सामवेद · भाग 6180

4 5 1 03 03च् गृणाना देववीतये .. 1189
4 5 1 03 04अ उत नो वाजसातये पवस्व बृहतीरिषः .
4 5 1 03 04च् द्युमदिन्दो सुवीर्यम् .. 1190
4 5 1 03 05अ अत्या हियाना न हेतृभिरसृग्रं वाजसातये .
4 5 1 03 05च् वि वारमव्यमाशवः .. 1191
4 5 1 03 06अ ते नः सहस्रिणं रयिं पवन्तामा सुवीर्यम् .
4 5 1 03 06च् सुवाना देवास इन्दवः .. 1192
4 5 1 03 07अ वाश्रा अर्षन्तीन्दवो ऽभि वत्सं न मातरः .
4 5 1 03 07च् दधन्विरे गभस्त्योः .. 1193
4 5 1 03 08अ जुष्ट इन्द्राय मत्सरः पवमान कनिक्रदत् .
4 5 1 03 08च् विश्वा अप द्विषो जहि .. 1194
4 5 1 03 09अ अपघ्नन्तो अराव्णः पवमानाः स्वर्दृशः .
4 5 1 03 09च् योनावृतस्य सीदत .. 1195
4 5 1 04 01अ सोमा असृग्रमिन्दवः सुता ऋतस्य धारया .
4 5 1 04 01च् इन्द्राय मधुमत्तमाः .. 1196
4 5 1 04 02अ अभि विप्रा अनूषत गावो वत्सं न धेनवः .
4 5 1 04 02च् इन्द्रं सोमस्य पीतये .. 1197
4 5 1 04 03अ मदच्युत्क्षेति सादने सिन्धोरूर्मा विपश्चित् .
4 5 1 04 03च् सोमो गौरी अधि श्रितः .. 1198
4 5 1 04 04अ दिवो नाभा विचक्षणो ऽव्यो वारे महीयते .
4 5 1 04 04च् सोमो यः सुक्रतुः कविः .. 1199
4 5 1 04 05अ यः सोमः कलशेष्वा अन्तः पवित्र आहितः .
4 5 1 04 05च् तमिन्दुः परि षस्वजे .. 1200
4 5 1 04 06अ प्र वाचमिन्दुरिष्यति समुद्रस्याधि विष्टपि .
4 5 1 04 06च् जिन्वन्कोशं मधुश्चुतम् .. 1201
4 5 1 04 07अ नित्यस्तोत्रो वनस्पतिर्धेनामन्तः सबर्दुघाम् .
4 5 1 04 07च् हिन्वानो मानुषा युजा .. 1202
4 5 1 04 08अ आ पवमान धारय रयिं सहस्रवर्चसम् .
4 5 1 04 08च् अस्मे इन्दो स्वाभुवम् .. 1203
4 5 1 04 09अ अभि प्रिया दिवः कविर्विप्रः स धारया सुतः .
4 5 1 04 09च् सोमो हिन्वे परावति .. 1204
4 5 1 05 01अ उत्ते शुष्मास ईरते सिन्धोरूर्मेरिव स्वनः .
4 5 1 05 01च् वाणस्य चोदया पविम् .. 1205
4 5 1 05 02अ प्रसवे त उदीरते तिस्रो वाचो मखस्युवः .
4 5 1 05 02च् यदव्य एषि सानवि .. 1206
4 5 1 05 03अ अव्या वारैः परि प्रियं हरिं हिन्वन्त्यद्रिभिः .
4 5 1 05 03च् पवमानं मधुश्चुतम् .. 1207
4 5 1 05 04अ आ पवस्व मदिन्तम पवित्रं धारया कवे .
4 5 1 05 04च् अर्कस्य योनिमासदम् .. 1208
4 5 1 05 05अ स पवस्व मदिन्तम गोभिरञ्जानो अक्तुभिः .

4 5 1 05 05च् एन्द्रस्य जठरं विश .. 1209
4 5 1 06 01अ अया वीती परि स्रव यस्त इन्दो मदेष्वा .
4 5 1 06 01च् अवाहन्नवतीर्नव .. 1210
4 5 1 06 02अ पुरः सद्य इत्थाधिये दिवोदासाय शंबरम् .
4 5 1 06 02च् अध त्यं तुर्वशं यदुम् .. 121च्ल्स्दिर्
4 5 1 06 03अ परि नो अश्वमश्वविद्गोमदिन्दो हिरण्यवत् .
4 5 1 06 03च् क्षरा सहस्रिणीरिषः .. 1212
4 5 1 07 01अ अपघ्नन्पवते मृधो ऽप सोमो अराव्णः .
4 5 1 07 01च् गच्छन्निन्द्रस्य निष्कृतम् .. 1213
4 5 1 07 02अ महो नो राय आ भर पवमान जही मृधः .
4 5 1 07 02च् रास्वेन्दो वीरवद्यशः .. 1214
4 5 1 07 03अ न त्वा शतं च न ह्रुतो राधो दित्सन्तमा मिनन् .
4 5 1 07 03च् यत्पुनानो मखस्यसे .. 1215
4 5 1 08 01अ अया पवस्व धारया यया सूर्यमरोचयः .
4 5 1 08 01च् हिन्वानो मानुषीरपः .. 1216
4 5 1 08 02अ अयुक्त सूर एतशं पवमानो मनावधि .
4 5 1 08 02च् अन्तरिक्षेण यातवे .. 1217
4 5 1 08 03अ उत त्या हरितो रथे सूरो अयुक्त यातवे .
4 5 1 08 03च् इन्दुरिन्द्र इति ब्रुवन् .. 1218
4 5 1 09 01अ अग्निं वो देवमग्निभिः सजोषा यजिष्ठं दूतमध्वरे कृणुध्वम् .
4 5 1 09 01च् यो मर्त्येषु निध्रुविरृतावा तपुर्मूर्धा घृतान्नः पावकः .. 1219
4 5 1 09 02अ प्रोथदश्वो न यवसे ऽविष्यन्यदा महः संवरणाद्व्यस्थात् .
4 5 1 09 02च् आदस्य वातो अनु वाति शोचिरध स्म ते व्रजनं कृष्णमस्ति .. 1220
4 5 1 09 03अ उद्यस्य ते नवजातस्य वृष्णो ऽग्ने चरन्त्यजरा इधानाः .
4 5 1 09 03च् अच्छा द्यामरुषो धूम एषि सं दूतो अग्न ईयसे हि देवान् .. 1221
4 5 1 10 01अ तमिन्द्रं वाजयामसि महे वृत्राय हन्तवे .
4 5 1 10 01च् स वृषा वृषभो भुवत् .. 1222
4 5 1 10 02अ इन्द्रः स दामने कृत ओजिष्ठः स बले हितः .
4 5 1 10 02च् द्युम्नी श्लोकी स सोम्यः .. 1223
4 5 1 10 03अ गिरा वज्रो न सम्भृतः सबलो अनपच्युतः .
4 5 1 10 03च् ववक्ष उग्रो अस्तृतः .. 1224
4 5 1 11 01अ अध्वर्यो अद्रिभिः सुतं सोमं पवित्र आ नय .
4 5 1 11 01च् पुनाहीन्द्राय पातवे .. 1225
4 5 1 11 02अ तव त्य इन्दो अन्धसो देवा मधोर्व्याशत .
4 5 1 11 02च् पवमानस्य मरुतः .. 1226
4 5 1 11 03अ दिवः पीयूषमुत्तमं सोममिन्द्राय वज्रिणे .
4 5 1 11 03च् सुनोता मधुमत्तमम् .. 1227
4 5 1 12 01अ धर्त्ता दिवः पवते कृत्व्यो रसो दक्षो देवानामनुमाद्यो नृभिः .
4 5 1 12 01च् हरिः सृजानो अत्यो न सत्वभिर्वृथा पाजांसि कृणुषे नदीष्वा .. 1228
4 5 1 12 02अ शूरो न धत्त आयुधा गभस्त्योः स्वा3ः सिषासन्रथिरो गविष्टिषु .

4 5 1 12 02च् इन्द्रस्य शुष्ममीरयन्नपस्युभिरिन्दुर्हिन्वानो अज्यते मनीषिभिः .. 1229
4 5 1 12 03अ इन्द्रस्य सोम पवमान ऊर्मिणा तविष्यमाणो जठरेष्वा विश .
4 5 1 12 03च् प्र नः पिन्व विद्युदभ्रेव रोदसी धिया नो वाजां उप माहि शश्वतः .. 1230
4 5 1 13 01अ यदिन्द्र प्रागपागुदङ्न्यग्वा हूयसे नृभिः .
4 5 1 13 01च् सिमा पुरू नृषूतो अस्यानवे ऽसि प्रशर्ध तुर्वशे .. 1231
4 5 1 13 02अ यद्वा रुमे रुशमे श्यावके कृप इन्द्र मादयसे सचा .
4 5 1 13 02च् कण्वासस्त्वा स्तोमेभिर्ब्रह्मवाहस इन्द्रा यच्छन्त्या गहि .. 1232
4 5 1 14 01अ उभयं शृणवच्च न इन्द्रो अर्वागिदं वचः .
4 5 1 14 01च् सत्राच्या मघवान्त्सोमपीतये धिया शविष्ठ आ गमत् .. 1233
4 5 1 14 02अ तं हि स्वराजं वृषभं तमोजसा धिषणे निष्टतक्षतुः .
4 5 1 14 02च् उतोपमानां प्रथमो नि षीदसि सोमकामं हि ते मनः .. 1234
4 5 1 15 01अ पवस्व देव आयुषगिन्द्रं गच्छतु ते मदः .
4 5 1 15 01च् वायुमा रोह धर्मणा .. 1235
4 5 1 15 02अ पवमान नि तोशसे रयिं सोम श्रवाय्यम् .
4 5 1 15 02च् इन्दो समुद्रमा विश .. 1236
4 5 1 15 03अ अपघ्नन्पवसे मृधः क्रतुवित्सोम मत्सरः .
4 5 1 15 03च् नुदस्वादेवयुं जनम् .. 1237
4 5 1 16 01अ अभी नो वाजसातमं रयिमर्ष शतस्पृहम् .
4 5 1 16 01च् इन्दो सहस्रभर्णसं तुविद्युम्नं विभासहम् .. 1238
4 5 1 16 02अ वयं ते अस्य राधसो वसोर्वसो पुरुस्पृहः .
4 5 1 16 02च् नि नेदिष्ठतमा इषः स्याम सुम्ने ते आध्रिगो .. 1239
4 5 1 16 03अ परि स्य स्वानो अक्षरिदिन्दुरव्ये मदच्युतः .
4 5 1 16 03च् धारा य ऊर्ध्वो अध्वरे भ्राजा न याति गव्ययुः .. 1240
4 5 1 16 04अ पवस्व सोम महान्त्समुद्रः पिता देवानां विश्वाभि धाम .. 1241
4 5 1 16 05अ शुक्रः पवस्व देवेभ्यः सोम दिवे पृथिव्यै शं च प्रजाभ्यः .. 1242
4 5 1 16 06अ दिवो धर्त्तासि शुक्रः पीयूषः सत्ये विधर्मन्वाजी पवस्व .. 1243
4 5 1 18 01अ प्रेष्ठं वो अतिर्थिं स्तुषे मित्रमिव प्रियम् .
4 5 1 18 01च् अग्ने रथं न वेद्यम् .. 1244
4 5 1 18 02अ कविमिव प्रशंस्यं यं देवास इति द्विता .
4 5 1 18 02च् नि मर्त्येष्वादधुः .. 1245
4 5 1 18 03अ त्वं यविष्ठ दाशुषो न्र्^ईंपाहि शृणुही गिरः .
4 5 1 18 03च् रक्षा तोकमुत त्मना .. 1246
4 5 1 19 01अ एन्द्र नो गधि प्रिय सत्राजिदगोह्य .
4 5 1 19 01च् गिरिर्न विश्वतः पृथुः पतिर्दिवः .. 1247
4 5 1 19 02अ अभि हि सत्य सोमपा उभे बभूथ रोदसी .
4 5 1 19 02च् इन्द्रासि सुन्वतो वृधः पतिर्दिवः .. 1248
4 5 1 19 03अ त्वं हि शश्वतीनामिन्द्र धर्त्ता पुरामसि .
4 5 1 19 03च् हन्ता दस्योर्मनोर्वृधः पतिर्दिवः .. 1249
4 5 1 20 01अ पुरां भिन्दुर्युवा कविरमितौजा अजायत .
4 5 1 20 01च् इन्द्रो विश्वस्य कर्मणो धर्त्ता वज्री पुरुष्टुतः .. 1250

