Sama Veda · Part 6180

4 5 1 03 03c gṛṇānā devavītaye .. 1189
4 5 1 03 04a uta no vājasātaye pavasva bṛhatīriṣaḥ .
4 5 1 03 04c dyumadindo suvīryam .. 1190
4 5 1 03 05a atyā hiyānā na hetṛbhirasṛgraṃ vājasātaye .
4 5 1 03 05c vi vāramavyamāśavaḥ .. 1191
4 5 1 03 06a te naḥ sahasriṇaṃ rayiṃ pavantāmā suvīryam .
4 5 1 03 06c suvānā devāsa indavaḥ .. 1192
4 5 1 03 07a vāśrā arṣantīndavo 'bhi vatsaṃ na mātaraḥ .
4 5 1 03 07c dadhanvire gabhastyoḥ .. 1193
4 5 1 03 08a juṣṭa indrāya matsaraḥ pavamāna kanikradat .
4 5 1 03 08c viśvā apa dviṣo jahi .. 1194
4 5 1 03 09a apaghnanto arāvṇaḥ pavamānāḥ svardṛśaḥ .
4 5 1 03 09c yonāvṛtasya sīdata .. 1195
4 5 1 04 01a somā asṛgramindavaḥ sutā ṛtasya dhārayā .
4 5 1 04 01c indrāya madhumattamāḥ .. 1196
4 5 1 04 02a abhi viprā anūṣata gāvo vatsaṃ na dhenavaḥ .
4 5 1 04 02c indraṃ somasya pītaye .. 1197
4 5 1 04 03a madacyutkṣeti sādane sindhorūrmā vipaścit .
4 5 1 04 03c somo gaurī adhi śritaḥ .. 1198
4 5 1 04 04a divo nābhā vicakṣaṇo 'vyo vāre mahīyate .
4 5 1 04 04c somo yaḥ sukratuḥ kaviḥ .. 1199
4 5 1 04 05a yaḥ somaḥ kalaśeṣvā antaḥ pavitra āhitaḥ .
4 5 1 04 05c taminduḥ pari ṣasvaje .. 1200
4 5 1 04 06a pra vācaminduriṣyati samudrasyādhi viṣṭapi .
4 5 1 04 06c jinvankośaṃ madhuścutam .. 1201
4 5 1 04 07a nityastotro vanaspatirdhenāmantaḥ sabardughām .
4 5 1 04 07c hinvāno mānuṣā yujā .. 1202
4 5 1 04 08a ā pavamāna dhāraya rayiṃ sahasravarcasam .
4 5 1 04 08c asme indo svābhuvam .. 1203
4 5 1 04 09a abhi priyā divaḥ kavirvipraḥ sa dhārayā sutaḥ .
4 5 1 04 09c somo hinve parāvati .. 1204
4 5 1 05 01a utte śuṣmāsa īrate sindhorūrmeriva svanaḥ .
4 5 1 05 01c vāṇasya codayā pavim .. 1205
4 5 1 05 02a prasave ta udīrate tisro vāco makhasyuvaḥ .
4 5 1 05 02c yadavya eṣi sānavi .. 1206
4 5 1 05 03a avyā vāraiḥ pari priyaṃ hariṃ hinvantyadribhiḥ .
4 5 1 05 03c pavamānaṃ madhuścutam .. 1207
4 5 1 05 04a ā pavasva madintama pavitraṃ dhārayā kave .
4 5 1 05 04c arkasya yonimāsadam .. 1208
4 5 1 05 05a sa pavasva madintama gobhirañjāno aktubhiḥ .

4 5 1 05 05c endrasya jaṭharaṃ viśa .. 1209
4 5 1 06 01a ayā vītī pari srava yasta indo madeṣvā .
4 5 1 06 01c avāhannavatīrnava .. 1210
4 5 1 06 02a puraḥ sadya itthādhiye divodāsāya śaṃbaram .
4 5 1 06 02c adha tyaṃ turvaśaṃ yadum .. 121clsdir
4 5 1 06 03a pari no aśvamaśvavidgomadindo hiraṇyavat .
4 5 1 06 03c kṣarā sahasriṇīriṣaḥ .. 1212
4 5 1 07 01a apaghnanpavate mṛdho 'pa somo arāvṇaḥ .
4 5 1 07 01c gacchannindrasya niṣkṛtam .. 1213
4 5 1 07 02a maho no rāya ā bhara pavamāna jahī mṛdhaḥ .
4 5 1 07 02c rāsvendo vīravadyaśaḥ .. 1214
4 5 1 07 03a na tvā śataṃ ca na hruto rādho ditsantamā minan .
4 5 1 07 03c yatpunāno makhasyase .. 1215
4 5 1 08 01a ayā pavasva dhārayā yayā sūryamarocayaḥ .
4 5 1 08 01c hinvāno mānuṣīrapaḥ .. 1216
4 5 1 08 02a ayukta sūra etaśaṃ pavamāno manāvadhi .
4 5 1 08 02c antarikṣeṇa yātave .. 1217
4 5 1 08 03a uta tyā harito rathe sūro ayukta yātave .
4 5 1 08 03c indurindra iti bruvan .. 1218
4 5 1 09 01a agniṃ vo devamagnibhiḥ sajoṣā yajiṣṭhaṃ dūtamadhvare kṛṇudhvam .
4 5 1 09 01c yo martyeṣu nidhruvirṛtāvā tapurmūrdhā ghṛtānnaḥ pāvakaḥ .. 1219
4 5 1 09 02a prothadaśvo na yavase 'viṣyanyadā mahaḥ saṃvaraṇādvyasthāt .
4 5 1 09 02c ādasya vāto anu vāti śociradha sma te vrajanaṃ kṛṣṇamasti .. 1220
4 5 1 09 03a udyasya te navajātasya vṛṣṇo 'gne carantyajarā idhānāḥ .
4 5 1 09 03c acchā dyāmaruṣo dhūma eṣi saṃ dūto agna īyase hi devān .. 1221
4 5 1 10 01a tamindraṃ vājayāmasi mahe vṛtrāya hantave .
4 5 1 10 01c sa vṛṣā vṛṣabho bhuvat .. 1222
4 5 1 10 02a indraḥ sa dāmane kṛta ojiṣṭhaḥ sa bale hitaḥ .
4 5 1 10 02c dyumnī ślokī sa somyaḥ .. 1223
4 5 1 10 03a girā vajro na sambhṛtaḥ sabalo anapacyutaḥ .
4 5 1 10 03c vavakṣa ugro astṛtaḥ .. 1224
4 5 1 11 01a adhvaryo adribhiḥ sutaṃ somaṃ pavitra ā naya .
4 5 1 11 01c punāhīndrāya pātave .. 1225
4 5 1 11 02a tava tya indo andhaso devā madhorvyāśata .
4 5 1 11 02c pavamānasya marutaḥ .. 1226
4 5 1 11 03a divaḥ pīyūṣamuttamaṃ somamindrāya vajriṇe .
4 5 1 11 03c sunotā madhumattamam .. 1227
4 5 1 12 01a dharttā divaḥ pavate kṛtvyo raso dakṣo devānāmanumādyo nṛbhiḥ .
4 5 1 12 01c hariḥ sṛjāno atyo na satvabhirvṛthā pājāṃsi kṛṇuṣe nadīṣvā .. 1228
4 5 1 12 02a śūro na dhatta āyudhā gabhastyoḥ svā3ḥ siṣāsanrathiro gaviṣṭiṣu .

4 5 1 12 02c indrasya śuṣmamīrayannapasyubhirindurhinvāno ajyate manīṣibhiḥ .. 1229
4 5 1 12 03a indrasya soma pavamāna ūrmiṇā taviṣyamāṇo jaṭhareṣvā viśa .
4 5 1 12 03c pra naḥ pinva vidyudabhreva rodasī dhiyā no vājāṃ upa māhi śaśvataḥ .. 1230
4 5 1 13 01a yadindra prāgapāgudaṅnyagvā hūyase nṛbhiḥ .
4 5 1 13 01c simā purū nṛṣūto asyānave 'si praśardha turvaśe .. 1231
4 5 1 13 02a yadvā rume ruśame śyāvake kṛpa indra mādayase sacā .
4 5 1 13 02c kaṇvāsastvā stomebhirbrahmavāhasa indrā yacchantyā gahi .. 1232
4 5 1 14 01a ubhayaṃ śṛṇavacca na indro arvāgidaṃ vacaḥ .
4 5 1 14 01c satrācyā maghavāntsomapītaye dhiyā śaviṣṭha ā gamat .. 1233
4 5 1 14 02a taṃ hi svarājaṃ vṛṣabhaṃ tamojasā dhiṣaṇe niṣṭatakṣatuḥ .
4 5 1 14 02c utopamānāṃ prathamo ni ṣīdasi somakāmaṃ hi te manaḥ .. 1234
4 5 1 15 01a pavasva deva āyuṣagindraṃ gacchatu te madaḥ .
4 5 1 15 01c vāyumā roha dharmaṇā .. 1235
4 5 1 15 02a pavamāna ni tośase rayiṃ soma śravāyyam .
4 5 1 15 02c indo samudramā viśa .. 1236
4 5 1 15 03a apaghnanpavase mṛdhaḥ kratuvitsoma matsaraḥ .
4 5 1 15 03c nudasvādevayuṃ janam .. 1237
4 5 1 16 01a abhī no vājasātamaṃ rayimarṣa śataspṛham .
4 5 1 16 01c indo sahasrabharṇasaṃ tuvidyumnaṃ vibhāsaham .. 1238
4 5 1 16 02a vayaṃ te asya rādhaso vasorvaso puruspṛhaḥ .
4 5 1 16 02c ni nediṣṭhatamā iṣaḥ syāma sumne te ādhrigo .. 1239
4 5 1 16 03a pari sya svāno akṣaridinduravye madacyutaḥ .
4 5 1 16 03c dhārā ya ūrdhvo adhvare bhrājā na yāti gavyayuḥ .. 1240
4 5 1 16 04a pavasva soma mahāntsamudraḥ pitā devānāṃ viśvābhi dhāma .. 1241
4 5 1 16 05a śukraḥ pavasva devebhyaḥ soma dive pṛthivyai śaṃ ca prajābhyaḥ .. 1242
4 5 1 16 06a divo dharttāsi śukraḥ pīyūṣaḥ satye vidharmanvājī pavasva .. 1243
4 5 1 18 01a preṣṭhaṃ vo atirthiṃ stuṣe mitramiva priyam .
4 5 1 18 01c agne rathaṃ na vedyam .. 1244
4 5 1 18 02a kavimiva praśaṃsyaṃ yaṃ devāsa iti dvitā .
4 5 1 18 02c ni martyeṣvādadhuḥ .. 1245
4 5 1 18 03a tvaṃ yaviṣṭha dāśuṣo nR^īṃpāhi śṛṇuhī giraḥ .
4 5 1 18 03c rakṣā tokamuta tmanā .. 1246
4 5 1 19 01a endra no gadhi priya satrājidagohya .
4 5 1 19 01c girirna viśvataḥ pṛthuḥ patirdivaḥ .. 1247
4 5 1 19 02a abhi hi satya somapā ubhe babhūtha rodasī .
4 5 1 19 02c indrāsi sunvato vṛdhaḥ patirdivaḥ .. 1248
4 5 1 19 03a tvaṃ hi śaśvatīnāmindra dharttā purāmasi .
4 5 1 19 03c hantā dasyormanorvṛdhaḥ patirdivaḥ .. 1249
4 5 1 20 01a purāṃ bhinduryuvā kaviramitaujā ajāyata .
4 5 1 20 01c indro viśvasya karmaṇo dharttā vajrī puruṣṭutaḥ .. 1250

