Rig Veda · Chapter 1.066

rayir na citrā sūro na saṁdṛg āyur na prāṇo nityo na sūnuḥ ||

takvā na bhūrṇir vanā siṣakti payo na dhenuḥ śucir vibhāvā ||

dādhāra kṣemam oko na raṇvo yavo na pakvo jetā janānām ||

ṛṣir na stubhvā vikṣu praśasto vājī na prīto vayo dadhāti ||

durokaśociḥ kratur na nityo jāyeva yonāv araṁ viśvasmai ||

citro yad abhrāṭ chveto na vikṣu ratho na rukmī tveṣaḥ samatsu ||

seneva sṛṣṭāmaṁ dadhāty astur na didyut tveṣapratīkā ||

yamo ha jāto yamo janitvaṁ jāraḥ kanīnām patir janīnām ||

taṁ vaś carāthā vayaṁ vasatyāstaṁ na gāvo nakṣanta iddham ||

sindhur na kṣodaḥ pra nīcīr ainon navanta gāvaḥ sva1r dṛśīke ||