सामवेद · भाग 2140

1 5 1 0101अ गृणे तदिन्द्र ते शव उपमां देवतातये .
1 5 1 0101च् यद्धंसि वृत्रमोजसा शचीपते .. 391
1 5 1 0102अ यस्य त्यच्छम्बरं मदे दिवोदासाय रन्धयन् .
1 5 1 0102च् अयं स सोम इन्द्र ते सुतः पिब .. 392
1 5 1 0103अ एन्द्र नो गधि प्रिय सत्राजिदगोह्य .
1 5 1 0103च् गिरिर्न विश्वतः पृथुः पतिर्दिवः .. 393
1 5 1 0104अ य इन्द्र सोमपातमो मदः शविष्ठ चेतति .
1 5 1 0104च् येना हंसि न्या3त्रिणं तमीमहे .. 394
1 5 1 0105अ तुचे तुनाय तत्सु नो द्राधीय आयुर्जीवसे .
1 5 1 0105च् आदित्यासः समहसः कृणोतन .. 395
1 5 1 0106अ वेत्था हि निरृतीनां वज्रहस्त परिवृजम् .
1 5 1 0106च् अहरहः शुन्ध्युः परिपदामिव .. 396
1 5 1 0107अ अपामीवामप स्त्रिधमप सेधत दुर्मतिम् .
1 5 1 0107च् आदित्यासो युयोतना नो अंहसः .. 397
1 5 1 0108अ पिबा सोममिन्द्र मन्दतु त्वा यं ते सुषाव हर्यश्वाद्रिः .
1 5 1 0108च् सोतुर्बाहुभ्यां सुयतो नार्वा .. 398
1 5 1 0201अ अभ्रातृव्यो अना त्वमनापिरिन्द्र जनुषा सनादसि .
1 5 1 0201च् युधेदापित्वमिच्छसे .. 399
1 5 1 0202अ यो न इदमिदं पुरा प्र वस्य आनिनाय तमु व स्तुषे .
1 5 1 0202च् सखाय इन्द्रमूतये .. 400
1 5 1 0203अ आ गन्ता मा रिषण्यत प्रस्थावानो माप स्थात समन्यवः .
1 5 1 0203च् दृढा चिद्यमयिष्णवः .. 401
1 5 1 0204अ आ याह्ययमिन्दवे ऽश्वपते गोपत उर्वरापते .
1 5 1 0204च् सोमं सोमपते पिब .. 402
1 5 1 0205अ त्वया ह स्विद्युजा वयं प्रति श्वसन्तं वृषभ ब्रुवीमहि .
1 5 1 0205च् संस्थे जनस्य गोमतः .. 403
1 5 1 0206अ गावश्चिद्धा समन्यवः सजात्येन मरुतः सबन्धवः .
1 5 1 0206च् रिहते ककुभो मिथः .. 404
1 5 1 0207अ त्वं न इन्द्रा भर ओजो नृम्णं शतक्रतो विचर्षणे .
1 5 1 0207च् आ वीरं पृतनासहम् .. 405
1 5 1 0208अ अधा हीन्द्र गिर्वण उप त्वा काम ईमहे ससृग्महे .
1 5 1 0208च् उदेव ग्मन्त उदभिः .. 406
1 5 1 0209अ सीदन्तस्ते वयो यथा गोश्रीते मधौ मदिरे विवक्षणे .
1 5 1 0209च् अभि त्वामिन्द्र नोनुमः .. 407
1 5 1 0210अ वयमु त्वामपूर्व्य स्थूरं न कच्चिद्भरन्तो ऽवस्यवः .
1 5 1 0210च् वज्रिञ्चित्रं हवामहे .. 408
1 5 1 0301अ स्वादोरित्था विषूवतो मधोः पिबन्ति गौर्यः .
1 5 1 0301च् या इन्द्रेण सयावरीर्वृष्णा मदन्ति शोभथा वस्वीरनु स्वराज्यम् .. 409
1 5 1 0302अ इत्था हि सोम इन्मदो ब्रह्म चकार वर्धनम् .
1 5 1 0302च् शविष्ठ वज्रिन्नोजसा पृथिव्या निः शशा अहिमर्चन्ननु स्वराज्यम् .. 410

1 5 1 0303अ इन्द्रो मदाय वावृधे शवसे वृत्रहा नृभिः .
1 5 1 0303च् तमिन्महत्स्वाजिषूतिमर्भे हवामहे स वाजेषु प्र नो ऽविषत् .. 411
1 5 1 0304अ इन्द्र तुभ्यमिदद्रिवो ऽनुत्तं वज्रिन्वीर्यम् .
1 5 1 0304च् यद्ध त्यं मायिनं मृगं तव त्यन्माययावधीरर्चन्ननु स्वराज्यम् .. 412
1 5 1 0305अ प्रेह्यभीहि धृष्णुहि न ते वज्रो नि यंसते .
1 5 1 0305च् इन्द्र नृम्णं हि ते शवो हनो वृत्रं जया अपो ऽर्चन्ननु स्वराज्यम् .. 413
1 5 1 0306अ यदुदीरत आजयो धृष्णवे धीयते धनम् .
1 5 1 0306च् युङ्क्ष्वा मदच्युता हरी कं हनः कं वसौ दधो ऽस्मां इन्द्र वसौ दधः .. 414
1 5 1 0307अ अक्षन्नमीमदन्त ह्यव प्रिया अधूषत .
1 5 1 0307च् अस्तोषत स्वभानवो विप्रा नविष्ठया मती योजा न्विन्द्र ते हरी .. 415
1 5 1 0308अ उपो षु शृणुही गिरो मघवन्मातथा इव .
1 5 1 0308च् कदा नः सूनृतावतः कर इदर्थयास इद्योजा न्विन्द्र ते हरी .. 416
1 5 1 0309अ चन्द्रमा अप्स्वा3न्तरा सुपर्णो धावते दिवि .
1 5 1 0309च् न वो हिरण्यनेमयः पदं विन्दन्ति विद्युतो वित्तं मे अस्य रोदसी .. 417
1 5 1 0310अ प्रति प्रियतमं रथं वृषणं वसुवाहनम् .
1 5 1 0310च् स्तोता वामश्विनावृशि स्तोमेभिर्भूषति प्रति माध्वी मम श्रुतं हवम् .. 418
1 5 1 0401अ आ ते अग्न इधीमहि द्युमन्तं देवाजरम् .
1 5 1 0401च् युद्ध स्या ते पनीयसी समिद्दीदयति द्यवीषं स्तोतृभ्य आ भर .. 419
1 5 1 0402अ आग्निं न स्ववृक्तिभिर्होतारं त्वा वृणीमहे .
1 5 1 0402च् शीरं पावकशोचिषं वि वो मदे यज्ञेषु स्तीर्णबर्हिषं विवक्षसे .. 420
1 5 1 0403अ महे नो अद्य बोधयोषो राये दिवित्मती .
1 5 1 0403च् यथा चिन्नो अबोधयः सत्यश्रवसि वाय्ये सुजाते अश्वसूनृते .. 421
1 5 1 0404अ भद्रं नो अपि वातय मनो दक्षमुत क्रतुम् .
1 5 1 0404च् अथा ते सख्ये अन्धसो वि वो मदे रणा गावो न यवसे विवक्षसे .. 422
1 5 1 0405अ क्रत्वा महां अनुष्वधं भीम आ वावृते शवः .
1 5 1 0405च् श्रिय ऋष्व उपाकयोर्नि शिप्री हरिवां दधे हस्तयोर्वज्रमायसम् .. 423
1 5 1 0406अ स घा तं वृषणं रथमधि तिष्ठाति गोविदम् .
1 5 1 0406च् यः पात्रं हारियोजनं पूर्णमिन्द्रा चिकेतति योजा न्विन्द्र ते हरी .. 424
1 5 1 0407अ अग्निं तं मन्ये यो वसुरस्तं यं यन्ति धेनवः .
1 5 1 0407च् अस्तमर्वन्त आशवो ऽस्तं नित्यासो वाजिन इषं स्तोतृभ्य आ भर .. 425
1 5 1 0408अ न तमंहो न दुरितं देवासो अष्ट मर्त्यम् .
1 5 1 0408च् सजोषसो यमर्यमा मित्रो नयति वरुणो अति द्विषः .. 426
1 5 1 0501अ परि प्र धन्वेन्द्राय सोम स्वादुर्मित्राय पूष्णे भगाय .. 427
1 5 1 0502अ पर्यू षु प्र धन्व वाजसातये परि वृत्राणि सक्षणिः .
1 5 1 0502च् द्विषस्तरध्या ऋणया न ईरसे .. 428
1 5 1 0503अ पवस्व सोम महान्त्समुद्रः पिता देवानां विश्वाभि धाम .. 429
1 5 1 0504अ पवस्व सोम महे दक्षायाश्वो न निक्तो वाजी धनाय .. 430
1 5 1 0505अ इन्दुः पविष्ट चारुर्मदायापामुपस्थे कविर्भगाय .. 431
1 5 1 0506अ अनु हि त्वा सुतं सोम मदामसि महे समर्यराज्ये .
1 5 1 0506च् वाजां अभि पवमान प्र गाहसे .. 432