4 5 1 20 02a tvaṃ valasya gomato 'pāvaradrivo bilam .
4 5 1 20 02c tvāṃ devā abibhyuṣastujyamānāsa āviṣuḥ .. 1251
4 5 1 20 03a indramīśānamojasābhi stomairanūṣata .
4 5 1 20 03c sahasraṃ yasya rātaya uta vā santi bhūyasīḥ .. 1252
pañcama prapāṭhakaḥ . dvitīyo 'rdhaḥ
4 5 2 01 01a akrāntsamudraḥ prathame vidharmaṃ janayanprajā bhuvanasya gopāḥ .
4 5 2 01 01c vṛṣā pavitre adhi sāno avye bṛhatsomo vāvṛdhe svāno adriḥ .. 1253
4 5 2 01 02a matsi vāyumiṣṭaye rādhase ca matsi mitrāvaruṇā pūyamānaḥ .
4 5 2 01 02c matsi śardho mārutaṃ matsi devānmatsi dyāvāpṛthivī deva soma .. 1254
4 5 2 01 03a mahattatsomo mahiṣaścakārāpāṃ yadgarbho 'vṛṇīta devān .
4 5 2 01 03c adadhādindre pavamāna ojo 'janayatsūrye jyotirinduḥ .. 1255
4 5 2 02 01a eṣa devo amartyaḥ parṇavīriva dīyate .
4 5 2 02 01c abhi droṇānyāsadam .. 1256
4 5 2 02 02a eṣa viprairabhiṣṭuto 'po devo vi gāhate .
4 5 2 02 02c dadhadratnāni dāśuṣe .. 1257
4 5 2 02 03a eṣa viśvāni vāryā śūro yanniva satvabhiḥ .
4 5 2 02 03c pavamānaḥ siṣāsati .. 1258
4 5 2 02 04a eṣa devo ratharyati pavamāno diśasyati .
4 5 2 02 04c āviṣkṛṇoti vagvanum .. 1259
4 5 2 02 05a eṣa devo vipanyubhiḥ pavamāna ṛtāyubhiḥ .
4 5 2 02 05c harirvājāya mṛjyate .. 1260
4 5 2 02 06a eṣa devo vipā kṛto 'ti hvarāṃsi dhāvati .
4 5 2 02 06c pavamāno adābhyaḥ .. 1261
4 5 2 02 07a eṣa divaṃ vi dhāvati tiro rajāṃsi dhārayā .
4 5 2 02 07c pavamānaḥ kanikradat .. 1262
4 5 2 02 08a eṣa divaṃ vyāsarattiro rajāṃsyaspṛtaḥ .
4 5 2 02 08c pavamānaḥ svadhvaraḥ .. 1263
4 5 2 02 09a eṣa pratnena janmanā devo devebhyaḥ sutaḥ .
4 5 2 02 09c hariḥ pavitre arṣati .. 1264
4 5 2 02 10a eṣa u sya puruvrato jajñāno janayanniṣaḥ .
4 5 2 02 10c dhārayā pavate sutaḥ .. 1265
4 5 2 03 01a eṣa dhiyā yātyaṇvya śūro rathebhirāśubhiḥ .
4 5 2 03 01c gacchannindrasya niṣkṛtam .. 1266
4 5 2 03 02a eṣa purū dhiyāyate bṛhate devatātaye .
4 5 2 03 02c yatrāmṛtāsa āśata .. 1267
4 5 2 03 03a etaṃ mṛjanti marjyamupa droṇeṣvāyavaḥ .
4 5 2 03 03c pracakrāṇaṃ mahīriṣaḥ .. 1268
4 5 2 03 04a eṣa hito vi nīyate 'ntaḥ śundhyāvatā pathā .
4 5 2 03 04c yadī tuñjanti bhūrṇayaḥ .. 1269
4 5 2 03 05a eṣa rukmibhirīyate vāji śubhrebhiraṃśubhiḥ .

4 5 2 03 05c patiḥ sindhūnāṃ bhavan .. 1270
4 5 2 03 06a eṣa śṛṅgāṇi dodhuvacchiśīte yūthyo3 vṛṣā .
4 5 2 03 06c nṛmṇā dadhāna ojasā .. 1271
4 5 2 03 07a eṣa vasūni pibdanaḥ paruṣā yayivāṃ ati .
4 5 2 03 07c ava śādeṣu gacchati .. 1272
4 5 2 03 08a etamu tyaṃ daśa kṣipo hariṃ hivanti yātave .
4 5 2 03 08c svāyudhaṃ madintamam .. 1273
4 5 2 04 01a eṣa u sya vṛṣā ratho 'vyā vārebhiravyata .
4 5 2 04 01c gacchanvājaṃ sahasriṇam .. 1274
4 5 2 04 02a etaṃ tritasya yoṣaṇo hariṃ hinvantyadribhiḥ .
4 5 2 04 02c indumindrāya pītaye .. 1275
4 5 2 04 03a eṣa sya mānuṣīṣvā śyeno na vikṣu sīdati .
4 5 2 04 03c gacchaṃ jāro na yoṣitam .. 1276
4 5 2 04 04a eṣa sya madyo raso 'va caṣṭe divaḥ śiśuḥ .
4 5 2 04 04c ya indurvāramāviśat .. 1277
4 5 2 04 05a eṣa sya pītaye suto harirarṣati dharṇasiḥ .
4 5 2 04 05c krandanyonimabhi priyam .. 1278
4 5 2 04 06a etaṃ tyaṃ harito daśa marmṛjyante apasyuvaḥ .
4 5 2 04 06c yābhirmadāya śumbhate .. 1279
4 5 2 05 01a eṣa vājī hito nṛbhirviśvavinmanasaspatiḥ .
4 5 2 05 01c avyo vāraṃ vi dhāvati .. 1280
4 5 2 05 02a eṣa pavitre akṣaratsomo devebhyaḥ sutaḥ .
4 5 2 05 02c viśvā dhāmānyāviśan .. 1281
4 5 2 06 03a eṣa devaḥ śubhāyate 'dhi yonāvamartyaḥ .
4 5 2 06 03c vṛtrahā devavītamaḥ .. 1282
4 5 2 07 04a eṣa vṛṣā kanikradaddaśabhirjāmibhiryataḥ .
4 5 2 07 04c abhi droṇāni dhāvati .. 1283
4 5 2 08 05a eṣa sūryamarocayatpavamāno adhi dyavi .
4 5 2 08 05c pavitre matsaro madaḥ .. 1284
4 5 2 09 06a eṣa sūryeṇa hāsate saṃvasāno vivasvatā .
4 5 2 09 06c patirvāco adābhyaḥ .. 1285
4 5 2 06 01a eṣa kavirabhiṣṭutaḥ pavitre adhi tośate .
4 5 2 06 01c punāno ghnannapa dviṣaḥ .. 1286
4 5 2 06 02a eṣa indrāya vāyave svarjitpari ṣicyate .
4 5 2 06 02c pavitre dakṣasādhanaḥ .. 1287
4 5 2 06 03a eṣa nṛbhirvi nīyate divo mūrdhā vṛṣā sutaḥ .
4 5 2 06 03c somo vaneṣu viśvavit .. 1288
4 5 2 06 04a eṣa gavyuracikradatpavamāno hiraṇyayuḥ .
4 5 2 06 04c induḥ satrājidastṛtaḥ .. 1289
4 5 2 06 05a eṣa śuṣmyasiṣyadadantarikṣe vṛṣā hariḥ .

