Sama Veda · Part 2140

1 5 1 0101a gṛṇe tadindra te śava upamāṃ devatātaye .
1 5 1 0101c yaddhaṃsi vṛtramojasā śacīpate .. 391
1 5 1 0102a yasya tyacchambaraṃ made divodāsāya randhayan .
1 5 1 0102c ayaṃ sa soma indra te sutaḥ piba .. 392
1 5 1 0103a endra no gadhi priya satrājidagohya .
1 5 1 0103c girirna viśvataḥ pṛthuḥ patirdivaḥ .. 393
1 5 1 0104a ya indra somapātamo madaḥ śaviṣṭha cetati .
1 5 1 0104c yenā haṃsi nyā3triṇaṃ tamīmahe .. 394
1 5 1 0105a tuce tunāya tatsu no drādhīya āyurjīvase .
1 5 1 0105c ādityāsaḥ samahasaḥ kṛṇotana .. 395
1 5 1 0106a vetthā hi nirṛtīnāṃ vajrahasta parivṛjam .
1 5 1 0106c aharahaḥ śundhyuḥ paripadāmiva .. 396
1 5 1 0107a apāmīvāmapa stridhamapa sedhata durmatim .
1 5 1 0107c ādityāso yuyotanā no aṃhasaḥ .. 397
1 5 1 0108a pibā somamindra mandatu tvā yaṃ te suṣāva haryaśvādriḥ .
1 5 1 0108c soturbāhubhyāṃ suyato nārvā .. 398
1 5 1 0201a abhrātṛvyo anā tvamanāpirindra januṣā sanādasi .
1 5 1 0201c yudhedāpitvamicchase .. 399
1 5 1 0202a yo na idamidaṃ purā pra vasya ānināya tamu va stuṣe .
1 5 1 0202c sakhāya indramūtaye .. 400
1 5 1 0203a ā gantā mā riṣaṇyata prasthāvāno māpa sthāta samanyavaḥ .
1 5 1 0203c dṛḍhā cidyamayiṣṇavaḥ .. 401
1 5 1 0204a ā yāhyayamindave 'śvapate gopata urvarāpate .
1 5 1 0204c somaṃ somapate piba .. 402
1 5 1 0205a tvayā ha svidyujā vayaṃ prati śvasantaṃ vṛṣabha bruvīmahi .
1 5 1 0205c saṃsthe janasya gomataḥ .. 403
1 5 1 0206a gāvaściddhā samanyavaḥ sajātyena marutaḥ sabandhavaḥ .
1 5 1 0206c rihate kakubho mithaḥ .. 404
1 5 1 0207a tvaṃ na indrā bhara ojo nṛmṇaṃ śatakrato vicarṣaṇe .
1 5 1 0207c ā vīraṃ pṛtanāsaham .. 405
1 5 1 0208a adhā hīndra girvaṇa upa tvā kāma īmahe sasṛgmahe .
1 5 1 0208c udeva gmanta udabhiḥ .. 406
1 5 1 0209a sīdantaste vayo yathā gośrīte madhau madire vivakṣaṇe .
1 5 1 0209c abhi tvāmindra nonumaḥ .. 407
1 5 1 0210a vayamu tvāmapūrvya sthūraṃ na kaccidbharanto 'vasyavaḥ .
1 5 1 0210c vajriñcitraṃ havāmahe .. 408
1 5 1 0301a svādoritthā viṣūvato madhoḥ pibanti gauryaḥ .
1 5 1 0301c yā indreṇa sayāvarīrvṛṣṇā madanti śobhathā vasvīranu svarājyam .. 409
1 5 1 0302a itthā hi soma inmado brahma cakāra vardhanam .
1 5 1 0302c śaviṣṭha vajrinnojasā pṛthivyā niḥ śaśā ahimarcannanu svarājyam .. 410

1 5 1 0303a indro madāya vāvṛdhe śavase vṛtrahā nṛbhiḥ .
1 5 1 0303c taminmahatsvājiṣūtimarbhe havāmahe sa vājeṣu pra no 'viṣat .. 411
1 5 1 0304a indra tubhyamidadrivo 'nuttaṃ vajrinvīryam .
1 5 1 0304c yaddha tyaṃ māyinaṃ mṛgaṃ tava tyanmāyayāvadhīrarcannanu svarājyam .. 412
1 5 1 0305a prehyabhīhi dhṛṣṇuhi na te vajro ni yaṃsate .
1 5 1 0305c indra nṛmṇaṃ hi te śavo hano vṛtraṃ jayā apo 'rcannanu svarājyam .. 413
1 5 1 0306a yadudīrata ājayo dhṛṣṇave dhīyate dhanam .
1 5 1 0306c yuṅkṣvā madacyutā harī kaṃ hanaḥ kaṃ vasau dadho 'smāṃ indra vasau dadhaḥ .. 414
1 5 1 0307a akṣannamīmadanta hyava priyā adhūṣata .
1 5 1 0307c astoṣata svabhānavo viprā naviṣṭhayā matī yojā nvindra te harī .. 415
1 5 1 0308a upo ṣu śṛṇuhī giro maghavanmātathā iva .
1 5 1 0308c kadā naḥ sūnṛtāvataḥ kara idarthayāsa idyojā nvindra te harī .. 416
1 5 1 0309a candramā apsvā3ntarā suparṇo dhāvate divi .
1 5 1 0309c na vo hiraṇyanemayaḥ padaṃ vindanti vidyuto vittaṃ me asya rodasī .. 417
1 5 1 0310a prati priyatamaṃ rathaṃ vṛṣaṇaṃ vasuvāhanam .
1 5 1 0310c stotā vāmaśvināvṛśi stomebhirbhūṣati prati mādhvī mama śrutaṃ havam .. 418
1 5 1 0401a ā te agna idhīmahi dyumantaṃ devājaram .
1 5 1 0401c yuddha syā te panīyasī samiddīdayati dyavīṣaṃ stotṛbhya ā bhara .. 419
1 5 1 0402a āgniṃ na svavṛktibhirhotāraṃ tvā vṛṇīmahe .
1 5 1 0402c śīraṃ pāvakaśociṣaṃ vi vo made yajñeṣu stīrṇabarhiṣaṃ vivakṣase .. 420
1 5 1 0403a mahe no adya bodhayoṣo rāye divitmatī .
1 5 1 0403c yathā cinno abodhayaḥ satyaśravasi vāyye sujāte aśvasūnṛte .. 421
1 5 1 0404a bhadraṃ no api vātaya mano dakṣamuta kratum .
1 5 1 0404c athā te sakhye andhaso vi vo made raṇā gāvo na yavase vivakṣase .. 422
1 5 1 0405a kratvā mahāṃ anuṣvadhaṃ bhīma ā vāvṛte śavaḥ .
1 5 1 0405c śriya ṛṣva upākayorni śiprī harivāṃ dadhe hastayorvajramāyasam .. 423
1 5 1 0406a sa ghā taṃ vṛṣaṇaṃ rathamadhi tiṣṭhāti govidam .
1 5 1 0406c yaḥ pātraṃ hāriyojanaṃ pūrṇamindrā ciketati yojā nvindra te harī .. 424
1 5 1 0407a agniṃ taṃ manye yo vasurastaṃ yaṃ yanti dhenavaḥ .
1 5 1 0407c astamarvanta āśavo 'staṃ nityāso vājina iṣaṃ stotṛbhya ā bhara .. 425
1 5 1 0408a na tamaṃho na duritaṃ devāso aṣṭa martyam .
1 5 1 0408c sajoṣaso yamaryamā mitro nayati varuṇo ati dviṣaḥ .. 426
1 5 1 0501a pari pra dhanvendrāya soma svādurmitrāya pūṣṇe bhagāya .. 427
1 5 1 0502a paryū ṣu pra dhanva vājasātaye pari vṛtrāṇi sakṣaṇiḥ .
1 5 1 0502c dviṣastaradhyā ṛṇayā na īrase .. 428
1 5 1 0503a pavasva soma mahāntsamudraḥ pitā devānāṃ viśvābhi dhāma .. 429
1 5 1 0504a pavasva soma mahe dakṣāyāśvo na nikto vājī dhanāya .. 430
1 5 1 0505a induḥ paviṣṭa cārurmadāyāpāmupasthe kavirbhagāya .. 431
1 5 1 0506a anu hi tvā sutaṃ soma madāmasi mahe samaryarājye .
1 5 1 0506c vājāṃ abhi pavamāna pra gāhase .. 432