1 5 1 0507अ क ईं व्यक्ता नरः सनीडा रुद्रस्य मर्या अथ स्वश्वाः .. 433
1 5 1 0508अ अग्ने तमद्याश्वं न स्तोमैः क्रतुं न भद्रं हृदिस्पृशम् .
1 5 1 0508च् ऋध्यामा त ओहैः .. 434
1 5 1 0509अ आविर्मर्या आ वाजं वाजिनो अग्मं देवस्य सवितुः सवम् .
1 5 1 0509च् स्वर्गां अर्वन्तो जयत .. 435
1 5 1 0510अ पवस्व सोम द्युम्नी सुधारो महां अवीनामनुपूर्व्यः .. 436
पञ्चम प्रपाठकः . द्वितीयो ऽर्धः
1 5 2 0601अ विश्वतोदावन्विश्वतो न आ भर यं त्वा शविष्ठमीमहे .. 437
1 5 2 0602अ एष ब्रह्मा य ऋत्विय इन्द्रो नाम श्रुतो गृणे .. 438
1 5 2 0603अ ब्रह्माण इन्द्रं महयन्तो अर्कैरवर्धयन्नहये हन्तवा उ .. 439
1 5 2 0604अ अनवस्ते रथमश्वाय तक्षुस्त्वष्टा वज्रं पुरुहूत द्युमन्तम् .. 440
1 5 2 0605अ शं पदं मघं रयीषिणो न काममव्रतो हिनोति न स्पृशद्रयिम् .. 441
1 5 2 0606अ सदा गावः शुचयो विश्वधायसः सदा देवा अरेपसः .. 442
1 5 2 0607अ आ याहि वनसा सह गावः सचन्त वर्त्तनिं यदूधभिः .. 443
1 5 2 0608अ उप प्रक्षे मधुमति क्षियन्तः पुष्येम रयिं धीमहे त इन्द्र .. 444
1 5 2 0609अ अर्चन्त्यर्कं मरुतः स्वर्क्का आ स्तोभति श्रुतो युवा स इन्द्रः .. 445
1 5 2 0610अ प्र व इन्द्राय वृत्रहन्तमाय विप्राय गाथं गायत यं जुजोषते .. 446
1 5 2 0701अ अचेत्यग्निश्चिकितिर्हव्यवाड्न सुमद्रथः .. 447
1 5 2 0702अ अग्ने त्वं नो अन्तम उत त्राता शिवो भुवो वरूथ्यः .. 448
1 5 2 0703अ भगो न चित्रो अग्निर्महोनां दधाति रत्नम् .. 449
1 5 2 0704अ विश्वस्य प्र स्तोभ पुरो वा सन्यदि वेह नूनम् .. 450
1 5 2 0705अ उषा अप स्वसुष्टमः सं वर्त्तयति वर्त्तनिं सुजातता .. 451
1 5 2 0706अ इमा नु कं भुवना सीषधेमेन्द्रश्च विश्वे च देवाः .. 452
1 5 2 0707अ वि स्रुतयो यथा पथ इन्द्र त्वद्यन्तु रातयः .. 453
1 5 2 0708अ अया वाजं देवहितं सनेम मदेम शतहिमाः सुवीराः .. 454
1 5 2 0709अ ऊर्जा मित्रो वरुणः पिन्वतेडाः पीवरीमिषं कृणुही न इन्द्र .. 455
1 5 2 0710अ इन्द्रो विश्वस्य राजति .. 456
1 5 2 0801अ त्रिकद्रुकेषु महिषो यवाशिरं तुविशुष्मस्तृम्पत्सोममपिबद्विष्णुना सुतं यथावशम् .
1 5 2 0801च् स ईं ममाद महि कर्म कर्त्तवे महामुरुं सैनं सश्चद्देवो देवं सत्य इन्दुः सत्यमिन्द्रम् .. 457
1 5 2 0802अ अयं सहस्रमानवो दृशः कवीनां मतिर्ज्योतिर्विधर्म .
1 5 2 0802च् ब्रध्नः समीचीरुषसः समैरयदरेपसः सोचेतसः स्वसरे मन्युमन्तश्चिता गोः .. 458
1 5 2 0803अ एन्द्र याह्युप नः परावतो नायमच्छा विदथानीव सत्पतिरस्ता राजेव सत्पतिः .
1 5 2 0803च् हवामहे त्वा प्रयस्वन्तः सुतेष्वा पुत्रासो न पितरं वाजसातये मंहिष्ठं वाजसातये .. 459
1 5 2 0804अ तमिन्द्रं जोहवीमि मघवानमुग्रं सत्रा दधानमप्रतिष्कुतं श्रवांसि भूरिः .
1 5 2 0804च् मंहिष्ठो गीर्भिरा च यज्ञियो ववर्त्त राये नो विश्वा सुपथा कृणोतु वज्री .. 460
1 5 2 0805अ अस्तु श्रौष्ट्पुरो अग्निं धिया दध आ नु त्यच्छर्धो दिव्यं वृणीमह इन्द्रवायू वृणीमहे .
1 5 2 0805च् यद्ध क्राणा विवस्वते नाभा सन्दाय नव्यसे .
1 5 2 0805ए अध प्र नूनमुप यन्ति धीतयो देवांअच्छा न धीतयः .. 461
1 5 2 0806अ प्र वो महे मतयो यन्तु विष्णवे मरुत्वते गिरिजा एवयामरुत् .
1 5 2 0806च् प्र शर्धाय प्र यज्यवे सुखादये तवसे भन्ददिष्टये धुनिव्रताय शवसे .. 462

1 5 2 0807अ अया रुचा हरिण्या पुनानो विश्वा द्वेषांसि तरति सयुग्वभिः सूरो न सयुग्वभिः .
1 5 2 0807च् धारा पृष्ठस्य रोचते पुनानो अरुषो हरिः .
1 5 2 0807ए विश्वा यद्रूपा परियास्यृक्वभिः सप्तास्येभिरृक्वभिः .. 463
1 5 2 0808अ अभि त्यं देवं सवितारमोण्योः कविक्रतुमर्चामि सत्यसवं रत्नधामभि प्रियं मतिम्
1 5 2 0808च् ऊर्ध्वा यस्यामतिर्भा अदिद्युतत्सवीमनि हिरण्यपाणिरमिमीत सुक्रतुः कृपा स्वः .. 464
1 5 2 0809अ अग्निं होतारं मन्ये दास्वन्तं वसोः सूनुं सहसो जातवेदसं विप्रं न जातवेदसम् .
1 5 2 0809च् य ऊर्ध्वया स्वध्वरो देवो देवाच्या कृपा .
1 5 2 0809च् घृतस्य विभ्राष्टिमनु शुक्रशोचिष आजुह्वानस्य सर्पिषः .. 465
1 5 2 0810अ तव त्यन्नर्यं नृतो ऽप इन्द्र प्रथमं पूर्व्यं दिवि प्रवाच्यं कृतम् .
1 5 2 0810च् यो देवस्य शवसा प्रारिणा असु रिणन्नपः .
1 5 2 0810ए भुवो विश्वमभ्यदेवमोजसा विदेदूर्जं शतक्रतुर्विदेदिषम् .. 466
.. इत्यैन्द्रं पर्व काण्डम् ..
पावमान काण्डम्
1 5 2 0901अ उच्चा ते जातमन्धसो दिवि सद्भूम्या ददे .
1 5 2 0901च् उग्रं शर्म महि श्रवः .. 467
1 5 2 0902अ स्वादिष्ठया मदिष्ठया पवस्व सोम धारया .
1 5 2 0902च् इन्द्राय पातवे सुतः .. 468
1 5 2 0903अ वृषा पवस्व धारया मरुत्वते च मत्सरः .
1 5 2 0903च् विश्वा दधान ओजसा .. 469
1 5 2 0904अ यस्ते मदो वरेण्यस्तेना पवस्वान्धसा .
1 5 2 0904च् देवावीरघशंसहा .. 470
1 5 2 0905अ तिस्रो वाच उदीरते गावो मिमन्ति धेनवः .
1 5 2 0905च् हरिरेति कनिक्रदत् .. 471
1 5 2 0906अ इन्द्रायेन्दो मरुत्वते पवस्व मधुमत्तमः .
1 5 2 0906च् अर्कस्य योनिमासदम् .. 472
1 5 2 0907अ असाव्यंशुर्मदायाप्सु दक्षो गिरिष्ठाः .
1 5 2 0907च् श्येनो न योनिमासदत् .. 473
1 5 2 0908अ पवस्व दक्षसाधनो देवेभ्यः पीतये हरे .
1 5 2 0908च् मरुद्भ्यो वायवे मदः .. 474
1 5 2 0909अ परि स्वानो गिरिष्ठाः पवित्रे सोमो अक्षरत् .
1 5 2 0909च् मदेषु सर्वधा असि .. 475
1 5 2 0910अ परि प्रिया दिवः कविर्वयांसि नप्त्योर्हितः .
1 5 2 0910च् स्वानैर्याति कविक्रतुः .. 476
1 5 2 1001अ प्र सोमासो मदच्युतः श्रवसे नो मघोनः .
1 5 2 1001च् सुता विदथे अक्रमुः .. 477
1 5 2 1002अ प्र सोमासो विपश्चितो ऽपो नयन्त ऊर्मयः .
1 5 2 1002च् वनानि महिषा इव .. 478
1 5 2 1003अ पवस्वेन्दो वृषा सुतः कृधी नो यशसो जने .
1 5 2 1003च् विश्वा अप द्विषो जहि .. 479
1 5 2 1004अ वृषा ह्यसि भानुना द्युमन्तं त्वा हवामहे .

1 5 2 1004च् पवमान स्वर्दृशम् .. 480
1 5 2 1005अ इन्दुः पविष्ट चेतनः प्रियः कवीनां मतिः .
1 5 2 1005च् सृजदश्वं रथीरिव .. 481
1 5 2 1006अ असृक्षत प्र वाजिनो गव्या सोमासो अश्वया .
1 5 2 1006च् शुक्रासो वीरयाशवः .. 482
1 5 2 1007अ पवस्व देव आयुषगिन्द्रं गच्छतु ते मदः .
1 5 2 1007च् वायुमा रोह धर्मणा .. 483
1 5 2 1008अ पवमानो अजीजनद्दिवश्चित्रं न तन्यतुम् .
1 5 2 1008च् ज्योतिर्वैश्वानरं बृहत् .. 484
1 5 2 1009अ परि स्वानास इन्दवो मदाय बर्हणा गिरा .
1 5 2 1009च् मधो अर्षन्ति धारया .. 485
1 5 2 1010अ परि प्रासिष्यदत्कविः सिन्धोरूर्मावधि श्रितः .
1 5 2 1010च् कारुं बिभ्रत्पुरुस्पृहम् .. 486
षष्ठ प्रपाठकः . प्रथमो ऽर्धः
1 6 1 0101अ उपो षु जातमप्तुरं गोभिर्भङ्गं परिष्कृतम् .
1 6 1 0101च् इन्दुं देवा अयासिषुः .. 487
1 6 1 0102अ पुनानो अक्रमीदभि विश्वा मृधो विचर्षणिः .
1 6 1 0102च् शुम्भन्ति विप्रं धीतिभिः .. 488
1 6 1 0103अ आविशन्कलशं सुतो विश्वा अर्षन्नभि श्रियः .
1 6 1 0103च् इन्दुरिन्द्राय धीयते .. 489
1 6 1 0104अ असर्जि रथ्यो यथा पवित्रे चम्वोः सुतः .
1 6 1 0104च् कार्ष्मन्वाजी न्यक्रमीत् .. 490
1 6 1 0105अ प्र यद्गावो न भूर्णयस्त्वेषा अयासो अक्रमुः .
1 6 1 0105च् घ्नन्तः कृष्णामप त्वचम् .. 491
1 6 1 0106अ अपघ्नन्पवसे मृधः क्रतुवित्सोम मत्सरः .
1 6 1 0106च् नुदस्वादेवयुं जनम् .. 492
1 6 1 0107अ अया पवस्व धारया यया सूर्यमरोचयः .
1 6 1 0107च् हिन्वानो मानुषीरपः .. 493
1 6 1 0108अ स पवस्व य आविथेन्द्रं वृत्राय हन्तवे .
1 6 1 0108च् वव्रिवांसं महीरपः .. 494
1 6 1 0109अ अया वीती परि स्रव यस्त इन्दो मदेष्वा .
1 6 1 0109च् अवाहन्नवतीर्नव .. 495
1 6 1 0110अ परि द्युक्षं सनद्रायिं भरद्वाजं नो अन्धसा .
1 6 1 0110च् स्वानो अर्ष पवित्र आ .. 496
1 6 1 0201अ अचिक्रदद्वृषा हरिर्महान्मित्रो न दर्शतः .
1 6 1 0201च् सं सूर्येण दिद्युते .. 497
1 6 1 0202अ आ ते दक्षं मयोभुवं वह्निमद्या वृणीमहे .
1 6 1 0202च् पान्तमा पुरुस्पृहम् .. 498
1 6 1 0203अ अध्वर्यो अद्रिभिः सुतं सोमं पवित्र आ नय .
1 6 1 0203च् पुनीहीन्द्राय पातवे .. 499