4 5 2 06 05c punāna indurindramā .. 1290
4 5 2 06 06a eṣa śuṣmyadābhyaḥ somaḥ punāno arṣati .
4 5 2 06 06c devāvīraghaśaṃsahā .. 1291
4 5 2 07 01a sa sutaḥ pītaye vṛṣā somaḥ pavitre arṣati .
4 5 2 07 01c vighnanrakṣāṃsi devayuḥ .. 1292
4 5 2 07 02a sa pavitre vicakṣaṇo harirarṣati dharṇasiḥ .
4 5 2 07 02c abhi yoniṃ kanikradat .. 1293
4 5 2 07 03a sa vājī rocanā divaḥ pavamāno vi dhāvati .
4 5 2 07 03c rakṣohā vāramavyayam .. 1294
4 5 2 07 04a sa tritasyādhi sānavi pavamāno arocayat .
4 5 2 07 04c jāmibhiḥ sūryaṃ saha .. 1295
4 5 2 07 05a sa vṛtrahā vṛṣā suto varivovidadābhyaḥ .
4 5 2 07 05c somo vājamivāsarat .. 1296
4 5 2 07 06a sa devaḥ kavineṣito3 'bhi droṇāni dhāvati .
4 5 2 07 06c indurindrāya maṃhayan .. 1297
4 5 2 08 01a yaḥ pāvamānīradhyetyṛṣibhiḥ sambhṛtaṃ rasam .
4 5 2 08 01c sarvaṃ sa pūtamaśnāti svaditaṃ mātariśvanā .. 1298
4 5 2 08 02a pāvamānīryo adhyetyṛṣibhiḥ sambhṛtaṃ rasam .
4 5 2 08 02c tasmai sarasvatī duhe kṣīraṃ sarpirmadhūdakam .. 1299
4 5 2 08 03a pāvamānīḥ svastyayanīḥ sudughā hi ghṛtaścutaḥ .
4 5 2 08 03c ṛṣibhiḥ saṃbhṛto raso brāhmaṇeṣvamṛtaṃ hitam .. 1300
4 5 2 08 04a pāvamānīrdadhantu na imaṃ lokamatho amum .
4 5 2 08 04c kāmāntsamardhayantu no devīrdevaiḥ samāhṛtāḥ .. 1301
4 5 2 08 05a yena devāḥ pavitreṇātmānaṃ punate sadā .
4 5 2 08 05c tena sahasradhāreṇa pāvamānīḥ punantu naḥ .. 1302
4 5 2 08 06a pāvamānīḥ svastyayanīstābhirgacchati nāndanam .
4 5 2 08 06c puṇyāṃśca bhakṣānbhakṣayatyamṛtatvaṃ ca gacchati .. 1303
4 5 2 09 01a aganma mahā namasā yaviṣṭhaṃ yo dīdāya samiddhaḥ sve duroṇe .
4 5 2 09 01c citrabhānuṃ rodasī antarurvī svāhutaṃ viśvataḥ pratyañcam .. 1304
4 5 2 09 02a sa mahnā viśvā duritāni sāhvānagni ṣṭave dama ā jātavedāḥ .
4 5 2 09 02c sa no rakṣiṣadduritādavadyādasmāngṛṇata uta no maghonaḥ .. 1305
4 5 2 09 03a tvaṃ varuṇa uta mitro agne tvāṃ vardhanti matibhirvasiṣṭhāḥ .
4 5 2 09 03c tve vasu suṣaṇanāni santu yūyaṃ pāta svastibhiḥ sadā naḥ .. 1306
4 5 2 10 01a mahāṃ indro ya ojasā parjanyo vṛṣṭimāṃ iva .
4 5 2 10 01c stomairvatsasya vāvṛdhe .. 1307
4 5 2 10 01a kaṇvā indraṃ yadakrata stomairyajñasya sādhanam .
4 5 2 10 01c jāmi bruvata āyudhā .. 1308
4 5 2 10 01a prajāmṛtasya piprataḥ pra yadbharanta vahnayaḥ .
4 5 2 10 01c viprā ṛtasya vāhasā .. 1309
4 5 2 11 01a pavamānasya jighnato hareścandrā asṛkṣata .

4 5 2 11 01c jīrā ajiraśociṣaḥ .. 1310
4 5 2 11 02a pavamāno rathītamaḥ śubhrebhiḥ śubhraśastamaḥ .
4 5 2 11 02c hariścandro marudgaṇaḥ .. 1311
4 5 2 11 03a pavamān vyaśnuhi raśmibhirvājasātamaḥ .
4 5 2 11 03c dadhatstotre suvīryam .. 1312
4 5 2 12 01a parīto ṣiñcatā sutaṃ somo ya uttamaṃ haviḥ .
4 5 2 12 01c dadhanvāṃ yo naryo apsvā3ntarā suṣāva somamadribhiḥ .. 1313
4 5 2 12 02a nūnaṃ punāno 'vibhiḥ pari sravādabdhaḥ surabhintaraḥ .
4 5 2 12 02c sute citvāpsu madāmo andhasā śrīṇanto gobhiruttaram .. 1314
4 5 2 12 03a pari svānaścakṣase devamādanaḥ kraturindurvicakṣaṇaḥ .. 1315
4 5 2 13 01a asāvi somo aruṣo vṛṣā harī rājeva dasmo abhi gā acikradat .
4 5 2 13 01c punāno vāramatyeṣyavyayaṃ śyeno na yoniṃ ghṛtavantamāsadat .. 1316
4 5 2 13 02a parjanyaḥ pitā mahiṣasya parṇino nābhā pṛthivyā giriṣu kṣayaṃ dadhe .
4 5 2 13 02c svasāra āpo abhi gā udāsarantsaṃ grāvabhirvasate vīte adhvare .. 1317
4 5 2 13 03a kavirvedhasyā paryeṣi māhinamatyo na mṛṣṭo abhi vājamarṣasi .
4 5 2 13 03c apasedhanduritā soma no mṛḍa ghṛtā vasānaḥ pari yāsi nirṇijam .. 1318
4 5 2 14 01a śrāyanta iva sūryaṃ viśvedindrasya bhakṣata .
4 5 2 14 01c vasūni jāto janimānyojasā prati bhāgaṃ na dīdhimaḥ .. 1319
4 5 2 14 02a alarṣirātiṃ vasudāmupa stuhi bhadrā indrasya rātayaḥ .
4 5 2 14 02c yo asya kāmaṃ vidhato na roṣati mano dānāya codayan .. 1320
4 5 2 15 01a yata indra bhayāmahe tato no abhyaṃ kṛdhi .
4 5 2 15 01c maghavanchagdhi tava tanna ūtaye vi dviṣo vi mṛdho jahi .. 1321
4 5 2 15 02a tvaṃ hi rādhaspate rādhaso mahaḥ kṣayasyāsi vidhrattā .
4 5 2 15 02c taṃ tvā vayaṃ maghavannindra girvaṇaḥ sutāvanto havāmahe .. 1322
4 5 2 16 01a tvaṃ somāsi dhārayurmandra ojiṣṭho adhvare .
4 5 2 16 01c pavasva maṃhayadrayiḥ .. 1323
4 5 2 16 02a tvaṃ suto madintamo dadhanvānmatsarintamaḥ .
4 5 2 16 02c induḥ satrājidastṛtaḥ .. 1324
4 5 2 16 03a tvaṃ suṣvāṇo adribhirabhyarṣa kanikradat .
4 5 2 16 03c dyumantaṃ śuṣmā bhara .. 1325
4 5 2 17 01a pavasva devavītaya indo dhārābhirojasā .
4 5 2 17 01c ā kalaśaṃ madhumāntsoma naḥ sadaḥ .. 1326
4 5 2 17 02a tava drapsā udapruta indraṃ madāya vāvṛdhuḥ .
4 5 2 17 02c tvāṃ devāso amṛtāya kaṃ papuḥ .. 1327
4 5 2 17 03a ā naḥ sutāsa indavaḥ punānā dhāvatā rayim .
4 5 2 17 03c vṛṣṭidyāvo rītyāpaḥ svarvidaḥ .. 1328
4 5 2 18 01a pari tyaṃ haryataṃ hariṃ babhruṃ punanti vāreṇa .
4 5 2 18 01c yo devānviśvāṃ itpari madena saha gacchati .. 1329
4 5 2 18 02a dviryaṃ pañca svayaśasaṃ sakhāyo adrisaṃhatam .
4 5 2 18 02c priyamindrasya kāmyaṃ prasnāpayanta ūrmayaḥ .. 1330

4 5 2 18 03a indrāya soma pātave vṛtraghne pari ṣicyase .
4 5 2 18 03c nare ca dakṣiṇāvate vīrāya sadanāsade .. 1331
4 5 2 19 01a pavasva soma mahe dakṣāyāśvo na nikto vājī dhanāya .. 1332
4 5 2 19 02a pra te sotāro rasaṃ madāya punanti somaṃ mahe dyumnāya .. 1333
4 5 2 19 03a śiśuṃ jajñānaṃ hariṃ mṛjanti pavitre somaṃ devebhya indum .. 1334
4 5 2 20 01a uṣo ṣu jātamapturaṃ gobhirbhaṅgaṃ pariṣkṛtam .
4 5 2 20 01c induṃ devā ayāsiṣuḥ .. 1335
4 5 2 20 02a tamidvardhantu no giro vatsaṃ saṃśiśvarīriva .
4 5 2 20 02c ya indrasya hṛdaṃsaniḥ .. 1336
4 5 2 20 03a arṣā naḥ soma śaṃ gave dhukṣasva pipyuṣīmiṣam .
4 5 2 20 03c vardhā samudramukthyam .. 1337
4 5 2 21 01a ā ghā ye agnimindhate stṛṇanti barhirānuṣak .
4 5 2 21 01c yeṣāmindro yuvā sakhā .. 1338
4 5 2 21 02a bṛhannididhma eṣāṃ bhūri śastraṃ pṛthuḥ svaruḥ .
4 5 2 21 02c yeṣāmindro yuvā sakhā .. 1339
4 5 2 21 03a ayuddha idyudhā vṛtaṃ śūra ājati satvabhiḥ .
4 5 2 21 03c yeṣāmindro yuvā sakhā .. 1340
4 5 2 22 01a ya eka idvidayate vasu marttāya dāśuṣe .
4 5 2 22 01c īśāno apratiṣkuta indro aṅga .. 1341
4 5 2 22 02a yaściddhi tvā bahubhya ā sutāvāṃ āvivāsati .
4 5 2 22 02c ugraṃ tatpatyate śava indro aṅga .. 1342
4 5 2 22 03a kadā marttamarādhasaṃ padā kṣumpamiva sphurat .
4 5 2 22 03c kadā naḥ śuśravadgira indro aṅga .. 1343
4 5 2 23 01a gāyanti tvā gāyatriṇo 'rcantyarkamarkiṇaḥ .
4 5 2 23 01c brahmāṇastvā śatakrata udvaṃśamiva yemire .. 1344
4 5 2 23 02a yatsānoḥ sānvāruho bhūryaspaṣṭa karttvam .
4 5 2 23 02c tadindro arthaṃ cetati yūthena vṛṣṇirejati .. 1345
4 5 2 23 03a yuṅkṣvā hi keśinā harī vṛṣaṇā kakṣyaprā .
4 5 2 23 03c athā na indra somapā girāmupaśrutiṃ cara .. 1346
ṣaṣṭha prapāṭhakaḥ . prathamo 'rdhaḥ
4 6 1 01 01a suṣamiddho na ā vaha devāṃ agne haviṣmate .
4 6 1 01 01c hotaḥ pāvaka yakṣi ca .. 1347
4 6 1 01 02a madhumantaṃ tanūnapādyajñaṃ deveṣu naḥ kave .
4 6 1 01 02c adyā kṛṇuyhūtaye .. 1348
4 6 1 01 03a narāśaṃsamiha priyamasminyajña upa hvaye .
4 6 1 01 03c madhujihvaṃ haviṣkṛtam .. 1349
4 6 1 01 04a agne sukhatame rathe devāṃ īḍita ā vaha .
4 6 1 01 04c asi hotā manurhitaḥ .. 1350
4 6 1 02 01a yadadya sūra udite 'nāgā mitro aryamā .
4 6 1 02 01c suvāti savitā bhagaḥ .. 1351