1 5 1 0507a ka īṃ vyaktā naraḥ sanīḍā rudrasya maryā atha svaśvāḥ .. 433
1 5 1 0508a agne tamadyāśvaṃ na stomaiḥ kratuṃ na bhadraṃ hṛdispṛśam .
1 5 1 0508c ṛdhyāmā ta ohaiḥ .. 434
1 5 1 0509a āvirmaryā ā vājaṃ vājino agmaṃ devasya savituḥ savam .
1 5 1 0509c svargāṃ arvanto jayata .. 435
1 5 1 0510a pavasva soma dyumnī sudhāro mahāṃ avīnāmanupūrvyaḥ .. 436
pañcama prapāṭhakaḥ . dvitīyo 'rdhaḥ
1 5 2 0601a viśvatodāvanviśvato na ā bhara yaṃ tvā śaviṣṭhamīmahe .. 437
1 5 2 0602a eṣa brahmā ya ṛtviya indro nāma śruto gṛṇe .. 438
1 5 2 0603a brahmāṇa indraṃ mahayanto arkairavardhayannahaye hantavā u .. 439
1 5 2 0604a anavaste rathamaśvāya takṣustvaṣṭā vajraṃ puruhūta dyumantam .. 440
1 5 2 0605a śaṃ padaṃ maghaṃ rayīṣiṇo na kāmamavrato hinoti na spṛśadrayim .. 441
1 5 2 0606a sadā gāvaḥ śucayo viśvadhāyasaḥ sadā devā arepasaḥ .. 442
1 5 2 0607a ā yāhi vanasā saha gāvaḥ sacanta varttaniṃ yadūdhabhiḥ .. 443
1 5 2 0608a upa prakṣe madhumati kṣiyantaḥ puṣyema rayiṃ dhīmahe ta indra .. 444
1 5 2 0609a arcantyarkaṃ marutaḥ svarkkā ā stobhati śruto yuvā sa indraḥ .. 445
1 5 2 0610a pra va indrāya vṛtrahantamāya viprāya gāthaṃ gāyata yaṃ jujoṣate .. 446
1 5 2 0701a acetyagniścikitirhavyavāḍna sumadrathaḥ .. 447
1 5 2 0702a agne tvaṃ no antama uta trātā śivo bhuvo varūthyaḥ .. 448
1 5 2 0703a bhago na citro agnirmahonāṃ dadhāti ratnam .. 449
1 5 2 0704a viśvasya pra stobha puro vā sanyadi veha nūnam .. 450
1 5 2 0705a uṣā apa svasuṣṭamaḥ saṃ varttayati varttaniṃ sujātatā .. 451
1 5 2 0706a imā nu kaṃ bhuvanā sīṣadhemendraśca viśve ca devāḥ .. 452
1 5 2 0707a vi srutayo yathā patha indra tvadyantu rātayaḥ .. 453
1 5 2 0708a ayā vājaṃ devahitaṃ sanema madema śatahimāḥ suvīrāḥ .. 454
1 5 2 0709a ūrjā mitro varuṇaḥ pinvateḍāḥ pīvarīmiṣaṃ kṛṇuhī na indra .. 455
1 5 2 0710a indro viśvasya rājati .. 456
1 5 2 0801a trikadrukeṣu mahiṣo yavāśiraṃ tuviśuṣmastṛmpatsomamapibadviṣṇunā sutaṃ yathāvaśam .
1 5 2 0801c sa īṃ mamāda mahi karma karttave mahāmuruṃ sainaṃ saścaddevo devaṃ satya induḥ satyamindram .. 457
1 5 2 0802a ayaṃ sahasramānavo dṛśaḥ kavīnāṃ matirjyotirvidharma .
1 5 2 0802c bradhnaḥ samīcīruṣasaḥ samairayadarepasaḥ socetasaḥ svasare manyumantaścitā goḥ .. 458
1 5 2 0803a endra yāhyupa naḥ parāvato nāyamacchā vidathānīva satpatirastā rājeva satpatiḥ .
1 5 2 0803c havāmahe tvā prayasvantaḥ suteṣvā putrāso na pitaraṃ vājasātaye maṃhiṣṭhaṃ vājasātaye .. 459
1 5 2 0804a tamindraṃ johavīmi maghavānamugraṃ satrā dadhānamapratiṣkutaṃ śravāṃsi bhūriḥ .
1 5 2 0804c maṃhiṣṭho gīrbhirā ca yajñiyo vavartta rāye no viśvā supathā kṛṇotu vajrī .. 460
1 5 2 0805a astu śrauṣṭpuro agniṃ dhiyā dadha ā nu tyacchardho divyaṃ vṛṇīmaha indravāyū vṛṇīmahe .
1 5 2 0805c yaddha krāṇā vivasvate nābhā sandāya navyase .
1 5 2 0805e adha pra nūnamupa yanti dhītayo devāṃacchā na dhītayaḥ .. 461
1 5 2 0806a pra vo mahe matayo yantu viṣṇave marutvate girijā evayāmarut .
1 5 2 0806c pra śardhāya pra yajyave sukhādaye tavase bhandadiṣṭaye dhunivratāya śavase .. 462

1 5 2 0807a ayā rucā hariṇyā punāno viśvā dveṣāṃsi tarati sayugvabhiḥ sūro na sayugvabhiḥ .
1 5 2 0807c dhārā pṛṣṭhasya rocate punāno aruṣo hariḥ .
1 5 2 0807e viśvā yadrūpā pariyāsyṛkvabhiḥ saptāsyebhirṛkvabhiḥ .. 463
1 5 2 0808a abhi tyaṃ devaṃ savitāramoṇyoḥ kavikratumarcāmi satyasavaṃ ratnadhāmabhi priyaṃ matim
1 5 2 0808c ūrdhvā yasyāmatirbhā adidyutatsavīmani hiraṇyapāṇiramimīta sukratuḥ kṛpā svaḥ .. 464
1 5 2 0809a agniṃ hotāraṃ manye dāsvantaṃ vasoḥ sūnuṃ sahaso jātavedasaṃ vipraṃ na jātavedasam .
1 5 2 0809c ya ūrdhvayā svadhvaro devo devācyā kṛpā .
1 5 2 0809c ghṛtasya vibhrāṣṭimanu śukraśociṣa ājuhvānasya sarpiṣaḥ .. 465
1 5 2 0810a tava tyannaryaṃ nṛto 'pa indra prathamaṃ pūrvyaṃ divi pravācyaṃ kṛtam .
1 5 2 0810c yo devasya śavasā prāriṇā asu riṇannapaḥ .
1 5 2 0810e bhuvo viśvamabhyadevamojasā videdūrjaṃ śatakraturvidediṣam .. 466
.. ityaindraṃ parva kāṇḍam ..
pāvamāna kāṇḍam
1 5 2 0901a uccā te jātamandhaso divi sadbhūmyā dade .
1 5 2 0901c ugraṃ śarma mahi śravaḥ .. 467
1 5 2 0902a svādiṣṭhayā madiṣṭhayā pavasva soma dhārayā .
1 5 2 0902c indrāya pātave sutaḥ .. 468
1 5 2 0903a vṛṣā pavasva dhārayā marutvate ca matsaraḥ .
1 5 2 0903c viśvā dadhāna ojasā .. 469
1 5 2 0904a yaste mado vareṇyastenā pavasvāndhasā .
1 5 2 0904c devāvīraghaśaṃsahā .. 470
1 5 2 0905a tisro vāca udīrate gāvo mimanti dhenavaḥ .
1 5 2 0905c harireti kanikradat .. 471
1 5 2 0906a indrāyendo marutvate pavasva madhumattamaḥ .
1 5 2 0906c arkasya yonimāsadam .. 472
1 5 2 0907a asāvyaṃśurmadāyāpsu dakṣo giriṣṭhāḥ .
1 5 2 0907c śyeno na yonimāsadat .. 473
1 5 2 0908a pavasva dakṣasādhano devebhyaḥ pītaye hare .
1 5 2 0908c marudbhyo vāyave madaḥ .. 474
1 5 2 0909a pari svāno giriṣṭhāḥ pavitre somo akṣarat .
1 5 2 0909c madeṣu sarvadhā asi .. 475
1 5 2 0910a pari priyā divaḥ kavirvayāṃsi naptyorhitaḥ .
1 5 2 0910c svānairyāti kavikratuḥ .. 476
1 5 2 1001a pra somāso madacyutaḥ śravase no maghonaḥ .
1 5 2 1001c sutā vidathe akramuḥ .. 477
1 5 2 1002a pra somāso vipaścito 'po nayanta ūrmayaḥ .
1 5 2 1002c vanāni mahiṣā iva .. 478
1 5 2 1003a pavasvendo vṛṣā sutaḥ kṛdhī no yaśaso jane .
1 5 2 1003c viśvā apa dviṣo jahi .. 479
1 5 2 1004a vṛṣā hyasi bhānunā dyumantaṃ tvā havāmahe .

1 5 2 1004c pavamāna svardṛśam .. 480
1 5 2 1005a induḥ paviṣṭa cetanaḥ priyaḥ kavīnāṃ matiḥ .
1 5 2 1005c sṛjadaśvaṃ rathīriva .. 481
1 5 2 1006a asṛkṣata pra vājino gavyā somāso aśvayā .
1 5 2 1006c śukrāso vīrayāśavaḥ .. 482
1 5 2 1007a pavasva deva āyuṣagindraṃ gacchatu te madaḥ .
1 5 2 1007c vāyumā roha dharmaṇā .. 483
1 5 2 1008a pavamāno ajījanaddivaścitraṃ na tanyatum .
1 5 2 1008c jyotirvaiśvānaraṃ bṛhat .. 484
1 5 2 1009a pari svānāsa indavo madāya barhaṇā girā .
1 5 2 1009c madho arṣanti dhārayā .. 485
1 5 2 1010a pari prāsiṣyadatkaviḥ sindhorūrmāvadhi śritaḥ .
1 5 2 1010c kāruṃ bibhratpuruspṛham .. 486
ṣaṣṭha prapāṭhakaḥ . prathamo 'rdhaḥ
1 6 1 0101a upo ṣu jātamapturaṃ gobhirbhaṅgaṃ pariṣkṛtam .
1 6 1 0101c induṃ devā ayāsiṣuḥ .. 487
1 6 1 0102a punāno akramīdabhi viśvā mṛdho vicarṣaṇiḥ .
1 6 1 0102c śumbhanti vipraṃ dhītibhiḥ .. 488
1 6 1 0103a āviśankalaśaṃ suto viśvā arṣannabhi śriyaḥ .
1 6 1 0103c indurindrāya dhīyate .. 489
1 6 1 0104a asarji rathyo yathā pavitre camvoḥ sutaḥ .
1 6 1 0104c kārṣmanvājī nyakramīt .. 490
1 6 1 0105a pra yadgāvo na bhūrṇayastveṣā ayāso akramuḥ .
1 6 1 0105c ghnantaḥ kṛṣṇāmapa tvacam .. 491
1 6 1 0106a apaghnanpavase mṛdhaḥ kratuvitsoma matsaraḥ .
1 6 1 0106c nudasvādevayuṃ janam .. 492
1 6 1 0107a ayā pavasva dhārayā yayā sūryamarocayaḥ .
1 6 1 0107c hinvāno mānuṣīrapaḥ .. 493
1 6 1 0108a sa pavasva ya āvithendraṃ vṛtrāya hantave .
1 6 1 0108c vavrivāṃsaṃ mahīrapaḥ .. 494
1 6 1 0109a ayā vītī pari srava yasta indo madeṣvā .
1 6 1 0109c avāhannavatīrnava .. 495
1 6 1 0110a pari dyukṣaṃ sanadrāyiṃ bharadvājaṃ no andhasā .
1 6 1 0110c svāno arṣa pavitra ā .. 496
1 6 1 0201a acikradadvṛṣā harirmahānmitro na darśataḥ .
1 6 1 0201c saṃ sūryeṇa didyute .. 497
1 6 1 0202a ā te dakṣaṃ mayobhuvaṃ vahnimadyā vṛṇīmahe .
1 6 1 0202c pāntamā puruspṛham .. 498
1 6 1 0203a adhvaryo adribhiḥ sutaṃ somaṃ pavitra ā naya .
1 6 1 0203c punīhīndrāya pātave .. 499

