṛḍhasujīrṇānām/
tāmramaṇi hemamiśritarūpyakamuktāyasāṃ vā'pi

(ho.ra. 1 a. 67 pṛ.)ayanakṣaṇadivasartukamāsatadardhaśaradāṃ dineśādyāḥ/
śiśirādīnāmīśāḥ śanisitabhaumendubu(candrasutaḥ)dhajīvāḥ

lagnādhipatestulyaḥ kālo lagnoditāṃśakasamākhyaḥ/
vaktavyo ripuvijayo garbheṣu ca kāryasaṃyoge

(ho.ra. 1 a. 67 pṛ.)ṛgvedādhipatirjīvo yadurvedapatiḥ sitaḥ/
sāmavedādhipo vakraḥ śaśijo'tharvavedarāṭ

surapūjyaḥ śaśiśukrau di nakarabhaumau budhārkajau nāthāḥ/
vibudhamanuṣyapitṝṇāṃ tiryaṅnarakādhivāsānām

svalpākuñcitamūrdhajaḥ paṭumatirmukhyasvarūpasvano
nātyucco madhupiṅgacārunayanaḥ śūraḥ pracaṇḍaḥ sthiraḥ/
raktaśyāmatanurnigūḍhacaraṇaḥ pittāsthisāro mahān
gambhīraścaturastrakaḥ pṛthukaraḥ kausumbhavāsā raviḥ

saumyaḥ kāntavilocano madhuravāggauraḥ kṛśāṅgo yuvā
prāṃśu sūkṣmanikuñcitāyitakacaḥ prājño mṛduḥ sāttvikaḥ/
cārurvātakaphātmakaḥ priyasakho raktaikasāro ghṛṇī
vṛddhastrīṣu rataścalo'tisubhagaḥ śubhrāmbaraścandramāḥ

hrasvaḥ piṅgalalocano dṛḍhavapurdīptāgnikāntiścalo
majjāvānaruṇāmbaraḥ paṭutaraḥ śūraśca niṣpannavāk/
hrasvākuñcitadīptakeśataruṇaḥ pittātmakastāmasa -
ścaṇḍaḥ sāhasiko'pi ghātakuśalaḥ saṃraktagauraḥ kujaḥ

raktāntāyatalocano madhuravāgdūrvādalaśyāmala-
stvaksāro'tirajodhikaḥ sphuṭavacāḥ sphītastridoṣātmakaḥ/
hṛṣṭo madhyamarūpavānsunipuṇo vṛttaḥ śirābhistataḥ
sarvasyāhukaroti veṣavacanaiḥ pālāśavāsā budhaḥ

īṣatpiṅgalalocanaśrutidharaḥ siṃhācchanādaḥ sthiraḥ
sattvāḍhyaḥ suviśuddhakāñcanavapuḥ pīnonnatorasthalaḥ/
hrasvo dharmarato vinītanipuṇo buddhotkaṭākṣaḥ kṣamī
syātpītāmbaradhṛkka(bhṛtka)phātmakatanurmedaḥ pradhāno guruḥ

cārurdīrghabhujaḥ pṛthūruvadanaḥ śukrādhikaḥ kāntimān
kṛṣṇākuñcitasūkṣma­­(lambitakaco)lambicikuro dūrvādalaśyāmalaḥ(durvāṅkuraśyāmalaḥ)/
kāmī vātakaphātma3ko'tisubhagaścitrāmbaro(dhiko) rājaso
līlāvānmatimānviśālanayana(lāmadehaḥ) sthūlāṃsadeśaḥ sitaḥ

piṅgo nimnavilocanaḥ kṛśatanurdīrghaḥ sirālo'lasaḥ
kṛṣṇāṅgaḥ pavanātmako'tipiśunaḥ snāyvatato nirghaṇaḥ/
mūrkha sthūlanakhadvijo'timalino rūkṣo'śucistāmaso
raudra krodhaparo jarāpariṇataḥ kṛṣṇāmbaro bhāskariḥ

mitrāṇi sūryādgurubhaumacandrāḥ sūryenduputrau ravicandrajīvāḥ/
bhānuḥ saśukraḥ śaśisūryabhaumā mandendujau śukrabudhau krameṇa

śukrārkajau candramaso na kaścitsaumyaḥ śaśī śukrabudhau ravīndū/
somārkavakrā ravitastvamitrā mitrāriśeṣo na suhṛnna śatruḥ

vyayāmbudhanakhāyeṣu tṛtīye suhṛdaḥ sthitāḥ/
tatkālaripavaḥ ṣaṣṭhasaptāṣṭaikatrikoṇagāḥ

(dra.bṛ. pārā. 3/57-58, bṛ.jā. 2/18. sa. ci. 1/89) hitasamaripusaṃjñā ye nisargānniruktā
hitatamahitamadhyāste'pi tatkālamitraiḥ/
ripusamasuhṛdākhyāḥ sūtikāle grahendrā
adhiripuripumadhyā śatrubhiścintanīyā

saṃpaśyati(savyaṃ saṃpaśyanti) sthānātsadā grahāścarāvṛddhitaḥ sarve/
tridaśatrikoṇacaturastrasaptamānāṃ phalaṃ krameṇaiva

pūrṇaṃ paśyati ravijastṛtīyadaśamaṃ trikoṇamapi jīvaḥ/
caturastraṃ bhūmisuto dyūnaṃ ca sitārkaśaśibudhāḥ kramaśaḥ

(ho.ra.1 a. 88 pṛ.)diksthānakālacoṣṭākṛtaṃ balaṃ sarvanirṇayavidhāne/
vakṣye catuḥ prakāraṃ grahastu rikto bhavedabalaḥ

lagne jīvabudhau divākarakujau vyomni smare bhāskari –
rbandhāvindusitau diśākṛtamidaṃ svocce svakoṇa svabhe/
mitrasvāṃśakasaṃsthitaḥ śubhaphalairdṛṣṭo balīyāngrahaḥ
strīkṣetre śaśibhārgavau naragṛhe śeṣā bale sthānaje

(dra.bṛ. pā. 3/36, bṛ.jā 2/21)jīvārkāsphujito'hni vicca satataṃ mandendubhaumā niśi
horāmāsadinābdapāśca balinaḥ saumyāḥ site'nye'site/
saṃgrāme jayino vilomagatayaḥ saṃpūrṇagāvo grahāḥ
sūryendū punaruttareṇa balinau satyoktaceṣṭābale

uttaramayanaṃ prāptāḥ śukrakujārkendramantriṇo balinaḥ/
yāmyaṃ śaśiraviputrau dvaye'pi śaśijaḥ svavargasthaḥ

(yustrī)puṃstrīnapuṃsakākhyāḥ kṣetreṣvādyantamadhyasaṃprāptāḥ/
sūryānnirgatya sadā navoditā yavanarājamatam

prāgrātribhāge'tibalaḥ śaśāṅkaḥ śukro niśārdhe'vanijo niśānte/
prātarbudho madhyadine ca sūryaḥ sarvatra jīvo'rkasuto dinānte

kṛṣṇārabudhagurusitāḥ śaśisūryāvuttarottaraṃ balinaḥ/
(sādhāraṇa)svābhāvikabalametadbalasāmye cintayetprājñaḥ

(41, 42 saṅkhyaka śloka saṃskṛta vi.vi. sarasvatī bhavana kī mātṛkā saṃ. 36477 me adhika vidyāmāna haiṃ/) dik-sthāna-ceṣṭā-kṣaṇa-vakra dṛṣṭi svābhāvikaṃ saptavidhaṃ balaṃ syāt/
tatsvaprakāreṇa balaṃ dadāti rikto hi śūnyo'lpabalo'lpavīryaḥ

krūrāhataḥ śatrujito gataśca nīce'ribhāṃśeṣvapi duṣṭaceṣṭaḥ/
ṣaṣṭhāṣṭame riṣphagate'ṇurūkṣo vinā'dhikāropyaphalo grahendraḥ

iti kalyāṇavarmaviracitāyāṃ sārāvalyāṃ grahayonibhedo nāma caturtho'dhyāyaḥ/
pañcamo'dhyāyaḥ
(miśrakādhyāyaḥ)
rāśiprabhedasaṃjñaḥ kathito grahayonibhittiradhyāyaḥ/
sarvavyāpakamadhunā kathayiṣye miśrakaṃ(tipīḍito) nāma

dīptaḥ svastho muditaḥ śāntaḥ śakto nipīḍito(tapra'pīḍitaḥ) bhītaḥ/
vikalaḥ khalaśca kathito navaprakāro graho hariṇā

(dra. bṛhatpārāśara 45/8-9)svocce bhavati ca dīptaḥ svasthaḥ svagṛhe suhṛdgṛhe muditaḥ/
śāntaḥ śubhavargasthaḥ śaktaḥ sphuṭakiraṇajālaśca

vikalo raviluptakaro grahābhibhūto nipīḍitaścaivam/
pāpagaṇasthaśca khalo nīce bhītaḥ samākhyātaḥ

dīpte vicarati puruṣaḥ pratāpaviṣamāgnidagdharipuvargaḥ(nicayaḥ)/
lakṣmyāliṅgitadeho gajamadasaṃsiktabhūpṛṣṭhaḥ

svasthaḥ karoti janmani ratnāni sukhāni kanakaparivārān/
nṛpaterdaṇḍapatitvaṃ gṛhadhānyakuṭumbaparivṛddhim

mudite vilasati mudito vilāsinīkanakaratnaparipūrṇaḥ‍
vijitasakalāripakṣaḥ samastasukhabhāṅ naro(janaḥkhyātaḥ) bhavati

śānte praśāntacittaḥ sukhadhanabhāgī mahīpateḥ sacivaḥ/
vi dvānparopakārī dharmaparo jāyate puruṣaḥ(subhagāḥ)

strīvastramālyagandhairvilasati puruṣaḥ sadā vitatakīrtiḥ/
dayitaḥ sarvajanasya śaktākhye bhavati vikhyātaḥ

duḥkhairvyādhibhiraribhiḥ prapīḍyate(pīḍite sadā puruṣa) pīḍitākhye tu/
deśāddeśaṃ vicarati bandhuviyogābhisaṃtaptaḥ

bahusādhano'pi rājā pradhvastabalaḥ prapīḍito ripuṇā/
nāśamupayāti vijito bhīte dainyaṃ paraṃ prāptaḥ

svasthānaparibhraṣṭaḥ kliṣṭo malinaḥ prayāti paradeśam/
vidhvastabalo(ghanī) vikale ripubalasaṃcakitacittaśca

strībharaṇa(haraṇa)duḥkhataptaḥ samastadhananāśakaluṣitamanaskaḥ/
na jahāti śokabhāraṃ kathamapi khalasaṃjñite puruṣaḥ

uccarāśau vilome ca phalaṃ(balaṃ) nānyairiheṣyate(hariṣyate)/
kālasyati bahutvācca tasmātsvocce'tivakrite

svoccāśritāḥ śreṣṭhabalā bhavanti mūlatrikoṇe svagṛhe ca madhyāḥ/
iṣṭekṣitā mitragṛhāśritā vā vīryaṃ kanīyaḥ samupodvahanti

śuklapratipaddaśake madhyabalaḥ kīrtyate yavanavṛddhaiḥ/
śreṣṭho dvitīyadaśake svalpabalaścandramāstṛtīye ca

āhitakalāsamūhaḥ prasannanijamaṇḍalaḥ suparipūrṇaḥ/
apratihatamiha kurute bhūpatibalamuḍugaṇādhipatiḥ

candrādhyāsitarāśernātho lagnādhipo'pi(thavā) vā yasya/
kendre suragurumaṃtrī(suramantrī vā) vayaso sukhaṃ tasya

rāśestadīśvarasya ca balena parikalpyamṛkṣabhedaphalam/
yugapatphalopalabdheravadhṛtirekasya kartavyā

horāgrahabalasāmye nisargajaṃ cintanīyamācāryaiḥ/
(dhipena tu)lagnādhipatestulyaṃ balamiha cūḍāmaṇirvadati

uccabalaṃ kanyāṇāṃ budhasya tuṅgāṃśakaiḥ sadā cintyam/
paratastrikoṇajātaṃ pañcabhiraṃśaiḥ svarāśijaṃ parataḥ

uccaṃ bhāgatritayaṃ vṛṣa indośca trikoṇamapareṃ'śāḥ/
dvādaśabhāgā meṣe trikoṇamapare svabhaṃ tu bhaumasya

daśabhāgā ījyasya ca trikoṇamapare svabhaṃ cāpe/
śukrasya tu trikoṇaṃ pañcabhirapare svabhaṃ jūke

viṃśatiraṃśāḥ siṃhe trikoṇamapare svabhavanamarkasya/
(ho.ra. 1 a. pa. 49)kumbhe trikoṇanijabhe ravijasya tathā raveḥ siṃhe

(dra. bṛ. pā. 3/54-55 tathā jā. pā. 1/54)svoccasthitaḥ śubhaphalaṃ prakaroti pūrṇaṃ
nīcarkṣaṃgastu viphalaṃ ripumandire'lpam/
pādaṃ śubhasya hitabhe svagṛhe tadardhaṃ
pādatrayaṃ gaganagaḥ sthitavāṃstrikoṇe

nīcarkṣagaḥ sakalameva karoti pāpaṃ
nyūnaṃ ca kiṃcidaribhe viphalaṃ svatuṅge/
pādatrayaṃ hitagṛhe vihago'śubhasya
svarkṣe dalaṃ ca caraṇaṃ sthitavāṃstrikoṇe

autpātikāḥ savitṛluptakarā virūkṣā
nīcaṃ gatā ripugṛhaṃ ca nabhaścarendrāḥ/
yuddhe jitāḥ śubhaphalāni vināśayanti
pāpāni jñāni sutarāṃ parivardhayanti

(ho.ra. 4 a. 58 pṛ.)uccabalena sametaḥ parāṃ vibhūtiṃ grahaḥ prasādhayati/
puṃsāmatha sācivyaṃ trikoṇabalavān balapatitvam

svarkṣe balena sahitaḥ pramuditadhanadhānyasaṃpadākrāntam/
mitra balena ca yukto janayati kīrtyānvitaṃ puruṣam

tejasvinamati subhagaṃ susthiravibhavaṃ nṛpācca labdhadhanam/
nijahorābalayukto janayati vikrāntamiti cintyam

svadreṣkāṇabalenāhīno guṇabhājanaṃ grahaḥ kurute/
svanavāṃśakabalayuktaḥ karoti puruṣaṃ prasiddhaṃ ca

saptāṃśakabalasahitaḥ sāhasikaṃ vittakīrtyāḍhyam/
dvirasāṃśabalasametaḥ karmarataṃ paropakārakaṃ caiva

triṃśāṃśabalena yathā vikasatsaukhyaṃ guṇānvitaṃ kuryāt/
śubhadarśanaphala(bala)sahitaḥ puruṣaṃ kuryāddhanānvitaṃ khyātam/
subhagaṃ pradhānamakhilaṃ(mamalaṃ) surūpadehaṃ susaukhyaṃ ca

puṃstrībhavanabalena ca karoti janapūjitaṃ kalākuśalam/
puruṣaṃ prasannacittaṃ kalyaṃ paralokabhīruṃ ca

sthānabalena sametaḥ sthiti saukhyasuhṛcca bhāgāḍhyaḥ/
dhīro niścalacittaḥ svatantrakarmā bhavenmanujaḥ

āśābalasamupeto nayati svadiśaṃ nabhaścaraḥ puruṣam/
nītvā vastravibhūṣaṇavāhanasaukhyānvitaṃ kurute

āyanabalasamupeto dadyādvividhārthasaṅgamaṃ svadiśi

kvacidrājyaṃ kvacitpūjāṃ kvaciddravyaṃ kvacidyaśaḥ/
dadāti vihagaścitraṃ (spaṣṭavīryaṃ)ceṣṭāvīryasamanvitaḥ

vakriṇastu mahāvīryāḥ śubhā rājyapradā grahyaḥ/
pāpā vyasanināṃ(nyasanadaḥ) puṃsāṃ kurvanti ca (padāṭanaṃ)vṛthāṭanam

svasthaśarīrasamāgamasukarodbhavajayabalena vidadhāti/
śubhamakhilaṃ vihagendro rājyaṃ ca vinirjinārātim

rātridivābalapūrṇairbhūgajalābhena śauryaparivṛddhyā/
malinayati śatrupakṣaṃ bhajati ca lakṣmīṃ nabhaścaraiḥ puruṣaḥ

(dviguṇā)dviguṇaṃ dviguṇaṃ dadyurvarṣādhipāsadivasahoreśāḥ/
kramaparivṛddhyā saukhyaṃ svadaśāsu dhanaṃ ca kīrti ca

pakṣabalādripunāśaṃ ratnāmbarahastisaṃpadaṃ dadyuḥ/
strīkanakabhūmilābhānkīrtiṃ ca śaśāṅkakaradhavalām

sakalakara(balabhāra)bhārabhāritanirmalakarajālabhāsurāḥ satatam/
rājyaṃ grahāḥ pradadyuḥ saukhyaṃ ca manorathātītam(manorathādadhikaṃ)

(ho.ra. 1 a.pṛ.96)ācārasatyaśubhaśaucayutāḥ surūpā –
stejasvinaḥ kṛtivido dvijadevabhaktāḥ/
stragvastragandhajalabhūṣaṇasaṃpriyāśca
saumyagrahairbalayutaiḥ puruṣā bhavanti

lubdhāḥ kukarmaniratā nijakāryaniṣṭhāḥ
sādhudviṣaḥ sakalahāśca tamo'bhibhūtāḥ/
krūrāḥ sadā badharatā(vadhakarā) malināḥ kṛtaghnāḥ
pāpagrahairbalayutaiḥ piśunāḥ kurūpāḥ

svamitraśretrasaṃsthānāṃ grahāṇāṃ bālasaṃjñikā/
svatrikoṇagatānāṃ ca kumārī nāma saṃjñikā

grahāṇāṃ svoccasaṃsthānāṃ yuvarājabhidhā bhavet/
śatruśretragatānāṃ ta vṛddhā nām tatheritā

nīcagānāṃ grahāṇāṃ ca daśā maraṇasaṃjñitā/
tattatphalasamāyuktā grahāṇāṃ tu daśā bhavet

(bāle)bālaiḥ sukhī suśīlaśca(syāt) yauvanairavanīśvaraḥ(ne rajanī)/
(vṛddhe)vṛddhairvyādhirṛṇe vṛddhirmaraṇe maraṇaṃ vyayam

(puṃrāśiṣu grahendraḥ) puṃrāśigaiḥ śubhakhagairdhīrāḥ (saṃgrāmakākṣiṇo balibhiḥ) saṅgrāmarakṣiṇo balinaḥ/
niśceṣṭaiḥ sukaṭhorāḥ krūrā mūrkhāśca jāyante

yuvatibhavanasthiteṣu ca mṛdavaḥ saṅgrāmabhīrukāḥ puruṣāḥ/
jalakusumavastraniratāḥ saumyāḥ kalyāḥ svajanahṛṣṭāḥ

iti kalyāṇavarmaviracitāyāṃ sārāvalyāṃ miśrakādhyāyaḥ pañcamaḥ
ṣaṣṭho'dhyāyaḥ
(kārakādhyāyaḥ)
(dra. bṛ. pā. 32/26, bṛ. jā 22/1)svarkṣatrikoṇatuṅgasthā yadi kendreṣu saṃsthitāḥ/
anyonyaṃ kārakāste syuḥ kendreṣveva harermatam

ravitanayo jūkasthaḥ kulīralagne bṛhaspatihimāṃśū/
meṣe kujo raviyutaḥ (gavi sitaḥ) parasparaṃ kārakā ete

tuṅgasuhṛtsvagṛhāṃśe sthitā grahāḥ kārakāḥ samākhyātāḥ/
meṣūraṇe ca raviriti viśeṣato(vṛ.jā. 22/1. bṛ. pārā. 63/26) vakti cāṇakyaḥ

lagnasthāḥ sukhasaṃsthā daśamasthāścāpi kārakāḥ sarve/
ekādaśe'pi kecidvāñchanti na tanmataṃ munīndrāṇām

(ho. ra. 5 a. 701 pṛ.)nīcakule saṃbhūtaḥ kārakavihagaiḥ pradhānatāṃ yāti/
kṣitipativaṃśasamuttho bhavati narendro na sandehaḥ

kārakabhedo balavānmūlaṃ yogeṣu kīrtito hariṇā/
tasmātphalanirdeśaḥ kārakavedhāvibhirvāccaḥ

iti kalyāṇavarmaviracitāyāṃ sārāvalyāṃ kārakā'dhyāyaḥ ṣaṣṭhaḥ//
saptamo'dhyāyaḥ
(kārakādhyāyaḥ)
ravicandabhaumabudhajīvaśukrasaurā dinādipatayaśca(dinābdapatayastu)/
māse cāśvayujādau dineśvaro'bde dinapateśca

abdādhipāścaturthāḥ krameṇa ṣaṣṭhāstu kālahoreśāḥ/
dviṃrdvādaśahorāḥ syurdivasāstvarkādi kāstriṃśat

māsātriṃśadguṇitā gatairdinaiḥ saptabhājitā divasāḥ/
abdhādhipāḥ pragaṇyā gatairdinādyaiḥ prayatnatasyu syuḥ

ekastriṃśadbhāgairyuktaścaitrādīnāṃ grahādīnām/
kramaśo vijñātavyāṃ śuklapratipatprasaṃkhyāyām

yasya grahasya bhāvo yastasya gṛhe praśasyate karma/
tasmiṃścopacayasthe tasmiṃllagne gṛhe cāsya

yatkarmagrahadivase tadeva horābdamāsakāleṣu/
pādavivṛddhyā vā syatteṣāṃ kālasya saṃpākaḥ

vyālorṇakaśai(vyālotkarṇakaśaila)lasuvarṇaśastraviṣadahanabheṣajanṛpāśca/
mlecchābdhitārakāntārakāṣṭhamantraprabhuḥ sūryaḥ

kavi(apikusuma)kusumabhojyamaṇirajataśaṃkhalavaṇodakeṣu vastrāṇām/
bhūṣaṇanārīghṛtatilatailakanidrāprabhuścandraḥ

raktotpalatāmrasuvarṇarudhirapāradamanaḥ śilādyānām/
kṣitinṛpatipatanamūrcchāpaittikacoraprabhurbhaumaḥ

śrutilikhitaśilpavaidyakanaipuṇamantritvadūtahāsyānām/
khagayugmakhyātivanaspatisvarṇamayaprabhuḥ saumya

māṅgalyadharmapauṣṭikamahattvaśikṣāniyogapurarāṣṭram/
yānāsanaśayanasuvarṇadhānveśmaputrayo jīvaḥ

vajramaṇiratnabhūṣaṇavivāhagandheṣṭamālyayuvatīnām/
gomayanidānavidyānidhuvanarajataprabhuḥ śukraḥ

trapusīsakālalohakakudhānyamṛtabandhumandabhṛtakānām/
nīcastrīpaṇyakadāsadīnadīkṣāprabhuḥ sauriḥ

arkaḥ kaliṅgaviṣaye yavaneṣu ca candramāḥ/
śukraḥ samataṭe jātaḥ saindhaveṣu bṛhaspatiḥ

magadheṣu budho jātaḥ saurāṣṭreṣu śanaiścaraḥ/
aṅ‌gārakastūjjayinyāṃ rāhuḥ ketuśca drāviḍe

iti kalyāṇavarmaviracitāyāṃ sārāvalyāṃ kārakādhyāyaḥ saptamaḥ//
aṣṭamo'dhyāyaḥ
(ādhānādhyāyaḥ)
(ho.ra. a. 154 pṛ.)rāśyādiphalavibhāgaḥ kasya vidheyo vinā samutpatteḥ(samutpattim)/
ādhānamatho(mato) vakṣye kāraṇabhūtaṃ samastajantūnām

anupacayarāśisaṃsthe kumudākarabāndhave rudhiradṛṣṭe/
pratimāsaṃ yuvatīnāṃ bhavatīha rajo bruvantyeke

indurjalaṃ kujo'gnirjalamasṛgathavāgnireva pittaṃ syāt/
evaṃ rakte(kṣubhite) hīne pittena rajaḥ pravartate strīṣu

evaṃ yadbhavati rajo garbhasya nimittameva kathitaṃ(vihitaṃ) tat/
upacayasaṃsthe viphalaṃ(vipulaṃ) pratimāsaṃ darśanaṃ tasya

upacayabhavane śaśabhṛd dṛṣṭo guruṇā suhṛdbhirathavāsau/
puṃsāṃ karoti yogaṃ viśeṣataḥ śukrasaṃdṛṣṭaḥ

candre kujena dṛṣṭe puṣpavatī saha viṭena saṃyogam/
rājapuruṣeṇa raviṇā ravijenāpnoti bhṛtyena

ekaikena phalaṃ syāddṛṣṭe nānyaiḥ kujādibhiḥ pāpaiḥ/
sarvaiḥ svagṛhaṃ tyaktvā gacchati veśyāpadaṃ yuvatiḥ

dvipadādayo vilagnātsurataṃ kurvanti saptame yadvat/
tadvatstrīpuruṣāṇāṃ garbhādhāne samādeśyam

aste'śubhayutadṛṣṭe(dṛṣṭiyute) saroṣakalahaṃ bhavedgrāmyam/
saumyaṃ saumyaiḥ surataṃ vātsyānasaṃprayogikākhyātam

tatra śubhāśubhamiśraiḥ karmabhiradhivāsitā viṣayavṛttiḥ/
garbhāvāse nipatati saṃyoge śukraśoṇitayoḥ

upacayagau raviśukrau balinau puṃsaḥ (samāṃśasaṃprāptau)svamaṃśakaṃ prāptau/
yuvatervā kujacandrau yadā tadā garbhasaṃbhavo bhavati(dra. laghu jā 5/7)

(ho.ra.1a. 119 pṛ.)śukrārkabhaumaśaśibhiḥ svāṃśopacayasthitaiḥ sureḍye vā/
(dharmethavātmaje vā)dharmodayātmajasthe balavati garbhasya saṃbhavo bhavati//12/
mithunasya manobhāvo yādṛṅmadalālasaṃ bhavati/
śleṣmādibhiḥ svadoṣaistattulyaguṇo niṣiktaḥ syāt

(dra. laghujā. 5/11 tathā bṛ. jā.4/11)viṣame viṣamāṃśagatā horāśaśijīvabhāskarā balinaḥ/
kurvanti janma puṃsāṃ same(samā) samāṃśe tu(yuvatī narajanma) yuvatīnām

ojarkṣe gurusūryau balinau puṃsaḥ same sitendukujāḥ/
kanyānāṃ janmakarā garbhādhāne sthitā balinaḥ

(dra. bṛ. jā. 4/11)mithune cāpe'rkagurū budhadṛṣaṭau dārakadvayaṃ kurutaḥ/
strīyugmaṃ kanyāyāṃ sitaśaśibhaumā jhaṣe ca budhadṛṣṭāḥ

lagnaṃ muktvā viṣame śanaiścaraḥ (putra)puruṣajanmado bhavati/
yoge vihagasya balaṃ saṃvīkṣya vadennaraṃ striyaṃ vā'pi

(ho.ra. a. 132 pṛ.)anyonyaṃ ravicandrau viṣamarkṣagatau nirīkṣete/
indujaraviputrau vā dṛṣṭau balinau napuṃsakaṃ kurutaḥ

paśyati vakraḥ samabhe sūryaṃ candradayau(daye) ca viṣamarkṣe/
yadyevaṃ garbhasthaḥ klībo munibhiḥ samādiṣṭaḥ(stadā dṛṣṭaḥ)

ojasamarāśisaṃsthau jñendū ṣaṇḍhaṃ kujekṣitau kurutaḥ/
narabhe viṣamanavāṃśe horendubudhāḥ sitārkidṛṣṭā vā

lagne samarāśigate candre ca nirīkṣate balayutena(ho.ra. 1 a. 113 pṛ.)/
gaganasadā vaktavyaṃ mithunaṃ garbhasthitaṃ nityam(nūnam)

samarāśau śaśisitayorviṣame guruvakrasaumyalagneṣu/
dviśarīre vā baliṣu pravadet strīpuruṣamatraiva

dviśarīrāṃśakayuktān grahān vilagnaṃ(niyataṃ) ca paśyatīndusute/
mithunāṃśe kanyaikā dvau puruṣau tritayamevaṃ syāt

(ślokārdha punarukta hai)dviśarīrāṃśakayuktān grahān vilagnaṃ ca paśyatīndusuteḥ/
kanyāṃśe dve kanye puruṣaśca niṣicyate (garbheḥ)garbhe

(nṛbhithunadhanu)mithunedhanuraṃśagatān grahān vilagnaṃ ca paśyatīndusutaḥ/
mithunāṃśasthaśca yadā puruṣatritayaṃ tadā garbhe

kanyāmīnāṃ(gatān)śasthān vihagānudayaṃ ca yuvatibhāgavataḥ/
paśyati śiśiragutanayaḥ kanyātritayaṃ tadā garbhe(garbhaḥ)

(dra.bṛ. jā. 4/25)divase mātāpitarau śukraravī śaśiśanī niśāyāṃ ca/
mātṛbhaginīpitṛvyau viparyayāt kīrtitau yavanaiḥ(ho. ra. 1 a. 112 pṛ.)

lagnādviṣamarkṣagataḥ pituḥ pitṛvyasya khecaraḥ śastaḥ/
(jananībhaginyoḥ)mātṛbhaginījananyoḥ samagṛhago'nye tathā bheṣu

māseṣvādhānādiṣu garbhasya yathā krameṇa jāyante/
saptasu kalilāṇḍakaśākhāsthitvagromacetanatāḥ

māse'ṣṭame ca tṛṣṇā kṣudhā ca navame tathodvegaḥ/
daśame tvatha(tathātipūrṇaḥ) sampūrṇaḥ pakvamiva phalaṃ patati garbhaḥ

śukrārajīvaraviśaśisauribudhavilagnapoḍupādityāḥ/
māsapatayaḥ syuretairgarbhasya śubhāśubhaṃ cintyam

(dra.bṛ. jā. 5/9)utpātakrūrahate tasmāt svasyādhipe patati garbhaḥ/
lagnagṛhaṃ vā heturyogo'sau(yogeśo) garbhapatanasya

athavā niṣekakāle vilagnasaṃsthau yadā rudhiramandau/
tad gṛhagate'thavendau tadīkṣite vā patati garbhaḥ

horenduyutaiḥ saumyaistrikoṇajāyārthakhāmbusaṃrsthavau/
pāpaistrilābhayātaiḥ sukhī ca garbho nirīkṣite raviṇā

krūrāntaḥsthaḥ sūryaścandro vā yugapadeva maraṇāya/
saumyairadṛṣṭamūrtiyuvatīnāṃ garbhasahitānām

(dra. bṛ. jā. 4/6)udayāstagataiḥ pāpaiḥ saumyairanavekṣitaiśca maraṇaṃ syāt/
udayasthite'rkaje vā kṣīṇendau bhaumasaṃdṛṣṭe

vyayage'rke (ca śaśini kṛśe)śaśini kṛśe pātāle lohite sagarbhā strī/
mriyate tasminnathavā śukre pāpadvayāntaḥsthe

candracaturthaiḥ krūrairvilagnato vā vipadyate garbhaḥ/
horādyūne kṣitije mriyate garbhaḥ saha jananyā

hibukagate dharaṇisute riḥphagate'rke kṣapākare kṣīṇe/
(sahagarbhā strī)garbheṇa saha mriyate pāpagrahadarśanaṃ prāpte

(dra.bṛ.jā. 4/6-9)lagne ravisaṃyukte kṣīṇendau vā kuje'thavā mriyate/
vyayadhanasaṃsthaiḥ pāpaistathaiva saumyagrahādṛṣṭaiḥ

jāmitre (jāmitrage'rkadṛṣṭe)raviyukte lagnagate vā kuje niṣiktasya/
garbhasya bhavati maraṇaṃ śastracchedaiḥ saha jananyā

balibhirbudhaguruśukrairdṛṣṭe'rkeṇa ca vivardhate garbhaḥ/
māsādhipabalatulyaistaistaiḥ saṃyujyate bhāvaḥ

māsi tṛtīye strīṇāṃ dauhadakaṃ(dauhṛdako) jāyate tathā'vaśyam/
māsādhipasvabhāvairvilagnayogādibhiścānyat

niṣekakāle jararāśige'rke garbhaprasūtirdaśame(daśame'tha) māse/
ekādaśe ca sthirarāśisaṃsthe syāddvādaśe mātyubhayāśrite ca

garbhādhāne care rāśau daśamāsaiḥ prasūyate/
sthireṇaikādaśe māse ubhaye dvādaśe (savaḥ)bhavaḥ

garbhaprasavavidhānaṃ tātkālikalagnavargataścintyam(lagnavaccintyam)/
(ādhānajanmaṛkṣaṃ, ādhāne janmarkṣaṃ)ādhānājjanmarkṣaṃ daśamaṃ vāñchanti kecidāryāḥ

ādhānodayaśaśinoḥ saptamabhaṃ bādarāyaṇo brūte/
tasmānnaikānto'yaṃ sarveṣāṃ saṃmataṃ vakṣye

(dra.bṛ. jā. 5/21 tathā isī kī ṭīkā meṃ gārgi kā vacana)yasmin dvādaśabhāge garbhādhāne sthito niśānāthaḥ/
tattulyarkṣe prasavaṃ garbhasya samādiśetprājñaḥ

lagne śanaiścarāṃśe śanaiścare dyūnage yadi niṣekaḥ/
varṣatrayeṇa sūtirdvādaśabhiḥ syācchaśini caivam

(bṛ. jā. 4/32)tātkālikadivasaniśāsaṃjñaḥ samudeti rāśibhāgo yaḥ/
yāvānudayastāvān vācyo divasasya rātrervā

munibhāge divasaniśorjanmani lagnaṃ vadedyuktyā/
udayagaṇāt prasavaḥ syāddinapakṣamuhūrtamāsasaṃjñarkṣāt

ityādhāne prathamaṃ prasūtikālaṃ suniścitaṃ kṛtvā/
jātakavihitaṃ (ca tato)ca vidhiṃ vicintayettatra gaṇitajñaḥ

(ho.ra. 1 a. 138 pṛ.)syātāṃ yadyādhāne raviśaśinau siṃharāśigau lagne/
dṛṣṭau kujasauribhyāṃ jātyandhaḥ saṃbhavati tatra

(ho. ra. 1 a. 141 pṛ.)āgneyasaumyadṛṣṭau raviśaśinau budbudekṣaṇaṃ kurutaḥ/
nayanavināśo'pi yathā tathādhunā(bṛ.jā. 6/20) saṃpravakṣyāmi

vyayabhavanagataścandro vāmaṃ cakṣurvināśayati hīnaḥ/
sūryastathaiva cānya(savyaṃ)cchubhadṛṣṭau yāpyatāṃ nayataḥ

krūrairgṛhasandhigataiḥ śaśini vṛṣe bhaumasaurara(saṃdṛṣṭe)vidṛṣṭe/
(bṛ.jā. 4/17)mūkaḥ saumyairdṛṣṭe vācaṃ kālāntare vadati

(bṛ. jā. 4/18)krūreṣu rāśisandhiṣu śaśī na saumyairnirīkṣyate ca jaḍaḥ/
budhanavamabhāgasaṃsthau śanibhaumau yadi sadantaḥ syāt

saumye trikoṇasaṃsthe lagnāccheṣagrahairbalavihīnaiḥ/
dviguṇāsyapādahasto yoge'sminnāhito bhavati garbhaḥ

vāmanako makarāntye lagne ravicandrasauribhirdṛṣṭe/
śaśini vilagne karkiṇi (kujārka)kujārka‍i‍dṛṣṭe'thavā(tathā) kubjaḥ

mīnodaye ca dṛṣṭe (kujārkaśaśibhiḥ)kujārkiśaśibhiḥ pumān bhavati paṅguḥ/
yāpyā bhavanti yogāḥ saumyagrahavīkṣitāḥ sarve

bhaumayutā dreṣkāṇāstrikoṇalagneṣu saṃdṛṣṭāḥ/
vibhujāṅghrimastakaḥ syācchaniravicandrairvadedgarbhaḥ

(ityādhānavidhānaṃ)ityādhānavidhānaṃ prasūti samaye'pi yojayedyogyam/
ādhāne yannoktaṃ prasūtivihitaṃ tadapi cintyam

iti kalyāṇavarmaviracitāyāṃ sārāvalyāṃ ādhāne'ṣṭamo'dhyāyaḥ//
navamo'dhyāyaḥ
(sūtikādhyāyaḥ)
(ādhānaṃ)ādhāne hi mayoktaṃ prasūtikālasya nirṇayārthaparam/
tasmin suparijñāte janmādhyāyaṃ pravakṣyāmi

śīrṣodaye vilagne mūrdhnā prasavo'nyathodaye caraṇaiḥ/
ubhayodaye ca (karam)hastaiḥ śubhadṛṣṭe śobhano'nyathā kaṣṭaḥ

(ho.ra. 1 a. 148 pṛ.)bhavanāṃśasadṛśadeśe prasavo jñeyaḥ sadātra yuvatīnām/
miśragṛhāṃśe vartmani sthirarāśyaṃśe tathā (tathānyagṛhe)svagṛhe

svagṛhanavāṃśe lagne svagṛhe'nyasmi(svagṛhenya'smin pratidvandve)nyadi prathamaharmye/
pitṛmātṛgrahabala(varge)tastattatsvajanagṛheṣu balayogāt

prākāratarunadīṣu ca sūtirnīcāśritaiḥ(cāśrite) saumyaiḥ/
nekṣante lagnendū yadyekasthā grahā mahāṭavyām

salilabhalagne(bhavane) candro jalarāśau vīkṣate'thavā pūrṇaḥ/
prasavaṃ salile vidyāt bandhūdayadaśamagaśca yadā(10, 11)

saumyairlagne pūrṇe svagṛhagate śaśini salilasaṃyāte/
pātālasthaiśca śubhairjalaje lagne'mbugehage śaśini

vṛścikakulīralagne saure candrekṣite tvavaṭe/
bhavati prasavaḥ strīṇāṃ vadanti yavanāḥ saha maṇitthaiḥ

ravije jalajavilagne krīḍodyāne budhekṣite prasavaḥ/
raviṇā devāgāre tathoṣare caiva candreṇa

(vṛ. jā. 5/12 tathā utpala ṭīkā meṃ vādarāyaṇa vākya)āraṇyabhavanalagne girivanadurge tathā naravilagne/
rudhirekṣite śmaśāne śilpakanilayeṣu saumyena

sūryekṣite gonṛpadevavāse śukrendujābhyāṃ ramaṇīyadeśe/
śakreḍyadṛṣṭe dvijavahnihotre narodaye sampravadanti sūtim

svocce daśame jīve dvitricaturbhūmike gṛhe prasavaḥ/
mandarkṣāṃśe'śālaṃ(sāle) caturthadaśamasthitaiḥ saumyaiḥ

dvau dvau rāśī meṣāt pūrvādiṣu saṃsthitau gṛhavibhāge/
koṇeṣu dviśarīrā (lagnasya)lagnantu bhaveddhi tatpramukhaiḥ(pramukhe)

digbhāgarāśimaṇḍalakendreṣu khageṣu tacchālā/
(atha)jhaṣamṛgahayabalavattve gṛhaṃ dviśālaṃ(viśālaṃ) triśālaṃ ca

citraṃ navaṃ bhṛgusute ca dṛḍhaṃ gurau ca dagdhaṃ kuje dinakare paripūrṇakāṣṭham(jīrṇa)/
candre navaṃ ca bahuśilpakṛtaṃ budhe ca jīrṇaṃ bhavedgṛhamihoṣṇakarātmaje ca

vāsagṛhe dyūnagatāt dvāro dikpālakāt balopetāt/
bhavanagrahasaṃyogaiḥ prativeśmāścintanīyāḥ syuḥ

devālayāmbupāvakakośavihārāstathotkaro(upaskarasthānam) bhūmeḥ/
nidrāgṛhaṃ ca bhāskaraśaśikujagurubhārgavārkibudhayogāt

(ho. ra. 1 a. 166 pṛ.)khaṭvāsthitirbhavanavadyutavihagasamāni tatra cihnāni/
āstaraṇāni ca vidyāt dṛṣṭiśubhakṛtāni daivajñaḥ

prācyādigṛhadvitayaṃ dva‍iśarīrā rāśayaśca gātrāṇi/
ājānuśiraḥśayanaṃ grahatulyaṃ lakṣaṇaṃ tatra

grahayuktaṃ vā niyataṃ vinatatvaṃ ca dvimūrtirāśiṣu ca/
ṣaṭtrinavāntyāḥ pādāḥ (paryante)paryaṅke'ṅgāni rāśayaḥ śeṣāḥ

nīcasthe bhūśayanaṃ candre'pyathavā sukhe vilagne vā/
śaśilagnavivarayuktagrahatulyāḥ sūtikā jñeyāḥ

(ho. ra. 1 a . 17. pṛ.)anuditacakrārdhayutairantarbahiranyathā vadantyeke/
lakṣaṇarūpavibhūṣaṇayogastāsāṃ śubhairyogāt

krūrairvirūpadehāḥ lakṣaṇahīnāḥ sūraudramalināśca/
miśrairmadhyamarūpā balasahitaiḥ sarvamevamavadhāryam

dvādaśabhāgavibhakte(bhāgacchinne) vāsagṛhe'vasthite sahastrāṃśau/
dīpaścarasthirādiṣu tathaiva vācyaḥ prasavakāle

yāvallagnāduditaṃ vartirdagdhā tu tāvatī bhavati/
doṣaḥ pūrṇe pūrṇaḥ śaśini kṣīṇe kṣayastu tailasya

(ho. ra. 1 a. 160 pṛ.)balavati sūrye dṛṣṭe bahūn pradīpān vadet kuputreṇa/
anyairapi(rapagataḥ) gatavīryaiḥ sūtau jyotistṛṇairbhavati

saurāṃśe'tha jalāṃśe candre'rkajasaṃyute'thavā hibuke/
taddṛṣṭe vā kuryāttamasi prasavaṃ na sandehaḥ

horāmanīkṣamāṇe śaśini parokṣasthite pitariḥ jātaḥ/
meṣūraṇāccyute vā carabhe bhānau videśagate

dyuniśorarkāsitayoḥ kujena sandṛṣṭayoḥ pitānyagataḥ(pyabhavat)/
cararāśau paradeśe yuktekṣitayostu tatra mṛtaḥ

pañcamanavamadyūne pāpairarkāttu pāpasaṃdṛṣṭaiḥ/
baddhaḥ pitā'nyadeśe rāśi vaśāt sve'thavā mārge

jāyātrikoṇasaṃsthaiḥ krūrairānandavarjitaḥ prasavaḥ/
daśamacaturthopagataiḥ saumyaiḥ sampattayo vipulāḥ

paśyati na guruḥ śaśinaṃ lagnaṃ ca divākaraṃ senduram/
pāpayutaṃ vā sārkaṃ candraṃ yadi jārajātaḥ syāt

guruśaśiravayo nīce sūtau lagne'thavārkasūnuśca/
lagnoḍupabhalguputrāḥ śubhairadṛṣṭāstathānyajātaśca(jātaḥ syāt)

kleśo mātuḥ krūrairbandhvastagataiḥ śaśāṅkayuktairvā/
candrāt saptamarāśau pāpā maraṇāya(maraṇāya nirdiṣṭāḥ) vakrasandṛṣṭāḥ

candrāddaśame bhānurmāturmaraṇaṃ karoti pāpayutaḥ/
śukrāt pañcamabhavane(navame) sauriyutastena(sauriyuto'rko'tha) vā dṛṣṭaḥ

candrāttrikoṇarāśau ravijo māturvadhaṃ diśati rātrau/
śukrāttathaiva divase bhaumaḥ pāpena sandṛṣṭaḥ

kujasaurayostrikoṇe candre'stagate viyujyate mātrā/
dṛṣṭe surendraguruṇā sukhānvito dīrghajīvī ca

mriyate pāpairdṛṣṭe śaśini vilagne kuje'stage tyaktaḥ/
lagnācca(tsvalā, stalā........) lābhagatayorvasudhāsumandayorevam

paśyati saumyo balavān yādṛggṛhṇāti tādṛśo jātaḥ/
śubhapāpagrahadṛṣṭe parairgṛhītā'thavā(gṛhīto'pi sa mriyate) mriyate

(ekāṃśāvasthitayoryamārayostyajyate mātrā)ekāṃśasthitayorvā yamārayostyajyate'thavā mātrā/
lagnātsaptamabhavane bhaume śanivīkṣite niyatam

yādṛkpaśyati saumyastattulyaguṇaṃ sutaḥ(sutam) samādhatte/
pitṛjananīsādṛśyaṃ raveḥ śaśāṅkasya balayogāt

siṃhājagobhirudaye jāto nālena veṣṭito jantuḥ/
lagne kuje'tha saure rāśyaṃśasamānagātraśca

bhaumaśanidrekkāṇe pāpe lagne sthite śaśiyute(sute) vā/
dvayekādaśagaiḥ saumyairabhiveṣṭitako bhujaṅgena

sūryaścatuṣpadasthaḥ śeṣā dviśarīrasaṃsthitā balinaḥ/
kośairveṣṭitadehau yamalau khalu saṃprajāyete(prasūyete)

lagnanavabhāgatulyā mūrtirbalasaṃyutādgrahādvāpi/
navabhāgādvarṇoktiḥ śaśiyogāttatra sūtasya

bahavo yadi balayuktā miśrā mūrtistadā vācyā/
kulajātideśapuruṣān buddhvā''deśaṃ samādiśettajjñaḥ

triṃśadbhāge bhānurgrahasya (yasyeha saṃsthito)yasya sthito bhavati/
tattulyāḥ prakṛtiḥ syādevaṃ munayo'dhyavasyanti

tatkālasuhṛdaritvaṃ balaṃ ca nīcoccamadhyasaṃśritatām/
jñātvā grahasvabhāvāṃstebhyaḥ saṃcintyamanyadapi

(ho.ra. 1 a. 174 pṛ.)kṣīṇe śaśini sapāpe mātā mriyate pitā ravau tadvat/
balibhirdṛṣṭe miśrairvyādhiḥ saumyaiḥ śubhaṃ bhavati

vipulavimalamūrtiḥ svoccago vā svarāśau
gurusitayuta indurbodhanenānudṛṣṭaḥ/
atiśayaśubhadātā pañcame vā'pi mātuḥ
piturapi khalu tadvat bhāskaraḥ sarvadaiva

iti kalyāṇavarmaviracitāyāṃ sārāvalyāṃ sūtikādhyāyo navamaḥ/
daśamo'dhyāyaḥ
(ariṣṭādhyāyaḥ)
āyurjñānābhāve sarvaṃ viphalaṃ prakīrtitaṃ yasmāt/
tasmāttajjñanārthe riṣṭādhyāyaṃ pravakṣyāmi

oje sthitāḥ pumāṃsaḥ śukle'hani sūribhiḥ samākhyātāḥ/
yugmabhavaneṣu sarve kṛṣṇe niśi yoṣito balinaḥ

trividhamiha śāstrakārā (niyamaniyamaṃ ca)niyatamaniyataṃ ca yogajaṃ prāhuḥ/
yogasamutthaṃ tāvadvakṣye paścāttu pariśeṣau