1 6 1 0204अ तरत्स मन्दी धावति धारा सुतस्यान्धसः .
1 6 1 0204च् तरत्स मन्दी धावति .. 500
1 6 1 0205अ आ पवस्व सहस्रिणं रयिं सोम सुवीर्यम् .
1 6 1 0205च् अस्मे श्रवांसि धारय .. 501
1 6 1 0206अ अनु प्रत्नास आयवः पदं नवीयो अक्रमुः .
1 6 1 0206च् रुचे जनन्त सूर्यम् .. 502
1 6 1 0207अ अर्षा सोम द्युमत्तमो ऽभि द्रोणानि रोरुवत् .
1 6 1 0207च् सीदन्योनौ योनेष्वा .. 503
1 6 1 0208अ वृषा सोम द्युमां असि वृषा देव वृषव्रतः .
1 6 1 0208च् वृषा धर्माणि दध्रिषे .. 504
1 6 1 0209अ इषे पवस्व धारया मृज्यमानो मनीषिभिः .
1 6 1 0209च् इन्दो रुचाभि गा इहि .. 505
1 6 1 0210अ मन्द्रया सोम धारया वृषा पवस्व देवयुः .
1 6 1 0210च् अव्यो वारेभिरस्मयुः .. 506
1 6 1 0211अ अया सोम सुकृत्यपा महान्त्सन्नभ्यवर्धथाः .
1 6 1 0211च् हिन्दान इद्वृषायसे .. 507
1 6 1 0212अ अयं विचर्षणिर्हितः पवमानः स चेतति .
1 6 1 0212च् हिन्वान आप्यं बृहत् .. 508
1 6 1 0213अ प्र ण इन्दो महे तु न ऊर्मिं न बिभ्रदर्षसि .
1 6 1 0213च् अभि देवां अयास्यः .. 509
1 6 1 0214अ अपघ्नन्पवते मृधो ऽप सोमो अराव्णः .
1 6 1 0214च् गच्छन्निन्द्रस्य निष्कृतम् .. 510
1 6 1 0301अ पुनानः सोम धारयापो वसानो अर्षसि .
1 6 1 0301च् आ रत्नधा योनिमृतस्य सीदस्युत्सो देवो हिरण्ययः .. 511
1 6 1 0302अ परीतो षिञ्चता सुतं सोमो य उत्तमं हविः .
1 6 1 0302च् दधन्वां यो नर्यो अप्स्वा3न्तरा सुषाव सोममद्रिभिः .. 512
1 6 1 0303अ आ सोम स्वानो अद्रिभिस्तिरो वाराण्यव्यया .
1 6 1 0303च् जनो न पुरि चम्वोर्विशद्धरिः सदो वनेषु दध्रिषे .. 513
1 6 1 0304अ प्र सोम देववीतये सिन्धुर्न पिप्ये अर्णसा .
1 6 1 0304च् अंशोः पयसा मदिरो न जागृविरच्छा कोशं मधुश्चुतम् .. 514
1 6 1 0305अ सोम उ ष्वाणः सोतृभिरधि ष्णुभिरवीनाम् .
1 6 1 0305च् अश्वयेव हरिता याति धारया मन्द्रया याति धारया .. 515
1 6 1 0306अ तवाहं सोम रारण सख्य इन्दो दिवेदिवे .
1 6 1 0306च् पुरूणि बभ्रो नि चरन्ति मामव परिधींरति तां इहि .. 516
1 6 1 0307अ मृज्यमानः सुहस्त्या समुद्रे वाचमिन्वसि .
1 6 1 0307च् रयिं पिशङ्गं बहुलं पुरुस्पृहं पवमानाभ्यर्षसि .. 517
1 6 1 0308अ अभि सोमास आयवः पवन्ते मद्यं मदम् .
1 6 1 0308च् समुद्रस्याधि विष्टपे मनीषिणो मत्सरासो मदच्युतः .. 518
1 6 1 0309अ पुनानः सोम जागृविरव्या वारैः परि प्रियः .
1 6 1 0309च् त्वं विप्रो अभवो ऽङ्गिरस्तम मध्वा यज्ञं मिमिक्ष णः .. 519

1 6 1 0310अ इन्द्राय पवते मदः सोमो मरुत्वते सुतः .
1 6 1 0310च् सहस्रधारो अत्यव्यमर्षति तमी मृजन्त्यायवः .. 520
1 6 1 0311अ पवस्व वाजसातमो ऽभि विश्वानि वार्या .
1 6 1 0311च् त्वं समुद्रः प्रथमे विधर्मं देवेभ्यं सोम मत्सरः .. 521
1 6 1 0312अ पवमाना असृक्षत पवित्रमति धारया .
1 6 1 0312च् मरुत्वन्तो मत्सरा इन्द्रिया हया मेधामभि प्रयांसि च .. 522
1 6 1 0401अ प्र तु द्रव परि कोशं नि षीद नृभिः पुनानो अभि वाजमर्ष .
1 6 1 0401च् अश्वं न त्वा वाजिनं मर्जयन्तो ऽच्छा बर्ही रशनाभिर्नयन्ति .. 523
1 6 1 0402अ प्र काव्यमुशनेव ब्रुवाणो देवो देवानां जनिमा विवक्ति .
1 6 1 0402च् महिव्रतः शुचिबन्धुः पावकः पदा वराहो अभ्येति रेभन् .. 524
1 6 1 0403अ तिस्रो वाच ईरयति प्र वह्निरृतस्य धीतिं ब्रह्मणो मनीषाम् .
1 6 1 0403च् गावो यन्ति गोपतिं पृच्छमानाः सोमं यन्ति मतयो वावशानाः .. 525
1 6 1 0404अ अस्य प्रेषा हेमना पूयमानो देवो देवेभिः समपृक्त रसम् .
1 6 1 0404च् सुतः पवित्रं पर्येति रेभन्मितेव सद्म पशुमन्ति होता .. 526
1 6 1 0405अ सोमः पवते जनिता मतीनां जनिता दिवो जनिता पृथिव्याः .
1 6 1 0405च् जनिताग्नेर्जनिता सूर्यस्य जनितेन्द्रस्य जनितोत विष्णोः .. 527
1 6 1 0406अ अभि त्रिपृष्ठं वृषणं वयोधामाङ्गोषिणमवावशन्त वाणीः .
1 6 1 0406च् वना वसानो वरुणो न सिन्धूर्वि रत्नधा दयते वार्याणि .. 528
1 6 1 0407अ अक्रान्त्समुद्रः प्रथमे विधर्मं जनयन्प्रजा भुवनस्य गोपाः .
1 6 1 0407च् वृषा पवित्रे अधि सानो अव्ये बृहत्सोमो वावृधे स्वानो अद्रिः .. 529
1 6 1 0408अ कनिक्रन्ति हरिरा सृज्यमानः सीदन्वनस्य जठरे पुनानः .
1 6 1 0408च् नृभिर्यतः कृणुते निर्णिजं गामतो मतिं जनयत स्वधाभिः .. 530
1 6 1 0409अ एष स्य ते मधुमां इन्द्र सोमो वृषा वृष्णः परि पवित्रे अक्षाः .
1 6 1 0409च् सहस्रदाः शतदा भूरिदावा शश्वत्तमं बर्हिरा वाज्यस्थात् .. 531
1 6 1 0410अ पवस्व सोम मधुमां ऋतावापो वसानो अधि सानो अव्ये .
1 6 1 0410च् अव द्रोणानि घृतवन्ति रोह मदिन्तमो मत्सर इन्द्रपानः .. 532
1 6 1 0501अ प्र सेनानीः शूरो अग्रे रथानां गव्यन्नेति हर्षते अस्य सेना .
1 6 1 0501च् भद्रान्कृण्वन्निन्द्रहवान्त्सखिभ्य आ सोमो वस्त्रा रभसानि दत्ते .. 533
1 6 1 0502अ प्र ते धारा मधुमतीरसृग्रन्वारं यत्पूतो अत्येष्यव्यम् .
1 6 1 0502च् पवमान पवसे धाम गोनां जनयन्त्सूर्यमपिन्वो अर्कैः .. 534
1 6 1 0503अ प्र गायताभ्यर्चाम देवान्त्सोमं हिनोत महते धनाय .
1 6 1 0503च् स्वादुः पवतामति वारमव्यमा सीदतु कलशं देव इन्दुः .. 535
1 6 1 0504अ प्र हिन्वानो जनिता रोदस्यो रथो न वाजं सनिषन्नयासीत् .
1 6 1 0504च् इन्द्रं गच्छन्नायुधा संशिशानो विश्वा वसु हस्तयोरादधानः .. 536
1 6 1 0505अ तक्षद्यदी मनसो वेनतो वाग्ज्येष्ठस्य धर्मं द्युक्षोरनीके .
1 6 1 0505च् आदीमायन्वरमा वावशाना जुष्टं पतिं कलशे गाव इन्दुम् .. 537
1 6 1 0506अ साकमुक्षो मर्जयन्त स्वसारो दश धीरस्य धीतयो धनुत्रीः .
1 6 1 0506च् हरिः पर्यद्रवज्जाः सूर्यस्य द्रोणं ननक्षे अत्यो न वाजी .. 538
1 6 1 0507अ अधि यदस्मिन्वाजिनीव शुभः स्पर्धन्ते धियः सूरे न विशः .
1 6 1 0507च् अपो वृणानः पवते कवीयन्व्रजं न पशुवर्धनाय मन्म .. 539