1 6 1 0204a taratsa mandī dhāvati dhārā sutasyāndhasaḥ .
1 6 1 0204c taratsa mandī dhāvati .. 500
1 6 1 0205a ā pavasva sahasriṇaṃ rayiṃ soma suvīryam .
1 6 1 0205c asme śravāṃsi dhāraya .. 501
1 6 1 0206a anu pratnāsa āyavaḥ padaṃ navīyo akramuḥ .
1 6 1 0206c ruce jananta sūryam .. 502
1 6 1 0207a arṣā soma dyumattamo 'bhi droṇāni roruvat .
1 6 1 0207c sīdanyonau yoneṣvā .. 503
1 6 1 0208a vṛṣā soma dyumāṃ asi vṛṣā deva vṛṣavrataḥ .
1 6 1 0208c vṛṣā dharmāṇi dadhriṣe .. 504
1 6 1 0209a iṣe pavasva dhārayā mṛjyamāno manīṣibhiḥ .
1 6 1 0209c indo rucābhi gā ihi .. 505
1 6 1 0210a mandrayā soma dhārayā vṛṣā pavasva devayuḥ .
1 6 1 0210c avyo vārebhirasmayuḥ .. 506
1 6 1 0211a ayā soma sukṛtyapā mahāntsannabhyavardhathāḥ .
1 6 1 0211c hindāna idvṛṣāyase .. 507
1 6 1 0212a ayaṃ vicarṣaṇirhitaḥ pavamānaḥ sa cetati .
1 6 1 0212c hinvāna āpyaṃ bṛhat .. 508
1 6 1 0213a pra ṇa indo mahe tu na ūrmiṃ na bibhradarṣasi .
1 6 1 0213c abhi devāṃ ayāsyaḥ .. 509
1 6 1 0214a apaghnanpavate mṛdho 'pa somo arāvṇaḥ .
1 6 1 0214c gacchannindrasya niṣkṛtam .. 510
1 6 1 0301a punānaḥ soma dhārayāpo vasāno arṣasi .
1 6 1 0301c ā ratnadhā yonimṛtasya sīdasyutso devo hiraṇyayaḥ .. 511
1 6 1 0302a parīto ṣiñcatā sutaṃ somo ya uttamaṃ haviḥ .
1 6 1 0302c dadhanvāṃ yo naryo apsvā3ntarā suṣāva somamadribhiḥ .. 512
1 6 1 0303a ā soma svāno adribhistiro vārāṇyavyayā .
1 6 1 0303c jano na puri camvorviśaddhariḥ sado vaneṣu dadhriṣe .. 513
1 6 1 0304a pra soma devavītaye sindhurna pipye arṇasā .
1 6 1 0304c aṃśoḥ payasā madiro na jāgṛviracchā kośaṃ madhuścutam .. 514
1 6 1 0305a soma u ṣvāṇaḥ sotṛbhiradhi ṣṇubhiravīnām .
1 6 1 0305c aśvayeva haritā yāti dhārayā mandrayā yāti dhārayā .. 515
1 6 1 0306a tavāhaṃ soma rāraṇa sakhya indo divedive .
1 6 1 0306c purūṇi babhro ni caranti māmava paridhīṃrati tāṃ ihi .. 516
1 6 1 0307a mṛjyamānaḥ suhastyā samudre vācaminvasi .
1 6 1 0307c rayiṃ piśaṅgaṃ bahulaṃ puruspṛhaṃ pavamānābhyarṣasi .. 517
1 6 1 0308a abhi somāsa āyavaḥ pavante madyaṃ madam .
1 6 1 0308c samudrasyādhi viṣṭape manīṣiṇo matsarāso madacyutaḥ .. 518
1 6 1 0309a punānaḥ soma jāgṛviravyā vāraiḥ pari priyaḥ .
1 6 1 0309c tvaṃ vipro abhavo 'ṅgirastama madhvā yajñaṃ mimikṣa ṇaḥ .. 519

1 6 1 0310a indrāya pavate madaḥ somo marutvate sutaḥ .
1 6 1 0310c sahasradhāro atyavyamarṣati tamī mṛjantyāyavaḥ .. 520
1 6 1 0311a pavasva vājasātamo 'bhi viśvāni vāryā .
1 6 1 0311c tvaṃ samudraḥ prathame vidharmaṃ devebhyaṃ soma matsaraḥ .. 521
1 6 1 0312a pavamānā asṛkṣata pavitramati dhārayā .
1 6 1 0312c marutvanto matsarā indriyā hayā medhāmabhi prayāṃsi ca .. 522
1 6 1 0401a pra tu drava pari kośaṃ ni ṣīda nṛbhiḥ punāno abhi vājamarṣa .
1 6 1 0401c aśvaṃ na tvā vājinaṃ marjayanto 'cchā barhī raśanābhirnayanti .. 523
1 6 1 0402a pra kāvyamuśaneva bruvāṇo devo devānāṃ janimā vivakti .
1 6 1 0402c mahivrataḥ śucibandhuḥ pāvakaḥ padā varāho abhyeti rebhan .. 524
1 6 1 0403a tisro vāca īrayati pra vahnirṛtasya dhītiṃ brahmaṇo manīṣām .
1 6 1 0403c gāvo yanti gopatiṃ pṛcchamānāḥ somaṃ yanti matayo vāvaśānāḥ .. 525
1 6 1 0404a asya preṣā hemanā pūyamāno devo devebhiḥ samapṛkta rasam .
1 6 1 0404c sutaḥ pavitraṃ paryeti rebhanmiteva sadma paśumanti hotā .. 526
1 6 1 0405a somaḥ pavate janitā matīnāṃ janitā divo janitā pṛthivyāḥ .
1 6 1 0405c janitāgnerjanitā sūryasya janitendrasya janitota viṣṇoḥ .. 527
1 6 1 0406a abhi tripṛṣṭhaṃ vṛṣaṇaṃ vayodhāmāṅgoṣiṇamavāvaśanta vāṇīḥ .
1 6 1 0406c vanā vasāno varuṇo na sindhūrvi ratnadhā dayate vāryāṇi .. 528
1 6 1 0407a akrāntsamudraḥ prathame vidharmaṃ janayanprajā bhuvanasya gopāḥ .
1 6 1 0407c vṛṣā pavitre adhi sāno avye bṛhatsomo vāvṛdhe svāno adriḥ .. 529
1 6 1 0408a kanikranti harirā sṛjyamānaḥ sīdanvanasya jaṭhare punānaḥ .
1 6 1 0408c nṛbhiryataḥ kṛṇute nirṇijaṃ gāmato matiṃ janayata svadhābhiḥ .. 530
1 6 1 0409a eṣa sya te madhumāṃ indra somo vṛṣā vṛṣṇaḥ pari pavitre akṣāḥ .
1 6 1 0409c sahasradāḥ śatadā bhūridāvā śaśvattamaṃ barhirā vājyasthāt .. 531
1 6 1 0410a pavasva soma madhumāṃ ṛtāvāpo vasāno adhi sāno avye .
1 6 1 0410c ava droṇāni ghṛtavanti roha madintamo matsara indrapānaḥ .. 532
1 6 1 0501a pra senānīḥ śūro agre rathānāṃ gavyanneti harṣate asya senā .
1 6 1 0501c bhadrānkṛṇvannindrahavāntsakhibhya ā somo vastrā rabhasāni datte .. 533
1 6 1 0502a pra te dhārā madhumatīrasṛgranvāraṃ yatpūto atyeṣyavyam .
1 6 1 0502c pavamāna pavase dhāma gonāṃ janayantsūryamapinvo arkaiḥ .. 534
1 6 1 0503a pra gāyatābhyarcāma devāntsomaṃ hinota mahate dhanāya .
1 6 1 0503c svāduḥ pavatāmati vāramavyamā sīdatu kalaśaṃ deva induḥ .. 535
1 6 1 0504a pra hinvāno janitā rodasyo ratho na vājaṃ saniṣannayāsīt .
1 6 1 0504c indraṃ gacchannāyudhā saṃśiśāno viśvā vasu hastayorādadhānaḥ .. 536
1 6 1 0505a takṣadyadī manaso venato vāgjyeṣṭhasya dharmaṃ dyukṣoranīke .
1 6 1 0505c ādīmāyanvaramā vāvaśānā juṣṭaṃ patiṃ kalaśe gāva indum .. 537
1 6 1 0506a sākamukṣo marjayanta svasāro daśa dhīrasya dhītayo dhanutrīḥ .
1 6 1 0506c hariḥ paryadravajjāḥ sūryasya droṇaṃ nanakṣe atyo na vājī .. 538
1 6 1 0507a adhi yadasminvājinīva śubhaḥ spardhante dhiyaḥ sūre na viśaḥ .
1 6 1 0507c apo vṛṇānaḥ pavate kavīyanvrajaṃ na paśuvardhanāya manma .. 539