4 5 1 20 02अ त्वं वलस्य गोमतो ऽपावरद्रिवो बिलम् .
4 5 1 20 02च् त्वां देवा अबिभ्युषस्तुज्यमानास आविषुः .. 1251
4 5 1 20 03अ इन्द्रमीशानमोजसाभि स्तोमैरनूषत .
4 5 1 20 03च् सहस्रं यस्य रातय उत वा सन्ति भूयसीः .. 1252
पञ्चम प्रपाठकः . द्वितीयो ऽर्धः
4 5 2 01 01अ अक्रान्त्समुद्रः प्रथमे विधर्मं जनयन्प्रजा भुवनस्य गोपाः .
4 5 2 01 01च् वृषा पवित्रे अधि सानो अव्ये बृहत्सोमो वावृधे स्वानो अद्रिः .. 1253
4 5 2 01 02अ मत्सि वायुमिष्टये राधसे च मत्सि मित्रावरुणा पूयमानः .
4 5 2 01 02च् मत्सि शर्धो मारुतं मत्सि देवान्मत्सि द्यावापृथिवी देव सोम .. 1254
4 5 2 01 03अ महत्तत्सोमो महिषश्चकारापां यद्गर्भो ऽवृणीत देवान् .
4 5 2 01 03च् अदधादिन्द्रे पवमान ओजो ऽजनयत्सूर्ये ज्योतिरिन्दुः .. 1255
4 5 2 02 01अ एष देवो अमर्त्यः पर्णवीरिव दीयते .
4 5 2 02 01च् अभि द्रोणान्यासदम् .. 1256
4 5 2 02 02अ एष विप्रैरभिष्टुतो ऽपो देवो वि गाहते .
4 5 2 02 02च् दधद्रत्नानि दाशुषे .. 1257
4 5 2 02 03अ एष विश्वानि वार्या शूरो यन्निव सत्वभिः .
4 5 2 02 03च् पवमानः सिषासति .. 1258
4 5 2 02 04अ एष देवो रथर्यति पवमानो दिशस्यति .
4 5 2 02 04च् आविष्कृणोति वग्वनुम् .. 1259
4 5 2 02 05अ एष देवो विपन्युभिः पवमान ऋतायुभिः .
4 5 2 02 05च् हरिर्वाजाय मृज्यते .. 1260
4 5 2 02 06अ एष देवो विपा कृतो ऽति ह्वरांसि धावति .
4 5 2 02 06च् पवमानो अदाभ्यः .. 1261
4 5 2 02 07अ एष दिवं वि धावति तिरो रजांसि धारया .
4 5 2 02 07च् पवमानः कनिक्रदत् .. 1262
4 5 2 02 08अ एष दिवं व्यासरत्तिरो रजांस्यस्पृतः .
4 5 2 02 08च् पवमानः स्वध्वरः .. 1263
4 5 2 02 09अ एष प्रत्नेन जन्मना देवो देवेभ्यः सुतः .
4 5 2 02 09च् हरिः पवित्रे अर्षति .. 1264
4 5 2 02 10अ एष उ स्य पुरुव्रतो जज्ञानो जनयन्निषः .
4 5 2 02 10च् धारया पवते सुतः .. 1265
4 5 2 03 01अ एष धिया यात्यण्व्य शूरो रथेभिराशुभिः .
4 5 2 03 01च् गच्छन्निन्द्रस्य निष्कृतम् .. 1266
4 5 2 03 02अ एष पुरू धियायते बृहते देवतातये .
4 5 2 03 02च् यत्रामृतास आशत .. 1267
4 5 2 03 03अ एतं मृजन्ति मर्ज्यमुप द्रोणेष्वायवः .
4 5 2 03 03च् प्रचक्राणं महीरिषः .. 1268
4 5 2 03 04अ एष हितो वि नीयते ऽन्तः शुन्ध्यावता पथा .
4 5 2 03 04च् यदी तुञ्जन्ति भूर्णयः .. 1269
4 5 2 03 05अ एष रुक्मिभिरीयते वाजि शुभ्रेभिरंशुभिः .

4 5 2 03 05च् पतिः सिन्धूनां भवन् .. 1270
4 5 2 03 06अ एष शृङ्गाणि दोधुवच्छिशीते यूथ्यो3 वृषा .
4 5 2 03 06च् नृम्णा दधान ओजसा .. 1271
4 5 2 03 07अ एष वसूनि पिब्दनः परुषा ययिवां अति .
4 5 2 03 07च् अव शादेषु गच्छति .. 1272
4 5 2 03 08अ एतमु त्यं दश क्षिपो हरिं हिवन्ति यातवे .
4 5 2 03 08च् स्वायुधं मदिन्तमम् .. 1273
4 5 2 04 01अ एष उ स्य वृषा रथो ऽव्या वारेभिरव्यत .
4 5 2 04 01च् गच्छन्वाजं सहस्रिणम् .. 1274
4 5 2 04 02अ एतं त्रितस्य योषणो हरिं हिन्वन्त्यद्रिभिः .
4 5 2 04 02च् इन्दुमिन्द्राय पीतये .. 1275
4 5 2 04 03अ एष स्य मानुषीष्वा श्येनो न विक्षु सीदति .
4 5 2 04 03च् गच्छं जारो न योषितम् .. 1276
4 5 2 04 04अ एष स्य मद्यो रसो ऽव चष्टे दिवः शिशुः .
4 5 2 04 04च् य इन्दुर्वारमाविशत् .. 1277
4 5 2 04 05अ एष स्य पीतये सुतो हरिरर्षति धर्णसिः .
4 5 2 04 05च् क्रन्दन्योनिमभि प्रियम् .. 1278
4 5 2 04 06अ एतं त्यं हरितो दश मर्मृज्यन्ते अपस्युवः .
4 5 2 04 06च् याभिर्मदाय शुम्भते .. 1279
4 5 2 05 01अ एष वाजी हितो नृभिर्विश्वविन्मनसस्पतिः .
4 5 2 05 01च् अव्यो वारं वि धावति .. 1280
4 5 2 05 02अ एष पवित्रे अक्षरत्सोमो देवेभ्यः सुतः .
4 5 2 05 02च् विश्वा धामान्याविशन् .. 1281
4 5 2 06 03अ एष देवः शुभायते ऽधि योनावमर्त्यः .
4 5 2 06 03च् वृत्रहा देववीतमः .. 1282
4 5 2 07 04अ एष वृषा कनिक्रदद्दशभिर्जामिभिर्यतः .
4 5 2 07 04च् अभि द्रोणानि धावति .. 1283
4 5 2 08 05अ एष सूर्यमरोचयत्पवमानो अधि द्यवि .
4 5 2 08 05च् पवित्रे मत्सरो मदः .. 1284
4 5 2 09 06अ एष सूर्येण हासते संवसानो विवस्वता .
4 5 2 09 06च् पतिर्वाचो अदाभ्यः .. 1285
4 5 2 06 01अ एष कविरभिष्टुतः पवित्रे अधि तोशते .
4 5 2 06 01च् पुनानो घ्नन्नप द्विषः .. 1286
4 5 2 06 02अ एष इन्द्राय वायवे स्वर्जित्परि षिच्यते .
4 5 2 06 02च् पवित्रे दक्षसाधनः .. 1287
4 5 2 06 03अ एष नृभिर्वि नीयते दिवो मूर्धा वृषा सुतः .
4 5 2 06 03च् सोमो वनेषु विश्ववित् .. 1288
4 5 2 06 04अ एष गव्युरचिक्रदत्पवमानो हिरण्ययुः .
4 5 2 06 04च् इन्दुः सत्राजिदस्तृतः .. 1289
4 5 2 06 05अ एष शुष्म्यसिष्यददन्तरिक्षे वृषा हरिः .