(ho. ra . 5 a. 617 pṛ.)bṛhaspatirbhaumagṛhe'ṣṭamasthaḥ sūryendubhaumārkajadṛṣṭamūrti(isa pūre ariṣṭa prakaraṇa ke liye jātakābharaṇa kā ariṣṭādhyāya tulanīya hai)/
abdaistribhirbhārgavadṛṣṭihīno lokāntaraṃ prāpayati prasūtam

vakrī śanirbhaumagṛhaṃ prapannaścadre'ṣṭaṣaṣṭhe'tha catuṣṭaye vā/
kujena samprāptabalena dṛṣṭo varṣadvayaṃ jīvayati prajātam

bhāskarahimakarasahitaḥ śanaiścaro mṛtyudaḥ prasavakāle/
varṣairnavabhiryātairityāha brahmaśauṇḍākhyaḥ

bhaumadivākarasaurāśchadre jātasya bhaumagṛhe(yasya śukragṛhe)/
mriyate'vaśyaṃ sa naro yamakṛtarakṣo'pi māsena

ekaḥ pāpo'ṣṭamagaḥ śukragṛhe pāpāvīkṣito varṣāt/
mārayati naraṃ jātaṃ sudhāraso yena pīto'pi

raviśaśibhavane śukro dvādaśaripuradhragaṃ(randhragaḥ) śubhaiḥ sarvaiḥ/
dṛṣṭaḥ karoti (ṣaṣṭhāṣṭavyayamato)ṣaḍbhirvarṣairmaraṇaṃ kimatra citraṃ hi

karkaṭadhāmani saumyaḥ ṣaṣṭhāṣṭama(ṣaṣṭhāṣṭavyayagato)saṃsthito vilagnarkṣāt/
candreṇa dṛṣṭamūrtirvarṣacatuṣkeṇa mārayati

tīvraphalarājayogā yavanādyairye vinirmitāsteṣu/
jāyante khalu kulajā riṣṭaṃ teṣu prasūtānām

keturyasminnṛkṣe'bhyuditastasminprasūyate yo hi/
māsadvayena maraṇaṃ vinirdiśettasya jātasya

gaganastho divasakaraḥ (balibhiḥ)pāpairbahubhirnirīkṣitaḥ sadyaḥ/
mārayati bhaumadhāmani śanibhe ca na saṃśayo bhavati

lagne yaddrekkāṇā nigaḍāhivihaṅgapāśadharasaṃjñāḥ/
maraṇāya saptavarṣaiḥ krūrayutā na svapatidṛṣṭāḥ

rāhuścatuṣṭayastho maraṇāya nirīkṣito bhavati pāpaiḥ/
varṣairvadanti daśabhiḥ ṣoḍaśabhiḥ kecidācāryāḥ

pāpāstrikoṇakendre saumyāḥ ṣaṣṭhāṣṭamavyayagatāśca/
sūryodaye prasūtaḥ sadyaḥ prāṇāṃstyajāti jantuḥ

aṃśādhipajanmapatī lagnapatiścāstamupagatā yasya/
saṃvatsaraistu maraṇaṃ nirvyājaṃ katipayaireva

rāśipramitairvarṣairmārayati vilagnapo ripusthāne/
māsairdrekkāṇapatirdivasairaṃśādhipo hanti

mārayati ṣoḍaśāhācchanaiścaraḥ pāpavīkṣito lagne/
saṃyukto māsena tu varṣācchuddhastu mārayati

kṣīṇaśarīraścandro lagnasthaḥ krūravīkṣitaḥ kurute/
svargamanaṃ hi puṃsāṃ kulīrago'jānparityajya

varṣānmārayati śaśī ṣaṣṭhāṣṭamarāśisaṃsthito lagnāt/
sadyaḥ krūrairdṛṣṭaḥ saumyairabdāṣṭakāccaiva

(aśubhaiḥ śubhaiśca dṛṣṭo)aśubhaśubhaiḥ sandṛṣṭe varṣacatuṣkeṇa nirdiśedantam/
anupātaḥ kartavyaḥ proktādū(nyūnagrahairdṛṣṭaḥ)nairgrahairdṛṣṭe

saumyāḥ ṣaṣṭhāṣṭamagāḥ pāpairvakropasaṅgatairdṛṣṭāḥ/
māsena mṛtyudāste yadi na(tena śubhaistu) śubhaistatra sandṛṣṭāḥ

lagnāddvādaśadhanagaiḥ krūrairmriyate ca randhraripuyuktaiḥ/
śubhasamparkamayātairmāse ṣaṣṭhe'ṣṭame vā'pi

lagnādhipajanmapatī ṣaṣṭhāṣṭamariḥphagau prasavakāle/
astamitau maraṇakarau rāśi pramitairvadedvarṣaiḥ

horādhipatirdyūne pāpajito maraṇameva vidadhāti/
māsena janmanāthastadvaccandro na yadi śubhadṛṣṭaḥ

candraḥ kujaraviyuktaḥ(ravidṛṣṭaḥ) svasutasthāne na cāpi śubhadṛṣṭaḥ/
maraṇaṃ śiśoḥ prayacchati varṣe navame na sandehaḥ

horeśvarastu (mūrtau)mṛtyau pāpaiḥ sakalaiśca dṛśyate balibhiḥ/
māsi caturthe maraṇaṃ jātasya karoti munivākyam

janmādhipatiḥ sūryaḥ svaputrasahito'ṣṭame bhavati rāśau/
varṣai rāśipramitairmaraṇāya sitena sandṛṣṭaḥ

vyayāṣṭaṣaṣṭhodayage śaśāṅke pāpane yukte śubhadṛṣṭihīne/
kendreṣu saumyagrahavarjiteṣu prāṇairviyogaṃ vrajati prajātaḥ

cakrasya pūrvabhāge pāpāḥ saumyāstathetare caiva/
varlaścakalagne jātā gatāyuṣo vajramuṣṭiyoge'smin

kṣīṇe śaśini vilagne pāpaiḥ kendreṣu mṛtyusaṃsthairvā/
bhavati vipattiravaśyaṃ yavānādhipatermataṃ(paterna sandehaḥ) caitat

rāśyantagataiḥ pāpai; sandhyāyāṃ tuhinaraśmihorāyām/
mṛtyuḥ pratyekasthaiḥ kendreṣu śaśāṅkapāpaiśca

dyūnacaturasrasaṃsthe(saṃsthaiḥ) pāpadvayamadhyage śaśini jātaḥ/
vilayaṃ prayāti niyataṃ devairapi rakṣito bālaḥ

pāpadvayamadhyagate horāsaptāṣṭamasthite candre/
saumyairabalairdṛṣṭe jāto mriyate dhruvaṃ hyatra(bālaḥ)

dyūnāṣṭamagaiḥ pāpaiḥ krūragrahavīkṣitaiḥ saha jananyā/
mriyate śubhasaṃdṛṣṭai satyasya matādvadedvyādhim

grahaṇopagate candre sakrūre lagnage kuje'ṣṭamage/
mātrā sārdhaṃ mriyate candravadarke ca śastreṇa

kṣīṇe śaśini vilagne kaṇṭakanidhanāśri taistathā pāpaiḥ/
saumyādṛṣṭe mṛtyuḥ sadyaḥ satyasya nirdeśaḥ(nirdeśāt)

dyūnagate'rke lagne yame kuje vā viparyaye vā'pi/
anyatarayute vendāvaśubhairdṛṣṭe'cirānmṛtyuḥ

horānidhanāstagataiḥ pāpaiḥ kṣīṇe vyayasthite(vyavasthite) candre/
jātasya bhavenmaraṇaṃ sadyaḥ kendreṣu cenna śubhāḥ(cedaśubhā)

lagnāntyanavamanaidhanasaṃyuktāścandrāsūryasaurārāḥ/
jātasya vadhakṛtaḥ(vadhaṃ kuryuḥ) syuḥ sadyo guruṇā na ceddṛṣṭāḥ

lagne candre'rke vā pāpā balinastrikoṇanidhaneṣu/
saumyairadṛṣṭayuktā(saumyairamiśradṛṣṭāḥ) sadyo maraṇāya kīrtitā yavanaiḥ

śukro raviśanisahito mārayati naraṃ sadā prasavakāle/
dṛṣṭo'pi devaguruṇā navabhirvarṣairna sandehaḥ

yatrasthastatrastho rudhirārkaśanaiścarekṣitaścandraḥ/
jananīmṛtyuṃ kuryānna tu saumyanirīkṣitaḥ sadyaḥ

rudhiraśanaiścaradṛṣṭo divasakaro divasajanmani tu yasya/
pāpayuto vā hanyāt pitaraṃ niḥsaṃśayaṃ jātaḥ

rahito budhaguruśukrairjanmani rudhirāṅgasaurasahito'rkaḥ/
kathayati pitaramatītaṃ piturapi ca śarīrakartāram

pāpadvayamadhyagato divasakaro divasajanmaniratasya/
pāpayuto vā hanyāt pitaraṃ niḥsaṃśayaṃ jātaḥ

(sūryātsaptama)sūryādaṣṭamarāśau yadi yuktau sauralohitau prasave/
saumyādṛṣṭau nidhanaṃ kuryātāṃ sadya eva pituḥ

pāpagrahasaṃyuktaścararāśigato divākaraḥ prasave/
viṣaśastrajalānmṛtyuṃ kathayatyalpāyuṣaṃ pitaram

candrādaṣṭamarāśau navame vā saptame'pi vā pāpāḥ/
sarve tatrānyatame hanyurjātaṃ saha jananyā

cararāśigate sūrye dinajanmani vīkṣite kuputreṇa(tu putreṇa)/
kathayati videśayātaṃ jātasya śarīrakartāram

cararāśigataṃ sauraṃ yadyarko rātrijanmanīkṣeta/
atrāpi videśasthaṃ kathayati pitaraṃ prasūtasya

rudhirasahitastu sauraścarabhavane rātrijanmaniratasya/
kathayati pitaramatītaṃ paradeśe nātra sandehaḥ

yatrasthastatrasthaḥ svaputrarudhirāṅgasaṅgataḥ sūryaḥ/
prāgjanmano nivṛttaṃ kathayati pitaraṃ prasūtasya

janmāṣṭasaptaṣaṣṭhadvādaśasaṃstheṣu caiva pāpeṣu/
mātā sutena sārdhaṃ mriyate nāstyatra sandehaḥ

jīvati mātā mriyate sūnuḥ (ṣaṣṭhāntyageṣu)ṣaṣṭhāntyageṣu pāpeṣu/
janmāṣṭasaptameṣu ca jīvati sūnurmriyeta tanmātā

vakro vā sauro vā dvādaśasaṃstho nayanahantā/
dakṣiṇanayanaṃ sauro vāmamathāṅgārako hanyāt

yugapaccandrādityau dvādaśabho niṣṭhitau(viṣṭhitau) grahau syātām/
kurutaḥ prasūtamandhaṃ pāpaḥ ṣaṣṭhe'thavā nidhane

athavāpyanyatarayute dvādaśabhe vāpi jāyamānasya/
atrāpi harennayanaṃ dakṣiṇamarkaḥ śaśī savyam

svarbhānunopasṛṣṭā yadi horā dinakaraśca jāmitre/
jātastatra manuṣyo niḥsandigdhaṃ (bhavedandhaḥ)bhavatyandhaḥ

dhanarāśau dvādaśabhe candraḥ sūryaśca (viṣṭhitā)niṣṭhito yatra/
tatrāpi bhavatyandho yadyaṣṭamaṣaṣṭhayoḥ pāpau

rajanikaraḥ ṣaṣṭhagato nidhane sūryo raveḥ sutastu(suto dhanabhe) śubhe(vyaye)/
vakraḥ kuṭumbarāśāvatrāpyandho bhavejjātaḥ

rudhirāṅgasaurayuktaścandro nidhane'thavā'pi ṣaṣṭhe vā/
pittaśleṣmavikārairdṛṣṭiṃ hanyādaśubhayuktaḥ

dakṣiṇamaṣṭamasaṃsthaḥ savyaṃ tu haretsamāśritaḥ ṣaṣṭham/
saumyairnirokṣitatanuḥ(rnirīkṣata) sadyo na harettu (nayanaṃ hareddharetpaścāt)paścādvā

dinakarasutena sahito nidhane cāntye(nyataramāśritaścandraḥ) samāśritaścandraḥ/
vātaśleṣmavikārairdṛṣṭiṃ hanyādaśubhadṛṣṭaḥ

nidhane dakṣiṇanayanaṃ tyāge savyaṃ harettu niyamena/
saumyaistu dṛśyamāne(māno) na haredathavā haretpaścāt

etenaiva tu vidhinā saurāradivākarāśritaścandraḥ/
kuryāddṛṣṭivikāraṃ nānārogairdhruvaṃ jantoḥ

ekādaśe tṛtīye horāyāṃ pāpasaṃyute śaśini/
karṇavikalo naraḥ syātpāpagrahavīkṣite sadyaḥ

navame pañcamarāśau pāpagrahavīkṣitau grahau syātām/
śrotrāpaghātamatulaṃ kuryātāṃ jātamātrasya

navame dakṣiṇakarṇaṃ vāmaṃ vai pañcame graho hanyāt/
atraiva saumyabhe vā śubhadṛṣṭe vā śubhaṃ vācyam

rāśau horāntaraṃ prāpya yo yasmin vyādhimāpnuyāt/
taccāsya(tasmācca) horāprasave candrasthānaṃ ca yadbhavet

savyāpasavyabhāge yogamathaiva grahāstu saṃprāptāḥ/
kuryurnṛṇāṃ ca cihnaṃ vyaṅgabhayaṃ pāpavīkṣitāḥ saumyāḥ

viditvā tritayaṃ hyetat kṛtsnasya tu viśeṣataḥ/
śubhāśubhau tu vijñeyau grahasaṃyogakakāraṇau

candrādityau tṛtīyasthau mīnakṣetraṃ(kṣetrasya) sa yasya tu/
vyādhiṃ tatra vijānīyāt trirātraṃ tasya jīvitam

atastṛtīye nakṣatre samaste vyastage'pi vā/
ravau rātriṃ parāṃ jīveccandre daśamamāśrite

sahitau candrajāmitre yasyāṅgārakabhāskārau/
jātasya tasya hi tadā bhavetsaptāhajīvitam

caturasrasthitāḥ pāpā vāmadakṣiṇagā yadā/
tadā yo vyādhimāpnoti daśarātraṃ sa jīvati

trikoṇe dakṣiṇe sūryaścandro vāme yadā bhavet/
yastadā labhate vyādhiṃ dvādaśāhaṃ sa jīvati

trikoṇastho yadā candraścaturasre'tha bhāskaraḥ(bhāskarau)/
tadā durvyādhinā (putra)yuktastrirātraṃ nātivartate

tadā horā caturthasthaścandraḥ ṣaṣṭhasthito raviḥ/
aṣṭādaśāhaṃ ca narastadā vyādhisamanvitaḥ

raviryadā candramasastrikoṇasthānamāśritaḥ/
viṃśatiṃ divasān jīvettadā vyādhibhāyārditaḥ

horāṣṭamasthitaḥ sūryaḥ saurabhaumanirīkṣitaḥ/
yaḥ pumān prāpnuyādvyādhiṃ na sa jīvedvipadyate(vipatsyate)

horāyāṃ kaṇṭake bhaumo bhavedyasya prajāyataḥ/
na ca kendragato jīvo jāyate mṛta eva saḥ

atha horāgataḥ sūryo na ca kendre bṛhaspatiḥ/
nidhane vā paraḥ kaścit jātamātro vinaśyati

horāyāṃ kaṇṭake candro na ca kendre bṛhaspatiḥ/
nidhane (pāpakaḥ)vā paraḥ kaścit jātamātro vinaśyati

dreṣkāṇajāmitragato yasya syāddāruṇagrahaḥ/
horāgataḥ śaśāṅkaśca sadyo harati jīvitam

grahāḥ sameyurbahavo nidhane yasya janmani/
māsaṃ vā saptarātraṃ vā tasyāyuḥ samudāhṛtam

śanaiścaraśca horāyāṃ nidhane ca mahīsutaḥ/
na ca devaguruḥ kendre mṛtagarbhaḥ prasūyate

yaḥ prāgvilagne dreṣkāṇastatsamāno yadā grahaḥ/
bhavettrikoṇagā pāpāstatsamānaphalo bhavet

saure vyādhimavāpnoti maraṇaṃ dharaṇīsute/
sūrye syādvyādhivaikalpaṃ maraṇaṃ nātra saṃśayaḥ

atha horāgato bhaumaḥ kendrasthaśca bhṛgoḥ sutaḥ/
sa vai maraṇamāpnoti horāyāṃ punarāgate

gurustrikoṇe horāyāṃ horeśaśca mahīsutaḥ/
tasyānyatarakendrasthaḥ sadyo jīvitanāśanaḥ

na naidhane (guruḥ)grahaḥ kaścit pāpo horāgato'thavā/
kendre (kendreṣvanyatame)vānyatare jīvo jīvatyaṣṭaśatottaram

na kendre kaścidāgneyo na trikoṇe na naidhane/
guruśukrau ca kendrasthau jīvedaṣṭaśatādhikam

yadi horāgataḥ śukraḥ kendreṣvanyatame guruḥ/
naidhane na ca pāpāḥ syuḥ sa viṃśaṃ jīvate śatam//95‍//
rāśau karkaṭahorāyāṃ (guruśukrasamanvite)guruśukrau samanvitau/
guruścandrayuto vā'pi nidhane na ca kaścana

na ca kendragatāḥ pāpā na trikoṇe na naidhane/
tasyāyuramaraprakhyaṃ niścayena ca kīrtyate

nidhanāstavyayalagnatrikoṇagāḥ kṣīṇacandrasaṃyuktāḥ/
pāpā balinaḥ śubhadairadṛśyamānā gatāyuṣaḥ(yuṣaṃ prāyaḥ) prāyaḥ

yoge balinaḥ sthānaṃ(sthāne) svaṃ vā lagnaṃ gate'pi vā candre/
balavati pāpairdṛṣṭe varṣānte mṛtyukālaḥ syāt

ravicandrabhaumagurubhiḥ kujagurusaurendubhistathaikasthaiḥ/
raviśanibhaumaśaśāṅkairmaraṇaṃ khalu pañcabhirvarṣaiḥ

raviṇā(raviśaśiyuktaḥ) yuktaḥ śaśijo'saumyairdṛṣṭo vināśayati nūnam/
ekādaśabhirvarṣairdevāṅke'pi sthitaṃ jātam

lagne ravimandakujaiḥ (kujāḥśatrugṛhe)śukragṛhe saptame śaśī kṣīṇaḥ/
dṛṣṭo na devaguruṇā saptabhirabdairvināśayati

kendre ravimuṣitatanuḥ kṣitisutamandāvalo'kito'tha yutaḥ/
varṣacatuṣke candro mārayati kimatra gaṇitena

(dra.jā. bha. ariṣṭā.)lagnādhipateścandro maraṇapadastho'ti kṛṣṇatāṃ yātaḥ/
krūraiḥ sakalairdṛṣṭo na śubhaiḥ sarvaistribhistu mārayati

lagnādhipatiḥ pāpaḥ śaśinoṃśe riḥphago yadi ca candrāt/
krūrairvilokyamāno mārayati śiśuṃ navabhirabdaiḥ

darśanabhāge saumyāḥ krūrāścādṛśyake prasavakāle/
rāhurlagnopagato yamakṣayaṃ nayati pañcabhirvarṣaiḥ

rāhuḥ saptamabhavane śaśisūnunirīkṣito na śubhadṛṣṭaḥ/
daśabhirdvābhyāṃ sahitairabdairjātaṃ vināśayati

ghaṭasiṃhavṛścikodayakṛtasthitirjīvitaṃ harati rāhuḥ/
pāpairnirīkṣyamāṇaḥ saptamitairniścitaṃ varṣaiḥ

ketorudayaṃ pūrvaḥ paścādulkādipavananirghātāḥ/
raudre sārpamuhūrte(sati ca muhūrte) prāṇaiḥ santyajyate jantuḥ

kṣīṇaṃ yadā śaśāṅkaṃ paśyedrāhuḥ samāgataṃ pāpaiḥ/
mārayati tadā divasairnirvyājaṃ katipayaireva

kumbhe diśati śaśāṅko bhāge mṛtyuṃ tathaikaviṃśakhye(tathaikaviṃśākhye)/
siṃhe ca pañcameṃ'śe vṛṣe(krūreṇa vṛṣe mṛtirmaraṇabhāge) ca navame tathaivoktaḥ

alini triviṃśayukte meṣe ca tathāṣṭame diśati/ mṛtyum/
karkaṭake dvāviṃśe tulini caturthe mṛge viṃśe

kanyā prathameṃśe dhanurdhare'ṣṭādaśe jhaṣe daśame/
mithune ca dvāviṃśe śaśī prasūtasya maraṇakaraḥ

ye bhuktāḥ(ye tūktāḥ) śaśinoṃśā janmani varṣairgataistu tāvadbhiḥ/
maraṇaṃ hi janmabhājāmapyantakabaddharakṣāṇām

evaṃ sarvaprayatnena jāyamānasya dehinaḥ/
horāsthānāni(sthāneṣu) kendrāṇi cintanīyāni tadyathā

cintayejjāyamānasya sthānarāśiṣu nityaśaḥ/
bṛhaspatirnṛṇāṃ jīvastasya(tasmānmṛtyuṃ) nityaṃ bṛhaspateḥ

pañcadaśaṣaṭsametaścatvāriṃśattathaika(tathaiva viśaśca) viṃśacca/
śatamatha(triṃśaccatvāriṃśat) catvāriṃśat ṣaṣṭistriṃśata(pañcāśadeva yathoktahorāyāḥ) kramāyu horāyāḥ

tṛtīyacaturthapañcamasaptamanavamadaśamaikādaśagṛheṣu jīvasthitau(votthitā) varṣāḥ(proktāḥ sahaje turye paṃcamake saptame ca navame ca/ daśame caikādaśake gṛheṣu jīvasthitau varṣāḥ)

iti kalyāṇavarmaviracitāyāṃ sārāvalyāṃ ariṣṭādhyāyo daśamaḥ//
ekādaśo'dhyāyaḥ
(candrāriṣṭabhaṅgādhyāyaḥ)
saṃbhūtāriṣṭākhyā bhaṅgasteṣāṃ yathā bhavedyogaiḥ/
tānāgamato vakṣye pradhānabhūtā yataste'tra(bhūtānatastatra)

uḍupatikṛtariṣṭānāṃ bhaṅgastāvannirūpyate pūrvam(samyak)/
samyak (śeṣāṇāmapi paścāt)śeṣāṇāmapi yathāmata brahmapūrvāṇām

sarvairgaganabhramaṇairdṛṣṭaścandro vināśayati riṣṭam/
āpūryamāṇamūrtiryathā nṛpaḥ sannayeddveṣam(sunayavidveṣṭṛn)

candraḥ sampūrṇatanuḥ śukreṇa nirīkṣitaḥ suhṛdbhāge/
(pittakaphānāṃ)riṣṭaharāṇāṃ śreṣṭho vātaharāṇāṃ yathā bastiḥ

paramocce śiśiratanurbhṛgutanayanirīkṣito harito riṣṭām/
samyagvirekavamanaṃ kaphapittānāṃ(pittakaphānāṃ) yathādoṣam

candraḥ śubhavargasthaḥ kṣīṇo'pi śubhekṣito harati riṣṭam/
jalamiva mahātisāraṃ (dāḍima)jātīphalavalkalakvathitam

saptāṣṭamaṣaṣṭhasthāḥ śaśinaḥ saumyā harantyariṣṭaphalam/
pāpairamiśracārāḥ kalyāṇaghṛtaṃ yathonmādam

yuktaḥ śubhaphaladāyibhirinduḥ saumyairnihantyariṣṭāni(sarvairnihantyariṣṭāni)/
teṣāmeva tryaṃśe (śūlam)lavaṇavimiśraṃ ghṛtaṃ nayanarogam

āpūryamāṇamūrtirdvādaśabhāge śubhasya yadi candraḥ/
riṣṭaṃ nayati vināśaṃ takrābhyāso yathā gudajam

saumyakṣetre candro horāpatinā vilokito (harati)hanti/
riṣṭaṃ na vīkṣito'nyaiḥ kulāṅganā kulamivānyagatā

krūrabhavane śaśāṅko bhavaneśanirīkṣitastadanuvarge/
rakṣati śiśuṃ prajātaṃ kṛpaṇa iva dhanaṃ prayatnena

janmādhipatirbalavān suhṛdbhirabhivīkṣitaḥ śubhairbhaṅgam/
riṣṭasya karoti sadā bhīruriva prāptasaṃgrāmaḥ

(janmeśo lagneśvaradṛṣṭaḥ sarvaṃ)janmādhipatirlagne dṛṣṭaḥ sarvairvināśayati riṣṭam/
ghṛṣṭoṣaṇavidalābhyāṃ pratyekakṛtāñjanaṃ yathā śuklam

(svocce vā)svoccasthasvagṛhe'thavāpi suhṛdāṃ (vargetha)varge'pi (saumye'pi)saumye'thavā
saṃpūrṇaḥ śubhavīkṣitaḥ śaśadharo varge svakīye'thavā/
śatrūṇāmavalokane na patitaḥ pāpairayuktekṣito
riṣṭaṃ hanti sudustaraṃ dinapatiḥ prāleyarāśiṃ yathā

śaśi'nontye budhasitayorāye krūreṣu vākpatau gagane/
duritaṃ cāturthikamiva naśyati munikusumarasanasyaiḥ

lagneśvarasya candraḥ ṣaṭtridaśāyahibukeṣu śubhadṛṣṭaḥ/
kṣapayati samastariṣṭānyanuyāte(anuyāto nirupa, riṣṭaṃ vārayate) nṛpatirodha iva

eko janmādhipatiḥ paripūrṇabalaḥ (śubhagrahairdṛṣṭaḥ)śubhairdṛṣṭaḥ/
hanti niśākarariṣṭaṃ vyāghra iva mṛgān‍ vane mattaḥ(mattān)

pakṣe site bhavati janma yadi kṣapāyāṃ
kṛṣṇe'thavā'hani śubhāśubhadṛśyamānaḥ/
taṃ candramā ripuvināśagato'pi yatnā-
dāpatsu rakṣati piteva śiśuṃ na hanti

iti kalyāṇavarmaviracitāyāṃ sārāvalyāṃ candrāriṣṭabhaṅgo nāmaikādaśo'dhyāyaḥ//
dvādaśodhyāyaḥ
(ariṣṭabhaṅgādhyāyaḥ)
(sarvānimānatibalaḥ, sarvātigāmyatibalāḥ)sarvātiśāyyati balaḥ sphuradaṃśumālī(jālo)
lagpe sthitaḥ praśamayet surarājamantrī/
eko bahūni duritāni sudustarāṇi
bhaktyā prayukta iva (śūladhare)cakradhare praṇāmaḥ(dra.bṛ. pā. 10/3)

saumyagrahairatibalairvibalaiśca pāpai-
rlagnaṃ ca saumyabhavane(bhavanaṃ) (bhṛgudṛṣṭipuṣṭam)śubhadṛṣṭiyuktam(yukte)/
sarvāpadā(sarvāpadābhirahito)virahito bhavati prasūtaḥ
pūjākaraḥ khalu yathā duritairgrahāṇām

pāpā yadi śubhavarge saumyairdṛṣṭāḥ śubhāṃśavargasthaiḥ/
nighnanti tathā riṣṭaṃ patiṃ viraktā yathā yuvatiḥ

rāhustriṣaṣṭhalābhe lagnāt saumyairnirīkṣitaḥ sadyaḥ/
nāśayati sarvaduritaṃ māruta iva tūlasaṃghātam

śīrṣodayeṣu rāśiṣu sarvairgaganādhivāsibhiḥ sūtau/
prakṛtisthaiścāriṣṭaṃ vikrayate(vilīyate) ghṛtamivāgniṣṭham

tatkāle yadi vijayī śubhagrahaḥ śubhanirīkṣito varge/
tarjayati(varjayati) sarvariṣṭaṃ māruta iva pādapān prabalaḥ

pariviṣṭo gaganacaraḥ krūraiśca vilokite harati pāpam/
snānaṃ sannihitānāṃ(hitāyāṃ) kṛtaṃ yathā bhāskaragrahaṇe

snigdhamṛdupavanabhājo(pavanavirajo) jaladāśca(jalajā) tathaiva khecarāḥ (svasthāḥ)śastāḥ/
svasthāḥ(śāsti) kṣaṇācca riṣṭaṃ śamayati(śamayanti hi) rajo (yathāmbudharāḥ)yathāmbudhāraughaḥ

udaye cāgastyamuneḥ saptarṣīṇāṃ (pūrvāṇāṃ)marīciputrāṇām/
sarvāriṣṭaṃ naśyati tama iva sūryodaye jagataḥ

ajavṛṣakarkivilagne rakṣati rāhuḥ samastapīḍābhyaḥ/
pṛthvīpatiḥ prasannaḥ kṛtāparādhaṃ yathā puruṣam

(yatnena bhaṅgamapare)yātaistribhāgamaparaiḥ sarojajanmāpi vismayaṃ kurute/
bhañjayati(tajjaḥ kāṣṭamaniṣṭaṃ) kāṣṭhamariṣṭaṃ samataṭadeśe yathā karabhaḥ(saraṭaḥ kiraṭaḥ)

bahavo yadi śubhaphaladāḥ kheṭāstatrāpi śīryate riṣṭam/
sūryāt trikoṇa indau yathaiva yātrā narendrasya

guruśukrau ca kendrasthau jīvedvarṣaśataṃ naraḥ/
gṛhāniṣṭaṃ hinastyāśu(bhinattyāśu) candrāniṣṭaṃ tathaiva ca

bandhvāspadodayavilagnagatau kulīre gīrvāṇanāthasacivaḥ sakalaśca caṃdraḥ/
jūke ravīndutanayāvapare ca lābhe duścikyaśatrubhavaneṣvamitaṃ tadāyuḥ

ete sarve bhaṅgā mayā niruktāḥ purātanāḥ siddhāḥ/
yairjñātairdaivavido narendravāllabhyamāyānti

iti kalyāṇavarmaviracitāyāṃ sārāvalyāmariṣṭabhaṅgo nāma dvādaśo'dhyāyaḥ//
trayodaśo'dhyāyaḥ
(candravidhiradhyāyaḥ)
(dra.bṛ. pā. 37/7 tatā vṛ. jā. 13/3)sunaphā'naphādurudharā bhavanti yogāḥ krameṇa ravirahitaiḥ/
vittāntyobhayasaṃsthaiḥ kairavavanabāndhavādvihagaiḥ

(dra.vṛ. pā. 37/11)ete na yadā yogāḥ kendragrahavarjitaḥ śaśāṅkaśca/
kemadrumo'tikaṣṭaḥ śaśini (ca sarva)samastagrahādṛṣṭe

sunaphānaphāsarūpāstriṃśadyogā(30) strisaṃguṇā ṣaṣṭiḥ (180)/
saṃkhyā daurudharāṇāṃ prastāravidhau samākhyātāḥ

śrīmān svabāhuvibhavo bahudharmaśīlaḥ
śāstrārthavidbahuyaśāḥ (tpṛthu) suguṇābhirāma(svaguṇī)/
śāntaḥ(kāntaḥ/ho.ra. 7a. 306 pṛ.) sukhī kṣitipatiḥ sacivo'tha vā syāt
sūtaḥ pumān vipuladhīḥ sunaphābhidhāne(dra.vṛ. pā. 17/8 tathā vṛ. jā. 13/5)

vāgmī prabhurdraviṇavānagadaḥ suśīlo
bhoktānnapānakusumāmbarabhāminīnām(kāminīnām)/
khyātaḥ samāhitaguṇaḥ sukhaśastacitto(vitto)
yoge niśākarakṛte tvanaphe suveṣaḥ(dra.vṛ. pā. 37/9 tathā vṛya jā. 13/5)

vāgbuddhivikramaguṇaiḥ prathitaḥ pṛthivyāṃ
svātantryasaukhyadhanavāhanabhogabhogī(bhāgī)/
dātā(dāntaḥ) (janapoṣaṇa)kuṭumbadhanapoṣaṇalabdhakhedaḥ
sadvṛttavān durudharāprabhavo dhuristhaḥ(dra.vṛ. pā. 37/10)

kāntānnapā(bandhugṛhavastra)nagṛhavastrasuhṛdvihīno(bandhugṛhavastra) dāridryaduḥkhagadadainyamalairupetaḥ/
preṣyaḥ khalaḥ sakalalokaviruddhavṛttiḥ kemadrume bhavati pārthivavaṃśajo'pi

kendrādi sthairgrahairyogāḥ kīrtitā ye'naphādayaḥ/
(tān)te pradhānā(pradhānān) samā(samānān) hrasvā(svāṃ)ścandrarūpāśca(nvi) cintayet

bhaumādīnāṃ balaṃ deśaṃ jātasya ca kulaṃ budhaḥ/
vijñāya pravedat samyak sunaphādikṛtaṃ phalam

vikramavittaprāyo niṣṭhuravacanaścamūpatiścaṇḍaḥ/
hiṃstro dambhavirodhī sunaphāyāṃ bhaumasaṃyoge

śrutiśāstrageyakuśalo dharmaparaḥ (rataḥ)kāvyakṛnmanasvī ca/
sarvahito ruciratanuḥ sunaphāyāṃ somaje bhavati

vidyācāryaṃ khyātaṃ nṛpatiṃ nṛpatipriyaṃ vā'pi/
sukuṭumbadhanasamṛddhaṃ sunaphāyāṃ suraguruḥ kurute

strīkṣetravi(vittagṛhavāṃ)ttavibhavaścatuṣpadāḍhyaḥ suvikramo bhavati/
nṛpasatkṛtaḥ sudhīro dakṣaḥ śukreṇa sunaphāyām

nipuṇamatirgrāmapurairnityaṃ saṃpūjito dhanasamṛddhaḥ/
sunaphāyāṃ raviputre kriyāsu gupto bhaveddhauraḥ

corasvāmī dhṛṣṭaḥ svavaśo(vaṃśa) mānī raṇotkaṭaḥ krodhī/
śreṣṭhaḥ(sevya) ślāghyaḥ sutanuḥ kujenaphāyāṃ sulābhaśca(pragalbhaśca)

gāndharvalekhanapaṭu(gandharva) kaviḥ pravaktā nṛpāptasatkāraḥ/
ruciratanustvanaphāyāṃ prasiddhakarmā budhena bhavet

gāmbhīryasattvamedhāsthānarato(śubho) buddhimān nṛpāptayaśāḥ/
anaphāyāṃ tridaśagurau saṃjātaḥ (stvavidbhavati)satkavirbhavati

(yuvatijanānāṃ)yuvatīnāmatisubhagaḥ praṇayī kṣitipaśca gopatiḥ(bhogavān kāntaḥ) khyātaḥ/
kāntaḥ(kanakasamṛddhaścaṇḍa) kanakasamṛddhastvanaphāyāṃ bhārgave bhavati

vistīrṇabhujo netā gṛhītavākyaścatuṣpadasamṛddhaḥ/
durvanitāyā bhakto(bhartā) guṇasahitaścārkaputreṇa

ānṛtiko bahuvitto nipuṇo'tiśaṭho'dhiko(guṇādhiko) lubdhaḥ/
vṛddhāsatīprasaktaḥ kulāgraṇīḥ śaśini bhaumabudhamadhye

khyātaḥ karmasu vibhavī bahujanavairastvamarṣaṇo hṛṣṭaḥ/
kularakṣī kujagurvoḥ saṃgrahaśīlaḥ śaśini madhye

uttamarāmā(uttarāmā, uttamakāmaḥ) subhago vivādaśīlaḥ śucirbhaveddakṣaḥ/
vyāyāmī raṇaśūraḥ sitārayormadhyage candre

kutsitayoṣidra(draviṇo)maṇo bahusaṃcayakārako vyasanataptaḥ/
krodhī piśuno ripuhā(ripumāna yamārayīḥ) yamārayoḥ syāddurudhurāyām

dharmaparaḥ śāstrajño vācālaḥ satkavirdhanopetaḥ/
tyāgayuto vikhyāto budhagurumadhye sthite candre

priyavāk subhagaḥ kāntaḥ pranṛttageyādiṣu priyo bhavati/
sevyaḥ śūro mantrī budhasitayordurudhurāyoge

deśāddeśaṃ gacchati vittaparo nātividyayā sahitaḥ/
candre'nyeṣāṃ pūjyaḥ svajanavirodhī jñamandayormadhye

dhṛtimedhāśauryayuto nītijñaḥ kanakaratnaparipūrṇaḥ/
khyāto nṛpakṛtyakaro gurusitayordurudhurāyoge

sukhanayavijñānayutaḥ priyavāgvidvān dhuraṃdharo'pyāryaḥ/
śānto dhanī surūpaścandre gurubhānujāntasthe

vṛddhacaritaṃ kulāgryaṃ nipuṇaṃ strīvallabhaṃ dhanasamṛddham/
nṛpasatkṛtaṃ bahudhanaṃ kurute candraḥ sitāsitayoḥ

(dra.vṛ. pā. 37/12 tathā vṛ. jā. 13/1)sūryāt kendrādigato niśākaraḥ svalpamadhyabhūyiṣṭhān/
kuyātkrameṇa dhanadhīnaipuṇavijñānavinayāṃśca

autpātikaḥ(utpātikaḥ, alpātmajaḥ) kṛśatanurniśi cāpyadṛśyo
(kṛṣṇe tu śīta kiraṇo)dṛśyo divā śiśiragurbhayaśokadaḥ syāt/
evaṃ sthitaḥ samaphalaṃ pṛthivīpatitvaṃ
yāto'nyathā prakurute paripūrṇamūrtiḥ

lagnādupacayasaṃsthaiḥ śubhaiḥ samastairmahādhano dvābhyām/
madhyaṃ caikenādhamamevaṃ candrādapi tadūnaḥ

adhiyogādayo'nye'pi(ye'pi) mayātraiva na kīrtitāḥ/
nṛpayogā yataste hi vakṣye tatraiva tānaham

iti kalyāvarmaviracitāyāṃ sārāvalyāṃ candravidhirnāma trayodaśo'dhyāyaḥ//
caturdaśo'dhyāyaḥ
(veśivāśyubhayacaryādhyāyaḥ)
(vāśī taddhanagaiścandravarjitaiḥ)sūryādvyayagairvāśirdvitīyagaiścandravarjitairveśiḥ(rveśī)/
ubhayasthitairgrahendrairubhayacarī nāmataḥ proktā(dra.vṛ.pā. 18/1)

mandadṛśaṃ sthiravacanaṃ paribhūtapariśramaṃ natordhvatanum/
kathayati yavanādhipatirveśisamutthaṃ tathā puruṣam

vasusaṃcayavitsasuhṛtsarādveśī suragurau bhavati jātaḥ/
bhīruḥ kāryodvigno laghuceṣṭo bhṛgasute parādhīnaḥ

(karkaśo)parikarmako daridro mṛdurvinīto budhe salajjaśca/
(mārgaghnaḥ)mārgalaghuḥ kṣitiputre paropakārī naro veśau

paradārarataścaṇḍo bahvākāraḥ śaṭho ghṛṇī/
bhavenmanuṣyaḥ sadhano yāte veśiṃ śanaiścare

(utsṛṣṭa)utkṛṣṭavacāḥ smṛtimānudyogayuto nirīkṣate tiryak/
(pūrva)sarvaśarīre pṛthulo nṛpatisamaḥ sāttviko vāśau

dhṛti sattvabuddhiyukto bhavati gurau vāśike (pavanasāra)vacanasāraḥ/
śūra khyāto (balavān)guṇavān yaśaskaro bhārgave puruṣaḥ

priyabhāṣī (rucira)rudhiratanurvāśyāṃ syād bodhane parājñākṛt/
saṅgrāme vikhyāto bhūmisute (bhāgyaśca)nānyavākyaśya

vāṇik (khala)kulasvabhāvaḥ syātparadravyāpahārakaḥ/
gurudveṣī (munistrīśo)sunistriṃśo gate vāśiṃ śanaiścare

saṃnirīkṣya ravervīryaṃ grahāṇāṃ cāpi tattvataḥ/
rāśyaṃśasaṅgamātsarvaṃ phalaṃ brūyādvicakṣaṇaḥ

sarvaṃsahaḥ (susampadṛk)subhadraḥ samakāyaḥ susthiro vipulasattvaḥ/
nātyuccaḥ (paripūrṇaḥ siṃhagrīvo bhavedubhayacaryām)paripūrṇo vidyāyukto bhavedubhayacaryām

subhago bahubhṛtyadhano bandhūnāmāśrayo nṛpatitulyaḥ/
nityotsāhī hṛṣṭo bhuṅkte bhogānubhayacaryām(dra.jā. bha. su. yo 4)

iti kalyāṇavarmaviracitāyāṃ sārāvalyāṃ veśivāśyubhayacaryāyāṃ caturdaśo'dhyāyaḥ
pañcadaśo'dhyāyaḥ
(dvigrahayogādhyāyaḥ)
yavanācāryairvṛddhairdvigrahayogeṣu yatphalaṃ proktam/
tadahamapahāya matsaramadhunā vakṣye viśeṣeṇa

yuvatīnāṃ vaśagaḥ syādavinītaḥ (kūṭakṛt pralaghucitaḥ)kūṭavitpṛthulavittaḥ/
āsavavikrayakuśalo ravyuḍupatyoḥ kriyānipuṇaḥ

ojasvī sāhasiko mūrkho balasattvasaṃyuto'nṛtavāk/
pāpamatirvadhanirato(niṣṭho) ravikujayoḥ syāt pracaṇḍaśca

sevākṛdasthiradhano ravijñayoḥ priyavacā yaśorthaḥ syāt/
āryaḥ kṣitipatidayitaḥ satāṃ ca balarūpavittavidyāvān

bahudharmo nṛpasacivaḥ (subuddhimān)samṛddhimānmitrasaṃśrayāptārthaḥ/
sūrye bṛhaspatiyute bhavedupādhyāyasaṃjñaśca

śastrapraharaṇavidyāśaktiyuto netradurbalaścarame(carabhe)/
raṅgajño ravisitayoḥ strīsaṅgāllabdhabandhudhanaḥ(janaḥ)

dhātujño dharmamayaḥ (svakarma)svadharmanirataḥ praṇaṣṭasutadāraḥ/
nijavaṃśaguṇaiḥ (siddhaḥ)śuddhaḥ śaniravyoralpaśīlaśca

śūro raṇapratāpī mallo'sṛgvedanārtadehaśca(vedanāptadāha)/
mṛccarmadhātuśilpī kūṭajñaścandrakujayoge

kāvyakathāsvatinipuṇaḥ sadhanaḥ strīsaṃmataḥ surūpaśca/
smitavadanaḥ śaśibudhayordharmaruciḥ(ratiḥ) syādviśiṣṭaguṇaḥ

dṛḍhasauhṛdo vinītaḥ svabandhusaṃmāna(saṃmānakṛddhaneśaśca)vardhaneśaśca/
gurvindvo śubhaśīlaḥ suradvijebhyo (hito)rato bhavetpuruṣaḥ

(dhūpāṃ)stragdhautāmbarayuktaḥ kriyāvidhijñaḥ (kavi)kulapriyo'tyalasaḥ/
krayavikrayeṣu kuśalaḥ śaśibhārgavayoḥ sadā yoge

jīrṇa(vadhūnāṃ)vadhūjanaramaṇo gajāśvasampādako(sampālako) vigataśīlaḥ/
vaśyo vidhanaḥ puruṣaḥ parājitaḥ syācchaśāṅkaśaniyoge

strīdurbhago'lpavittaḥ suvarṇalohaprakārakaḥ sthapatiḥ/
duṣṭastrīvidhavānāṃ kujabudhayorauṣadhakriyānipuṇaḥ

(śilpī)śilpaśrutiśāstrajño medhāvī vāgvi śārado matimān/
astrapriyapradhānaḥ suragurukujoḥ (yoge)samāgatayoḥ

pūjyo gaṇapradhāno gaṇitajñaḥ parayuvatibhī(yuvatiko) rato dhūrtaḥ/
dyūtānṛtaśāṭhyarato viṭaśca(viṭaḥsite rudhirasaṃyute bhavati) sitarudhirasaṃyoge

dhātvindrajālakuśalaḥ (prapañcakastoyakarma)pravañcakasteyakarmakuśalaśca/
kujasaurayorvidharmaḥ śatraviṣaghnaḥ kaliruciḥ syāt

nṛttavidhervijñātā prājño'pi ca (vādya)geyaśāstravinmanujaḥ/
budhaguruyoge matimānsaukhyayuto jāyate'vaśyam

atiśayadhano nayajño bahuśilpo vedavitsuvākyaḥ syāt/
gītajño hāsyaratirbudhasitayorgandhamālyaruciḥ

(guṇavān)ṛṇavān (ḍambha)dambhaprāyaḥ prapañcakaḥ satkavirgamanaśīlaḥ/
nipuṇaḥ śobhanavākyoka budhaśaniyoge pumān bhavati

jīvati (vedai)vidyāvādairviśiṣṭadharmasthitaḥ pramāṇayutaḥ/
jīvasitayormanuṣyo viśiṣṭadāro bhavenmatimān(bhaveddhanavān)

śūro vittasamṛddho (nagarādhipatiḥ sukhī yaśasvī ca)nagarādhipatiryaśasvī ca/
śanijīvayoḥ pradhānaḥ śreṇisabhāgrāmasaṃghānām

dāruvidāraṇadakṣaḥ kṣuracitrāśmādikarmaśilpo ca/
mallo'ṭanaḥ paśupatiḥ śanisitayoge pumāna bhavati

uktaṃ phalaṃ gaganagā yadyanyonyagaṇasthitāḥ/
adhamādivikalpena kurvanti vikṛtiṃ tathā (isa adhyāya meṃ ukta ślokoṃ ke bhāva dekheṃ jātaka pārijāta adhyāya 7)

iti kalpayāṇavarmavi racitāyāṃ sārāvalyāṃ dvigrahayogo nāma pañcadaśodhyāyaḥ
ṣoḍaśo'dhyāyaḥ
(trigrahayogādhyāyaḥ)
nirlajjaḥ pāparato yantrajñaḥ śatrudāraṇe śūraḥ/
(akhila)aśmakriyāsu kuśalaḥ sahasthitaiḥ sūryaśaśibhaumeḥ

tejasvī nipuṇamatiḥ śāstrakalāgoṣṭhipānarataḥ/
nṛpakṛtyakaro(rato) dhīro raviśaśiśaśijaiḥ sahaikasthaiḥ

kruddho māyānipuṇaḥ sevākuśalo videśagamanarataḥ/
medhāvī capalamatiḥ sahasthitairarkaśaśijīvaiḥ

paradhanaharaṇe nipuṇaḥ paradārarataśca śāstranipuṇaśca/
ravicandradaityapūjyairekasthairjāyate manujaḥ

kāme(kāmavivāde) vivādakuśalo mūrkhaḥ paratantrago daridraśca/
sūryaniśākararavijairekasthairjāyate manujaḥ

bhavati khyāto mallaḥ sāhasiko niṣṭhuro vigatalajjaḥ/
dhanasutakalatrarahitaḥ sahasthitairarkakujasaumyaiḥ

vacasi nipuṇo mahārthaḥ kṣitipatimantrī ca(camūpatiḥ) bhūpatirvā'pi/
satyavacanaḥ pracaṇḍaḥ sahasthitairbhaumagurusūryaiḥ

nayanāturaḥ kulīnaḥka subhago vākśalyasaṃyuto manujaḥ/
bhṛgubhaumadivasanāthaiḥ sahasthitaiḥ syādvibhavayuktaḥ

vikalāṅgo dhanarahito nityaṃ rogānvito manujaḥ/
svajanarahito'timūrkhaḥ kṣitijārkajabhānubhiḥ sahitaiḥ

netrāturo'tidhanavān (śāstrakathākāvyagoṣṭhiśilparataḥ)mūrkhaḥ śāstrādiśilpakāvyarataḥ/
vācaspatibudhasūryairekagatairlipikaraḥ puruṣaḥ

(abhiśasto)atitapto vācāṭo bhramaṇaruciḥ proṣito gurubhiḥ/
strīhetoḥ santaptaḥ śaśisutaravibhārgavaiḥ sahitaiḥ

klībācāro dveṣyaḥ sarvajito bandhubhiḥ parityaktaḥ/
saurādityendusutairekasthairjāyate puruṣaḥ

durbalacakṣuḥ śūraḥ prājño niḥsvaśca bhūpateḥ sacivaḥ/
parakāryarato nityaṃ bhārgavagurubhāskaraiḥ sahitaiḥ

asadṛśakāyaḥ pūjyaḥ svajanadveṣyaḥ sudārasutamitraḥ/
nṛpatīṣṭo vigatabhayo jīvārkajadinakaraiḥ sahitaiḥ

śatrubhayātsodvego mānakalākāvyavarjito manujaḥ/
kutsitacaritaḥ kuṣṭhī sitārkiravisaṃyutairbhavati

pāpakarā jāyante nīcācārāḥ suhṛtsvajanahīnāḥ/
ājīvinaśca puruṣāḥ śaśāṅkabudhabhūmijaiḥ sahitaiḥ

(vraṇitāṅgaḥ)vinatāṅga strīlolaścoraḥ kāntaśca saṃmataḥ strīṇām/
bhaumaśaśāṅkasurejyairekasthaiścaṇḍaroṣaśca

duḥśīlāyāḥ putraḥ patiśca tasyāḥ sadaiva nirdiṣṭaḥ/
kujabhṛguśaśibhiḥ sahitairbhramaṇaruciḥ śītabhītaśca(bhīruśca)

bālye mṛtajananīkaḥ kṣudro viṣamaśca lokavidviṣṭaḥ/
jāyeta naro yoge bhūsutaśaśibhāskarasutānām

dhanavānkalyo vāgmī tejasvī khyātimānvipulakīrtiḥ/
bahuputrabhrātṛyuto budhendusurapūjitairyuktaiḥ

vidyāsaṃskṛtamatirapi nīcācāraḥ pumānbhavejjātaḥ/
saumyo(serṣyo) dhanapralubdho budhabhārgavacandrasaṃyoge

asvastho(asvātantryo vikalaḥ) vikalāṅgaḥ prājño vāgmī supūjitaḥ kṣitipaḥ/
bhavati naraḥ saṃyoge saurenduśaśāṅkaputrāṇām

sādhvītanayaḥ prājñaḥ kalāsvabhijño bahuśrutaḥ sādhuḥ/
bhārgavaguruśaśiyoge jātaḥ subhago bhavetpuruṣaḥ