1 6 1 0508a indurvājī pavate gonyoghā indre somaḥ saha invanmadāya .
1 6 1 0508c hanti rakṣo bādhate paryarātiṃ varivaskṛṇvanvṛjanasya rājā .. 540
1 6 1 0509a ayā pavā pavasvainā vasūni māṃścatva indro sarasi pra dhanva .
1 6 1 0509c braghnaścidyasya vāto na jūtiṃ purumedhāścittakave naraṃ dhāt .. 541
1 6 1 0510a mahattatsomo mahiṣaścakārāpāṃ yadgarbho 'vṛṇīta devān .
1 6 1 0510c adadhādindre pavamāna ojo 'janayatsūrye jyotirinduḥ .. 542
1 6 1 0511a asarji vakvā rathye yathājau dhiyā manotā prathamā manīṣa .
1 6 1 0511c daśa svasāro adhi sāno avye mṛjanti vahniṃ sadaneṣvaccha .. 543
1 6 1 0512a apāmivedūrmayastartturāṇāḥ pra manīṣā īrate somamaccha .
1 6 1 0512c namasyantīrupa ca yanti saṃ cāca viśantyuśatīruśantam .. 544
ṣaṣṭha prapāṭhakaḥ . dvitīyo 'rdhaḥ
1 6 2 0601a purojitī vo andhasaḥ sutāya mādayitnave .
1 6 2 0601c apa śvānaṃ śnathiṣṭana sakhāyo dīrghajihvyam .. 545
1 6 2 0602a ayaṃ pūṣā rayirbhagaḥ somaḥ punāno arṣati .
1 6 2 0602c patirviśvasya bhūmano vyakhyadrodasī ubhe .. 546
1 6 2 0603a sutāso madhumattamāḥ somā indrāya mandinaḥ .
1 6 2 0603c pavitravanto akṣarandevāngacchantu vo madāḥ .. 547
1 6 2 0604a somāḥ pavanta indavo 'smabhyaṃ gātuvittamāḥ .
1 6 2 0604c mitrāḥ svānā arepasaḥ svādhyaḥ svarvidaḥ .. 548
1 6 2 0605a abhī no vājasātamaṃ rayimarṣa śataspṛham .
1 6 2 0605c indo sahasrabharṇasaṃ tuvidyumnaṃ vibhāsaham .. 549
1 6 2 0606a abhī navante adruhaḥ priyamindrasya kāmyam .
1 6 2 0606c vatsaṃ na pūrva āyuni jātaṃ rihanti mātaraḥ .. 550
1 6 2 0607a ā haryatāya dhṛṣṇave dhanuṣṭanvanti pauṃsyam .
1 6 2 0607c śukrā vi yantyasurāya nirṇije vipāmagre mahīyuvaḥ .. 551
1 6 2 0608a pari tyaṃ haryataṃ hariṃ babhruṃ punanti vāreṇa .
1 6 2 0608c yo devānviśvāṃ itpari madena saha gacchati .. 552
1 6 2 0609a pra sunvānāsyāndhaso marto na vaṣṭa tadvacaḥ .
1 6 2 0609c apa śvānamarādhasaṃ hatā makhaṃ na bhṛgavaḥ .. 553
1 6 2 0701a abhi priyāṇi pavate canohito nāmāni yahvo adhi yeṣu vardhate .
1 6 2 0701c ā sūryasya bṛhato bṛhannadhi rathaṃ viṣvañcamaruhadvicakṣaṇaḥ .. 554
1 6 2 0702a acodaso no dhanvantvindavaḥ pra svānāso bṛhaddeveṣu harayaḥ .
1 6 2 0702c vi cidaśnānā iṣayo arātayo 'ryo naḥ santu saniṣantu no dhiyaḥ .. 555
1 6 2 0703a eṣa pra kośe madhumāṃ acikradadindrasya vajro vapuṣo vapuṣṭamaḥ .
1 6 2 0703c abhyR^ī3tasya sudughā ghṛtaścuto vāśrā arṣanti payasā ca ghenavaḥ .. 556
1 6 2 0704a pro ayāsīdindurindrasya niṣkṛtaṃ sakhā sakhyurna pra mināti saṅgiram .
1 6 2 0704c marya iva yuvatibhiḥ samarṣati somaḥ kalaśe śatayāmanā pathā .. 557
1 6 2 0705a dhartā divaḥ pavate kṛtvyo raso dakṣo devānāmanumādyo nṛbhiḥ .
1 6 2 0705c hariḥ sṛjāno atyo na satvabhirvṛthā pājāṃsi kṛṇuṣe nadīṣvā .. 558
1 6 2 0706a vṛṣā matīnāṃ pavate vicakṣaṇaḥ somo ahnāṃ pratarītoṣasāṃ divaḥ .

1 6 2 0706c prāṇā sindhūnāṃ kalaśāṃ acikradadindrasya hārdyāviśanmanīṣibhiḥ .. 559
1 6 2 0707a trirasmai sapta dhenavo duduhrire satyāmāśiraṃ parame vyomani .
1 6 2 0707c catvāryanyā bhuvanāni nirṇije cārūṇi cakre yadṛtairavardhata .. 560
1 6 2 0708a indrāya soma suṣutaḥ pari sravāpāmīvā bhavatu rakṣasā saha .
1 6 2 0708c mā te rasasya matsata dvayāvino draviṇasvanta iha santvindavaḥ .. 561
1 6 2 0709a asāvi somo aruṣo vṛṣā harī rājeva dasmo abhi gā acikradat .
1 6 2 0709c punāno vāramatyeṣyavyayaṃ śyeno na yoniṃ ghṛtavantamāsadat .. 562
1 6 2 0710a pra devamacchā madhumanta indavo 'siṣyadanta gāva ā na dhenavaḥ .
1 6 2 0710c barhiṣado vacanāvanta ūdhabhiḥ parisrutamusriyā nirṇijaṃ dhire .. 563
1 6 2 0711a añjate vyañjate samañjate kratuṃ rihanti maghvābhyañjate .
1 6 2 0711c sindhoru 'cchvāse patayantamukṣaṇaṃ hiraṇyapāvāḥ paśumapsu gṛbhṇate .. 564
1 6 2 0712a pavitraṃ te vitataṃ brahmaṇaspate prabhurgātrāṇi paryeṣi viśvataḥ .
1 6 2 0712c ataptatanūrna tadāmo aśnute śṛtāsa idvahantaḥ saṃ tadāśata .. 565
1 6 2 0801a indramaccha sutā ime vṛṣaṇaṃ yantu harayaḥ .
1 6 2 0801c śruṣṭe jātāsa indavaḥ svarvidaḥ .. 566
1 6 2 0802a pra dhanvā soma jāgṛvirindrāyendo pari srava .
1 6 2 0802c dyumantaṃ śuṣmamā bhara svarvidam .. 567
1 6 2 0803a sakhāya ā ni ṣīdata punānāya pra gāyata .
1 6 2 0803c śiśuṃ na yajñaiḥ pari bhūṣata śriye .. 568
1 6 2 0804a taṃ vaḥ sakhāyo madāya punānamabhi gāyata .
1 6 2 0804c śiśuṃ na havyaiḥ svadayanta gūrtibhiḥ .. 569
1 6 2 0805a prāṇā śiśurmahīnāṃ hinvannṛtasya dīdhitim .
1 6 2 0805c viśvā pari priyā bhuvadadha dvitā .. 570
1 6 2 0806a pavasva devavītaya indo dhārābhirojasā .
1 6 2 0806c ā kalaśaṃ madhumāntsoma naḥ sadaḥ .. 571
1 6 2 0807a somaḥ punāna ūrmiṇāvyaṃ vāraṃ vi dhāvati .
1 6 2 0807c agre vācaḥ pavamānaḥ kanikradat .. 572
1 6 2 0808a pra punānāya vedhase somāya vaca ucyate .
1 6 2 0808c bhṛtiṃ na bharā matibhirjujoṣate .. 573
1 6 2 0809a gomanna indo aśvavatsutaḥ sudakṣa dhaniva .
1 6 2 0809c śuciṃ ca varṇamadhi goṣu dhārya .. 574
1 6 2 0810a asmabhyaṃ tvā vasuvidamabhi vāṇīranūṣata .
1 6 2 0810c gobhiṣṭe varṇamabhi vāsayāmasi .. 575
1 6 2 0811a pavate haryato harirati hvarāṃsi raṃhyā .
1 6 2 0811c abhyarṣa stotṛbhyo vīravadyaśaḥ .. 576
1 6 2 0812a pari kośaṃ madhuścutaṃ somaḥ punāno arṣati .
1 6 2 0812c abhi vāṇīrṛṣīṇāṃ saptā nūṣata .. 577
1 6 2 0901a pavasva madhumattama indrāya soma kratuvittamo madaḥ .
1 6 2 0901c mahi dyukṣatamo madaḥ .. 578
1 6 2 0902a abhi dyumnaṃ bṛhadyaśa iṣaspate didīhi deva devayum .

1 6 2 0902c vi kośaṃ madhyamaṃ yuva .. 579
1 6 2 0903a ā sotā pari ṣiñcatāśvaṃ na stomamapturaṃ rajasturam .
1 6 2 0903c vanaprakṣamudaprutam .. 580
1 6 2 0904a etamu tyaṃ madacyutaṃ sahasradhāraṃ vṛṣabhaṃ divoduham .
1 6 2 0904c viśvā vasūni bibhratam .. 581
1 6 2 0905a sa sunve yo vasūnāṃ yo rāyāmānetā ya iḍānām .
1 6 2 0905c somo yaḥ sukṣitīnām .. 582
1 6 2 0906a tvaṃ hyā3ṅga daivyā pavamāna janimāni dyumattamaḥ .
1 6 2 0906c amṛtatvāya ghoṣayan .. 583
1 6 2 0907a eṣa sya dhārayā suto 'vyo vārebhiḥ pavate madintamaḥ .
1 6 2 0907c krīḍannūrmirapāmiva .. 584
1 6 2 0908a ya usriyā api yā antaraśmani nirgā akṛntadojasā .
1 6 2 0908c abhi vrajaṃ tatniṣe gavyamaśvyaṃ varmīva dhṛṣṇavā ruja .
1 6 2 0908e Oṃ varmīva dhṛṣṇavā ruja .. 585
.. iti saumyaṃ pāvamānaṃ parva kāṇḍam ..
.. iti pūrvārcikaḥ ..
āraṇya ārcikaḥ
āraṇya kāṇḍam
2 0 0 0101a indra jyeṣṭhaṃ na ā bhara ojiṣṭhaṃ pupuri śravaḥ .
2 0 0 0101c yaddidhṛkṣema vajrahasta rodasī obhe suśipra paprāḥ .. 586
2 0 0 0102a indro rājā jagataścarṣaṇīnāmadhikṣamā viśvarūpaṃ yadasya .
2 0 0 0102c tato dadāti dāśuṣe vasūni codadrādha upastutaṃ cidarvāk .. 587
2 0 0 0103a yasyedamā rajoyujastuje jane vanaṃ svaḥ .
2 0 0 0103c indrasya rantyaṃ bṛhat .. 588
2 0 0 0104a uduttamaṃ varuṇa pāśamasmadavādhamaṃ vi madhyamaṃ śrathāya .
2 0 0 0104c athāditya vrate vayaṃ tavānāgaso aditaye syāma .. 589
2 0 0 0105a tvayā vayaṃ pavamānena soma bhare kṛtaṃ vi cinuyāma śaśvat .
2 0 0 0105c tanno mitro varuṇo māmahantāmaditiḥ sindhuḥ pṛthivī uta dyauḥ .. 590
2 0 0 0106a imaṃ vṛṣaṇaṃ kṛṇutaikaminmām .. 591
2 0 0 0107a sa na indrāya yajyave varuṇāya marudbhyaḥ .
2 0 0 0107c varivovitparisrava .. 592
2 0 0 0108a enā viśvānyarya ā dyumnāni mānuṣāṇām .
2 0 0 0108c siṣāsanto vanāmahe .. 593
2 0 0 0109a ahamasmi prathamajā ṛtasya pūrvaṃ devebhyo amṛtasya nāma .
2 0 0 0109c yo mā dadāti sa idevamāvadahamannamannamadantamadmi .. 594
2 0 0 0201a tvametadadhārayaḥ kṛṣṇāsu rohiṇīṣu ca .
2 0 0 0201c paruṣṇīṣu ruśatpayaḥ .. 595
2 0 0 0202a arūrucaduṣasaḥ pṛśniragriya ukṣā mimeti bhuvaneṣu vājayuḥ .
2 0 0 0202c māyāvino mamire asya māyayā nṛcakṣasaḥ pitaro garbhamādadhuḥ .. 596
2 0 0 0203a indra iddharyoḥ sacā sammiśla ā vacoyujā .