1 6 1 0508अ इन्दुर्वाजी पवते गोन्योघा इन्द्रे सोमः सह इन्वन्मदाय .
1 6 1 0508च् हन्ति रक्षो बाधते पर्यरातिं वरिवस्कृण्वन्वृजनस्य राजा .. 540
1 6 1 0509अ अया पवा पवस्वैना वसूनि मांश्चत्व इन्द्रो सरसि प्र धन्व .
1 6 1 0509च् ब्रघ्नश्चिद्यस्य वातो न जूतिं पुरुमेधाश्चित्तकवे नरं धात् .. 541
1 6 1 0510अ महत्तत्सोमो महिषश्चकारापां यद्गर्भो ऽवृणीत देवान् .
1 6 1 0510च् अदधादिन्द्रे पवमान ओजो ऽजनयत्सूर्ये ज्योतिरिन्दुः .. 542
1 6 1 0511अ असर्जि वक्वा रथ्ये यथाजौ धिया मनोता प्रथमा मनीष .
1 6 1 0511च् दश स्वसारो अधि सानो अव्ये मृजन्ति वह्निं सदनेष्वच्छ .. 543
1 6 1 0512अ अपामिवेदूर्मयस्तर्त्तुराणाः प्र मनीषा ईरते सोममच्छ .
1 6 1 0512च् नमस्यन्तीरुप च यन्ति सं चाच विशन्त्युशतीरुशन्तम् .. 544
षष्ठ प्रपाठकः . द्वितीयो ऽर्धः
1 6 2 0601अ पुरोजिती वो अन्धसः सुताय मादयित्नवे .
1 6 2 0601च् अप श्वानं श्नथिष्टन सखायो दीर्घजिह्व्यम् .. 545
1 6 2 0602अ अयं पूषा रयिर्भगः सोमः पुनानो अर्षति .
1 6 2 0602च् पतिर्विश्वस्य भूमनो व्यख्यद्रोदसी उभे .. 546
1 6 2 0603अ सुतासो मधुमत्तमाः सोमा इन्द्राय मन्दिनः .
1 6 2 0603च् पवित्रवन्तो अक्षरन्देवान्गच्छन्तु वो मदाः .. 547
1 6 2 0604अ सोमाः पवन्त इन्दवो ऽस्मभ्यं गातुवित्तमाः .
1 6 2 0604च् मित्राः स्वाना अरेपसः स्वाध्यः स्वर्विदः .. 548
1 6 2 0605अ अभी नो वाजसातमं रयिमर्ष शतस्पृहम् .
1 6 2 0605च् इन्दो सहस्रभर्णसं तुविद्युम्नं विभासहम् .. 549
1 6 2 0606अ अभी नवन्ते अद्रुहः प्रियमिन्द्रस्य काम्यम् .
1 6 2 0606च् वत्सं न पूर्व आयुनि जातं रिहन्ति मातरः .. 550
1 6 2 0607अ आ हर्यताय धृष्णवे धनुष्टन्वन्ति पौंस्यम् .
1 6 2 0607च् शुक्रा वि यन्त्यसुराय निर्णिजे विपामग्रे महीयुवः .. 551
1 6 2 0608अ परि त्यं हर्यतं हरिं बभ्रुं पुनन्ति वारेण .
1 6 2 0608च् यो देवान्विश्वां इत्परि मदेन सह गच्छति .. 552
1 6 2 0609अ प्र सुन्वानास्यान्धसो मर्तो न वष्ट तद्वचः .
1 6 2 0609च् अप श्वानमराधसं हता मखं न भृगवः .. 553
1 6 2 0701अ अभि प्रियाणि पवते चनोहितो नामानि यह्वो अधि येषु वर्धते .
1 6 2 0701च् आ सूर्यस्य बृहतो बृहन्नधि रथं विष्वञ्चमरुहद्विचक्षणः .. 554
1 6 2 0702अ अचोदसो नो धन्वन्त्विन्दवः प्र स्वानासो बृहद्देवेषु हरयः .
1 6 2 0702च् वि चिदश्नाना इषयो अरातयो ऽर्यो नः सन्तु सनिषन्तु नो धियः .. 555
1 6 2 0703अ एष प्र कोशे मधुमां अचिक्रददिन्द्रस्य वज्रो वपुषो वपुष्टमः .
1 6 2 0703च् अभ्य्र्^ई3तस्य सुदुघा घृतश्चुतो वाश्रा अर्षन्ति पयसा च घेनवः .. 556
1 6 2 0704अ प्रो अयासीदिन्दुरिन्द्रस्य निष्कृतं सखा सख्युर्न प्र मिनाति सङ्गिरम् .
1 6 2 0704च् मर्य इव युवतिभिः समर्षति सोमः कलशे शतयामना पथा .. 557
1 6 2 0705अ धर्ता दिवः पवते कृत्व्यो रसो दक्षो देवानामनुमाद्यो नृभिः .
1 6 2 0705च् हरिः सृजानो अत्यो न सत्वभिर्वृथा पाजांसि कृणुषे नदीष्वा .. 558
1 6 2 0706अ वृषा मतीनां पवते विचक्षणः सोमो अह्नां प्रतरीतोषसां दिवः .

1 6 2 0706च् प्राणा सिन्धूनां कलशां अचिक्रददिन्द्रस्य हार्द्याविशन्मनीषिभिः .. 559
1 6 2 0707अ त्रिरस्मै सप्त धेनवो दुदुह्रिरे सत्यामाशिरं परमे व्योमनि .
1 6 2 0707च् चत्वार्यन्या भुवनानि निर्णिजे चारूणि चक्रे यदृतैरवर्धत .. 560
1 6 2 0708अ इन्द्राय सोम सुषुतः परि स्रवापामीवा भवतु रक्षसा सह .
1 6 2 0708च् मा ते रसस्य मत्सत द्वयाविनो द्रविणस्वन्त इह सन्त्विन्दवः .. 561
1 6 2 0709अ असावि सोमो अरुषो वृषा हरी राजेव दस्मो अभि गा अचिक्रदत् .
1 6 2 0709च् पुनानो वारमत्येष्यव्ययं श्येनो न योनिं घृतवन्तमासदत् .. 562
1 6 2 0710अ प्र देवमच्छा मधुमन्त इन्दवो ऽसिष्यदन्त गाव आ न धेनवः .
1 6 2 0710च् बर्हिषदो वचनावन्त ऊधभिः परिस्रुतमुस्रिया निर्णिजं धिरे .. 563
1 6 2 0711अ अञ्जते व्यञ्जते समञ्जते क्रतुं रिहन्ति मघ्वाभ्यञ्जते .
1 6 2 0711च् सिन्धोरु ऽच्छ्वासे पतयन्तमुक्षणं हिरण्यपावाः पशुमप्सु गृभ्णते .. 564
1 6 2 0712अ पवित्रं ते विततं ब्रह्मणस्पते प्रभुर्गात्राणि पर्येषि विश्वतः .
1 6 2 0712च् अतप्ततनूर्न तदामो अश्नुते शृतास इद्वहन्तः सं तदाशत .. 565
1 6 2 0801अ इन्द्रमच्छ सुता इमे वृषणं यन्तु हरयः .
1 6 2 0801च् श्रुष्टे जातास इन्दवः स्वर्विदः .. 566
1 6 2 0802अ प्र धन्वा सोम जागृविरिन्द्रायेन्दो परि स्रव .
1 6 2 0802च् द्युमन्तं शुष्ममा भर स्वर्विदम् .. 567
1 6 2 0803अ सखाय आ नि षीदत पुनानाय प्र गायत .
1 6 2 0803च् शिशुं न यज्ञैः परि भूषत श्रिये .. 568
1 6 2 0804अ तं वः सखायो मदाय पुनानमभि गायत .
1 6 2 0804च् शिशुं न हव्यैः स्वदयन्त गूर्तिभिः .. 569
1 6 2 0805अ प्राणा शिशुर्महीनां हिन्वन्नृतस्य दीधितिम् .
1 6 2 0805च् विश्वा परि प्रिया भुवदध द्विता .. 570
1 6 2 0806अ पवस्व देववीतय इन्दो धाराभिरोजसा .
1 6 2 0806च् आ कलशं मधुमान्त्सोम नः सदः .. 571
1 6 2 0807अ सोमः पुनान ऊर्मिणाव्यं वारं वि धावति .
1 6 2 0807च् अग्रे वाचः पवमानः कनिक्रदत् .. 572
1 6 2 0808अ प्र पुनानाय वेधसे सोमाय वच उच्यते .
1 6 2 0808च् भृतिं न भरा मतिभिर्जुजोषते .. 573
1 6 2 0809अ गोमन्न इन्दो अश्ववत्सुतः सुदक्ष धनिव .
1 6 2 0809च् शुचिं च वर्णमधि गोषु धार्य .. 574
1 6 2 0810अ अस्मभ्यं त्वा वसुविदमभि वाणीरनूषत .
1 6 2 0810च् गोभिष्टे वर्णमभि वासयामसि .. 575
1 6 2 0811अ पवते हर्यतो हरिरति ह्वरांसि रंह्या .
1 6 2 0811च् अभ्यर्ष स्तोतृभ्यो वीरवद्यशः .. 576
1 6 2 0812अ परि कोशं मधुश्चुतं सोमः पुनानो अर्षति .
1 6 2 0812च् अभि वाणीरृषीणां सप्ता नूषत .. 577
1 6 2 0901अ पवस्व मधुमत्तम इन्द्राय सोम क्रतुवित्तमो मदः .
1 6 2 0901च् महि द्युक्षतमो मदः .. 578
1 6 2 0902अ अभि द्युम्नं बृहद्यश इषस्पते दिदीहि देव देवयुम् .

1 6 2 0902च् वि कोशं मध्यमं युव .. 579
1 6 2 0903अ आ सोता परि षिञ्चताश्वं न स्तोममप्तुरं रजस्तुरम् .
1 6 2 0903च् वनप्रक्षमुदप्रुतम् .. 580
1 6 2 0904अ एतमु त्यं मदच्युतं सहस्रधारं वृषभं दिवोदुहम् .
1 6 2 0904च् विश्वा वसूनि बिभ्रतम् .. 581
1 6 2 0905अ स सुन्वे यो वसूनां यो रायामानेता य इडानाम् .
1 6 2 0905च् सोमो यः सुक्षितीनाम् .. 582
1 6 2 0906अ त्वं ह्या3ङ्ग दैव्या पवमान जनिमानि द्युमत्तमः .
1 6 2 0906च् अमृतत्वाय घोषयन् .. 583
1 6 2 0907अ एष स्य धारया सुतो ऽव्यो वारेभिः पवते मदिन्तमः .
1 6 2 0907च् क्रीडन्नूर्मिरपामिव .. 584
1 6 2 0908अ य उस्रिया अपि या अन्तरश्मनि निर्गा अकृन्तदोजसा .
1 6 2 0908च् अभि व्रजं तत्निषे गव्यमश्व्यं वर्मीव धृष्णवा रुज .
1 6 2 0908ए ओं वर्मीव धृष्णवा रुज .. 585
.. इति सौम्यं पावमानं पर्व काण्डम् ..
.. इति पूर्वार्चिकः ..
आरण्य आर्चिकः
आरण्य काण्डम्
2 0 0 0101अ इन्द्र ज्येष्ठं न आ भर ओजिष्ठं पुपुरि श्रवः .
2 0 0 0101च् यद्दिधृक्षेम वज्रहस्त रोदसी ओभे सुशिप्र पप्राः .. 586
2 0 0 0102अ इन्द्रो राजा जगतश्चर्षणीनामधिक्षमा विश्वरूपं यदस्य .
2 0 0 0102च् ततो ददाति दाशुषे वसूनि चोदद्राध उपस्तुतं चिदर्वाक् .. 587
2 0 0 0103अ यस्येदमा रजोयुजस्तुजे जने वनं स्वः .
2 0 0 0103च् इन्द्रस्य रन्त्यं बृहत् .. 588
2 0 0 0104अ उदुत्तमं वरुण पाशमस्मदवाधमं वि मध्यमं श्रथाय .
2 0 0 0104च् अथादित्य व्रते वयं तवानागसो अदितये स्याम .. 589
2 0 0 0105अ त्वया वयं पवमानेन सोम भरे कृतं वि चिनुयाम शश्वत् .
2 0 0 0105च् तन्नो मित्रो वरुणो मामहन्तामदितिः सिन्धुः पृथिवी उत द्यौः .. 590
2 0 0 0106अ इमं वृषणं कृणुतैकमिन्माम् .. 591
2 0 0 0107अ स न इन्द्राय यज्यवे वरुणाय मरुद्भ्यः .
2 0 0 0107च् वरिवोवित्परिस्रव .. 592
2 0 0 0108अ एना विश्वान्यर्य आ द्युम्नानि मानुषाणाम् .
2 0 0 0108च् सिषासन्तो वनामहे .. 593
2 0 0 0109अ अहमस्मि प्रथमजा ऋतस्य पूर्वं देवेभ्यो अमृतस्य नाम .
2 0 0 0109च् यो मा ददाति स इदेवमावदहमन्नमन्नमदन्तमद्मि .. 594
2 0 0 0201अ त्वमेतदधारयः कृष्णासु रोहिणीषु च .
2 0 0 0201च् परुष्णीषु रुशत्पयः .. 595
2 0 0 0202अ अरूरुचदुषसः पृश्निरग्रिय उक्षा मिमेति भुवनेषु वाजयुः .
2 0 0 0202च् मायाविनो ममिरे अस्य मायया नृचक्षसः पितरो गर्भमादधुः .. 596
2 0 0 0203अ इन्द्र इद्धर्योः सचा सम्मिश्ल आ वचोयुजा .