4 6 1 02 02a suprāvīrastu sa kṣayaḥ pra nu yāmantsudānavaḥ .
4 6 1 02 02c ye no aṃho 'tipiprati .. 1352
4 6 1 02 03a uta svarājo aditiradabdhasya vratasya ye .
4 6 1 02 03c maho rājāna īśate .. 1353
4 6 1 03 01a u tvā mandantu somāḥ kṛṇuṣva rādho adrivaḥ .
4 6 1 03 01c ava brahmadviṣo jahi .. 1354
4 6 1 03 02a padā paṇīnarādhaso ni bādhasva mahāṃ asi .
4 6 1 03 02c na hi tvā kaśca na prati .. 1355
4 6 1 03 03a tvamīśiṣe sutānāmindra tvamasutānām .
4 6 1 03 03c tvaṃ rājā janānām .. 1356
4 6 1 04 01a ā jāgṛvirvipra ṛtāṃ matīnāṃ somaḥ punāno asadaccamūṣu .
4 6 1 04 01c sapanti yaṃ mithunāso nikāmā adhvaryavo rathirāsaḥ suhastāḥ .. 1357
4 6 1 04 02a sa punāna upa sūre dadhāna obe aprā rodasī vi ṣa āvaḥ .
4 6 1 04 02c priyā cidyasya priyasāsa ūtī sato dhanaṃ kāriṇe na pra yaṃsat .. 1358
4 6 1 04 03a sa vardhitā vardhanaḥ pūyamānaḥ somo mīḍhvāṃ abhi no jyotiṣāvīt .
4 6 1 04 03c yatra naḥ pūrve pitaraḥ padajñāḥ svarvido abhi gā adrimiṣṇan .. 1359
4 6 1 05 01a mā cidanyadvi śaṃsata sakhāyo mā riṣaṇyata .
4 6 1 05 01c indramitstotā vṛṣaṇaṃ sacā sute muhurukthā ca śaṃsata .. 1360
4 6 1 05 02a avakrakṣiṇaṃ vṛṣabhaṃ yathā juvaṃ gāṃ na carṣaṇīsaham .
4 6 1 05 02c vidveṣaṇaṃ saṃvananamubhayaṅkaraṃ maṃhiṣṭhamubhayāvinam .. 1361
4 6 1 06 01a udu tye madhumattamā gira stomāsa īrate .
4 6 1 06 01c satrājito dhanasā akṣitotayo vājanto rathā iva .. 1362
4 6 1 06 02a kaṇvā iva bhṛgavaḥ sūryā iva viśvamiddhītamāśata .
4 6 1 06 02c indraṃ stomebhirmahayanta āyavaḥ priyamedhāso asvaran .. 1363
4 6 1 07 01a paryū ṣu pra dhanva vājasātaye pari vṛtrāṇi sakṣaṇiḥ .
4 6 1 07 01c dviṣastaradhyā ṛṇayā na īrase .. 1364
4 6 1 07 02a ajījano hi pavamāna sūryaṃ vidhāre śakmanā payaḥ .
4 6 1 07 02c gojīrayā raṃhamānaḥ purandhyā .. 1365
4 6 1 07 03a anu hi tvā sutaṃ soma madāmasi mahe samaryarājye .
4 6 1 07 03c vājāṃ abhi pavamāna pra gāhase .. 1366
4 6 1 08 01a pari pra dhanvendrāya soma svādurmitrāya pūṣṇe bhagāya .. 1367
4 6 1 08 02a evāmṛtāya mahe kṣayāya sa śukro arṣa divyaḥ pīyūṣaḥ .. 1368
4 6 1 08 03a indraste soma sutasya peyātkratve dakṣāya viśve ca devāḥ .. 1369
4 6 1 09 01a sūryasyeva raśmayo drāvayitnavo matsarāsaḥ prasutaḥ sākamīrate .
4 6 1 09 01c tantuṃ tataṃ pari sargāsa āśavo nendrādṛte pavate dhāma kiṃ cana .. 1370
4 6 1 09 02a upo matiḥ pṛcyate sicyate madhu mandrājanī codate antarāsani .
4 6 1 09 02c pavamānaḥ santaniḥ sunvatāmiva madhumāndrapsaḥ pari vāramarṣati .. 1371
4 6 1 09 03a ukṣā mimeti prati yanti dhenavo devasya devīrupa yanti niṣkṛtam .
4 6 1 09 03c atyakramīdarjunaṃ vāramavyayamatkaṃ na niktaṃ pari somo avyata .. 1372
4 6 1 10 01a agniṃ naro dīdhitibhiraraṇyorhastacyutaṃ janayata praśastam .

4 6 1 10 01c dūredṛśaṃ gṛhapatimathavyum .. 1373
4 6 1 10 02a tamagnimaste vasavo nyṛṇvantsupraticakṣamavase kutaścit .
4 6 1 10 02c dakṣāyyo yo dama āsa nityaḥ .. 1374
4 6 1 10 03a preddho agne dīdihi puro no 'jasrayā sūrmyā yaviṣṭha .
4 6 1 10 03c tvāṃ śaśvanta upa yanti vājāḥ .. 1375
4 6 1 11 01a āyaṃ gauḥ pṛśnirakramīdasadanmātaraṃ puraḥ .
4 6 1 11 01c pitaraṃ ca prayantsvaḥ .. 1376
4 6 1 11 02a antaścarati rocanāsya prāṇādapānatī .
4 6 1 11 02c vyakhyanmahiṣo divam .. 1377
4 6 1 11 03a triṃśaddhāma vi rājati vākpataṅgāya dhīyate .
4 6 1 11 03c prati vastoraha dyubhiḥ .. 1378
ṣaṣṭha prapāṭhakaḥ . dvitīyo 'rdhaḥ
4 6 2 01 01a upaprayanto adhvaraṃ mantraṃ vocemāgnaye .
4 6 2 01 01c āre asme ca śṛṇvate .. 1379
4 6 2 01 02a yaḥ snīhitīṣu pūrvyaḥ saṃjagmānāsu kṛṣṭiṣu .
4 6 2 01 02c arakṣaddāśuṣe gayam .. 1380
4 6 2 01 03a sa no vedo amātyamagnī rakṣatu śantamaḥ .
4 6 2 01 03c utāsmānpātvaṃhasaḥ .. 1381
4 6 2 01 04a uta bruvantu jantava udagnirvṛtrahājani .
4 6 2 01 04c dhanañjayo raṇeraṇe .. 1382
4 6 2 02 01a agne yuṅkṣvā hi ye tavāśvāso deva sādhavaḥ .
4 6 2 02 01c araṃ vahantyāśavaḥ .. 1383
4 6 2 02 02a acchā no yāhyā vahābhi prayāṃsi vītaye .
4 6 2 02 02c ā devāntsomapītaye .. 1384
4 6 2 02 03a udagne bhārata dyumadajasreṇa davidyutat .
4 6 2 02 03c śocā vi bhāhyajara .. 1385
4 6 2 0301a pra sunvānāyāndhaso martto na vaṣṭa tadvacaḥ .
4 6 2 0301c apa śvānamarādhasaṃ hatā makhaṃ na bhṛgavaḥ .. 1386
4 6 2 0302a ā jāmiratke avyata bhuje na putra oṇyoḥ .
4 6 2 0302c sarajjāro na yoṣaṇāṃ varo na yonimāsadam .. 1387
4 6 2 0303a sa vīro dakṣasādhano vi yastastambha rodasī .
4 6 2 0303c hariḥ pavitre avyata vedhā na yonimāsadam .. 1388
4 6 2 0401a abhrātṛvyo anā tvamanāpirindra januṣā sanādasi .
4 6 2 0401c yudhedāpitvamicchase .. 1389
4 6 2 0402a na kī revantaṃ sakhyāya vindase pīyanti te surāśvaḥ .
4 6 2 0402c yadā kṛṇoṣi nadanuṃ samūhasyāditpiteva hūyase .. 1390
4 6 2 0501a ā tvā sahasramā śataṃ yuktā rathe hiraṇyaye .
4 6 2 0501c brahmayujo haraya indra keśino vahantu somapītaye .. 1391
4 6 2 0502a ā tvā rathe hiraṇyaye harī mayūraśepyā .
4 6 2 0502c śitipṛṣṭhā vahatāṃ madhvo andhaso vivakṣaṇasya pītaye .. 1392