2 0 0 0203c indro vajrī hiraṇyayaḥ .. 597
2 0 0 0204a indra vājeṣu no 'va sahasrapradhaneṣu ca .
2 0 0 0204c ugra ugrābhirūtibhiḥ .. 598
2 0 0 0205a prathaśca yasya saprathaśca nāmānuṣṭubhasya haviṣo haviryat .
2 0 0 0205c dhāturdyutānātsavituśca viṣṇo rathantaramā jabhārā vasiṣṭhaḥ .. 599
2 0 0 0206a niyutvānvāyavā gahyayaṃ śukro ayāmi te .
2 0 0 0206c gantāsi sunvato gṛham .. 600
2 0 0 0207a yajjāyathā apūrvya maghavanvṛtrahatyāya .
2 0 0 0207c tatpṛthivīmaprathayastadastabhnā uto divam .. 601
2 0 0 0301a mayi varco atho yaśo 'tho yajñasya yatpayaḥ .
2 0 0 0301c parameṣṭhī prajāpatirdivi dyāmiva dṛṃhatu .. 602
2 0 0 0302a saṃ te payāṃsi samu yantu vājāḥ saṃ vṛṣṇyānyabhimātiṣāhaḥ .
2 0 0 0302c āpyāyamāno amṛtāya soma divi śravāṃsyuttamāni dhiṣva .. 603
2 0 0 0303a tvamimā oṣadhīḥ soma viśvāstvamapo ajanayastvaṃ gāḥ .
2 0 0 0303c tvamātanorurvā3ntarikṣaṃ tvaṃ jyotiṣā vi tamo vavartha .. 604
2 0 0 0304a agnimīḍe purohitaṃ yajñasya devamṛtvijam .
2 0 0 0304c hotāraṃ ratnadhātamam .. 605
2 0 0 0305a te manvata prathamaṃ nāma gonāṃ triḥ sapta paramaṃ nāma janān .
2 0 0 0305c tā jānatīrabhyanūṣata kṣā āvirbhuvannaruṇīryaśasā gāvaḥ .. 606
2 0 0 0306a samanyā yantyupayantyanyāḥ samānamūrvaṃ nadyaspṛṇanti .
2 0 0 0306c tamū śuciṃ śucayo dīdivāṃsamapānnapātamupa yantyāpaḥ .. 607
2 0 0 0307a ā prāgādbhadrā yuvatirahnaḥ ketūntsamīrtsati .
2 0 0 0307c abhūdbhadrā niveśanī viśvasya jagato rātrī .. 608
2 0 0 0308a prakṣasya vṛṣṇo aruṣasya nū mahaḥ pra no vaco vidathā jātavedase .
2 0 0 0308c vaiśvānarāya matirnavyase śuciḥ soma iva pavate cāruragnaye .. 609
2 0 0 0309a viśve devā mama śṛṇvantu yajñamubhe rodasī apāṃ napācca manma .
2 0 0 0309c mā vo vacāṃsi paricakṣyāṇi vocaṃ sumneṣvidvo antamā madema .. 610
2 0 0 0310a yaśo mā dyāvāpṛthivī yaśo mendrabṛhaspatī .
2 0 0 0310c yaśo bhagasya vindatu yaśo mā pratimucyatām .
2 0 0 0310e yaśasvyā3syāḥ saṃ sado 'haṃ pravaditā syām .. 611
2 0 0 0311a indrasya nu vīryāṇi pravocaṃ yāni cakāra prathamāni vajrī .
2 0 0 0311c ahannahimanvapastatarda pra vakṣaṇā abhinatparvatānām .. 612
2 0 0 0312a agnirasmi janmanā jātavedā ghṛtaṃ me cakṣuramṛtaṃ ma āsan .
2 0 0 0312c tridhāturarko rajaso vimāno 'jasraṃ jyotirhavirasmi sarvam .. 613
2 0 0 0313a pātyagnirvipo agraṃ padaṃ veḥ pāti yahvaścaraṇaṃ sūryasya .
2 0 0 0313c pāti nābhā saptaśīrṣāṇamagniḥ .. 614
2 0 0 0401a bhrājantyagne samidhāna dīdivo jihvā caratyantarāsani .
2 0 0 0401c sa tvaṃ no agne payasā vasuvidrayiṃ varco dṛśe 'dāḥ .. 615
2 0 0 0402a vasanta innu rantyo grīṣma innu rantyaḥ .
2 0 0 0402c varṣāṇyanu śarado hemantaḥ śiśira innu rantyaḥ .. 616

2 0 0 0403a sahasraśīrṣā puruṣaḥ sahasrākṣaḥ sahasrapāt .
2 0 0 0403c sa bhūmiṃ sarvato vṛtvātyatiṣṭhaddaśāṅgulam .. 617
2 0 0 0404a tripādūrdhva udaitpuruṣaḥ pado 'syehābhavatpunaḥ .
2 0 0 0404c tathā viṣvaṅ vyakrāmadaśanānaśane abhi .. 618
2 0 0 0405a puruṣa evedaṃ sarvaṃ yadbhūtaṃ yacca bhāvyam .
2 0 0 0405c pādo 'sya sarvā bhūtāni tripādasyāmṛtaṃ divi .. 619
2 0 0 0406a tāvānasya mahimā tato jyāyāṃśca pūruṣaḥ .
2 0 0 0406c utāmṛtatvasyeśāno yadannenātirohati .. 620
2 0 0 0407a tato virāḍajāyata virājo adhi pūruṣaḥ .
2 0 0 0407c sa jāto atyaricyata paścādbhūmimatho puraḥ .. 621
2 0 0 0408a manye vāṃ dyāvāpṛthivī subhojasau ye aprathethāmamitamabhi yojanam .
2 0 0 0408c dyāvāpṛthivī bhavataṃ syone te no muñcatamaṃhasaḥ .. 622
2 0 0 0409a harī ta indra śmaśrūṇyuto te haritau hari .
2 0 0 0409c taṃ tvā stuvanti kavayaḥ puruṣāso vanargavaḥ .. 623
2 0 0 0410a yadvarco hiraṇyasya yadvā varco gavāmuta .
2 0 0 0410c satyasya brahmaṇo varcastena mā saṃ sṛjāmasi .. 624
2 0 0 0411a sahastanna indra daddhyoja īśe hyasya mahato virapśin .
2 0 0 0411c kratuṃ na nṛmṇaṃ sthaviraṃ ca vājaṃ vṛtreṣu śatrūntsuhanā kṛdhī naḥ .. 625
2 0 0 0412a saharṣabhāḥ sahavatsā udeta viśvā rūpāṇī bibhratīrdvyūdnīḥ .
2 0 0 0412c uruḥ pṛthurayaṃ vo astu loka imā āpaḥ suprapāṇā iha sta .. 626
2 0 0 0501a agna āyūṃṣi pavasa āsuvorjamiṣaṃ ca naḥ .
2 0 0 0501c āre bādhasva ducchunām .. 627
2 0 0 0502a vibhrāṅbṛhatpibatu somyaṃ madhvāyurdadhadyajñapatāvavihrutam .
2 0 0 0502c vātajūto yo abhirakṣati tmanā prajāḥ piparti bahudhā vi rājati .. 628
2 0 0 0503a citraṃ devānāmudagādanīkaṃ cakṣurmitrasya varuṇasyāgneḥ .
2 0 0 0503c āprā dyāvāpṛthivī antarikṣaṃ sūrya ātmā jagatastasthuṣaśca .. 629
2 0 0 0504a āyaṃ gauḥ pṛśnirakramīdasadanmātaraṃ puraḥ .
2 0 0 0504c pitaraṃ ca prayantsvaḥ .. 630
2 0 0 0505a antaścarati rocanāsya prāṇādapānatī .
2 0 0 0505c vyakhyanmahiṣo divam .. 631
2 0 0 0506a triṃṣaddhāma vi rājati vākpataṅgāya dhīyate .
2 0 0 0506c prati vastoraha dyubhiḥ .. 632
2 0 0 0507a apa tye tāyavo yathā nakṣatrā yantyaktubhiḥ .
2 0 0 0507c sūrāya viśvacakṣase .. 633
2 0 0 0508a adṛśrannasya ketavo vi raśmayo janāṃ anu .
2 0 0 0508c bhrājanto agnayo yathā .. 634
2 0 0 0509a taraṇirviśvadarśato jyotiṣkṛdasi sūrya .
2 0 0 0509c viśvamābhāsi rocanam .. 635
2 0 0 0510a pratyaṅ devānāṃ viśaḥ pratyaṅṅudeṣi mānuṣān .
2 0 0 0510c pratyaṅ viśvaṃ svardṛśe .. 636