śāstrārthatattvabuddhirvṛddhastrīsaṅgato (roṣaḥ)vigatarogaḥ/
śaśivācaspatisaurairekasthairgrāmavṛndapatiḥ

lipikarapustakavācakapurodhasāṃ bhavati janma sukṛtaiśca/
daivavidāṃ puruṣāṇāṃ śaśibhārgavasaurisaṃyoge

sukaviḥ kṣoṇīnāthaḥ sadyuvatipatiḥ parārthaṃ udyuktaḥ/
gāndharvavedakuśalaḥ syādbudhagurubhūsutaiḥ sahitaiḥ

akulīno vikalāṅgaścapalo duṣṭaśca jāyate manujaḥ/
mukharo nityotsāhī kujabudhabhṛgunandanaiḥ sahitaiḥ

preṣyaḥ śyāmalanetraḥ pravāsaśīlo bhavedvadanarogī/
ramate prahasanaśīlairbudhārkirudhiraiḥ sahaikasthaiḥ

nṛpatīṣṭaḥ satsutavānvilāsinībhyaḥ sadāptabahusaukhyaḥ/
sakalajanānandakaro bhārgavagurubhūmijaiḥ sahitaiḥ

nṛpasaṃmataḥ kṣatāṅgo nīcācāro vigarhito mitraiḥ/
bhavati naro vigataghṛṇaḥ surejyakujasaurisaṃyoge

cāritravihīnāyāḥ putro bhartā bhavetsukhavihīnaḥ/
nityaṃ pravāsaśīlaḥ saṃyuktaiḥ saurikujaśukraiḥ

sutanuḥ kṣapitārigaṇo nṛpatiḥ subhagastathā (vipudakīrtiḥ)pṛthulakīrtiḥ/
budhaguruśukraiḥ sahitairbhavati naraḥ satyavacanaśca

(māna)sthānadhanaiśvaryayutaṃ prājñaṃ bahubhoginaṃ svadāraratam/
dhṛtisaukhyarataṃ(yutaṃ) subhagaṃ janayanti budhārkijīvākhyāḥ

mukharo dhūrto'nṛtavāk parayuvatirato bhavedviṣamaśīlaḥ/
budhaśukrasūryatanayaiḥ kalāsvabhijñaḥ svadeśarataḥ

nyūne kule'pi jāto bhavati naro bhūpatirvipulakīrtiḥ/
gurubhārgavadinakarajairekasthaiḥ śīlasampannaḥ

pāpairyukte candre māturabhāvaḥ prakīrtitaprāyaḥ/
sūrye pitustathānyaiḥ śubhaṃ vadenmiśritairmiśram

prāyaḥ śubhāḥ sametā dhanabhūtiyaśo'nvitaṃ(yutaṃ) nṛpaticeṣṭam/
utpādayanti manujaṃ bhūmaṇḍalamaṇḍanaṃ śreṣṭham

pāpāstrayopi militāḥ kurvanti naraṃ sudurbhagaṃ loke/
dāridryaduḥkhataptaṃ garhitarūpaṃ vinayahīnam

iti kalyāṇavarmaviracitāyāṃ sārāvalyāṃ trigrahayoge nāma ṣoḍaśo'dhyāyaḥ
saptadaśo'dhyāyaḥ
(caturgrahayogādhyāyaḥ)
lipikarataskaramukharo rogī māyāprapañcakuśalaśca/
budharavibhaumaśaśāṅkairekarkṣagataiḥ pumānbhavati

dhanavānvanitānindyastejasvī nītimānvigataśokaḥ/
karmasamartho nipuṇaḥ śaśikujagurubhāskaraiḥ sahitaiḥ

(ugro hutabhuktīvraḥ)āryocitavāgvṛttiḥ sukhabhāṅnipuṇo'rthasaṃgrahaṇaśīlaḥ/
vidyāsutadārayutaḥ śaśikujabhṛgubhāskaraiḥ sahitaiḥ

viṣamaśarīro hrasvo dhanarahito yātitāśano mūrkhaḥ/
gamyaḥ sarvasya tathā raviśaśikujasaurisaṃyoge

(sauvarṇakaḥ)sauvarṇikaḥ plutākṣaḥ śilpakāro vā mahādhano dhīraḥ (vīraḥ)/
(gāmbhīryo rucira)jātaḥ syānnirujatanuḥ śaśijñagurubhāskaraiḥ sahitaiḥ

vikalaḥ subhago vāgmī (trastākṣo bhūpasaṃmato, piṅgākṣī bhūpasaṃmato)hrasvo nṛpasaṃmato manujaḥ/
jātaḥ syādekasthai raviśaśibudhabhārgavaiḥ sahitaiḥ

mātṛpitṛviprayukto dhanasaukhyavivarjito bhramaṇaśīlaḥ/
bhikṣāśano'pyanṛtavāk ravīndusaumyārkibhirniyatam

salilamṛgāraṇyānāṃ svāmī syātsaukhyabhāk(nṛpatipūjyaḥ) bhavati pūjyaḥ/
śukrārkaguruśaśāṅkairekarkṣagataiḥ pumān nipuṇaḥ

tāmasanetrastīkṣṇo bahusutavitto varāṅganāsubhagaḥ/
sūryejyacandrasaurairekasthairjāyate puruṣaḥ

vanitāsadṛśācāraḥ puraḥsaro'tyantadurbalaśarīraḥ/
bhīruḥ sarvatra bhavedarkendusitāsitaiḥ sahitaiḥ

śūro'tha sūtrakāraścakra(caro)dharo vā vipannadāradhanaḥ/
duḥkhārṇavo'ṭanaparaḥ susaṅgatairarkajīvabudhabhaumaiḥ

paradārarataścauro viṣamāṅgo durjano vigatasattvaḥ/
bhavati prasave puruṣo ravisitabhaumendujaiḥ sahitaiḥ

yoddhā(yodhaḥ) prājñastīkṣṇo nīcācāraḥ kavipradhānaśca/
mantrī ca bhūpatirvā budhārkakujasaurisaṃyoge

subhagaḥ pūjyo loke dhanavān nṛpasaṃmato bhuvi khyātaḥ/
ravibhaumajīvaśukrairekasthairnītimānpuruṣaḥ

sonmādo gaṇamānyaḥ siddhārtho bandhumitrasaṃpṛktaḥ/
bhānukujajīvasaureḥ saṃyuktairvā nṛpābhimataḥ

vikalo nīcācāro viṣamākṣo bandhu vidviṣṭaḥ/
sūryakujaśukrasauraiḥ parābhavaṃ sarvato yāti

dhanavānsukhapradhānaḥ siddhārtho bandhumān prakṛṣṭaśca/
bhānubudhajīvaśukrairbhavati pumānekarāśigataiḥ

klībācāro māno kalaharuciḥ (sahajavāṅ)sahajavān nirutsāhaḥ/
arkārkibudhasurejyairekasthairjāyate puruṣaḥ

mukharaḥ subhagaḥ prājño mṛdusaukhyaḥ sattvaśaucasaṃpannaḥ/
dhīro mitrasahāyo ravibudhasitasaurisaṃyoge

lubdhaḥ kaviḥ pradhānaḥ kārukanātho'dhipaśca nīcānām/
ādityārkisitāryai rājñāṃ jāto bhavediṣṭāḥ

śāstrakuśalo narendraḥ sumahāmantro'thavā mahābuddhiḥ/
śaśikujasomajajīvairekasthairyaḥ pumāñjātaḥ

kalaharucirnidrālurnīcaḥ syādvardhakīpatiḥ subhagaḥ/
bandhudveṣṭā na sukhī śaśikujabudhabhārgavaiḥ sahitaiḥ

śūro vimātṛpitṛko duṣkulajo bahukalatramitrasutaḥ/
bhavati sukarmābhirataḥ śaśikujabudhasaurisaṃyoge

vikalāṅga sukalatraḥ (kaṣṭasaho)sakalasaho'tīvamānasaṃyuktaḥ/
prājño bahumitrasukhaḥ śaśikujagurubhārgavaiḥ sahitaiḥ

badhiro dhanāvāñśūraḥ sonmādo vākpaṭuḥ sthiraprakṛtiḥ/
matimānudāracitto bhaumenduśanaiścarasurejyaiḥ

kulaṭāpatiḥ pragalbhaḥ sarpākṣo nityameva sodvegaḥ/
jātaḥ puruṣo'vaśyaṃ kujenduyamabhārgavairbhavati

vidvānvimātṛpitṛkaḥ sadrūpo dhanayuto'tisubhagaśca/
bhavati naro vigatārirbudhaguruśaśibhārgavaiḥ sahitaḥ

kṛtadharmakīrtiragryastejasvī bandhuvallabho matimān/
nṛpasacivaḥ pravarakaviḥ śaśidhajīvārkibhiḥ sahitaiḥ

paradāragamanaśīlo viśīlabhāryo vipannabandhuśca/
prājño lokadviṣṭaḥ(dveṣṭā) syādindubudhārkibhṛguputraiḥ

mātrā rahitaḥ subhagastvagdoṣī duḥkhito bhramaṇaśīlaḥ/
bahubhāṣī satyarataḥ śaśigurubhṛgusauribhiḥ sahitaiḥ

(rucira)strīkalaharucirdhanabhākpūjyo loke ca śīlasaṃpannaḥ/
bhavati pumānnirujatanurbudhāragurubhārgavaiḥ sahitaiḥ

śūro vidvānvāgmī dhanarahitaḥ satyaśaucasaṃpannaḥ/
vādī dvandvasahiṣṇurmatimānsahitairbudhāragurusauraiḥ

syānmalla; parapuṣṭaḥ kaṭhināṅgo yuddhadurmadaḥ khyātaḥ/
ramate ca sārameyairbudhārayamabhārgavaiḥ sahitaiḥ

tejasvī vittayutaḥ strīlolaḥ sāhasapriyaścapalaḥ/
bhaumaguruśukraśaurairekasthairjāyate kitavaḥ

medhāvī (śastra, śāstra)śrāddharato (kāmācāro)rāmāsaktā vidheyabhṛtyaśca/
budhajīvaśukrasaurairekasthaistīvrasaṃyoge

iti kalyāṇavarmaviracitāyāṃ sārāvalyāṃ cadurgrahayogaḥ saptadaśo'dhyāyaḥ
aṣṭādaśo'dhyāyaḥ
(pañcagrahayogādhyāyaḥ)
duḥkhī bahuprapañco jāyāviraheṇa tāpitaśarīraḥ/
bhavati pumānekasthai ravīndukujajīvacandrasutaiḥ

parakarmato nityaṃ bandhusuhṛdbhi(bandhusuhṛdvikṛto, bandhusuhṛdduḥkhito) kṛto vigatasattvaḥ/
klībairyāti ca sakhyaṃ ravīndukujaśukrasaumyaiśca

alpāyurbandhanabhāgdīno bhavatīha sarvasukhahīnaḥ/
akalatro'sutavittaḥ sauradivākarabudhendukujaiḥ

jātyandho bahuduḥkhī mātṛpitṛbhyāṃ sadaiva santyaktaḥ/
bhavati naro geyaruciḥ kujendugurubhārgavārkaiśca

yuddhakuśalaḥ samarthaḥ paravittaharaḥ paropatāpī ca/
(piśunaḥ khalaśca)piśunaścalaśca puruṣaḥ śaniśaśikujajīvadivaseśaiḥ

mānārthavibhavahīno malinācāraḥ parāṅganānirataḥ(bhirataḥ)/
pañcabhirekasthaiḥ syāddineśaśaśiśukraśanibhaumaiḥ

yantrajño bahuvibhavo nṛpasacivo daṇḍanāyako vā syāt/
khyātaḥ śubhakīrtiyuto budhenduravijīvaśukraiśca

bhīruḥ priyasantyaktaḥ sonmādo vañcanāsu nipuṇaśca/
ugraḥ parānnabhojī budhendugurusūryaraviputraiḥ

dīrgho romaśagātro maraṇotsāhī sukhārthasutahīnaḥ/
syātpañcabhirekasthai ravicandrabudhārkibhṛguputraiḥ

vāgmīndrajālanirataścalacittaḥ strīṣu vallabho matimān/
bahuśatrurvigatabhayo ravīnduguruśukrabhānusutaiḥ

kāmī bahuturaganaraḥ (sphītaḥ senāpatiḥ)svīkṛtasenāpatirvigataśokaḥ/
rājapriyo'tisubhago budhāraravijīvaśukraiḥ syāt

nityodvigno rogī bhikṣāṃ bhuṅkte gṛhādgṛhaṃ gatvā/
jīrṇamalīmasavāsā ravikujabudhajīvaraviputraiḥ

vadhabandhanarogārto vidvām̐lloke supūjito bhavati/
niḥsvo vikalaśarīraḥ kujaśaśibudhaśukramandaiḥ syāt

vyādhibhiraribhirgrastaḥ sthānabhraṣṭo'tiduḥkhasantaptaḥ/
bhramati kṣubhitaḥ puruṣaḥ kujārkiraviśukraśaśitanayaiḥ

preṣyo mūrkhaḥ klībo malinācāro'tidurbhago vikalaḥ/
bhavati naro dhanarahitaḥ śaśikujaguruśukraravitanayaiḥ

jalayantradhātupāradarasāyaneṣvatipaṭuḥ pumān bhavati/
ebhiḥ prasiddhakarmā kṣitisutaravijīvasitasauraiḥ

bahuśāstrajñānapaṭurmitrahitaḥ saṃmato gurūṇāṃ ca/
dharmaparaḥ kāruṇikaḥ sūryāsitaśukrabudhajīvaiḥ

sādhuḥ kalyaśarīro vidyādhanasatyasaukhyasampannaḥ/
bandhuhito bahumitro budhendukujajīvabhṛguputraiḥ

timirāmayī daridraḥ parānnamabhiyācayate sadā dīnaḥ/
malinayati bandhuvargaṃ kujārkibudhajīvahimakaraṇaiḥ

bahuśatrumitrapakṣaḥ parārthahitakṛdviṣamaśīlaḥ/
ekasthairatimānī budhendukujaśukraraviputraiḥ

nṛpamantrī nṛpatisamo gaṇanāthaḥ sarvalokapūjyaśca/
ekarkṣe bhavati naraścandrendujajīvaśaniśukraiḥ

sumanaskaḥ sonmādo rājñāmativallabho vigataśokaḥ/
nidrāturo daridraḥ kujagurubudhaśukraraviputraiḥ

iti kalyāṇavarmaviracitāyāṃ sārāvalyāṃ pañcagrahayogo nāmāṣṭādaśo'dhyāyaḥ
ekonaviṃśo'dhyāyaḥ
(ṣaḍagrahayogādhyāyaḥ)
vidyādhanadharmarataḥ kṣāmo bahubhāṣako(viśiṣṭa)vikṛṣṭamatiḥ/
ekabhavanopayātairbudhenduravyāraguruśakraiḥ

dātā parakāryakaraścalasvabhāvo viśuddhasattvaśca/
ramate vijanoddeśe ravīnduvakrajñagururavijaiḥ

coraḥ paradārarataḥ kuṣṭhī svajanairnirākṛto mūrkhaḥ/
sthānabhraṣṭo visuto budhenduravyāraśaniśukraiḥ

nīcaḥ parakarmarataḥ (karmakaraḥ)kṣayarogī(khāsa)śvāsakāsaparibhūtaḥ/
nindyaḥ syādbandhūnāṃ sitenduravyāraguruvijaiḥ

mantrī nṛpasya subhagaḥ kṣāntiyuto bhavati śokaparitaptaḥ/
akalatro dhanarahito ravīndubudhajīvasisauraiḥ

tīrtheṣu sadā ramate putrairnityaṃ dhanena rahitaśca/
vanaparvatopasevī budhāraravijīvaśaniśukraiḥ

nityaṃ śuciḥ pratāpī bahuyuvatirato nṛpapriyo mantrī/
dhanasutasaubhāgyayutaḥ kujārkisitacandrabudhajīvaiḥ

prāyo daridraduḥkhī mūrkhaḥ ṣaṭpañcasaṃyutairvihagaiḥ/
anyonyadarśanādapi phalametatkandalāḥ prāhuḥ

iti kalyāṇavarmaviracitāyāṃ sārāvalyāṃ ṣaṭgrahayogo nāmaikonaviṃśa'dhyāyaḥ
iti kalyāṇavarmaviracitāyāṃ sārāvalyāṃ kārakā'dhyāyaḥ ṣaṣṭhaḥ//
viṃśo'dhyāyaḥ
(pravrajyāyogādhyāyaḥ)
yogā vibhaktāścaturādisaṃsthairvyāsādgrahaiḥ kairapi tāpasānām/
janmādi(janmārhataiṣāṃ) teṣāmaparairmunīndraiḥ saṃveditaṃ tatkathayāmyaśeṣāt

sūryenduśukrāryamahīsuteṣu sūryendusomātmajabhūmijeṣu/
ekasthiteṣu prabhavettapasvī bhānvāramandajñasiteṣu caiva

kujendusūryajñapurohitaiśca tīkṣṇāṃśucandrārkiśaśāṅkajaiśca/
sūryendubhūputraśanaiścaraiḥ syādekarkṣagaiḥ pravrajito manuṣyaḥ

ādityagurvārkiśaśaṅkaputrā bhaumārkacandrātmajasūrayaśca(saurayaśca)/
ekarkṣasaṃsthaistapasi sthitānāṃ kurvanti janmaprasave grahendrāḥ

sitārkabhaumārkasutā mahābalāḥ surejyabhūputrakasūrya(saura) saurayaḥ(sūra)/
kujenduvāgīśaśanaiścarā ime samaṃ gatā vai janayanti tāpasam

kujārkisomātmajadevavanditaiḥ kujārkicandrātmajasūryabhārgavaiḥ/
ravīndubhaumāsitadānavapriyairbhavanti sūtā vratasaṃyutā narāḥ

sitārasūryātmajajīvabhāskaraiḥ kujendudeveḍyabudhārkanandanaiḥ/
sitenduputrārkiśaśāṅkabhūmijairbhavettapasvī vanaparvatāśrayaḥ

candrenduputrārasureḍyabhāskaraiḥ śaśāṅkasūryendujaśukrabhūmijaiḥ/
sthitairamībhiḥ sahitairnṛsambhavā bhavanti vandyā manuyo'nnadūṣakāḥ

ravīndubhaumendujajīvabhārgavaiḥ śaśāṅkabhaumārkibudheḍyabhāskaraiḥ/
kujendusūryārkisitendusambhavairbhavedamībhiḥ sahitairnaro vratī

sitendujīvārkajasūryalohitaiḥ sitārkabhaumārkiśaśāṅkasomajaiḥ/
ekatra yātairgaganecaraiḥ sadā bhavanti jātā munayo yaśasvinaḥ

kujajñavāgīśasitārkibhāskaraiḥ sitārkijīvendujacandrabhūmijaiḥ/
balapradhānaiḥ sahitairvihaṃgamairvrajetprajātaḥ puruṣastapasvitām

ravīnduvāgośaśanaiścaraiśca śanaiścarendvarkasitairavaśyam/
ravīnduputrakṣitijendrapūjyaistapasvinaḥ syuḥ phalamūlabhakṣiṇaḥ

vakrārkasomātmajadānaveḍyā bhīmenduvāgīśaśaśaṅkaputrāḥ/
ekarkṣagā janmani yasya jantorbhavedvratī valkalacīradhārī

śaśīnduputrakṣitijārkaputrā budhakṣamāputrasureḍyasaurāḥ/
ekarkṣagā janmani yasya sūtau kurvanti taṃ tāpasameva śāntam

candrārkabhārgavaśaśāṅkasutā balasthā
bhaumenduputrasitabhāskaranandanāśca/
mandenduvākyapatisitā niyataṃ yatīnāṃ
kurvanti janma phalapākakṛtāśanānām

ravikujaśaśiśukraiścandrabhaumajñasūryai-
rgurusitaravimandaiḥ śukrajīvenduvakraiḥ/
kujabudhasitacandrairebhirekarkṣayātai-
rbhavati girivanaukāstāpasaḥ sarvavandyaḥ

sitaśaśikujagurumandaiścandrendujabhaumadevaguruśukraiḥ/
raviśaśikujabudhajīvairbhavati yatirduḥkhito dīnaḥ/17//
kujārkideveḍyasitenduputraiḥ śanīnasomātmajacandrabhaumaiḥ/
samaṃ gataiḥ syuḥ sabalairyathoktairjaṭādharā valkaladhāriṇaśca

bhānvidujendukujajīvasurāripūjyaiḥ sūryendubhaumaguruśukraśanaiścaraiśca/
prāpnotyavaśyamiha tāpasarūpamebhirekarkṣagairganavāsibhireva jātaḥ

pravrajyeśe dinakaragate (dinakaraga tairbhaktimanto na śaktāḥ) muktimanto'tiśaktāḥ (di nakaragatairbhaktimanto na śaktāḥ)
pravrajyāyāḥ subalasahitaiḥ sthairyamāhurgrahendraiḥ/
sampūrṇānāṃ (badhamupagataiḥ)vaśamanugataiḥ (pracyutistai)pracyutaistairbahutve
vīryopetairbhavati bahubhiḥ sadbalasyānupūrvyāt

pravrajyāyāḥ svāmī (ruci)ravimuṣitatanu(ruci)rnirīkṣito vā'nyaiḥ/
yācitadīkṣā bhavati ca yavanādhipateryathā vākyam

śaśī dṛkāṇe ravijasya saṃsthitaḥ (kujārka)kujārkidṛṣṭaḥ prakaroti tāpasam/
kujāṃśake vā ravijena dṛṣṭo navāṃśatulyaṃ kathayanti (taṃ punaḥ)tatpunaḥ

janmādhipaḥ sūryasutena dṛṣṭaḥ śaiṣairadṛṣṭaḥ puruṣasya sūtau/
ātmīyadīkṣāṃ kurute hyavaśyaṃ pūrvoktamatrāpi vicāraṇīyam

janmapatirvi(vipulāṅgaḥ)kilāṅgaḥ paśyati sauriṃ catuṣṭaye prabalam/
yasya sa bhāgyavihīnaḥ pravrajyāṃ prāpnuyāt puruṣaḥ

guruhimaguravīṇāmeka evodayastho
gaganatalagato vā riḥphalagaścālpamūrtiḥ/
avikalavalabhājā sūryaputreṇa dṛṣṭo
janayati khalu jātaṃ tāpasaṃ duḥkhabhājam

kumudavanasubandhuṃ saumyabhāge balasthaṃ
viyati gamanaśīlān svoccabharathāṃśca śeṣāt/
yadi dinakaraputraḥ paśyati prāptavīryo
bhavati bhuvananātho dīkṣitaśca svatantraḥ

atiśayabalayuktaḥ śītaguḥ śuklapakṣe
balavirahitariktaṃ prekṣate lagnanātham/
yadi bhavatī tapasvī duḥkhitaḥ śokatapto
dhanajanaparihīnaḥ kṛcchralabdhānnapānaḥ

sauriḥ śubhabhāgasthaḥ paśyati candraṃ grahāṃstathaivānyān/
(tuṅgāṃśeṣu)kumbhāṃśeṣu prāptān janayati dīkṣānvitaṃ puruṣam

ekarkṣagataiḥ sarvairjanmādhipatirnirīkṣito yasya/
dīkṣā tasyāvaśyaṃ bhavatīti purātanaiḥ kathitam

agnīnāṃ paricārakā girinadītīrāśrame tāpasāḥ
sūryārādhanatatparā gaṇapaterbhaktā umāyāśca ye/
gāyatrīṃ japatāṃ vane niyamināṃ gaṅgābhiṣekārthināṃ
kaumāravratamicchatāmadhipatisteṣāṃ sadā bhāskaraḥ

vṛddhaśrāvakabhasyadhūlidhavalāḥ śaivavrate ye sthitā
bāhyāḥ pātakitāṃ gatā bhagavatībhaktāśca niḥsaṅginaḥ/
siddhānte khalu somanāmni niratāḥ kāpālikā niṣṭhurā-
steṣāṃ nāyakatāṃ gataḥ śaśadharaḥ khaṭvāṅgapāṇidyutiḥ

upāsakā buddhasamāśrayaṃ gatāḥ śikhāṃ (śikhāṃ gitāḥ)vinā pāṇḍarabhikṣavaśca ye/
suvāsaso raktapaṭā jitendriyāḥ prabhuḥ sadaiṣāṃ kṣitijaḥ prakīrtitaḥ

ājīvināṃ kuhakināṃ samayādhikā ye(samayādhikāraḥ) ye dīkṣitāstanubhṛtaḥ khalu gāruḍe ca/
tantre mayūrapiśitāśanayośca yuktāsteṣāṃ śaśāṅkatanayodhipatirniruktaḥ

ekaṃ trīnathavā vahanti munayo daṇḍān kaṣāyāmbarā
vānaprasthamupāgatāḥ phalapayobhakṣāśca ye bhikṣavaḥ(sadbhikṣavaḥ)/
gārhasthyena tu saṃsthi tā niyaminaḥ sadbrahmacarya gatā-
steṣāṃ daṇḍapatiḥ surendrasacivastīrtheṣu ye snātakāḥ

pāśupatayajñadīkṣāvrateṣu te nityameva saṃyuktāḥ/
vaiṣṇavacarakāṇāmapi teṣāṃ netā prakīrtitaḥ śukraḥ

pāṣaṇḍavrataniratā digambarā bhikṣavo ye ca/
teṣāmadhipatirārkiḥ śāvakatarumūlinaśca dustapasaḥ

prakathitamuniyoge rājayogo yadi syā-
daśubhaphalavipākaṃ sarvamunmūlya paścāt/
janayati pṛthivīśaṃ dīkṣitaṃ sādhuśīlaṃ
praṇatanṛpaśirobhiḥ (dhṛṣṭa)spaṣṭapādābjayugmam

iti kalyāṇavarmaviracitāyāṃ sārāvalyāṃ pravrajyāyogo nāma viṃśo'dhyāyaḥ/
iti kalyāṇavarmaviracitāyāṃ sārāvalyāṃ kārakā'dhyāyaḥ ṣaṣṭhaḥ//
ekaviṃśo'dhyāyaḥ
yavanādyairvistarataḥ kathitā yogāstu nābhasā nāmnā/
aṣṭādaśaśataguṇitāsteṣāṃ dvātriṃśadiha vakṣye

naucchatrakūṭakārmukaśṛṅgāṭakavajradāmanīpāśāḥ/
vīṇāsarojamusalā vāpīhalaśarasamudracakrāṇi

mālā sarpārdhendu yavakedāro gadāvigayūpāḥ/
yugaśakaṭaśūladaṇḍā jagato yogairebhiḥ prakīrtyate prasavaḥ/
āśrayajātān prāhurmāṇitthā musalarajjunalayogān

golayugasūlapāśā vīṇākedāradāmanīsaṃjñāḥ/
saptaite saṃkhyākhyāḥ pūrvācāryaiḥ samuddiṣṭāḥ(dra.bṛ.jā. 35/5/)

dve cārdhayogasaṃjñe bhujaṅgamāle parāśareṇokte/
ākṛtijātā viṃśatiraparaiḥ kathitāśca sāvitraiḥ(sāvitre)

āśrayayoge jātā amiśrite saukhyalābhaguṇayuktāḥ/
anyonyamiśritāścedvigataphalāḥ syustadā yogāḥ

nandati svairbhāgyairnṛpalabdhadhanā nṛpapriyāḥ khyātāḥ/
prāyeṇa saukhyayuktāścākṛtiyogeṣu ye jātāḥ

parabhāgyalabdhasaukhyā dhanabhāgyaireva (parabhāgyaireva jīpitāsteṣām)jīvitaṃ teṣām/
saṃkhyāsaṃjñe jātā ye puruṣāḥ sarvato vikalāḥ

kvacit svabhāgyaiḥ kvacidevameva kvacitparādbhūpatitaṃ phalaṃ vā(ca)/
kvacitsukhaṃ duḥkhamatīva kaṣṭaṃ dalākhyayoge(samārdhayoge) puruṣo labheta

horādikaṇṭakebhyaḥ saptarkṣagataiḥ krameṇa yogāḥ syuḥ/
naukūṭacchatrakārmukanirdiṣṭāḥ pūrvayavanendraiḥ(dra.vṛ.pā.65/14/)

lagnādikaṇṭakebhyaścaturgṛṃhāvasthitairgrahairyogāḥ/
yūpaśaraśaktidaṇḍāḥ satyācāryapriyā nityam(dra.vṛ.pā.35/13 tathā vṛ.jā.12/7/9)

saptarkṣagairgrahendaiḥ kendrādanyatra kīrtito'rdhaśaśī/
kendrapratyāsannairbhavanadvayagairgadā nāma(dra. vṛ. jātaka 12/7, 4tathā 35/9/)

lagnāstagataiḥ saumyaiḥ pāpaiḥ sukhakarmagairbhavati vajram/
viparītairyavayogo miśraiḥ padmaṃ bahiḥsthitairvāpī(dra.vṛ.pā. 31/11 tathā vṛ.jā.12/5/)

haurāstagataiḥ śakaṭaṃ caturthadaśamāśritairbhavedvihagaḥ/
udayānyagaistrikoṇe hala iti śrṛṅgāṭakaṃ salagne tat (dra.vṛ.pā.35/8-10/vṛ.jā. 12/4/)

rāśyantaritairlagnāt ṣaṭbhavanagatairbhaveccakram/
arthāttathaiva yātaiścakrākāro bhavejjaladhiḥ

ityākṛtijā ete viṃśatisaṃkhyā mayā samuddiṣṭāḥ/
āśrayajātān vakṣye yathāmataṃ vṛddhagārgyasya(dra.vṛ.pā. 35/8, vṛ.jāya12/9/)

ubhayasthiracarasaṃsthaiḥ sarvairnalamusalarajjavaḥ kramaśaḥ/
kendreṣu saumyapāpairmālā sarpaśca dalayogau(dra.vṛ.pā. 35/7, vṛ.jā.11/2/)

ekabhavanādisaṃsthaiḥ saṃkhyākhyāḥ syuryathākramaṃ yogāḥ/
golayugaśūsaṃjñāḥ kedāraḥ pāśadāmanīvāṇāḥ(dra.vṛ.pā. 35/16-17, vṛ.jā12/12/10/)

eteṣāṃ phalayogaṃ kathayāmi yathākramaṃ munibhiruktam/
sarvadaśāsvapi phaladāḥ sakalā ete budhaiścintyāḥ

salilopajīvivibhavā bahvāśāḥ khyātakīrtayo hṛṣṭāḥ/
kṛpaṇā balino lubdhā nausambhūtāścalāḥ puruṣāḥ

ānṛtikakitavabandhapālā niṣkiñcanāḥ śaṭhāḥ krūrāḥ/
kūṭasamutthā nityaṃ bhavanti giridurgavāsino manujāḥ(dra.vṛ.pā.35/37, vṛ.jā.12/16/)

dvāviṃśo'dhyāyaḥ
(ho. ra. 3 a. 417 pṛ./)sarvasya sarvakālaṃ graharāśisamudbhavaṃ phalaṃ yasmāt(yatsyāt)/
kathayāmyataḥ prayatnāt śeṣācāryān samāśritya

śāstrārthakṛtikalābhiḥ khyāto yuddhapriyaḥ pracaṇḍaśca/
udyukte bhramaṇarucirdṛḍhāsthibandhaḥ kriye śreṣṭhaḥ

sāhasakarmābhirataḥ pittāsṛgvyādhikāntisattvayutaḥ/
sūrye bhavati narendraḥ svatuṅgarāśau naro jātaḥ

dānarato bahubhṛtyo lalito yuvatipriyo mṛduśarīraḥ/
kujabhavanagate sūrye candreṇa nirīkṣite bhavati

saṅgrāmotkaṭavīryaḥ krūraḥ saṃraktanetrakaracaraṇaḥ/
bhaumagṛhe kujadṛṣṭe bhānau tejobalopetaḥ

preṣyaḥ parakarmarato mandadhanaḥ sattvahīnabahuduḥkhaḥ/
bhānau budhasaṃdṛṣṭe kujabhavane malinakāyaśca

bhūridraviṇo dātā nṛpamantrī danḍanāyako vā'pi/
taraṇau suragurudṛṣṭe kujabhavane jāyate śreṣṭhaḥ

(kutsitarāmāsaktaḥ)kutsitarāmābhartā bahuśatruḥ kṣīṇabāndhavo dīnaḥ/
bhaumagṛhe sitadṛṣṭe divākare jāyate kuṣṭhī

duḥkhapariplutadehaḥ kāryonmādī bhavedvimūḍhamatiḥ/
bhaumarkṣe divasakare ravitanayanirīkṣite mūrkhaḥ

vadanākṣirāgataptaḥ kleśasahiṣṇurna(kṛśona bahuputraḥ)cāpi bahuśatruḥ/
bhakto vyavahāratau matimānvandhyāṅganādveṣī

bhojanamālyācchādanagandhayuto geyavādyanṛttajñaḥ/
divasakare vṛṣasaṃsthe bhavati pumān salilabhīruśca

veśyāratirmṛduvacā bahuyuvatisamāśrayo bhavati/
dinanāthe sitabhavane dṛṣṭe śaśinā salilajīvī

lipilekhyakāvyapustakageyādividhāvatīva nipuṇamatiḥ/
dinanāthe sitabhavane budhasaṃdṛṣṭe bhavet sutanuḥ

bahuśatrumitrapakṣo nṛpasacivaścārulocanaḥ kāntaḥ/
dinanāthe sitabhavane guruṇā dṛṣṭe (sadodyuktaḥ, sadvodvignaḥ)sutoṣito nṛpati

nṛpatirnṛpamantrī vā strīdhanabahuyogasaṃyuto matimān/
dinanāthe sitabhavane sitasaṃdṛṣṭe bhavedbhīruḥ

nīco'laso daridro vṛddhastrīsaṃgato viṣamaśīlaḥ/
dinanāthe sitabhavane śanidṛṣṭe vyādhisantaptaḥ

medhāvī vāṅmadharo vātsalyaguṇairyutaḥ śrutācāraḥ/
vijñānaśāstrakuśalo bahuvitta udāraceṣṭaśca

nipuṇo jyotiṣavettā madhyamarūpo dvimātṛkaḥ subhagaḥ/
mithunasthe dinabhartari jātaḥ puruṣoḥ vinītaḥ syāt

ripubāndhavakṛtapīḍā videśagamanārdito bahuvilāpī/
budhabhavane dinabhartari dṛṣṭe candreṇa puruṣaḥ syāt

ripubhayakalahasameto raṇāpavādātiduḥkhato dīnaḥ/
budharāśau dinabhartari kujekṣite bhavati savrīḍaḥ

bhūpaticaritaḥ khyāto bāndhavasahito'ribhiśca saṃtyaktaḥ/
budharāśau dinabhartari (budhena dṛṣṭe kṛśatnaḥ syāt)budhadṛṣṭe'kṣyāmayayutaḥ syāt

bahuśāstradāritamukho rājñāṃ dūto videśagaścaṇḍaḥ/
budharāśau dinabhartari guruṇā dṛṣṭe sadonmādaḥ

dhanadāraputrasukhito(sahito) mandasnehaktvānāmayaḥ (subhagaḥ)sukhitaḥ/
budharāśau dinabhartari sitasaṃdṛṣṭe bhaveccapalaḥ

buhubhṛtyodvignamanā bahubandhuvipoṣaṇe sadā (khinnaḥ)nirataḥ/
budharāśau dinabhartari saureṇa nirīkṣite kitavaḥ

karmasu capalaḥ khyāto guṇairnṛpāṇāṃ svapakṣavidveṣī/
strīdurbhagaḥ surūpaḥ kaphapittārtaḥ śramābhi‍santaptaḥ

(madyapriyaḥ sadharmo)madyaruciḥ samadharmā mānī varavākyadeśadigvettā/
sūrye kulorasaṃsthe bahusthitiḥ pitṛgaṇadveṣṭā

rājā rājasamo vā (uḍu)jalapaṇyadhanastiraḥ(sthitiḥ) krūraḥ/
karkaṭake tīvrakare dṛṣṭe śaśinā bhavetpuruṣaḥ

(śopha)śoṣabhagandararogaiḥ santapto bandhubhiḥ saha (viruddhaḥ)viraktaḥ/
karkaṭake dinanāthe bhaumena nirīkṣite (visataḥ)piśunaḥ

vidyāmānayaśobhiḥ khyāto nṛpavallabho bhavennipuṇaḥ/
sūrye kulīrarāśau budhena dṛṣṭe vigataśatruḥ

yahām̐ taka 4-3-2020 ko karekśana ho gayā hai
śreṣṭho rājño mantrī senānātho'tha suprasiddhaśca/
sūrye śaśibhavanasthe guruṇā dṛṣṭe kalābhyadhikaḥ

strīsevī yuvatidhanaḥ parakāryakaro raṇe (prabhagnaśca)pracaṇḍaśca/
karkaṭakasthe sūrye sukreṇa nirīkṣite priyālāpaḥ

kaphamārutarogārtaḥ parasvahārī vilomamaticeṣṭaḥ/
karkaṭakasthe bhānau svaputradṛṣṭe pumān piśunaḥ

ripuhantā krodhaparo viśiṣṭaceṣṭo vanādridurgacaraḥ/
utsāhī sacchūrastejasvī māṃsabhakṣaṇo raudraḥ

gambhīraḥ sthirasattvo (mukharaḥ)badhiraḥ kṣipipālako dhanasamṛddhaḥ/
siṃhasthe divasakare khyātaḥ puruṣo bhavejjātaḥ

medhāvī sukalatraḥ kaphārdito bhūpavallabho manujaḥ/
āditye siṃhasthe candreṇa nirīkṣite bhavati

paradārarataḥ śūraḥ sāhasakārī kṛtodyamo raudraḥ/
divasakare siṃhasthe kujena dṛṣṭe pradhānaśca

vidvān lipilekhyakāraḥ kitavāsevī paribhramati hīnaḥ/
siṃhasthe divasakare budhena dṛṣṭe na bahusattvaḥ

devārāmataṭākān karoti sattvādhiko vijanaśīlaḥ/
siṃhe sahasraraśmau suragurudṛṣṭe mahābuddhiḥ

durnāmakuṣṭharogairabhibhūto nirdayo vigatalajjaḥ/
siṃhe timivināśe śukreṇa nirīkṣite jātaḥ

kāryaṃvināśanadakṣaḥ ṣaṇḍho jātaḥ parotāpakāraḥ/
siṃhasthe divasakare svaputradṛṣṭe pumān bhavati

strītulyanurhrīmān lipivettā durbalaśca valgukathaḥ/
medhāvī laghusattvo vidvān śuśrūṣakaḥ (suguṇaḥ)suragurūṇām

saṃvāhanādikarmasu dakṣaḥ śrutigeyavādyaparituṣṭaḥ/
kanyāyāṃ divasakare jāto mṛdudīnavākyaśca

(saṅga)bhaṅgakṣayavyayārto videśamārgādilampaṭo dviṣṭhaḥ/
nīcopahataprītirhiraṇyalohādipaṇyajīvī ca

dveṣyaḥparakarmarataḥ paradāraratiḥ pumān bhavenmalinaḥ/
sūrye tulādharasthe nṛpaparibhūtaḥ pragalbhaśca

anivāritaraṇavegaḥ śrutidharmarato na satyavāṅmūrkhaḥ/
pravinaṣṭaduṣṭayuvatiḥ krūraḥ kustrīvidheyaśca

krodhaparo'sadvṛtto lobhiṣṭhaḥ kalahavallabho'nṛtavāk/
śastrāgniviṣagrastaḥ piturjananyāśca durbhagaḥ kīṭe

dravyānvito nṛpeṣṭo jātaḥ prājñaḥ suradvijānurataḥ/
śastrāstrahastiśikṣānipuṇo vyavahārayogyaśca

pūjyaḥsatāṃ praśānto dhanavān vistīrṇapīnacārutanuḥ/
bandhūnāṃ hitakāro sattvayutaḥ kārmuke sūrye

vāgbuddhi vibhavaputraiḥ samanvito nṛpasamo vigataśokaḥ/
vākpatirāśau tapane dṛṣṭe candreṇa suśarīraḥ

saṃgrāme labdhayaśāḥ sphuṭavacano vittasaukhyasampannaḥ/
sūrye vākpatirāśau bhaumena nirīkṣate caṇḍaḥ

madhuravacano lipijñaḥkāvyakalāgoṣṭhiyānadhātujñaḥ/
gurubhe savitari dṛṣṭe budhena janasaṃmato bhavati

vicarati narendrabhavane nṛpatirvā vāraṇāścadhanayuktaḥ/
suragurugṛhai vivasvati guruṇā dṛṣṭe sadā vidvān

divyastrobhogayutaḥ sugandhamālyādibhiḥ sahitaḥ/
suragurubhavane bhānau śukreṇa nirīkṣate śāntaḥ

aśuciḥ parānnakāṃkṣī nīcānurataścaduṣpadakīḍaḥ/
devejyagṛhe sūrye mandena nirīkṣite bhavati

lubdhaḥ kustrīsaktaḥ kukarmasaṃvardhitaḥ satṛṣṇaśca/
bahukāryarato bhīrurvihīnabandhuścalaprakṛtiḥ

aṭanapriyo'lpasattvaḥ svapakṣavikṣobhanāśitasamastaḥ/
makarasthe divasakare jāto bahubhakṣakaḥ puruṣaḥ

māyāpaṭuścalamatiḥ strīsaṅgānnamaṣṭadhanasaukhyaḥ/
mandagṛhe tīvrakare candreṇa nirīkṣiṇe bhavati

vyādhibhiraribhirgrastaḥparakalahācchastravikṣataśarīraḥ/
mandagṛhe timiraripau bhaumena nirīkṣite vikalaḥ

śūraḥ ṣaṇḍaprakṛtiḥ parasvahārī na (sādhu)sārasarvāṅgaḥ/
nalinīdayite śanibhe budhena saṃvīkṣite bhavati

śobhanakarmā matimān sarveṣāmāśrayo vipulakīrtiḥ/
koṇagṛhe dinabhartari guruṇā dṛṣṭe manasvī ca

śaṅkhapravālamaṇibhirjīvati veśyāṅganīdhanasamṛddhaḥ/
koṇabhavane dinapatau bhṛguṇā dṛṣṭe sukhī jātaḥ

dhvaṃsayati śatrupakṣaṃ narendrasanmānavardhitāśvāsaḥ/
bhānau śanaiścaragṛhe śanidṛṣṭe sūyate yo'sau

hṛdrogī bahusattvaḥ satāṃ vigarhyo'tiroṣaśca/
paradārāṇāṃ subhagaḥ karmasvatiniścito bhavati

duḥkhaprāyo'lpadhanaḥ śaṭhaścalitasauhṛdo malinamūrtiḥ/
kumbhadhare'rke jātaḥ piśunaḥ syāt duṣpralāpaśca

suhṛdāṃ saṃgrahaśīlaḥ strīprītyā labdhasaukhyasaṃbhāraḥ/
prājño bahuśatrughnaḥ kṣayodayī bhavati dhanakīrtyā

satsutabhūtyāptayaśā jalapaṇyadhanaḥ suvāganṛtavādī/
ūrjitaguhyarugārto bahusahajo mīnasaṃsthe'rke

trayoviṃśodhyāyaḥ
sauva(sevā vinnaḥ)rṇāṅgaḥsthirasvaḥ sahajavirahitaḥ sāhasī mānabhadraḥ(vānabhadraḥ)
kāmārtaḥ kṣāmajānu kunakhatanukaścañcalo mānavittaḥ/
padmabhaiḥ pāṇipādairvitatasutajano vartulākāranetraḥ
sasnehastoyabhīrurvraṇavikṛtaśirāḥ strījito indau

atyugrataro nṛpatiḥ praṇatānāṃ mārdavaṃ (vahati)bhajati jātaḥ/
dhīraḥ saṃgrāmaruco raviṇā dṛṣṭe śaśini meṣe

dantākṣirogataptaḥ (viṣaśikhitāpāstravaikṛtaśarīraḥ)śikhivātādikṣataśarīraḥ/
māṇḍalikaḥ syānmeṣe kujadṛṣṭe śaśini (mūtrakṛcchrārtaḥ)bhūtārtaḥ

(vāmā vidyācārya/)nānāvidyācāryaḥ sadvākyaḥ syānmano'bhīṣṭaḥ/
budhadṛṣṭe meṣasthe niśākare satkavirvipulakīrtiḥ

bahubhṛtyadhanasamṛddho dṛṣṭe guruṇā pumān jātaḥ

subhagaḥ sutadhanayukto varayuvativibhūṣaṇo'lpabhoktā ca/
meṣe śiśiramayūkhe bhṛgutanayanirīkṣa‍ite bhavati

vidviṣṭo bahuduḥkho dāridryatanurmalīmaso'nṛtavāk/
meṣe śiśiramayūkhe ravitanayanirīkṣite bhavati

vyūḍhorasko'tidātā ghanakuṭilakacaḥ kāmukaḥ kīrtiśālī
kāntaḥ kanyāprajāvān vṛṣasamanayano haṃsalīlāpracāraḥ/
madhyānte bhogabhāgī pṛthuka (kara)ṭicaraṇaskandhajānvāsyajaṅghaḥ
sāṃkaḥ pārśvāsyapṛṣṭhe kaku(kakuda)di śubhagatiḥ kṣāntiyukto gavīndau

karṣakamatikarmakaraṃ dvipadacatuṣpa(caduṣpadaiḥ samṛddhaṃ/)dasamṛddhamatyāḍhyam/
prāyogikaṃ prakurute vṛṣabhe ravivīkṣitaścandraḥ

atikāmaṃ kujadṛṣṭo yuvatikṛte naṣṭadāramitrajanam/
hṛdayaharaṃ nārīṇāṃ mātu(māturapathya)rna śubhaṃ śaśī vṛṣe kurute

prājñaṃ vākyavidhijñaṃ pramuditamiṣṭaṃ samastabhūtānām/
janayati budhena dṛṣṭaḥ śaśī vṛṣe'nupamaguṇaiyurktam

sthiraputradārasuhṛdaṃ mātāvitṛbhaktimantamatinipuṇām/
dhārmikamativikhyātaṃ gavi gurudṛṣṭaḥ śaśī kurute

bhūṣaṇayānagṛhāṇāṃ śayanāsanagandhavastramālyānām/
bhāginamupabhoktāraṃ sitekṣito yadi śaśī kurute

dhana(dhanasukhahīnamaniṣṭaṃ māturvṛṣabhe karoti yuvatīnām/) hīnamaniṣṭakaraṃ vṛṣabhe dveṣyaṃ sadā ca yuvatīnām/
sutamitrabandhusahitaṃ ravisutadṛṣṭaḥ śaśī kurute(puruṣam/)

pūvārdhe sambhūto jananīmṛtyuṃ karoti na cireṇa/
paścādardhe vṛṣabhe piturviyogaṃ śaśī kurute

unnāsaśyāmacakṣuḥ suratavidhikalākāvyakṛdbhogabhogī
haste matsyādhipāṃko viṣayasukharato buddhi(budbudākṣaḥ)dakṣaḥ sirālaḥ/
kāntaḥ saubhāgyahāsyapriyavacanayutaḥ strījito vyāyatāṅgo
yāti klībaiśca sakhyaṃ śaśini mithunage mātṛyugmapramuṣṭaḥ

prajñādhanaṃ prakāśaṃ mithune rūpānvitaṃ sudharmiṣṭham/
atiduḥkhitamalpārthaṃ karoti sūryekṣitaścandraḥ

atiśūramatiprājñaṃ sukhavāhanavibhavarūpasampannam/
kurute mithune candro vakreṇa nirīkṣito'vaśyam

arthotpādakuśalaṃ kurute hyaparājitaṃ sudhīraṃ ca/
pārthivamakhaṇḍitājñaṃ mithune budhavīkṣitaścandraḥ

vidyāśāstrācārya vikhyātaṃ satyavācamatirūpam/
mānyaṃ vāgminaminduḥ karoti guruvīkṣito mithune

varayuvatimālyavastrairvaravāhanayānabhūṣaṇairmaṇibhiḥ/
krīḍāṃ kurute puruṣo bhṛgudṛṣṭe śaśani mithunasthe

kurute bāndhavarahitaṃ yuvatisukhavibhūtivarjitaṃ cāpi/
adhanaṃ lokadvaiṣyaṃ jitume śaninekṣitaścandraḥ

yuktaḥ saubhāgya(saubhāgyadhairyagṛha/)yogairgṛhasuhṛdaṭanajyotiṣajñānaśīlaiḥ
kāmāsaktaḥ kṛtajñaḥ kṣitipatisacivaḥ satpramāṇaḥ pravāsī/
sonmādaḥ keśakalpo jalakusumarucirhānivṛddhyānuyātaḥ
prāsādodyānavāpīpriyakaraṇarataḥ pīnakaṇṭhaḥ kulīre

narapatipuruṣamadhanyaṃ dhanarahitaṃ kle(lekhahārakaṃ)śakārakaṃ vā'pi/
kurute svagṛhe candro ravidṛṣṭo durgapālaṃ ca