4 6 2 0503a pibā tvā3sya girvaṇaḥ sutasya pūrvapā iva .
4 6 2 0503c pariṣkṛtasya rasina iyamāsutiścārurmadāya patyate .. 1393
4 6 2 0601a ā sotā pari ṣiñcatāśvaṃ na stomamapturaṃ rajasturam .
4 6 2 0601c vanaprakṣamudaprutam .. 1394
4 6 2 0602a sahasradhāraṃ vṛṣabhaṃ payoduhaṃ priyaṃ devāya janmane .
4 6 2 0602c ṛtena ya ṛtajāto vivāvṛdhe rājā deva ṛtaṃ bṛhat .. 1395
4 6 2 0701a agnirvṛtrāṇi jaṅghanaddraviṇasyurvipanyayā .
4 6 2 0701c samiddhaḥ śukra āhutaḥ .. 1396
4 6 2 0702a garbhe mātuḥ pituṣpitā vididyutāno akṣare .
4 6 2 0702c sīdannṛtasya yonimā .. 1397
4 6 2 0703a brahma prajāvadā bhara jātavedo vicarṣaṇe .
4 6 2 0703c agne yaddīdayaddivi .. 1398
4 6 2 0801a asya preṣā hemanā pūyamāno devo devebhiḥ samapṛkta rasam .
4 6 2 0801c sutaḥ pavitraṃ paryeti rebhanmiteva sadma paśumanti hotā .. 1399
4 6 2 0802a bhadrā vastrā samanyā ' '3 vasāno mahānkavirnivacanāni śaṃsan .
4 6 2 0802c ā vacyasva camvoḥ pūyamāno vicakṣaṇo jāgṛvirdevavītau .. 1400
4 6 2 0803a samu priyo mṛjyate sāno avye yaśastaro yaśasāṃ kṣaito asme .
4 6 2 0803c abhi svara dhanvā pūyamāno yūyaṃ pāta svastibhiḥ sadā naḥ .. 1401
4 6 2 0901a eto nvindraṃ stavāma śuddhaṃ śuddhena sāmnā .
4 6 2 0901c śuddhairukthairvāvṛdhvāṃsaṃ śuddhairāśīrvānmamattu .. 1402
4 6 2 0902a indra śuddho na ā gahi śuddhaḥ śuddhābhirūtibhiḥ .
4 6 2 0902c śuddho rayiṃ ni dhāraya śuddho mamaddhi somya .. 1403
4 6 2 0903a indra śuddho hi no rayiṃ śuddho ratnāni dāśuṣe .
4 6 2 0903c śuddho vṛtrāṇi jighnase śuddho vājaṃ siṣāsasi .. 1404
4 6 2 1001a agne stomaṃ manāmahe sidhramadya divispṛśaḥ .
4 6 2 1001c devasya draviṇasyavaḥ .. 1405
4 6 2 1002a agnirjuṣata no giro hotā yo mānuṣeṣvā .
4 6 2 1002c sa yakṣaddaivyaṃ janam .. 1406
4 6 2 1003a tvamagne saprathā asi juṣṭo hotā vareṇyaḥ .
4 6 2 1003c tvayā yajñaṃ vi tanvate .. 1407
4 6 2 1101a abhi tripṛṣṭhaṃ vṛṣaṇaṃ vayodhāmāṅgoṣiṇamavāvaśaṃta vāṇīḥ .
4 6 2 1101c vanā vasāno varuṇo na sindhūrvi ratnadhā dayate vāryāṇi .. 1408
4 6 2 1102a śūragrāmaḥ sarvavīraḥ sahāvānjetā pavasva sanitā dhanāni .
4 6 2 1102c tigmāyudhaḥ kṣipradhanvā samatsvaṣāḍhaḥ sāhvānpṛtanāsu śatrūn .. 1409
4 6 2 1103a urugavyūtirabhayāni kṛṇvantsamīcīne ā pavasvā purandhī .
4 6 2 1103c apaḥ siṣāsannuṣasaḥ svā3rgāḥ saṃ cikrado maho asmabhyaṃ vājān .. 1410
4 6 2 1201a tvamindra yaśā asyṛjīṣī śavasaspatiḥ .
4 6 2 1201c tvaṃ vṛtrāṇi haṃsyapratīnyeka itpurvanuttaścarṣaṇīdhṛtiḥ .. 1411
4 6 2 1202a tamu tvā nūnamasura pracetasaṃ rādho bhāgamivemahe .
4 6 2 1202c mahīva kṛttiḥ śaraṇā ta indra pra te sumnā no aśnavan .. 1412

4 6 2 1301a yajiṣṭhaṃ tvā vavṛmahe devaṃ devatrā hotāramamartyam .
4 6 2 1301c asya yajñasya sukratum .. 1413
4 6 2 1302a apāṃ napātaṃ subhagaṃ sudīditimagnimu śreṣṭhaśociṣam .
4 6 2 1302c sa no mitrasya varuṇasya so apāmā sumnaṃ yakṣate divi .. 1414
4 6 2 1401a yamagne pṛtsu martyamavā vājeṣu yaṃ junāḥ .
4 6 2 1401c sa yantā śaśvatīriṣaḥ .. 1415
4 6 2 1402a na kirasya sahantya paryetā kayasya cit .
4 6 2 1402c vājo asti śravāyyaḥ .. 1416
4 6 2 1403a sa vājaṃ viśvacarṣaṇirarvadbhirastu tarutā .
4 6 2 1403c viprebhirastu sanitā .. 1417
4 6 2 1501a sākamukṣo marjayanta svasāro daśa dhīrasya dhītayo dhanutrīḥ .
4 6 2 1501c hariḥ paryadravajjāḥ sūryasya droṇaṃ nanakṣe atyo na vājī .. 1418
4 6 2 1502a saṃ mātṛbhirna śiśurvāvaśāno vṛṣā dadhanve puruvāro adbhiḥ .
4 6 2 1502c maryo na yoṣāmabhi niṣkṛtaṃ yantsaṃ gacchate kalaśa usriyābhiḥ .. 1419
4 6 2 1503a uta pra pipya ūdharaghnyāyā indurdhārābhiḥ sacate sumedhāḥ .
4 6 2 1503c mūrdhānaṃ gāvaḥ payasā camūṣvabhi śrīṇanti vasubhirna niktaiḥ .. 1420
4 6 2 1600a pibā sutasya rasino matsvā na indra gomataḥ .
4 6 2 1600c āpirno bodhi sadhamādye vṛdhe3 'smāṃ avantu te dhiyaḥ .. 1421
4 6 2 1600a bhūyāma te sumatau vājino vayaṃ mā na starabhimātaye .
4 6 2 1600c asmāṃ citrābhiravatādabhiṣṭibhirā naḥ sumneṣu yāmaya .. 1422
4 6 2 1701a trirasmai sapta dhenavo duduhrire satyāmāśiraṃ parame vyomani .
4 6 2 1701c catvāryanyā bhuvanāni nirṇije cārūṇi cakre yadṛtairavardhata .. 1423
4 6 2 1702a sa bhakṣamāṇo amṛtasya cāruṇa ubhe dyāvā kāvyenā vi śaśrathe .
4 6 2 1702c tejiṣṭhā apo maṃhanā pari vyata yadī devasya śravasā sado viduḥ .. 1424
4 6 2 1703a te asya santu ketavo 'mṛtyavo 'dābhyāso januṣī ubhe anu .
4 6 2 1703c yebhirnṛmṇā ca devyā ca punata ādidrājānaṃ mananā agṛbhṇata .. 1425
4 6 2 1801a abhi vāyuṃ vītyarṣā gṛṇāno3 'bhi mitrāvaruṇā pūyamānaḥ .
4 6 2 1801c abhī naraṃ dhījavanaṃ ratheṣṭhāmabhīndraṃ vṛṣaṇaṃ vajrabāhum .. 1426
4 6 2 1802a abhi vastrā suvasanānyarṣābhi dhenūḥ sudughāḥ pūyamānaḥ .
4 6 2 1802c abhi candrā bharttave no hiraṇyābhyaśvānrathino deva soma .. 1427
4 6 2 1803a abhī no arṣa divyā vasūnyabhi viśvā pārthivā pūyamānaḥ .
4 6 2 1803c abhi yena draviṇamaśnavāmābhyārṣeyaṃ jamadagnivannaḥ .. 1428
4 6 2 1901a yajjāyathā apūrvya maghavanvṛtrahatyāya .
4 6 2 1901c tatpṛthivīmaprathayastadastabhnā uto divam .. 1429
4 6 2 1902a tatte yajño ajāyata tadarka uta haskṛtiḥ .
4 6 2 1902c tadviśvamabhibhūrasi yajjātaṃ yacca jantvam .. 1430
4 6 2 1903a āmāsu pakvamairaya ā sūryaṃ rohayo divi .
4 6 2 1903c gharmaṃ na sāmaṃ tapatā suvṛktibhirjuṣṭaṃ girvaṇase bṛhat .. 1431
4 6 2 2001a matsyapāyi te mahaḥ pātrasyeva harivo matsaro madaḥ .
4 6 2 2001c vṛṣā te vṛṣṇa indurvājī sahasrasātamaḥ .. 1432

4 6 2 2002a ā naste gantu matsaro vṛṣā mado vareṇyaḥ .
4 6 2 2002c sahāvāṃ indra sānasiḥ pṛtanaṣāḍamartyaḥ .. 1433
4 6 2 2003a tvaṃ hi śūraḥ sanitā codayo manuṣo ratham .
4 6 2 2003c sahāvāndasyumavratamoṣaḥ pātraṃ na śociṣā .. 1434
ṣaṣṭha prapāṭhakaḥ . tṛtīyo 'rdhaḥ
4 6 3 0101a pavasva vṛṣṭimā su no 'pāmūrmiṃ divaspari .
4 6 3 0101c ayakṣmā bṛhatīriṣaḥ .. 1435
4 6 3 0102a tayā pavasva dhārayā yayā gāva ihāgaman .
4 6 3 0102c janyāsa upa no gṛham .. 1436
4 6 3 0103a ghṛtaṃ pavasva dhārayā yajñeṣu devavītamaḥ .
4 6 3 0103c asmabhyaṃ vṛṣṭimā pava .. 1437
4 6 3 0104a sa na ūrje vyā3vyayaṃ pavitraṃ dhāva dhārayā .
4 6 3 0104c devāsaḥ śṛṇavanhi kam .. 1438
4 6 3 0105a pavamāno asiṣyadadrakṣāṃsyapajaṅghanat .
4 6 3 0105c pratnavadrocayanrucaḥ .. 1439
4 6 3 0201a pratyasmai pipīṣate viśvāni viduṣe bhara .
4 6 3 0201c araṅgamāya jagmaye 'paścādadhvane naraḥ .. 1440
4 6 3 0202a emenaṃ pratyetana somebhiḥ somapātamam .
4 6 3 0202c amatrebhirṛjīṣiṇamindraṃ sutebhirindubhiḥ .. 1441
4 6 3 0203a yadī sutebhirindubhiḥ somebhiḥ pratibhūṣatha .
4 6 3 0203c vedā viśvasya medhiro dhṛṣattantamideṣate .. 1442
4 6 3 0204a asmāasmā idandhaso 'dhvaryo pra bharā sutam .
4 6 3 0204c kuvitsamasya jenyasya śardhato 'bhiśasteravasvarat .. 1443
4 6 3 0301a babhrave nu svatavase 'ruṇāya divispṛśe .
4 6 3 0301c somāya gāthamarcata .. 1444
4 6 3 0302a hastacyutebhiradribhiḥ sutaṃ somaṃ punītana .
4 6 3 0302c madhāvā dhāvatā madhu .. 1445
4 6 3 0303a namasedupa sīdata dadhnedabhi śrīṇītana .
4 6 3 0303c indumindre dadhātana .. 1446
4 6 3 0304a amitrahā vicarṣaṇiḥ pavasva soma śaṃ gave .
4 6 3 0304c devebhyo anukāmakṛt .. 1447
4 6 3 0305a indrāya soma pātave madāya pari ṣicyase .
4 6 3 0305c manaścinmanasaspatiḥ .. 1448
4 6 3 0306a pavamāna suvīryaṃ rayiṃ soma rirīhi naḥ .
4 6 3 0306c indavindreṇa no yujā .. 1449
4 6 3 0401a uddhedabhi śrutāmaghaṃ vṛṣamaṃ naryāpasam .
4 6 3 0401c astārameṣi sūrya .. 1450
4 6 3 0402a nava yo navatiṃ puro bibheda bāhvojasā .
4 6 3 0402c ahiṃ ca vṛtrahāvadhīt .. 1451
4 6 3 0403a sa na indraḥ śivaḥ sakhāśvāvadgomadyavamat .