2 0 0 0511a yenā pāvaka cakṣasā bhuraṇyantaṃ janāṃ anu .
2 0 0 0511c tvaṃ varuṇa paśyasi .. 637
2 0 0 0512a uddyāmeṣi rajaḥ pṛthvahā mimāno aktubhiḥ .
2 0 0 0512c paśyañjanmāni sūrya .. 638
2 0 0 0513a ayukta sapta śundhyuvaḥ sūro rathasya naptryaḥ .
2 0 0 0513c tābhiryāti svayuktibhiḥ .. 639
2 0 0 0514a sapta tvā harito rathe vahanti deva sūrya .
2 0 0 0514c śociṣkeśaṃ vicakṣaṇa .. 640
.. ityāraṇyaṃ parva kāṇḍam ..
mahānāmnya ārcikaḥ
3 0 0 0001a vidā maghavan vidā gātumanuśaṃsiṣo diśaḥ .
3 0 0 0001c śikṣā śacīnāṃ pate pūrvīṇāṃ purūvaso .. 641
3 0 0 0002a ābhiṣṭvamabhiṣṭibhiḥ svā '3rnnāṃśuḥ .
3 0 0 0002c pracetana pracetayendra dyumnāya na iṣe .. 642
3 0 0 0003a evā hi śakro rāye vājāya vajrivaḥ .
3 0 0 0003c śaviṣṭha vajrinnṛñjase maṃhiṣṭha vajrinnṛñjasa .
3 0 0 0003e ā yāhi piba matsva .. 643
3 0 0 0004a vidā rāye suvīryaṃ bhavo vājānāṃ patirvaśāṃ anu .
3 0 0 0004c maṃhiṣṭha vajrinnṛñjase yaḥ śaviṣṭhaḥ śūrāṇām .. 644
3 0 0 0005a yo maṃhiṣṭho maghonāmṃśurnna śociḥ .
3 0 0 0005c cikitvo abhi no nayeṃdro vide tamu stuhi .. 645
3 0 0 0006a īśe hi śakrastamūtaye havāmahe jetāramaparājitam .
3 0 0 0006c sa naḥ svarṣadati dviṣaḥ kratuśchanda ṛtaṃ bṛhat .. 646
3 0 0 0007a indraṃ dhanasya sātaye havāmahe jetāramaparājitam .
3 0 0 0007c sa naḥ svarṣadati dviṣaḥ sa naḥ svarṣadati dviṣaḥ .. 647
3 0 0 0008a pūrvasya yatte adrivoṃ 'śurmadāya .
3 0 0 0008c sumna ā dhehi no vaso pūrtiḥ śaviṣṭha śasyate .
3 0 0 0008e vaśī hi śakro nūnaṃ tannavyaṃ saṃnyase .. 648
3 0 0 0009a prabho janasya vṛtrahantsamaryeṣu bravāvahai .
3 0 0 0009c śūro yo goṣu gacchati sakhā suśevo advayuḥ .. 649
atha pañca purīṣapadāni
3 0 0 0010a evāhyo '3 '3 '3vā . evā hyagne . evāhīndra .
3 0 0 0010c evā hi pūṣan . evā hi devāḥ Oṃ evāhi devāḥ .. 650
.. iti pañca purīṣapadāni ..
.. iti mahānāmnyārcikaḥ ..
uttara ārcikaḥ
prathama prapāṭhakaḥ . prathamo 'rdhaḥ
asitaḥ kāśyapo devalo vā. gāyatrī. pavamānaḥ somaḥ.
4 1 1 01 01a upāsmai gāyatā naraḥ pavamānāyendave .
4 1 1 01 01c abhi devāṃ iyakṣate .. 651

4 1 1 01 02a abhi te madhunā payo 'tharvāṇo aśiśrayuḥ .
4 1 1 01 02c devaṃ devāya devayu .. 652
4 1 1 01 03a sa naḥ pavasva śaṃ gave śaṃ janāya śamarvate .
4 1 1 01 03c śaṃ rājannoṣadhībhyaḥ .. 653
kaśyapo mārīcaḥ. gāyatrī. pavamānaḥ somaḥ.
4 1 1 02 01a davidyutatyā rucā pariṣṭobhantyā kṛpā .
4 1 1 02 01c somāḥ śukrā gavāśiraḥ .. 654
4 1 1 02 02a hinvāno hetṛbhirhita ā vājaṃ vājyakramīt .
4 1 1 02 02c sīdanto vanuṣo yathā .. 655
4 1 1 02 03a ṛdhaksoma svastaye saṃjagmāno divā kave .
4 1 1 02 03c pavasva sūryo dṛśe .. 656
śataṃ vaikhānasāḥ, gāyatrī, pavamānaḥ somaḥ.
4 1 1 03 01a pavamānasya te kave vājintsargā asṛkṣate .
4 1 1 03 01c arvanto na śravasyavaḥ .. 657
4 1 1 03 02a acchā kośaṃ madhuścutamasṛgraṃ vāre avyaye .
4 1 1 03 02c avāvaśanta dhītayaḥ .. 658
4 1 1 03 03a acchā samudramindavo 'staṃ gāvo na dhenavaḥ .
4 1 1 03 03c agmannṛtasya yonimā .. 659
bharadvājo bārhaspatyaḥ, gāyatrī, agniḥ.
4 1 1 04 01a agna ā yāhi vītaye gṛṇāno havyadātaye .
4 1 1 04 01c ni hotā satsi barhiṣi .. 660
4 1 1 04 02a taṃ tvā samidbhiraṅgiro ghṛtena vardhayāmasi .
4 1 1 04 02c bṛhacchocā yaviṣṭhya .. 661
4 1 1 04 03a sa naḥ pṛthu śravāyyamacchā deva vivāsasi .
4 1 1 04 03c bṛhadagne suvīryam .. 662
viśvāmitro gāthinaḥ jamadagnirvā, gāyatrī, mitrāvaruṇau.
4 1 1 05 01a ā no mitrāvaruṇā ghṛtairgavyūtimukṣatam .
4 1 1 05 01c madhvā rajāṃsi sukratū .. 663
4 1 1 05 02a uruśaṃsā namovṛdhā mahnā dakṣasya rājathaḥ .
4 1 1 05 02c drāghiṣṭhābhiḥ śucivratā .. 664
4 1 1 05 03a gṛṇānā jamadagninā yonāvṛtasya sīdatam .
4 1 1 05 03c pātaṃ somamṛtāvṛdhā .. 665
irīmbiṭhiḥ kāṇvaḥ. gāyatrī. indraḥ.
4 1 1 06 03a ā yāhi suṣumā hi ta indra somaṃ pibā imam .
4 1 1 06 03c edaṃ barhiḥ sado mama .. 666
4 1 1 06 03a ā tvā brahmayujā harī vahatāmindra keśinā .
4 1 1 06 03c upa brahmāṇi naḥ śṛṇu .. 667
4 1 1 06 03a brahmāṇastvā yujā vayaṃ somapāmindra sominaḥ .
4 1 1 06 03c sutāvanto havāmahe .. 668
viśvāmitro gāthinaḥ. gāyatrī. indrāgnī.

4 1 1 07 01a indrāgnī ā gataṃ sutaṃ gīrbhirnabho vareṇyam .
4 1 1 07 01c asya pātaṃ dhiyeṣitā .. 669
4 1 1 07 02a indrāgnī jarituḥ sacā yajño jigāti cetanaḥ .
4 1 1 07 02c ayā pātamimaṃ sutam .. 670
4 1 1 07 03a indramagniṃ kavicchadā yajñasya jūtyā vṛṇe .
4 1 1 07 03c tā somasyeha tṛmpatām .. 671
amahīyurāṅgirasaḥ. gāyatrī. pavamānaḥ somaḥ.
4 1 1 08 01a uccā te jātamandhaso divi sadbhūmyā dade .
4 1 1 08 01c ugraṃ śarma mahi śravaḥ .. 672
4 1 1 08 02a sa na indrāya yajyave varuṇāya marudbhyaḥ .
4 1 1 08 02c varivovitpari srava .. 673
4 1 1 08 03a enā viśvānyarya ā dyumnāni mānuṣāṇām .
4 1 1 08 03c siṣāsanto vanāmahe .. 674
4 1 1 09 01a punānaḥ soma dhārayāpo vasāno arṣasi .
4 1 1 09 01c ā ratnadhā yonimṛtasya sīdasyutso devo hiraṇyayaḥ .. 675
4 1 1 09 02a duhāna ūdhardivyaṃ madhu priyaṃ pratnaṃ sadhasthamāsadat .
4 1 1 09 02c āpṛcchyaṃ dharuṇaṃ vājyarṣasi nṛbhirdhauto vicakṣaṇaḥ .. 676
4 1 1 10 01a pra tu drava pari kośaṃ ni ṣīda nṛbhiḥ punāno abhi vājamarṣa .
4 1 1 10 01c aśvaṃ na tvā vājinaṃ marjayanto 'cchā barhī raśanābhirnayanti .. 677
4 1 1 10 02a svāyudhaḥ pavate deva induraśastihā vṛjanā rakṣamāṇaḥ .
4 1 1 10 02c pitā devānāṃ janitā sudakṣo viṣṭambho divo dharuṇaḥ pṛthivyāḥ .. 678
4 1 1 10 03a ṛṣirvipraḥ puraetā janānāmṛbhurdhīra uśanā kāvyena .
4 1 1 10 03c sa cidviveda nihitaṃ yadāsāmapīcyā3ṃ guhyaṃ nāma gonām .. 679
4 1 1 11 01a abhi tvā śūra nonumo 'dugdhā iva dhenavaḥ .
4 1 1 11 01c īśānamasya jagataḥ svardṛśamīśānamindra tasthuṣaḥ .. 680
4 1 1 11 02a na tvāvāṃ anyo divyo na pārthivo na jāto na janiṣyate .
4 1 1 11 02c aśvāyanto maghavannindra vājino gavyantastvā havāmahe .. 681
4 1 1 12 01a kayā naścitra ā bhuvadūtī sadāvṛdhaḥ sakhā .
4 1 1 12 01c kayā śaciṣṭhayā vṛtā .. 682
4 1 1 12 02a kastvā satyo madānāṃ maṃhiṣṭho matsadandhasaḥ .
4 1 1 12 02c dṛḍhā cidāruje vasu .. 683
4 1 1 12 03a abhī ṣu ṇaḥ sakhīnāmavitā jaritR^īṇām .
4 1 1 12 03c śataṃ bhavāsyūtaye .. 684
4 1 1 13 01a taṃ vo dasmamṛtīṣahaṃ vasormandānamandhasaḥ .
4 1 1 13 01c abhi vatsaṃ na svasareṣu dhenava indraṃ gīrbhirnavāmahe .. 685
4 1 1 13 02a dyukṣaṃ sudānuṃ taviṣībhirāvṛtaṃ giriṃ na purubhojasam .
4 1 1 13 02c kṣumantaṃ vājaṃ śatinaṃ sahasriṇaṃ makṣū gomantamīmahe .. 686
4 1 1 14 01a tarobhirvo vidadvasumindraṃ sabādha ūtaye .
4 1 1 14 01c bṛhadgāyantaḥ sutasome adhvare huve bharaṃ na kāriṇam .. 687
4 1 1 14 02a na yaṃ dudhrā varante na sthirā muro madeṣu śipramandhasaḥ .