4 5 2 06 05च् पुनान इन्दुरिन्द्रमा .. 1290
4 5 2 06 06अ एष शुष्म्यदाभ्यः सोमः पुनानो अर्षति .
4 5 2 06 06च् देवावीरघशंसहा .. 1291
4 5 2 07 01अ स सुतः पीतये वृषा सोमः पवित्रे अर्षति .
4 5 2 07 01च् विघ्नन्रक्षांसि देवयुः .. 1292
4 5 2 07 02अ स पवित्रे विचक्षणो हरिरर्षति धर्णसिः .
4 5 2 07 02च् अभि योनिं कनिक्रदत् .. 1293
4 5 2 07 03अ स वाजी रोचना दिवः पवमानो वि धावति .
4 5 2 07 03च् रक्षोहा वारमव्ययम् .. 1294
4 5 2 07 04अ स त्रितस्याधि सानवि पवमानो अरोचयत् .
4 5 2 07 04च् जामिभिः सूर्यं सह .. 1295
4 5 2 07 05अ स वृत्रहा वृषा सुतो वरिवोविददाभ्यः .
4 5 2 07 05च् सोमो वाजमिवासरत् .. 1296
4 5 2 07 06अ स देवः कविनेषितो3 ऽभि द्रोणानि धावति .
4 5 2 07 06च् इन्दुरिन्द्राय मंहयन् .. 1297
4 5 2 08 01अ यः पावमानीरध्येत्यृषिभिः सम्भृतं रसम् .
4 5 2 08 01च् सर्वं स पूतमश्नाति स्वदितं मातरिश्वना .. 1298
4 5 2 08 02अ पावमानीर्यो अध्येत्यृषिभिः सम्भृतं रसम् .
4 5 2 08 02च् तस्मै सरस्वती दुहे क्षीरं सर्पिर्मधूदकम् .. 1299
4 5 2 08 03अ पावमानीः स्वस्त्ययनीः सुदुघा हि घृतश्चुतः .
4 5 2 08 03च् ऋषिभिः संभृतो रसो ब्राह्मणेष्वमृतं हितम् .. 1300
4 5 2 08 04अ पावमानीर्दधन्तु न इमं लोकमथो अमुम् .
4 5 2 08 04च् कामान्त्समर्धयन्तु नो देवीर्देवैः समाहृताः .. 1301
4 5 2 08 05अ येन देवाः पवित्रेणात्मानं पुनते सदा .
4 5 2 08 05च् तेन सहस्रधारेण पावमानीः पुनन्तु नः .. 1302
4 5 2 08 06अ पावमानीः स्वस्त्ययनीस्ताभिर्गच्छति नान्दनम् .
4 5 2 08 06च् पुण्यांश्च भक्षान्भक्षयत्यमृतत्वं च गच्छति .. 1303
4 5 2 09 01अ अगन्म महा नमसा यविष्ठं यो दीदाय समिद्धः स्वे दुरोणे .
4 5 2 09 01च् चित्रभानुं रोदसी अन्तरुर्वी स्वाहुतं विश्वतः प्रत्यञ्चम् .. 1304
4 5 2 09 02अ स मह्ना विश्वा दुरितानि साह्वानग्नि ष्टवे दम आ जातवेदाः .
4 5 2 09 02च् स नो रक्षिषद्दुरितादवद्यादस्मान्गृणत उत नो मघोनः .. 1305
4 5 2 09 03अ त्वं वरुण उत मित्रो अग्ने त्वां वर्धन्ति मतिभिर्वसिष्ठाः .
4 5 2 09 03च् त्वे वसु सुषणनानि सन्तु यूयं पात स्वस्तिभिः सदा नः .. 1306
4 5 2 10 01अ महां इन्द्रो य ओजसा पर्जन्यो वृष्टिमां इव .
4 5 2 10 01च् स्तोमैर्वत्सस्य वावृधे .. 1307
4 5 2 10 01अ कण्वा इन्द्रं यदक्रत स्तोमैर्यज्ञस्य साधनम् .
4 5 2 10 01च् जामि ब्रुवत आयुधा .. 1308
4 5 2 10 01अ प्रजामृतस्य पिप्रतः प्र यद्भरन्त वह्नयः .
4 5 2 10 01च् विप्रा ऋतस्य वाहसा .. 1309
4 5 2 11 01अ पवमानस्य जिघ्नतो हरेश्चन्द्रा असृक्षत .

4 5 2 11 01च् जीरा अजिरशोचिषः .. 1310
4 5 2 11 02अ पवमानो रथीतमः शुभ्रेभिः शुभ्रशस्तमः .
4 5 2 11 02च् हरिश्चन्द्रो मरुद्गणः .. 1311
4 5 2 11 03अ पवमान् व्यश्नुहि रश्मिभिर्वाजसातमः .
4 5 2 11 03च् दधत्स्तोत्रे सुवीर्यम् .. 1312
4 5 2 12 01अ परीतो षिञ्चता सुतं सोमो य उत्तमं हविः .
4 5 2 12 01च् दधन्वां यो नर्यो अप्स्वा3न्तरा सुषाव सोममद्रिभिः .. 1313
4 5 2 12 02अ नूनं पुनानो ऽविभिः परि स्रवादब्धः सुरभिन्तरः .
4 5 2 12 02च् सुते चित्वाप्सु मदामो अन्धसा श्रीणन्तो गोभिरुत्तरम् .. 1314
4 5 2 12 03अ परि स्वानश्चक्षसे देवमादनः क्रतुरिन्दुर्विचक्षणः .. 1315
4 5 2 13 01अ असावि सोमो अरुषो वृषा हरी राजेव दस्मो अभि गा अचिक्रदत् .
4 5 2 13 01च् पुनानो वारमत्येष्यव्ययं श्येनो न योनिं घृतवन्तमासदत् .. 1316
4 5 2 13 02अ पर्जन्यः पिता महिषस्य पर्णिनो नाभा पृथिव्या गिरिषु क्षयं दधे .
4 5 2 13 02च् स्वसार आपो अभि गा उदासरन्त्सं ग्रावभिर्वसते वीते अध्वरे .. 1317
4 5 2 13 03अ कविर्वेधस्या पर्येषि माहिनमत्यो न मृष्टो अभि वाजमर्षसि .
4 5 2 13 03च् अपसेधन्दुरिता सोम नो मृड घृता वसानः परि यासि निर्णिजम् .. 1318
4 5 2 14 01अ श्रायन्त इव सूर्यं विश्वेदिन्द्रस्य भक्षत .
4 5 2 14 01च् वसूनि जातो जनिमान्योजसा प्रति भागं न दीधिमः .. 1319
4 5 2 14 02अ अलर्षिरातिं वसुदामुप स्तुहि भद्रा इन्द्रस्य रातयः .
4 5 2 14 02च् यो अस्य कामं विधतो न रोषति मनो दानाय चोदयन् .. 1320
4 5 2 15 01अ यत इन्द्र भयामहे ततो नो अभ्यं कृधि .
4 5 2 15 01च् मघवन्छग्धि तव तन्न ऊतये वि द्विषो वि मृधो जहि .. 1321
4 5 2 15 02अ त्वं हि राधस्पते राधसो महः क्षयस्यासि विध्रत्ता .
4 5 2 15 02च् तं त्वा वयं मघवन्निन्द्र गिर्वणः सुतावन्तो हवामहे .. 1322
4 5 2 16 01अ त्वं सोमासि धारयुर्मन्द्र ओजिष्ठो अध्वरे .
4 5 2 16 01च् पवस्व मंहयद्रयिः .. 1323
4 5 2 16 02अ त्वं सुतो मदिन्तमो दधन्वान्मत्सरिन्तमः .
4 5 2 16 02च् इन्दुः सत्राजिदस्तृतः .. 1324
4 5 2 16 03अ त्वं सुष्वाणो अद्रिभिरभ्यर्ष कनिक्रदत् .
4 5 2 16 03च् द्युमन्तं शुष्मा भर .. 1325
4 5 2 17 01अ पवस्व देववीतय इन्दो धाराभिरोजसा .
4 5 2 17 01च् आ कलशं मधुमान्त्सोम नः सदः .. 1326
4 5 2 17 02अ तव द्रप्सा उदप्रुत इन्द्रं मदाय वावृधुः .
4 5 2 17 02च् त्वां देवासो अमृताय कं पपुः .. 1327
4 5 2 17 03अ आ नः सुतास इन्दवः पुनाना धावता रयिम् .
4 5 2 17 03च् वृष्टिद्यावो रीत्यापः स्वर्विदः .. 1328
4 5 2 18 01अ परि त्यं हर्यतं हरिं बभ्रुं पुनन्ति वारेण .
4 5 2 18 01च् यो देवान्विश्वां इत्परि मदेन सह गच्छति .. 1329
4 5 2 18 02अ द्विर्यं पञ्च स्वयशसं सखायो अद्रिसंहतम् .
4 5 2 18 02च् प्रियमिन्द्रस्य काम्यं प्रस्नापयन्त ऊर्मयः .. 1330

4 5 2 18 03अ इन्द्राय सोम पातवे वृत्रघ्ने परि षिच्यसे .
4 5 2 18 03च् नरे च दक्षिणावते वीराय सदनासदे .. 1331
4 5 2 19 01अ पवस्व सोम महे दक्षायाश्वो न निक्तो वाजी धनाय .. 1332
4 5 2 19 02अ प्र ते सोतारो रसं मदाय पुनन्ति सोमं महे द्युम्नाय .. 1333
4 5 2 19 03अ शिशुं जज्ञानं हरिं मृजन्ति पवित्रे सोमं देवेभ्य इन्दुम् .. 1334
4 5 2 20 01अ उषो षु जातमप्तुरं गोभिर्भङ्गं परिष्कृतम् .
4 5 2 20 01च् इन्दुं देवा अयासिषुः .. 1335
4 5 2 20 02अ तमिद्वर्धन्तु नो गिरो वत्सं संशिश्वरीरिव .
4 5 2 20 02च् य इन्द्रस्य हृदंसनिः .. 1336
4 5 2 20 03अ अर्षा नः सोम शं गवे धुक्षस्व पिप्युषीमिषम् .
4 5 2 20 03च् वर्धा समुद्रमुक्थ्यम् .. 1337
4 5 2 21 01अ आ घा ये अग्निमिन्धते स्तृणन्ति बर्हिरानुषक् .
4 5 2 21 01च् येषामिन्द्रो युवा सखा .. 1338
4 5 2 21 02अ बृहन्निदिध्म एषां भूरि शस्त्रं पृथुः स्वरुः .
4 5 2 21 02च् येषामिन्द्रो युवा सखा .. 1339
4 5 2 21 03अ अयुद्ध इद्युधा वृतं शूर आजति सत्वभिः .
4 5 2 21 03च् येषामिन्द्रो युवा सखा .. 1340
4 5 2 22 01अ य एक इद्विदयते वसु मर्त्ताय दाशुषे .
4 5 2 22 01च् ईशानो अप्रतिष्कुत इन्द्रो अङ्ग .. 1341
4 5 2 22 02अ यश्चिद्धि त्वा बहुभ्य आ सुतावां आविवासति .
4 5 2 22 02च् उग्रं तत्पत्यते शव इन्द्रो अङ्ग .. 1342
4 5 2 22 03अ कदा मर्त्तमराधसं पदा क्षुम्पमिव स्फुरत् .
4 5 2 22 03च् कदा नः शुश्रवद्गिर इन्द्रो अङ्ग .. 1343
4 5 2 23 01अ गायन्ति त्वा गायत्रिणो ऽर्चन्त्यर्कमर्किणः .
4 5 2 23 01च् ब्रह्माणस्त्वा शतक्रत उद्वंशमिव येमिरे .. 1344
4 5 2 23 02अ यत्सानोः सान्वारुहो भूर्यस्पष्ट कर्त्त्वम् .
4 5 2 23 02च् तदिन्द्रो अर्थं चेतति यूथेन वृष्णिरेजति .. 1345
4 5 2 23 03अ युङ्क्ष्वा हि केशिना हरी वृषणा कक्ष्यप्रा .
4 5 2 23 03च् अथा न इन्द्र सोमपा गिरामुपश्रुतिं चर .. 1346
षष्ठ प्रपाठकः . प्रथमो ऽर्धः
4 6 1 01 01अ सुषमिद्धो न आ वह देवां अग्ने हविष्मते .
4 6 1 01 01च् होतः पावक यक्षि च .. 1347
4 6 1 01 02अ मधुमन्तं तनूनपाद्यज्ञं देवेषु नः कवे .
4 6 1 01 02च् अद्या कृणुय्हूतये .. 1348
4 6 1 01 03अ नराशंसमिह प्रियमस्मिन्यज्ञ उप ह्वये .
4 6 1 01 03च् मधुजिह्वं हविष्कृतम् .. 1349
4 6 1 01 04अ अग्ने सुखतमे रथे देवां ईडित आ वह .
4 6 1 01 04च् असि होता मनुर्हितः .. 1350
4 6 1 02 01अ यदद्य सूर उदिते ऽनागा मित्रो अर्यमा .
4 6 1 02 01च् सुवाति सविता भगः .. 1351