śūraṃ vikalaśarīraṃ māturanarthāvahaṃ priyaṃ dakṣam/
kṣititanayavīkṣitatanurjanayati candro naraṃ svagṛhe

avikalamatiṃ nayajñaṃ janayati budhavīkṣitaḥ śaśī svagṛhe/
dhanadāraputravandaṃ vṛpasacivaṃ saukhyavantaṃ ca

nṛpatiṃ nṛpaguṇayuktaṃ janayati candraḥ surejyasaṃdṛṣṭaḥ/
svagṛhe sukhitasubhāryaṃ nayavinayaparākramākrāntam

dhanakananavastrayoṣidratnānāṃ bhājanaṃ śaśī kurute/
karkaṭake sitadṛṣṭo veśyājananāyakaṃ kāntam

aṭanamasukhaṃ daridraṃ māturaniṣṭaṃ priyānṛtaṃ pāpam/
śaninā dṛṣṭaḥ svagṛhe karoti candro naraṃ nīcam

sthūlā(sthūlāsyo manda/)sthirmandaromā pṛthuvadanagalo hrasvapiṃgākṣiyugmaḥ
strīdveṣī kṣuptipāsājaṭhararadarujāpiḍito māṃsabhakṣaḥ/
dātā tīkṣṇo ('lpaputro)hyaputro vipinanagaratirmātṛvaśyaḥ suvakṣā
vikrāntaḥ kāryalāpī śaśabhṛti ravibhe sarvagambhīradṛṣṭiḥ

(nṛpatiputraṃ/)nṛpapatisapatnaṃ kurute protkṛṣṭaguṇaṃ mahāspadaṃ(mahāsvanaṃ dhīra) vīram/
raviṇā dṛṣṭaḥ siṃhe pāparataṃ viśrutaṃ candraḥ

senāpatiṃ pracaṇḍaṃ varayuvatisutārthavāhanopetam/
janayatyuttamapuruṣaṃ kujekṣitaścandramāḥ siṃhe

strīsattvaṃ strīlalitaṃ strīvaśyaṃ yuvatisevakaṃ siṃhe/
kurute budhena dṛṣṭo dhanasukhabhogānvitaṃ candraḥ

abhijātaṃ kulaputraṃ bahuśrutaṃ guṇasamṛddhaṃ ca/
kurute narendratulyaṃ gurudṛṣṭaścandramāḥ siṃhe

pramadāvibhavairyuktaṃ rogiṇamapi yuvatisevakaṃ kurute/
suratavidhijñaṃ prājñaṃ śaśī harau śukrasandṛṣṭaḥ

karṣakamadhanaṃ kurute'nṛtavācaṃ durgapālakaṃ siṃhe/
ravijena tathā dṛṣṭo yuvatisukhairhīnamalpakaṃ ca śaśī

strīlolo lambabāhurlalitata(tanuyuta)numukhaścārudantākṣiṇakarṇo
vidvānācāryadharmā priyavacanayutaḥ satyaśaucapradhānaḥ/
dhīraḥ satvānukampī paraviṣayarataḥ kṣāntisaubhāgyabhāgī
kanyāprāyaprasūtirbahusu(bahusuratahitaḥ)tarahitaḥ kanyakāyāṃ śaśāṅke

nṛpakośakaraṃ khyātaṃ gṛhītavākyaṃ viśiṣṭakarmāṇam/
kanyāyāṃ ravidṛṣṭo bhāryāhīnaṃ śaśī kurute

śilpācāryaṃ khyātaṃ dhanavantaṃ śikṣitaṃ sudhīraṃ ca/
kanyāyāṃ kujadṛṣṭo māturaniṣṭaṃ śaśī kurute

jyotiṣakāvyanidhijñaṃ vivādakalaheṣu vijayinaṃ (subhagam)sutarām/
sātiśayaṃ kanyāyāṃ janayati nipuṇaṃ budhekṣitaścandraḥ

bandhujanāḍhyaṃ sukhinaṃ nṛpakṛtyakaraṃ gṛhītavākyaṃ ca/
kanyāyāṃ gurudṛṣṭo janayati vibhavānvitaṃ candraḥ

kanyāyāṃ bahudāraṃ vividhālaṅkarabhoginamathāḍhyam/
satatamihorjitamuditaṃ kurute bhṛguṇā nirīkṣitaścaṃdraḥ

adṛḍhasmṛtiṃ daridraṃ sukharahitamamātṛkaṃ yuvativaśyam/
kanyāyāṃ yamadṛṣṭaḥ strībhāgadhanaṃ śaśī kurute

unnāso vyāpatākṣaḥ kṛśavadanatanarbhuridāro vṛṣāḍhyo
gobhūbhyaḥ(gu hyaḥ)śaucasāro vṛṣasamavṛṣaṇo vikramajñaḥ kriyeśaḥ/
bhakto devadvijānāṃ bahuvibhavayutaḥ strījito hīnadeho
dhānyādānaikabuddhistulini śaśadhare bandhuvargopakārī

adhanaṃ vyādhitamaṭanaṃ paribhūtaṃ bhogaviprayuktaṃ ca/
asutamasāraṃ jūke janayati ravivīkṣitaścandraḥ

tīkṣṇaṃ coraṃ kṣudraṃ parayoṣidgandhamālyasaṃyuktam/
matimannayanāturaṃga janayati vakrekṣitaścandraḥ

dṛṣṭoḥ budhena candraḥ kalāvidagdhaṃ prabhūtadhanadhānyam/
śubhavākyaṃ vidvāṃsaṃ deśakhyātaṃ tulādhare kurute

jīvekṣitastulāyāṃ janayati sarvatra pūjitaṃ himaguḥ/
krayavikrayeṣu vidvāṃsaṃ ratnādiṣu bhāṇḍajāteṣu

lalitamarogaṃ subhagaṃ samupacitāṅgaṃ dhanānvitaṃ prājñam/
vividhopāyavidhijñaṃ kurute bhṛguvīkṣitaḥ śaśī tulake

kurute śaśī dhanāḍhyaṃ priyavākyaṃ vāhanairyutaṃ jūke/
viṣayaratiṃ sukharahitaṃ bhāskaridṛṣṭo hitaṃ mātuḥ

lubdho vṛttorujaṅghaḥ kaṭhinataratanurnāstikaḥ krūraceṣṭaḥ
cauro bālye rugārto hatacibukanakhaścārunetraḥ samṛddhaḥ/
karmodyuktaḥ pradakṣaḥ parayuvatirato bandhuhīnaḥ pramattaḥ
caṇḍo rājñā hṛtasvaḥ pṛthujaṭharaśirāḥ kīṭabhe śītaraśmau

kurute lokadveṣyaṃ budhamaṭanaṃ caiva vittavantaṃ ca/
dinakaradṛṣṭo'ligataścandraḥ sukhavarjitaṃ puruṣam

anupamadhairyaṃ kurute nṛpatisamaṃ vṛścike vibhūtiyutam/
śuramajayyaṃ samare prabhakṣaṇaṃ bhūmijane saṃdṛṣṭaḥ

acaturamamṛṣṭavākyaṃ yamalāpatyaṃ cu yuktimantaṃ ca/
janayati budhena dṛṣṭaḥ kūṭakaraṃ vṛścike ca gītajñam

karmāsaktaṃ kurute lokadveṣyaṃ ca vittavantaṃ ca/
guruṇā dṛṣṭo'ligato niśākare rūpavantaṃ ca

atimadama(atimati/)tīva subhagaṃ (vara)dhanavāhanabhogalalitamiha kīṭe/
yuvativināśitasāraṃ janayati bhṛguvīkṣitaścandraḥ

nīcāpatyaṃ kṛpaṇaṃ vyādhitamadhanaṃ ca satyahīnaṃ ca/
janayatyantakadṛṣṭo naramadhamaṃ candramāḥ kīṭe

kubjāṅgo vṛttanetraḥ pṛthuhṛdayakaṭiḥ pīnabāhuḥ pravaktā
dīrghāṃso dīrghakaṇṭho (lālitaṃ kīce)jalataṭavasatiḥ śilpavidgūḍhaguhyaḥ/
śūro dṛṣṭo'sthisāro vitatabahubalaḥ sthūlakaṇṭhoṣṭhaghoṇo
bandhusnehī kṛtajño dhanuṣi śaśidhare saṃhatāṅghriḥ pragalbhaḥ

nṛpatimathaḍhyaṃ kurute śūraṃ vikhyātapauruṣaṃ cāpe/
bhāskaradṛṣṭaścandrastvanupamasukhavāhanopetam

senāpatiṃ samṛddhaṃ subhagaṃ prakhyāpauruṣaṃ puruṣam/
janayatyanupamabhṛtyaṃ kṣitisutadṛṣṭaḥ śaśī dhanuṣi

bahubhṛtyaṃ tvaksāraṃ jyotiṣaśilpakriyādinipuṇaṃ ca/
budhadṛṣṭo (nāṭyācārya)himaraśmirnagnācāryaṃ haye kurute

anupamadehaṃ kurute pṛthvīpālasya mantriṇaṃ cāpe/
tridaśagurudṛṣṭamūrtirdhanadharmasukhānvitaṃ candraḥ

sukhinamatīva hi lalitaṃ subhagaṃ putrārthakāmavantaṃ ca/
cāpe sumitrabhāryaṃ bhārgavadṛṣṭaḥ karotīnduḥ

priyavādinaṃ suvākyaṃ bahuśrutaṃ satyavādinaṃ saumyam/
abhijātaṃ nṛpapuruṣaṃ janayati saurekṣitaḥ śaśī dhanuṣi

gītajñaḥ śītabhīruḥ pṛthulataraśirāḥ satyadharmopasevī
prāṃśuḥ khyāto'lparoṣo manasibhavayuto nirghṛṇastyaktalajjaḥ/
cārvakṣaḥ(cārvaṅgaḥ) kṣāmadeho guruyuvatirataḥ satkavirvṛttajaṅgho
mandotsāho'tilubdhaḥ śaśini makarage dīrghakaṇṭho'tikarṇaḥ('tidīrghaḥ)

adhanaṃ duḥkhitamaṭanaṃ parakarmarata malīmasaṃ kurute/
makare (kuviṣayanāthaṃ śaśyalpamatiṃ nirīkṣato/)kuvalayanāthaḥ śilpamatiṃ vīkṣito raviṇā

ativibhavamatyudāraṃ subhagaṃ dhanasaṃyutaṃ mṛge puruṣam/
vāhanayutaṃ pracaṇḍaṃ karoti vakrekṣitaścandraḥ

mūrkhaṃ pravāsaśīlaṃ gatayuvatiṃ cañcalaṃ mṛge tīkṣṇam/
janayati budhena dṛṣṭaḥ sukharahitaṃ nirdhanaṃ puruṣam

bhūpatimanupama vīryaṃ nṛpatiguṇaiḥ saṃyutaṃ mṛge jātam/
bahudāraputramitraṃ janayati guruvīkṣitaścandraḥ

va(pa)rayuvatidhanavibhūṣaṇavāhanamālānvitaṃ naraṃ makare/
sopakrośamaputraṃ janayati bhṛguvīkṣitaścandraḥ

alasaṃ malinaṃ sadhanaṃ madanārta pāradārikamasatyam/
divasakaraputradṛṣṭaḥ karoti candro naraṃ makare

uddhoṇo rūkṣadehaḥ pṛthukaracaraṇo madyapānaprasaktaḥ
saddveṣyo dharmahīnaḥ parasutajanakaḥ sthūlamūrdhā kunetraḥ/
śāṭhyālasyābhibhūto vipulamukhakaṭiḥ śilpavidyāsamete
duḥśīlo duḥkhatapto (ghaṭabhṛgupagate)ghaṭabhamupagate rātrināthe daridraḥ

atimalinamati ca śūraṃ nṛparūpaṃ dhārmikaṃ kṛṣikaraṃ ca/
kurute dinakaradṛṣṭo ghaṭadharasaṃsthaḥ kṣapānāthaḥ

kumbhe'tisatyavākyaṃ mātṛgurudhanairviyuktamalasaṃ ca/
viṣamaṃ parakāryarataṃ karoti bhaumekṣitaścandraḥ

(aśano)śayanopacārakuśalaṃ gītavidhijñaṃ priyaṃ ca yuvatīnām/
tanuvibhavasukhaṃ puruṣaṃ karoti budhavīkṣitaḥ śaśīkumbhe

grāmakṣetratarūṇāṃ varabhavanānāṃ varāṅganānāṃ ca/
kurute bhoginamāryaṃ sādhuṃ guruvīkṣitaḥ śaśī kumbhe

nīcamaputramamitraṃ kātaramācāryaṃninditaṃ pāpam/
kurute śaśīkuyuvatiṃ sitekṣito ghaṭadhare'lpasukham

nakharomadharaṃ malinaṃ paradārarataṃ śaṭhaṃ vidharmāṇam/
sthāvarabhāginamāḍhyaṃ śaśī ghaṭe saurasaṃdṛṣṭaḥ

śilpotpannādhikāro'hitajayanipuṇaḥ śāstraviccārudeho
geyajño dharmaniṣṭho bahuyuvatirataḥ saukhya(somyavāk)bhāk bhūpasevī/
īṣatkopo mahatkaḥ sukhanidhidhanabhāk strījitaḥ satsvabhāvo
(jñāne saktaḥ)yānāsaktaḥ samudreḥ timiyugalagate śītagau dānaśīlaḥ

tīvramadanaprakāśaṃ sukhinaṃ senāpatiṃ dhanasamṛddham/
janayati dinakaradṛṣṭaḥ sumuditabhāryaṃ śaśī mīne

paribhūtaṃ (sukha)sukharahitaṃ kulaṭāputraṃ (pāparahitaṃ)ca pāpanirataṃ ca/
janayati nakṣatrayatiṃ kṣitisutadṛṣṭo jhaṣe śūram

janayati budhena dṛṣṭo mīnasthaścandramāḥ puruṣam/
bhūpatimatīva sukhinaṃ (parayuvati)varayutimāvṛtaṃ vaśyam

gurudṛṣṭo mīnastho lalitaṃ candro'gramāṇḍalikam/
atyāḍhyaṃ sukumāraṃ bahubhiḥ strībhirvṛtaṃ janayet

kurute śaśī suśīlaṃ ratimantaṃ nṛtyavādyageyaratam/
śukrekṣito jhaṣastho hṛdayaharaṃ kāminīnāṃ ca

vikalamahitaṃ jananyāḥ kāmārtaṃ putradāramatihīnam/
kurute ravisutadṛṣṭo nīcavirūpāṅganāsaktam

rāśipatau balayukte rāśau ca balānvite tathā candre/
rāśiphalaṃ syāt sakalaṃ nīcoccavidhinā ca saṃcintyam

iti kalyāṇavarmaviracitāyāṃ sārāvalyāṃ kārakā'dhyāyaḥ ṣaṣṭhaḥ//
caturviṃśo'dhyāyaḥ
(bhaumāṃśe)bhomeṃśe kujadṛṣṭo nikartanaścandramāḥ(naṃca) pracaṇḍaśca(ṇḍa ca)/
janayati māyābahulaṃ pravañcakaṃ sūryajena kila(kali) puruṣam

sūryeṇa cauraghātakamathavāpyārakṣakaṃ śūram/
jīvena manujanāthaṃ khyātaṃ vidvatsamārādhyam

śukreṇa nṛpatisacivaṃ dhanānvitaṃ strīvilepanānuratam/
śīghraṃ vadanti capalaṃ saumyena nirīkṣite candre

sitabhāge sitadṛṣṭe yoṣidvastrānnapānadhanasaukhyam/
janayatiṃ budhena candro vādyajñaṃ nṛttageyaparam

guruṇā kavipradhānaṃ nayaśāstraviśāradaṃ nṛpatisacivam/
paradāradarśanaparaṃ(gharṣaṇa) kāminamāreṇa(kāminamastreṇa bahumānyam) bahubhṛtyam

sūryeṇa mahāmūrkhaṃ priyaṃvadaṃ satatamannapānarucim/
saureṇa vardhakīnāṃ guṇaiśca sadṛśaṃ diśati candraḥ

budhabhāge budhadṛṣṭaḥ śilpācāryaṃ kaviṃ śaśī janayet/
śukrekṣito viśālaṃ geyajñaṃ vajanasārāḍhyam

nṛpamantriṇaṃ guṇāḍhyaṃ guruṇā dṛṣṭaḥ pratiṣṭhataṃ kāntam/
bhaumekṣito'ticoraṃ vivādakuśalaṃ naraṃ raudram

śāstrārthakāvyabuddhiṃ(kāryaṃ) prājñaṃ śilpinamavekṣitaḥ śaninā/
raṅgacaraṃ vikhyātaṃ janayati sūryekṣitaścandraḥ

svāṃśe dinakaradṛṣṭaḥ śaśī kṛśatanumavikṣataśarīram(tanu parikṣayaśarīram)/
paradhanarakṣaṇanipuṇaṃ(haraṇe) lubdhaṃ nitarāṃ kujenāpi

saureṇākṛtyakaraṃ vadhabandhavivādasantaptam/
(śukrestroveṣadharaṃ)śukreṇa strīdveṣyaṃ janayedathavā napuṃsakākāram

nṛpamantriṇaṃ nṛpaṃ vā janayati guruṇāvalokitaścandraḥ/
saumyenādharmarataṃ nidrābahulaṃ ca (satamaskam)satatamadhvaratam

ravibhāge ravidṛṣṭe suroṣaṇaḥ samupalabdhakīrtidhanaḥ/
pāpo nirdaya indau saureṇa prāṇināṃ hantā

bhaumena suvarṇadhanaṃ khyātaṃ nṛpasatkṛtaṃ pracaṇḍataram/
guruṇā dṛṣṭo janayati camūpatiṃ vā narendraṃ vā

śukreṇa dṛṣṭamūrtiḥ sutārtha‍inaṃ mṛtasutaṃ(hṛtasutaṃ) vā'pi/
saumyena daivacintakamitihāsarataṃ ca nidhibhājam

gurubhāge gurudṛṣṭo viśadaṃ nṛpavallabhaṃ vipulakīrtim/
janayati śaśī sitena strīṇāṃ bhogaiḥ susaṃyuktam

budhadṛṣṭo hāsyakaraṃ nṛpapriyaṃ nāyakaṃ varūthinyāḥ/
astrāthāryaṃ kurute kujekṣitaḥ sarvataḥ khyātam

doṣervividhaiḥ khyātaṃ dinagaradṛṣṭo naraṃ (praṇāśya vā)pramāṇastham/
saureṇa vṛddhaśīlaṃ balibhiśca nirākṛtaṃ nīcam

saurāṃśe śanidṛṣṭaḥ kṛpaṇaṃ rogānvitaṃ mṛtasutaṃ vā/
sūryeṇālpāpatyaṃ vyādhi‍grastaṃ virūpatanum

bhaumena narapatisamaṃ svāḍhyaṃ strīdurbhagaṃ sukhairyuktam/
śukreṇa viṣamaśīlaṃ yuvatibhiravadhīritaṃ dhīram(jaraṭham)

saumyena (pānanirataṃ)pāpanirataṃ kutsicaritaṃ śaśī sadā dṛṣṭaḥ/
guruṇā svakarmanirataṃ kurute puruṣaṃ na codāttam

vargottame svakīye parakīyanavāṃśake(navāṃśakendudṛṣṭiphalaṃ) ca dṛṣṭiphalam/
puṣṭaṃ madhyaṃ svalpaṃ viparītaṃ syādaniṣṭaphalam

rāśiphalaṃ yad dṛṣṭaṃ pūrvaiḥ kathitaṃ grahaiḥ śaśāṅkasya/
tasya nirodho dṛṣṭo yadyaṃśapatirbalī bhavati

aṃśapateścandrasya ca phalaṃ viniścitya darśanakṛtāni/
kathitāni yavanavṛddhāḥ phalāni samyagvyavasyanti

pañcaviṃśo'dhyāyaḥ
pañcaviṃśo'dhyāyaḥ
tejasvī satyayutaḥ śūraḥ kṣitipo'thavā raṇaślāghī/
sāhasakarmābhirataścamūpuragrāmavṛndapatiḥ

rābhasiko dānarataḥ prabhūtagojāvidhānya (janaḥ)karaḥ/
bhaume kriye pracaṇḍo bahuyuvatirato bhavetpuruṣaḥ

sādhvīvratabhaṅgakaraḥ(rataḥ) prabhāṣaṇo(prabhalaṇo) mandadhanaputraḥ/
dveṣyo bahubharaṇaparo visrambhasthitivihīnaśca

proddhataveṣakrīḍo bahuduṣṭavacāḥ kuje vṛṣabhasaṃsthe/
saṅgītarataḥ pāpo bandhuviruddhaḥ kulotsādī

kāntaḥ klesasahiṣṇurbahuśrutaḥ kāvyavidhinipuṇaḥ/
nānāśilpakalāsu ca nipuṇo bahuśo videśagamanarataḥ

dharmaparo nipuṇamatirhitānukūlaḥ suteṣu suhṛdāṃ ca/
mithunasthe kṣitiputraṃ bhavati pracurakriyāsu rataḥ

paragṛhanivāsaśīlo vaikalyarugarditaḥ kṛṣidhanaśca/
bālye ca rājabhojanavastrepsuḥ paragṛhānnāśī

salilaśayato dhanavān punaḥ punarvṛddhivedanārtaśca/
karkaṭake kṣititanaye bhavati mṛduḥ sarvato dīnaḥ

asahaḥ pracaṇḍaśūraḥ parasvasantānasaṅgrahaṇaśīlaḥ/
aṭavīnivāsagokulamāṃsaruciḥ syānmṛtaprathamadāraḥ

vyālamṛgoragahantā na putravān dharmaphalahīnaḥ/
bhaume harau susattvaḥ kriyodyataḥ syādvapuṣmāṃśca

pūjyaḥ satāmatidhano ratigītadhano mṛduḥpriyabhāṣī/
vividhavyayo'lpaśauryo vidvān (vahni)bhavati praṇītapārśvaśca

ahitebhyo'rja(adhikabhīruḥ) nabhīrurvedasmṛtidharmavān subahuśilpaḥ/
kanyāyāṃ bhūtanaye snānavilepanarataḥ kāntaḥ

adhvanirataḥ (supaṇya)kupaṇyaprasaktavākyo vikatthanaḥ subhagaḥ/
hīnāṅga svalpajanaḥ saṅgrāmepsuḥ paropabhogī ca

yoṣidgurubhitrāṇāṃ(putrāṇāṃ) manoramo naṣṭapūrvadāraśca/
śauṇḍikaveśyānikaṭe samprāptadhanakṣayastulini bhaume

vyāpāraśrutisatyaścorasamūhādhipaḥ kriyānipuṇaḥ/
yuddhotsuko'tipāpo bahvaparādhī ca vairaśaṭhaḥ

drohavadhāhitabuddhiḥ prasūcako bhūmiputrayuvatīśaḥ/
vṛścikage bhūputre viṣāgniśastravraṇaistūktaḥ

bahubhiḥ kṣataiḥ kṛśāṅgo niṣṭhuravākyaḥ śaṭhaḥ parādhīnaḥ/
rathagajapadātiyodhī rathena śaradhārako'tha parasainye

vipulaśramaiśca sukhitaḥ parasparaṃ krodhanaṣṭasukhavittaḥ/
kārmukasaṃsthe vakre guruṣvasaktaḥ(satyaḥ) pumān bhavati

dhanyo vittāharttā sukhabhogasamanvito bhavati susthaḥ/
śreṣṭhamatiḥ prakhyātaḥ senānātho narendro vā

(sadyaḥ pratiraṇavijayī)sadyuvatī raṇavijayī svabandhuviṣayasthitiḥ svatantraśca/
ārakṣakaḥ suśīlaḥ kuje svatuṅgeṃ bahūpacārarataḥ

praśrayaśauyavihīno vṛddhākāraḥ sudurgatirmaraṇe/
mātsaryāsūyānṛtavāgdoṣairahṛtārthaśca

romaśagātro vikṛto dyutādyāhṛtadhanaḥ kuveṣadharaḥ/
duḥkhasamāhṛtavṛttiḥ pānarucirdurbhagaḥ kuje kumbhe

rogārto mandasutaḥ pravāsaśīlaḥ svabandhuparibhūtaḥ/
māyāvañcanadoṣairhṛtasarvasvo viṣādī ca

jihmo'titīkṣṇaśoko gurudvijāvajñakaḥ sadā hīnaḥ/
ripsitavettā jñātā stutipriyo'ntye kuje khyātaḥ

dhanadāraputravantaṃ nṛpasacivaṃ daṇḍanāyakaṃ khyātam/
nṛpatimudāraṃ kurute dineśvaranirīkṣataḥ kujaḥ svarkṣe

mātṛrahitaṃ kṣatāṅgaṃ svajanadveṣyaṃ ca mitrarahitaṃ ca/
svagṛhe'sṛk śaśidṛṣṭaḥ serṣyaṃ kanyāpriyaṃ kurute

paradhanaharaṇe nipuṇaṃ cānṛtakaṃ kāmadevabhaktaṃ ca/
kurute svabhe jñadṛṣṭo dveṣyaṃ veśyāpatiṃ bhaumaḥ

prājñaṃ madhuraṃ subhagaṃ mātṛpitṛvallabhaṃ dhanasamṛddham/
anupamīśvaramāḍhyaṃ tridaśagurunirīkṣitā'vaneḥ putraḥ

svagṛhe'sṛk sitadṛṣṭaḥ strīhetorbandhabhāginaṃ kurute/
asakṛt sakṛcca vibhavaṃ strīhetorarjitaṃ (strīhetorārjavaṃ)cāpi

coravighāto śūraṃ nirvīryaṃ svajanaparihīnam/
anyastrībhartāraṃ janayati saurekṣitaḥ svabhe bhaumaḥ

vanaparvateṣu ramate rāmādviṣṭo bhavedbahuvipakṣaḥ/
sitabhe raviṇā dṛṣṭe pracaṇḍaveṣaḥ(kopaḥ) kuje dhīraḥ

māturapathyo(māturapakṣo) viṣamo(veṣavadhunāṃ) bahuyuvatīnāṃ patiḥ priyastāsām/
śukragrahe śaśidṛṣṭe raṇabhorurjāyate bhaume

kalahapriyo (bahu)mṛduvacā mṛdukāyo mandaputradhanaḥ/
sitabhe bhavati ca bhaume budhadṛṣṭe śāstravitpuruṣaḥ

vāditagītavidhijñaḥ saubhāgyayutaḥ svabandhadayitaśca/
śukrabhavane kṣitisute dṛṣṭe guruṇā bhavet sphītaḥ

nṛpamantrī nṛpadayitaḥ senānāthaḥ prasiddhanāmā ca/
śukragrahe bhavati kuje śukreṇa nirīkṣite sukhitaḥ

sukhabhāk (sukhabhagyayuto)khyāto dhanavān mitrasvajanairyutaḥ kuje vidvān/
śreṇipuragrāmāṇāmadhipaḥ sitabhe ca śanidṛṣṭe

vidyādhanaśauryayutaṃ girivanadurgapriyaṃ mahāsattvam/
budhabhavane raktāṅgo janayati dṛṣṭaḥ sadā raviṇā

(sukhinaṃ dhaninaṃ kāntaṃ kanyāpurarakṣakaṃ yuvatisatvayutam)kanyāpurarakṣakaraṃ yuvatipatiṃ sadvinītamatisubhagam/
jñagṛhe nṛpagṛhapālaṃ janayati candrekṣito bhaumaḥ

lipigaṇitakāvyakuśalaṃ bahubhāṣiṇamanṛtamadhuravākyaṃ ca/
dūtaṃ bahuduḥkhasahaṃ janayati vakro budhekṣito jñarkṣe

rājapuruṣaṃ prakāśaṃ (dainyena videśagaṃ)dautyena videśagaṃ naraṃ kurute/
sarvakriyāsu kuśalaṃ budharāśau nāyakaṃ ca gurudṛṣṭaḥ

śukreṇa dṛśyamānaṃ strīkṛtyakaraṃ samṛddhasubhagaṃ ca/
budhabhavane raktāṅgaṃ kurute vastrānnabhoktāram

ākaragiridurgarataṃ karṣaramatiduḥkhabhāginaṃ kurute/
(atisūramatiṃ malinaṃ)atiśuramati ca malinaṃ yamekṣito budhagṛhe vibhavahīnam

pittarugarditadehastejasvī daṇḍanāyako dhīraḥ/
candragṛhasthe bhaume dinakaradṛṣṭe bhavetpuruṣaḥ

bahubhirvyādhibhirārto nīcācāro virūpadehaśca/
śaśirāśau bhūtanaye śaśinā dṛṣṭe saśokaśca

malinaḥ pāpācāraḥ kṣudrakuṭumbo bahiṣkṛtaḥ svajanaiḥ/
karkaṭake budhadṛṣṭe kṣititanaye bhavati nirlajjaḥ

vikhyāto nṛpamantrī vidvāṃstyāgānvito bhaveddhanyaḥ/
gurudṛṣṭe śaśibhavane bhaugaiśca vivarjito vakre

(strīsaṅgānnaṣṭadhanaḥ)strīsaṅgādudvignaḥ paribhūtastrīkṛtaistathā dauṣaiḥ/
karkaṭake kṣitiputre sitadṛṣṭe syādvipannadhanaḥ

(jalasaṃyānāptadhanaḥ)jalasaṃyāno vidhanaḥ kṣitipāla(kṣitipālasamaḥ)samānalalitaceṣṭaśca/
śaśigṛhasaṃsthe bhaume yamekṣite syāt sadā kāntaḥ

praṇātānāṃ hitakārī mitraiḥ svajanaiśca saṃyutaścaṇḍaḥ/
gokulavanādricārī siṃhe bhaume taraṇidṛṣṭe

māturna śubho matimān kaṭhinaśarīro vipulakīrtiḥ/
kesaribhavane bhaume śaśinā dṛṣṭe'ṅganāprā(aṃganāptārthaḥ)rthyaḥ

bahuśilpajño lubdhaḥ kāvyakalālampaṭo viṣamaśīlaḥ/
pañcabhavane bhaume budhena dṛṣṭe'tinipuṇaśca

bhūpatisamīpavartī vidyācāryo viśuddhabuddhiśca/
avanisute siṃhasthe guruṇā dṛṣṭe cūmanāthaḥ

vividhastrībhogayutaḥ strīsubhago nityayauvano hṛṣṭaḥ/
leyagṛhe raktāṅge sitena dṛṣṭe bhavejjātaḥ

vṛddhākāro niḥsvaḥ paraveśmabhramaṇaśīlavān duḥkhī/
dinakararāśau rudhire dinakaratanayena saṃdṛṣṭe

lokanamasyaṃ subhagaṃ vanagiridurgeṣu (sadgṛhānāsam)labdhagṛhavāsam/
suragurubhavane bhaumaḥ karoti raviṇekṣitaḥ (śūram)krūram

vikalaṃ kaharaprāyaṃ prājñaṃ rudhiraḥ karoti śaśidṛṣṭaḥ/
vidvāṃsaṃ gurubhavane nṛpativiruddhaṃ sadā puruṣam

medhāvinaṃ sunipuṇaṃ śilpācāryaṃ budhena saṃdṛṣṭaḥ/
gurubhavane kṣititanayaḥ karoti (vikalāṃsamatinipuṇam)vidvāṃsamatyantam

akalatraṃ sukharahitaṃ ripubhiradhṛṣyaṃ ca vittavantaṃ ca/
gurubhavane gurudṛṣṭo vyāyāmaparaṃ kujaḥ kurute

kanyānāmatidayitaṃ citrālaṅkārabhāginamudāram/
viṣamaparamatiṃ ca subhagaṃ gurubhe kāvyekṣitaḥ kujaḥ kurute

gurubhe'sṛk śanidṛṣṭaḥ kuśarīramudāramāhave pāpam/
aṭanaṃ (sukhadhanarahitaṃ)sukhalavarahitaṃ paradharmarataṃ kujaḥ kurute

atikṛṣṇatanuṃ śūraṃ yoṣidapatyārthavistarairyuktam/
sūryekṣito'titīkṣṇaṃ sauragṛhe bhūmijaḥ kurute

capalamahitaṃ jananyā yamabhe'laṃkārabhāginamudāram/
asthirasauhṛdamāḍhyaṃ janayati candrekṣito vakraḥ

atimadhuragama(atimadhuramaṭana)namadhanaṃ ravitanayagṛhe na nirvṛtamasattvam/
kāpaṭikamadharmaparaṃ janayati budhavīkṣito bhaumaḥ

(atirūpam)avirūpaṃ mandagṛhe nṛpatiguṇasamanvitaṃ sthirārambham/
dīrghāyuṣaṃ kṣamājo gurusaṃdṛṣṭaḥ karoti bandhvāptam

vividhopabhogamāḍhyaṃ śanibhe strīpoṣaṇanuratameva/
śukreṇa dṛśyamāno janayati kalahapriyaṃ vakraḥ

nṛpatimativittavantaṃ yuvatidveṣyaṃ bahuprajaṃ prājñam/
mukharahitaṃ raṇaśauṇḍaṃ karoti śanibhe śanīkṣito bhaumaḥ

iti kalyāṇavarmaviracitāyāṃ sārāvalyāṃ aṅgārakacāro nāma pañcaviṃśo'dhyāyaḥ//
ṣaḍviṃśo'dhyāyaḥ
priyavigrahastu vettācāryo viṭadhūrtateṣṭakṛśagātraḥ/
saṅgītanṛttanirato na satyavacano ratipriyo lipivit

kūṭakaro bahvāśī bahuśramotpannanaṣṭadhanaḥ/
bahvṛṇabandhanabhāgī calasthiraḥ syāt kriye budhe kitavaḥ

dakṣaḥ pragalbhadātā khyāto vijñātavedaśāstrārthaḥ/
vyāyāmāmbarabhūṣaṇamālyābhirataḥ sthiraprakṛtiḥ

sphītadhanastrīsahitaḥ priyavalgukatho (gambhīra)gṛhītavākyaśca/
gāndharvahāsyaśīlo ratilolo vai budhe vṛṣabhe

śubhaveṣaḥ priyabhāṣī prakhyātadhano vikatthano mānī/
projjhitasukhako'lparatirdvistrīputro vivādarataḥ

śrutikalpakalābhijñaḥ kaviḥ svatantraḥ priyaḥ pradānarataḥ/
karmaṭhabahusutamitro naramithunasthe budhe bhavati

prājño videśanirataḥ strīratiyodisaktacittaśca/
capalo bahupralāpī svabandhuvidveṣavādarataḥ

strīdveṣānnaṭadhanaḥ kutsitaśīlo bahukriyābhirataḥ/
sukaviḥ karkaṭasaṃsthe svavaṃśakīrtyā prasiddhaśca

jñānakalāparihīno lokakhyāto na satyavākyaśca/
alpasmṛtiśca dhanavān sattvavihīnaḥ sahajahantā

strīdurbhagaḥ svatantro jaghanyakarmā budhe bhavati(yuvatirūpaḥ) puruṣaḥ/
preṣyo'prajastu siṃhe svakulaviruddho janābhirāmaśca

dharmapriyotivāgmī caturaḥ syāllekyakāvyajñaḥ/
vijñānaśilpanirato madhuraḥ strīṣvalpavīryaśca

jyeṣṭhaḥ pūjyaḥ suhṛdāṃ (mānī)nānāvinayopacāravādarataḥ(dāra)/
khyāto guṇairudāraḥ kanyāyāṃ somaje balavān

śilpavivādābhirato vākcaturo'rthārthamīpsitavyayakṛt/
nānādikpaṇyaratirviprātitidevagurubhaktaḥ

kṛtakopacārakuśalaḥ susammato devabhaktaśca/
saptamabhavane śaśije śaṭhaścalakṣiprakopaparitoṣaḥ

śramaśokānarthaparaḥ sadveṣyo tyaktadharmalajjaśca(varjaśca)/
mūrkho na sādhuśīlo lubdho duṣṭāṅganāramaṇaḥ

pāruṣyadaṇḍanirataśchalakṛtidvidviṣṭakarmasu niruddhaḥ/
ṛṇavānnīcānuruciḥ paravastvādānavān kīṭe

vikhyātodāraguṇaḥ śāstraśrutiśauryaśīlasamadhigataḥ(śilpa)/
mantrī purohito vā kulapradhāno mahāpuruṣaḥ(vibhava)

yajñādhyāpananirato medhāvī vākyapaṭurvratī dātā/
lipilekhyadānakuśalaḥ(śabda,śāstra) kārmukasaṃsthe budhe jātaḥ

nīco mūrkhaḥ ṣaṇḍhaḥ parakarmakaraḥ kulādiguṇahīnaḥ/
nānāduḥkhaparītaḥ svapnavihārādiśīlaśca

piśunastvasatyaceṣṭo bandhuvimuktosaṃtthitātmā ca/
malino bhayañcalito niṣṭho(diṣṭo) makare budhe puruṣaḥ

vāgbuddhikarmanirataḥ(rahita) prakīrṇadharmārtha (lajja)barjavihitāryaḥ(vihi'tātmā)/
paraparibhūto na śuciḥ śīlavihīnastathā'jñaśca(kalājñaśca)

atiduṣṭadāraśatrubhogaistyakto ghaṭe vivāgbhavati/
atidurbhago'tibhīruḥ klībo malino vidheyaśca

ācāraśaujanirato deśāntarago'prajo daridraśca/
śubhayuvatiḥ kṛtisādhuḥ satāṃ ca subhago vidharmarataḥ

sūcyādikarmakuśalo (vijñātaḥ)vijñānaśrutikalāviyuktaśca/
paradhanasaṃcayadakṣo mīne śaśije'dhanaḥ prakīrṇaśca

satyavacanaṃ sukhāḍhyaṃ bhūpatisatkārasatkṛtaṃ manujam/
kurute budho'rkardṛṣṭo bandhujane sukṣamaṃ kujabhe

rajanīkareṇa dṛṣṭo yuvatijanamanoharaṃ kṣitijarāśau/
atisevakamatimalinaṃ candrasuto hīnaśīlaṃ ca

anṛtapriyaṃ suvākyaṃ kalahasametaṃ ca paṇḍitaṃ kujabhe/
janayati kujena dṛṣṭaḥ pracuradhanaṃ kṣitipavalllabhaṃ śūram

sukhinaṃ kujabhe śaśijaḥ snigdhāṅgaṃ romaśaṃ sukeśaṃ ca/
jīvekṣito'tidhaninaṃ janayatyājñāpakaṃ(rataṃ) pāpam

nṛpakṛtyakaraṃ subhagaṃ gaṇanagarapurogamaṃ caturavākyam/
pratyayikaṃ(pratyayinaṃ) sitadṛṣṭaḥ kujabhe strīsaṃyutaṃ(yujaṃ) śaśijaḥ

rudhiragṛhe śanidṛṣṭo himakiraṇasuto'tiduḥkhitaṃ janayet/
ugraṃ hiṃsābhirataṃ kulajanahīnaṃ naraṃ nityam

dāridryaduḥkhataptaṃ vyādhitadehaṃ paropacāraratam/
dinakaradṛṣṭaḥ saumyaḥ kurute janadhikkṛtaṃ sitabhe

pratyayitaṃ dhanavantaṃ dṛḍhabhaktimarogiṇaṃ dṛḍhakuṭumbam/
khyātaṃ narendrasacivaṃ jñaścandranirīkṣitaḥ sitabhe

vyādhibhiraribhirgrastaṃ kliṣṭaṃ bhūpāvamānasantaptam/
janayati (budhosṛgdṛṣṭaḥ)vidasṛgdṛṣṭo bahiṣkṛtaṃ sarvaviṣayebhyaḥ

prājñaṃ gṛhītavākyaṃ deśapuraśreṇināyakaṃ khyātam/
tridaśagurudṛṣṭamūrtirjanayati saumyaḥ sitagṛhasthaḥ

subhagaṃ lalitaṃ sukhinaṃ vastrālaṅkārabhoginaṃ sitabhe/
hṛdayaharaṃ kanyānāṃ kurute sukrekṣitaḥ saumyaḥ

śukragṛhe'rkajadṛṣṭaḥ sukharahitaṃ bandhuśokasaṃkliṣṭam/
vyādhitamanarthadṛṣṭaḥ saumyaḥ kurute naraṃ malinam

avitathakathanaṃ madhuraṃ nṛpavallabhamīśvaraṃ lalitaceṣṭam/
dayitaṃ karoti loge raviṇā dṛṣṭo budhaḥ svagṛhe

sumadhuramativācāṭaṃ kalaharataṃ (śastravatsalaṃ)śāstravatsalaṃ sudṛḍham/
janayati śaśinā dṛṣṭo budhaḥ śubhaṃ sarvakāryeṣu

(avihatagātraṃ)vikṣatagātraṃ malinaṃ pratibhāyuktaṃ narendrabhutyaṃ ca/
vallabhamatīva kurute svagṛhe rudhireṇa sandṛṣṭaḥ

pārthivamantriṇamagryaṃ pratirūpamudāravibhavaparivāram/
yūpadhvajena dṛṣṭo janayati śūraṃ svabhe saumyaḥ

prājñaṃ narendrabhṛtyaṃ dūtaṃ vā sandhipālakaṃ śaśijaḥ/
svagṛhe sitena dṛṣṭo janayati nīcāṅganāsaktam

satatotthitaṃ vinītaṃ saphalārambhaṃ paricchadasamṛddham/
saumyaḥ svagṛhe dṛṣṭo ravijena naraṃ sadā kurute

rajakaṃ mālākāraṃ gṛhavāstujñaṃ tathā ca maṇikāram/
janayati raviṇā dṛṣṭo budho gṛhaṃ śiśiragośca gataḥ

yuvativināśitasāraṃ yuvatinimittaṃ ca duḥkhitaśarīram/
karkaṭake śaśidṛṣṭo janayati sukhavarjitaṃ saumyaḥ

svalpaśrutamatimukharaṃ priyānṛtaṃ kūṭakāriṇaṃ coram/
vakrekṣitaḥ śaśigṛhe kurute saumyaḥ priyālāpam

medhāvinamatidayitaṃ bhāgyayutaṃ vallabhaṃ narendrāṇām/
guruṇā dṛṣṭaḥ śaśibhe vidyānāṃ pāragaṃ budhaḥ kurute

kandarpasadṛśarūpaṃ priyaṃvadaṃ gītavānadavidhijñam/
subhagaṃ śaśiye lalitaṃ kurute śukrekṣitaḥ saumyaḥ

dambharuciṃ pāparataṃ bandhanabhājaṃ guṇairviyuktaṃ jñaḥ/
dveṣyaṃ sahajācāryaiḥ kurute saurekṣitaḥ śaśibheḥ

sevyaṃ(serṣya) dinakaradṛṣṭo dhanaguṇavṛddhaṃ naraṃ budhaḥ kurute/
hiṃsraṃ kṣudraṃ siṃhe cañcalabhāgyaṃ(bhāvaṃ) trigatalajjam

rūpānvitamaticaturaṃ kāvyakalāgeyapṛttaratiminabhe/
dhaninaṃ suśīlaveṣaṃ kurute candrekṣitaḥ saumyaḥ

jño nīcaṃ ravibhavane duḥkhāṃrtaṃ (kalpitāṅga)viśrutāṅgasamarūpam/
acaduralīlākāntaṃ napuṃsakaṃ bhaumasandṛṣṭaḥ

sukumāramatiprājñaṃ ravibhe vāgīśvaraṃ(ca vikhyātam) svatikhyātam/
paricāravāhanayutaṃ kurute guruvīkṣitaḥ saumyaḥ

atiśayarūpaṃ lalitaṃ priyaṃvadaṃ bāhanāḍhyamatidhīram/
janayati sitena dṛṣṭo mantriṇamatha pārthivaṃ siṃhe

vyāyatagātraṃ rūkṣaṃ (śucirūpaṃ)suvirūpaṃ svedanogragandhaṃ ca/
atiduḥkhitaṃ ravigṛhe janayati sukhavarjitaṃ ravijadṛṣṭaḥ

śūraṃ pramehapīḍitamaśmaryopahatamāturaṃ śāntam/
janayati raviṇā dṛṣṭo jīvagṛhe candrajaḥ puruṣam

lekhakamatisukumāraṃ pratyayi(pratyayikaṃ)taṃ saṃmataṃ gurugṛhasthaḥ/
sukhabhāginamatyaḍhyaṃ kurute candrekṣitaḥ saumyaḥ

śreṇībhṛtinagarāṇāṃ corāṇāṃ vipinavāsināṃ cāpi/
kurute lipikaramadhipaṃ saumyo gurumandire rudhiradṛṣṭaḥ

smṛtimatikulasampannaṃ gurubhe pratirūpamāryavijñānam/
nṛpamantrakośapālaṃ lipikaramiha vīkṣito guruṇā

kanyākumārakāṇāṃ lekhyācāryaṃ dhanānvitaṃ kurute/
gurubhe bhṛgusutadṛṣṭaḥ sukumāraṃ sauryasaṃyutaṃ śaśijaḥ

durgāraṇyabhirataṃ bahvaśanaṃ duṣṭaśīlamatimalinam/
kurute ravisutadṛṣṭo budho naraṃ sarvakāryovibhraṣṭam

mallamatisārayuktaṃ bahubhakṣaṃ niṣṭhuraṃ priyālāpam/
janayati raviṇā dṛṣṭaḥ sauragṛhe bodhanaḥ khyātam

jalajīvinaṃ samṛddhaṃ puṣpasurākandavaṇijaṃ vā/
bhīrusvarūpamacaraṃ śanibhe candrekṣitaḥ kurute

vākacapalatisusaumyaṃ vrīḍālasamantharaṃ (sukhādhīnam)sukhādhāram/
kurute bhūsutadṛṣṭo ravitanayagṛhe budhaḥ puruṣam

bahudhanadhānyasamṛddhaṃ grāmapuraśreṇipūjitaṃ sukhinam/
kurute guruṇā dṛṣṭaḥ sauragṛhe bodhanaḥ khyātam

nīcāpatiṃ virūpaṃ buddhivihīnaṃ ca kāmavaśyaṃ ca/
atisutajananaṃ kurute bhārgavadṛṣṭo budhaḥ ‍ śanibhe

pāpakaraṃ sudaridraṃ karmakaraṃ cātiduḥkhitaṃ dīnam/
kurute śaninā dṛṣṭaḥ sauragṛhe bodhanaḥ puruṣam

saptaviṃśo'dhyāyaḥ
vādiguṇaiḥ sampannaḥ prayatnaratnābharaṇa(sabhāsaṅgaḥ) saṃsargaḥ/
sattvātmajārthabalayuk pragalbhavikhyātakarmā ca

ojasvī bahuśatrurbahuvyayārthaḥ kṣatāṅkitaśarīraḥ/
caṇḍogradaṇḍanātho jīve kriyage bhavetpuruṣaḥ

pīno viśāladehaḥ suradvijagavāṃ ca bhaktimān kāntaḥ/
subhagaḥ svadāranirataḥ suveṣakṛṣigodhanamaḍhyaśca

sadvastubhūṣaṇayuto viśiṣṭavāṅmatiguṇo nayajñaśca/
vṛṣabhe gurau vinīto bhiṣaka prayogāptakauśalakaḥ

āhitadhanaḥ sumedhā vijñānaviśāradaḥ sunayanaśca/
vāgmī dākṣiṇyayuto nipuṇaḥ syāddharmaśīlaśca

mānyo gurubandhūnāṃ maṇḍanamāṅgalpalabdhavaraśabdaḥ/
mithunasthe devagurau kriyāratiḥ satkaviścaiva

vidvān surūpadehaḥ prājñaḥ priyadharmasatsvabhāvaśca/
sumahadbalo yaśasvī prabhūtadhānyākaradhaneśaḥ

satyasamādhi(sametaḥ) suyuktaḥ sthirātmajo lokasatkṛtaḥ khyātaḥ/
nṛpatirjīve śaśibhe viśiṣṭakarmā suhṛjjanānurataḥ

dṛḍhavairasattvadhīraḥ subahusnehaḥ suhṛjjane vidvān/
āḍhyaḥ śiṣṭābhijano nṛpo nṛpatipauruṣaḥ sabhālakṣyaḥ

tridaśagurau siṃhasthe samastaroṣoddhatāpikṣaśca/
sudṛḍhavyastaśarīro giridurgavanālaye jātaḥ

medhāvī dharmaparaḥ kriyāpaṭurdharmavānyuvatirāśau/
priyagandhapuṣpavastraḥ kṛtyeṣu viniścitārthaśca