4 1 1 14 02c ya ādṛtyā śaśamānāya sunvate dātā jaritra ukthyam .. 688
4 1 1 15 01a svādiṣṭhayā madiṣṭhayā pavasva soma dhārayā .
4 1 1 15 01c indrāya pātave sutaḥ .. 689
4 1 1 15 02a rakṣohā viśvacarṣaṇirabhi yonimayohate .
4 1 1 15 02c droṇe sadhasthamāsadat .. 690
4 1 1 15 03a varivodhātamo bhuvo maṃhiṣṭho vṛtrahantamaḥ .
4 1 1 15 03c parṣi rādho maghonām .. 691
4 1 1 16 01a pavasva madhumattama indrāya soma kratuvittamo madaḥ .
4 1 1 16 01c mahi dyukṣatamo madaḥ .. 692
4 1 1 16 02a yasya te pītvā vṛṣabho vṛṣāyate 'sya pītvā svarvidaḥ .
4 1 1 16 02c sa supraketo abhyakramīdiṣo 'cchā vājaṃ naitaśaḥ .. 693
4 1 1 17 01a indramaccha sutā ime vṛṣaṇaṃ yantu harayaḥ .
4 1 1 17 01c śruṣṭe jātāsa indavaḥ svarvidaḥ .. 694
4 1 1 17 02a ayaṃ bharāya sānasirindrāya pavate sutaḥ .
4 1 1 17 02c somo jaitrasya cetati yathā vide .. 695
4 1 1 17 03a asyedindro madeṣvā grābhaṃ gṛbhṇāti sānasim .
4 1 1 17 03c vajraṃ ca vṛṣaṇaṃ bharatsamapsujit .. 696
4 1 1 18 01a purojitī vo andhasaḥ sutāya mādayitnave .
4 1 1 18 01c apa śvānaṃ śnathiṣṭana sakhāyo dīrghajihvyam .. 697
4 1 1 18 02a yo dhārayā pāvakayā pariprasyandate sutaḥ .
4 1 1 18 02c induraśvo na kṛtvyaḥ .. 698
4 1 1 18 03a taṃ duroṣamabhī naraḥ somaṃ viśvācyā dhiyā .
4 1 1 18 03c yajñāya santvadrayaḥ .. 699
4 1 1 19 01a abhi priyāṇi pavate canohito nāmāni yahvo adhi yeṣu vardhate .
4 1 1 19 01c ā sūryasya bṛhato bṛhannadhi rathaṃ viṣvañcamaruhadvicakṣaṇaḥ.. 700
4 1 1 19 02a ṛtasya jihvā pavate madhu priyaṃ vaktā patirdhiyo asyā adābhyaḥ .
4 1 1 19 02c dadhāti putraḥ pitrorapīcyā3ṃ nāma tṛtīyamadhi rocanaṃ divaḥ .. 701
4 1 1 19 03a ava dyutānaḥ kalaśāṃ acikradannṛbhiryemāṇaḥ kośa ā hiraṇyaye .
4 1 1 19 03c abhī ṛtasya dohanā anūṣatādhi tripṛṣṭha uṣaso vi rājasi .. 702
4 1 1 20 01a yajñāyajñā vo agnaye girāgirā ca dakṣase .
4 1 1 20 01c prapra vayamamṛtaṃ jātavedasaṃ priyaṃ mitraṃ na śaṃsiṣam .. 703
4 1 1 20 02a ūrjo napātaṃ sa hināyamasmayurdāśema havyadātaye .
4 1 1 20 02c bhuvadvājeṣvavitā bhuvadvṛdha uta trātā tanūnām .. 704
4 1 1 21 01a ehyū ṣu bravāṇi te 'gna itthetarā giraḥ .
4 1 1 21 01c ebhirvardhāsa indubhiḥ .. 705
4 1 1 21 02a yatra kva ca te mano dakṣaṃ dadhasa uttaram .
4 1 1 21 02c tatrā yoniṃ kṛṇavase .. 706
4 1 1 21 03a na hi te pūrtamakṣipadbhuvannemānāṃ pate .
4 1 1 21 03c athā duvo vanavase .. 707
4 1 1 22 01a vayamu tvāmapūrvya sthūraṃ na kaccidbharanto 'vasyavaḥ .

4 1 1 22 01c vajriñcitraṃ havāmahe .. 708
4 1 1 22 02a upa tvā karmannūtaye sa no yuvograścakrāma yo dhṛṣat .
4 1 1 22 02c tvāmidhyavitāraṃ vavṛmahe sakhāya indra sānasim .. 709
4 1 1 23 01a adhā hīndra girvaṇa upa tvā kāma īmahe sasṛgmahe .
4 1 1 23 01c udeva gmanta udabhiḥ .. 710
4 1 1 23 02a vārṇa tvā yavyābhirvardhanti śūra brahmāṇi .
4 1 1 23 02c vavṛdhvāṃsaṃ cidadrivo divedive .. 711
4 1 1 23 03a puñjanti harī iṣirasya gāthayorau ratha uruyuge vacoyujā .
4 1 1 23 03c indravāhā svarvidā .. 712
prathama prapāṭhakaḥ . dvitīyo 'rdhaḥ
4 1 2 01 01a pāntamā vo andhasa indramabhi pra gāyata .
4 1 2 01 01c viśvāsāhaṃ śatkratuṃ maṃhiṣṭhaṃ carṣaṇīnām .. 713
4 1 2 01 02a puruhūtaṃ puruṣṭutaṃ gāthānyā3ṃ sanaśrutam .
4 1 2 01 02c indra iti bravītana .. 714
4 1 2 01 03a indra inno mahonāṃ dātā vājānāṃ nṛtuḥ .
4 1 2 01 03c mahāṃ abhijñvā yamat .. 715
4 1 2 02 01a pra va indrāya mādanaṃ haryaśvāya gāyata .
4 1 2 02 01c sakhāyaḥ somapāvne .. 716
4 1 2 02 02a śaṃsedukthaṃ sudānava uta dyukṣaṃ yatha naraḥ .
4 1 2 02 02c cakṛmā satyarādhase .. 717
4 1 2 02 03a tvaṃ na indra vājayustvaṃ gavyuḥ śatakrato .
4 1 2 02 03c tvaṃ hiraṇyayurvaso .. 718
4 1 2 03 01a vayamu tvā tadidarthā indra tvāyantaḥ sakhāyaḥ .
4 1 2 03 01c kaṇvā ukthebhirjarante .. 719
4 1 2 03 02a na ghemanyadā papana vajrinnapaso naviṣṭau .
4 1 2 03 02c tavedu stomaiściketa .. 720
4 1 2 03 03a icchanti devāḥ sunvantaṃ na svapnāya spṛhayanti .
4 1 2 03 03c yanti pramādamatandrāḥ .. 721
4 1 2 04 01a indrāya madvne sutaṃ pari ṣṭobhantu no giraḥ .
4 1 2 04 01c arkamarccantu kāravaḥ .. 722
4 1 2 04 02a yasminviśvā adhi śriyo raṇanti sapta saṃsadaḥ .
4 1 2 04 02c indraṃ sute havāmahe .. 723
4 1 2 04 03a trikadrukeṣu cetanaṃ devāso yajñamatnata .
4 1 2 04 03c tamidvardhantu no giraḥ .. 724
4 1 2 05 01a ayaṃ ta indra somo nipūto adhi barhiṣi .
4 1 2 05 01c ehīmasya dravā piba .. 725
4 1 2 05 02a śācigo śācipūjanāyaṃ raṇāya te sutaḥ .
4 1 2 05 02c ākhaṇḍala pra hūyase .. 726
4 1 2 05 03a yaste śṛṅgavṛṣo ṇapātpraṇapātkuṇḍapāyyaḥ .
4 1 2 05 03c nyasmiṃ dadhra ā manaḥ .. 727