4 6 3 0403c urudhāreva dohate .. 1452
4 6 3 0501a vibhrāḍ bṛhatpibatu somyaṃ madhvāyurdadhadyajñapatāvavihrutam .
4 6 3 0501c vātajūto yo abhirakṣati tmanā prajāḥ piparti bahudhā vi rājati .. 1453
4 6 3 0502a vibhrāḍ bṛhatsubhṛtaṃ vājasātamaṃ dharmaṃ divo dharuṇe satyamarpitam .
4 6 3 0502c amitrahā vṛtrahā dasyuhantamaṃ jyotirjajñe asurahā sapatnahā .. 1454
4 6 3 0503a idaṃ śreṣṭhaṃ jyotiṣāṃ jyotiruttamaṃ viśvajiddhanajiducyate bṛhat .
4 6 3 0503c viśvabhrāḍ bhrājo mahi sūryo dṛśa uru paprathe saha ojo acyutam .. 1455
4 6 3 0601a indra kratuṃ na ā bhara pitā putrebhyo yathā .
4 6 3 0601c śikṣā ṇo asminpuruhūta yāmani jīva jyotiraśīmahi .. 1456
4 6 3 0602a mā no ajñātā vṛjanā durādhyo3 māśivāso 'va kramuḥ .
4 6 3 0602c tvayā vayaṃ pravataḥ śaśvatīrapo 'ti śūra tarāmasi .. 1457
4 6 3 0701a adyādyā śvaḥśva indra trāsva pare ca naḥ .
4 6 3 0701c viśvā ca no jaritR^īntsatpate ahā divā naktaṃ ca rakṣiṣaḥ .. 1458
4 6 3 0702a prabhaṅgī śūro maghavā tuvīmaghaḥ sammiślo viryāya kam .
4 6 3 0702c ubhā te bāhū vṛṣaṇā śatakrato ni yā vajraṃ mimikṣatuḥ .. 1459
4 6 3 0801a janīyanto nvagravaḥ putrīyantaḥ sudānavaḥ .
4 6 3 0801c sarasvantaṃ havāmahe .. 1460
4 6 3 0901a uta naḥ priyā priyāsu saptasvasā sujuṣṭā .
4 6 3 0901c sarasvatī stomyā bhūt .. 1461
4 6 3 1001a tatsaviturvareṇyaṃ bhargo devasya dhīmahi .
4 6 3 1001c dhiyo yo naḥ pracodayāt .. 1462
4 6 3 1002a somānāṃ svaraṇaṃ kṛṇuhi brahmaṇaspate .
4 6 3 1002a kakṣīvantaṃ ya auśijaḥ .. 1463
4 6 3 1003a agna āyūṃṣi pavase ā suvorjaṃ iṣaṃ ca naḥ .
4 6 3 1003a āre bādhasva ducchunām .. 1464
4 6 3 1101a tā naḥ śaktaṃ pārthivasya maho rāyo divyasya .
4 6 3 1101c mahi vā kṣatraṃ deveṣu .. 1465
4 6 3 1102a ṛtamṛtena sapanteṣiraṃ dakṣamāśāte .
4 6 3 1102c adruhā devau vardhete .. 1466
4 6 3 1103a vṛṣṭidyāvā rītyāpeṣaspatī dānumatyāḥ .
4 6 3 1103c bṛhantaṃ garttamāśāte .. 1467
4 6 3 1201a yuñjanti bradhnamaruṣaṃ carantaṃ pari tasthuṣaḥ .
4 6 3 1201c rocante rocanā divi .. 1468
4 6 3 1202a yuñjantyasya kāmyā harī vipakṣasā rathe .
4 6 3 1202c śoṇā dhṛṣṇū nṛvāhasā .. 1469
4 6 3 1203a ketuṃ kṛṇvannaketave peśo maryā apeśase .
4 6 3 1203c samuṣadbhirajāyathāḥ .. 1470
4 6 3 1301a ayaṃ soma indra tubhyaṃ sunve tubhyaṃ pavate tvamasya pāhi .
4 6 3 1301c tvaṃ ha yaṃ cakṛṣe tvaṃ vavṛṣa induṃ madāya yujyāya somam .. 1471
4 6 3 1302a sa īṃ ratho na bhuriṣāḍayoji mahaḥ purūṇi sātaye vasūni .

4 6 3 1302c ādīṃ viśvā nahuṣyāṇi jātā svarṣātā vana ūrdhvā navanta .. 1472
4 6 3 1303a śuṣmī śardho na mārutaṃ pavasvānabhiśastā divyā yathā viṭ .
4 6 3 1303c āpo na makṣū sumatirbhavā naḥ sahasrāpsāḥ pṛtanāṣāṇna yajñaḥ .. 1473
4 6 3 1401a tvamagne yajñānāṃ hotā viśveṣāṃ hitaḥ .
4 6 3 1401c devebhirmānuṣe jane .. 1474
4 6 3 1402a sa no mandrābhiradhvare jihvābhiryajā mahaḥ .
4 6 3 1402c ā devānvakṣi yakṣi ca .. 1475
4 6 3 1403a vetthā hi vedho adhvanaḥ pathaśca devāñjasā .
4 6 3 1403c agne yajñeṣu sukrato .. 1476
4 6 3 1501a hotā devo amartyaḥ purastādeti māyayā .
4 6 3 1501c vidathāni pracodayan .. 1477
4 6 3 1502a vājī vājeṣu dhīyate 'dhvareṣu pra ṇīyate .
4 6 3 1502c vipro yajñasya sādhanaḥ .. 1478
4 6 3 1503a dhiyā cakre vareṇyo bhūtānāṃ garbhamā dadhe .
4 6 3 1503c dakṣasya pitaraṃ tanā .. 1479
4 6 3 1601a ā sute siñcata śriyaṃ rodasyorabhiśriyam .
4 6 3 1601c rasā dadhīta vṛṣabham .. 1480
4 6 3 1602a te jānata svamokyā3ṃ saṃ vatsāso na mātṛbhiḥ .
4 6 3 1602c mitho nasanta jāmibhiḥ .. 1481
4 6 3 1603a upa srakveṣu bapsataḥ kṛṇvate dharuṇaṃ divi .
4 6 3 1603c indre agnā namaḥ svaḥ .. 1482
4 6 3 1701a tadidāsa bhuvaneṣu jyeṣṭaṃ yato jajñā ugrastveṣanṛmṇaḥ .
4 6 3 1701c sadyo jajñāno ni riṇāti śatrūnanu yaṃ viśve madantyūmāḥ .. 1483
4 6 3 1702a vāvṛdhānaḥ śavasā bhūryojāḥ śatrurdāsāya bhiyasaṃ dadhāti .
4 6 3 1702c avyanacca vyanacca sasni saṃ te navanta prabhṛtā madeṣu .. 1484
4 6 3 1703a tve kratumapi vṛñjanti viśve dviryadete trirbhavantyūmāḥ .
4 6 3 1703c svādoḥ svādīyaḥ svādunā sṛjā samadaḥ su madhu madhunābhi yodhīḥ .. 1485
4 6 3 1801a trikadrukeṣu mahiṣo yavāśiraṃ tuviśuṣmastṛmpatsomamapibadviṣṇunā sutaṃ yathāvaśam .
4 6 3 1801c sa īṃ mamāda mahi karma kartave mahāmuruṃ sainaṃ saścaddevo devaṃ satya induḥ satyamindram .. 1486
4 6 3 1802a sākaṃ jātaḥ kratunā sākamojasā vavakṣitha sākaṃ vṛddho vīryaiḥ sāsahirmṛdho vicarṣaṇiḥ .
4 6 3 1802c dātā rādha stuvate kāmyaṃ vasu pracetana sainaṃ saścaddevo devaṃ satya induḥ satyamindram .. 1487
4 6 3 1803a adha tviṣīmāṃ abhyojasā kṛviṃ yudhābhavadā rodasī apṛṇadasya majmanā pra vāvṛdhe .
4 6 3 1803c adhattānyaṃ jaṭhare premaricyata pra cetaya sainaṃ saścaddevo devaṃ satya induḥ satyamindram .. 1488
saptama prapāṭhakaḥ . prathamo 'rdhaḥ
4 7 1 0101a abhi pra gopatiṃ girendramarca yathā vide .
4 7 1 0101c mūnuṃ satyasya satpatim .. 1489
4 7 1 0102a ā harayaḥ sasṛjrire 'ruṣīradhi barhiṣi .
4 7 1 0102c yatrābhi saṃnavāmahe .. 1490
4 7 1 0103a indrāya gāva āśiraṃ duduhre vajriṇe madhu .
4 7 1 0103c yatsīmupahvare vidat .. 1491