4 6 1 02 02अ सुप्रावीरस्तु स क्षयः प्र नु यामन्त्सुदानवः .
4 6 1 02 02च् ये नो अंहो ऽतिपिप्रति .. 1352
4 6 1 02 03अ उत स्वराजो अदितिरदब्धस्य व्रतस्य ये .
4 6 1 02 03च् महो राजान ईशते .. 1353
4 6 1 03 01अ उ त्वा मन्दन्तु सोमाः कृणुष्व राधो अद्रिवः .
4 6 1 03 01च् अव ब्रह्मद्विषो जहि .. 1354
4 6 1 03 02अ पदा पणीनराधसो नि बाधस्व महां असि .
4 6 1 03 02च् न हि त्वा कश्च न प्रति .. 1355
4 6 1 03 03अ त्वमीशिषे सुतानामिन्द्र त्वमसुतानाम् .
4 6 1 03 03च् त्वं राजा जनानाम् .. 1356
4 6 1 04 01अ आ जागृविर्विप्र ऋतां मतीनां सोमः पुनानो असदच्चमूषु .
4 6 1 04 01च् सपन्ति यं मिथुनासो निकामा अध्वर्यवो रथिरासः सुहस्ताः .. 1357
4 6 1 04 02अ स पुनान उप सूरे दधान ओबे अप्रा रोदसी वि ष आवः .
4 6 1 04 02च् प्रिया चिद्यस्य प्रियसास ऊती सतो धनं कारिणे न प्र यंसत् .. 1358
4 6 1 04 03अ स वर्धिता वर्धनः पूयमानः सोमो मीढ्वां अभि नो ज्योतिषावीत् .
4 6 1 04 03च् यत्र नः पूर्वे पितरः पदज्ञाः स्वर्विदो अभि गा अद्रिमिष्णन् .. 1359
4 6 1 05 01अ मा चिदन्यद्वि शंसत सखायो मा रिषण्यत .
4 6 1 05 01च् इन्द्रमित्स्तोता वृषणं सचा सुते मुहुरुक्था च शंसत .. 1360
4 6 1 05 02अ अवक्रक्षिणं वृषभं यथा जुवं गां न चर्षणीसहम् .
4 6 1 05 02च् विद्वेषणं संवननमुभयङ्करं मंहिष्ठमुभयाविनम् .. 1361
4 6 1 06 01अ उदु त्ये मधुमत्तमा गिर स्तोमास ईरते .
4 6 1 06 01च् सत्राजितो धनसा अक्षितोतयो वाजन्तो रथा इव .. 1362
4 6 1 06 02अ कण्वा इव भृगवः सूर्या इव विश्वमिद्धीतमाशत .
4 6 1 06 02च् इन्द्रं स्तोमेभिर्महयन्त आयवः प्रियमेधासो अस्वरन् .. 1363
4 6 1 07 01अ पर्यू षु प्र धन्व वाजसातये परि वृत्राणि सक्षणिः .
4 6 1 07 01च् द्विषस्तरध्या ऋणया न ईरसे .. 1364
4 6 1 07 02अ अजीजनो हि पवमान सूर्यं विधारे शक्मना पयः .
4 6 1 07 02च् गोजीरया रंहमानः पुरन्ध्या .. 1365
4 6 1 07 03अ अनु हि त्वा सुतं सोम मदामसि महे समर्यराज्ये .
4 6 1 07 03च् वाजां अभि पवमान प्र गाहसे .. 1366
4 6 1 08 01अ परि प्र धन्वेन्द्राय सोम स्वादुर्मित्राय पूष्णे भगाय .. 1367
4 6 1 08 02अ एवामृताय महे क्षयाय स शुक्रो अर्ष दिव्यः पीयूषः .. 1368
4 6 1 08 03अ इन्द्रस्ते सोम सुतस्य पेयात्क्रत्वे दक्षाय विश्वे च देवाः .. 1369
4 6 1 09 01अ सूर्यस्येव रश्मयो द्रावयित्नवो मत्सरासः प्रसुतः साकमीरते .
4 6 1 09 01च् तन्तुं ततं परि सर्गास आशवो नेन्द्रादृते पवते धाम किं चन .. 1370
4 6 1 09 02अ उपो मतिः पृच्यते सिच्यते मधु मन्द्राजनी चोदते अन्तरासनि .
4 6 1 09 02च् पवमानः सन्तनिः सुन्वतामिव मधुमान्द्रप्सः परि वारमर्षति .. 1371
4 6 1 09 03अ उक्षा मिमेति प्रति यन्ति धेनवो देवस्य देवीरुप यन्ति निष्कृतम् .
4 6 1 09 03च् अत्यक्रमीदर्जुनं वारमव्ययमत्कं न निक्तं परि सोमो अव्यत .. 1372
4 6 1 10 01अ अग्निं नरो दीधितिभिररण्योर्हस्तच्युतं जनयत प्रशस्तम् .

4 6 1 10 01च् दूरेदृशं गृहपतिमथव्युम् .. 1373
4 6 1 10 02अ तमग्निमस्ते वसवो न्यृण्वन्त्सुप्रतिचक्षमवसे कुतश्चित् .
4 6 1 10 02च् दक्षाय्यो यो दम आस नित्यः .. 1374
4 6 1 10 03अ प्रेद्धो अग्ने दीदिहि पुरो नो ऽजस्रया सूर्म्या यविष्ठ .
4 6 1 10 03च् त्वां शश्वन्त उप यन्ति वाजाः .. 1375
4 6 1 11 01अ आयं गौः पृश्निरक्रमीदसदन्मातरं पुरः .
4 6 1 11 01च् पितरं च प्रयन्त्स्वः .. 1376
4 6 1 11 02अ अन्तश्चरति रोचनास्य प्राणादपानती .
4 6 1 11 02च् व्यख्यन्महिषो दिवम् .. 1377
4 6 1 11 03अ त्रिंशद्धाम वि राजति वाक्पतङ्गाय धीयते .
4 6 1 11 03च् प्रति वस्तोरह द्युभिः .. 1378
षष्ठ प्रपाठकः . द्वितीयो ऽर्धः
4 6 2 01 01अ उपप्रयन्तो अध्वरं मन्त्रं वोचेमाग्नये .
4 6 2 01 01च् आरे अस्मे च शृण्वते .. 1379
4 6 2 01 02अ यः स्नीहितीषु पूर्व्यः संजग्मानासु कृष्टिषु .
4 6 2 01 02च् अरक्षद्दाशुषे गयम् .. 1380
4 6 2 01 03अ स नो वेदो अमात्यमग्नी रक्षतु शन्तमः .
4 6 2 01 03च् उतास्मान्पात्वंहसः .. 1381
4 6 2 01 04अ उत ब्रुवन्तु जन्तव उदग्निर्वृत्रहाजनि .
4 6 2 01 04च् धनञ्जयो रणेरणे .. 1382
4 6 2 02 01अ अग्ने युङ्क्ष्वा हि ये तवाश्वासो देव साधवः .
4 6 2 02 01च् अरं वहन्त्याशवः .. 1383
4 6 2 02 02अ अच्छा नो याह्या वहाभि प्रयांसि वीतये .
4 6 2 02 02च् आ देवान्त्सोमपीतये .. 1384
4 6 2 02 03अ उदग्ने भारत द्युमदजस्रेण दविद्युतत् .
4 6 2 02 03च् शोचा वि भाह्यजर .. 1385
4 6 2 0301अ प्र सुन्वानायान्धसो मर्त्तो न वष्ट तद्वचः .
4 6 2 0301च् अप श्वानमराधसं हता मखं न भृगवः .. 1386
4 6 2 0302अ आ जामिरत्के अव्यत भुजे न पुत्र ओण्योः .
4 6 2 0302च् सरज्जारो न योषणां वरो न योनिमासदम् .. 1387
4 6 2 0303अ स वीरो दक्षसाधनो वि यस्तस्तम्भ रोदसी .
4 6 2 0303च् हरिः पवित्रे अव्यत वेधा न योनिमासदम् .. 1388
4 6 2 0401अ अभ्रातृव्यो अना त्वमनापिरिन्द्र जनुषा सनादसि .
4 6 2 0401च् युधेदापित्वमिच्छसे .. 1389
4 6 2 0402अ न की रेवन्तं सख्याय विन्दसे पीयन्ति ते सुराश्वः .
4 6 2 0402च् यदा कृणोषि नदनुं समूहस्यादित्पितेव हूयसे .. 1390
4 6 2 0501अ आ त्वा सहस्रमा शतं युक्ता रथे हिरण्यये .
4 6 2 0501च् ब्रह्मयुजो हरय इन्द्र केशिनो वहन्तु सोमपीतये .. 1391
4 6 2 0502अ आ त्वा रथे हिरण्यये हरी मयूरशेप्या .
4 6 2 0502च् शितिपृष्ठा वहतां मध्वो अन्धसो विवक्षणस्य पीतये .. 1392