śāstrārthaśilpakāryairdhanavān dātā viśuddhaśīlaśca/
syāddevagurau nipuṇaścitrākṣaraviddhanasamṛddhaḥ

medhāvī bahuputro videśacaryāgataḥ prabhūtadhanaḥ/
(bhāṣāpriyo)bhūṣāpriyo vinīto naṭanartakasaṃgṛhītadhanaḥ

kāntaḥ śrutābhinirato mahattaraḥ sārthavāhavaṇijāṃ hi/
vaṇijīndramantriṇi gate surātithījyārataḥ prājñaṃ

bahuśāstrāṇāṃ kuśalā nṛpatirbahubhāṣyakārako nipuṇaḥ/
devālayapurakartā sadbahudāro'lpaputraśca

byādhyārtaḥ śramabahulaḥ (roṣo)prasaktadoṣo gurau bhavatyalini/
dambhena dharmanirato jugupsitācārainirataśca

ācāryo vratadīkṣāyajñādīnāṃ(samaḥ sthirārthaśca) sthirārthaśca/
dātā suhṛtsvapakṣaḥ priyopa(hāra)kāraśrutābhirataḥ

māṇḍaliko mantrī vā dhanurdharasthe bhavetsadā jīve/
nānādeśanivāsī viviktatīrthāyatanabuddhiḥ

laghuvīryo makarasthe bahuśramakleśadhārako jīve/
(nīcā)nānācāro mūrkho durantaniḥsvaḥ parapreṣyaḥ

māṅgalyadayāśaucasvabandhuvātsalyadharmaparihīnaṃ/
durbaladeho bhīruḥ pravāsaśīlo viṣādī ya

piśuno na sādhuśīlaḥ kuśilpatoyāśrameṣu karmarataḥ/
mukhyo gaṇasya sutarāṃ nocābhirato nṛśaṃsaśca

lubdho vyādhigrastaḥ svavā(vāsaḥ)kyadoṣeṇa nāśitārthaśca/
prajñādiguṇairhīno ghaṭe gurau syādgurustrī(strīkaḥ)gaḥ

vedārthaśāstravettā suhṛdāṃ pūjyaḥ satāṃ ya nṛpanetā/
ślāghyaḥ sadhano'dhṛṣyo (viśatrugarvasthirāraṃbhaḥ)hyahīnadarpasthirārambhaḥ

rājñaḥ sunītiśikṣāvyavahāraraṇaprayogavettā ca/
khyātaḥ praśāntaceṣṭo (mīnapuge bhavasi nā)sthirasattvayutaśca mīnage jīve

dharmiṣṭhamanṛtabhīruṃ vikhyātasutaṃ mahābhāgyam/
bhaumagṛhe ravidṛṣṭo hyatiromacitaṃ guruḥ kurute

itihāsakāvyakuśalaṃ bahuratnaṃ strīṣu bhajanaṃ kurute/
kujagehe śaśidṛṣṭastridaśaguruḥ pārthivaṃ prājñam

nṛpapuruṣaśūramugraṃ nayavinayavinayasamanvitaṃ ca (dhaninaṃ)vidhanaṃ ca/
avidheyabhṛtyadāraṃ janayati vakrekṣito jīvaḥ

anṛtaṃ vañcanapāpaṃ paravirānveṣaṇeṣu nipuṇaṃ ca/
sevāvinayakṛtajñaṃ kāpaṭikaṃ saumyasaṃdṛṣṭaḥ

gṛhaśayanavasanagandhairmālyālaṅkārayuvatibhirvibhavaiḥ/
samucitamatīva bhīruṃ kurute śukrekṣito jīvaḥ

malinaṃ lubdhaṃ tīkṣṇaṃ sāhasikaṃ saṃmataṃ ya siddhaṃ ca/
asthiramitrāpatyaṃ tridaśaguruḥ saurasaṃdṛṣṭaḥ

dvipadacapuṣpadabhāginamatyaṭanaṃ(tyāḍhyaṃ) vyāyatāṅgamiha (ṅgina purugam)puruṣam/
prājñaṃ narendrasacivaṃ karoti sūryekṣito jīvaḥ

atidhanamatīva madhuraṃ jananīdayitaṃ priyaṃ ca yuvatīnām/
atyupabhogaṃ kurute candreṇa nirīkṣito jīvaḥ

dayitaṃ bālastrīṇāṃ prājñaṃ śūraṃ ca dhanasamṛddhaṃ ca/
sukhinaṃ narendrapuruṣaṃ bhṛgubhe jīvo rudhiradṛṣṭaḥ

prājñaṃ caturaṃ madhuraṃ (subhagaṃ)sudhanaṃ vibhavānvitaṃ guṇasamṛddham/
suruciraśīlaṃ kāntaṃ janayati budhavīkṣito jīvaḥ

atilalitamati ca dhaninaṃ parabhūṣaṇadhāriṇaṃ mṛjāśīlam/
varaśayanaṃ varavasanaṃ bhṛgubhe bhṛguvīkṣito jīvaḥ

prājñaṃ bahudhanadhānyaṃ mahattaraṃ grāmanagarapuruṣāṇām/
malinamarūpamabhāryaṃ kurute saurekṣito jīvaḥ

āryaṃ grāmaśreṣṭhaṃ kuṭumbinaṃ (dāraputragṛhayuktam)dāraputradhanayuktam/
budhabhe dinakaradṛṣṭastridaśagururmānavaṃ kurute

candrekṣitastukurute vasumantaṃ mātṛvallabhaṃ dhanyam/
sukhayuvatiputravantaṃ suragurutirūpamanupamaṃ budhabhe

śāśvatasulabdhaviṣayaṃ(vijayaṃ) (vikṛta)citritagātraṃ dhanānvitaṃ kurute/
dharaṇisutekṣitadehastridaśaguruḥ saṃmataṃ loke

kurute jyotiṣakuśalaṃ bahusutadāraṃ ca sūtrakāraṃ ca/
atiśayavirūpavākyaṃ budhabhe saumyekṣito jīvaḥ

(prasādasumukhaṃ)devaprāsādānāṃ kṛtyakaraṃ veśadārabhoktāram/
hṛdayaharaṃ nārīṇāṃ kurute śukrekṣito jīvaḥ

śreṇīgaṇarāṣṭraṇāṃ purogamaṃ grāmapattanānāṃ ca/
janayati śaninā dṛṣṭaḥ sutanuṃ jīvāṃ naraṃ budhabhe

ravidṛṣṭaḥ śaśibhavane vikhyātaṃ hyagragaṃ samūhānām/
sukhadhanadāravihīnaṃ paścādāḍhyaṃ guruḥ kurute

atyarthaṃ dyutimantaṃ nṛpatiṃ bahukośavāhanasamṛddham/
uttamayuvatīputraṃ janayecchaśibhe gururhimagudṛṣṭaḥ

kaumāradāramāḍhyaṃ hemālaṅkābhāginaṃ prājñam/
śūraṃ savraṇagātraṃ rudhirāṅganirīkṣito guruḥ kurute

bāndhavamātranimittaṃ dhaninaṃ kalānvitaṃ vigatapāpam/
janayati budhena dṛṣṭaḥ (pratyāyakasamantriṇaṃ)pratyayinaṃ mantriṇaṃ jīvaḥ

bahudāraṃ bahuvibhavaṃ nānālaṅkārabhāginaṃ sukhinam/
bhṛgutanadṛṣṭamūrtiḥ subhagaṃ puruṣaṃ guruḥ kurute

saureṇa dṛṣṭamūrtirmahattaraṃ grāmasainyanagarāṇām/
vācāṭaṃ bahuvibhavaṃ vārdhakye bhogabhāginaṃ jīvaḥ

siṃhe dayitaṃ khyātaṃ satāṃ ca nṛpatiṃ mahādhanasamṛddham/
janayati dinakaradṛṣṭastridaśagururnaramatīva hi suśīlam

asubhagamati ca malinaṃ (strībhāgyairupacitārthamatyāḍhyam)strībhāgyairatisubhagamatyāḍhyam/
leye candrasudṛṣṭo jitendriyaṃ janayati surejyaḥ

satyaṃ satāṃ gurūṇāṃ viśiṣṭakarmāṇamugramatinipuṇam/
śuddhaṃ śūraṃ krūraṃ gururiha bhaumekṣitaḥ siṃhe

gṛhavāstujñānarataṃ vijñānaguṇānvitaṃ ruciravākyam/
siṃhe mantriṇamagryaṃ budhekṣito viśrutaṃ jīvaḥ

dayitaṃ strīṇāṃ subhagaṃ bhūpatisatakārasatkṛtaṃ puruṣam/
sitadṛṣṭaḥ sūrapūjyo janayati siṃhe mahāsattvam

bahukathanamadhuravacanaṃ sukharahitaṃ citrabhāginaṃ tīkṣṇam/
amarastrītulyasukhaṃ siṃhaguruḥ saurasandṛṣṭaḥ

nṛpativiruddhaṃ janayati vibudhaguruḥ saṃsthitaḥ svagṛhe/
ravidṛṣṭaḥ paritaptaṃ dhanabandhujanena parimuktam

nānāvidhasaukhyayutaṃ svagṛhe candrekṣito jīvaḥ/
atisubhagaṃ yuvatīnāṃ mānadhanaiśvaryagarvitaṃ kurute

saṅgrāme vikṛtāṅgaṃ krūraṃ vadhakaṃ (paropakāraparam)paropatāpakaram/
janayati kujena dṛṣṭo (dṛṣṭaḥ)devagururnaṣṭaparivāram

mantriṇamatha nṛpatiṃ vā sutadhanasaubhāgyasaukṣyasampannam/
svagṛhe budhena dṛṣṭaḥ sakalānandaṃ guruḥ kurute

sukhinaṃ dhaninaṃ prājñaṃ vyapagatadoṣaṃ cirāyuṣaṃ subhagam/
svagṛhe sitena dṛṣṭo lakṣmīpariveṣṭitaṃ guruḥ puruṣam//59/
malinamatīva ca (sabhayaṃ)subhagaṃ grāmapuraśreṇidhikkṛtaṃ dīnam/
svagṛhaguruḥ śanidṛṣṭo janayati sukhabhogadharmaparihīnam

prājñaṃ pṛthivīpālaṃ sauragṛhe bhānunā ca saṃdṛṣṭaḥ/
(prakṛsimutthaṃ)prakṛtisamṛddhaṃ janayati (sukha)bahubhogasamanvitaṃ suvikrāntam

pitṛmātṛbhaktabhārtakulodbhavaṃ prājñamāḍhyamādeyam/
candrekṣitastu jīvaḥ suśīlamatidhārmikaṃ śanibhe

śūraṃ narendrayodhaṃ garvitamojasvinaṃ suveṣaṃ ca/
vikhyātamāryamānyaṃ śanibhe vakrekṣito jīvaḥ

(matiṃ)kāmaratiṃ gaṇamukhyaṃ mānavamatha sārthavāhamāḍhyaṃ vā/
khyātamatimitravantaṃ budhasaṃdṛṣṭo guruḥ śanibhe

bhojyānnapānavibhavaṃ varagṛhaśayanāsanottamastrīkam/
ābharaṇavasanamantaṃ śanibhe śukrekṣito jīvaḥ

anupamavidyāvṛttaṃ mahattaraṃ deśapārthivaṃ śanibhe/
dvipadacatuṣpadamāḍhyaṃ bhoginamatha sauravīkṣito jīvaḥ

aṣṭāviṃśo'dhyāyaḥ
naiśāndho bahudoṣo virodhaśīlaḥ parāṅganācoraḥ/
veśyāvanādricārī strīhetorbandhaṃ prāptaḥ

kṣudraḥ kaṭhoracoraścamūpuraśreṇivṛndanāthaśca/
meṣe syādbhṛgutanaye no viśvāsī pragalbhaśca

bahuyuvatiratnasahitaḥ kṛṣīvalo gandhamālyavasyutaḥ/
gokulajīvo dātā svabandhubhartā sumūrtiśca

āḍhyastvanekavidyo bahupradaḥ sattvahitakārī/
vṛṣabhe guṇaiḥ pradhānaḥ paropakārī site bhavati jātaḥ

(vijñānakalāśāstrapratītasatyasthito)vijñānakalāśāstraḥ prathitaḥ satataṃ sumūrtigaḥ kāmī/
ālekhyalekhanirataḥ kāvyakaraḥ syāt priyaḥ sādhuḥ

(smṛti)dhṛtagītanṛttavibhavaḥ suhṛjjanāḍhyaḥ suradvijānurataḥ/
saṃrūḍhasneho vai mithunasye bhārgave bhavati

ratidharmarataḥ prājño balī mṛdurguṇavatāṃ pradhānaśca/
ākāṅkṣitaiḥ sukhārthairyuktaḥ priyadarśanaṃ sunītiśca

yoṣitpānaprabhavairvyādhibhiradhikaṃ prapīḍito manujaḥ/
śukre karkaṭasaṃsthe svavaṃśabhavadoṣasantaptaḥ

yuvatijanopāsanako(janopāsanayā) labdhasukhadraviṇasampramodaśca/
laghusattvaḥ priyabandhurvicitrasaukhyaśca duḥkhī ca

upakārī ca pareṣāṃ gurudvijācāryasaṃmato nirataḥ/
siṃhasthe bhṛgutanaye bahucintāsvanabhiyogaḥ syāt

laghucinto mṛdunipuṇaḥ paropasevī kalāvidhijñaśca/
strosambhāṣaṇamadhuraḥ praṇayanagaṇanārthakṛtayatnaḥ

nārīṣu duṣṭaratiṣu praṇayī dīno na saukhyabhogayutaḥ/
kanyāyāṃ bhṛgutanaye tīrthasabhāpaṇḍito jātaḥ

śramalabdhadhanaḥ śūro vicitramālyāmbaro videśarataḥ/
naipuṇarakṣaṇakuśalaḥ karmasu capalaḥ suduṣkareṣu tathā

āḍhyo rucirasupuṇyo dvijadevārcavi labdhakīrtiści/
śukre tulādharagate bhavati pumān paṇḍitaḥ subhagaḥ

vidveṣaratirnṛśaṃso vimuktadharmā vikatthano'tiśaṭhaḥ/
sahajavirakto'dhanyo vipannaśatrusthā pāpaḥ

āryaḥ kulaṭādveṣī vadhanipuṇo bahvṛṇo daridraśca/
alini site bhavati pumān garhitaśīlaḥ suguhyagadaḥ

saddharmakarmadhanajaiḥ phalairupeto jagatpriyaḥ kāntaḥ/
ārya (kulārtha)kulabdhaśabdo vidvān gomānalaṃkariṣṇuśca

(dvāra)sadvittadārasubhago narendramantrī sucaturo'pi/
pīnoccatanuḥ pūjyaḥ satāṃ samūhasya dhanuṣi kavau

vyayabhayaparisantapto durbaladeho jarāṅganāsaktaḥ/
hṛdrogī dhanalubdho lobhānṛtavañcano nipuṇaḥ

klībo vipannaceṣṭaḥ parārthaceṣṭaḥ suduḥkhito mūḍhaḥ/
makare dānavapūjye kleśasaho jāyate puruṣaḥ

udvogarogataptaḥ karmasu viphalesu sarvadābhirataḥ/
parayuvatigo vidharmā gurubhiḥ putraiśca kṛtavairaḥ

snānopabhogabhūṣaṇavastrādinirākṛto malinaḥ/
kumbhadhare bhṛguputre bhavati pumānnātra sandehaḥ

dākṣiṇyadānaguṇavān mahādhano'dhaḥkṛtāripakṣaśca/
loke khyātaḥ śreṣṭho viśiṣṭaceṣṭo nṛpatidayitaḥ

vāgbuddhiyutodāraḥ sajjanaparilabdhavibhagavamānaśca/
svādeyavacā mīne vaṃśadharo jñānavān śukre

strīhetorduḥkhārtaṃ yutinimittādvinaṣṭadhanasaukhyam/
kujabhavane ravidṛṣṭo janayati śukro nṛpaṃ prājñam

udbandhamaticapalaṃ kāmāturamadhamayuvatibhartāram/
janayati bhṛgorapatyaṃ rajanokaravīkṣitaṃ kujabhe

dhanasaukhyayānarahitaṃ parakarmakaraṃ malinaceṣṭam/
janayati rudhirakṣetre rudhireṇa nirīkṣitaḥ śukraḥ

mūrkhaṃ dhṛṣṭamanāryaṃ svabandhuparivādakaṃ vinayahīnam/
coraṃ kṣudraṃ krūraṃ budhadṛṣṭo bhārgavaḥ kurute

sunayanamudāradānaṃ(dāraṃ) suśarīraṃ vyāyataṃ bahusutaṃ ca/
tridaśagurudṛṣṭamūrtirjanayati rudhirālaye śukraḥ

(madhana)atimalinamalasamaṭanaṃ svabhimatajanasevakaṃ kurute/
bhṛgutanayo rudhiragṛhe dinakaraputreṇa vīkṣitaścoram

dinakaradṛṣṭaḥ śukro varajāyābhogina dhanasamṛddham/
janayatyuttamapuruṣaṃ strīhetornirjitaṃ svagṛhe

paramakulīnāputraṃ (sukhadhanamānaiḥ sutairuyetaṃ)sukhadhanadānaiḥ sukhairupetaṃ ca/
atyāryamatiṃ(ati ca kāntaṃ) kāntaṃ svagṛhe candrekṣitaḥ śukraḥ

duḥśīlābhartāraṃ pramadāhetośca naṣṭagṛhadāram/
janayati bhṛgunandakaro madanavaśaṃ vakrasandṛṣṭaḥ

kāntaṃ madhuraṃ subhagaṃ sukhaghṛtimatisaṃyutaṃ vipulasattvam/
janayati budhena dṛṣṭaḥ sarvaguṇasamanvitaṃ khyātam

pramadāputragṛhāṇāṃ bhāginamatha yānavāhanānāṃ ca/
svarkṣe gurusandṛṣṭaḥ kurute bhṛguriṣṭaceṣṭānām

svalpasukhaṃ svalpadhanaṃ duḥśīlaṃ (bandhakīpatiṃ)vardhakīpatiṃ caiva/
saurekṣitastu janayet vyādhitadehaṃ naraṃ śukraḥ

nṛpajananīpatnīnāṃ kṛtyakaraṃ paṇḍitaṃ dhaninam/
dinakaradṛṣṭaḥ śukro janayati sukhabhāginaṃ budhabhe

kṛṣṇanayanaṃ sukeśaṃ śayanāsanayānabhāginaṃ cārthanāśanam/
sukumāramindudṛṣṭo janayati śukro naraṃ subhagam

kāmaparamati ca subhagaṃ yuvatikṛte yārthanāśanam/
vakrekṣitastu śukro budhabhavanamupāśritaḥ prasave

prājñaṃ madhuraṃ dhaninaṃ (paribhoga)vāhanaparivārabhāginaṃ subhagam/
(gaṇapatimatheśvaraṃ vā)gaṇapatimartheśaṃ vā budhadṛṣṭo bhārgavo budhabhe

budhabhavanagataḥ śukrastridaśagurunirīkṣitaḥ kurute/
atisukhamatīvadīnaṃ pratirūpakaraṃ jñamācāryam

dinakarasutena dṛṣṭo budhabhavago'tidukhinaṃ śukraḥ/
janayati (ladhuparibhūtaṃ)khalu paribhūtaṃ capalaṃ dveṣyaṃ ca mūrkhaṃ ca

karmaparāṃ (atirucirāṃ śuklāṅgī)śuddhāṅgīṃ nṛpatisutāṃ roṣaṇāṃ dhanopetām/
bhāryāṃ dadāti śukraścandragṛhe bhānusandṛṣṭaḥ

mātṛsapatnījananaṃ kanyāpūrvaprajaṃ bahusutaṃ ca/
sukhinaṃ subhagaṃ lalitaṃ kurute candrekṣitaḥ śukraḥ

sukalāvidamatyāḍhyaṃ strīhetorduḥkhitaṃ subhagam/
bhaumekṣitastu janayedvṛddhikaraṃ bandhuvargasya

paṇḍitabhāryāpatikaṃ bandhunimittaṃ ca dukhitaṃ nityam/
(asukhinamaṭanaṃ)atisukhadhaninaṃ prājñaṃ karoti śaśibhe budhekṣitaḥ śukraḥ

bhṛtyairdhanaiśca putrairvāhanabhogaiśca bāndhavairmitraiḥ/
kurute naramiha yuktaṃ narapatidayitaṃ ca gurudṛṣṭaḥ

strīnirjitaṃ daridraṃ patitamarūpaṃ tathaiva capalaṃ ca/
janayati sukhairvihīnaṃ śaśibhe śanivīkṣitaḥ śukraḥ

serṣyaṃ kanyādayitaṃ kāmārtaṃ (asukhinamaṭanaṃ)yuvatikāraṇaṃ dhaninam/
bhāginamatha karabhāṇāṃ janayati siṃhe ravikṣitaḥ śukraḥ

mātṛsapatnījananaṃ yuvatikṛte duḥkhitaṃ vibhavavantam/
siṃhe nānāmatikaṃ karoti candrekṣitaḥ śukraḥ

nṛpapuruṣaṃ vikhyātaṃ yuvatikṛte vallabhaṃ dhanasamṛddham/
subhagaṃ paradārarataṃ siṃhe budhavīkṣitaḥ śukraḥ

saṃgrahanirataṃ lubdhaṃ strīlolaṃ pāradārikaṃ śūram/
śaṭhamānṛtikaṃ dhaninaṃ siṃhe budhavīkṣitaḥ śukraḥ

vāhanadhanabhṛtyayutaṃ bahudāraparigrahaṃ ravikṣetre/
kurute narendramantriṇamindragurunirīkṣitaḥ śukraḥ

nṛpatiṃ nṛpatipratimaṃ vikhyātaṃ kośavāhanasamṛddham/
raṇḍāpatiṃ surūpaṃ duḥkhayutaṃ saurasandṛṣṭaḥ

atiraudramatiṃ ca śūraṃ gurubhe prājñaṃ ca dhaninamatidayitam/
raviṇā dṛṣṭo janayati videśagamanaṃ naraṃ śukraḥ

khyātaṃ narendrapuruṣaṃ bhaugeraśanaiḥ (samaiḥ)samanvitaṃ vipulaiḥ/
kurute hyanupamasāraṃ gurubhe candrekṣitaḥ śukraḥ

adhikadveṣyaṃ strīṇāṃ vicitrasukhaduḥkhamarthavantaṃ ca/
kurute godhanamagryaṃ gurubhe bhaumekṣitaḥ śukraḥ

ābharaṇabhūṣaṇānāṃ bhāginamapi cānnapānānām/
budhadṛṣṭo bhṛgutanayaḥ kurute gurubhe'rthavāhanasamṛddham

gajaturagagodhanāḍhyaṃ bahuputrakalatramatisukhinam/
guruṇā dṛṣṭo gurubhe śukro mahāvibhavam

nityaṃ ca dhanaprāyaṃ sukhinaṃ bhogānvitaṃ dhanasamṛddham/
gurubhavane śanidṛṣṭaḥ kurute śukro naraṃ subhagam

stimitaṃ vṛṣabhaṃ strīṇāṃ mahādhanaṃ satyasaukhyasampannam/
sauragṛhe ravidṛṣṭaḥ kurute śukro naraṃ śūram

ojasvinamatiśūraṃ svāḍhyaṃ vapuṣānvitaṃ subhagam/
kurute śaśinā dṛṣṭo ravijagṛhe bhārgavaḥ kāntam

jāyāvināśakāraṇamanarthabahulaṃ ca rogiṇaṃ śukraḥ/
kurute śramābhitaptaṃ paścātsukhinaṃ ca kujadṛṣṭaḥ

prājñaṃ dhanacayanirataṃ nidhānarucimatiśayena vidvāṃsam/
janayati budhena dṛṣṭo bhṛgutanayaḥ satyasaukhyasampannam

priyavastramālyagandhaṃ sukumāraṃ gītavāditavidhijñam/
janayati guruṇā dṛṣṭo bhṛguputraḥ satkalatrayutam

sauragṛhe śanidṛṣṭaḥ śukro naravāhanārthabhogayutam/
malinaṃ śyāmaśarīraṃ suruciragātraṃ mahādeham

iti kalyāṇavarmaviracitāyāṃ sārāvalyāṃ śukracāro nāmāṣṭāviṃśo'dhyāyaḥ//
ekonatriṃśo'dhyāyaḥ
vyasanapariśramataptaḥ (prapañcaśīlaḥ)pracaṇḍaśīlaḥ svabandhupakṣaghnaḥ/
niṣṭhuradhṛṣṭātivacā vigarhito nirdhanaḥ kuveṣaśca

meṣe'rkaje suroṣe jaghanyakarmā ca labdhadoṣo'pi/
priyavairo naikṛtiko nṛśaṃsako'sūyakaḥ pāpaḥ

arthavihīnaḥ preṣyo na yuktavākyo na satyakarmā ca/
vṛddhastrīhṛdayaharaḥ kusuhṛt strīvyasanasaṃsaktaḥ

saure vṛṣabhaṃ yāte bhavati ca jātaḥ parāṅganāpreṣyaḥ/
naikṛtikaḥ sphuṭadṛṣṭo bahukriyāsaṅgato mūḍhaḥ

bahvṛṇabandhanatapta śramānvito dāmbhikonumantrī ca/
vākyaguṇaiḥ santyaktaḥ sadava(puṃguhya) guhyaśca kāmaśīlaśca

chalakṛcca manyuduṣṭaḥ kriyātiśāyī śaṭhaḥ (kuśilpaśca)kuśīlaśca/
bandhanavihārasakto bāhyakrīḍānugo mithune

subhagānvito daridro bālye rogātipīḍitaḥ prājñaḥ/
jananīrahito'timṛdurviśiṣṭanirataḥ sadāturaścāpi

parabādhako viśiṣṭo bandhuviruddho vilomaśīlaśca/
madhye bhūpatitulyaḥ parabhogavivardhitaḥ śaśibhe

lipipāṭhyaparo'bhijño vigarhito vigataśīlaśca/
strīviyuto bhṛtijīvī svapakṣarahito mudā hīnaḥ

nīcakriyāsu nirato vivṛddharoṣo manorathai(bhrāntaḥ)rdāntaḥ/
bhārādhvaśramaduḥkhaiḥ prakīrṇadeho yame siṃhe

ṣaṇḍākāro'tiśaṭhaḥ parānnaveśyārato'lpamantraśca/
śilpakathāsvanabhijño vi(svakutya)kṛtyaceṣṭo lasatsutārthaśca

(aśaṭhaḥ) adhanaḥ paropakārī kanyājanakadūṣakaḥ kriyānurataḥ/
kanyāyāṃ ravitanaye hyavekṣyakārī pumān jātaḥ

arthaparaścāruvacā naro videśāṭanāptamānadhanaḥ/
nṛpatiḥ subodhano vā svapakṣaguptasthitārthaḥ(sthirārtha) syāt

vṛndasabhānāṃ jyeṣṭho vayaḥprakarṣātkṛtāspadaḥ sādhuḥ/
kulaṭānaṭīviṭastrībharaṇo ravije tulāyāte

dveṣaparo viṣamo vā viṣaśastraghnaḥ pracaṇḍakośca/
lubdho dṛpto'rthayutaḥ parasvaharaṇe samarthaśca

bāhyo maṅgalavādyairnṛśaṃsakarmā hyanekaduḥkhaḥ syāt/
aṣṭamarāśau ravije kṣayavyayavyādhibhistaptaḥ

vyavahārabodhyaśikṣāśrutārthaṃ vidyābhidhānukūlamatiḥ/
putraguṇairvikhyātaḥ svadharmavṛttaiśca śīlaiśca

antye vayasi ca lakṣmīṃ bhunakti paramāṃ pralabdhamānastu/
alpavacā bahusaṃjño mṛduryame kārmukasthe syāt

parayoṣitkṣetrāṇāṃ prabhuḥ śrutiṇairyutaśca bahuśilpaḥ/
śreṣṭhaśca vaṃśajātaiḥ pūjyaḥ paravṛndasatkṛtaḥ khyātaḥ/19//
snānavibhūṣaṇanirataḥ kriyākalājñaḥ pravāsaśīlaśca/
koṇe mṛgabhe jātaḥ prajātaśauryopacāraḥ syāt

bahvanṛtaḥ sumahānsyānmadyastrīvyasanasamprasaktaśca/
(dhūrtakavañcanakuśalaḥ)dhūrto vañcanaśīlaḥ kusauhṛdo hyatidṛḍhaścaṇḍaḥ

jñānakathāsmṛtibāhyaḥ parāṅganārthaḥ sukarkaśabhāṣī/
ravitanaye kumbhasthe bahukriyārambhakṛtayatnaḥ

priyayajñaśilpavidyaḥ svabandhusuhṛdāṃ pradhānaśāntaśca/
saṃvardhitārthasunayo vinītaśīlo guṇaiḥ samāyuktaḥ/
mīne bhāskaratanaye paścādbhāvāspadaṃ puruṣaḥ

karṣaṇaniratamathāḍhyaṃ gomahiṣājāvisaṃyutaṃ dhanyam/
sūryeṇa dṛśyamāno janayati karmodyataṃ sauriḥ

capalaṃ nīcaprakṛtiṃ nīcavirūpāṅganāsu saṃsaktam/
śanirindudṛṣṭamūrtiḥ sukhadhanarahitaṃ naraṃ kurute

praṇivadhaparaṃ kṣudraṃ kurute corādhipaṃ suvikhyātam/
priyayuvatikamāṃsapānaṃ sauro vakrekṣitaḥ kujabhe

ānṛtikamadharmaparaṃ (bahuvācaṃ)bahvāśaṃ taskaraṃ prakāśaṃ ca/
kauje śanirjñadṛṣṭaḥ sukhavibhavavinākṛtaṃ puruṣam

sukhadhanasaubhāgyayutaṃ nṛpamantriṇamagragaṃ ca sacivānām/
gurudṛṣṭo ravitanayaḥ kujagehe mānavaṃ kurute

aticapalamativirūpaṃ parāṅganāpaṇyayuvatisaṃsaktam/
kujabhavane bhṛgudṛṣṭo janayati ravijo vivarjitaṃ bhogaiḥ

sphuṭavākyaṃ vigatadhanaṃ vidvāṃsaṃ paragṛheṣu bhoktāram/
raviṇā dṛṣṭaḥ sauriḥ sitabhe paripelavaṃ puruṣam

yuvatijanajanitasāraṃ nṛpamantripuraskṛtaṃ yuvatikāntam/
śaśinā dṛṣṭaḥ sauriḥ kurute(sitabhe vastrānnakusumaparivāraṃ) sitabhe kuṭumbaparivāram

saṃgrāmakathābhijñaṃ saṃgrāmapalāyinaṃ subahuvākyam/
bhṛgubhe kujasandṛṣṭo janadhanapariveṣṭitaṃ sauraḥ

nityaṃ vihasanaśīlaṃ (klībakaraṃ)klībataraṃ yuvatisevakaṃ nīcam/
budhadṛṣṭo ravitanayaḥ śukragṛhe mānavaṃ kurute

paraviṣayaduḥkhasukhinaṃ parakāryakaraṃ priyaṃ lokasya/
kurute guruṇā dṛṣṭo dātāraṃ sodyamaṃ sauriḥ

madyastrīkṛtasaukhyaṃ ratnānāṃ bhājanaṃ mahāsattvam/
śukragṛhe sitadṛṣṭo janayati sauro nṛpatidayitam

sukharahitamathātyantaṃ dhanarahitaṃ dhārmikaṃ jitakrodham/
kleśasahiṣṇuṃ dhīraṃ budhabhe ravivīkṣitaḥ sauriḥ

nṛpatulyaṃ snigdhatanuṃ nārībhyaḥ prāptavibhavasatkāram/
strīṇāṃ vā kṛtyakaraṃ sauracandrekṣito budhame

vikhyātamallamohitamatibhāravahaṃ tathā (vikṛṣṭamatim)vikṛtagātram/
rudhirāṅgavīkṣitatanurjanayati sauro naraṃ budhabhe

dhaninaṃ niyuddhakuśalaṃ nṛttācāryaṃ ca gītakuśalaṃ ca/
śilpakamatīva nipuṇaṃ budhabhe budhavīkṣitaḥ sauriḥ

prātyayikaṃ rājakule sarvaguṇasamanvitaṃ satāmiṣṭam/
guṇaguhyadhanaṃ kurute guruṇā dṛṣṭaḥ śanaiścārī

strīmaṇḍaleṣu(maṇḍaneṣu) kuśalaṃ yogācāryamatha yoginaṃ vā'pi(cāpi)/
śukrekṣito'rkaputraḥ strīṇāmiṣṭaṃ naraṃ budhabhe

pitrā rahitaṃ bālye dinapatidṛṣṭaḥ śanaiścaraḥ śaśibhe/
dhanasukhadāravihīnaṃ kadaśanatuṣṭaṃ naraṃ pāpam

janmani māturaniṣṭaṃ dhanavantaṃ sahajapīḍitaṃ caiva/
śaśidṛṣṭaḥ śaśibhavane (patnīśvaraṃ)dinakaraputro naraṃ kurute

nṛpatisamarpitavibhavaṃ vikalāṅgaṃ kanakaratnaparivāram/
kujadṛṣṭaḥ śaśibhavane kubandhupatnīrataṃ sauriḥ

niṣṭhuramatipravācaṃ śamitārātiṃ ca dāmbhikaṃ cāpi/
janayatyuttamaceṣṭaṃ budhadṛṣṭo bhāskariḥ śaśibhe

kṣetragṛhāṇāṃ suhṛdāṃ putrāṇāṃ bhāginaṃ naraṃ kurute/
dhanaratnadāravantaṃ śaśibhe guruvīkṣitaḥ sauriḥ

āyatakulajātānāṃ rūpavilāsaiḥ sukhaiśca rahitānām/
kurute janma narāṇāṃ bhṛgudṛṣṭaḥ karkaṭe sauriḥ

sukhadhanahīnamanāryaṃ priyānṛtaṃ ‍pānasaktakutanuṃ ca/
bhṛtakaṃ duḥkhitamekaṃ siṃhe sūryekṣitaḥ sauriḥ

nānāratnadhanānāṃ yuvatīnāṃ bhājanaṃ vipulakīrtim/
śiśiragudṛṣṭaḥ siṃhe nṛpavallabhaṃ puruṣam

pratidinamaṭanamadhanyaṃ coraṃ giridurgavāsinaṃ kṣudram/
bhāryāputravihīnaṃ siṃhe sauro rudhiradṛṣṭaḥ

naikṛtikamalasamadhanaṃ strīkarmakaraṃ malīmasaṃ dīnam/
janayati budhena dṛṣṭo dinakarabhavanāśritaḥ sauriḥ

grāmapuraśreṇīnāṃ purogamāḍhyaṃ ca putravantaṃ ca/
gurudṛṣṭaḥ prātyayikaṃ siṃhe sauraḥ suśīlaṃ ca

yuvatidveṣyaṃ kāntaṃ mantharasukhabhāginaṃ dhanasamṛddham/
śukrekṣitastu kurute bhānugṛhe ravisutaḥ svantam

paraputrāṇāṃ pitaraṃ gurubhe sūryekṣitaḥ sauriḥ/
tebhyo dhanaṃ ca labhate nāma khyātiṃ ca pūjāṃ ca

mātṛrahitaṃ suśīlaṃ nāmadvayasaṃyutaṃ ravestanayaḥ/
kurute śaśinā dṛṣṭo bhāryāsutavittasampannam

vātavyādhigṛhītaṃ lokedveṣyaṃ ca(pravāsaśīla) pāpaśīlaṃ ca/
kṣudraṃ ninditaśīlaṃ gurubhe bhaumekṣitaḥ sauriḥ

janayati gurubhavanastho nṛpatisamaṃ saukhyavantamācāryam/
mānyaṃ dhaninaṃ saumyaṃ subhagaṃ saumyekṣitaḥ sauriḥ

nṛpatiṃ nṛpatulyaṃ vā mantriṇamatha nāyakaṃ ca senāyāḥ/
janayati guruṇā dṛṣṭaḥ (śaniḥ sacivakarthavarjitaṃ gurubhe)sarvāpadvarjitaṃ sauriḥ

kurute dvimātṛpitṛkaṃ vipinādriṣu jīvinaṃ vividhaśīlam/
janayati sitena dṛṣṭo ravitanayaḥ karmasampannam

rogiṇamarūpabhāryaṃ parānnabhoginamatīva duḥkhasaham/
aṭanarataṃ bhārasahaṃ sauriḥ sūryekṣitaḥ svagṛhe

capalamasatyaṃ pāpaṃ māturaniṣṭaṃ priyānṛtaṃ svāḍhyam/
utpannāṭanaduḥkhaṃ svagṛhe candrekṣitaḥ sauriḥ

atiśūraṃ vikrāntaṃ vikhyātaguṇaṃ mahājanapurogam/
tīkṣṇaṃ sāhasanirataṃ svagṛhe vakrekṣitaḥ sauriḥ

bhārasahaṃ tāmasikaṃ śobhanamaṭanajñamalpavittaṃ ca/
dhanyaṃ janayati śanibhe budhena saṃvīkṣitaḥ sauriḥ

samuditaguṇaṃ narendraṃ nṛpavaṃśakaraṃ cirāyuṣamarogam/
tridaśagurudṛṣṭamūrtirjanayati sauriḥ svagṛhasaṃsthaḥ

dhaninaṃ paradārarataṃ subhagaṃ sukhinaṃ ca vittavantaṃ ca/
utpannapānabhakṣyaṃ svagṛhe śukrekṣitaḥ sauriḥ

triṃśo'dhyāyaḥ
mūrtyādayaḥ padārthā jāyante yena sarvajantūnām/
tasmādadhunā vakṣye bhāvādhyāyaṃ viśeṣeṇa

lagnerke'lpakacaḥ kriyālasamatiḥ krodhī pracaṇḍonnato
mānī locanarūkṣakarkaśatanuḥ śuro'kṣamo nirghṛṇaḥ/
sphoṭākṣaḥ śaśibhe kriye satimiraḥ siṃhe niśāndhaḥ pumān/
dāridryopahato vinaṣṭatanaya jātastulāyāṃ naraḥ

dvipadacatuṣpada(bhogī)bhāgī mukharogī naṣṭavibhavasaukhyaśca/
nṛpacoramuṣitasāraḥ kuṭumbage syādravau puruṣaḥ

vikrānto balayukto vinaṣṭasahajastṛtīyake sūrye/
loke (mano)matobhirāmaḥ prājño jitaduṣṭapakṣaśca

vāhanabandhuvihīnaḥ pīḍitahṛdayaścaturthake sūrye/
pitṛgṛhadhananāśakarā bhavati naraḥ kunṛpasevī ca

sukhasutavittavihīnaḥ karṣaṇagiridurgasevakaścapalaḥ/
medhāvī dhanarahitaḥ svalpāyuḥ pañcame tapane

prabalamadanodarāgnirbalavān ṣaṣṭhaṃ samāśrite bhānau/
śrīmān vikhyātaguṇo nṛpatirvā daṇḍanetā vā

niḥśrīkaḥ paribhūtaḥ kuśarīro vyādhitaḥ(vyādhitau ravau dyūne) pumān dyūne/
nṛpabandhanasantapto'mārgarato yuvatividveṣī

vikalanayano'ṣṭamasthe dhanasukhahīno'lpajīvitaḥ puruṣaḥ/
bhavati sahasramayūkhe svabhimatajanavirahasantaptaḥ

dhanaputramitrabhāgī dvijadaivatapūjane'tiraktaśca(bhaktaśca)/
pitṛyoṣidvidveṣī navame tapane sutaptaḥ syāt

atimatirativibhavabalo dhanavāhana bandhuputravān sūrye/
siddhārambhaḥ śūro daśame'dhṛṣyaḥ praśasyaśca

sañcayanirato balavān dveṣyaḥ preṣyo vidheyabhṛtyaśca/
ekādaśe vidheyaḥ priyarahitaḥ siddhakarmā ca

vikalaśarīraḥ kāṇaḥ patito vandhyāpatiḥ pituramitraḥ//
dvādaśasaṃsthe sūrye balarahito jāyate kṣudraḥ

dākṣiṇyarūpadhanabhogaguṇaiḥ pradhānaścandre kulīravṛṣabhājagate vilagne/
unmattanīcabadhiro bikalaśca mūkaḥ śeṣe naro bhavati kṛṣṇatanurviśeṣāt

atulitasukhamitrayuto dhanaiśca candre dvitīyarāśigate/
sampūrṇe'tidhaneśo bhavati naro'lpapralāpakaraḥ

bhrātṛjanāśrayaṇīyo mudānvitaḥ sahajage balini/
candre bhavati ca śūro vidyāvastrānnasaṅgrahaṇaśīlaḥ

bandhuparicchadavāhanasahito dātā caturthage candre/
(balāśayānuraktaḥ)jalasaṃcārānurataḥ sukhāsukhotkarṇaparimuktaḥ

candre bhavati na śūro vidyāvastrānnasaṃgrahaṇaśīlaḥ/
bahutanayasaumyamitrau medhāvī pañcame tīkṣṇaḥ

pracurāmitrastīvro mṛdukāyāgnimadālasaścandre/
ṣaṣṭe (vṛkodarabhavaiḥ)nara udarabhavai rogaiḥ sampīḍito bhavati/
rajanikare svalpāyuḥ ṣaṣṭhagate bhavati saṃkṣīṇe

saumyo dhṛṣṇaḥ sukhitaḥ suśarīraḥ kāmasaṃyuto dyune/
dainyarugarditadehaḥ kṛṣṇe saṃjāyate śaśini

atimatiratitejasvī vyādhivibandhakṣapitadehaḥ/
nidhanasthe rajanikare svalpāyurbhavati saṃkṣīṇe

daivatapitṛkāryaparaḥ sukhadhanamatiputrasaṃpannaḥ/
yuvatijananayanakānto navame śaśini (priyasamākṣaḥ)priyatamodyotaḥ

aviṣādī karmaparaḥ siddhārambhaśca dhanasamṛddhaśca/
śuciratibalo'tha daśame śūro dātā bhavecchaśini

dhanavān bahusutabhāgī bahvāyuḥ sviṣṭabhṛtyavargaśca/
indvau bhavenmanasvī tīkṣṇaḥ śūraḥ prakāśaśca

dveṣyaḥ patitaḥ kṣudro nayanarugārto'laso bhavedvikalaḥ/
candre tathānyajāto dvādaśage nityaparibhūtaḥ

krūraḥ sāhasanirataḥ stabdho'lpāyuḥ svamānaśauryayutaḥ/
kṣatagātraḥ suśarīro vakre lagnāśrite capalaḥ

adhanaḥ kadaśanatuṣṭaḥ puruṣo vikṛtānano dhanasthāne/
kujanāśrayaśca rudhire bhavati naro vidyayā rahitaḥ

śūro bhavatyadhṛṣyo bhrātṛviyukto mudānvatiḥ puruṣaḥ/
bhūputre sahajasthe samastaguṇabhājanaṃ khyātaḥ

bandhuparicchadarahito bhavati caturthe'tha vāhanavihīnaḥ/
atiduḥkhaiḥ saṃtaptaḥ paragṛhavāsī kuje puruṣaḥ

(saukhyārthatrirahitaścañcalamatirapi ca pañcame rudhira)saumyārthaputramitraścalamatirapi
pañcame kuje bhavati/
piśuno'narthaprāyaḥ khalaśca vikalo naro nīcaḥ

(prabalodarāgnipuṃstvaḥ)prabaladanodarāgniḥ suśarīro vyāyato balī ṣaṣṭhe/
rudhire sambhavatiḥ naraḥ svabandhuvijayī pradhānaśca

mṛtadāro rogārto'mārgarato bhavati duḥkhitaḥ pāpaḥ/
(strīrahito vigatananuḥ saptamabhavanasthite bhaume)śrīrahitaḥ santaptaḥ śuṣkatanurbhavati saptame bhaume

vyādhiprāyo'lpāyuḥ kuśarīro nīcakarmakartā ca/
nidhanasthe kṣititanaye bhavati pumān śokasantaptaḥ

akuśalakarmā dveṣyaḥ prāṇivadhaparo bhavennavamasaṃsthe/
dharmarahito'tipāpo narendrakṛtagauravo rudhire

karmodyukto daśame śūro dhṛṣyaḥ pradhānajanasevī/
sutasaukhyayuto rudhire pratāpabahulaḥ pumān bhavati

ekādaśage dhanavān priyasukhabhāgī tathā bhavecchūraḥ/
dhanadhānyasutaiḥ sahitaḥ kṣititanaye vigataśokaśca

nayanavikārī patito jāyāghnaḥ sūcakaśca raudraśca/
dvādaśage paribhūto bandhanabhāk bhavati bhūputre

anupahatadevabuddhirdeśakalājñānakāvyagaṇitajñaḥ/
atimadhuracaturavākyo dīrghāyuḥ syādbudhe lagne

buddhyopārjitavibhavo dhanabhavanagate'nnapānabhogī ca/
śobhanavākyaḥ sunayaḥ śaśitanaye mānavo bhavati

(śrutinirataḥ paribhūtaḥ)śramanirataḥ paridīnastṛtīyarāśau budhe bhavati jātaḥ/
nipuṇaḥ sahajasameto māyābahulo naraścalitaḥ(narassacalaḥ)

paṇḍitabāhuḥ subhago vāhanayukto budhe hibukasaṃsthe/
suparicchadaḥ subandhurbhavati naraḥ paṇḍito nityam

mantrābhicārakuśalo bahutanayaḥ pañcame saumye/
(vidyāsukhapratāpaiḥ)vidyāsukhaprabhāvaiḥ samanvito harṣasaṃyuktaḥ

vādavivāde kalahe nityajito vyādhito budhe ṣaṣṭhe/
alaso vinaṣṭakopo niṣṭhuravākyo'tiparibhūtaḥ

prajñāṃ sucāruveṣāṃ nātikulīnāṃ ca kalahaśīlāṃ ca/
bhāryāmanekavittāṃ dyūne labhate mahattvaṃ ca

vikhyātanāmasaraścirajīvī kuladharo nidhanasaṃsthe/
śaśitanaye bhavati naro nṛpatisamo daṇḍanāyako vā'pi

navamagate bhavati pumānatidhanavidyāyutaḥ śubhācāraḥ/
vāgīśvaro'tinipuṇo dharmiṣṭhaḥ somaputre hi

pravaramatikarmaceṣṭaḥ saphalārambho viśārado daśame/
dhīraḥ (sakalārambho)sattvasamato vividhālaṅkārasattvabhāk saumye

dhanavān vidheyabhṛtyaḥ prāyaḥ saukhyānvito vipulabhogī/
ekadaśe budhe syādbahvāyuḥ khyātimān puruṣaḥ

sugṛhītavākyamalasaṃ paribhūtaṃ vāgminaṃ tathā prājñam/
vyayagaḥ karoti saumyaḥ puruṣaṃ dīnaṃ nṛśaṃsaṃ ca

horāsaṃsthe jīve suśarīraḥ prāṇavān sudīrghāyuḥ/
susamīkṣitakāryakāraḥ prājño dhīrastathāryaśca

dhanavān bhojanasāro vāgmī suvapuḥ suvāk suvastraśca/
kalyāṇavapustyāgī sumukho jīve bhaveddhanage

atiparibhūtaḥ kṛpaṇaḥ (sahajāto, sahajajito)sadājito mānavo bhavati jīve/
mandāgnistrīvijito duścikye pāpakarmā ca

svajanaparicchadavāhanasukhamatibhogārthasaṃyuto bhavati/
śreṣṭhaḥ śatruviṣādī caturthasaṃsthe sadā jīve

sukhasutamitrasamṛddhaḥ prājño dhṛtimāṃstathā vibhavasāraḥ/
pañcamabhavane jīve sarvatra sukhī bhavati jātaḥ

sannodarāgnipuṃstvaḥ paribhūto durbalo'lasaḥ ṣaṣṭhe/
strīvijito ripuhantā jīve puruṣo'tivikhyātaḥ

subhagaḥ suruciradāraḥ pituradhikaḥ saptame bhavati jātaḥ/
vaktā kaviḥ pradhānaḥ prājño jīve suvikhyātaḥ

paribhūto dīrghāyurbhṛtako dāso'thavā nidhanasaṃsthe/
svajanapreṣyo dīno malinastrībhogavān jīve

daivatapitṛkāryarato vidvān subhago bhavettathā navame/
nṛpamantrī netā vā jīve jātaḥ pradhānaśca

siddhārambho mānyaḥ sarvopāyaḥ kuśalasamṛddhaśca/
daśamasthe tridaśagurau sukhadhanajanavāhanayaśobhāk

aparimitāyurdhīro bahuvāhanabhṛtyasaṃyuta sādhuḥ/
ekadaśabhe jīve na cātividyo na cātisutaḥ

alaso lokadveṣyo hyapagatavāgdaivapakṣabhagno vā/
paritaḥ sevānirato dvādaśasaṃsthe gurau bhavati

sunayanavadanaśarīraṃ sukhitaṃ dīrghāyuṣaṃ tathā bhīrum/
yuvatijananayanakrāntaṃ janayati horāgataḥ śukraḥ

pracurānnapānavibhavaṃ śreṣṭhavilāsaṃ(śiṣṭa) tathā suvākyaṃ ca/
kurute dvitīyarāśau bahudhanasahitaṃ sitaḥ puruṣam

sukhadhanasahitaṃ śukro duścikye strījitaṃ tathā kṛpaṇam/
janayati mandotsāhaṃ saubhāgyaparicchadātītam

bandhusuhṛtsukhasahitaṃ kāntaṃ vāhanaparicchadasamṛddham/
lalitamadīnaṃ subhagaṃ janayati hibuke naraṃ śukraḥ

sukhasutamitropacitaṃ ratiparamatidhanamakhaṇḍitaṃ śukraḥ/
kurute pañcamarāśau mantriṇamatha daṇḍanetāram

adhikamaniṣṭaṃ strīṇāṃ pracurāmitraṃ (vinākṛtaṃ)nirākṛtaṃ vibhavaiḥ/
vikalamatīva nīcaṃ kurute ṣaṣṭhe bhṛgostanayaḥ

atirūpadārasaukhyaṃ (bahuvibhavaṃ)bahurūpaṃ kalahavarjitaṃ puruṣam/
janayati saptamadhāmani saubhāgyasamanvitaṃ śukraḥ

dīrghāyuranupamasukhaḥ śukre nidhanāśrite dhanasamṛddhaḥ/
bhavati pumān nṛpatisamaḥ kṣaṇe kṣaṇe labdhaparitoṣaḥ

samamāyatatanuvittodārayuvatisukhasuhṛjjanopetaḥ/
bhṛgutanaye navamasthe surātithiguruprasaktaḥ syāt

