Rig Veda · Chapter 2.010

johūtro agniḥ prathamaḥ piteveḻas pade manuṣā yat samiddhaḥ |
śriyaṁ vasāno amṛto vicetā marmṛjenyaḥ śravasya1ḥ sa vājī ||

śrūyā agniś citrabhānur havam me viśvābhir gīrbhir amṛto vicetāḥ |
śyāvā rathaṁ vahato rohitā votāruṣāha cakre vibhṛtraḥ ||

uttānāyām ajanayan suṣūtam bhuvad agniḥ purupeśāsu garbhaḥ |
śiriṇāyāṁ cid aktunā mahobhir aparīvṛto vasati pracetāḥ ||

jigharmy agniṁ haviṣā ghṛtena pratikṣiyantam bhuvanāni viśvā |
pṛthuṁ tiraścā vayasā bṛhantaṁ vyaciṣṭham annai rabhasaṁ dṛśānam ||

ā viśvataḥ pratyañcaṁ jigharmy arakṣasā manasā taj juṣeta |
maryaśrīḥ spṛhayadvarṇo agnir nābhimṛśe tanvā3 jarbhurāṇaḥ ||

jñeyā bhāgaṁ sahasāno vareṇa tvādūtāso manuvad vadema |
anūnam agniṁ juhvā vacasyā madhupṛcaṁ dhanasā johavīmi ||