4 6 2 0503अ पिबा त्वा3स्य गिर्वणः सुतस्य पूर्वपा इव .
4 6 2 0503च् परिष्कृतस्य रसिन इयमासुतिश्चारुर्मदाय पत्यते .. 1393
4 6 2 0601अ आ सोता परि षिञ्चताश्वं न स्तोममप्तुरं रजस्तुरम् .
4 6 2 0601च् वनप्रक्षमुदप्रुतम् .. 1394
4 6 2 0602अ सहस्रधारं वृषभं पयोदुहं प्रियं देवाय जन्मने .
4 6 2 0602च् ऋतेन य ऋतजातो विवावृधे राजा देव ऋतं बृहत् .. 1395
4 6 2 0701अ अग्निर्वृत्राणि जङ्घनद्द्रविणस्युर्विपन्यया .
4 6 2 0701च् समिद्धः शुक्र आहुतः .. 1396
4 6 2 0702अ गर्भे मातुः पितुष्पिता विदिद्युतानो अक्षरे .
4 6 2 0702च् सीदन्नृतस्य योनिमा .. 1397
4 6 2 0703अ ब्रह्म प्रजावदा भर जातवेदो विचर्षणे .
4 6 2 0703च् अग्ने यद्दीदयद्दिवि .. 1398
4 6 2 0801अ अस्य प्रेषा हेमना पूयमानो देवो देवेभिः समपृक्त रसम् .
4 6 2 0801च् सुतः पवित्रं पर्येति रेभन्मितेव सद्म पशुमन्ति होता .. 1399
4 6 2 0802अ भद्रा वस्त्रा समन्या ऽ ऽ3 वसानो महान्कविर्निवचनानि शंसन् .
4 6 2 0802च् आ वच्यस्व चम्वोः पूयमानो विचक्षणो जागृविर्देववीतौ .. 1400
4 6 2 0803अ समु प्रियो मृज्यते सानो अव्ये यशस्तरो यशसां क्षैतो अस्मे .
4 6 2 0803च् अभि स्वर धन्वा पूयमानो यूयं पात स्वस्तिभिः सदा नः .. 1401
4 6 2 0901अ एतो न्विन्द्रं स्तवाम शुद्धं शुद्धेन साम्ना .
4 6 2 0901च् शुद्धैरुक्थैर्वावृध्वांसं शुद्धैराशीर्वान्ममत्तु .. 1402
4 6 2 0902अ इन्द्र शुद्धो न आ गहि शुद्धः शुद्धाभिरूतिभिः .
4 6 2 0902च् शुद्धो रयिं नि धारय शुद्धो ममद्धि सोम्य .. 1403
4 6 2 0903अ इन्द्र शुद्धो हि नो रयिं शुद्धो रत्नानि दाशुषे .
4 6 2 0903च् शुद्धो वृत्राणि जिघ्नसे शुद्धो वाजं सिषाससि .. 1404
4 6 2 1001अ अग्ने स्तोमं मनामहे सिध्रमद्य दिविस्पृशः .
4 6 2 1001च् देवस्य द्रविणस्यवः .. 1405
4 6 2 1002अ अग्निर्जुषत नो गिरो होता यो मानुषेष्वा .
4 6 2 1002च् स यक्षद्दैव्यं जनम् .. 1406
4 6 2 1003अ त्वमग्ने सप्रथा असि जुष्टो होता वरेण्यः .
4 6 2 1003च् त्वया यज्ञं वि तन्वते .. 1407
4 6 2 1101अ अभि त्रिपृष्ठं वृषणं वयोधामाङ्गोषिणमवावशंत वाणीः .
4 6 2 1101च् वना वसानो वरुणो न सिन्धूर्वि रत्नधा दयते वार्याणि .. 1408
4 6 2 1102अ शूरग्रामः सर्ववीरः सहावान्जेता पवस्व सनिता धनानि .
4 6 2 1102च् तिग्मायुधः क्षिप्रधन्वा समत्स्वषाढः साह्वान्पृतनासु शत्रून् .. 1409
4 6 2 1103अ उरुगव्यूतिरभयानि कृण्वन्त्समीचीने आ पवस्वा पुरन्धी .
4 6 2 1103च् अपः सिषासन्नुषसः स्वा3र्गाः सं चिक्रदो महो अस्मभ्यं वाजान् .. 1410
4 6 2 1201अ त्वमिन्द्र यशा अस्यृजीषी शवसस्पतिः .
4 6 2 1201च् त्वं वृत्राणि हंस्यप्रतीन्येक इत्पुर्वनुत्तश्चर्षणीधृतिः .. 1411
4 6 2 1202अ तमु त्वा नूनमसुर प्रचेतसं राधो भागमिवेमहे .
4 6 2 1202च् महीव कृत्तिः शरणा त इन्द्र प्र ते सुम्ना नो अश्नवन् .. 1412

4 6 2 1301अ यजिष्ठं त्वा ववृमहे देवं देवत्रा होतारममर्त्यम् .
4 6 2 1301च् अस्य यज्ञस्य सुक्रतुम् .. 1413
4 6 2 1302अ अपां नपातं सुभगं सुदीदितिमग्निमु श्रेष्ठशोचिषम् .
4 6 2 1302च् स नो मित्रस्य वरुणस्य सो अपामा सुम्नं यक्षते दिवि .. 1414
4 6 2 1401अ यमग्ने पृत्सु मर्त्यमवा वाजेषु यं जुनाः .
4 6 2 1401च् स यन्ता शश्वतीरिषः .. 1415
4 6 2 1402अ न किरस्य सहन्त्य पर्येता कयस्य चित् .
4 6 2 1402च् वाजो अस्ति श्रवाय्यः .. 1416
4 6 2 1403अ स वाजं विश्वचर्षणिरर्वद्भिरस्तु तरुता .
4 6 2 1403च् विप्रेभिरस्तु सनिता .. 1417
4 6 2 1501अ साकमुक्षो मर्जयन्त स्वसारो दश धीरस्य धीतयो धनुत्रीः .
4 6 2 1501च् हरिः पर्यद्रवज्जाः सूर्यस्य द्रोणं ननक्षे अत्यो न वाजी .. 1418
4 6 2 1502अ सं मातृभिर्न शिशुर्वावशानो वृषा दधन्वे पुरुवारो अद्भिः .
4 6 2 1502च् मर्यो न योषामभि निष्कृतं यन्त्सं गच्छते कलश उस्रियाभिः .. 1419
4 6 2 1503अ उत प्र पिप्य ऊधरघ्न्याया इन्दुर्धाराभिः सचते सुमेधाः .
4 6 2 1503च् मूर्धानं गावः पयसा चमूष्वभि श्रीणन्ति वसुभिर्न निक्तैः .. 1420
4 6 2 1600अ पिबा सुतस्य रसिनो मत्स्वा न इन्द्र गोमतः .
4 6 2 1600च् आपिर्नो बोधि सधमाद्ये वृधे3 ऽस्मां अवन्तु ते धियः .. 1421
4 6 2 1600अ भूयाम ते सुमतौ वाजिनो वयं मा न स्तरभिमातये .
4 6 2 1600च् अस्मां चित्राभिरवतादभिष्टिभिरा नः सुम्नेषु यामय .. 1422
4 6 2 1701अ त्रिरस्मै सप्त धेनवो दुदुह्रिरे सत्यामाशिरं परमे व्योमनि .
4 6 2 1701च् चत्वार्यन्या भुवनानि निर्णिजे चारूणि चक्रे यदृतैरवर्धत .. 1423
4 6 2 1702अ स भक्षमाणो अमृतस्य चारुण उभे द्यावा काव्येना वि शश्रथे .
4 6 2 1702च् तेजिष्ठा अपो मंहना परि व्यत यदी देवस्य श्रवसा सदो विदुः .. 1424
4 6 2 1703अ ते अस्य सन्तु केतवो ऽमृत्यवो ऽदाभ्यासो जनुषी उभे अनु .
4 6 2 1703च् येभिर्नृम्णा च देव्या च पुनत आदिद्राजानं मनना अगृभ्णत .. 1425
4 6 2 1801अ अभि वायुं वीत्यर्षा गृणानो3 ऽभि मित्रावरुणा पूयमानः .
4 6 2 1801च् अभी नरं धीजवनं रथेष्ठामभीन्द्रं वृषणं वज्रबाहुम् .. 1426
4 6 2 1802अ अभि वस्त्रा सुवसनान्यर्षाभि धेनूः सुदुघाः पूयमानः .
4 6 2 1802च् अभि चन्द्रा भर्त्तवे नो हिरण्याभ्यश्वान्रथिनो देव सोम .. 1427
4 6 2 1803अ अभी नो अर्ष दिव्या वसून्यभि विश्वा पार्थिवा पूयमानः .
4 6 2 1803च् अभि येन द्रविणमश्नवामाभ्यार्षेयं जमदग्निवन्नः .. 1428
4 6 2 1901अ यज्जायथा अपूर्व्य मघवन्वृत्रहत्याय .
4 6 2 1901च् तत्पृथिवीमप्रथयस्तदस्तभ्ना उतो दिवम् .. 1429
4 6 2 1902अ तत्ते यज्ञो अजायत तदर्क उत हस्कृतिः .
4 6 2 1902च् तद्विश्वमभिभूरसि यज्जातं यच्च जन्त्वम् .. 1430
4 6 2 1903अ आमासु पक्वमैरय आ सूर्यं रोहयो दिवि .
4 6 2 1903च् घर्मं न सामं तपता सुवृक्तिभिर्जुष्टं गिर्वणसे बृहत् .. 1431
4 6 2 2001अ मत्स्यपायि ते महः पात्रस्येव हरिवो मत्सरो मदः .
4 6 2 2001च् वृषा ते वृष्ण इन्दुर्वाजी सहस्रसातमः .. 1432

4 6 2 2002अ आ नस्ते गन्तु मत्सरो वृषा मदो वरेण्यः .
4 6 2 2002च् सहावां इन्द्र सानसिः पृतनषाडमर्त्यः .. 1433
4 6 2 2003अ त्वं हि शूरः सनिता चोदयो मनुषो रथम् .
4 6 2 2003च् सहावान्दस्युमव्रतमोषः पात्रं न शोचिषा .. 1434
षष्ठ प्रपाठकः . तृतीयो ऽर्धः
4 6 3 0101अ पवस्व वृष्टिमा सु नो ऽपामूर्मिं दिवस्परि .
4 6 3 0101च् अयक्ष्मा बृहतीरिषः .. 1435
4 6 3 0102अ तया पवस्व धारया यया गाव इहागमन् .
4 6 3 0102च् जन्यास उप नो गृहम् .. 1436
4 6 3 0103अ घृतं पवस्व धारया यज्ञेषु देववीतमः .
4 6 3 0103च् अस्मभ्यं वृष्टिमा पव .. 1437
4 6 3 0104अ स न ऊर्जे व्या3व्ययं पवित्रं धाव धारया .
4 6 3 0104च् देवासः शृणवन्हि कम् .. 1438
4 6 3 0105अ पवमानो असिष्यदद्रक्षांस्यपजङ्घनत् .
4 6 3 0105च् प्रत्नवद्रोचयन्रुचः .. 1439
4 6 3 0201अ प्रत्यस्मै पिपीषते विश्वानि विदुषे भर .
4 6 3 0201च् अरङ्गमाय जग्मये ऽपश्चादध्वने नरः .. 1440
4 6 3 0202अ एमेनं प्रत्येतन सोमेभिः सोमपातमम् .
4 6 3 0202च् अमत्रेभिरृजीषिणमिन्द्रं सुतेभिरिन्दुभिः .. 1441
4 6 3 0203अ यदी सुतेभिरिन्दुभिः सोमेभिः प्रतिभूषथ .
4 6 3 0203च् वेदा विश्वस्य मेधिरो धृषत्तन्तमिदेषते .. 1442
4 6 3 0204अ अस्माअस्मा इदन्धसो ऽध्वर्यो प्र भरा सुतम् .
4 6 3 0204च् कुवित्समस्य जेन्यस्य शर्धतो ऽभिशस्तेरवस्वरत् .. 1443
4 6 3 0301अ बभ्रवे नु स्वतवसे ऽरुणाय दिविस्पृशे .
4 6 3 0301च् सोमाय गाथमर्चत .. 1444
4 6 3 0302अ हस्तच्युतेभिरद्रिभिः सुतं सोमं पुनीतन .
4 6 3 0302च् मधावा धावता मधु .. 1445
4 6 3 0303अ नमसेदुप सीदत दध्नेदभि श्रीणीतन .
4 6 3 0303च् इन्दुमिन्द्रे दधातन .. 1446
4 6 3 0304अ अमित्रहा विचर्षणिः पवस्व सोम शं गवे .
4 6 3 0304च् देवेभ्यो अनुकामकृत् .. 1447
4 6 3 0305अ इन्द्राय सोम पातवे मदाय परि षिच्यसे .
4 6 3 0305च् मनश्चिन्मनसस्पतिः .. 1448
4 6 3 0306अ पवमान सुवीर्यं रयिं सोम रिरीहि नः .
4 6 3 0306च् इन्दविन्द्रेण नो युजा .. 1449
4 6 3 0401अ उद्धेदभि श्रुतामघं वृषमं नर्यापसम् .
4 6 3 0401च् अस्तारमेषि सूर्य .. 1450
4 6 3 0402अ नव यो नवतिं पुरो बिभेद बाह्वोजसा .
4 6 3 0402च् अहिं च वृत्रहावधीत् .. 1451
4 6 3 0403अ स न इन्द्रः शिवः सखाश्वावद्गोमद्यवमत् .