(utthānavivādājitasukharatimānārthakīrtayo yasya/
daśamasthe bhṛgutanaye bhavati pumān bahumatikhyātaḥ//)
udyānasuvibhavā hitasukharatimānārthakīrttayo yasya/
daśamasthe bhṛgutanaye bhavati pumān bahumatiḥ khyātaḥ

pratirūpadāsabhṛtyaṃ bahvāyaṃ sarvaśokasantyaktam/
janayati bhavabhavanagato bhṛgutanayaḥ sarvadā puruṣam

alasaṃ sukhinaṃ sthūlaṃ patitaṃ mṛṣṭāśinaṃ bhṛgostanayaḥ/
śayanopacārakuśalaṃ dvādaśagaḥ strījitaṃ janayet

svoccasvakīyabhavane ‍kṣitipālatulyo
lagne'rkaje bhavati deśapurādhināthaḥ/
śeṣeṣu duḥkhagadapīḍita eva bālye
dāridrya(kāmavaśago)karmavaśago malino'lasaśca

vikṛtavadano'rthabhoktā janarahito nyāyakṛtkuṭumbagate/
paścātparadeśagato janavāhanabhogavān saure

malinaḥ saṃskṛtadeho nīco'lasaparijano bhavati saure/
śūro dānānurato duścikyagate vipulabuddhiḥ

pīḍitahṛdayo hibuke nirbāndhavavāhanārthamatisaukhyaḥ/
bālye vyādhideho nakharomadharo bhavet saure

sukhasutamitravihīnaṃ mati(vicetasaṃ)rahitacesataṃ trikoṇasthaḥ/
sonmādaṃ ravitanayaḥ karoti puruṣaṃ sadā dīnam

prabalamadanaṃ sudehaṃ śūraṃ bahvāśinaṃ viṣamaśīlam/
bahuripupakṣakṣapitaṃ ripubhavanagato'rkajaḥ kurute

satatamanorogyatanuṃ mṛtadāraṃ dhanavivarjitaṃ janayet/
dyūne'rkajaḥ kuveṣaṃ pāpaṃ bahunācakarmāṇam

kuṣṭhabhagandararogairabhitaptaṃ hrasvajīvitaṃ nidhane/
sarvārambhavihīnaṃ janayati ratijaḥ sadā puruṣam

dharmarahito'('patharataḥ)lpadhanikaḥ sahajasutavivarjito navamasaṃsthe/
ravije saukhyavihīnaḥ paropatāpī ca jāyate manujaḥ

dhanavān prājñaḥ śūro mantrī vā daṇḍanāyako vā'pi/
daśamasthe ravitanaye vṛndapuragrāmanetā ca

bahvāyuḥ sthiravibhavaḥ śūraḥ (śilpaśrito)śilpāśrayo vigatarogaḥ/
āyasthe bhānusute dhanajanasampadyuto bhavati

vikalaḥ patito mukharo viṣamākṣo nirghṛṇo vigatalajjaḥ/
vyayabhavanaṃgate saure bahuvyayaḥ syāt suparibhūtaḥ

pāpā nighnanti mūrtyādīn bhāvān puṣṇanti śobhanāḥ (dra0laghu jā0 12/4)/
viparītaṃ ripūrandhravyayeṣu sadasatphalam

yogā (yogāśraya)ye balayogāḥ(yogātsaumya) saumyasuhṛdripunirīkṣaṇāccaiva/
uccādibhavanasaṃsthairgrahaśca phalamanyathā bhavati

iti kalyāṇavarmaviracitāyāṃ sārāvalyāṃ bhāvādhyāyastriṃśaḥ//
ekatriṃśo'dhyāyaḥ
horācaturthasaptamadaśameṣu yathā dvayordvayorgrahayoḥ/
bhavati phalasamprayogo jātasya tathāyamupadeśaḥ

mātṛpitṛduḥkhataptaḥ sūryendvorudayasaṃsthayormanujaḥ/
mānasutavibhavahīnaḥ paribhūto jāyate duḥkhī

bāndhavasutasukhahīno dāridryuto mahājaḍaprakṛtiḥ/
candre rasātalasthe bhāskarasahi‍‍‍te pumān jātaḥ

mitraiḥ sutaiśca hīnaḥ paribhūto yuvatibhiḥ sadā puruṣaḥ/
candre saptamabhavane dinakarasahite bhaveddīnaḥ

suśarīraṃ balanāthaṃ rājasikaṃ nirdayaṃ viṣamaśīlam/
sūryendū gaganasthau kurutaḥ kṣapitāripakṣaṃ ca

ravibhauyorvilagne pittaprakṛtirmahāhave śūraḥ/
krodhī vikṣatagātraḥ krūraśca śaṭhaḥ kaṭhoraḥ syāt

bandhujanavittahīnaḥ(mitrahīnaḥ, vibhavahīnaḥ) samastasukhavarjitaḥ kṣubhitaḥ/
kujasūryayoścaturthe bhavati pumān sarvato dveṣyaḥ

strīvirahaduḥkhakhinnaḥ strīhetoḥ paribhavaṃ sadā prāptaḥ/
ravirudhirayoryuvatyāṃ videśagamane rato bhavati

viphalārambho bhṛtako nityodvignaḥ pradhānanṛpasevī/
bhūtanayadivākarayoḥ karmaṇi gatayorbhavedvikalaḥ

(ajño)prājño bahupralāpī kaṭhināṅgaḥ śūravallabho matimān/
lagne budhadinakarayordīrghāyuḥ saṃbhavetpuruṣaḥ

nṛpatisamo vikhyāto gṛhītakāvyaḥ kuberasamavibhavaḥ/
raviśaśitanayau hibuke sthūlatanurvakranāsaśca

vadhabandhanakṛnmṛtyurgṛhītavākyo na cātidhanalubdhaḥ/
strīratihīnaścoro dyūne budhasūryayorbhavati

triṣu lokeṣu khyāto gajāśvanātho bhavenmahīpālaḥ/
dinakarabudhayordaśame na nīcarāśisthayoreva

jīvārkayorguṇayuto mantrī balanāyako'thavā sādhuḥ/
lagnasthayoḥ prasūtau vidyādhanabhogavānkhyātaḥ

śrutinītikāvyanirataṃ bhavyaṃ janasampadaṃ priyālāpam/
hibuke surejyasūryau nibhṛtācāraṃ naraṃ kurutaḥ

jīvārkayoryuvatyāṃ madanavaśāttrījitaḥ pitṛdveṣī/
kanakamaṇirajatamauktikasamanvitaḥ śubhaśarīraḥ syāt

kīrtisukhamānavibhavaiḥ samanvitaḥ pārthivo bhavennabhasi/
ravidevapurohitayornindye'pi kule naro jātaḥ

priyakalahastvavinīto malinācāraḥ suduḥkhito nīcaḥ/
lagne ravibhṛgusutayoratyarthakalatrasamparityaktaḥ

āditye hibukasthe bhārgavasahite bhavennaro jātaḥ/
parabhṛtyaḥ śokārto lokadveṣyo daridraśca

strībhiḥ samparibhūto draviṇavihīno bṛhattanurdveṣyaḥ/
śailavaneṣu ca vicarati ravisitayoḥ saptamasthāne

karmaṇi dinakarasitayorvyavahārarato narendrasacivaḥ syāt/
śāstrakalānipuṇamatirdhanavāhanasaukhyasampannaḥ

ninditajananīputraḥ kutsitavṛttiḥ sadā malinabuddhiḥ/
lagne sūryārkajayoḥ pāpācāro bhavetpuruṣaḥ

sauriścaturtharāśau bhāskarasahite pumān bhavati nīcaḥ/
dāridryavihitamūrtiḥ svabandhubhiścāpi paribhūtaḥ

bhānvarkajayormadane mandālasadurbhagāśca jāyante/
yuvatidhanaiḥ santyaktā mṛgayābhiratā mahāmūrkhāḥ

bhānuḥ svaputrasahito gagane bhṛtakaṃ videśagaṃ janayet/
nṛpateḥ kvacidāptadhanaiścorairmuṣitaṃ sadaśvadhanam

(pittarogaiḥ)raktāgnipittadoṣairabhibhūto jāyate naro rājā/
kṣīṇīsutahimakarayorlagne tīkṣṇasvabhāvaśca

sakleśo nirdravyaḥ sukhasutadhanabandhuhīnaśca/
pātāle paradhanalubdho buhupralāpo na satyavacanaśca/
rirṣyāmukto manujaḥ kujaśaśinoḥ saptamasthāne

turagagajapattisampatsamākulaṃ tuhinagurnaraṃ kurute/
rudhireṇa samāyāto gaganajale vikramairyuktam

sukhabuddhisattvayuktaḥ subhagaḥ kānto vilagnage śaśini/
budhasahite bhavati naro vācālaścātinipuṇaśca

bandhusuhṛttanayasukhapratāpakanakāśvaratnasaṃyuktam/
bāndhavarāśāvindurjanayati budhasaṃyutaḥ subhagam

dyūne budhasaṃyukto janayati candraḥ pratāpinaṃ puruṣam/
nṛpasaṃmataṃ nṛpaṃ vā vikhyātaṃ satkaviṃ lalitam

daśame bahudhahimakarayormānī dhanavānatikhyātaḥ/
nṛpasacivo vayaso'nte duḥkhī syādbandhuparihīnaḥ

lagne surejyaśaśinoḥ kṣitipaḥ pṛthuponavakṣāḥ syāt/
bahatanayamitrabhāryaḥ suśarīro bandhubhirjuṣṭaḥ

mantrī rājapratipaḥ sukhabandhusamanvito mahāvibhavaḥ/
bahuśāstrākṣatabuddhirhibuke syājjīvaśaśinośca

jāyābhavane kurutaḥ suprājñaṃ pārthivaṃ kalākuśalam/
vāṇijakaṃ jīvendū nṛpavallabhayamarthavatsphītam

karmaṇiḥ surejyaśaśinorvidyādānārthamānakīrtiyutaḥ/
saumyaḥ pralambabāhuḥ sarvanamasyo naro bhavati

veśyāstrīkṛtasaukhyaḥ (kalpataruḥ)kāntatanuḥ saṃmato gurūṇāṃ ca/
mālyāmbaragandhayuto lagne śaśiśukrayorbhavati

pātāle śaśiśukrau strījanasukhabhāginaṃ naraṃ kurutaḥ/
jalasaṃyānāptadhanaṃ janapriyaṃ bhogasampannam

jāmitre sitaśaśinorbahuyuvatirato na cāpidhanapatraḥ/
strījanano medhāvī (bhūpatirajito)bhūpaticarito bhavetpuruṣaḥ

mānājñāvibhavayutaḥ karmaṇi śukre śaśāṅkayute/
rājño mantrī khyātaḥ kṣamānvitaḥ syādbahujanaśca

dāsāḥ khalāḥ suraudrā bhavanti lubdhāśca mānavā hīnāḥ/
bhāskarasutahimakarayorlagne nidrālasāḥ pāpāḥ

jalamuktāmaṇipotairjīvanti narāstathā khananavṛttyā/
hibuke śaśiravisutayoḥ śreṣṭhā janasaṃmatā jātāḥ

nagaragrāmapurāṇāṃ mahattarā rājapūjitāḥ puruṣāḥ/
jāyante'rkajaśaśinorjāyābhavane yuvatihīnāḥ

pracuraturaṃgamadalitārātiḥ khyātaḥ kuyoṣitaḥ putraḥ/
bhavati narāṇāmadhipaḥ śaśiśaniyoge khamadhyagate

saumyagrahasaṃyuktaḥ prāyeṇa śubhāvaho bhagaṇanāthaḥ/
bhaumārkiyuto (neṣṭo)dṛṣṭo daśame ca camūpatiṃ kuryāt

hiṃstro'gnikarmakuśalo dhātorvāde kṛtaśramo dūtaḥ/
bhaumabudhayorvilagne (paropakāro)guptyadhikārī bhavetyapuruṣaḥ

bāndhavarahitaḥ sahito mitraiśca dhanānnabhogavāhanavān/
hibuke budhabhūsutayoḥ svajaneṣu nirākṛto jātaḥ

bhramati ca deśāddeśaṃ karmakaro nīcaparibhūtaḥ/
bhaumendujayordyune suvivādakāro mṛtaprathamadāraḥ

senādhipatiḥ śūraḥ śaṭhasvabhāvo bhavedatikrūraḥ/
budhakujayorākāśe rājño'bhimato naro dhīraḥ

mantrī guṇapradhāno dharmakṣetre pralabdhaparikīrtiḥ/
budhakujayorvilagne nityotsāhī bhavetpuruṣaḥ

bandhusuhṛtsampannaḥ (sthiravittaḥ)sthiracittaḥ saukhyabhāk bhaveddhibuke/
bhaumāmarapūjitayornṛpasevī devagurubhaktaḥ

giridurgatoyakānanavicaraṇaśīlaḥ subāndhavaḥ śūraḥ/
kujajīvayoryuvatyāṃ jāyāhīnaḥ pumānbhavatā

tridaśagurubhūmisutayorākāśe porthivo vipulakīrtiḥ/
bahudhanajanaparivāraḥ karmasu nipuṇo bhavetpuruṣaḥ

śukrakujayorvilagne veśyānirataḥ (kuśilpa)kuśīlakarmā ca/
strīhetornaṣṭadhano na tu cirajīvo bhavetpuruṣaḥ

bandhusutamitrahīno mānasapīḍābhirarditaḥ puruṣaḥ/
bhaumasitayoścaturtheṃ nānāduḥkhairbhavettaptaḥ

strīlolupaḥ kucaritaḥ strīhetoḥ prāptavānmahāduḥkham/
bhaumasitayoryuvatyāṃ hīnācāro bhavetpuruṣaḥ

astrācāryo matimān vidyādhanavastramālyavānbhavati/
khyāto narendrasacivaḥ sitakujayorvyomni saṃsthitayoḥ

saṃgrāmalabdhavijayo jananīdveṣyo bhavetpuruṣaḥ/
bhaumārkajayorlagne hrasvāyuḥ kṣīṇabhāgśca

pānānnasaukhyarahitaḥ svajanaistyakto bhavati jātaḥ/
bhaumārkajayorhibuke mitraiśca vivarjitaḥ pāpaḥ

jāyāsukhasutahīno dainyaparo vyādhito vyasanaśīlaḥ/
bhaumārkajayordaśame na satyavacano naro bhavati

rājñaḥ samprāptadhano mahāparādhācca daṇḍitastena/
bhaumākajayordaśame na satyavacano naro bhavati

śubhamūrtiḥ śubhaśīlo vidvānnṛpasatkṛto viṣayanāthaḥ/
budhajīvayorvilagne vāhanasukhabhogavān bhavati

bandhusuhṛtsukhasahitaḥ strīdhanasaubhāgyasampannaḥ/
budhajīvayoścaturthe nipuṇo (bahusamaṃto)nṛpasaṃmato bhavati

sukalatro hataśatrurbahujanamitrārthasattvasampannaḥ/
bahujīvayoryuvatyāmatītya pitṛpakṣamadhikaḥ syāt

bodhanagurvordaśame narendramantrī nṛpo'thavā bhavati/
mānājñākhyātiyutaḥ śrautārthaparo vinītaśca

budhaśukrarvilagne suśarīraḥ paṇḍitaḥ satāṃ subhagaḥ/
nṛpapūjito'tidhanyo dvijasurabhakto bhavetkhyātaḥ

budhaśukrau hibukasthau putrasuhṛdbandhusaṃyutaṃ subhagam/
mantriṇamathavā nṛpatiṃ kurutaḥ kalyāṇasampannam

budhaśukrayoryuvatyāṃ sadbahuyuvatipariveṣṭitaḥ puruṣaḥ/
bhogadhanaiśvaryayuto bhavati sukhī saṃmato rājñām

bodhanasitayoḥ karmaṇi nītijño bhavati bhūpatiḥ sādhuḥ/
nīcāśrayo na cāḍhyaḥ saphalārambhaḥ samarthaśca

malinaśarīraḥ pāpī vidyādhanavāhanaiḥ parityaktaḥ/
saumyārkajayorlagne hrasvāyuḥ kṣīṇabhāgyaśca

pānānnabandhurahitaḥ svajaneṣu tiraskṛto bhavati mūḍhaḥ/
saumyārkajayorhibuke mitraiśca vivarjitaḥ pāpaḥ

riśvarabhṛtako mūrkhaḥ paropakārī na sādhuratimalinaḥ/
saumyārkajayoraste na satyavacano naro bhavati

praśamitasamastadātruḥ svajanasuhṛdvāhanārthasampannaḥ/
saumyārkajayordaśame (pūjito)dvijagurusurapūjako bhavati

jīvasitayorvilagne surūpadeho(gurūpadeśo) bhavetkṣamānāthaḥ/
brāhmaṇakulasaṃbho'pyanukūlo bhavati nṛpatulyaḥ

praśamitasamastaśatruḥ svajanasuhṛdvāhanārthasampannaḥ/
jīvasitayoścaturthe dvijagurusurapūjako(pūjito) bhavati

sustrīratnārthayutaḥ strījanano labdhasaukhyakīrtiśca/
guruśukrayoryuvatyāṃ varavāhanabhogavānbhavati

gaganasthau guruśukrau mānājñāvibhavavistaraiḥ sahitam/
janayetāṃ pṛthivīśaṃ bahubhṛtyadhanaṃ suśīlaṃ ca

lagne jīvārkajayormadālasā niṣṭhurāḥ samabhijātāḥ/
vidvāṃso dhanasārāḥ kiñcitsukhitā bhavanti khalāḥ

nṛpasacito nirujatanurjayodayī bāndhavaiḥ suhṛdbhiśca/
pātāle'rkajagurvoḥ prītidhanaḥ saukhyavānbhavati

strīvairānnaṣṭadhanaḥ śūro vyasanī śaṭho na śubhamūrtiḥ/
dyūne surejyayamayoḥ pitṛdhanalubdhaśca jāyate mūrkhaḥ

daśame bhāskarijīvau narendradayitaṃ ca bhūpatiṃ kurutaḥ/
alpāpatyaṃ na calaṃ gokulabahuvāhanārthaṃ ca

ramate sarvavadhūbhiḥ kāntaśarīraḥ sukhārthabhogayutaḥ/
lagne bhṛgusutayamayorbahubhṛtyaḥ śokasantaptaḥ

mitrebhyo dhanalābhaṃ bandhubhyaḥ satkriyāḥ samāpnoti/
śaniśukrayoścaturthe nṛpateśca tathāptatāṃ yāti

strīratnāni sukhāni ca dhanāni kīrtiṃ ca bhūtimakhilāṃ ca/
mandasitayoryuvatyāṃ prāpnoti pumānviṣayalābham

sarvadvandvavimukto loke khyāto viśiṣṭakarmā ca/
meṣūraṇe sitārkyornṛpatermantrī bhavedadhikaḥ

evaṃ tribhiścaturbhiḥ pañcabhiratha saptabhiśca ṣaḍbhirvā/
vaktavyaṃ kendrasthairgrahayogaphalaṃ vicintya dhiyā

iti kalyāṇavarmaviracitāyāṃ sārāvalyāṃ dvyantarayogo nāma ekatriṃśo'dhyāyaḥ//
dvātriṃśo'dhyāyaḥ
(ho.ra.7a.216pṛ.2. yannavamarkṣagṛhaṃ)sarvamapahāya cintyaṃ bhāgyarkṣaṃ prāṇināṃ viśeṣeṇa/
bhāgyaṃ vinā na janturyasmāttadyatnato vakṣye

lagnānniśakārādvā (yannavamarkṣagṛhaṃ)yannavamaṃ tadgṛhaṃ bhavedbhāgyam/
anayoryo balayukto bhāgyagṛhaṃ cintayedasmāt

bhāgyarkṣapatiḥ kasminneko(kasmin ko vā) bhāgyarkṣamāśrito vihagaḥ/
balavānmandabalo vā tasyādhipatestu kārako jñeyaḥ

svasvāmidṛṣṭayuktaṃ svadeśaphaladāyakaṃ munibhiruktam/
anyena sahitadṛṣṭaṃ paradeśaphalapradaṃ bhavati bhāgyam

duścikyagato bhāgyaṃ pañcamabhavanasthito grahaḥ paśyet/
horāgataśca balavān yeṣāṃ te mānavāḥ śreṣṭhāḥ

devagurau bhāgyasthe mantrī ravivīkṣite nṛpatitulyaḥ/
bhogī kāntaḥ śaśinā kāñcanabhāg bhavati bhaumena

saumyena dhanī jñeyaḥ sitena govāhanārthasaṃyuktaḥ/
saureṇa sthāvarabhāk dṛṣṭe kharamahiṣasaṃyuktaḥ

aiśvaryaratnakāñcanasāhasabhāguttamaśca vīryeṇa/
ravirudhirābhyāṃ dṛṣṭe vāhanaparivāravānpuruṣaḥ

candrārkābhyāṃ dṛṣṭe susamṛddho vallabhaḥ pitṛjananyoḥ/
khyāto narendratulyo bahudārasamanvitaḥ puruṣaḥ

lalitaḥ kāntaḥ subhago varayuvativibhūṣaṇārthasampannaḥ/
budhasūryābhyāṃ dṛṣṭe kāvyakalāpaṇḍitaḥ prājñaḥ

utsavasamājaśīlo gomahiṣājavaravāraṇopetaḥ/
ravisitadṛṣṭe jīve bhāgyasthe syādvinītaśca

arkārkibhyāṃ dṛṣṭe deśapuraśreṇināyakaḥ khyātaḥ/
prājño guṇavānsadhano nidhināthaḥ saṃgrahaṇaśīlaḥ

senācāryaḥ sphīto mantrī vā jāyate gurau bhāgye/
dṛṣṭe kujacandrābhyāṃ nānāvidhasaukhyabhājanaṃ subhagaḥ

uttamagṛhaśayanānāṃ bhogī tejo'nvitaḥ kṣamāpratimaḥ/
candrabudhābhyāṃ dṛṣṭe jātaḥ puruṣo'timatiyuktaḥ

āḍhyaḥ karmodyuktaḥ śūraḥ paradāravān sutavihīnaḥ/
indusitābhyāṃ dṛṣṭe bhāgyagṛhe syādgurau jātaḥ

madabahulaḥ sthirajīvī paradeśarato vivādaśīlaḥ syāt/
anṛtavacano guṇonaḥ śaśiyamadṛṣṭe gurau bhāgye

suprājño'tisuśālaḥ (subhago)suguṇo vidvāngṛhītavākyaśca/
suruciraveṣo jīve kujabudhadṛṣṭe bhavedbhāgye

dhanavānvidyāyukto videśagaḥ sāttviko'tinipuṇaśca/
kṣititanayabhārgavābhyāṃ dṛṣṭe krūro naro jātaḥ

nīcaḥ piśuno dveṣyo videśagaścalajanaiḥ samāyuktaḥ/
bhaumārkibhyāṃ dṛṣṭe bhāgyagṛhe suragurau jātaḥ

śilpajño'tisuśīlo vidvānsubhago gṛhītavākyaśca/
suruciraveṣo jīve budhasitadṛṣṭe bhavedbhāgye

subhago vidvānvaktā lalitaḥ śūraḥ sukhī vinītaśca/
jīve bhāgyopagate budhārkidṛṣṭe pumānbhavati

devagurau bhāgyasthe kāvyārkajavīkṣite pumānbhavati/
rājeśvararāṣṭrāṇāṃ purogamo dhanasamṛddhaśca

rāśyadhipena ca dṛṣṭe jīve bhāgyāśrite nṛpaṃ jñeyam/
ebhiḥ kathitairdṛṣṭe phalamidamanyairasaṃdṛṣṭe

uttamarūpo guṇavān tejasvī pārthivo mahāvibhavaḥ/
devagurau bhāgyasthe sarvagrahavīkṣite bhavati

bhāgye śubhagaganasado balino rājyapradāstu vijñeyāḥ/
sthāvaradhanadhānyakarā dharmāyurvardhanāścaiva

nīcārirāśisaṃsthāḥ pāpā bhāgye na saumyasaṃdṛṣṭāḥ/
durbalamadhanaṃ kuryurvigatakhyātiṃ naraṃ malinam

sve sve bhavane puṃsāṃ krūrā bhāgyarkṣasaṃsthitā ye syuḥ/
jñeyāstu uttamaśubhā bahutaraguṇasaṃyutāḥ śubhairdṛṣṭāḥ

pūrṇenduyute bhāgye vakrārkibudhāḥ pradhānavīryāśca/
vyastā vā'tha samastāḥ pradhānanṛpasaṃbhavo jñeyaḥ

sakalagaganakheṭā(gehāḥ) svoccagā bhāgyarāśau
dhanakanakasamṛddhaṃ śreṣṭhamutpādayanti/
atha śubhavihagendraistatra dṛṣṭe narendraṃ
vinihataripupakṣaṃ divyakāntiṃ sukīrtim(ho.ra. 7 a. 221 pṛ.)

sūryaścandrasahāyo bhāgye svalpāyuṣaṃ naraṃ kurute/
nayanavyādhitamāḍhyaṃ subhagaṃ kalahapriyaṃ cāpi

bhānurvakrasameto nānāduḥkhānvitaṃ naraṃ kurute/
kalahapriyaṃ pracaṇḍaṃ śūraṃ nṛpavallabhaṃ nipuṇam

ravisahitaḥ śaśitanayo nipuṇaṃ duḥkhānvitaṃ bahuvipakṣam/
janayati bhāgye puruṣaṃ nānārogaiḥ parigṛhītam

suragurusahitaḥ sūryo bhāgye kuryāddhanānvitaṃ puruṣam/
pitaraṃ ca dhanasamṛddhaṃ dīrdhāyuṣamāryamatiśūram

śukrasahāyaḥ sūryo vyādhitadehaṃ naraṃ kurute/
priyagandhamālyabhūṣaṇalaṅkārasaṃyutaṃ bhāgye

sūryaḥ saurasahāyo dhaninaṃ netrāturaṃ kalahaniṣṭham/
vyādhitapitaraṃ kurute bhāgye svalpāyuṣaṃ puruṣam

candro rudhirasahāyo bhāgyaṃ samupetya mātaraṃ hanyāt/
kuryācca vikalagātraṃ savraṇadehaṃ samṛddhaṃ ca

candraḥ svasutasametaḥ śāstrajñaṃ paṇḍitaṃ vikaladeham/
janayatyuttamapuruṣaṃ bahuvācaṃ viśrutaṃ caiva

suragurusahite candre bhāgye pravaraḥ prasūyate puruṣaḥ/
saubhāgyadhanasamṛddhaḥ sarvatra sukhānvito dhīraḥ

candro bhārgavasahitogṛhe vyādhitaṃ naraṃ kurute/
kulaṭāpatiṃ samṛddhaṃ mātṛsapatnīpradaṃ sacivavaśyam

ravisutasahitaścandro navame rāśau vikṛṣṭadharmāṇam/
janayati manujaṃ pāpaṃ mātā ca kulacyutā bhavati

rudhiraḥ somajasahito bhāgyarkṣe janayati pradhānaṃ ca/
nityodvignaṃ subhagaṃ bhogayutaṃ śāstrakuśalaṃ ca

bhaumaḥ suraguruyukto bhāgye dhanadhānyabhāginaṃ puruṣam/
pūjyaṃ vyādhitadehaṃ kliṣṭaṃ (dīpti)vraṇavikṣataṃ prasave

bhārgavasahitaḥ kṣitijaḥ paradeśarataṃ vivādinaṃ krūram/
strīdveṣiṇaṃ kṛtaghnaṃ janayati mithyāpradhānaṃ ca

pāpaṃ malinācāraṃ paradārarataṃ vinaṣṭadhanasaukhyam/
kujaravijau bhāgyagṛhe svajanavihīnaṃ naraṃ kurute

saumyaḥ suragurusahitaḥ śāstrajñaṃ paṇḍitaṃ dhanasamṛddham/
priyavādinaṃ kalājñaṃ prabhaviṣṇumahattaraṃ bhāgye

bhṛgusutasahitaḥ saumyaḥ khyātaṃ ca supaṇḍitaṃ dhīram/
subhagaṃ vacanasamarthaṃ janayati (gītapriyaṃ)nītipriyaṃ bhāgye

sūryajasahitaḥ saumyo vyādhitamāḍhyaṃ priyānvitaṃ nipuṇam/
janayati bhāgye puruṣaṃ saddveṣyaṃ bahukathaṃ caiva

śukraḥ suragurusahito bhāgyagṛhastho narādhipaṃ kurute/
cirajīvinaṃ suvākyaṃ nānāvidhasaukhyasampannam

jīvaḥ saurasahāyo bhāgye dhanaratnabhāginaṃ kurute/
pūjyaṃ vyādhitadehaṃ svajanavihīnaṃ sadā puruṣam

saurasahāyaḥ śukro vyādhitadehaṃ naraṃ kurute/
bahuputraṃ(bahuvittaṃ) nṛpatīṣṭaṃ yaśasvinaṃ śīlasampannam

evaṃ sthānaviśeṣairdṛṣṭiviśeṣaiśca nipuṇamadhigamya/
brūyātphalanirdeśaṃ śāstrādanurūpataḥ prājñaḥ

savraṇagātraṃ rūkṣaṃ mṛtapitaraṃ mātṛvarjitaṃ kuryuḥ/
bālye kṣudraṃ dveṣyaṃ hiṃsraṃ śaśirudhirabhānavo bhāgye

ravicandrabudhā bhāgye klīvākāraṃ suduḥkhitaṃ kuryuḥ/
sarvajanānāṃ dveṣyaṃ vikrāntaṃ satyavacanaṃ ca

candradivākaraguravo navame puruṣasya sambhave yasya/
sa bhavatyuttapuruṣo vāhanadhanasaukhyasampannaḥ

ravicandrasitā navame strīkalahairnaṣṭasarvadhanasaukhyam/
nṛpasaṃmataṃ nayajñaṃ janayanti naraṃ priyālāpam

sūryaniśākarasaurā navame rāśau naraṃ sadā kuryuḥ/
prabalaṃ caṇḍācāraṃ parabhṛtyaṃ lokavidviṣṭam

ravibhaumabudhā navame kurvanti naraṃ priyālāpam/
(subhagamathā)bhujagamivātikuddhaṃ samaraparaṃ niṣṭhuraṃ (pravāsārtam)pravāsaratam

raviguruvakrā navame janayanti naraṃ sadodyuktam/
devapitṛpūjanarataṃ samṛddhadāraṃ guṇopetam

kalahapriyaṃ kulīnaṃ kanyānāṃ dūṣakaṃ ca capalaṃ ca/
divasaravakraśukrā navame dveṣyaṃ naraṃ kuryuḥ

sāhasikamatikṣudraṃ lokadveṣyaṃ priyānṛtaṃ krūram/
pitrā rahitaṃ bālye kuryurvakrārkibhāvano navame

ravibudhaguravo navame bhāgyasameta dhanānvitaṃ subhagam/
nṛpatipriyaṃ suveṣaṃ janayanti naraṃ sudhīraṃ ca

ravibudhaśukrā bhāgye janayanti naraṃ prakāśinaṃ kāntam/
ripupakṣaparikṣīṇaṃ nṛpatisamaṃ sāravantaṃ ca

paradārarataṃ pāpaṃ pravāsaśīlaṃ ca nipuṇamatidhṛṣṭam/
ānṛtikamadairaparaṃ ravibudhasaurā naraṃ bhāgye

bhāgyagṛhe raviśukrau jīvaśca naraṃ supaṇḍitaṃ kāntam/
bahuviṣayapatiṃ vīraṃ janayanti sumedhasaṃ prājñam

tridaśagurusaurasūryā navame yasyeha jāyamānasya/
sa bhaveduttavīryo rājā dhanavānguṇaiḥ samṛddhaśca

kāntivihīnaṃ malinaṃ bhūpatipariṇḍitaṃ vibhavahīnam/
janayanti naraṃ bhāgye raviśukraśanaiścarā mūrkham

dhanakaranakaratnabhājanaṃ janayanti śaśibhūmijāḥ puruṣam/
prathame vayasi ca taptaṃ bhāgyagṛhe sarvanāśena(bhāvena)

bhaumaniśākarajīvāḥ kuvarnti naraṃ jitendriyaṃ prājñam/
gurudevabhaktinirataṃ vidyādhanabhāginaṃ subhagam

vraṇitāṅgamarūpaṃ vā (prabhakṣaṇaṃ)prabhedinaṃ strīpriyaṃ yuvativaśyam/
yuvativināśitasāraṃ bhṛguśaśivakrā naraṃ navame

vyāpannamātṛvaṃśaṃ kṣudraṃ bālye nirākṛtaṃ mātrā/
sauro bhaumaścandro janayanti narādhamaṃ navame

gurubudhacandrā navame kulavaṃśavivirdhanaṃ kuryaḥ/
ācāryaṃ bahumitraṃ nṛpatiṃ bahusādhanopetam

mātṛsapatnījanakaṃ pramuditamānānvitaṃ pracuramitram/
kurvanti sāmaśīlaṃ bhṛgubudhacandrā naraṃ bhāgye

śaśibudhasaurā navame krūrācāraṃ su vakramaṃ malinam/
janayanti kutsitadhiyaṃ saṃgrāmaparāṅmukhaṃ dīnam

candrabṛhaspatiśukrā navame yasyeha jāyamānasya/
sa bhavati mahīpatulyo nṛpatikule bhūpatiścaiva

śaśigurusaurā navame kurvanti naraṃ priyālāpam/
satyavrataṃ suśīlaṃ vikhyātaṃ sarvaśāstrakuśalaṃ ca

śukrenduyamā navame kṛṣivṛttiṃ yonipoṣaṇānuratam/
kuryurmanujamapāpaṃ(manujaṃ pāpam) kṛtakṛtyaṃ lokavikhyātam

tejasvinaṃ viśokaṃ vidvāṃsaṃ vāk sthiraṃ viśiṣṭaṃ vā/
kujabudhajīvā navame kurvanti ca maṇḍalādhipatim

bahuviṣayapatiṃ khyātaṃ narendrasatkārasatkṛtaṃ caṇḍam/
kujabudhaśukrā bhāgye kurvanti naraṃ satāṃ satyam

paravañcanāsu nipuṇaṃ tamodhikaṃ sarvaśāstramatibāhyam/
budhabhaumayamā navame kuryaḥ paratarkasaṃmūḍham

budhaguruśukrā bhāgye janayanti naraṃ suropamaṃ viśadam/
vikhyātaṃ naranāthaṃ vidvāṃsaṃ dharmaśīlaṃ ca

śukraśanaiścaraśaśijā navamasthā jātakaṃ prakurvanti/
medhāvinaṃ prakāśaṃ suruciravākyaṃ sukhopetam

śaniśukrāmaraguravo bhāgyagṛhasthā naraṃ prakurvanti/
pracurānnapānavibhavaṃ subhagaṃ sukhitaṃ surūpaṃ ca

ravicandrabhaumaśaśijā janmani bhāgyarkṣagā naraṃ kuryuḥ/
sabhavatyuttamapuruṣo videśago nityasaṃtuṣṭaḥ

sūryaśaśibhaumaguravo bhāgyarkṣagatā nara kuryuḥ/
dhaninaṃ vidyākuśalaṃ subhagaṃ nṛpasaṃmataṃ ceva

śukrendubhaumaravayo māyācaturaṃ svadārasantuṣṭam/
janayanti sadā bhāgye puruṣaṃ bahunīcakarmāṇam

sūryācandraravayaḥ piśunaṃ māyāvinaṃ kuśīlañca/
janayanti sadā bhāgye puruṣaṃ bahunīcakarmāṇam

śaśisuragurubudharavayo janmani bhāgyarkṣamāśritāḥ kuryuḥ/
puruṣaṃ pradhānamacalaṃ narendrapūjyaṃ tathā hṛṣṭam

candrabudhaśukraravayo dhaneśvaraṃ dhārmika samṛddhaṃ ca/
janayanti navamasaṃsthāḥ puruṣaṃ priyavādinaṃ śāntam

taraṇibudhacandrasaurā janmani navamāśritā naraṃ kuryuḥ/
nīcānurataṃ dīnaṃ parasvaharaṇe sadā saktam

ravigurubudhabhūtanayā janmani navame naraṃ prakurvanti/
devapitṛpūjanaparaṃ samṛddhadāraṃ guṇopetam

śukrajñabhaumasūryā navame janayanti niṣṭhuraṃ subhagam/
sāhasanirataṃ vidhanaṃ ripukṣakṣapitavibhavaṃ ca

ravisauricāndribhaumā navame yasyeha jāyamānasya/
sa bhavati paradārarato vinaṣṭakośaḥ sadā dīnaḥ

śukragurubhaumaravayo loke dveṣyaṃ pipāsārtam/
janayanti navamasaṃsthāḥ kanyānāṃ dūṣakaṃ capalacittam

janayanti naraṃ caṇḍa vikramayuktaṃ mahāsattvam

ravibudhajīvasitāḥ syurnavame yasyeha jāyamānasya/
sa bhavatyuttamapuruṣo dhanakanakaiśvaryasampannaḥ

bhānujaravibudhaguravo navame janayanti mānavaṃ nidhanam/
pāpaṃ paradārarataṃ vidviṣṭaṃ nīcakarmāṇam

budharavijaravisitāḥ syurbhāgyasthāne naraṃ subhagam/
janayanti dhanasametaṃ satyarataṃ lokavikhyātam

ravigurusitabhānusutā janmani navamarkṣagā naraṃ kuryuḥ/
satyavrataṃ suvākyaṃ gurudvijātithiṣu bhaktam

candrajñakujasurejyā janayanti naraṃ paricchadasamṛddham/
bālye mātṛviyuktaṃ dhanānvitaṃ saṃsthitā bhāgye

bhaumasitaśaśijacandrā bhāgye janayanti tāpasaṃ khyātam/
vāgminamatidātāraṃ paralokaparaṃ mahāprājñam

ravijabudhacandrabhaumā janayanti naraṃ parāṅmukhaṃ dīnam/
kṣudraṃ māyācaturaṃ paradārarataṃ sthitā bhāgye

bhaumenduśukrajīvā nṛpavaṃśakaraṃ pradhānamatiśūram/
vidyādhanasusamṛddhaṃ vikhyātaṃ lokasaṃmataṃ caiva

śaśivakrārkisurejyā janayanti naraṃ pipāsārtam/
kalahapriyaṃ ca navame saubhāgyaparicchadātītam

candrārabhānujasitā navame janayanti niṣṭhuraṃ pāpam/
māyāvinaṃ ca puruṣaṃ śaucācārairvihīnaṃ ca

sitaguruśaśijaśaśāṅkā janmani bhāgyarkṣamāśritā dhaninam/
janayanti dharmasaktaṃ naraṃ kalāsu prasiddhaṃ ca

prājñaṃ nṛpati kulajaṃ pradhānamativittasaṃyutaṃ kāntam/
saumyenduśukrajīvā janayanti naraṃ tu vikhyātam

gurusaumyaśukracandrā bhāgye yuktāḥ prajāyamānasya/
yasya sa bhāgye yukto loke puruṣottamo jñeyaḥ

bhānujabudhagurucandrā janayanti naraṃ paraṃ sunayam/
bhāgyasthitāḥ samṛddhaṃ nītijñaṃ cāruveśaṃ ca

śaniśukrabudhaśaśāṅkā janmani bhāgyasthitā naraṃ kuryuḥ/
medhāvinaṃ pracaṇḍaṃ jananītiviśāradaṃ dhanyam

candraśaniśukrajīvā janmani navamasthitāḥ prakurvanti/
māyāvinaṃ pracaṇḍaṃ nareṣvajeyaṃ naraṃ dhīram

bhaumajñasūriśanayo navamasthānopagā naraṃ kuryuḥ/
ripupakṣaparikṣīṇaṃ raṇapracaṇḍaṃ sudhīraṃ ca

bhaumajñaśakraśanayaḥ (kurvanti)naraṃ (daśānugataṃ)videśānugaṃ suśīlaṃ ca/
janayanti navamasaṃsthā dhanayuktaṃ bhaktiyuktaṃ ca

bhaumabhṛgujīvaravijā janayanti naraṃ dhanaparityaktam/
kṣudraṃ dayāvirahitaṃ vihīnasattvaṃ sthitā bhāgye

budhabhṛgubhānujaguravā janmani navame sthitā naraṃ kuryuḥ/
paravādavivādarataṃ paradeśaprāptavittañca

tricatuḥpañcakhagendrāstathā ca ṣaṭ sapta saṃsthitā bhāgye/
prātyayikaṃ dhanavantaṃ kuryunṛpatiṃ ca budhasahitāḥ

janayanti bhāgyasaṃsthāṃ gurusaumyavivarjitāḥ grahāḥ puruṣam/
vyādhiprāyamakāntaṃ janahīnaṃ bandhanārtamatidīnam

uktaṃ bahuprakāraṃ bhāgyagṛhe bādarāyaṇadikṛtam/
grahayogekṣaṇabhāvairvicintya buddhyā vadedanyat

iti kalyāṇavarmaviracitāyāṃ sārāvalyāṃ bhāgyacintā nāma dvātriṃśo'dhyāyaḥ//
trayastriṃśo'dhyāyaḥ
lagnāddaśame rāśau karmaphalaṃ yatprakīrtitaṃ munibhiḥ/
rāśigrahasvabhā(bhāgai)vairgrahadṛṣṭyā tadahamapi vakṣye

horen‍dvorbalayogādyo daśamastatvasvabhāvajaṃ karma/
tasyādhipaparivṛddhyā vṛddhirjñeyā'nyathā hāniḥ

jāṅgalamathavānūpaṃ tathobhayaṃ vā gṛhaṃ parokṣeta/
grāmyamathāraṇyaṃ vā saumyarkṣaṃ pāpabhavanaṃ vā

dvipacatuṣṭarūpaṃ sarīsṛpaṃ vā tathobhayaṃ caiva/
yadrūpaṃ tadbhavanaṃ yādṛśakaṃ (tatsvabhāvaṃ)yatsvabhāvaṃ ca

pravadettatsamadeśe karmaprāptiṃ narasya tatsadṛśīm/
tasmāddaśamaṃ bhavanaṃ prasave budhyeta yatnena

daśame nakṣatrapaterlagnātpuruṣasya (yasya)karma saṃbhavati/
sarvārambhe vṛttiṃ(siddhiṃ) vinirdiśettasya jātasya

dvyantarayogādhyāye kathitaṃ karmasthitairgraharlagnāt/
candrādatra viśeṣo grahaiḥ sthitairvyaktamiha vakṣye

candrāddaśame sūryaḥ siddhārambhaṃ dhanaiḥ samṛddhaṃ ca/
janayatyuttamasattvaṃ nṛpatimudagraṃ (dhanāśrayaṃ)janāśrayaṃ puṣṭam

bhaumaḥ sāhasanirataṃ pratyantanivāsinaṃ(sitaṃ) viṣayalubdham/
krūraṃ niṣādacaritaṃ janayati daśame sthitaḥ puruṣam

vidvāṃsaṃ dhanavantaṃ bahuśrutaṃ (nṛpatisaṃmataṃ)nṛpatināyakaṃ khyātam/
janayati saumyo daśame puruṣaṃ bahuśilpinaṃ prājñam

gururapi daśamasthāne siddhārthaṃ dhārmikaṃ dhanasamṛddham/
janayatyuttamacaritaṃ narendrasacivaṃ naraṃ khyātam

śaśino daśame śukraḥ subhagaṃ lalitaṃ ca vittavantaṃ ca/
janayati siddhārambhaṃ dhaninaṃ nṛpapūjitaṃ puruṣam

sauro vyādhitadehaṃ niḥsvaṃ duḥkhānvitaṃ prajāhīnam/
karmasu nityodvignaṃ janayati daśame sthitaḥ puruṣam

bhānurbhaumasametaḥ karmakarānkā(kāmaśomadabahulān)saśoṣagadabahulān/
jyotirvidaḥ prakuryāllākṣaṇikāṃstārkikāṃścāpi

sūryaḥ saumyasameto vastrālaṅkārabhāginaṃ vaṇijan/
janayati meṣūraṇagaḥ puruṣaṃ jalajīvinaṃ vā'pi

jīvasahāyaḥ sūryaḥ siddhārambhānnarendramānyāṃśca/
janayati daśame puruṣān (vīrān)dhīrānśūrānsuvikhyātān

sūryasahāyaḥ śukro daśame svajanāśritaṃ naraṃ kurute/
strīsaṃśrayātsamṛddhaṃ subhagaṃ nṛpavallabhaṃ cāpi

sūryaḥ svaputrasahito daśame vadhabandhabhāginaṃ bhṛtakam/
janayati dīnaṃ kṛpaṇaṃ caurairmuṣitaṃ pralāpakaram

bhaumaḥ somajasahito janayati daśame naraṃ (nṛśaṃsaṃ)bahuvipakṣam/
astrakalāvettaraṃ kauśalamati jīvinaṃ mahāśūram

bhaumaḥ suragurusahito daśame kurute balasya netāram/
mitrebhyo labdhadhanaṃ tadāśrayājjīvitaṃ dhanyam

janayati videśanirataṃ kāñcanamuktādibhirvaṇigvṛttyā/
bhaumaḥ śukrasameto daśame strīsaṃśrayādvā'pi

bhaumaḥ saurasahāyo janayati daśame sthito naraṃ prasave/
sāhasaśīlaṃ kṣudraṃ (karmodyuvataṃ)karmāyuktaṃ rujā sahitam

(ṣaṇḍhaṃ)sadhanaṃ nṛpendrapūjyaṃ dharmiṣṭhaṃ vṛndanāyakaṃ khyātam/
jīvaḥ saumyasahāyo janayati meṣūraṇe puruṣam

saumyaḥ śukrasahāyo janayati daśame suhṛjjanopetam/
vidyāstrīdhanasaukhyaṃ nṛpasacivaṃ viṣayanāthaṃ vā

saumyaḥ saurasahāyo mṛdbhāṇḍakaraṃ karoti daśamasthaḥ/
khyātaṃ vidyācāryaṃ pustakalipilekhyakāraṃ ca

vacasāṃ patiḥ sitayutaḥ karmaṇi kurute narendravarabhṛtyam/
brāhmaṇapatiṃ viśokaṃ vidyācāryaṃ samarthaṃ ca

surarājaguruḥ sārkirdaśame nīcaṃ (tāpakaraṃ)paropakāraratam/
kurute pravṛddhaceṣṭaṃ sthirāspadaṃ susthirārambham