2 0 0 0203च् इन्द्रो वज्री हिरण्ययः .. 597
2 0 0 0204अ इन्द्र वाजेषु नो ऽव सहस्रप्रधनेषु च .
2 0 0 0204च् उग्र उग्राभिरूतिभिः .. 598
2 0 0 0205अ प्रथश्च यस्य सप्रथश्च नामानुष्टुभस्य हविषो हविर्यत् .
2 0 0 0205च् धातुर्द्युतानात्सवितुश्च विष्णो रथन्तरमा जभारा वसिष्ठः .. 599
2 0 0 0206अ नियुत्वान्वायवा गह्ययं शुक्रो अयामि ते .
2 0 0 0206च् गन्तासि सुन्वतो गृहम् .. 600
2 0 0 0207अ यज्जायथा अपूर्व्य मघवन्वृत्रहत्याय .
2 0 0 0207च् तत्पृथिवीमप्रथयस्तदस्तभ्ना उतो दिवम् .. 601
2 0 0 0301अ मयि वर्चो अथो यशो ऽथो यज्ञस्य यत्पयः .
2 0 0 0301च् परमेष्ठी प्रजापतिर्दिवि द्यामिव दृंहतु .. 602
2 0 0 0302अ सं ते पयांसि समु यन्तु वाजाः सं वृष्ण्यान्यभिमातिषाहः .
2 0 0 0302च् आप्यायमानो अमृताय सोम दिवि श्रवांस्युत्तमानि धिष्व .. 603
2 0 0 0303अ त्वमिमा ओषधीः सोम विश्वास्त्वमपो अजनयस्त्वं गाः .
2 0 0 0303च् त्वमातनोरुर्वा3न्तरिक्षं त्वं ज्योतिषा वि तमो ववर्थ .. 604
2 0 0 0304अ अग्निमीडे पुरोहितं यज्ञस्य देवमृत्विजम् .
2 0 0 0304च् होतारं रत्नधातमम् .. 605
2 0 0 0305अ ते मन्वत प्रथमं नाम गोनां त्रिः सप्त परमं नाम जनान् .
2 0 0 0305च् ता जानतीरभ्यनूषत क्षा आविर्भुवन्नरुणीर्यशसा गावः .. 606
2 0 0 0306अ समन्या यन्त्युपयन्त्यन्याः समानमूर्वं नद्यस्पृणन्ति .
2 0 0 0306च् तमू शुचिं शुचयो दीदिवांसमपान्नपातमुप यन्त्यापः .. 607
2 0 0 0307अ आ प्रागाद्भद्रा युवतिरह्नः केतून्त्समीर्त्सति .
2 0 0 0307च् अभूद्भद्रा निवेशनी विश्वस्य जगतो रात्री .. 608
2 0 0 0308अ प्रक्षस्य वृष्णो अरुषस्य नू महः प्र नो वचो विदथा जातवेदसे .
2 0 0 0308च् वैश्वानराय मतिर्नव्यसे शुचिः सोम इव पवते चारुरग्नये .. 609
2 0 0 0309अ विश्वे देवा मम शृण्वन्तु यज्ञमुभे रोदसी अपां नपाच्च मन्म .
2 0 0 0309च् मा वो वचांसि परिचक्ष्याणि वोचं सुम्नेष्विद्वो अन्तमा मदेम .. 610
2 0 0 0310अ यशो मा द्यावापृथिवी यशो मेन्द्रबृहस्पती .
2 0 0 0310च् यशो भगस्य विन्दतु यशो मा प्रतिमुच्यताम् .
2 0 0 0310ए यशस्व्या3स्याः सं सदो ऽहं प्रवदिता स्याम् .. 611
2 0 0 0311अ इन्द्रस्य नु वीर्याणि प्रवोचं यानि चकार प्रथमानि वज्री .
2 0 0 0311च् अहन्नहिमन्वपस्ततर्द प्र वक्षणा अभिनत्पर्वतानाम् .. 612
2 0 0 0312अ अग्निरस्मि जन्मना जातवेदा घृतं मे चक्षुरमृतं म आसन् .
2 0 0 0312च् त्रिधातुरर्को रजसो विमानो ऽजस्रं ज्योतिर्हविरस्मि सर्वम् .. 613
2 0 0 0313अ पात्यग्निर्विपो अग्रं पदं वेः पाति यह्वश्चरणं सूर्यस्य .
2 0 0 0313च् पाति नाभा सप्तशीर्षाणमग्निः .. 614
2 0 0 0401अ भ्राजन्त्यग्ने समिधान दीदिवो जिह्वा चरत्यन्तरासनि .
2 0 0 0401च् स त्वं नो अग्ने पयसा वसुविद्रयिं वर्चो दृशे ऽदाः .. 615
2 0 0 0402अ वसन्त इन्नु रन्त्यो ग्रीष्म इन्नु रन्त्यः .
2 0 0 0402च् वर्षाण्यनु शरदो हेमन्तः शिशिर इन्नु रन्त्यः .. 616

2 0 0 0403अ सहस्रशीर्षा पुरुषः सहस्राक्षः सहस्रपात् .
2 0 0 0403च् स भूमिं सर्वतो वृत्वात्यतिष्ठद्दशाङ्गुलम् .. 617
2 0 0 0404अ त्रिपादूर्ध्व उदैत्पुरुषः पदो ऽस्येहाभवत्पुनः .
2 0 0 0404च् तथा विष्वङ् व्यक्रामदशनानशने अभि .. 618
2 0 0 0405अ पुरुष एवेदं सर्वं यद्भूतं यच्च भाव्यम् .
2 0 0 0405च् पादो ऽस्य सर्वा भूतानि त्रिपादस्यामृतं दिवि .. 619
2 0 0 0406अ तावानस्य महिमा ततो ज्यायांश्च पूरुषः .
2 0 0 0406च् उतामृतत्वस्येशानो यदन्नेनातिरोहति .. 620
2 0 0 0407अ ततो विराडजायत विराजो अधि पूरुषः .
2 0 0 0407च् स जातो अत्यरिच्यत पश्चाद्भूमिमथो पुरः .. 621
2 0 0 0408अ मन्ये वां द्यावापृथिवी सुभोजसौ ये अप्रथेथाममितमभि योजनम् .
2 0 0 0408च् द्यावापृथिवी भवतं स्योने ते नो मुञ्चतमंहसः .. 622
2 0 0 0409अ हरी त इन्द्र श्मश्रूण्युतो ते हरितौ हरि .
2 0 0 0409च् तं त्वा स्तुवन्ति कवयः पुरुषासो वनर्गवः .. 623
2 0 0 0410अ यद्वर्चो हिरण्यस्य यद्वा वर्चो गवामुत .
2 0 0 0410च् सत्यस्य ब्रह्मणो वर्चस्तेन मा सं सृजामसि .. 624
2 0 0 0411अ सहस्तन्न इन्द्र दद्ध्योज ईशे ह्यस्य महतो विरप्शिन् .
2 0 0 0411च् क्रतुं न नृम्णं स्थविरं च वाजं वृत्रेषु शत्रून्त्सुहना कृधी नः .. 625
2 0 0 0412अ सहर्षभाः सहवत्सा उदेत विश्वा रूपाणी बिभ्रतीर्द्व्यूद्नीः .
2 0 0 0412च् उरुः पृथुरयं वो अस्तु लोक इमा आपः सुप्रपाणा इह स्त .. 626
2 0 0 0501अ अग्न आयूंषि पवस आसुवोर्जमिषं च नः .
2 0 0 0501च् आरे बाधस्व दुच्छुनाम् .. 627
2 0 0 0502अ विभ्राङ्बृहत्पिबतु सोम्यं मध्वायुर्दधद्यज्ञपतावविह्रुतम् .
2 0 0 0502च् वातजूतो यो अभिरक्षति त्मना प्रजाः पिपर्ति बहुधा वि राजति .. 628
2 0 0 0503अ चित्रं देवानामुदगादनीकं चक्षुर्मित्रस्य वरुणस्याग्नेः .
2 0 0 0503च् आप्रा द्यावापृथिवी अन्तरिक्षं सूर्य आत्मा जगतस्तस्थुषश्च .. 629
2 0 0 0504अ आयं गौः पृश्निरक्रमीदसदन्मातरं पुरः .
2 0 0 0504च् पितरं च प्रयन्त्स्वः .. 630
2 0 0 0505अ अन्तश्चरति रोचनास्य प्राणादपानती .
2 0 0 0505च् व्यख्यन्महिषो दिवम् .. 631
2 0 0 0506अ त्रिंषद्धाम वि राजति वाक्पतङ्गाय धीयते .
2 0 0 0506च् प्रति वस्तोरह द्युभिः .. 632
2 0 0 0507अ अप त्ये तायवो यथा नक्षत्रा यन्त्यक्तुभिः .
2 0 0 0507च् सूराय विश्वचक्षसे .. 633
2 0 0 0508अ अदृश्रन्नस्य केतवो वि रश्मयो जनां अनु .
2 0 0 0508च् भ्राजन्तो अग्नयो यथा .. 634
2 0 0 0509अ तरणिर्विश्वदर्शतो ज्योतिष्कृदसि सूर्य .
2 0 0 0509च् विश्वमाभासि रोचनम् .. 635
2 0 0 0510अ प्रत्यङ् देवानां विशः प्रत्यङ्ङुदेषि मानुषान् .
2 0 0 0510च् प्रत्यङ् विश्वं स्वर्दृशे .. 636