4 1 2 06 01a ā tū na indra kṣumantaṃ citraṃ grābhaṃ saṃ gṛbhāya .
4 1 2 06 01c mahāhasti dakṣiṇena .. 728
4 1 2 06 02a vidmā hi tvā tuvikūrmiṃ tuvideṣṇaṃ tuvīmagham .
4 1 2 06 02c tuvimātramavobhiḥ .. 729
4 1 2 06 03a na hi tvā śūra devā na martāso ditsantam .
4 1 2 06 03c bhīmaṃ na gāṃ vārayante .. 730
4 1 2 07 01a abhi tvā vṛṣabhā sute sutaṃ sṛjāmi pītaye .
4 1 2 07 01c tṛmpā vyaśnuhī madam .. 731
4 1 2 07 02a mā tvā mūrā aviṣyavo mopahasvāna ā dabhan .
4 1 2 07 02c mā kīṃ brahmadviṣaṃ vanaḥ .. 732
4 1 2 07 03a iha tvā goparīṇasaṃ mahe mandantu rādhase .
4 1 2 07 03c saro gauro yathā piba .. 733
4 1 2 08 01a idam vaso sutamandhaḥ pibā supūrṇamudaram .
4 1 2 08 01c anābhayinrarimā te .. 734
4 1 2 08 02a nṛbhirdhautaḥ suto aśnairavyā vāraiḥ paripūtaḥ .
4 1 2 08 02c aśvo na nikto nadīṣu .. 735
4 1 2 08 03a taṃ te yavaṃ yathā gobhiḥ svādumakarma śrīṇantaḥ .
4 1 2 08 03c indra tvāsmiṃtsadhamāde .. 736
4 1 2 09 01a idaṃ hyanvojasā sutaṃ rādhānāṃ pate .
4 1 2 09 01c pibā tvā3sya girvaṇaḥ .. 737
4 1 2 09 02a yaste anu svadhāmasatsute ni yaccha tanvam .
4 1 2 09 02c sa tvā mamattu somyam .. 738
4 1 2 09 03a pra te aśnotu kukṣyoḥ prendra brahmaṇā śiraḥ .
4 1 2 09 03c pra bāhū śūra rādhasā .. 739
4 1 2 10 01a ā tvetā ni ṣīdatendramabhi pra gāyata .
4 1 2 10 01c sakhāya stomavāhasaḥ .. 740
4 1 2 10 02a purūtamaṃ purūṇāmīśānaṃ vāryāṇām .
4 1 2 10 02c indraṃ some sacā sute .. 741
4 1 2 10 03a sa ghā no yoga ā bhuvatsa rāye sa purandhyā .
4 1 2 10 03c gamadvājebhirā sa naḥ .. 742
4 1 2 11 01a yogeyoge tavastaraṃ vājevāje havāmahe .
4 1 2 11 01c sakhāya indramūtaye .. 743
4 1 2 11 02a anu pratnasyaukaso huve tuvipratiṃ naram .
4 1 2 11 02c yaṃ te pūrvaṃ pitā huve .. 744
4 1 2 11 03a ā ghā gamadyadi śravatsahasriṇībhirūtibhiḥ .
4 1 2 11 03c vājebhirupa no havam .. 745
4 1 2 12 01a indra suteṣu someṣu kratuṃ punīṣa ukthyam .
4 1 2 12 01c vide vṛdhasya dakṣasya mahāṃ hi ṣaḥ .. 746
4 1 2 12 02a sa prathame vyomani devānāṃ sadane vṛdhaḥ .
4 1 2 12 02c supāraḥ suśravastamaḥ samapsujit .. 747

4 1 2 12 03a tamu huve vājasātaya indraṃ bharāya śuṣmiṇam .
4 1 2 12 03c bhavā naḥ sumne antamaḥ sakhā vṛdhe .. 748
4 1 2 13 01a enā vo agniṃ namasorjo napātamā huve .
4 1 2 13 01c priyaṃ cetiṣṭhamaratiṃ svadhvaraṃ viśvasya dūtamamṛtam .. 749
4 1 2 13 02a sa yojate aruṣā viśvabhojasā sa dudravatsvāhutaḥ .
4 1 2 13 02c subrahmā yajñaḥ suśamī vasūnāṃ devaṃ rādho janānām .. 750
4 1 2 14 01a pratyu adarśyāyatyū3cchantī duhitā divaḥ .
4 1 2 14 01c apo mahī vṛṇute cakṣuṣā tamo jyotiṣkṛṇoti sūnarī .. 751
4 1 2 14 02a udusriyāḥ sṛjate sūryaḥ sacā udyannakṣatramarcivat .
4 1 2 14 02c taveduṣo vyuṣi sūryasya ca saṃ bhaktena gamemahi .. 752
4 1 2 15 01a imā u vāṃ diviṣṭaya usrā havante aśvinā .
4 1 2 15 01c ayaṃ vāmahve 'vase śacīvasū viśaṃviśaṃ hi gacchathaḥ .. 753
4 1 2 15 02a yuvaṃ citraṃ dadathurbhojanaṃ narā codethāṃ sūnṛtāvate .
4 1 2 15 02c arvāgrathaṃ samanasā ni yacchataṃ pibataṃ somyaṃ madhu .. 754
4 1 2 16 01a asya pratnāmanu dyutaṃ śukraṃ duduhre ahrayaḥ .
4 1 2 16 01c payaḥ sahasrasāmṛṣim .. 755
4 1 2 16 02a ayaṃ sūrya ivopadṛgayaṃ sarāṃsi dhāvati .
4 1 2 16 02c sapta pravata ā divam .. 756
4 1 2 16 03a ayaṃ viśvāni tiṣṭhati punāno bhuvanopari .
4 1 2 16 03c somo devo na sūryaḥ .. 757
4 1 2 17 01a eṣa pratnena janmanā devo devebhyaḥ sutaḥ .
4 1 2 17 01c hariḥ pavitre arṣati .. 758
4 1 2 17 02a eṣa pratnena manmanā devo devebhyaspari .
4 1 2 17 02c kavirvipreṇa vāvṛdhe .. 759
4 1 2 17 03a duhānaḥ pratnamitpayaḥ pavitre pari ṣicyase .
4 1 2 17 03c krandaṃ devāṃ ajījanaḥ .. 760
4 1 2 18 01a upa śikṣāpatasthuṣo bhiyasamā dhehi śatrave .
4 1 2 18 01c pavamāna vidā rayim .. 761
4 1 2 18 02a uṣo ṣu jātamapturaṃ gobhirbhaṅgaṃ pariṣkṛtam .
4 1 2 18 02c induṃ devā ayāsiṣuḥ .. 762
4 1 2 18 03a upāsmai gāyatā naraḥ pavamānāyendave .
4 1 2 18 03c abhi devāṃ iyakṣate .. 763
4 1 2 19 01a pra somāso vipaścito 'po nayanta ūrmayaḥ .
4 1 2 19 01c vanāni mahiṣā iva .. 764
4 1 2 19 02a abhi droṇāni babhravaḥ śukrā ṛtasya dhārayā .
4 1 2 19 02c vājaṃ gomantamakṣaran .. 765
4 1 2 19 03a sutā indrāya vāyave varuṇāya marudbhyaḥ .
4 1 2 19 03c somā arṣantu viṣṇave .. 766
4 1 2 20 01a pra soma devavītaye sindhurna pipye arṇasā .
4 1 2 20 01c aṃśoḥ payasā madiro na jāgṛviracchā kośaṃ madhuścutam .. 767

4 1 2 20 02a ā haryato arjuno atke avyata priyaḥ sūnurna marjyaḥ .
4 1 2 20 02c tamīṃ hinvantyapaso yathā rathaṃ nadīṣvā gabhastyoḥ .. 768
4 1 2 21 01a pra somāso madacyutaḥ śravase no maghonām .
4 1 2 21 01c sutā vidathe akramuḥ .. 769
4 1 2 21 02a ādīṃ haṃso yathā gaṇaṃ viśvasyāvīvaśanmatim .
4 1 2 21 02c atyo na gobhirajyate .. 770
4 1 2 21 03a ādīṃ tritasya yoṣaṇo hariṃ hinvantyadribhiḥ .
4 1 2 21 03c indumindrāya pītaye .. 771
4 1 2 22 01a ayā pavasva devayu rebhanpavitraṃ paryeṣi viśvataḥ .
4 1 2 22 01c madhordhārā asṛkṣata .. 772
4 1 2 22 02a pavate haryato harirati hvarāṃsi raṃhyā .
4 1 2 22 02c abhyarṣa stotṛbhyo vīravadyaśaḥ .. 773
4 1 2 22 03a pra sunvānāsyāndhaso marto na vaṣṭa tadvacaḥ .
4 1 2 22 03c apa śvānamarādhasaṃ hatā makhaṃ na bhṛgavaḥ .. 774
dvitīya prapāṭhakaḥ . prathamo 'rdhaḥ
4 2 1 01 01a pavasva vāco agriyaḥ soma citrābhirūtibhiḥ .
4 2 1 01 01c abhi viśvāni kāvyā .. 775
4 2 1 01 02a tvaṃ samudriyā apo 'griyo vāca īrayan .
4 2 1 01 02c pavasva viśvacarṣaṇe .. 776
4 2 1 01 03a tubhyemā bhuvanā kave mahimne soma tasthire .
4 2 1 01 03c tubhyaṃ dhāvanti dhenavaḥ .. 777
4 2 1 02 01a pavasvendo vṛṣā sutaḥ kṛdhī no yaśaso jane .
4 2 1 02 01c viśvā apa dviṣo jahi .. 778
4 2 1 02 02a yasya te sakhye vayaṃ sāsahyāma pṛtanyataḥ .
4 2 1 02 02c tavendo dyumna uttame .. 779
4 2 1 02 03a yā te bhīmānyāyudhā tigmāni santi dhūrvaṇe .
4 2 1 02 03c rakṣā samasya no nidaḥ .. 780
4 2 1 03 01a vṛṣā soma dyumāṃ asi vṛṣā deva vṛṣavrataḥ .
4 2 1 03 01c vṛṣā dharmāṇi dadhriṣe .. 781
4 2 1 03 02a vṛṣṇaste vṛṣṇyaṃ śavo vṛṣā vanaṃ vṛṣā sutaḥ .
4 2 1 03 02c sa tvaṃ vṛṣanvṛṣedasi .. 782
4 2 1 03 03a aśvo na cakrado vṛṣā saṃ gā indo samarvataḥ .
4 2 1 03 03c vi no rāye duro vṛdhi .. 783
4 2 1 04 01a vṛṣā hyasi bhānunā dyumantaṃ tvā havāmahe .
4 2 1 04 01c pavamāna svardṛśam .. 784
4 2 1 04 02a yadadbhiḥ pariśicyase marmṛjyamāna āyubhiḥ .
4 2 1 04 02c droṇe sadhasthamaśnuṣe .. 785
4 2 1 04 03a ā pavasva suvīryaṃ mandamānaḥ svāyudha .
4 2 1 04 03c iho ṣvindavā gahi .. 786
4 2 1 05 01a pavamānasya te vayaṃ pavitramabhyundataḥ .