Rig Veda · Chapter 1.070

vanema pūrvīr aryo manīṣā agniḥ suśoko viśvāny aśyāḥ ||

ā daivyāni vratā cikitvān ā mānuṣasya janasya janma ||

garbho yo apāṁ garbho vanānāṁ garbhaś ca sthātāṁ garbhaś carathām ||

adrau cid asmā antar duroṇe viśāṁ na viśvo amṛtaḥ svādhīḥ ||

sa hi kṣapāvām̐ agnī rayīṇāṁ dāśad yo asmā araṁ sūktaiḥ ||

etā cikitvo bhūmā ni pāhi devānāṁ janma martām̐ś ca vidvān ||

vardhān yam pūrvīḥ kṣapo virūpāḥ sthātuś ca ratham ṛtapravītam ||

arādhi hotā sva1r niṣattaḥ kṛṇvan viśvāny apāṁsi satyā ||

goṣu praśastiṁ vaneṣu dhiṣe bharanta viśve baliṁ svar ṇaḥ ||

vi tvā naraḥ purutrā saparyan pitur na jivrer vi vedo bharanta ||

sādhur na gṛdhnur asteva śūro yāteva bhīmas tveṣaḥ samatsu ||