4 7 1 0201a ā no viśvāsu havyamindraṃ samatsu bhūṣata .
4 7 1 0201c upa brahmāṇi savanāni vṛtrahanparamajyā ṛcīṣama .. 1492
4 7 1 0202a tvaṃ dātā prathamo rādhasāmasyasi satya īśānakṛt .
4 7 1 0202c tuvidyumnasya yujyā vṛṇīmahe putrasya śavaso mahaḥ .. 1493
4 7 1 0301a pratnaṃ pīyūṣaṃ pūrvyaṃ yadukthyaṃ maho gāhaddiva ā niradhukṣata .
4 7 1 0301c indramabhi jāyamānaṃ samasvaran .. 1494
4 7 1 0302a ādīṃ ke citpaśyamānāsa āpyaṃ vasuruco divyā abhyanūṣata .
4 7 1 0302c divo na vāraṃ savitā vyūrṇute .. 1495
4 7 1 0303a adha yadime pavamāna rodasī imā ca viśvā bhuvanābhi majmanā .
4 7 1 0303c yūthe na niṣṭhā vṛṣabho vi rājasi .. 1496
4 7 1 0401a imamū ṣu tvamasmākaṃ saniṃ gāyatraṃ navyāṃsam .
4 7 1 0401c agne deveṣu pra vocaḥ .. 1497
4 7 1 0402a vibhaktāsi citrabhāno sindhorūrmā upāka ā .
4 7 1 0402c sadyo dāśuṣe kṣarasi .. 1498
4 7 1 0403a ā no bhaja parameṣvā vājeṣu madhyameṣu .
4 7 1 0403c śikṣā vasvo antamasya .. 1499
4 7 1 0501a ahamiddhi pituṣpari medhāmṛtasya jagraha .
4 7 1 0501c ahaṃ sūrya ivājani .. 1500
4 7 1 0502a ahaṃ pratnena janmanā giraḥ śumbhāmi kaṇvavat .
4 7 1 0502c yenendraḥ śuṣmamiddadhe .. 1501
4 7 1 0503a ye tvāmindra na tuṣṭuvurṛṣayo ye ca tuṣṭuvuḥ .
4 7 1 0503c mamedvardhasva suṣṭutaḥ .. 1502
4 7 1 0601a agne viśvebhiragnibhirjoṣi brahma sahaskṛta .
4 7 1 0601c ye devatrā ya āyuṣu tebhirno mahayā giraḥ .. 1503
4 7 1 0602a pra sa viśvebhiragnibhiragniḥ sa yasya vājinaḥ .
4 7 1 0602c tanaye toke asmadā samyaṅvājaiḥ parīvṛtaḥ .. 1504
4 7 1 0603a tvaṃ no agne agnibhirbrahma yajñaṃ ca vardhaya .
4 7 1 0603c tvaṃ no devatātaye rāyo dānāya codaya .. 1505
4 7 1 0701a tve soma prathamā vṛktabarhiṣo mahe vājāya śravase dhiyan dadhuḥ .
4 7 1 0701c sa tvaṃ no vīra vīryāya codaya .. 1506
4 7 1 0702a abhyabhi hi śravasā tatardithotsaṃ na kaṃ cijjanapānamakṣitam .
4 7 1 0702c śaryābhirna bharamāṇo gabhastyoḥ .. 1507
4 7 1 0703a ajījano amṛta martyāya amṛtasya dharmannamṛtasya cāruṇaḥ .
4 7 1 0703c sadāsaro vājamacchā saniṣyadat .. 1508
4 7 1 0801a endumindrāya siñcata pibāti somyaṃ madhu .
4 7 1 0801c pra rādhāṃsi codayate mahitvanā .. 1509
4 7 1 0802a upo harīṇāṃ patiṃ rādhaḥ pṛñcantamabravam .
4 7 1 0802c nūnaṃ śrudhi stuvato aśvyasya .. 1510
4 7 1 0803a na hyāṅ3ga purā ca na jajñe vīratarastvat .
4 7 1 0803c na kī rāyā naivathā na bhandanā .. 1511

4 7 1 0901a nadaṃ va odatīnāṃ nadaṃ yoyuvatīnām .
4 7 1 0901c patiṃ vo aghnyānāṃ dhenūnāmiṣudhyasi .. 1512
4 7 1 1001a devo vo draviṇodāḥ pūrṇāṃ vivaṣṭvāsicam .
4 7 1 1001c udvā siñcadhvamupa vā pṛṇadhvamādidvo deva ohate .. 1513
4 7 1 1002a taṃ hotāramadhvarasya pracetasaṃ vahniṃ devā akṛṇvata .
4 7 1 1002c dadhāti ratnaṃ vidhate suvīryamagnirjanāya dāśuṣe .. 1514
4 7 1 1101a adarśi gātuvittamo yasminvratānyādadhuḥ .
4 7 1 1101c upoṣu jātamāryasya vardhanamagniṃ nakṣantu no giraḥ .. 1515
4 7 1 1102a yasmādrejanta kṛṣṭayaścarkṛtyāni kṛṇvataḥ .
4 7 1 1102c sahasrasāṃ medhasātāviva tmanāgniṃ dhībhirnamasyata .. 1516
4 7 1 1103a pra daivodāso agnirdeva indro na majmanā .
4 7 1 1103c anu mātaraṃ pṛthivīṃ vi vāvṛte tasthau nākasya śarmaṇi .. 1517
4 7 1 1201a agna āyūṃṣi pavase āsuvorjamiṣaṃ ca naḥ .
4 7 1 1201c āre bādhasva ducchunām .. 1518
4 7 1 1202a agnirṛṣiḥ pavamānaḥ pāñcajanyaḥ purohitaḥ .
4 7 1 1202c tamīmahe mahāgayam .. 1519
4 7 1 1203a agne pavasva svapā asme varcaḥ suvīryam .
4 7 1 1203c dadhadrayiṃ mayi yoṣam .. 1520
4 7 1 1301a agne pāvaka rociṣā mandrayā deva jihvayā .
4 7 1 1301c ā devānvakṣi yakṣi ca .. 1521
4 7 1 1302a taṃ tvā ghṛtasnavīmahe citrabhāno svardṛśam .
4 7 1 1302c devāṃ ā vītaye vaha .. 1522
4 7 1 1303a vītihotraṃ tvā kave dyumantaṃ samidhīmahi .
4 7 1 1303c agne bṛhantamadhvare .. 1523
4 7 1 1401a avā no agna ūtibhirgāyatrasya prabharmaṇi .
4 7 1 1401c viśvāsu dhīṣu vandya .. 1524
4 7 1 1402a ā no agne rayiṃ bhara satrāsāhaṃ vareṇyam .
4 7 1 1402c viśvāsu pṛtsu duṣṭaram .. 1525
4 7 1 1403a ā no agne sucetunā rayiṃ viśvāyupoṣasam .
4 7 1 1403c mārḍīkaṃ dhehi jīvase .. 1526
4 7 1 1501a agniṃ hinvantu no dhiyaḥ saptimāśumivājiṣu .
4 7 1 1501c tena jeṣma dhanaṃdhanam .. 1527
4 7 1 1502a yayā gā ākarāmahai senayāgne tavotyā .
4 7 1 1502c tāṃ no hinva maghattaye .. 1528
4 7 1 1503a āgne sthūraṃ rayiṃ bhara pṛthuṃ gomantamaśvinam .
4 7 1 1503c aṅdhi khaṃ varttayā pavim .. 1529
4 7 1 1504a agne nakṣatramajaramā sūryaṃ rohayo divi .
4 7 1 1504c dadhajjyotirjanebhyaḥ .. 1530
4 7 1 1505a agne keturviśāmasi preṣṭhaḥ śreṣṭha upasthasat .
4 7 1 1505c bodhā stotre vayo dadhat .. 1531

4 7 1 1601a agnirmūrdhā divaḥ kakutpatiḥ pṛthivyā ayam .
4 7 1 1601c apāṃ retāṃsi jinvati .. 1532
4 7 1 1602a īśiṣe vāryasya hi dātrasyāgne svaḥpatiḥ .
4 7 1 1602c stotā syāṃ tava śarmaṇi .. 1533
4 7 1 1603a udagne śucayastava śukrā bhrājanta īrate .
4 7 1 1603c tava jyotīṃṣyarcayaḥ .. 1534
saptama prapāṭhakaḥ . dvitīyo 'rdhaḥ
4 7 2 0101a kaste jāmirjanānāmagne ko dāśvadhvaraḥ .
4 7 2 0101c ko ha kasminnasi śritaḥ .. 1535
4 7 2 0102a tvaṃ jāmirjanānāmagne mitro asi priyaḥ .
4 7 2 0102c sakhā sakhibhya īḍyaḥ .. 1536
4 7 2 0103a yajā no mitrāvaruṇā yajā devāṃ ṛtaṃ bṛhat .
4 7 2 0103c agne yakṣi svaṃ damam .. 1537
4 7 2 0201a īḍenyo namasyastirastamāṃsi darśataḥ .
4 7 2 0201c samagniridhyate vṛṣā .. 1538
4 7 2 0202a vṛṣo agniḥ samidhyate 'śvo na devavāhanaḥ .
4 7 2 0202c taṃ haviṣmanta īḍate .. 1539
4 7 2 0203a vṛṣaṇaṃ tvā vayaṃ vṛṣanvṛṣaṇaḥ samidhīmahi .
4 7 2 0203c agne dīdyataṃ bṛhat .. 1540
4 7 2 0301a utte bṛhanto arcayaḥ samidhānasya dīdivaḥ .
4 7 2 0301c agne śukrāsa īrate .. 1541
4 7 2 0302a upa tvā juhvo3 mama ghṛtācīryantu haryata .
4 7 2 0302c agne havyā juṣasva naḥ .. 1542
4 7 2 0303a mandraṃ hotāramṛtvijaṃ citrabhānuṃ vibhāvasum .
4 7 2 0303c agnimīḍe sa u śravat .. 1543
4 7 2 0401a pāhi no agna ekayā pāhyū3ta dvitīyayā .
4 7 2 0401c pāhi gīrbhistisṛbhirūrjāṃ pate pāhi catasṛbhirvaso .. 1544
4 7 2 0402a pāhi viśvasmādrakṣaso arāvṇaḥ pra sma vājeṣu no 'va .
4 7 2 0402c tvāmiddhi nediṣṭhaṃ devatātaya āpiṃ nakṣāmahe vṛdhe .. 1545
4 7 2 0501a ino rājannaratiḥ samiddho raudro dakṣāya suṣumāṃ adarśi .
4 7 2 0501c cikidvi bhāti bhāsā bṛhatāsiknīmeti ruśatīmapājan .. 1546
4 7 2 0502a kṛṣṇāṃ yadenīmabhi varpasābhūjjanayanyoṣāṃ bṛhataḥ piturjām .
4 7 2 0502c ūrdhvaṃ bhānuṃ sūryasya stabhāyandivo vasubhiraratirvi bhāti .. 1547
4 7 2 0503a bhadro bhadrayā sacamāna āgātsvasāraṃ jāro abhyeti paścāt .
4 7 2 0503c supraketairdyubhiragnirvitiṣṭhanruśadbhirvarṇairabhi rāmamasthāt .. 1548
4 7 2 0601a kayā te agne aṅgira ūrjo napādupastutim .
4 7 2 0601c varāya deva manyave .. 1549
4 7 2 0602a dāśema kasya manasā yajñasya sahaso yaho .
4 7 2 0602c kadu voca idaṃ namaḥ .. 1550
4 7 2 0603a adhā tvaṃ hi naskaro viśvā asmabhyaṃ sukṣitīḥ .