śukraḥ saurasahāyaścitrakraraṃ gandhajīvinaṃ vedyam/
janayati daśame puruṣaṃ nīlakaraṃ cūrṇakāraṃ ca

ravibhaumacandraputrāścandrāddaśamasthitā naraṃ dhanyam/
janayantyuttamapuruṣaṃ nṛpatisamaṃ sarvajanapūjyam

ravibhaumadevapūjyā daśamasthāne naraṃ subhagam/
śatrūṇāṃ (jetāraṃ)hantāraṃ janayanti samṛddhisaṃyuktam

candrāddaśame bhānurbhūputro bhārgavaśca janayanti/
krūraṃ sāhasanirataṃ (paradhanaharaṇe)puradhanakaraṇe'tinipuṇamatim

bhānujaravibhūputrā daśamasthāḥ krūrakarmanirataṃ tu/
utpādayanti manujaṃ mūḍhaṃ pāpaṃ durācāram

ravibudhaguravo daśame vidvāṃsaṃ rūpasaṃyuktam/
utpādayanti puruṣaṃ dharmiṣṭhaṃ bandhuballabhaṃ caiva

budhasūryabhārgavasutā yaśasvinaṃ dhārmikaṃ vigataroṣam/
janayantyaparābhūtaṃ saubhāgyaparicchadasamṛddham

ravibudhaśanayo daśame krūraṃ capalaṃ naraṃ viśīlaṃ ca/
utpādayanti niyataṃ śastrāgniparikṣatāṅgaṃ ca

ravibhṛgudevapūjyā daśamasthānopagā naraṃ kuryuḥ/
subhagaṃ vidyāptadhanaṃ dharmarataṃ bhogabhāginaṃ nityam

tridaśagurumandasūryā daśame yuktā naraṃ prakurvanti/
prāyeṇa lokamānyaṃ cāritravilopanaṃ dhīram

bhārgavavibhānusutā daśamasthānopagā naraṃ kuryuḥ/
lobhānvimaticapalaṃ samastajanaviprayuktaṃ ca

bhaumendujasurapūjyā dharmiṣṭhaṃ bahukuṭumbaparivāram/
janayanti daśamasaṃsthā vidyādhanabhāginaṃ puruṣam

śobhanaśilpābhiratānmālākārānsuvarṇakārāṃśca/
kuryurbudhabhṛguvakrā daśamasthāḥ sarvalokadayitāṃśca

bhaumabudhasūryaputrā janayanti tathā na(sudharma) dharmaśīlaṃ ca/
nidrānirataṃ prakhalaṃ daśamasthānopagā naraṃ malinam

bhārgavasurejyabhaumā daśamasthānāśritā naparānkuryuḥ/
dhanasaṃyuktānśūrāndevadvijapūjanānuratān

vidyādhanajanahīnānkāpuruṣānsaukhyavarjitānvikalān/
jīvāṅgārakasaurā daśame kuryurnarānnīcān

sacivānuttamapuruṣānparadharmaratāṃśca(vanadharma) dhaninaśca/
bhaumabhṛgṛsūryaputrāḥ kurvanti narānanekakarmaratān

śukrabṛhaspatisaumyā daśame puruṣasya śukrarāśisthāḥ/
bahuvidhamiṣṭaṃ kuryurvyādhiṃ cāpyanyagṛhasaṃsthāḥ

lipilekhyakāvyanirataṃ dhanavantaṃ bahuvidheyabhṛtyaṃ ca/
aṭanapriyaṃ surūpaṃ budhagurusaurā naraṃ daśame

daśame vijñānayutānmallānparadeśaniratāṃśca/
kuryurbudhabhṛguravijāḥ karmodyuktaṃ sadā dāntam

vidvāṃsaṃ dharmarataṃ dayānvitaṃ satyavantaṃ ca/
bhānujagurubhṛguputrā daśamasthānopagā naraṃ kuryuḥ

evaṃ tryādiṣu vācyaṃ janmani puṃsāṃ phalaṃ hi karmottham/
ādigrahasaṃyoge'tra viśeṣastamapi vakṣye

ravibhaumabudhasureḍyā daśamasthānopagā naraṃ kuryuḥ/
śūraṃ vikṣatagātraṃ dātāraṃ sarvakarmaratam

vakrārkaśukrasaumyāścandrāddaśamaṃ samāśritāḥ prasave/
(kuryurmālākāraṃ lekhyakāraṃ cāpi vāstukarmaratam)kuryurnirmālyakarām̐llekhyakarāṃścāpi citrakarmarān

ravikujabudhabhānusutā daśamasthānasthitāḥ prasavakāle/
utpādayanti puruṣaṃ dhanavāhanavāraṇopetam

ravijīvaśukrasaumyāṃ janayanti nabhaḥsthitā narānsaumyān/
kutsitavṛttīnāmapi sutānvarānkarṣaṇopetān

ravijīvasaumyasaurā daśamasthānasthitā kuryuḥ/
puruṣaṃ māyānipuṇaṃ krūraṃ paravañcanānuratam

ravisitabudhabhānusutāścandrāddaśamasthitā naraṃ kaṭhinam/
utpādayanti subhagaṃ vāgminamatha karṣaṇānuratam

ravigurubhārgavaśanayo meṣūraṇasaṃsthitāḥ prasavakāle/
utpādayanti manujaṃ pravāsaśīlaṃ vividhaceṣṭam

bhaumasitabudhasureḍyā janmani daśamarkṣagā naraṃ nipuṇam/
utpādayanti caturaṃ śūraṃ samareṣvadhṛṣyaṃ ca

bhaumabudhamandaguravo janmani daśamasthitā naraṃ malinam/
janayanti (sadodyuktaṃ)narodyuktaṃ saṃgrāme ripuvināśakaram

bhaumabudhaśukrasaurā nabhasthale saṃśritāḥ prasavakāle/
vidyābahulaṃ śūraṃ janayanti naraṃ viśālāṅgam

bhaumaguruśukramandāścandranmeṣūraṇarkṣagāḥ prasave/
janayanti naraṃ dhīraṃ kuṭumbayukta (janopetam)dhanopetam

budhugurubhārgavaśanayo janmani daśamasthitāḥ kuryuḥ/
puruṣaṃ śāntamanaskaṃ sumedhasaṃ lokadayitaṃ ca

pāpairnabhaḥsthalasthaiḥ saumyagrahavīkṣitai prajāyante/
vaidyapurohitagaṇakāścaṇḍāḥ(candrāt) paravañcanānuratāḥ

ete samastayogāḥ saumyagrahavīkṣitāḥpraśasyante/
pāpagrahadṛṣṭiyutāḥ prāyeṇa na bhadrakāḥ proktāḥ

pāpāstṛtīyaṣaṣṭhā horendusthānato nṛṇāmiṣṭāḥ/
neṣṭā nidhanāntyagatā lagnopagatā viśeṣeṇa

(ho.ra.7 a. 248 pṛ.)horāśaśinorbalavānyastasmātkarmabhena vā kathayet/
yo balayukto (candrāt)vargastadadhipatervā''diśedvṛttim

ārāmaputra(buddhi)sevākṛṣirasavaṇigarkadūtakāryeṇa/
jīvanti narā nityaṃ meṣagaṇe daśamarāśisthe

vṛṣabhagaṇe daśamasthe śakaṭacatuṣṭapadavihaṅgamṛgajīvī/
dhānyādisaṅgraheṇa ca jāṅgaladeśe phalaṃ prāyaḥ

jalavaṇijaḥ(ādi) susamṛddhyā muktāśaṅkhapravālabhāṇḍaiśca/
lipigaṇitalekhyajīvī nṛmithunavarge daśamasaṃsthe

śastrāgniyonipoṣaṇamuktāsaṃkhyopajīvanaṃ(śalyo) caiva/
(āhiṇḍa)ākheṭakavṛttā vā karkiṇi varge ca daśamasthe

(saṃvyūhakāḥ)sannāhakā maṇīnāṃ pāṣāṇasvarṇarūpyakūṭāṃśca(kulyānām)/
karṣaṇaniratā leye gojīvā dhānyavāṇijakāḥ

śākaṭikā maṇikārā hairaṇyā gandhavikraye nipuṇāḥ/
gāndharvaśilpalekhyaiḥ kanyāvarge sadā vibhavāḥ

(dupa)prāyojyanupadeśāddhiraṇyaparivartanācca (mitrācca)mitrāya/
jāyante ca manuṣyā nānāvyavahārabhāginaḥ satatam

vāṇijyavipaṇijīvā(vipaṇa) gojīvā (bhiṣaja)mahiṣajīvāśca/
nānāpaṇyasamṛddhāḥ salilodbhavapaṇyavṛttayaḥ khyātāḥ

dhanadhānyamūlavaṇijaḥ (kṛṣibalāccaiva)phalamūlakṛṣībalāścaiva/
jāyante ghaṭavarge daśamasthānasthite kalāvṛttāḥ

strīsamparkajavibhavā jāyante (ratāḥ)karṣaṇānuniratāśca/
nityodyuktāścaurāḥ pṛthivīpatisevakāḥ pāpāḥ

dehacikitsāniratā lohakarā jīvino'lisaṃjñarkṣe/
varge nabhastalagate dhānyānāṃ copa jīvino nityam

nṛpasacivadurgapālanagojīvanavājikāṣṭhaśakunaiśca/
yantropaskaragaṇitairjīvanti narāścikitsayā dhanuṣaḥ

daśame kuraṅgavarge jalapaṇyadhano bhavenmahāvibhavaḥ/
(vāmā)khaṭvārāmāropaṇarasāyanairvartate jātaḥ

śastradahanaprabhedaiścauryeṇa(śauryeṇa) ca vartate khananavṛttyā/
daśame ghaṭadharavarge bhāravahaskandhabāhubalāt

śastrātsalilādyoniprapoṣaṇadaśvavikrayādvā'pi/
varge mīnaprabhave daśamasthe jāyate vṛttiḥ

divasakarādyaiḥ khasthaiḥ śaśihorābhyāṃ bhavantyāḍhyāḥ/
pitṛmātṛśatru hitajanasahajastrībhṛtyavargebhyaḥ

horāgatairdhanagatairāyagṛhasthaiśca cintayedartham/
balasaṃyutairgrahendrairanekadhā (pṛṣṭham)dṛṣṭamācāryaiḥ

iti kalyāṇavarmaviracitāyāṃ sārāvalyāṃ karmacintādhyāyastrayastriśaḥ//
catustriṃśo'dhyāyaḥ
(isa adhyāya meṃ ukta phaloṃ ke liye tulanā kareṃ vṛddha yavana jātaka adhyāya 1, 2, 3, 5, 7, 11 )
ravidṛṣṭe prāglagne vikrāntaḥ strīṣu roṣaṇaḥ krūraḥ/
pitṛpakṣalabdhavibhavo narendrasevī (pradūṣaṇakhyātaḥ)bhavejjātaḥ

strīṇāṃ vaścaḥ subhago dākṣiṇyamahodadhiḥ pracurakoṣaḥ/
candrekṣite vilagne mārdavajalapaṇyavān bhavati

sāhasasaṅgrāmaruciścaṇḍasphuṭabāndhavo'tidharmarataḥ/
udaye kujasandṛṣṭe bhavati naraḥ sthūlaśophaśca

budhadṛṣṭe prāglagne śilpakalāvi‍dyayā samabhipūrṇaḥ/
bhavati naro (nipuṇamatiḥ)vipulamatiḥ kīrtikaro mānasaṃyuktaḥ

ijyāvrataniyamaparā nṛpapūjyāḥ khyātakīrtayo manujāḥ/
lagne suragurudaṣṭe sajjanagurvatithisaṃyuktāḥ

veśyāstrījanabahulāstaruṇāḥ(bubhagāḥ) sampannabhogadhanasaukhyāḥ/
śukrekṣita vilagne bhavanti manujāḥ surūpāśca

bhārādhvarogataptāḥ kruddhāḥ vṛddhastriyā yutā visukhāḥ/
mandekṣite vilagne malinā mūkhārśca jāyante

(ho.ra. 7 a. 86 pṛ./)paśyangrahaḥ svalagnaṃ sarvaṃ vidadhāti saukhyamarthaṃ ca/
prāyo nṛpapriyatvaṃ pāpaḥ śubhaṃ ca śubhaḥ

ekenāpi na dṛṣṭa samastaguṇavarjitaṃ lagnam/
svagṛhasvabhāvasahitaṃ janayati khalu kevalaṃ nityam

dvyādigrahasandṛṣṭaṃ prāyeṇa (sukhāvahaṃ)sukhārthadaṃ bhavati lagnam/
ekenāpi śubhena ca na tu pāpairiṣyate sadbhiḥ

sarvairgaganabhramaṇairdṛṣṭe lagne bhavenmahīpālaḥ/
balibhiḥ samastasaukhyo vigatabhayo dīrghajīvī ca

lagne trayo vigataśokavivarddhitānāṃ
kurvanti janma śubhadāḥ pṛthivīpatīnām/
pāpāstu rogabhayaśokapariplutānāṃ
bahvāśināṃ sakalalokatiraskṛtānām

lagnātṣaṣṭhamadāṣṭame yadi śubhāḥ pāpairna yuktekṣitāḥ
mantrī daṇḍapatiḥ kṣiteradhipatiḥ strīṇāṃ bahūnāṃ patiḥ/
dīrghāyurgadavarjito gatabhayo lagnādhiyoge bhavet
sacchīlo yavanādhirājakathito jātaḥ pumānsaukhyabhāk

svagṛhoccasaumyavarge grahaḥ phalaṃ puṣṭameva vidadhāti/
nīcarkṣaripugṛhastho vigataphalaḥ kīrtito munibhiḥ

(ho.ra.7 a. 104 pṛ.)raviravijabhūmitanayāḥ kuṭumbasaṃsthā vilokanādvā'pi/
kurvanti dhanavināśaṃ kṣīṇendunirīkṣatā viśeṣeṇa

ravibhaumo dhanasaṃsthau tvagdoṣadaridratākarau kathitau/
mandaḥ kurute śuddho mahārthayuktaṃ budhekṣitastatra

ravirapi (vividhaṃ)vidhanaṃ janayati yamekṣitaḥ śasyate'yadṛṣṭaśca/
saumyāḥ kuṭumbarāśau bahuprakāraṃ dhanaṃ dadyuḥ

budhadṛṣṭastridaśaguruḥ kuṭumbarāśau ca nisvatāṃ kurute/
somatanayo'pi śaśinā nirīkṣito hanti sarvadhanam

candro'pi dhanasthāne kṣīṇo'pi budhekṣitaḥ sadā kurute/
pūrvārjitārthanāśaṃ nirodhamapi cānyavittasya

śukraḥ kuṭumbabhavane candreṇa nirīkṣitaḥ pradhanadātā/
saumyagraheṇa dṛṣṭo sa eva dhanadaḥ sadā jñeyaḥ

pāpabhavanaṃ tṛtīyaṃ samastapāpairyutaṃ sahajahantṛ(sahajahantā)/
viparītamitaḥ śreṣṭhaḥ saṃkhyāṃ teṣāṃ pravakṣyāmi

yāvanto navabhāgā yadāgatāḥ sahajarāśau tu/
tatsaṃkhyā kurvanti ca dṛṣṭāstvanyaistathā bahavaḥ

tatra sthito ravisutaḥ kujena dṛṣṭo vināśayati jātān/
śukro gurusaṃdṛṣṭaḥ puṣṇāti sadaiva dāyādān

saumyo(aṅgāraka) bhāskaradṛṣṭaḥ suhṛdāṃ parisaṃkṣayaṃ sadā kurute/
bhāvādhyāye kathitaṃ śeṣaṃ parikalpayedatra

(ho. ra. 6 a. 135 pṛ.)sutabhavanaṃ(sutabhavanamatha subhayuta) śubhayuktaṃ śubhadṛṣṭaṃ vā śubharkṣamiha yeṣām/
teṣāṃ prasavaḥ puṃsāṃ bhavatyavaśyaṃ na viparīte

ekatame guruvarge (śubharāśau sauraso bhavetpuruṣaḥ, cauraso bhavetputraḥ)śubharāśāvauraso bhavetputraḥ/
lagnāccandrāthavā balayogādvīkṣite'pi vā saumyaiḥ

saṃkhyā navāṃśatulyā saumyāṃśe tāvatī sadā dṛṣṭā/
śubhadṛṣṭe taddviguṇā kliṣṣṭā pāpāṃśake'thavā dṛṣṭe

(somyarkṣe ho. ra. ra. a. 135 pṛ.)saurarkṣe sauragaṇo budhadṛṣṭo (nagurubhauma)gurukujārgadṛgdhīnaḥ/
kṣetrajaputraṃ janayati baudha'pi gaṇo ravijadṛṣṭaḥ

māndaṃ (śubharkṣe)sutarkṣamindurnirīkṣite yadi śanaiścareṇa yutam/
dattakaputrotpattiḥ krītaśca budhasya caivaṃ syāt

saptamabhāge kauje saurayute pañcame sadā bhavane/
kṛtrimaputraṃ vindyāccheṣagrahadarśanānmukte

varge pañcamarāśau saure sūryeṇa vā'tra saṃyukte/
lohitadṛṣṭe (vā syājjātasya)vācyo jātasya (hi bījajaḥ putraḥ, yato'dhamaḥ putraḥ, sutodhamāputraḥ, sutodhanaprasavaḥ)suto'dhamaprabhavaḥ

candre bhaumāṃśagate dhīsthe mandāvalokite bhavati/
gūḍhotpannaḥ putraḥ (darśanāyate)śeṣagrahadarśanābhāve

tasminneva ca bhaume śanivargasthe nirīkṣite raviṇā/
puruṣasya bhavati putro'paviddha iti karuṇamunivacanāt

śanivargasthe candre śaniyukte pañcame sadā bhavane/
śukraravibhyāṃ dṛṣṭe putraḥ paunarbhavo bhavati

candro yadārkasaktaḥ kalatrasaṃsthastathaiva pañcame gehe/
ravidṛṣṭo'pyatha sahitaḥ kānīnaḥ saṃbhavetputraḥ

varge ravicandramasoḥ sutagehe candrasūryasaṃyukte(candrasūryayorgehe)/
śukreṇa (dṛṣṭi)dṛṣṭamātre putraḥ kathitaḥ sahoḍhaśca

pāpairbalibhiryukte pāparkṣe pañcame sadā rāśau/
jāto'putraḥ puruṣaḥ saumyagrahadarśanātīte

śukranavāṃśe tasminśukreṇa(śukre daṣṭe, śukra sudṛṣṭe bahūnyapatyāni) nirīkṣa‍ite tvapatyāni/
dāsīprabhavāni vadeccandrādapi kecidācāryāḥ

sitaśaśivarge dhīsthe tābhyāṃ dṛṣṭe vā'pi saṃyukte/
prāyeṇa kanyakāḥ syuḥ samarāśigaṇe'pi cānyathā putrāḥ

lagnāddaśame candre saptamasaṃsthe bhṛgoḥ putre/
pāpaiḥ pātālasthairvaṃśacchettā bhavejjātaḥ

bhaumaḥ pañcamabhavane jātaṃ jātaṃ vināśayati putram/
dṛṣṭe guruṇā prathamaṃ sitena na ca sarvasaṃdṛṣṭaḥ

dhanajanasukhahīnaḥ pañcamasthaiśca pāpai -
rbhavati vikala eva kṣmāsute tatra jātaḥ/
divasakarasute ca vyādhibhistaptadehaḥ
suragurubudhaśukraiḥ saukhyasaṃpaddhanāḍhyaḥ

(ho.ra.7 a. 158 pṛ.)ripubhāve kṣitisūnurmandena nirīkṣito diśati śatrūn/
śubhayuktaḥ śubhadṛṣṭaḥ śatrubhayaṃ caiva nātyantam

kṣetre(kṣetragṛheśa) grahendratulyāṃ saṃkhyāṃ teṣāṃ vinirdiśetprājñaḥ/
bhāvādhyāye'bhihitaṃ vistṛtaścintayeccheṣam//44
(ho. ra. 7 a. 168 pṛ.)śukrendujīvaśaśijaiḥ sakalaistribhiśca
dvābhyāṃ kalatrabhavane ca tathaikakena/
eṣāṃ gṛhe'pi ca (gaṇe'tha)gaṇe'pi vilokite vā
santi striyo bhavanavargakhagasvabhāvāḥ

evaṃ krūrairnāśo lagnāccandrādbhavecca balayogāt/
śaśiravijayoḥ kalatre bhāryā puṃsāṃ punarbhuḥ syāt

bhavanādhipāṃśatulyā bhavanti nāryo nirīkṣaṇādvā'pi/
ekaiva ravikujāṃśe gurubudhayoścāpi jāmitre

prāyeṇa candrasitayorvarge(vargayutebhe, balayukte vā)yukte'thavāpi jāmitre/
dṛṣṭe vā bahupatnyo bhavanti śukre viśeṣeṇa

guruśukrayoḥ (savarṇā ho. ra. 7 a. 169 pṛ.)svavarṇā ravikujaśaśibhānujairbhavantyūnāḥ/
śukre veśyāprāścandre'pi vadanti ketumālākhyāḥ

bhaume kalatrasaṃsthe nityaṃ(nityaviyukto) viyuto (ttadā)bhavet striyā puruṣaḥ/
mriyate(mārayati mandadṛṣṭe) vā śanidṛṣṭe yoṣidavaśyaṃ na dṛṣṭe'nyaiḥ

dyūne kujabhārgavayorjātaḥ puruṣo bhavedvikaladāraḥ/
dhīdharmasthitayorvā parikalpyaṃ paṇḍitairevam

(lagnavyayaṣaṣṭhagayoḥ)lagnādvyaparipugatayoḥ (śanibhārgavayoḥ, śāskarayorvadanti)śaśāṅkabhānvorvadanti puruṣasya/
prabhavaṃ samastamunayaḥ krameṇa patnyāḥ sahaikanayanasya

lagnasthe ravitanaye gaṇḍānte bhārgave kalatragate/
vandhyāpatistadā syādyadi na sutarkṣaṃ śubhairyuktam

(vyayadaśamasthaiḥ)lagnavyayamadanasthaiḥ pāpaiḥ kṣīṇe niśākare dhīsthe/
strīhīno bhavati naraḥ putreśca vivarjito nūnam

yamabhūmijayorvarge dyūnasthe tadavalokite śukre/
jāto bhavatyavaśyaṃ patnyā saha puṃścalaḥ puruṣaḥ

budhabhārgavayoraste strīhīno jāyate hyaputraśca/
dṛṣṭe śubhaiśca vācyāḥ pariṇatavayasaḥ sadā pramadāḥ

bhārgavavākyapatisaumyaiḥ pramadābhāvane śaśāṅkayuktaiśca/
ekaikena hi teṣāṃ puruṣasya vibhūtayo (vipulā)bahulāḥ

ravidṛṣṭe yukte vā'pyāyakṣetre bhavetsadā nṛpateḥ/
bhavati dhanaṃ śuddhādyaiścoravana(dhana)catuṣpadādyaiśca

strījanahastiprāyaṃ(jala) śaśāṅkavarge (tha yute)śaśīkṣite yukte/
kṣīṇe kṣayo'tha pūrṇe vṛddhiḥ syādāyage vṛtteḥ

hemapravālabhūṣaṇamāṇikyadhanaṃ kuje bhavedevam/
sāhasagamanāgamanaiḥ pāvakaśastraiśca vaktavyam

āye budhe'pi varge dṛṣṭe yukte'thavā bhavedvi(nnityam)ttam/
śilpādilekhyakāvyairyuktiprāyaṃ tathā sutarām

nagarajana(yānayogaiḥ)yogabhogaiḥ kratubhiśca tathā viśiṣṭapuṇyaiśca/
hemaprāyaṃ vittaṃ jīve'pi turaṅgamākīrṇam

veśyāstrīsaṃyogairgamanāgamanairdhanaṃ bhavati puṃsām/
āye (sute)site'pi caivaṃ muktārajatādibhūyiṣṭham

nagarapuravṛndayogaiḥ sthāvarakarmakriyābhirapi vittam/
lohakharavṛndabahulaṃ(mahiṣabahula) ravije'pi tathā'sya varge ca

evaṃ phalanirdeśaḥ saumyairdṛṣṭe viśeṣato vācyaḥ/
kūraiśca samupaghāto miśrairmiśrastadā puṃsām

sarvagrahayutadṛṣṭe bahuprakāreṇa nirdiśodvittam/
balavānyastatra bhavedatiriktaṃ samprayacchati ca

mitrasvagṛhagato'rdhaṃ svocce pūrṇaṃ tathāstagaḥ kiñcit/
śatrugṛhasthaścaraṇaṃ dadāti vihagastadāye(sadā ca bhave, sadāye tu) tu

ājanmato narāṇāṃ bhavati dhanaṃ niścitaṃ yavanavṛddhaiḥ/
kṣitipatimāṇḍalikānāmaparimitaṃ prāha lokākṣaḥ

(ho. 7 a. 263 pṛ.)bhānau kṣīṇe cendau vyayabhavane bhūpatirharati vittam/
bhaume budhasaṃdṛṣṭe bahuprakāro bhavennāśaḥ

gurucandradānavejyā vyayabhavane vittapoṣaṇaṃ kuryuḥ/
bhūmitanayena dṛṣṭā bhāvādhyāyoktamanyacca

lagne budhadṛkkāṇe(drekkā) śaśi (ni?) nā dṛṣṭe catuṣṭayasthāne/
jāto nṛpatikuleṣvapi śilpī syānniścitaṃ munibhiḥ

nīce sauranavāṃśe śukrentye raviśaśāṅkayormadane/
mandaye vilokitayormātā dāso mahākule'pi syāt

sūryāddvitīyarāśau bhāskaratanaye khamadhyage candre/
bhaume saptamabhavane vikalo'sminsarvadā jātaḥ

madhye pāpagrahayoścandre madanasthite'rkaje jantoḥ/
śvāsakṣayavidradhinā (plīhādi)gulmaplīhātipīḍitasya(ssubhagaḥ) bhavaḥ

sūryāṃśe yadi candraścandrāṃśe bhāskaro (yadi śoṣī)yadā śleṣmī/
(ekatara)samamekarāśigatayordubaladehaḥ sadā puruṣaḥ

nidhanadhanārivyayagā ravicandrakujārkajā (yathāyogaṃ)niyatam/
nayanavighātaṃ kuryurbalavadgrahadoṣasaṃbhūtam

dharmāyasahajasutagāḥ pāpāḥ saumyairna vīkṣitā jantoḥ/
(nayana)śravaṇavināśaṃ kuryuḥ saptamasaṃsthāśca dantānām

udaye dinakaraputre trikoṇamadane(bhavane) kuje ca sonmādaḥ/
kṣīṇe śaśini sasaure yāte vā vyayagṛhe jātaḥ

iti kalyāṇavarmaviracitāyāṃ sārāvalyāṃ lokayātrā nāma catustriṃśo'dhyāyaḥ//
pañcatriṃśodhyāyaḥ
rājopayogiśāstraṃ yasmātprabhavo viśeṣatasteṣām/
sañcintyā nṛpayogāstānevāhaṃ(vātaḥ) pravakṣyāmi

svoccatrikoṇagṛhagairbalasaṃyutaiśca
tryādyairnṛpo bhavati bhūpativaṃśajātaḥ/
pañcādibhirjanapadaprabhavo'pi(janapade'pi vadanti) siddho
honaiḥ kṣitīśvarasamo na tu bhūmipālaḥ(dra. vṛ. pā. 39/44, 45 tathā vṛ. jā. 11/13/)

aśubhagaganavāsaiḥ svoccagaiḥ krūraceṣṭaṃ
kathayati yavanendro bhūpati vikramottham/
na tu bhavati narendro jīvaśarmoktapakṣe
bhavati nṛpatiyogaiḥ satkṛto rāṣṭrapālaḥ

eṣviha bhavantyavaśyaṃ bhūpatiyogeṣu nīcakulapuruṣāḥ/
tānagrataḥ pravakṣye yathāmataṃ śāstrakārāṇām

svoccasthai ravibhaumasauragurubhiḥ sarvaistribhiścaikagai(bhe)
rlagne ṣoḍaśa vṛddhatāpasagaṇaiḥ sandarśitāḥ pārthivāḥ/
dvābhyāṃ caikatamodaye svabhavane candre punaḥ ṣoḍaśa
sarvo nīcakulodbhavo'pi vasudhāṃ (pātyeka)pātyeva vāṭīmiva

gaṇottame lagnanavāṃśakodgato(gdabhe) niśākaraścāpi gaṇottame'thavā/
caturgrahaiścandravivarjitaistadā nirīkṣitaḥ syādadhamodbhavo(bhavennṛpaḥ) nṛpaḥ(dra.vṛ. pā.39/42-43 tathā vṛ. jā.11/3)

(ho. ra. 5 a. 668pṛ.)udayagiriniviṣṭairmeṣasaṃsthairgrahendraiḥ
śaśirudhirasureḍyairjāyate pārthivendraḥ/
jalanidhiraśanāyāḥ pālakaḥ sarvabhūme-
rhataripuparivāraḥ sarvataḥ phūtkaroti

svocce gurāvavanije kriyage vilagne/
meṣodaye ca sakuje vacasāmadhīśe/
bhūpo bhavediha sa yasya vipakṣasainyaṃ
tiṣṭhenna(tiṣṭheta) jātu purataḥ sacivā vayasyā

niśābhartā cāye bhṛgutanayadeveḍyasahitaḥ
kujaḥ prāptaḥ svocce mṛgasukhagataḥ sūryatanayaḥ/
vilagne kanyāyāṃ śiśirakara sūnuryadi bhavet
tadā'vaśyaṃ rājā bhavati bahuvijñānakuśalaḥ

svarkṣe nakṣatranāthaḥ sphuṭaranikarālaṅkṛtaḥ prāptalagno
dyūne somasya putro yadi ripubhavanaṃ bhāskaraḥ samprayātaḥ/
pātāle dānaveḍyo gururapi gagane saurabhaumau tṛtīye
sadbhūpālo bhavedyaḥ śaśikaradhavalaṃ cāmaraṃ rājalakṣmīm

vargottamagate candre lagne vā candravarjite/
caturādyairgrahairdṛṣṭe jāto narapatirbhavet

śiśirakiraṇe svocce lagne payombunidheḥ same
ghaṭadharagate bhānoḥ putre mṛgādhipatau raviḥ/
aligṛhagato vācāṃ nāthaḥ sphuratkararājito
yadi narapatiḥ sphītaśrīkastadā bahubāhanaḥ

mṛge mande lagne kumudavanabandhuśca timiga-
stathā kanyāṃ tyaktvā budhabhavanasaṃsthaḥ kutanayaḥ/
sthito nāryāṃ saumyo dhanuṣi suramantrī yadi bhavet
tadā jāto bhūpaḥ surapatisamaḥ prāptamahimā

udayati mīne śaśini narendraḥ sakalakalāḍhyaḥ kṣitisuta ucce/
mṛgapatisaṃsthe daśaśataraśmau ghaṭadharage syāddinakaraputre

kuje vilagne ca śaśī yadās‍'te sphuṭāṃśasambhāravirājitāṅgaḥ/
rājā tadā śatrubhirapradhṛṣyo vedārthaviddhetuśatānuvādaiḥ(sadānubhāvaiḥ)

karotyutkṛṣṭodyaddinakṛdamṛtādhīśasahitaḥ
sthitastādṛgrūpaṃ sakalanayanānadajananaḥ/
apūrvo'yaṃ smṛtyā nayanajalasikto'pi satataṃ
ripustrīśokāgnirjvalati hṛdaye'tīva sutarām

śukro ghaṭe kujo meṣe svocce devapurohitaḥ/
yadi rājā bhavennūnaṃ svayaśodhautadiṅmukhaḥ

udayati gururucce taptahemaprabhāvo
haritaturaganātho vyomamadhyāvagāhī/
gadi śaśibudhaśukrā yasya sūto narasya
svabhujavijitabhūmiḥ sarvataḥ pārthivendraḥ

dhanuṣi sureḍyaḥ śaśabhṛdupeto mṛgamukhasaṃsthaḥ kṣititanayaśca/
uyati tuṅge suraripuvandyaḥ śaśitanayo vā yadi nṛpatiḥ syāt

cāpārdhe bhagavānsahasrakiraṇastatraiva tārādhipo
lagne bhānusuto'tivīryasahitaḥ svocce ca bhūnandanaḥ/
yadyevaṃ bhavati kṣiteradhipatiḥ sañcintya śauryaṃ bhayāt
dūrādeva namanti yasya ripavo dagdhāḥ pratāpāgninā

ṣaṣṭhaṃ dyūnamāṣṭamaṃ śiśiragoḥ prāptāḥ samastāḥ śubhāḥ
krūrāṇāṃ yadi gocare na patitā bhānvālayāddūrataḥ/
bhūpālaḥ prabhavetsa yasya jaladhervelāvanāntodbhavaiḥ
senāmattakaraundradānasalilaṃ bhṛṃgairmuhuḥ pīyate

na prāpnoti jarāmāśu no bhajatyarito bhayam/
jātaḥ syādadhiyoge'smindhṛtisaubhāgyasaukhyabhāk

budhaḥ svocce lagne ‍timiyugalagāvīḍyaśaśinau
mṛge mandaḥ sārī jitumagṛhago dānavasuhṛte/
ya evaṃ kuryātsa kṣitibhṛdahitadhvaṃsanirato
nirālokaṃ lokaṃ calitagajasaṅghātarajasā

kesarigo mahendrasacivo dinakarasahitaḥ
kumbhagato'rkajaḥ śaśadharaḥ khalu bhavati vṛṣe/
vṛścikabhe kṣitestu tanayo mithuna indusuto
meṣalagnasamudayo yadi sa tu manujapatiḥ

kārmuke tridaśanāyakamantrī bhānujo vaṇiji candrasametaḥ/
meṣagastu tapano yadi lagne bhūpatirbhavatī so'tulakīrtiḥ

(svarkṣe)svārkṣātkendreṣu yātairgurubudhabhṛgujairmandabhānvārayuktaiḥ
svocce candro'dhitiṣṭhañjanayati nṛpatiṃ kīrtiśuklīkṛtāśam/
atyucce lagnasaṃsthe ravirapi bhāgavānpārthivaṃ krūraceṣṭaṃ
yātāyātaiḥ (samanatācca)samastaṃ caturudadhijalaṃ yasya senāḥ pibanti

udakacaranavāṃśake sukhasthaḥ(ṣe ṣaṣṭhaḥ) kamalaripuḥ sakalābhirāmamūrtiḥ/
udayati vihage śubhe svalagne bhavati nṛpo yadi kendragā na pāpāḥ

āpūrṇamaṇḍalakalākalitaṃ śaśāṅkaṃ
paśyanti śukrasurapūjitasomaputrāḥ/
lagnādhipo'tibalavānpṛthivīśvaraḥ syāt
vargottamaśca navamaḥ khalu cedvilagne

vargottame triprabhṛtigrahendrāḥ kendrasthitā nā śubhasaṃyutāśca/
no rūkṣadhūmā na vivarṇadehāḥ kurvanti rājñaḥ prasavaṃ prasannāḥ

eka eva (grahaḥ)khagaḥ svocce vargottamagato yadi/
balavānmitrasaṃdṛṣṭaḥ karoti pṛthivīpatim

śīrṣodayarkṣeṣu gatāḥ samastā no cārivarge svagṛhe śaśāṅkaḥ/
saumyekṣi(saumyekṣitaḥ pūrṇakalo)to'nyūnakalo vilagne dadyānmahīṃ ratnagajāśvapūrṇām

upacayagṛhasaṃstho janmapo yasya candrāt
śubhagṛhamathavāṃśe kendrayātāśca saumyāḥ/
sakalabalaviyuktā ye ca pāpābhidhānāḥ
sa bhavati naranāthaḥ śukratulyo balena

atyuccasthā ruciravapuṣaḥ sarvaṃ eva grahendrā
mitrairdṛṣṭā yadi ripudṛśāṃ gocaraṃ na prayātāḥ/
kuryurnūnaṃ prasabhamaribhirgarjitairvāraṇāgrayaiḥ
senāśvīyaiścalati calitairyasya bhūḥ pārthivendram

paramocce sthitaścandro yadi śukreṇa dṛśyate/
kuryānmahīpatiṃ pūrṇaṃ pāpairāpoklimopagaiḥ

dṛśyete śubhadaiḥ svakendrabhavane mitraiśca pāpaistathā
yuddhe no ripubhirjitau balayutau janmodayarkṣādhipau/
bhūpaḥ syānnijarāśināmanavame candrodaye cedyaśo
yasyebhasrutadānalubdhamadhupaiścārdiśaṃ gīyate

uccarāśirbhaveddhorā yasyāsau kurute nṛpam/
svāṃśe'tha suhṛduccāṃśe dṛṣṭaḥ kendropagaiḥ śubhaiḥ

sthito bhānoḥ putro viracitabalaḥ paścimārdhe mṛgasya
raviḥ siṃhe śukrastulini rudhiro meṣagaḥ karkiṇīnduḥ/
kumārīṃ samprāpto yadi bhavati vā śarvarīnāthasūnuḥ
prajāto bhūpā(ściramavati gāneka)laśchadayati mahīmekaśuklātapātrām

vargottamasvabhavaneṣu gatā grahendrāḥ
sarve yadā ruciraraśmiśikhākalāpāḥ/
utpadyate jagati sīmamatīṃ dharitrīṃ
yaḥ pālayetkṣitiparjitaśatru(vargaḥ)pakṣaḥ

kendrevilagnanāthaḥ suhṛdbhirabhivīkṣito (vihaganāthaiḥ)vihagaiḥ/
lagnasthite ca saumye bhūpatiriha jāyate (niyatam)puruṣaḥ

surapatiguruḥ sendurlagne vṛṣe samavasthito
yadi balayuto lagneśaśca trikoṇagṛhaṃ gataḥ/
raviśanikujairvīryopetainaṃ yuktanirīkṣito
bhavati sa nṛpaḥ kīrtyā hatākhilakaṇṭakaḥ

na nīcagṛhasaṃsthitā na ca riporgṛhaṃ saṃgatāḥ
svarāśimathavāṃśakānudayagoccamaṃśaṃ yadi/
kalābhiratibhūṣite kumudaṣaṇḍabodhaprade
suhṛdbhirabhivīkṣitāḥ kṣitipatiṃ vidaghyurgrahāḥ

yo yaḥ pūrṇaṃ śiśirakiraṇaṃ prāptavargottamāṃśaṃ
suspaṣṭārcirgaganagamanaḥ paśyati svoccasaṃstham(saṃsthaḥ/vāṃśakaṃtraya ihoccamaṃśaṃ)/
sa kṣoṇīyaṃ janayati daśāṃ prāpya saumyaḥ svakīyāṃ
khyātaṃ loke yadi balayutāḥ kaṇṭakasthā na pāpāḥ

janmodayabhavanapatī balasahitau kendrabhe'tha hibuke vā/
indurjalagṛhaścettrikoṇago vā mahīpālaḥ

svagṛhe mitrabhāgeṣu svāṃśe vā mitrarāśiṣu/
kurvanti ca naraṃ sūtau sārvabhaumaṃ narādhipam

paramoccagatāḥ sarve svoccāṃśe yadi somajaḥ/
trailokyādhipatiṃ kuryurdevadānavavanditam

yasyottarasyāṃ bhagavānvasiṣṭho bṛhaspatiḥ prāgapare ca bhārgavaḥ/
agastyanāmā khalu dakṣiṇasyāṃ sa naṣṭa śatruśca bhavennarādhipaḥ

śaśī pūrṇaḥ svāṃśe svagṛhamathavā svoccabhaṃ vā prayāto
divaḥ pāturmantrī ditijaguruṇā vīkṣitaḥ kendrasaṃsthaḥ/
ravirlagne svāṃśaṃ yadi balayutaḥ paścati syātsa bhūpaḥ
prabhagnaṃ yasyebhaścaturudadhibhūśallakīnāmaraṇyam

kumudagahanabandhau vīkṣyamāṇe samastai-
rgaganagṛhanivāsairdīrghajīvī naraḥ syāt/
phalamaśusamutthaṃ naiva kemadrumotthaṃ
bhavati manujanāthaḥ sārvabhaumo jitāriḥ

uccābhilāṣī savitā trikoṇe svarkṣe śaśī janmani yasya jantoḥ/
sa śāsti pṛthvīṃ bahuratnapūrṇāṃ bṛhaspatiḥ karkaṭake (karkaṭakopagaścet)yadi syāt

tuṅgeṣu ṣaḍvibudhamārgavarā upetāḥ
svāṃśe mayūkhanikaraiḥ paripūritāṅgāḥ(paripūritāśāḥ)/
utpādayanti kuliśāṅkitapāṇipādaṃ
pṛthvīpatiṃ sagaravenayayātitulyam

śubhabhavanasametaiḥ saumyabhāgeṣu saumyaiḥ
sphuṭarucirakarādyaiḥ prasphuradbhirvilagne/
ravimuṣitamayūkhaistaiśca pāpairamiśrai-
rgirigahananivāsī tāpasaḥ syānnarendraḥ

(iha)śubhapaṇapharagāḥ śubhapradā ubhayagṛhe yadi pāpasaṃcayaḥ/
svabhujahataripurmahīpatiḥ suragurutulyamatiḥ prakīrtitaḥ

vilagnanāthaḥ khalu lagnasaṃsthaḥ suhṛdgṛhe mitradaśāṃ pathi sthitaḥ/
karoti nāthaṃ pṛthivītalasya durvāravairighnamihodaye śubhe

sampūrṇamūrtirbhagavānśaśāṅko meṣāṃśakastho guruṇā ca dṛṣṭaḥ/
nīce na kaścinna ca vīkṣito'nyaiḥ prāha kṣitīśaṃ yavanādhirājaḥ

lagnācchaśī triripulābhanabhaḥsthaleṣu
sūtāvakhaṇḍitavapuḥ pṛthavīśvaraḥ syāt/
dṛṣṭaḥ surendraguruṇā na ca vīkṣito'nyai-
rjanmādhipo daśamagaḥ smarago'thavā syāt

vibhradraśmikarālapūrṇaparidhirnakṣatrasamapālaka
stuṅgāṃśe samavasthitaiśca sakalaiḥ prodvīkṣito vyomagaiḥ/
kuryādbhūmipatiṃ yaśasyacaritaṃ hastyaśvasainayaṃ jagat
yo'vyāccheṣaphaṇīndratulyamakhilorvībhārakhinnaḥ śvasan

sudhāmṛṇālopamabimbaśobhitaḥ svāṃśakasthairna nīcai-
rvyayagṛhasahajasthairnāpi sūryapraviṣṭaiḥ/
tanayabhavanasaṃsthairnāpi sūryapraviṣṭaiḥ
bhavati manujanāthaḥ kīrtiśuklīkṛtāśaḥ

nīcārivargarahitairvihagaistribhistu
svāṃśopagairbalayutaiḥ śubhadṛṣṭaiḥ/
gokṣīraśaṅkhadhavalo mṛgalāñchanaśca
syādyasya janmani sa bhūmipatirjitāriḥ

kumudagahanabandhuṃ śreṣṭhamaṃśaṃ prapannaṃ
yadi balasamupetaḥ paśyati vyomacārī/
udayabhavanasaṃsthaḥ pāpasaṃjño na caiva
bhavati manujanāthaḥ sārvabhaumaḥ sudehaḥ

vargottame himakaraḥ sakalaḥ sthitoṃ'śe
kuryānmahīpatimapūrvayaśobhirāmam/
yasyāśvavṛndakhurayātarajobhibhūto
bhānuḥ prabhātaśaśino'nukaroti rūpam

vargotame himakaraḥ sakalaḥ sthitoṃ'śe
kuryānmahīpatimapūrvayaśobhirāmam/
yasyāśvavṛndakhurayātarajobhibhūto
bhānuḥ prabhātaśaśino'nukaroti rūpam

sarvagrahakṛte yoge cakravartīśvaro bhavet/
ekaikena tathā jātā maṇḍalānāmadhīśvarāḥ

eko'pi vihagaḥ kuryātpañcamāṃśagato nṛpam/
samastabalasampannaścakravartinameva ca

yadi paśyati candramasaṃ vibudhagururvṛṣabhasaṃsthitaṃ(saṃsthitaḥ) prasave/
avati pṛthivīmudagrāṃ sphuranmaṇidyotitadigantām

kuryāttuṅge trikoṇe vā svarāśistho vilokayan/
grahastuṣārakiraṇaṃ niṣādamapi pārthivam

svagṛhe tṛtīyabhāge śaśī sthitaḥ pārthivaṃ yadā kurute/
paripūrṇabalaḥ śubhado yadi prasūtau mahārājam

svāṃśe divākaro yasya svakṣetre ca kṣapākaraḥ/
sa rājā gajadānaughadhīkarokṣiptabhūtalaḥ

lagne ravi(sitayukte)putrasaṃyute devejye'sta(gṛheṇa codite)gate navodite/
dṛṣṭe'surarājamantriṇā grāmīṇo nṛpatirbhavediha

udaye'suramantrivaro gurubhe gurudṛṣṭiṃpathaṃ ca gataḥ/
kurute niyataṃ sanṛpaṃ yadi tuṅgataśca budhaḥ

śukrabhāskarendavo (bhāga)bhāvamevamāśritāḥ/
jīvadṛṣṭamātrakāḥ syāttathā mahīpatiḥ

lagnagāḥ sitaśaśāṅkajabhaumāḥ saptame śaśini vākyapatiyukte/
tigmaraśmitanayena ca dṛṣṭe jāyate pṛthuyaśaḥ pṛthivīśaḥ

vibudhagururyadi bhaumanavāṃśe rudhiranirīkṣipūrṇabalaśca/
janayati kutsijanmamahīpaṃ kriyaparisaṃsthitakarmagato'rkaḥ

tṛtīyagāḥśukraśaśāṅkabhāskarāḥ kujo'stasaṃstho navame bṛhaspatiḥ/
gaṇottamo lagnagṛhāṃśakodgamo yadā tadā hīnakulo mahīpatiḥ

jīvo budho bhṛgusuto'tha niśākaro vā
dharme triśuddhatanavaḥ sphuṭaraśmijālāḥ/
mitrairnirīkṣitayutā yadi sūtikāle
kurvanti devasadṛśaṃ nṛpatiṃ mahāntam

tapogṛhaṃ yasya bhavettaduccakaṃ graheṇa tenātha yutaṃ nirīkṣitam/
grahadvayaṃ svoccagataṃ yadā bhavettadā kuṭumbanī niyataṃ mahīpatiḥ

sutabhavane (yadi devanamasyo)śaśidevanamasyau bhavanapatiprasamīkṣitadehau(dehaḥ)/
bhṛgutanayo yadi monasameto bhavati nṛpaḥ khalu kutsitavaṃśaḥ

candrastripuṣkarasthaḥ svocce vacasāṃ patiḥ salakṣmīkam/
utpādayati svāminamuttamapātraṃ(nnatamanasaṃ) samagrabhuvaḥ

kendrasvoccamupetaḥ suramantrī daśamago yadā śukraḥ/
nūnaṃ sa bhavati puruṣaḥ samastapṛthvīśvaraḥ khyātaḥ

svarkṣe (śaniḥ, yadā)śaśī vipularaśmiśikhākalāpāḥ
svāṃśe sthitā budhabṛhaspatidānavejyāḥ/
pātālagā dinakareṇa nirīkṣitāśca
saṃsūcayanti nṛpatiṃ (nṛpa)dvijamukhyajātam

ravirnabhasthaḥ svatrikoṇago'pi vā svarāśisaṃsthāḥ sitajīvacandrāḥ/
tṛtīyaṣaṣṭhāyagatāśca candrātkurvanti gopālamiha kṣitīśam

saptamabhavane saumyā mitrāṃśagatāḥ suhṛdbhiriha dṛṣṭāḥ/
ucce kujo yadi nṛpaḥ samastanṛpapālakaḥ śreṣṭhaḥ

raviśaśibudhaśukrairvyomni(vaktraiḥ) mitrāṃśakasthai-
rna ca ripubhavanasthairnāpyadṛśyairna nocaiḥ/
sa tapasi bhṛgupatre bhūpatiḥ styātprayāṇe
gajamadajalasekairlīyate(rvighyate) yasya reṇuḥ

svoccai bhānuḥ prakaṭitabalo vyomamadhye sajīvaḥ
śukro dharme yadi(kujayutaḥ) balayutaḥ svaṃ navāṃśaṃ prapannaḥ/
lagne varge śubhagaganago rājaputreṇa dṛṣṭaḥ
pṛthvīpālo dhavalitajagatsyātsitaiḥ svairyaśobhiḥ

vṛṣe śaśī lagnagataḥ supūrṇaḥ sitena dṛṣṭo vaṇiji sthitena/
budho'pi pātālagato yadi syāttadānyajāto bhavati kṣitīśaḥ

kṣamāsutaḥ svoccamupāśrito (balī)yadā ravīnduvācaspatibhirnirīkṣitaḥ/
bhavennarendro yadi kutsitastadā samastapṛthvīparirakṣaṇe kṣamaḥ

jāyate'bhijiti(jagati) yaḥ śubhakarmā bhūpatirbhavati so'tulavīryaḥ/
nīcaveśmakulajo'pi naro'smin rājayoga iti na (savyapadeśaḥ)vyapadeśaḥ

gaṇḍānta(vaighṛtigṛha)viṣṭiparighavyayatipātajātastārādhipaḥ samudaye yadi kṛttikāyām/
krīḍetkṛpāṇaphalakāhitacaṇḍavegaprotthāpitāhitaśirogulikābhirīśaḥ

budhādaye saptamage bṛhaspatau candre kulore sukharāśige'male/
viyadgate bhārgavanandane grahe praśāsti pṛthvīṃ manujo nirākulaḥ

ekāntaragairvihagaiḥ ṣaḍbhiścakraṃ kṣitīśvaraṃ kuryāt/
atraiva śubhe lagne sakalamahīpālako nṛpatiḥ

ayameva samudrākhyo dvau lagne yadi saṃsthitau/
(sa karoti bhuvo)karoti bhūbhujāṃ nāthaṃ saumyaiḥ kendreṣu saṃsthitaiḥ

nirantaraṃ yadi bhavaneṣu ṣaṭasu grahāḥ sthitā udayagṛhātsamastāḥ/
svapaṅktidannarapati meva kuryuścatuṣṭayannarapatimantriṇaṃ ca

sutasukhaduścikyagatā yadi karmaṇi kīrtayanti yavanādyāḥ/
bandhusutārthagajāḍhyo bahubhṛtyo jāyate kṣitipaḥ

karmāstajalahorāsu grahāḥ sarve pratiṣṭhitāḥ/
kurvanti nagaraṃ nāma yatra syātpṛthivīpatiḥ

sukhatanumadagāḥ śubhāḥ samagrāḥ kujaravijāstridharmalābhasaṃsthāḥ/
yadi bhavati mahīpatiḥ praśānto yavanapatikṛto hyayaṃ mahīpayogaḥ

lābhadharmasthitāḥ saumyāḥ pāpāḥ karmaṇi saṃsthitāḥ/
nṛpatīnāmayaṃ yogo bhavetkalaśasaṃjñitaḥ

trayo grahā bhrātṛsutāyasaṃsthāstathā śubhau dvau ripusaṅgatau ca/
kalatralagnaṃ ca gatau ca śeṣau nṛpasya yogaḥ khalu pūrṇakumbhaḥ

suvistaraṃ nīcakulodbhavā mayā vicitrarūpāḥ kathitāḥ kṣitīśvarāḥ/
ataḥparaṃ pārthivavaṃśajanmanāṃ bhavanti yogā munibhiḥ prakīrtitāḥ

siṃhodaye dinakaro mṛgalācchano'je(vā)kumbhasthito ravisutaḥ svagṛhe surejya/
svocce'pi bhūmitanayaḥ pṛthivīśvarasya janmapradaḥ sakalalokanamaskṛtasya

