śanivajrapaṃjarakavacam · Chapter 1

śrīgaṇeśāya namaḥ
nīlāṃbaro nīlavapuḥ kirīṭī gṛdhasthitastrāsakaro dhanuṣmān/
caturbhujaḥ sūryasutaḥ prasannaḥ sadā mama syādvaradaḥ praśāntaḥ

brahmā uvāca// śruṇudhvamṛṣayaḥ sarve śanipīḍāharaṃ mahat/
kavacaṃ śanirājasya saureridamanuttamam

kavacaṃ devatāvāsa vajrapaṃjarasaṃjñakam /
śanaiścaraprītikaraṃ sarvasaubhāgyadāyakam

ॐ śiro śanaiścaraḥ pātu bhālaṃ me sūryanaṃdanaḥ /
netre chāyātmajaḥ pātu pātu karṇau yamānujaḥ

nāsāṃ vaivasvataḥ pātu mukhaṃ me bhāskaraḥ sadā /
snigdhakaṃṭhaśca me kaṃṭhaṃ bhujau pātu mahābhujaḥ

skaṃdhau pātu śaniścaiva karau pātu śubhapradaḥ /
vakṣaḥ pātu yamabhrātā kukṣiṃ pātvasitastathā

nābhiṃ grahapatiḥ pātu maṃdaḥ pātu kaṭiṃ tathā /
ūrū mamāṃtakaḥ pātu yamo jānuyugaṃ tathā

pādau maṃdagatiḥ pātu sarvāṃgaṃ pātu pippalaḥ/
aṅgopāṅgāni sarvāṇi rakṣen me sūryanaṃdanaḥ

ityetatkavacaṃ divyaṃ paṭhetsūryasutasya yaḥ/
na tasya jāyate pīḍā prīto bhavati sūryajaḥ

vyayajanmavditiyastho mṛtyusthānagato'pi vā /
kalatrastho gato vāpi suprītastu sadā śaniḥ

aṣṭamasthe sūryasute vyaye janmavditīyage /
kavacaṃ paṭhate nityaṃ na pīḍā jāyate kvacita

ityetatkavacaṃ divyaṃ saureryannirmitaṃ purā /
vdādaśāṣṭamajanmasthadoṣānnāśayate sadā /
janmalagnasthitān doṣān sarvānnāśayate prabhuḥ

// iti śrībrahmāṇḍapurāṇe brahmanāradasaṃvāde śanivajrapaṃjarakavacaṃ saṃpūrṇam //