Scripture Library
Rig Veda · Chapter 10.177
10.177.01
pataṁgam aktam asurasya māyayā hṛdā paśyanti manasā vipaścitaḥ |
samudre antaḥ kavayo vi cakṣate marīcīnām padam icchanti vedhasaḥ ||
10.177.02
pataṁgo vācam manasā bibharti tāṁ gandharvo 'vadad garbhe antaḥ |
tāṁ dyotamānāṁ svaryam manīṣām ṛtasya pade kavayo ni pānti ||
10.177.03
apaśyaṁ gopām anipadyamānam ā ca parā ca pathibhiś carantam |
sa sadhrīcīḥ sa viṣūcīr vasāna ā varīvarti bhuvaneṣv antaḥ ||
Original text: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0