2 0 0 0511अ येना पावक चक्षसा भुरण्यन्तं जनां अनु .
2 0 0 0511च् त्वं वरुण पश्यसि .. 637
2 0 0 0512अ उद्द्यामेषि रजः पृथ्वहा मिमानो अक्तुभिः .
2 0 0 0512च् पश्यञ्जन्मानि सूर्य .. 638
2 0 0 0513अ अयुक्त सप्त शुन्ध्युवः सूरो रथस्य नप्त्र्यः .
2 0 0 0513च् ताभिर्याति स्वयुक्तिभिः .. 639
2 0 0 0514अ सप्त त्वा हरितो रथे वहन्ति देव सूर्य .
2 0 0 0514च् शोचिष्केशं विचक्षण .. 640
.. इत्यारण्यं पर्व काण्डम् ..
महानाम्न्य आर्चिकः
3 0 0 0001अ विदा मघवन् विदा गातुमनुशंसिषो दिशः .
3 0 0 0001च् शिक्षा शचीनां पते पूर्वीणां पुरूवसो .. 641
3 0 0 0002अ आभिष्ट्वमभिष्टिभिः स्वा ऽ3र्न्नांशुः .
3 0 0 0002च् प्रचेतन प्रचेतयेन्द्र द्युम्नाय न इषे .. 642
3 0 0 0003अ एवा हि शक्रो राये वाजाय वज्रिवः .
3 0 0 0003च् शविष्ठ वज्रिन्नृञ्जसे मंहिष्ठ वज्रिन्नृञ्जस .
3 0 0 0003ए आ याहि पिब मत्स्व .. 643
3 0 0 0004अ विदा राये सुवीर्यं भवो वाजानां पतिर्वशां अनु .
3 0 0 0004च् मंहिष्ठ वज्रिन्नृञ्जसे यः शविष्ठः शूराणाम् .. 644
3 0 0 0005अ यो मंहिष्ठो मघोनाम्ंशुर्न्न शोचिः .
3 0 0 0005च् चिकित्वो अभि नो नयेंद्रो विदे तमु स्तुहि .. 645
3 0 0 0006अ ईशे हि शक्रस्तमूतये हवामहे जेतारमपराजितम् .
3 0 0 0006च् स नः स्वर्षदति द्विषः क्रतुश्छन्द ऋतं बृहत् .. 646
3 0 0 0007अ इन्द्रं धनस्य सातये हवामहे जेतारमपराजितम् .
3 0 0 0007च् स नः स्वर्षदति द्विषः स नः स्वर्षदति द्विषः .. 647
3 0 0 0008अ पूर्वस्य यत्ते अद्रिवों ऽशुर्मदाय .
3 0 0 0008च् सुम्न आ धेहि नो वसो पूर्तिः शविष्ठ शस्यते .
3 0 0 0008ए वशी हि शक्रो नूनं तन्नव्यं संन्यसे .. 648
3 0 0 0009अ प्रभो जनस्य वृत्रहन्त्समर्येषु ब्रवावहै .
3 0 0 0009च् शूरो यो गोषु गच्छति सखा सुशेवो अद्वयुः .. 649
अथ पञ्च पुरीषपदानि
3 0 0 0010अ एवाह्यो ऽ3 ऽ3 ऽ3वा . एवा ह्यग्ने . एवाहीन्द्र .
3 0 0 0010च् एवा हि पूषन् . एवा हि देवाः ओं एवाहि देवाः .. 650
.. इति पञ्च पुरीषपदानि ..
.. इति महानाम्न्यार्चिकः ..
उत्तर आर्चिकः
प्रथम प्रपाठकः . प्रथमो ऽर्धः
असितः काश्यपो देवलो वा. गायत्री. पवमानः सोमः.
4 1 1 01 01अ उपास्मै गायता नरः पवमानायेन्दवे .
4 1 1 01 01च् अभि देवां इयक्षते .. 651

4 1 1 01 02अ अभि ते मधुना पयो ऽथर्वाणो अशिश्रयुः .
4 1 1 01 02च् देवं देवाय देवयु .. 652
4 1 1 01 03अ स नः पवस्व शं गवे शं जनाय शमर्वते .
4 1 1 01 03च् शं राजन्नोषधीभ्यः .. 653
कश्यपो मारीचः. गायत्री. पवमानः सोमः.
4 1 1 02 01अ दविद्युतत्या रुचा परिष्टोभन्त्या कृपा .
4 1 1 02 01च् सोमाः शुक्रा गवाशिरः .. 654
4 1 1 02 02अ हिन्वानो हेतृभिर्हित आ वाजं वाज्यक्रमीत् .
4 1 1 02 02च् सीदन्तो वनुषो यथा .. 655
4 1 1 02 03अ ऋधक्सोम स्वस्तये संजग्मानो दिवा कवे .
4 1 1 02 03च् पवस्व सूर्यो दृशे .. 656
शतं वैखानसाः, गायत्री, पवमानः सोमः.
4 1 1 03 01अ पवमानस्य ते कवे वाजिन्त्सर्गा असृक्षते .
4 1 1 03 01च् अर्वन्तो न श्रवस्यवः .. 657
4 1 1 03 02अ अच्छा कोशं मधुश्चुतमसृग्रं वारे अव्यये .
4 1 1 03 02च् अवावशन्त धीतयः .. 658
4 1 1 03 03अ अच्छा समुद्रमिन्दवो ऽस्तं गावो न धेनवः .
4 1 1 03 03च् अग्मन्नृतस्य योनिमा .. 659
भरद्वाजो बार्हस्पत्यः, गायत्री, अग्निः.
4 1 1 04 01अ अग्न आ याहि वीतये गृणानो हव्यदातये .
4 1 1 04 01च् नि होता सत्सि बर्हिषि .. 660
4 1 1 04 02अ तं त्वा समिद्भिरङ्गिरो घृतेन वर्धयामसि .
4 1 1 04 02च् बृहच्छोचा यविष्ठ्य .. 661
4 1 1 04 03अ स नः पृथु श्रवाय्यमच्छा देव विवाससि .
4 1 1 04 03च् बृहदग्ने सुवीर्यम् .. 662
विश्वामित्रो गाथिनः जमदग्निर्वा, गायत्री, मित्रावरुणौ.
4 1 1 05 01अ आ नो मित्रावरुणा घृतैर्गव्यूतिमुक्षतम् .
4 1 1 05 01च् मध्वा रजांसि सुक्रतू .. 663
4 1 1 05 02अ उरुशंसा नमोवृधा मह्ना दक्षस्य राजथः .
4 1 1 05 02च् द्राघिष्ठाभिः शुचिव्रता .. 664
4 1 1 05 03अ गृणाना जमदग्निना योनावृतस्य सीदतम् .
4 1 1 05 03च् पातं सोममृतावृधा .. 665
इरीम्बिठिः काण्वः. गायत्री. इन्द्रः.
4 1 1 06 03अ आ याहि सुषुमा हि त इन्द्र सोमं पिबा इमम् .
4 1 1 06 03च् एदं बर्हिः सदो मम .. 666
4 1 1 06 03अ आ त्वा ब्रह्मयुजा हरी वहतामिन्द्र केशिना .
4 1 1 06 03च् उप ब्रह्माणि नः शृणु .. 667
4 1 1 06 03अ ब्रह्माणस्त्वा युजा वयं सोमपामिन्द्र सोमिनः .
4 1 1 06 03च् सुतावन्तो हवामहे .. 668
विश्वामित्रो गाथिनः. गायत्री. इन्द्राग्नी.

4 1 1 07 01अ इन्द्राग्नी आ गतं सुतं गीर्भिर्नभो वरेण्यम् .
4 1 1 07 01च् अस्य पातं धियेषिता .. 669
4 1 1 07 02अ इन्द्राग्नी जरितुः सचा यज्ञो जिगाति चेतनः .
4 1 1 07 02च् अया पातमिमं सुतम् .. 670
4 1 1 07 03अ इन्द्रमग्निं कविच्छदा यज्ञस्य जूत्या वृणे .
4 1 1 07 03च् ता सोमस्येह तृम्पताम् .. 671
अमहीयुराङ्गिरसः. गायत्री. पवमानः सोमः.
4 1 1 08 01अ उच्चा ते जातमन्धसो दिवि सद्भूम्या ददे .
4 1 1 08 01च् उग्रं शर्म महि श्रवः .. 672
4 1 1 08 02अ स न इन्द्राय यज्यवे वरुणाय मरुद्भ्यः .
4 1 1 08 02च् वरिवोवित्परि स्रव .. 673
4 1 1 08 03अ एना विश्वान्यर्य आ द्युम्नानि मानुषाणाम् .
4 1 1 08 03च् सिषासन्तो वनामहे .. 674
4 1 1 09 01अ पुनानः सोम धारयापो वसानो अर्षसि .
4 1 1 09 01च् आ रत्नधा योनिमृतस्य सीदस्युत्सो देवो हिरण्ययः .. 675
4 1 1 09 02अ दुहान ऊधर्दिव्यं मधु प्रियं प्रत्नं सधस्थमासदत् .
4 1 1 09 02च् आपृच्छ्यं धरुणं वाज्यर्षसि नृभिर्धौतो विचक्षणः .. 676
4 1 1 10 01अ प्र तु द्रव परि कोशं नि षीद नृभिः पुनानो अभि वाजमर्ष .
4 1 1 10 01च् अश्वं न त्वा वाजिनं मर्जयन्तो ऽच्छा बर्ही रशनाभिर्नयन्ति .. 677
4 1 1 10 02अ स्वायुधः पवते देव इन्दुरशस्तिहा वृजना रक्षमाणः .
4 1 1 10 02च् पिता देवानां जनिता सुदक्षो विष्टम्भो दिवो धरुणः पृथिव्याः .. 678
4 1 1 10 03अ ऋषिर्विप्रः पुरएता जनानामृभुर्धीर उशना काव्येन .
4 1 1 10 03च् स चिद्विवेद निहितं यदासामपीच्या3ं गुह्यं नाम गोनाम् .. 679
4 1 1 11 01अ अभि त्वा शूर नोनुमो ऽदुग्धा इव धेनवः .
4 1 1 11 01च् ईशानमस्य जगतः स्वर्दृशमीशानमिन्द्र तस्थुषः .. 680
4 1 1 11 02अ न त्वावां अन्यो दिव्यो न पार्थिवो न जातो न जनिष्यते .
4 1 1 11 02च् अश्वायन्तो मघवन्निन्द्र वाजिनो गव्यन्तस्त्वा हवामहे .. 681
4 1 1 12 01अ कया नश्चित्र आ भुवदूती सदावृधः सखा .
4 1 1 12 01च् कया शचिष्ठया वृता .. 682
4 1 1 12 02अ कस्त्वा सत्यो मदानां मंहिष्ठो मत्सदन्धसः .
4 1 1 12 02च् दृढा चिदारुजे वसु .. 683
4 1 1 12 03अ अभी षु णः सखीनामविता जरित्र्^ईणाम् .
4 1 1 12 03च् शतं भवास्यूतये .. 684
4 1 1 13 01अ तं वो दस्ममृतीषहं वसोर्मन्दानमन्धसः .
4 1 1 13 01च् अभि वत्सं न स्वसरेषु धेनव इन्द्रं गीर्भिर्नवामहे .. 685
4 1 1 13 02अ द्युक्षं सुदानुं तविषीभिरावृतं गिरिं न पुरुभोजसम् .
4 1 1 13 02च् क्षुमन्तं वाजं शतिनं सहस्रिणं मक्षू गोमन्तमीमहे .. 686
4 1 1 14 01अ तरोभिर्वो विदद्वसुमिन्द्रं सबाध ऊतये .
4 1 1 14 01च् बृहद्गायन्तः सुतसोमे अध्वरे हुवे भरं न कारिणम् .. 687
4 1 1 14 02अ न यं दुध्रा वरन्ते न स्थिरा मुरो मदेषु शिप्रमन्धसः .

