શનિવજ્રપંજરકવચમ્ · અધ્યાય 1

શ્રીગણેશાય નમઃ
નીલાંબરો નીલવપુઃ કિરીટી ગૃધસ્થિતસ્ત્રાસકરો ધનુષ્માન્।
ચતુર્ભુજઃ સૂર્યસુતઃ પ્રસન્નઃ સદા મમ સ્યાદ્વરદઃ પ્રશાન્તઃ

બ્રહ્મા ઉવાચ॥ શ્રુણુધ્વમૃષયઃ સર્વે શનિપીડાહરં મહત્।
કવચં શનિરાજસ્ય સૌરેરિદમનુત્તમમ્

કવચં દેવતાવાસ વજ્રપંજરસંજ્ઞકમ્ ।
શનૈશ્ચરપ્રીતિકરં સર્વસૌભાગ્યદાયકમ્

ૐ શિરો શનૈશ્ચરઃ પાતુ ભાલં મે સૂર્યનંદનઃ ।
નેત્રે છાયાત્મજઃ પાતુ પાતુ કર્ણૌ યમાનુજઃ

નાસાં વૈવસ્વતઃ પાતુ મુખં મે ભાસ્કરઃ સદા ।
સ્નિગ્ધકંઠશ્ચ મે કંઠં ભુજૌ પાતુ મહાભુજઃ

સ્કંધૌ પાતુ શનિશ્ચૈવ કરૌ પાતુ શુભપ્રદઃ ।
વક્ષઃ પાતુ યમભ્રાતા કુક્ષિં પાત્વસિતસ્તથા

નાભિં ગ્રહપતિઃ પાતુ મંદઃ પાતુ કટિં તથા ।
ઊરૂ મમાંતકઃ પાતુ યમો જાનુયુગં તથા

પાદૌ મંદગતિઃ પાતુ સર્વાંગં પાતુ પિપ્પલઃ।
અઙ્ગોપાઙ્ગાનિ સર્વાણિ રક્ષેન્ મે સૂર્યનંદનઃ

ઇત્યેતત્કવચં દિવ્યં પઠેત્સૂર્યસુતસ્ય યઃ।
ન તસ્ય જાયતે પીડા પ્રીતો ભવતિ સૂર્યજઃ

વ્યયજન્મવ્દિતિયસ્થો મૃત્યુસ્થાનગતોઽપિ વા ।
કલત્રસ્થો ગતો વાપિ સુપ્રીતસ્તુ સદા શનિઃ

અષ્ટમસ્થે સૂર્યસુતે વ્યયે જન્મવ્દિતીયગે ।
કવચં પઠતે નિત્યં ન પીડા જાયતે ક્વચિત

ઇત્યેતત્કવચં દિવ્યં સૌરેર્યન્નિર્મિતં પુરા ।
વ્દાદશાષ્ટમજન્મસ્થદોષાન્નાશયતે સદા ।
જન્મલગ્નસ્થિતાન્ દોષાન્ સર્વાન્નાશયતે પ્રભુઃ

॥ ઇતિ શ્રીબ્રહ્માણ્ડપુરાણે બ્રહ્મનારદસંવાદે શનિવજ્રપંજરકવચં સંપૂર્ણમ્ ॥