ऋग्वेद · अध्याय 10.155

अरायि काणे विकटे गिरिं गच्छ सदान्वे ।
शिरिम्बिठस्य सत्वभिस् तेभिष् ट्वा चातयामसि ॥

चत्तो इतश् चत्तामुतः सर्वा भ्रूणान्य् आरुषी ।
अराय्यम् ब्रह्मणस् पते तीक्ष्णशृण्गोदृषन्न् इहि ॥

अदो यद् दारु प्लवते सिन्धोः पारे अपूरुषम् ।
तद् आ रभस्व दुर्हणो तेन गच्छ परस्तरम् ॥

यद् ध प्राचीर् अजगन्तोरो मण्डूरधाणिकीः ।
हता इन्द्रस्य शत्रवः सर्वे बुद्बुदयाशवः ॥

परीमे गाम् अनेषत पर्य् अग्निम् अहृषत ।
देवेष्व् अक्रत श्रवः क इमाँ आ दधर्षति ॥