4 7 2 0603c vājadraviṇaso giraḥ .. 1551
4 7 2 0701a agna ā yāhyagnibhirhotāraṃ tvā vṛṇīmahe .
4 7 2 0701c ā tvāmanaktu prayatā haviṣmatī yajiṣṭhaṃ barhirāsade .. 1552
4 7 2 0702a acchā hi tvā sahasaḥ sūno aṅgiraḥ srucaścarantyadhvare .
4 7 2 0702c ūrjo napātaṃ ghṛtakeśamīmahe 'gniṃ yajñeṣu pūrvyam .. 1553
4 7 2 0801a acchā naḥ śīraśociṣaṃ giro yantu darśatam .
4 7 2 0801c acchā yajñāso namasā purūvasuṃ purupraśastamūtaye .. 1554
4 7 2 0802a agniṃ sūnuṃ sahaso jātavedasaṃ dānāya vāryāṇām .
4 7 2 0802c dvitā yo bhūdamṛto martyeṣvā hotā mandratamo viśi .. 1555
4 7 2 0901a adābhyaḥ puraetā viśāmagnirmānuṣīṇām .
4 7 2 0901c tūrṇī rathaḥ sadā navaḥ .. 1556
4 7 2 0902a abhi prayāṃsi vāhasā dāśvāṃ aśnoti martyaḥ .
4 7 2 0902c kṣayaṃ pāvakaśociṣaḥ .. 1557
4 7 2 0903a sāhvānviśvā abhiyujaḥ kraturdevānāmamṛktaḥ .
4 7 2 0903c agnistuviśravastamaḥ .. 1558
4 7 2 1001a bhadro no agnirāhuto bhadrā rātiḥ subhaga bhadro adhvaraḥ .
4 7 2 1001c bhadrā uta praśastayaḥ .. 1559
4 7 2 1002a bhadraṃ manaḥ kṛṇuṣva vṛtratūrye yenā samatsu sāsahiḥ .
4 7 2 1002c ava sthirā tanuhi bhūri śardhatāṃ vanemā te abhiṣṭaye .. 1560
4 7 2 1101a agne vājasya gomata īśānaḥ sahaso yaho .
4 7 2 1101c asme dehi jātavedo mahi śravaḥ .. 1561
4 7 2 1102a sa idhāno vasuṣkaviragnirīḍenyo girā .
4 7 2 1102c revadasmabhyaṃ purvaṇīka dīdihi .. 1562
4 7 2 1103a kṣapo rājannuta tmanāgne vastorutoṣasaḥ .
4 7 2 1103c sa tigmajambha rakṣaso daha prati .. 1563
4 7 2 1201a viśoviśo vo atithiṃ vājayantaḥ purupriyam .
4 7 2 1201c agniṃ vo duryaṃ vaca stuṣe śūṣasya manmabhiḥ .. 1564
4 7 2 1202a yaṃ janāso haviṣmanto mitraṃ na sarpirāsutim .
4 7 2 1202c praśaṃsanti praśastibhiḥ .. 1565
4 7 2 1203a panyāṃsaṃ jātavedasaṃ yo devatātyudyatā .
4 7 2 1203c havyānyairayaddivi .. 1566
4 7 2 1301a samiddhamagniṃ samidhā girā gṛṇe śuciṃ pāvakaṃ puro adhvare dhruvam .
4 7 2 1301c vipraṃ hotāraṃ puruvāramadruhaṃ kaviṃ sumnairīmahe jātavedasam .. 1567
4 7 2 1302a tvāṃ dūtamagne amṛtaṃ yugeyuge havyavāhaṃ dadhire pāyumīḍyam.
4 7 2 1302c devāsaśca marttāsaśca jāgṛviṃ vibhuṃ viśpatiṃ namasā ni ṣedire .. 1568
4 7 2 1303a vibhūṣannagna ubhayāṃ anu vratā dūto devānāṃ rajasī samīyase .
4 7 2 1303c yatte dhītiṃ sumatimāvṛṇīmahe 'dha smā nastrivarūthaḥ śivo bhava .. 1569
4 7 2 1401a upa tvā jāmayo giro dediśatīrhaviṣkṛtaḥ .
4 7 2 1401c vāyoranīke asthiran .. 1570
4 7 2 1402a yasya tridhātvavṛtaṃ barhistasthāvasandinam .

4 7 2 1402c āpaścinni dadhā padam .. 1571
4 7 2 1403a padaṃ devasya mīḍhuṣo 'nādhṛṣṭābhirūtibhiḥ .
4 7 2 1403c bhadrā sūrya ivopadṛk .. 1572
saptama prapāṭhakaḥ . tṛtīyo 'rdhaḥ
4 7 3 0101a abhi tvā pūrvapītaya indra stomebhirāyavaḥ .
4 7 3 0101c samīcīnāsa ṛbhavaḥ samasvaranrudrā gṛṇanta pūrvyam .. 1573
4 7 3 0102a asyedindro vāvṛdhe vṛṣṇyaṃ śavo made sutasya viṣṇavi .
4 7 3 0102c adyā tamasya mahimānamāyavo 'nu ṣṭuvanti pūrvathā .. 1574
4 7 3 0201a pra vāmarcantyukthino nīthāvido jaritāraḥ .
4 7 3 0201c indrāgnī iṣa ā vṛṇe .. 1575
4 7 3 0202a indrāgnī navatiṃ puro dāsapatnīradhūnutam .
4 7 3 0202c sākamekena karmaṇā .. 1576
4 7 3 0203a indrāgnī apasasparyupa pra yanti dhītayaḥ .
4 7 3 0203c ṛtasya pathyā ' '3 anu .. 1577
4 7 3 0204a indrāgnī taviṣāṇī vāṃ sadhasthāni prayāṃsi ca .
4 7 3 0204c yuvoraptūryaṃ hitam .. 1578
4 7 3 0301a śagdhyū3 ṣu śacīpata indra viśvābhirūtibhiḥ .
4 7 3 0301c bhagaṃ na hi tvā yaśasaṃ vasuvidamanu śūra carāmasi .. 1579
4 7 3 0302a pauro aśvasya purukṛdgavāmasyutso deva hiraṇyayaḥ .
4 7 3 0302c na kirhi dānaṃ pari mardhiṣatve yadyadyāmi tadā bhara .. 1580
4 7 3 0401a tvaṃ hyehi cerave vidā bhagaṃ vasuttaye .
4 7 3 0401c udvāvṛṣasva madhavangaviṣṭaya udindrāśvamiṣṭaye .. 1581
4 7 3 0402a tvaṃ purū sahasrāṇi śatāni ca yūthā dānāya maṃhase .
4 7 3 0402c ā purandaraṃ cakṛma vipravacasa indraṃ gāyanto 'vase .. 1582
4 7 3 0501a yo viśvā dayate vasu hotā mandro janānām .
4 7 3 0501c madhorna pātrā prathamānyasmai pra stomā yantvagnaye .. 1583
4 7 3 0502a aśva na gīrbhī rathyaṃ sudānavo marmṛjyante devayavaḥ .
4 7 3 0502c ubhe toke tanaye dasma vispate parṣi rādho maghonām .. 1584
4 7 3 0601a imaṃ me varuṇa śrudhī havamadyā ca mṛḍaya .
4 7 3 0601c tvāmavasyurā cake .. 1585
4 7 3 0701a kayā tvaṃ na ūtyābhi pra mandase vṛṣan .
4 7 3 0701c kayā stotṛbhya ā bhara .. 1586
4 7 3 0801a indramiddevatātaya indraṃ prayatyadhvare .
4 7 3 0801c indraṃ samīke vanino havāmaha indraṃ dhanasya sātaye .. 1587
4 7 3 0802a indro mahnā rodasī paprathacchava indraḥ sūryamarocayat .
4 7 3 0802c indre ha viśvā bhuvanāni yemira indre suvānāsa indavaḥ .. 1588
4 7 3 0901a viśvakarmanhaviṣā vāvṛdhānaḥ svayaṃ yajasva tanvā3ṃ svā hi te .
4 7 3 0901c muhyantvanye abhito janāsa ihāsmākaṃ maghavā sūrirastu .. 1589
4 7 3 1001a ayā rucā hariṇyā punāno viśvā dveṣāṃsi tarati sayugvabhiḥ sūro na sayugvabhiḥ .
4 7 3 1001c dhārā pṛṣṭhasya rocate punāno aruṣo hariḥ .