4 1 1 14 02च् य आदृत्या शशमानाय सुन्वते दाता जरित्र उक्थ्यम् .. 688
4 1 1 15 01अ स्वादिष्ठया मदिष्ठया पवस्व सोम धारया .
4 1 1 15 01च् इन्द्राय पातवे सुतः .. 689
4 1 1 15 02अ रक्षोहा विश्वचर्षणिरभि योनिमयोहते .
4 1 1 15 02च् द्रोणे सधस्थमासदत् .. 690
4 1 1 15 03अ वरिवोधातमो भुवो मंहिष्ठो वृत्रहन्तमः .
4 1 1 15 03च् पर्षि राधो मघोनाम् .. 691
4 1 1 16 01अ पवस्व मधुमत्तम इन्द्राय सोम क्रतुवित्तमो मदः .
4 1 1 16 01च् महि द्युक्षतमो मदः .. 692
4 1 1 16 02अ यस्य ते पीत्वा वृषभो वृषायते ऽस्य पीत्वा स्वर्विदः .
4 1 1 16 02च् स सुप्रकेतो अभ्यक्रमीदिषो ऽच्छा वाजं नैतशः .. 693
4 1 1 17 01अ इन्द्रमच्छ सुता इमे वृषणं यन्तु हरयः .
4 1 1 17 01च् श्रुष्टे जातास इन्दवः स्वर्विदः .. 694
4 1 1 17 02अ अयं भराय सानसिरिन्द्राय पवते सुतः .
4 1 1 17 02च् सोमो जैत्रस्य चेतति यथा विदे .. 695
4 1 1 17 03अ अस्येदिन्द्रो मदेष्वा ग्राभं गृभ्णाति सानसिम् .
4 1 1 17 03च् वज्रं च वृषणं भरत्समप्सुजित् .. 696
4 1 1 18 01अ पुरोजिती वो अन्धसः सुताय मादयित्नवे .
4 1 1 18 01च् अप श्वानं श्नथिष्टन सखायो दीर्घजिह्व्यम् .. 697
4 1 1 18 02अ यो धारया पावकया परिप्रस्यन्दते सुतः .
4 1 1 18 02च् इन्दुरश्वो न कृत्व्यः .. 698
4 1 1 18 03अ तं दुरोषमभी नरः सोमं विश्वाच्या धिया .
4 1 1 18 03च् यज्ञाय सन्त्वद्रयः .. 699
4 1 1 19 01अ अभि प्रियाणि पवते चनोहितो नामानि यह्वो अधि येषु वर्धते .
4 1 1 19 01च् आ सूर्यस्य बृहतो बृहन्नधि रथं विष्वञ्चमरुहद्विचक्षणः.. 700
4 1 1 19 02अ ऋतस्य जिह्वा पवते मधु प्रियं वक्ता पतिर्धियो अस्या अदाभ्यः .
4 1 1 19 02च् दधाति पुत्रः पित्रोरपीच्या3ं नाम तृतीयमधि रोचनं दिवः .. 701
4 1 1 19 03अ अव द्युतानः कलशां अचिक्रदन्नृभिर्येमाणः कोश आ हिरण्यये .
4 1 1 19 03च् अभी ऋतस्य दोहना अनूषताधि त्रिपृष्ठ उषसो वि राजसि .. 702
4 1 1 20 01अ यज्ञायज्ञा वो अग्नये गिरागिरा च दक्षसे .
4 1 1 20 01च् प्रप्र वयममृतं जातवेदसं प्रियं मित्रं न शंसिषम् .. 703
4 1 1 20 02अ ऊर्जो नपातं स हिनायमस्मयुर्दाशेम हव्यदातये .
4 1 1 20 02च् भुवद्वाजेष्वविता भुवद्वृध उत त्राता तनूनाम् .. 704
4 1 1 21 01अ एह्यू षु ब्रवाणि ते ऽग्न इत्थेतरा गिरः .
4 1 1 21 01च् एभिर्वर्धास इन्दुभिः .. 705
4 1 1 21 02अ यत्र क्व च ते मनो दक्षं दधस उत्तरम् .
4 1 1 21 02च् तत्रा योनिं कृणवसे .. 706
4 1 1 21 03अ न हि ते पूर्तमक्षिपद्भुवन्नेमानां पते .
4 1 1 21 03च् अथा दुवो वनवसे .. 707
4 1 1 22 01अ वयमु त्वामपूर्व्य स्थूरं न कच्चिद्भरन्तो ऽवस्यवः .

4 1 1 22 01च् वज्रिञ्चित्रं हवामहे .. 708
4 1 1 22 02अ उप त्वा कर्मन्नूतये स नो युवोग्रश्चक्राम यो धृषत् .
4 1 1 22 02च् त्वामिध्यवितारं ववृमहे सखाय इन्द्र सानसिम् .. 709
4 1 1 23 01अ अधा हीन्द्र गिर्वण उप त्वा काम ईमहे ससृग्महे .
4 1 1 23 01च् उदेव ग्मन्त उदभिः .. 710
4 1 1 23 02अ वार्ण त्वा यव्याभिर्वर्धन्ति शूर ब्रह्माणि .
4 1 1 23 02च् ववृध्वांसं चिदद्रिवो दिवेदिवे .. 711
4 1 1 23 03अ पुञ्जन्ति हरी इषिरस्य गाथयोरौ रथ उरुयुगे वचोयुजा .
4 1 1 23 03च् इन्द्रवाहा स्वर्विदा .. 712
प्रथम प्रपाठकः . द्वितीयो ऽर्धः
4 1 2 01 01अ पान्तमा वो अन्धस इन्द्रमभि प्र गायत .
4 1 2 01 01च् विश्वासाहं शत्क्रतुं मंहिष्ठं चर्षणीनाम् .. 713
4 1 2 01 02अ पुरुहूतं पुरुष्टुतं गाथान्या3ं सनश्रुतम् .
4 1 2 01 02च् इन्द्र इति ब्रवीतन .. 714
4 1 2 01 03अ इन्द्र इन्नो महोनां दाता वाजानां नृतुः .
4 1 2 01 03च् महां अभिज्ञ्वा यमत् .. 715
4 1 2 02 01अ प्र व इन्द्राय मादनं हर्यश्वाय गायत .
4 1 2 02 01च् सखायः सोमपाव्ने .. 716
4 1 2 02 02अ शंसेदुक्थं सुदानव उत द्युक्षं यथ नरः .
4 1 2 02 02च् चकृमा सत्यराधसे .. 717
4 1 2 02 03अ त्वं न इन्द्र वाजयुस्त्वं गव्युः शतक्रतो .
4 1 2 02 03च् त्वं हिरण्ययुर्वसो .. 718
4 1 2 03 01अ वयमु त्वा तदिदर्था इन्द्र त्वायन्तः सखायः .
4 1 2 03 01च् कण्वा उक्थेभिर्जरन्ते .. 719
4 1 2 03 02अ न घेमन्यदा पपन वज्रिन्नपसो नविष्टौ .
4 1 2 03 02च् तवेदु स्तोमैश्चिकेत .. 720
4 1 2 03 03अ इच्छन्ति देवाः सुन्वन्तं न स्वप्नाय स्पृहयन्ति .
4 1 2 03 03च् यन्ति प्रमादमतन्द्राः .. 721
4 1 2 04 01अ इन्द्राय मद्व्ने सुतं परि ष्टोभन्तु नो गिरः .
4 1 2 04 01च् अर्कमर्च्चन्तु कारवः .. 722
4 1 2 04 02अ यस्मिन्विश्वा अधि श्रियो रणन्ति सप्त संसदः .
4 1 2 04 02च् इन्द्रं सुते हवामहे .. 723
4 1 2 04 03अ त्रिकद्रुकेषु चेतनं देवासो यज्ञमत्नत .
4 1 2 04 03च् तमिद्वर्धन्तु नो गिरः .. 724
4 1 2 05 01अ अयं त इन्द्र सोमो निपूतो अधि बर्हिषि .
4 1 2 05 01च् एहीमस्य द्रवा पिब .. 725
4 1 2 05 02अ शाचिगो शाचिपूजनायं रणाय ते सुतः .
4 1 2 05 02च् आखण्डल प्र हूयसे .. 726
4 1 2 05 03अ यस्ते शृङ्गवृषो णपात्प्रणपात्कुण्डपाय्यः .
4 1 2 05 03च् न्यस्मिं दध्र आ मनः .. 727