śubhe lagnaṃ yāte balavati tathā dharmarāśiṃ krameṇa
(śubhaiḥ)sarvaiḥ śeṣairlagnaṃ dhanagṛhamatha tryāṣaṭkarmagaiśca/
mahīpālaḥ śrīmānbhavati niyataṃ yasya mātaṅsaṅghāḥ
prayāṇe meghānāṃ srutamadajalairbhrāntimutpādayanti

(surapatiguru)danujapagururbandhusthāne sveśmagato yadā
tuhinakiraṇaḥ sampūrṇāṅgistapaḥ samavasthitaḥ/
tritanubhavabhaprāptāḥ śeṣā grahā yadi bhūpatiḥ
bhavati ghṛtimān sphītaśrīkastathāṃ bahuvāhanaḥ

svoccodaye kṛtapadaḥ kumudasya bandhujīvo'rthago vaṇiji dānavapūjitaśca/
(śeṣāṣca matsyayugale yadi cedbhahendrāḥ)kanyājasiṃhagṛhagā budhabhaumasūryāścandrāṃśunirmalaśayā bhavati kṣitīśaḥ

nakṣatranāthasahitaḥ savitā nabhaḥsthaḥ saurirvilagnabhavane hibuke surejyaḥ/
devāripūjyabudhabhūmisutaiḥ salābhaiḥ khyāto mahīpatiriha svaguṇairnaraḥ syāt

mṛgarāśiṃ parityajya sthito lagne bṛhaspatiḥ/
karotyavaśyaṃ nṛpatiṃ mattebhaparivāritam

lagne bhaumo ravijasahitastīkṣṇaraśmiḥ khamadhye
vācāṃ svāmī madanagṛhago bhārgavo dharmasaṃsthaḥ/
āye hemnaḥ śiśirakiraṇo bandhurāśiṃ prapanno
yadyevaṃ syādviṣu(vimala)layaśaso janmabhūpālakasya

(kṣīṇo'pi)nyūno'pi kumudabandhuḥ svoccasthaḥ(svoccagataḥ) pārthivaṃ karoti naram/
kiṃ punarakhaṇḍamaṇḍalakaranikaraprakaṭitadigantaḥ

lagnaṃ vihāya kendre sakalakalāpūrito niśānāthaḥ/
vidadhāti mahīpālaṃ (vāraṇo)vikramadhanavāhanopetam

yadi paśyati dānavārcitaṃ vacasāmadhipastadā bhavet/
nṛpatirbahunāganāyako bhujagendra iva pratāpavān

divaukasāṃ patermantrī kuryātpaśyanbudhaṃ (yadā)naram/
śirobhiḥ śāsanaṃ tasya dhārayanti nṛpāḥ sadā

lagnādhipatiḥ svocce paśyanmṛgalāñchanaṃ nṛpaṃ kurute/
bahugajaturagabalaughaiḥ kṣapitavipakṣaṃ mahāvibhavam

induḥ svocce paśyankaroti budhabhārgavau naraṃ nṛpatim/
praṇatāripakṣamucchritayaśasaṃ saubhāgyavantaṃ ca

adhimitrāṃśagaścandro dṛṣṭo dīnavamantriṇā/
aniśaṃ kurute lakṣmīsvāminaṃ bhūpatiṃ naram

svāṃśe'dhimitrabhāge vā guruṇā yadi dṛśyate/
śaśī mahīpatiṃ kuryāddivase nātra saṃśayaḥ

janmādhipatiḥ kendra balaparipūrṇaḥ karoti paramarddhim/
brāhmaṇakule'pi nṛpatiṃ ki punaravanīśasaṃbhūtam

ravirapyadhimitrastho yadi candrasamīkṣitaḥ/
aṅgadeśādhipaṃ kuryāddharmārthasahitaṃ nṛpam

uccasthaḥ śaśitanayaḥ kumudākarabandhunā ca (sahitaḥ)samadhigataḥ/
janayati magadhādhipatiṃ gajamadagandhena vāsitadigantam

pradhānabalasaṃyuktaḥ sampūrṇaḥ śaśalāñchanaḥ/
eko'pi kurute jātaṃ narādhipamariṃdamam

kendre vilagnanāthaḥ śreṣṭhabalo mānavādhipaṃ kurute/
gopālakule'pi naraṃ kiṃ punaravanīśvarāṇāṃ ca

karkaṭasaṃsthaḥ kendre bṛhaspatirdaśamadhāmagaḥ śaśinaḥ/
caturudadhimekhalāyāḥ svāmī bhūmerbhavati jātaḥ

meṣe sahasraraśmiḥ saha śaśinā saṃsthitaḥ karotīśam/
keralakarṇāṭakāndhradraviḍānāṃ colakasyāpi

uccasthastridaśaguruḥ kairavavanabandhasuṅgamaṃ prāptaḥ/
kāśmīramaṇḍalabhuvāṃ karoti puruṣādhipamavaśyam

tuṅgāyasvagṛhodayakaṇṭakanavameṣu yasya śukragurū/
so'vaśyaṃ bhavati naro rājāṃśa(rājāga)samudbhavo nṛpatiḥ

dik‍sthānakālādibalairudārāḥ śubhāḥ punaḥ kendramupāgatāśca/
kurvanti pāpairavimiśracārāḥ pṛthvībhujaṃ triprabhṛtigrahendrāḥ

raverdvitīye budhajīvabhārgavā na cāśubhairdṛṣṭayutā na(cārka) vārkagāḥ/
sphuratkaraugha sphuṭapiñcarīkṛtā naraṃ prakuryustri‍samudrapālakam

kundābjakāśadhavalaḥ paripūrṇamūrtirjanmādhipena (kavinā)balinā śubhadena dṛṣṭaḥ/
strīmānabhaṅganipuṇaṃ dayitaṃ kṣapāyāḥ prakhyātakīrtisunayaṃ kurute narendram

devamantrī kuṭumbastho bhārgaveṇa samanvitaḥ/
janayedvasudhāpālaṃ nirjitārātimaṇḍalam

kārakayoge jātā bhavanti pṛthvībhujo narāsteṣām/
gajaturagapattivicalitara(pāṃśu)jovitānaṃ bhavedgaganam

kuje vilagne taraṇeśca nandane rasātale śukrabṛhaspatīndujāḥ/
mṛhodaye mandanavāṃśakasthite rasātaleśo bhavatīha pārthivaḥ

svocce gurustanugataḥ svagṛhe śaśāṅkaḥ
śukro jhaṣe paramamuccamitositaśca/
meṣe tathaiva bhavānsavitā kujaśca(sa svargādhipo, ca vargādhipo)
dvīpādhipo yadi bhavennṛpiḥ prajātaḥ

śakreḍyaḥ sasitaḥ śucistimiyuge svocce ca pūrṇaḥ śaśī
dṛṣṭastīvravi(khagena caiva)locanena dinakṛnmeṣe yadāsau nṛpaḥ/
senāyāścalanena reṇupaṭalairyasya pranaṣṭe ravā-
vastabhrāntisamākulā kamalinī saṅkocamāgacchati

krūrairnīcai ripubhavanagaiḥ ṣaṣṭhaduścikyagairvā
saumyaiḥ svoccaṃ paramupagatairnirmalaiḥ kendragaiśca/
ājñāṃ yāte śiśirakiraṇe karkaṭasthe niśāyā-
mekacchatraṃ tribhuvanamidaṃ yasya sa kṣatriyeśaḥ

horālekhāmupetaḥ sphuṭakaranikaraiḥ pūritāṅgaḥ surejya-
ścandraḥ śuklārdhadeho bhavabhavanagataḥ svena putreṇa dṛṣṭaḥ/
candrādbhānurdvitīye(bhānustṛtīye) yadi bhavati tadā naiva dṛṣṭaḥ kujena
prāyo(pātā) jāyeta (vidvānjāto)bhūbhṛdbahujaturagakṣuṇṇabhūpṛṣṭhapīṭhaḥ

raviśakujairmeṣe lagne sitārkibudhairvṛṣe
dhanuṣi navame devejye ca svabhāṃśamupāgate/
ravirapi yadi svocce varge pradhānabalodayo
bhavati nṛpatiḥ siddhājñāto(vidvānjāto) hatāriraṇodbhavaḥ

sitaśaśisutajīvaiḥ pañcamasthairnabhogai
ravirapi ripurāśau svoccage bhūmiputre/
tapasi ca rapiputre jāyate pārthivendraḥ
prathitavimalakīrtirdānadharmapratāpaiḥ

tridaśaguro ravirhimakarasya bhṛgostanayo
ravitanayaḥ kujasya khalu dṛṣṭipathaṃ ca gataḥ/
bhavati vilagnago yadi carodayarāśigataḥ
prathitayaśā bhavetkṣitipatiḥ kṣapitārigaṇaḥ

budhaḥ kanyālagne surapatiguruścaiva timigaḥ
sthitaḥ kṣoṇīputraḥ prathamabhavane(prasavasamaye) vīryasahitaḥ/
śaniḥ śatrusthāne tridaśaripupūjyaśca hibuke
yadaivaṃ syātsūto svabhujavijayī bhūpatiriha

yame vilagne makarapratiṣṭhite divākare dyūnagate site'ṣṭame/
kuje'lige karkaṭage niśākare bhavetprasiddho jagatīśvaro nṛpaḥ

mṛgodaye bhūmisute sunirmale śanaiścare dharmagṛhe vyavasthite/
divākare saptamage sahendunā calasvabhāvo nṛpatiḥ prajāyate

śanaiścare lagnagate sacandre bṛhaspatau saptamarāśige ca/
śukreṇa dṛṣṭe śaśije svatuṅge jāyeta pṛthvīpatirapradhṛṣyaḥ

cāpe(pāpābhāve surapurohitadṛṣṭiśuddhā) bhavetsuragururhitadṛṣṭiśuddho
lagne surāridayitaḥ śaśini svarāśau/
vāpītaḍāgasuraveśmakaro naro'tra
jāyeta mānavapatirdvijadevabhaktaḥ

ekaḥ svocce śubhagaganagaḥ saṃsthito nirmalāṃśuḥ
kendre bhānuḥ prakaṭitakaraḥ kevalaḥ pūrṇavīryaḥ/
dṛṣṭaḥ kuryādamaraguruṇā pañcamasthena jātaṃ
bhūmernāthaṃ bahugajapatiṃ sarvavandyaṃ kṛtārtham

ṣaṣṭe kujārkiravayaḥ sahaje'thavāpi siṃhe surārisacivo'tha bhavarkṣasaṃsthaḥ/
dṛṣṭaḥ śubhairdinakarenduvihīnadṛṣṭiḥ kuryānnṛpaṃ svabhujanirjitaśatrupakṣam

vahati mṛdusamīre(śarīre) nirmalavyāmamadhye vimalanirupasargāḥ khecarā vṛttavairāḥ/
udayati suravandye maṇḍale mātṛkāṇāṃ yadi vṛṣabhagṛhastho bhārgavaḥ syātkṣitīśaḥ

śaśibudharudhirākhyaiḥ svāṃśakasthairna nīcairvyayagṛhasahajasthairnāpi sūryapraviṣṭaiḥ/
tanayabhavanasaṃsthe vākpatau candrayukta bhavati manujanāthaḥ kīrtiśuklīkṛtāśaḥ

adhimitragate(gṛhe) kendre janmādhipatirvilagnapatiyuktaḥ/
paśyati balaparipūrṇo lagnaṃ syātpuṣkalo yogaḥ

puṣkalayoge puruṣā jāyante bhūmipālakā nityam/
suciraṃ bhramanti hataripugajamadagandhena vāsitadigantāḥ

rāśyādau lagnapatiḥ karoti jātaṃ(lagne) narendradaṇḍapatim/
madhye maṇḍalanāthaṃ grāmapatiṃ caiva bhavanānte

pauṣṇe phālgunyāṃ vā mūle puṣye ca bhāskaraḥ kurute/
lagnagato naranāthaṃ yojanaśatamātrake deśe

anya rājayoga jñāna(yahām̐ se adhyāyānta taka ke yogoṃ ke liye tulanā kareṃ jātakābharaṇa kā rājayoga prakaraṇa)
kṛttikārevatīsvātīpuṣyasthāyī bhṛgoḥ sutaḥ/
karoti bhūbhujāṃ nāthamaśvinyāmapi saṃsthitaḥ

vidadhāti sārvabhaumaṃ lagnāṃśapatiḥ svatuṅgagaḥ kendre/
nṛpatiṃ lagnādhipatirjanmādhipatirdhanasamṛddham

mīne niśākaraḥ pūrṇaḥ suhṛdgrahanirīkṣitaḥ/
sārvabhaumaṃ naraṃ kuryātsiddhājñākaṃ(siddhājñākaṃnna) na saṃśayaḥ

yāte bhaume karmasthānaṃ śiśirakarabhṛgusutaistapaḥ samavasthitaiḥ/
āye svocce prāpto bhānu-stridaśapatisacivasahito yadi prasave(prabhave) bhavet

kṣoṇībhartā yāne yasya pravicalitaturagarajasā diśaḥ parito (gataiḥ)gataḥ/
evaṃ karturbhuyo bhūyo (pariśrama)dharaṇitalaparimalasukhaṃ prayānti raverhayāḥ

śaśisahite kendrasthe śanaiścare bhavati (jātotra)jārajātastu/
rājā bhuvi gajaturagagrāmadhanairvardhitaśrīkaḥ

śukravākpatibudhairdhanasaṃsthairdyūnagaiḥ śaśiravikṣitiputraiḥ/
jāyate kṣitipatiḥ pṛthuvakṣāḥ sarvataḥ kṣapitaśatrusamūhaḥ

bhānuḥ prāṇī śaśigṛhayutaḥ śītaraścamiśca tasmi-
nnekaḥ svocce yadi gaganago nirmalaḥ pūrṇaraśmiḥ/
lagnaṃ prāptaḥ surapatiguruḥ ṣaṣṭhagaḥ syātkṣitīśa-
śchanno yasya pracalitacamūreṇubhirvyomamārgaḥ

kumbhasyāṣṭamabhāge trikoṇasaṃsthe (pi ca) niśānāthe/
jāto bhavatyavaśyaṃ rājā śubhadaḥ samastalokasya

meṣasya saptamāṃśe karoti pṛthvīsutaḥ sthito nṛpatim/
(siṃhasya pañcamāṃśe)ekādhikaviṃśeṃ'śe naramithunāṃśe bhavedbhūpaḥ

kumbhasya pañcadaśake bhāge candraḥ sthito mahīpālam/
karkaṭasya ca daśame karoti puruṣaṃ sadā prabhave

dhanuṣi ca (triśe)viṃśe jīvaḥ karoti nṛpatiṃ sthito janakhyātam/
siṃhasya pañcamāṃśe tathā ca helirbudho jñeyaḥ

ekasminpañcakṛtau pañcadaśasvāsthitaścandraḥ/
bhāgeṣu vīranṛpatiṃ karoti bhujalabdhapṛthvīkam

makarasya pañcamāṃśe karoti ravijo(puruṣaṃ) nareśvaraṃ sunaya(subhagam)m/
yogaṃ bhūtalatilakaṃ dharmajñaṃ śāstranirataṃ ca

karkaṭake śaśijīvau pañcasu bhāgeṣu saṃsthitau kurutaḥ/
bhūmipatimapradhṛṣyaṃ raviriva sarvagrahaṇasya

candraḥ puṣye nṛpatiṃ vargottamakṛtta‍ikāśvinausaṃsthaḥ/
vidadhāti sārvabhaumaṃ tripuṣkare vā'pi paripūrṇaḥ

aśvinyanurādhāsthaḥ sthitaḥ śraviṣṭhāsu pārthivaṃ bhaumaḥ/
kurute svoccamupagato vargottamagaśca nānyatra

vyāmni śaṃkhadhavalo niśākaro bhārgavastapasi saṃsthitaḥ śuciḥ/
(sūrya)āyagaśca yadi sarva eva te syānmahīpatiratulyapauruṣaḥ

candrādupacayasaṃsthā gaganasadaḥ sarva evaṃ yadi sūtau/
jāyeta mānanilayaḥ samastapṛthvīpatiḥ puruṣaḥ

jīvaniśākarasūryaḥ pañcamanavamatṛtīyagā vakrāt/
yadi bhavati tadā rājā kuberatulyo dhanairvāso

ravistṛtīyo bhṛgunandanaḥ sukhe budhasya cānye yadi pañcame sthitāḥ/
na nīcarāśau na ca śatruveśmagā bhavennarendrastrisamudrapāragaḥ(pālakaḥ)

bṛhaspaterbhaumadivākarendavo gatā dvitīyāmbunabhaḥsthalaṃ kramāt/
vipakṣarāśau pariśeṣakhecarā yadā tadā bhūmipatirnṛpātmajaḥ

bhṛgorapatyādbudhabhāskarātmajau catuṣṭayasthau pariśeṣakhecarāḥ/
tṛtīyalābharkṣagatāstu te yadā mahīpatiṃ kuryurasaṃśayaṃ tadā

śukrabudhau ravitanayātkendre vācaspatirbhaveducce/
siṃhasanādhiśāyī yadi rājā svoccagāśca pariśeṣā

savitustṛtīpañcalābharkṣasamāśritāḥ tadā yasya/
sarve grahāḥ sa nṛpatirmantrī senāpatirvā'pi

lagnapateḥ sphuṭaraśmeḥ pāpā lābhe śubhāśca kendrasthāḥ/
yadi bhavati tadā nṛpatiḥ svabhujārjitasarvabhūmitalaḥ

lābhe tṛtīyaṣaṣṭhe yadi pāpā janmapasya śubhadṛṣṭāḥ/
bhavati tadā dharaṇīśaḥ samastanṛvanditaḥ sādhuḥ

vicarati surapūjyo meṣabhe'thāpi siṃhe
dahanakiraṇadṛṣṭe bhūmiputre (suraśmau)svarāśau/
na ca gaganavicāro kaścideko'pi nīce
yadi nṛpatisamuttho jāyate pārthivendraḥ

candrādgrahairnigaditāḥ sunaphādayaśca
kendrasthitairyadi bhavanti ca te'tra yogāḥ/
viśvambharādhipakuleṣu mahatsu jātā
yogeṣu teṣu manujeśvaratāṃ labhante

kendragau yadi tu jīvaśaśāṅkau yasya janmani ca bhārgavadṛṣṭau/
bhūpatirbhavati so'tulakīrtirnīcago yadi na kaścidiha syāt

udayaśikharasaṃstho bhārgavo yatra tatra budharavisutadṛṣṭaḥ svāṃśakastho'tivīryaḥ/
janayati naranāthaṃ vākpatau pañcamasthe bhujabalahataśatruṃ sārvabhaumaṃ gajāḍhyam

siṃhe kamalinīnāthaḥ kulīrastho niśākaraḥ/
dṛṣṭau dvāvapi jīvena pārthivaṃ kurutastadā

budhaḥ karkaṭamārūḍho vākpatiśca dhanurdharam/
sūryabhūsutadṛṣṭau ca yadi sphīto mahīpatiḥ

śaphārīyugale candraḥ karkaṭe ca bṛhaspatiḥ/
śukraḥ kumbhe yadā śaktastadā rājā bhavediha

sitadṛṣṭaḥ śaniḥ kumbhe padminīdayito bhave(dāyatodaye)/
candre jalacare rāśau yadi jāto napo bhavet

kujo'ligo'tha meṣe vā ravijīvanirīkṣitaḥ/
vṛṣe jño śukrasaṃdṛṣṭastadā'pi pṛthivīpatiḥ

amalavapuravakraḥ kairavāṇāṃ vikāsī svagṛhamatha navāṃśaṃ svoccabhāṃśaṃ gato vā/
hitagagananivāsaiḥ pañcabhirdṛśyamāno janayati jagatīśaṃ nīcabhe no yadi syāt

lābhe mando gurubhṛgusutāvudgame khe śaśāṅko
bāndhāvarko budhakutanayau(tanayāvarthagau) vakragau cetsa bhūpaḥ/
yatsenāyāstatamadajalakṣobhato vāraṇendrai-
rbhūyaḥ setoḥ smarati sahasā kṣobhitānto'mburāśiḥ

iti kalyāṇavarmaviracitāyāṃ sārāvalyāṃ rājayogādhyāyo nāma pañcatriṃśaḥ//
ṣaṭtriṃśo'dhyāyaḥ
raśmipradhānametadyasmācchāstraṃ vadanti māṇindhāḥ/
tasmātprayatnato'haṃ kathayāmi yathāmataṃ teṣām

svoccasthe daśa sūrye nava candre pañca bhū matanaye ca/
pañcenduje sureḍye saptāṣṭau bhārgave śano pañca

evaṃ mahendraśāstre maṇindhamayabādarāyaṇaprokte/
sapta pratyekasthā nirdiṣṭā raśmayo grahendrāṇām

sarve pramāṇamete munivacanātkintu saptasaṃkhyaiva/
bahuvākyādasmākaṃ nīcagataḥ syādvigataraśmiḥ

abhimukharaśmimarnīcādbhraṣṭaḥ svoccātparāṅmukho jñeyaḥ/
antaragate'nṛpāto yathā tathā saṃpravakṣyāmi

nīcavihīnaḥ(nyūne maṇḍala) śodhyaścakrātpaḍabhavanato yadābhyadhikaḥ/
ātmīyaraśmiguṇitātṣaḍbhaktādraśmayastasmāt(tāpa)

mitradvādaśabhāge dviguṇāstriguṇāḥ svake ca dīdhitayaḥ/
vakre punastathocce svarāśige tadbhavatyeva

dviguṇāḥ syurdīdhitayo vakrasye'ptavameva syuḥ/
vairidvādaśabhāge nīce ca bhavanti ṣoḍaśonāḥ

astaṃ gato viraśmiḥ śanisitavarjyaṃ graho jñeyaḥ/
vakrāntasthe dviguṇā vakratyāge'ṣṭabhāgahīnāśca/
evaṃ raśmividhānaṃ pūrvācāryaiḥ samuddiṣṭam

ekādi pañca yāvadraśmibhiratiduḥkhitā kulavihīnāḥ/
parataṃtrakā daridrā nīcaratā saṃbhavanti narāḥ

parato daśakaṃ yāvadbhṛtakādīnāṃ videśagamanaratāḥ/
jāyante'tra manuṣyāḥ saubhāgyaparicyutā malināḥ

ūrdhvaṃ pañcadaśāptiryāvattavadbahuśrutāḥ sujanāḥ/
dharmābhiratāḥ sumukhāḥ kulasya tulyāḥ prajāyante

āviṃśaterbhaveyuḥ kulādhikāḥ (jana)dhanayutā (dhana)janakhyātāḥ/
kīrtikarāśca manuṣyā yathākramaṃ svajanasampūjyāḥ

pūjyāḥ subhagā dhīrā kṛtino bhūpāstu śarakṛtiryāvat/
parato bhavanti manujāḥ (tatsādhita)saṃsādhitasakalakaraṇīyāḥ

ata uttareṇa caṇḍā nṛpāśritā nṛpatilabdhadhanasaukhyāḥ/
triṃśadyāvatsacivāḥ pūjyāśca bhavanti bhūpānām

ekatriṃśadbhistu pravarāḥ khyātā mahībhujāmiṣṭāḥ/
dvātriṃśadbhiḥ puruṣāḥ (pañcadaśagrāma)pañcāśadgrāmapatayaḥ syuḥ

grāmasahasrādhipatiṃ triṃśattryadhikā karoti raśmīnām/
trisahasragrāmāṇāṃ puruṣaṃ sūtau catustriṃśat

parato maṇḍalabhājo bahukośaparigrahā mahāsattvāḥ/
triṃśatṣaḍbhiḥ sahitā raśmīnāṃ yasya janmasamaye syāt/
sārthaṃ bhunakti lakṣaṃ sa grāmāṇāṃ pumānniyatam

triṃśanmaṇḍalasahitā raśmīnāṃ sambhave bhavedyeṣām/
lakṣatritayapatitvaṃ grāmāṇāṃ jāyate teṣām

triṃśatsanavā gāvo janmani yeṣāṃ grahotthitāḥ santi/
te toṣitasakalajanā bhavanti pṛthvīśvarāḥ puruṣāḥ

daśajaladhiguṇāyā raśmisaṃkhyā narāṇāṃ diśati pṛthulabhūmeḥ pālakatvaṃ ca teṣām/
hataripuvanitābhirgīyate'tīva kīrtiḥ karuṇaruditagarbhairudyadākrośaśabdaiḥ

śaśijalanidhisaṃkhyaiḥ raśmibhiḥ śrūyate yo jalanidhiraśanāyāḥ pārthivaḥ syātsa bhūmeḥ/
dvijaladhiraśanāyā pakṣavedākhyasaṃkhyaistrijaladhiraśanāyā vahnivedaistathaiva

vedābdhisaṃkhyaiśca mayūkhajālairjātā narendrāḥ khalu sārvabhaumāḥ/
saumyāḥ surabrāhmaṇabhaktiśīlā dīrghāyuṣaḥ sattvayutā bhavanti

parataḥ parataḥ kiraṇairdvīpāntarapālakā nirupasargāḥ/
sarvanamasyāḥ subhagā mahendratulyapratāpātra

(catvāriṃśadvittā)catvāriṃdyuktā pañcādibhiratra yasya sūtau syāt/
jñeyaṃ tasyāriṣṭaṃ (sarvakṣitipālakānuktāḥ)sarvakṣitipālakaṃ muktvā

bhuvanabharasahiṣṇoḥ sarvataḥ kṣīṇaśatrostridaśapatimahimnaḥ sarvalokastutasya/
vidadhati vihagānāṃ raśmayo'tīva dīptāsturagakṛtisamānāścakrartitvameva

abhimukhakarapravāhāḥ phalaṃ prayacchanti puṣṭataramāśu/
tadviparītaṃ puṃsāṃ parāṅmukhāstu grahendrāṇām

janmasamaye grahāṇāṃ raśmīnāṃ saṃkṣaye kṣayo bhavati/
vṛddhervadhiṣṇūnāmadhamottamatā krameṇaiva

iti kalyāṇavarmaviracitāyāṃ sārāvalyāṃ raśmicintā nāma ṣaṭtriṃśo'dhyāyaḥ//
saptatriṃśo'dhyāyaḥ
śrīdevakīrtirājaḥ pañcamahāpuruṣalakṣaṇānnṛpatīn/
kathayati yāṃstānahamapi kathayāmi nirākulīkṛtya

svakṣetre ca catuṣṭaye ca balibhiḥ svoccasthitairvā grahaiḥ
śukrāṅgārakamandajīvaśaśijairetairyathānukramam/
mālavyo rucakaḥ śaśo'tha kathito haṃsaśca bhadrastathā
sarveṣāmapi(mati) vistaraṃ(vistarānmunimatātsaṃkalpaya te) matimatāṃ saṃkṣipyate lakṣaṇam

mahīsutātsattvamudāharanti gurutvamindostanayādgurośca/
svaraṃ sitātsnehamineśca varṇa balābalaṃ pūrṇalaghūni caiṣām

mṛdurdayālurbahudārabhṛtyaḥ(dāsaḥ) sthirasvabhāvaḥ priyasatyavādī/
suradvijopāstikaraḥ sahiṣṇurbhavennaraḥ sattvaguṇapradhānaḥ

śūraḥ kalākāvyanidhi(viniṣṭabuddhiḥ) subuddhiḥ strībhogasaṃsaktamanāḥ (saktacitaḥ kratuṣu)pravīṇaḥ/
āḍambarī hāsyarati(rataḥ) pragalbho (gopokṣavidrā, vedārthavidrā)geyākṣavidrājasikaḥ (prasiddhaḥ)pradiṣṭaḥ

mūrkho'lasī vañcayitā pareṣāṃ krodhī viṣaṇṇaḥ piśunaḥ kṣudhārtaḥ/
ācārahīno na śucirmadāndho(rgadārto) lubdhaḥ pramādī tamasābhibhūtaḥ

bhāro bhavati nṛpāṇāṃ bhūmyardhaṃ bhuñjatāṃ manuṣyāṇām/
yeṣāṃ bhāge tvardhaṃ sakalamahīpālakāste syuḥ

samāḥ svaraiḥ siṃhamṛdaṅgadantināṃ rathaughabherīvṛṣatoyadāyinām/
samastabhūmaṇḍalarakṣaṇakṣamā bhavanti bhūpā jitaśatravo narāḥ

snigdhairbhavanti bhūpā jihvātvagdantanetranakhakeśaiḥ/
rūkṣairebhirnisvāḥ svaraiśca te jātake kathitāḥ

snigdhastejoyuktaḥ śuddho varṇaḥ prakīrtito nṛpateḥ/
viparītaḥ kleśabhujāṃ sutārthasukhabhāgināṃ madhyaḥ

vyomāmbuvātāgnimahīsvabhāvā jīvāsureḍyārkimahījasaumyaiḥ/
chāyā marutpittakaphasvarūpā(kaphānu) miśraistu miśrā balibhirnarasya

śabdārthavinnyāyapaṭuḥ pragalbho vijñānayukto vijñānayukto vivṛtāsyabhāgaḥ/
citrāṅgasandhiḥ kṛśapāṇipādo vyomaprakṛtyā puruṣo'tidīrghaḥ

jalasvabhāvo bahuvāripāyī priyābhibhāṣī(dhruvaṃ) dravabhojanaśca/
calasvarūpo bahumitrapakṣaḥ kṣoṇīpatirnāticirapragalbhaḥ

sattvena vāyoḥ puruṣaḥ kṛśāṅgaḥ kṣipraṃ ca kopasya vaśaṃ prayāti/
kṛtyaikabuddhirbhramaṇe rataśca dātā sito bhūpatirapradhṛṣyaḥ

śūraḥ kṣudhārtaścapalo'titīkṣṇaḥ(tṛṣṇāḥ) prājñaḥ kṛśo gauratanurvirodhī/
vidvānsupāṇirbahubhakṣaṇaśca(sumānī) vahnisvabhāvaḥ puruṣo'tikāyaḥ//15/
karpūrajātyutpalapuṣpagandho bhunakti bhogān sthiralabdhasaukhyaḥ/
siṃhābhraghoṣaḥ sthiracittavṛttirmahīsvabhāvaḥ puruṣaḥ sasattvaḥ(susatvaḥ)

sphaṭikopalasaṅkāśā svacchā gaganotthitā bhavecchāyā/
nidhiriva puṃsāṃ dhanyā trivargaphalasādhanī saumyā

snigdhā sitā ca haritā kāntā māteva sarvasukhajananī/
saubhāgyābhyudayaśubhānkaroti jalasambhavā chāyā

asitajalakāntiḥ pāpagandho'timūḍho
malinaparuṣakāyaḥ śokasantāpataptaḥ/
sa (bhavati)vahati vadhadainyavyādhyanārthārthanāśān
vicarati pavanotthā yasya kāntiḥ śarīre

kamanadahanadīptiścaṇḍadaṇḍo'tihṛṣṭaḥ
praṇatasakalaśatrurvikramākrāntabhūmiḥ/
bhajati maṇisuvarṇaṃ sarvakāryārthasiddhiṃ
praśamitagadaśoko(gatakopo) vahnijāyāṃ prabhāyām

ādyāmbusiktavasudhāgarutulyagandhaḥ
susnigdhadantanakharomaśarīrakeśaḥ/
dharmārthatuṣṭisukhabhāgyajanasampriyaśca
cchāyā yadā bhavati bhūmikṛtā manuṣye

śītārto bahubhāṣako drutagatirnāvasthitaḥ kutracit
śūro matsaravānrujākararucirdaurbhāgyayukto'nayaḥ/
dantānkhādati(dantātkhādati) nātisauhṛdamatirgāndharvavettā kṛśo
mitrāṇāṃ samupārjane'ti samupārjane'tinipuṇaḥ svapne ca khe gacchati

apagatadhṛtirūkṣaśmaśrukeśaḥ kṛtaghnaḥ
(ghaṭita)sphuṭicaraṇahastaḥ krodhano naṣṭakāntiḥ/
vilapati ca(na nibandhaṃ) nibandho vittasaṃkṣārakārī(cittasaṃhārakārī)
bhavati puruṣa evaṃ mārutaikapradhānaḥ

durgandhī laghutāpano vipulaghīḥ kṣipraprasādaḥ punaḥ
pīno raktanakhākṣipāṇicaraṇo vṛddhākṛtirdāhavān/
medhāvī yudhi nirbhayo himarucirbrūte nigṛhyāparān
no bhītaḥ praṇayaṃ prayāti bahubhiḥ kuryānnatānāṃ priyam ‍

svapne'bhipaśyati suvarṇadineśadīpān dāvāgnikiṃśukajapāmaṇikarṇikārān/
raktābjaṣaṇḍarudhiraughaṭitsamūhān pittādhiko nigaditaḥ khalu lakṣaṇajñaiḥ

śrīmān śliṣṭāṅgasandhirdhṛtibalasahitaḥ snigdhakāntiḥ sudeho
grāmī sattvopapanno hatamurajaghanadhvānaghoṣaḥ sahiṣṇuḥ/
gauro raktāntanetro madhurarasarucirbaddhavairaḥ kṛtajñaḥ
kleśe ca syādakhinnaḥ sakalajanasuhṛtpūjako vā(no) guruṇām

suptastu paśyati samudranadīsarāṃsi
muktāphalapraharahaṃsasitābjaśaṅkhān/
nakṣatrakundakumudendutuṣārapātān
śleṣmādhiko munivaraiḥ kathitaḥ krameṇa

balarahitenduravibhyāṃ yuktairbhaumādibhirgrahairmiśrāḥ/
na bhavanti mahīpālā daśāsu teṣāṃ sutārthayutāḥ

na sthūloṣṭho na viṣamavapurnātiriktāṅgasandhi -
rmadhye kṣāmaḥ śaśadhararucirhastinādaḥ(hastimāraḥ) sugandhaḥ/
sandīptākṣaḥ samasitarado jānudeśāptapāṇi-
rmālavyo'yaṃ vilasati nṛpaḥ(vayaḥ) saptatirvatsarāṇām(saptatiṃ vatsarāṇām)

vaktraṃ trayodaśamitāni tathāṅgulāni(daśā)
dairghyeṇa (vivaraṃ)karṇa vivarāddaśavistareṇa/
mālavyasaṃjñamanujaḥ sa bhunakti nūnaṃ
lāṭānsamālavasasindhupāriyātrān

dīrghāsyaḥ svacchakāntirbahurucirabalaḥ sāhasāvāptakāryaṃ(dāpta)
ścārubhrūrnīlakaṃśaścaraṇaraṇarato mantraviccoranāthaḥ/
(maṇaḥ)raktaśyāmo'tiśūro ripubalamathanaḥ kambukaṇṭhaḥ pradhānaḥ
krūro bhartā narāṇāṃ dvijaguruvinataḥ kṣāmasajjānujaṅghaḥ

khaṭvāṅgapāśavṛṣakārmukavajravīṇārekhāṅkahastacaraṇaśca (kratvaṅgamālāṃghaṭhaiḥ)śatāṅgulaśca/
mantrābhicārakuśalastulayā sahasraṃ madhye ca tasya kathita mukhadairghyatulyam

vindhyācalasahyagirīn bhunakti saptatisamā nagaradeśān/
śastrānalakṛtamṛtyuḥ prayāti daivālayaṃ rucakaḥ

tanudvijāsyo drutagaḥ śaśo'gaḥ śaṭho'tiśūro nibhṛtapratāpaḥ/
vanādridurgeṣu nadīṣu saktaḥ kṛśodayī nātilaghuḥ prasiddhaḥ

senānātho nikhilanirato danturaścāpi kiṃcit
dhātorvāde bhavati nirataścañcalaḥ kośanetraḥ/
strīsaṃsaktaḥ paradhanagṛho mātṛbhaktaḥ sujaṅgho
madhye kṣamo bahuvidhamatī randhravedī pareṣām

paryaṅkuśaṅkhahariśastramṛdaṅgamālā-
vīṇopamā yadi kare caraṇe ca rekhāḥ/
varṣāṇi saptatimitāni karoti rājyaṃ
pratyantikaḥ kṣitipatiḥ kathito munīndraiḥ

raktāsyonnatanāsikaḥ sucaraṇo haṃsaḥ prasannendriyo
gauraḥ (ślakṣṇaḥ)pīnakapolaraktakarajo haṃsasvaraḥ śleṣmalaḥ(cakrāsi)/
śaṅkhābjāṅkuśadāmamatsyayugalaḥ(pīta) khaṭvāṅgacāpāṅgada-
ścihnaḥ pādakarāṅkito madhunibhe netre ca vṛttaṃ śiraḥ

salilāśayeṣu ramate strīṣu na tṛptiṃ prayāti kāmārtaḥ/
ṣoḍaśaśatāni tulito'ṅgulāni dairghyeṇa ṣaṇṇavatiḥ

pātīha deśānkhalu śūrasenāngānāragaṅgāyamanunāntarālān/
jīvedanū(jīvennavaghnāṃ daśa)nāṃ śatavarṣasaṃkhyāṃ paścādvanānte samupaiti nāśam

śārdūlapratimānano dvipagatiḥ pīnoruvakṣaḥsthalo
lambāpīnasuvṛttabāhuyugalastattulyamānocchrayaḥ/
kāmī komalasūkṣmaromanikaraiḥ saṃruddhagaṇḍasthalaḥ
prāyaḥ paṅkajagarbhapāṇicaraṇaḥ sattvādhiko yogavit

śaṅkhāsi (toraṇa)kuñjaragadākusumeṣuketucakrābjalāṅgalavicihnitapāṇipādaḥ/
patrāgurudvipamadaprathamāmbusiktabhūkuṅkumapratimagandhatanuḥ sughoṇaḥ

śāstrārtha viddhṛtiyutaḥ samasaṃgatabhrūrnāgopamo bhavati (cāti, cāpi)cātha nigūḍhaguhyaḥ/
satkukṣidharmanirataḥ sulalāṭaśaṅkho dhīraḥ sthirastvasitakuñca‍itakeśabhāraḥ

svatantraḥ sarvakāryeṣu svajana(svajanaṃ prati)prīṇana(kṣamī)kṣamaḥ/
bhujyate vibhavaścāsya nityaṃ (arthi mitra)mantrijanaiḥ paraiḥ

bhārastulāyāṃ tulito yadi syācchrī(kānyakubjādhipatiḥ) madhyadeśeṣvadhipastadāsau/
(hastyādimukhyai)yastryādipuṣṭaiḥ sahitaḥ sabhadraḥ sarvatra rājā śaradāmaśītiḥ

iti kalyāṇavarmaviracitāyāṃ sārāvalyāṃ pañcamahāpuruṣalakṣaṇaṃ nāma saptatriṃśo'dhyāyaḥ//
aṣṭatriṃśo'dhyāyaḥ
vistarato nirdiṣṭāḥ kṣitipatiyogā vicitrasaṃsthānāḥ/
bhaṅgaśca bhavati teṣāṃ yathā tathā sampravakṣyāmi

kujārkajīvārkibhiratra nīcairdvābhyāṃ tribhirvaikatame vilagne/
niśākare vṛścikarāśisaṃsthe viśīryate rājakaro hi yogaḥ

antyāṣṭāmādibhāge cararāśyādiṣu śaśo yadā kṣīṇaḥ/
ekenāpi na dṛṣṭo graheṇa bhaṅgastadā nṛpateḥ

sarve krūrāḥ kendre nīcārigatā na saumyayutadṛṣṭāḥ/
śubhadā vyayaripurandhre tadā'pi bhaṅgo bhavennṛpateḥ

lagnaṃ gaṇottamonaṃ na khecarairdṛśyate tadā bhaṅgaḥ/
bhavati hi nṛpayogānāṃ dāridryāya prajātasya

ghaṭodaye nīcagataistribhirgrahairbṛhaspatau sūryayute ca nīcage/
eko'pi nocce (tuśubhena)tvaśubhe ca saṅgate prayānti nāśaṃ śataśo nṛpodbhavāḥ

śūnyeṣu kendreṣu śubhairna vendāvastaṃ gatarnīcamatha prayātaiḥ/
caturgrahairvā'pi gṛhe ripūṇāṃ praṇaśyati kṣmādhipatestu yogaḥ

svāṃśe ravau śītakare vinaṣṭe pāpaiśca dṛṣṭe śubhadṛṣṭahone/
kṛtvā'pi rājyaṃ ca vane manuṣyaḥ paścātsuduḥkhaṃ labhate gatāśaḥ

śiśirakiraṇaśatrurla(lagnavaccandradṛṣṭaḥ lagnapa, saṅgatāḥ)gnagaścandradṛṣṭaḥ
sahajaripumadasthā bhānubhūputramandāḥ/
śubhavirahitakendraistagairvā'pi saumye-
rnṛpatijananayogā yānti nāśaṃ kṣaṇena

pañcabhirnimnagaiḥ kheṭairastaṃ yātairathāpi vā/
prayānti vilayaṃ yogā bhūbhujāṃ ye prakīrtitāḥ

ulkāyāḥ patane caiva nirghātavyatipātayoḥ/
ketośca darśane caiva yānti nāśaṃ nṛpodbhavāḥ

anyaiḥ krūrotpātaistriśaṅkutārā yadodayaṃ yānti/
sadyaḥ prayānti vilayaṃ nṛpayogā bhānujo yadi vilagne

kartāro nṛpatīnāṃ gaganatado yuddhakāṅkṣiṇo malināḥ/
rūkṣā jarjaradehā vighnaṃ janayanti rājayogasya

paranīcaṃ gate candre kṣīṇo yogo mahīpateḥ/
nāśamāyāti rājeva daivajñapratilomagaḥ

tulāyāṃ padminībandhusastriśāṃśe daśame sthitaḥ/
hanti rājyaṃ yathā lobhaḥ samastaguṇasañcayam

jūkasya daśame bhāge sthitaḥ kamalabodhanaḥ/
sahasraṃ rājayogānāṃ mandaseva karotyasau

svatrikoṇagṛhaṃ kecitsvoccaṃ yātāḥ svamandiram/
atinīce raviscaiko na teṣāṃ phalasaṃbhavaḥ

gururmṛge vilagnastho duḥkhaiḥ santāpayennaram/
kāmārtamadhanaṃ veśyā(yadvadi)vaśyamindurnaṃ cetsvabhe

ekenāpi śaśāṅko graheṇa kemadrume yadi na dṛṣṭaḥ/
vighnayati rājayogaṃ malinācāraḥ prasūtaḥ syāt

bhikṣāmaṭati tryādyairnīcarkṣagataiḥ suduḥkhito malinaḥ/
sakalamahībhṛtputraḥ paribhūto jāyate niḥsvaḥ

atyaribhavanaṃ prāptaiḥ pañcādibhirastagaiśca gaganacaraiḥ/
nāśaṃ prayāti rājā yadi ravicandrau na tuṅgasthau

sacivo dānadendrasya nīcāṃśe samavasthitaḥ/
saṃprāptamatulaṃ rājyaṃ narairhāpayate dhruvam

rājayogāḥ samākhyātāsteṣāṃ bhaṅgaśca dāruṇaḥ/
parīkṣya yatnataḥ prājñaḥ phalaṃ brūyādbalābalāt

(ho.ra 9 a. 378 pṛ./)kamalabhavanabandhuḥ kanyayāliṅga‍itāṅga-
stvalini kujasureḍyau candramā meṣasaṃsthaḥ/
na ca yadi pariśeṣardṛśyate syātsabhūpaḥ
pracalitagajemeghacchāditānāśānabho'bhraḥ

iti kalyāṇavarmaviracitāyāṃ sārāvalyāṃ rājayogabhaṃgo nāmāṣṭatriṃśo'dhyāyaḥ//
ekonacatvāriṃśo'dhyāyaḥ
asminnāyurdāye yasmādbhrāntraḥ samastaloko'yam/
tasmātpūrvāgamataḥ kathayāmi nirākulīkṛtya

(dra.vṛ.pā.43/31-32, jātakapaddhati ślo. 25)aṃśodbhavaṃ vilagnātpaiṇḍyaṃ bhānornisargajaṃ candrāt/
eteṣā yo balavānekatamastasya kalpayedāyuḥ

lagnadivākaracandrāstrayo'pi balariktatāṃ yadā yānti/
paramāyuṣaḥ svarāṃśaṃ dadati khagā jīvaśarmoktam

vilagnādikalā bhājyā vyomaśūnyayamaiḥ samāḥ/
labhyante'rka(hatāt, natāḥ)hatāḥ śeṣāḥ(śeṣaṃ) sva(nāma)mānaguṇi(tāḥsvakāḥ)tāṃśakāḥ(dra.vṛ.jā.7/10)

(vṛ.pā. 43/14-15, vṛ.jā.7/12)horā sarvabalopetā rāśitulyāni yacchati/
varṣāṇyanyāni māsādibhāgaistrairāśikātpunaḥ

(dra.vṛ.pā. 43/21. vṛ.jā.7/11)vargottame svabhavane svadreṣkāṇe navāṃśake/
dviguṇaṃ samprayacchanti triguṇaṃ vakratuṅgayoḥ

yadā tūpacayaḥ sarvaḥ svarāśyādisthi(sthite)tairgrahaiḥ(grahe)/
samastavargaṇā tatra kartavyā śāstracintakaiḥ

kendrādisaṃsthite kheṭe sakaladviguṇaikakām(gām, kāḥ)/
śaṃsantiṃ vagaṇāṃ kecinna(tacca nanu, tattu) ca cūḍāmaṇermatam

bahutāḍa(vargaṇa)nasamprātau yāṃ karotyekavargaṇām/
varāhamihirācāryaḥ sā na dṛṣṭā purātanaiḥ

ripurāśau tribhāgonāmardhonaṃ nimnagāstagāḥ/
dāyaṃ grahāḥ prayacchanti nāstagau sitabhānujau(dra.vṛ.pā.46/9 tathā vṛ.jā. 7/2)

sarvamardhaṃ tṛtīyāṃśaścaturthaḥ pañcamastathā/
ṣaṣṭhañcāṃśaḥ kṣayaṃ yāti nāṃśa bahuribherakagaiḥ

saumye cārdhamito yāti nāśaṃ bahubhirekagaiḥ/
eka eva balī hanti svāyuṣaḥ sarvadā grahaḥ(dra.vṛ.pā. 34/10-11 tathā vṛ.jā. 7/3)

ekonaviṃśatirbhānoḥ śaśinaḥ pañcaviṃśatiḥ/
tithayaḥ kṣitiputrasya dvādaśaiva budhasya tu

guroḥ pañcadaśābdāni śukrasyāpyekaviṃśatiḥ/
viṃśati raviputrasya piṇḍāyuḥ svoccasaṃsthiteḥ

svoccaśuddho(siddho) grahaḥ śodhyaḥ ṣaḍrāśyūno bhamaṇḍalāt/
svapiṇḍaguṇito bhakto (bhādi)rāśimānena vatsarāḥ