4 6 3 0403च् उरुधारेव दोहते .. 1452
4 6 3 0501अ विभ्राड् बृहत्पिबतु सोम्यं मध्वायुर्दधद्यज्ञपतावविह्रुतम् .
4 6 3 0501च् वातजूतो यो अभिरक्षति त्मना प्रजाः पिपर्ति बहुधा वि राजति .. 1453
4 6 3 0502अ विभ्राड् बृहत्सुभृतं वाजसातमं धर्मं दिवो धरुणे सत्यमर्पितम् .
4 6 3 0502च् अमित्रहा वृत्रहा दस्युहन्तमं ज्योतिर्जज्ञे असुरहा सपत्नहा .. 1454
4 6 3 0503अ इदं श्रेष्ठं ज्योतिषां ज्योतिरुत्तमं विश्वजिद्धनजिदुच्यते बृहत् .
4 6 3 0503च् विश्वभ्राड् भ्राजो महि सूर्यो दृश उरु पप्रथे सह ओजो अच्युतम् .. 1455
4 6 3 0601अ इन्द्र क्रतुं न आ भर पिता पुत्रेभ्यो यथा .
4 6 3 0601च् शिक्षा णो अस्मिन्पुरुहूत यामनि जीव ज्योतिरशीमहि .. 1456
4 6 3 0602अ मा नो अज्ञाता वृजना दुराध्यो3 माशिवासो ऽव क्रमुः .
4 6 3 0602च् त्वया वयं प्रवतः शश्वतीरपो ऽति शूर तरामसि .. 1457
4 6 3 0701अ अद्याद्या श्वःश्व इन्द्र त्रास्व परे च नः .
4 6 3 0701च् विश्वा च नो जरित्र्^ईन्त्सत्पते अहा दिवा नक्तं च रक्षिषः .. 1458
4 6 3 0702अ प्रभङ्गी शूरो मघवा तुवीमघः सम्मिश्लो विर्याय कम् .
4 6 3 0702च् उभा ते बाहू वृषणा शतक्रतो नि या वज्रं मिमिक्षतुः .. 1459
4 6 3 0801अ जनीयन्तो न्वग्रवः पुत्रीयन्तः सुदानवः .
4 6 3 0801च् सरस्वन्तं हवामहे .. 1460
4 6 3 0901अ उत नः प्रिया प्रियासु सप्तस्वसा सुजुष्टा .
4 6 3 0901च् सरस्वती स्तोम्या भूत् .. 1461
4 6 3 1001अ तत्सवितुर्वरेण्यं भर्गो देवस्य धीमहि .
4 6 3 1001च् धियो यो नः प्रचोदयात् .. 1462
4 6 3 1002अ सोमानां स्वरणं कृणुहि ब्रह्मणस्पते .
4 6 3 1002अ कक्षीवन्तं य औशिजः .. 1463
4 6 3 1003अ अग्न आयूंषि पवसे आ सुवोर्जं इषं च नः .
4 6 3 1003अ आरे बाधस्व दुच्छुनाम् .. 1464
4 6 3 1101अ ता नः शक्तं पार्थिवस्य महो रायो दिव्यस्य .
4 6 3 1101च् महि वा क्षत्रं देवेषु .. 1465
4 6 3 1102अ ऋतमृतेन सपन्तेषिरं दक्षमाशाते .
4 6 3 1102च् अद्रुहा देवौ वर्धेते .. 1466
4 6 3 1103अ वृष्टिद्यावा रीत्यापेषस्पती दानुमत्याः .
4 6 3 1103च् बृहन्तं गर्त्तमाशाते .. 1467
4 6 3 1201अ युञ्जन्ति ब्रध्नमरुषं चरन्तं परि तस्थुषः .
4 6 3 1201च् रोचन्ते रोचना दिवि .. 1468
4 6 3 1202अ युञ्जन्त्यस्य काम्या हरी विपक्षसा रथे .
4 6 3 1202च् शोणा धृष्णू नृवाहसा .. 1469
4 6 3 1203अ केतुं कृण्वन्नकेतवे पेशो मर्या अपेशसे .
4 6 3 1203च् समुषद्भिरजायथाः .. 1470
4 6 3 1301अ अयं सोम इन्द्र तुभ्यं सुन्वे तुभ्यं पवते त्वमस्य पाहि .
4 6 3 1301च् त्वं ह यं चकृषे त्वं ववृष इन्दुं मदाय युज्याय सोमम् .. 1471
4 6 3 1302अ स ईं रथो न भुरिषाडयोजि महः पुरूणि सातये वसूनि .

4 6 3 1302च् आदीं विश्वा नहुष्याणि जाता स्वर्षाता वन ऊर्ध्वा नवन्त .. 1472
4 6 3 1303अ शुष्मी शर्धो न मारुतं पवस्वानभिशस्ता दिव्या यथा विट् .
4 6 3 1303च् आपो न मक्षू सुमतिर्भवा नः सहस्राप्साः पृतनाषाण्न यज्ञः .. 1473
4 6 3 1401अ त्वमग्ने यज्ञानां होता विश्वेषां हितः .
4 6 3 1401च् देवेभिर्मानुषे जने .. 1474
4 6 3 1402अ स नो मन्द्राभिरध्वरे जिह्वाभिर्यजा महः .
4 6 3 1402च् आ देवान्वक्षि यक्षि च .. 1475
4 6 3 1403अ वेत्था हि वेधो अध्वनः पथश्च देवाञ्जसा .
4 6 3 1403च् अग्ने यज्ञेषु सुक्रतो .. 1476
4 6 3 1501अ होता देवो अमर्त्यः पुरस्तादेति मायया .
4 6 3 1501च् विदथानि प्रचोदयन् .. 1477
4 6 3 1502अ वाजी वाजेषु धीयते ऽध्वरेषु प्र णीयते .
4 6 3 1502च् विप्रो यज्ञस्य साधनः .. 1478
4 6 3 1503अ धिया चक्रे वरेण्यो भूतानां गर्भमा दधे .
4 6 3 1503च् दक्षस्य पितरं तना .. 1479
4 6 3 1601अ आ सुते सिञ्चत श्रियं रोदस्योरभिश्रियम् .
4 6 3 1601च् रसा दधीत वृषभम् .. 1480
4 6 3 1602अ ते जानत स्वमोक्या3ं सं वत्सासो न मातृभिः .
4 6 3 1602च् मिथो नसन्त जामिभिः .. 1481
4 6 3 1603अ उप स्रक्वेषु बप्सतः कृण्वते धरुणं दिवि .
4 6 3 1603च् इन्द्रे अग्ना नमः स्वः .. 1482
4 6 3 1701अ तदिदास भुवनेषु ज्येष्टं यतो जज्ञा उग्रस्त्वेषनृम्णः .
4 6 3 1701च् सद्यो जज्ञानो नि रिणाति शत्रूननु यं विश्वे मदन्त्यूमाः .. 1483
4 6 3 1702अ वावृधानः शवसा भूर्योजाः शत्रुर्दासाय भियसं दधाति .
4 6 3 1702च् अव्यनच्च व्यनच्च सस्नि सं ते नवन्त प्रभृता मदेषु .. 1484
4 6 3 1703अ त्वे क्रतुमपि वृञ्जन्ति विश्वे द्विर्यदेते त्रिर्भवन्त्यूमाः .
4 6 3 1703च् स्वादोः स्वादीयः स्वादुना सृजा समदः सु मधु मधुनाभि योधीः .. 1485
4 6 3 1801अ त्रिकद्रुकेषु महिषो यवाशिरं तुविशुष्मस्तृम्पत्सोममपिबद्विष्णुना सुतं यथावशम् .
4 6 3 1801च् स ईं ममाद महि कर्म कर्तवे महामुरुं सैनं सश्चद्देवो देवं सत्य इन्दुः सत्यमिन्द्रम् .. 1486
4 6 3 1802अ साकं जातः क्रतुना साकमोजसा ववक्षिथ साकं वृद्धो वीर्यैः सासहिर्मृधो विचर्षणिः .
4 6 3 1802च् दाता राध स्तुवते काम्यं वसु प्रचेतन सैनं सश्चद्देवो देवं सत्य इन्दुः सत्यमिन्द्रम् .. 1487
4 6 3 1803अ अध त्विषीमां अभ्योजसा कृविं युधाभवदा रोदसी अपृणदस्य मज्मना प्र वावृधे .
4 6 3 1803च् अधत्तान्यं जठरे प्रेमरिच्यत प्र चेतय सैनं सश्चद्देवो देवं सत्य इन्दुः सत्यमिन्द्रम् .. 1488
सप्तम प्रपाठकः . प्रथमो ऽर्धः
4 7 1 0101अ अभि प्र गोपतिं गिरेन्द्रमर्च यथा विदे .
4 7 1 0101च् मूनुं सत्यस्य सत्पतिम् .. 1489
4 7 1 0102अ आ हरयः ससृज्रिरे ऽरुषीरधि बर्हिषि .
4 7 1 0102च् यत्राभि संनवामहे .. 1490
4 7 1 0103अ इन्द्राय गाव आशिरं दुदुह्रे वज्रिणे मधु .
4 7 1 0103च् यत्सीमुपह्वरे विदत् .. 1491