4 1 2 06 01अ आ तू न इन्द्र क्षुमन्तं चित्रं ग्राभं सं गृभाय .
4 1 2 06 01च् महाहस्ति दक्षिणेन .. 728
4 1 2 06 02अ विद्मा हि त्वा तुविकूर्मिं तुविदेष्णं तुवीमघम् .
4 1 2 06 02च् तुविमात्रमवोभिः .. 729
4 1 2 06 03अ न हि त्वा शूर देवा न मर्तासो दित्सन्तम् .
4 1 2 06 03च् भीमं न गां वारयन्ते .. 730
4 1 2 07 01अ अभि त्वा वृषभा सुते सुतं सृजामि पीतये .
4 1 2 07 01च् तृम्पा व्यश्नुही मदम् .. 731
4 1 2 07 02अ मा त्वा मूरा अविष्यवो मोपहस्वान आ दभन् .
4 1 2 07 02च् मा कीं ब्रह्मद्विषं वनः .. 732
4 1 2 07 03अ इह त्वा गोपरीणसं महे मन्दन्तु राधसे .
4 1 2 07 03च् सरो गौरो यथा पिब .. 733
4 1 2 08 01अ इदम् वसो सुतमन्धः पिबा सुपूर्णमुदरम् .
4 1 2 08 01च् अनाभयिन्ररिमा ते .. 734
4 1 2 08 02अ नृभिर्धौतः सुतो अश्नैरव्या वारैः परिपूतः .
4 1 2 08 02च् अश्वो न निक्तो नदीषु .. 735
4 1 2 08 03अ तं ते यवं यथा गोभिः स्वादुमकर्म श्रीणन्तः .
4 1 2 08 03च् इन्द्र त्वास्मिंत्सधमादे .. 736
4 1 2 09 01अ इदं ह्यन्वोजसा सुतं राधानां पते .
4 1 2 09 01च् पिबा त्वा3स्य गिर्वणः .. 737
4 1 2 09 02अ यस्ते अनु स्वधामसत्सुते नि यच्छ तन्वम् .
4 1 2 09 02च् स त्वा ममत्तु सोम्यम् .. 738
4 1 2 09 03अ प्र ते अश्नोतु कुक्ष्योः प्रेन्द्र ब्रह्मणा शिरः .
4 1 2 09 03च् प्र बाहू शूर राधसा .. 739
4 1 2 10 01अ आ त्वेता नि षीदतेन्द्रमभि प्र गायत .
4 1 2 10 01च् सखाय स्तोमवाहसः .. 740
4 1 2 10 02अ पुरूतमं पुरूणामीशानं वार्याणाम् .
4 1 2 10 02च् इन्द्रं सोमे सचा सुते .. 741
4 1 2 10 03अ स घा नो योग आ भुवत्स राये स पुरन्ध्या .
4 1 2 10 03च् गमद्वाजेभिरा स नः .. 742
4 1 2 11 01अ योगेयोगे तवस्तरं वाजेवाजे हवामहे .
4 1 2 11 01च् सखाय इन्द्रमूतये .. 743
4 1 2 11 02अ अनु प्रत्नस्यौकसो हुवे तुविप्रतिं नरम् .
4 1 2 11 02च् यं ते पूर्वं पिता हुवे .. 744
4 1 2 11 03अ आ घा गमद्यदि श्रवत्सहस्रिणीभिरूतिभिः .
4 1 2 11 03च् वाजेभिरुप नो हवम् .. 745
4 1 2 12 01अ इन्द्र सुतेषु सोमेषु क्रतुं पुनीष उक्थ्यम् .
4 1 2 12 01च् विदे वृधस्य दक्षस्य महां हि षः .. 746
4 1 2 12 02अ स प्रथमे व्योमनि देवानां सदने वृधः .
4 1 2 12 02च् सुपारः सुश्रवस्तमः समप्सुजित् .. 747

4 1 2 12 03अ तमु हुवे वाजसातय इन्द्रं भराय शुष्मिणम् .
4 1 2 12 03च् भवा नः सुम्ने अन्तमः सखा वृधे .. 748
4 1 2 13 01अ एना वो अग्निं नमसोर्जो नपातमा हुवे .
4 1 2 13 01च् प्रियं चेतिष्ठमरतिं स्वध्वरं विश्वस्य दूतममृतम् .. 749
4 1 2 13 02अ स योजते अरुषा विश्वभोजसा स दुद्रवत्स्वाहुतः .
4 1 2 13 02च् सुब्रह्मा यज्ञः सुशमी वसूनां देवं राधो जनानाम् .. 750
4 1 2 14 01अ प्रत्यु अदर्श्यायत्यू3च्छन्ती दुहिता दिवः .
4 1 2 14 01च् अपो मही वृणुते चक्षुषा तमो ज्योतिष्कृणोति सूनरी .. 751
4 1 2 14 02अ उदुस्रियाः सृजते सूर्यः सचा उद्यन्नक्षत्रमर्चिवत् .
4 1 2 14 02च् तवेदुषो व्युषि सूर्यस्य च सं भक्तेन गमेमहि .. 752
4 1 2 15 01अ इमा उ वां दिविष्टय उस्रा हवन्ते अश्विना .
4 1 2 15 01च् अयं वामह्वे ऽवसे शचीवसू विशंविशं हि गच्छथः .. 753
4 1 2 15 02अ युवं चित्रं ददथुर्भोजनं नरा चोदेथां सूनृतावते .
4 1 2 15 02च् अर्वाग्रथं समनसा नि यच्छतं पिबतं सोम्यं मधु .. 754
4 1 2 16 01अ अस्य प्रत्नामनु द्युतं शुक्रं दुदुह्रे अह्रयः .
4 1 2 16 01च् पयः सहस्रसामृषिम् .. 755
4 1 2 16 02अ अयं सूर्य इवोपदृगयं सरांसि धावति .
4 1 2 16 02च् सप्त प्रवत आ दिवम् .. 756
4 1 2 16 03अ अयं विश्वानि तिष्ठति पुनानो भुवनोपरि .
4 1 2 16 03च् सोमो देवो न सूर्यः .. 757
4 1 2 17 01अ एष प्रत्नेन जन्मना देवो देवेभ्यः सुतः .
4 1 2 17 01च् हरिः पवित्रे अर्षति .. 758
4 1 2 17 02अ एष प्रत्नेन मन्मना देवो देवेभ्यस्परि .
4 1 2 17 02च् कविर्विप्रेण वावृधे .. 759
4 1 2 17 03अ दुहानः प्रत्नमित्पयः पवित्रे परि षिच्यसे .
4 1 2 17 03च् क्रन्दं देवां अजीजनः .. 760
4 1 2 18 01अ उप शिक्षापतस्थुषो भियसमा धेहि शत्रवे .
4 1 2 18 01च् पवमान विदा रयिम् .. 761
4 1 2 18 02अ उषो षु जातमप्तुरं गोभिर्भङ्गं परिष्कृतम् .
4 1 2 18 02च् इन्दुं देवा अयासिषुः .. 762
4 1 2 18 03अ उपास्मै गायता नरः पवमानायेन्दवे .
4 1 2 18 03च् अभि देवां इयक्षते .. 763
4 1 2 19 01अ प्र सोमासो विपश्चितो ऽपो नयन्त ऊर्मयः .
4 1 2 19 01च् वनानि महिषा इव .. 764
4 1 2 19 02अ अभि द्रोणानि बभ्रवः शुक्रा ऋतस्य धारया .
4 1 2 19 02च् वाजं गोमन्तमक्षरन् .. 765
4 1 2 19 03अ सुता इन्द्राय वायवे वरुणाय मरुद्भ्यः .
4 1 2 19 03च् सोमा अर्षन्तु विष्णवे .. 766
4 1 2 20 01अ प्र सोम देववीतये सिन्धुर्न पिप्ये अर्णसा .
4 1 2 20 01च् अंशोः पयसा मदिरो न जागृविरच्छा कोशं मधुश्चुतम् .. 767

4 1 2 20 02अ आ हर्यतो अर्जुनो अत्के अव्यत प्रियः सूनुर्न मर्ज्यः .
4 1 2 20 02च् तमीं हिन्वन्त्यपसो यथा रथं नदीष्वा गभस्त्योः .. 768
4 1 2 21 01अ प्र सोमासो मदच्युतः श्रवसे नो मघोनाम् .
4 1 2 21 01च् सुता विदथे अक्रमुः .. 769
4 1 2 21 02अ आदीं हंसो यथा गणं विश्वस्यावीवशन्मतिम् .
4 1 2 21 02च् अत्यो न गोभिरज्यते .. 770
4 1 2 21 03अ आदीं त्रितस्य योषणो हरिं हिन्वन्त्यद्रिभिः .
4 1 2 21 03च् इन्दुमिन्द्राय पीतये .. 771
4 1 2 22 01अ अया पवस्व देवयु रेभन्पवित्रं पर्येषि विश्वतः .
4 1 2 22 01च् मधोर्धारा असृक्षत .. 772
4 1 2 22 02अ पवते हर्यतो हरिरति ह्वरांसि रंह्या .
4 1 2 22 02च् अभ्यर्ष स्तोतृभ्यो वीरवद्यशः .. 773
4 1 2 22 03अ प्र सुन्वानास्यान्धसो मर्तो न वष्ट तद्वचः .
4 1 2 22 03च् अप श्वानमराधसं हता मखं न भृगवः .. 774
द्वितीय प्रपाठकः . प्रथमो ऽर्धः
4 2 1 01 01अ पवस्व वाचो अग्रियः सोम चित्राभिरूतिभिः .
4 2 1 01 01च् अभि विश्वानि काव्या .. 775
4 2 1 01 02अ त्वं समुद्रिया अपो ऽग्रियो वाच ईरयन् .
4 2 1 01 02च् पवस्व विश्वचर्षणे .. 776
4 2 1 01 03अ तुभ्येमा भुवना कवे महिम्ने सोम तस्थिरे .
4 2 1 01 03च् तुभ्यं धावन्ति धेनवः .. 777
4 2 1 02 01अ पवस्वेन्दो वृषा सुतः कृधी नो यशसो जने .
4 2 1 02 01च् विश्वा अप द्विषो जहि .. 778
4 2 1 02 02अ यस्य ते सख्ये वयं सासह्याम पृतन्यतः .
4 2 1 02 02च् तवेन्दो द्युम्न उत्तमे .. 779
4 2 1 02 03अ या ते भीमान्यायुधा तिग्मानि सन्ति धूर्वणे .
4 2 1 02 03च् रक्षा समस्य नो निदः .. 780
4 2 1 03 01अ वृषा सोम द्युमां असि वृषा देव वृषव्रतः .
4 2 1 03 01च् वृषा धर्माणि दध्रिषे .. 781
4 2 1 03 02अ वृष्णस्ते वृष्ण्यं शवो वृषा वनं वृषा सुतः .
4 2 1 03 02च् स त्वं वृषन्वृषेदसि .. 782
4 2 1 03 03अ अश्वो न चक्रदो वृषा सं गा इन्दो समर्वतः .
4 2 1 03 03च् वि नो राये दुरो वृधि .. 783
4 2 1 04 01अ वृषा ह्यसि भानुना द्युमन्तं त्वा हवामहे .
4 2 1 04 01च् पवमान स्वर्दृशम् .. 784
4 2 1 04 02अ यदद्भिः परिशिच्यसे मर्मृज्यमान आयुभिः .
4 2 1 04 02च् द्रोणे सधस्थमश्नुषे .. 785
4 2 1 04 03अ आ पवस्व सुवीर्यं मन्दमानः स्वायुध .
4 2 1 04 03च् इहो ष्विन्दवा गहि .. 786
4 2 1 05 01अ पवमानस्य ते वयं पवित्रमभ्युन्दतः .