Rig Veda · Chapter 10.155

arāyi kāṇe vikaṭe giriṁ gaccha sadānve |
śirimbiṭhasya satvabhis tebhiṣ ṭvā cātayāmasi ||

catto itaś cattāmutaḥ sarvā bhrūṇāny āruṣī |
arāyyam brahmaṇas pate tīkṣṇaśṛṇgodṛṣann ihi ||

ado yad dāru plavate sindhoḥ pāre apūruṣam |
tad ā rabhasva durhaṇo tena gaccha parastaram ||

yad dha prācīr ajagantoro maṇḍūradhāṇikīḥ |
hatā indrasya śatravaḥ sarve budbudayāśavaḥ ||

parīme gām aneṣata pary agnim ahṛṣata |
deveṣv akrata śravaḥ ka imām̐ ā dadharṣati ||