Scripture Library
Rig Veda · Chapter 5.023
5.023.01
agne sahantam ā bhara dyumnasya prāsahā rayim |
viśvā yaś carṣaṇīr abhy ā3sā vājeṣu sāsahat ||
5.023.02
tam agne pṛtanāṣahaṁ rayiṁ sahasva ā bhara |
tvaṁ hi satyo adbhuto dātā vājasya gomataḥ ||
5.023.03
viśve hi tvā sajoṣaso janāso vṛktabarhiṣaḥ |
hotāraṁ sadmasu priyaṁ vyanti vāryā puru ||
5.023.04
sa hi ṣmā viśvacarṣaṇir abhimāti saho dadhe |
agna eṣu kṣayeṣv ā revan naḥ śukra dīdihi dyumat pāvaka dīdihi ||
Original text: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0