4 7 1 0201अ आ नो विश्वासु हव्यमिन्द्रं समत्सु भूषत .
4 7 1 0201च् उप ब्रह्माणि सवनानि वृत्रहन्परमज्या ऋचीषम .. 1492
4 7 1 0202अ त्वं दाता प्रथमो राधसामस्यसि सत्य ईशानकृत् .
4 7 1 0202च् तुविद्युम्नस्य युज्या वृणीमहे पुत्रस्य शवसो महः .. 1493
4 7 1 0301अ प्रत्नं पीयूषं पूर्व्यं यदुक्थ्यं महो गाहद्दिव आ निरधुक्षत .
4 7 1 0301च् इन्द्रमभि जायमानं समस्वरन् .. 1494
4 7 1 0302अ आदीं के चित्पश्यमानास आप्यं वसुरुचो दिव्या अभ्यनूषत .
4 7 1 0302च् दिवो न वारं सविता व्यूर्णुते .. 1495
4 7 1 0303अ अध यदिमे पवमान रोदसी इमा च विश्वा भुवनाभि मज्मना .
4 7 1 0303च् यूथे न निष्ठा वृषभो वि राजसि .. 1496
4 7 1 0401अ इममू षु त्वमस्माकं सनिं गायत्रं नव्यांसम् .
4 7 1 0401च् अग्ने देवेषु प्र वोचः .. 1497
4 7 1 0402अ विभक्तासि चित्रभानो सिन्धोरूर्मा उपाक आ .
4 7 1 0402च् सद्यो दाशुषे क्षरसि .. 1498
4 7 1 0403अ आ नो भज परमेष्वा वाजेषु मध्यमेषु .
4 7 1 0403च् शिक्षा वस्वो अन्तमस्य .. 1499
4 7 1 0501अ अहमिद्धि पितुष्परि मेधामृतस्य जग्रह .
4 7 1 0501च् अहं सूर्य इवाजनि .. 1500
4 7 1 0502अ अहं प्रत्नेन जन्मना गिरः शुम्भामि कण्ववत् .
4 7 1 0502च् येनेन्द्रः शुष्ममिद्दधे .. 1501
4 7 1 0503अ ये त्वामिन्द्र न तुष्टुवुरृषयो ये च तुष्टुवुः .
4 7 1 0503च् ममेद्वर्धस्व सुष्टुतः .. 1502
4 7 1 0601अ अग्ने विश्वेभिरग्निभिर्जोषि ब्रह्म सहस्कृत .
4 7 1 0601च् ये देवत्रा य आयुषु तेभिर्नो महया गिरः .. 1503
4 7 1 0602अ प्र स विश्वेभिरग्निभिरग्निः स यस्य वाजिनः .
4 7 1 0602च् तनये तोके अस्मदा सम्यङ्वाजैः परीवृतः .. 1504
4 7 1 0603अ त्वं नो अग्ने अग्निभिर्ब्रह्म यज्ञं च वर्धय .
4 7 1 0603च् त्वं नो देवतातये रायो दानाय चोदय .. 1505
4 7 1 0701अ त्वे सोम प्रथमा वृक्तबर्हिषो महे वाजाय श्रवसे धियन् दधुः .
4 7 1 0701च् स त्वं नो वीर वीर्याय चोदय .. 1506
4 7 1 0702अ अभ्यभि हि श्रवसा ततर्दिथोत्सं न कं चिज्जनपानमक्षितम् .
4 7 1 0702च् शर्याभिर्न भरमाणो गभस्त्योः .. 1507
4 7 1 0703अ अजीजनो अमृत मर्त्याय अमृतस्य धर्मन्नमृतस्य चारुणः .
4 7 1 0703च् सदासरो वाजमच्छा सनिष्यदत् .. 1508
4 7 1 0801अ एन्दुमिन्द्राय सिञ्चत पिबाति सोम्यं मधु .
4 7 1 0801च् प्र राधांसि चोदयते महित्वना .. 1509
4 7 1 0802अ उपो हरीणां पतिं राधः पृञ्चन्तमब्रवम् .
4 7 1 0802च् नूनं श्रुधि स्तुवतो अश्व्यस्य .. 1510
4 7 1 0803अ न ह्याङ्3ग पुरा च न जज्ञे वीरतरस्त्वत् .
4 7 1 0803च् न की राया नैवथा न भन्दना .. 1511

4 7 1 0901अ नदं व ओदतीनां नदं योयुवतीनाम् .
4 7 1 0901च् पतिं वो अघ्न्यानां धेनूनामिषुध्यसि .. 1512
4 7 1 1001अ देवो वो द्रविणोदाः पूर्णां विवष्ट्वासिचम् .
4 7 1 1001च् उद्वा सिञ्चध्वमुप वा पृणध्वमादिद्वो देव ओहते .. 1513
4 7 1 1002अ तं होतारमध्वरस्य प्रचेतसं वह्निं देवा अकृण्वत .
4 7 1 1002च् दधाति रत्नं विधते सुवीर्यमग्निर्जनाय दाशुषे .. 1514
4 7 1 1101अ अदर्शि गातुवित्तमो यस्मिन्व्रतान्यादधुः .
4 7 1 1101च् उपोषु जातमार्यस्य वर्धनमग्निं नक्षन्तु नो गिरः .. 1515
4 7 1 1102अ यस्माद्रेजन्त कृष्टयश्चर्कृत्यानि कृण्वतः .
4 7 1 1102च् सहस्रसां मेधसाताविव त्मनाग्निं धीभिर्नमस्यत .. 1516
4 7 1 1103अ प्र दैवोदासो अग्निर्देव इन्द्रो न मज्मना .
4 7 1 1103च् अनु मातरं पृथिवीं वि वावृते तस्थौ नाकस्य शर्मणि .. 1517
4 7 1 1201अ अग्न आयूंषि पवसे आसुवोर्जमिषं च नः .
4 7 1 1201च् आरे बाधस्व दुच्छुनाम् .. 1518
4 7 1 1202अ अग्निरृषिः पवमानः पाञ्चजन्यः पुरोहितः .
4 7 1 1202च् तमीमहे महागयम् .. 1519
4 7 1 1203अ अग्ने पवस्व स्वपा अस्मे वर्चः सुवीर्यम् .
4 7 1 1203च् दधद्रयिं मयि योषम् .. 1520
4 7 1 1301अ अग्ने पावक रोचिषा मन्द्रया देव जिह्वया .
4 7 1 1301च् आ देवान्वक्षि यक्षि च .. 1521
4 7 1 1302अ तं त्वा घृतस्नवीमहे चित्रभानो स्वर्दृशम् .
4 7 1 1302च् देवां आ वीतये वह .. 1522
4 7 1 1303अ वीतिहोत्रं त्वा कवे द्युमन्तं समिधीमहि .
4 7 1 1303च् अग्ने बृहन्तमध्वरे .. 1523
4 7 1 1401अ अवा नो अग्न ऊतिभिर्गायत्रस्य प्रभर्मणि .
4 7 1 1401च् विश्वासु धीषु वन्द्य .. 1524
4 7 1 1402अ आ नो अग्ने रयिं भर सत्रासाहं वरेण्यम् .
4 7 1 1402च् विश्वासु पृत्सु दुष्टरम् .. 1525
4 7 1 1403अ आ नो अग्ने सुचेतुना रयिं विश्वायुपोषसम् .
4 7 1 1403च् मार्डीकं धेहि जीवसे .. 1526
4 7 1 1501अ अग्निं हिन्वन्तु नो धियः सप्तिमाशुमिवाजिषु .
4 7 1 1501च् तेन जेष्म धनंधनम् .. 1527
4 7 1 1502अ यया गा आकरामहै सेनयाग्ने तवोत्या .
4 7 1 1502च् तां नो हिन्व मघत्तये .. 1528
4 7 1 1503अ आग्ने स्थूरं रयिं भर पृथुं गोमन्तमश्विनम् .
4 7 1 1503च् अङ्धि खं वर्त्तया पविम् .. 1529
4 7 1 1504अ अग्ने नक्षत्रमजरमा सूर्यं रोहयो दिवि .
4 7 1 1504च् दधज्ज्योतिर्जनेभ्यः .. 1530
4 7 1 1505अ अग्ने केतुर्विशामसि प्रेष्ठः श्रेष्ठ उपस्थसत् .
4 7 1 1505च् बोधा स्तोत्रे वयो दधत् .. 1531

4 7 1 1601अ अग्निर्मूर्धा दिवः ककुत्पतिः पृथिव्या अयम् .
4 7 1 1601च् अपां रेतांसि जिन्वति .. 1532
4 7 1 1602अ ईशिषे वार्यस्य हि दात्रस्याग्ने स्वःपतिः .
4 7 1 1602च् स्तोता स्यां तव शर्मणि .. 1533
4 7 1 1603अ उदग्ने शुचयस्तव शुक्रा भ्राजन्त ईरते .
4 7 1 1603च् तव ज्योतींष्यर्चयः .. 1534
सप्तम प्रपाठकः . द्वितीयो ऽर्धः
4 7 2 0101अ कस्ते जामिर्जनानामग्ने को दाश्वध्वरः .
4 7 2 0101च् को ह कस्मिन्नसि श्रितः .. 1535
4 7 2 0102अ त्वं जामिर्जनानामग्ने मित्रो असि प्रियः .
4 7 2 0102च् सखा सखिभ्य ईड्यः .. 1536
4 7 2 0103अ यजा नो मित्रावरुणा यजा देवां ऋतं बृहत् .
4 7 2 0103च् अग्ने यक्षि स्वं दमम् .. 1537
4 7 2 0201अ ईडेन्यो नमस्यस्तिरस्तमांसि दर्शतः .
4 7 2 0201च् समग्निरिध्यते वृषा .. 1538
4 7 2 0202अ वृषो अग्निः समिध्यते ऽश्वो न देववाहनः .
4 7 2 0202च् तं हविष्मन्त ईडते .. 1539
4 7 2 0203अ वृषणं त्वा वयं वृषन्वृषणः समिधीमहि .
4 7 2 0203च् अग्ने दीद्यतं बृहत् .. 1540
4 7 2 0301अ उत्ते बृहन्तो अर्चयः समिधानस्य दीदिवः .
4 7 2 0301च् अग्ने शुक्रास ईरते .. 1541
4 7 2 0302अ उप त्वा जुह्वो3 मम घृताचीर्यन्तु हर्यत .
4 7 2 0302च् अग्ने हव्या जुषस्व नः .. 1542
4 7 2 0303अ मन्द्रं होतारमृत्विजं चित्रभानुं विभावसुम् .
4 7 2 0303च् अग्निमीडे स उ श्रवत् .. 1543
4 7 2 0401अ पाहि नो अग्न एकया पाह्यू3त द्वितीयया .
4 7 2 0401च् पाहि गीर्भिस्तिसृभिरूर्जां पते पाहि चतसृभिर्वसो .. 1544
4 7 2 0402अ पाहि विश्वस्माद्रक्षसो अराव्णः प्र स्म वाजेषु नो ऽव .
4 7 2 0402च् त्वामिद्धि नेदिष्ठं देवतातय आपिं नक्षामहे वृधे .. 1545
4 7 2 0501अ इनो राजन्नरतिः समिद्धो रौद्रो दक्षाय सुषुमां अदर्शि .
4 7 2 0501च् चिकिद्वि भाति भासा बृहतासिक्नीमेति रुशतीमपाजन् .. 1546
4 7 2 0502अ कृष्णां यदेनीमभि वर्पसाभूज्जनयन्योषां बृहतः पितुर्जाम् .
4 7 2 0502च् ऊर्ध्वं भानुं सूर्यस्य स्तभायन्दिवो वसुभिररतिर्वि भाति .. 1547
4 7 2 0503अ भद्रो भद्रया सचमान आगात्स्वसारं जारो अभ्येति पश्चात् .
4 7 2 0503च् सुप्रकेतैर्द्युभिरग्निर्वितिष्ठन्रुशद्भिर्वर्णैरभि राममस्थात् .. 1548
4 7 2 0601अ कया ते अग्ने अङ्गिर ऊर्जो नपादुपस्तुतिम् .
4 7 2 0601च् वराय देव मन्यवे .. 1549
4 7 2 0602अ दाशेम कस्य मनसा यज्ञस्य सहसो यहो .
4 7 2 0602च् कदु वोच इदं नमः .. 1550
4 7 2 0603अ अधा त्वं हि नस्करो विश्वा अस्मभ्यं सुक्षितीः .

4 7 2 0603च् वाजद्रविणसो गिरः .. 1551
4 7 2 0701अ अग्न आ याह्यग्निभिर्होतारं त्वा वृणीमहे .
4 7 2 0701च् आ त्वामनक्तु प्रयता हविष्मती यजिष्ठं बर्हिरासदे .. 1552
4 7 2 0702अ अच्छा हि त्वा सहसः सूनो अङ्गिरः स्रुचश्चरन्त्यध्वरे .
4 7 2 0702च् ऊर्जो नपातं घृतकेशमीमहे ऽग्निं यज्ञेषु पूर्व्यम् .. 1553
4 7 2 0801अ अच्छा नः शीरशोचिषं गिरो यन्तु दर्शतम् .
4 7 2 0801च् अच्छा यज्ञासो नमसा पुरूवसुं पुरुप्रशस्तमूतये .. 1554
4 7 2 0802अ अग्निं सूनुं सहसो जातवेदसं दानाय वार्याणाम् .
4 7 2 0802च् द्विता यो भूदमृतो मर्त्येष्वा होता मन्द्रतमो विशि .. 1555
4 7 2 0901अ अदाभ्यः पुरएता विशामग्निर्मानुषीणाम् .
4 7 2 0901च् तूर्णी रथः सदा नवः .. 1556
4 7 2 0902अ अभि प्रयांसि वाहसा दाश्वां अश्नोति मर्त्यः .
4 7 2 0902च् क्षयं पावकशोचिषः .. 1557
4 7 2 0903अ साह्वान्विश्वा अभियुजः क्रतुर्देवानाममृक्तः .
4 7 2 0903च् अग्निस्तुविश्रवस्तमः .. 1558
4 7 2 1001अ भद्रो नो अग्निराहुतो भद्रा रातिः सुभग भद्रो अध्वरः .
4 7 2 1001च् भद्रा उत प्रशस्तयः .. 1559
4 7 2 1002अ भद्रं मनः कृणुष्व वृत्रतूर्ये येना समत्सु सासहिः .
4 7 2 1002च् अव स्थिरा तनुहि भूरि शर्धतां वनेमा ते अभिष्टये .. 1560
4 7 2 1101अ अग्ने वाजस्य गोमत ईशानः सहसो यहो .
4 7 2 1101च् अस्मे देहि जातवेदो महि श्रवः .. 1561
4 7 2 1102अ स इधानो वसुष्कविरग्निरीडेन्यो गिरा .
4 7 2 1102च् रेवदस्मभ्यं पुर्वणीक दीदिहि .. 1562
4 7 2 1103अ क्षपो राजन्नुत त्मनाग्ने वस्तोरुतोषसः .
4 7 2 1103च् स तिग्मजम्भ रक्षसो दह प्रति .. 1563
4 7 2 1201अ विशोविशो वो अतिथिं वाजयन्तः पुरुप्रियम् .
4 7 2 1201च् अग्निं वो दुर्यं वच स्तुषे शूषस्य मन्मभिः .. 1564
4 7 2 1202अ यं जनासो हविष्मन्तो मित्रं न सर्पिरासुतिम् .
4 7 2 1202च् प्रशंसन्ति प्रशस्तिभिः .. 1565
4 7 2 1203अ पन्यांसं जातवेदसं यो देवतात्युद्यता .
4 7 2 1203च् हव्यान्यैरयद्दिवि .. 1566
4 7 2 1301अ समिद्धमग्निं समिधा गिरा गृणे शुचिं पावकं पुरो अध्वरे ध्रुवम् .
4 7 2 1301च् विप्रं होतारं पुरुवारमद्रुहं कविं सुम्नैरीमहे जातवेदसम् .. 1567
4 7 2 1302अ त्वां दूतमग्ने अमृतं युगेयुगे हव्यवाहं दधिरे पायुमीड्यम्.
4 7 2 1302च् देवासश्च मर्त्तासश्च जागृविं विभुं विश्पतिं नमसा नि षेदिरे .. 1568
4 7 2 1303अ विभूषन्नग्न उभयां अनु व्रता दूतो देवानां रजसी समीयसे .
4 7 2 1303च् यत्ते धीतिं सुमतिमावृणीमहे ऽध स्मा नस्त्रिवरूथः शिवो भव .. 1569
4 7 2 1401अ उप त्वा जामयो गिरो देदिशतीर्हविष्कृतः .
4 7 2 1401च् वायोरनीके अस्थिरन् .. 1570
4 7 2 1402अ यस्य त्रिधात्ववृतं बर्हिस्तस्थावसन्दिनम् .

4 7 2 1402च् आपश्चिन्नि दधा पदम् .. 1571
4 7 2 1403अ पदं देवस्य मीढुषो ऽनाधृष्टाभिरूतिभिः .
4 7 2 1403च् भद्रा सूर्य इवोपदृक् .. 1572
सप्तम प्रपाठकः . तृतीयो ऽर्धः
4 7 3 0101अ अभि त्वा पूर्वपीतय इन्द्र स्तोमेभिरायवः .
4 7 3 0101च् समीचीनास ऋभवः समस्वरन्रुद्रा गृणन्त पूर्व्यम् .. 1573
4 7 3 0102अ अस्येदिन्द्रो वावृधे वृष्ण्यं शवो मदे सुतस्य विष्णवि .
4 7 3 0102च् अद्या तमस्य महिमानमायवो ऽनु ष्टुवन्ति पूर्वथा .. 1574
4 7 3 0201अ प्र वामर्चन्त्युक्थिनो नीथाविदो जरितारः .
4 7 3 0201च् इन्द्राग्नी इष आ वृणे .. 1575
4 7 3 0202अ इन्द्राग्नी नवतिं पुरो दासपत्नीरधूनुतम् .
4 7 3 0202च् साकमेकेन कर्मणा .. 1576
4 7 3 0203अ इन्द्राग्नी अपसस्पर्युप प्र यन्ति धीतयः .
4 7 3 0203च् ऋतस्य पथ्या ऽ ऽ3 अनु .. 1577
4 7 3 0204अ इन्द्राग्नी तविषाणी वां सधस्थानि प्रयांसि च .
4 7 3 0204च् युवोरप्तूर्यं हितम् .. 1578
4 7 3 0301अ शग्ध्यू3 षु शचीपत इन्द्र विश्वाभिरूतिभिः .
4 7 3 0301च् भगं न हि त्वा यशसं वसुविदमनु शूर चरामसि .. 1579
4 7 3 0302अ पौरो अश्वस्य पुरुकृद्गवामस्युत्सो देव हिरण्ययः .
4 7 3 0302च् न किर्हि दानं परि मर्धिषत्वे यद्यद्यामि तदा भर .. 1580
4 7 3 0401अ त्वं ह्येहि चेरवे विदा भगं वसुत्तये .
4 7 3 0401च् उद्वावृषस्व मधवन्गविष्टय उदिन्द्राश्वमिष्टये .. 1581
4 7 3 0402अ त्वं पुरू सहस्राणि शतानि च यूथा दानाय मंहसे .
4 7 3 0402च् आ पुरन्दरं चकृम विप्रवचस इन्द्रं गायन्तो ऽवसे .. 1582
4 7 3 0501अ यो विश्वा दयते वसु होता मन्द्रो जनानाम् .
4 7 3 0501च् मधोर्न पात्रा प्रथमान्यस्मै प्र स्तोमा यन्त्वग्नये .. 1583
4 7 3 0502अ अश्व न गीर्भी रथ्यं सुदानवो मर्मृज्यन्ते देवयवः .
4 7 3 0502च् उभे तोके तनये दस्म विस्पते पर्षि राधो मघोनाम् .. 1584
4 7 3 0601अ इमं मे वरुण श्रुधी हवमद्या च मृडय .
4 7 3 0601च् त्वामवस्युरा चके .. 1585
4 7 3 0701अ कया त्वं न ऊत्याभि प्र मन्दसे वृषन् .
4 7 3 0701च् कया स्तोतृभ्य आ भर .. 1586
4 7 3 0801अ इन्द्रमिद्देवतातय इन्द्रं प्रयत्यध्वरे .
4 7 3 0801च् इन्द्रं समीके वनिनो हवामह इन्द्रं धनस्य सातये .. 1587
4 7 3 0802अ इन्द्रो मह्ना रोदसी पप्रथच्छव इन्द्रः सूर्यमरोचयत् .
4 7 3 0802च् इन्द्रे ह विश्वा भुवनानि येमिर इन्द्रे सुवानास इन्दवः .. 1588
4 7 3 0901अ विश्वकर्मन्हविषा वावृधानः स्वयं यजस्व तन्वा3ं स्वा हि ते .
4 7 3 0901च् मुह्यन्त्वन्ये अभितो जनास इहास्माकं मघवा सूरिरस्तु .. 1589
4 7 3 1001अ अया रुचा हरिण्या पुनानो विश्वा द्वेषांसि तरति सयुग्वभिः सूरो न सयुग्वभिः .
4 7 3 1001च् धारा पृष्ठस्य रोचते पुनानो अरुषो हरिः .