Ṛgvedasaṃhitā, Padapāṭha · Chapter 9.98

//22//.
-RV_7:4/23-
(RV_9,98)
abhi | naḥ | vāja-sātamam | rayim | arṣa | puru-spṛham | indo iti | sahasra-bharṇasam | tuvi-dyumnam | vibhva-saham

pari | syaḥ | suvānaḥ | avyayam | rathe | na | varma | avyata | induḥ | abhi | drūṇā | hitaḥ | hiyānaḥ | dhārābhiḥ | akṣāriti

pari | syaḥ | suvānaḥ | akṣāriti | induḥ | avye | mada-cyutaḥ | dhārā | yaḥ | ūrdhvaḥ | adhvare | bhrājā | na | eti | gavya-yuḥ

saḥ | hi | tvam | deva | śaśvate | vasu | martāya | dāśuṣe | indo iti | sahasriṇam | rayim | śata-ātmānam | vivāsasi

vayam | te | asya | vṛtra-han | vaso iti | vasvaḥ | puru-spṛhaḥ | ni | nediṣṭha-tamāḥ | iṣaḥ | syāma | sumnasya | adhrigo ity adhri-go

dviḥ | yam | pañca | sva-yaśasam | svasāraḥ | adri-saṃhatam | priyam | indrasya | kāmyam | pra-snāpayanti | ūrmiṇam

//23//.
-RV_7:4/24-
pari | tyam | haryatam | harim | babhrum | punanti | vāreṇa | yaḥ | devān | viśvān | it | pari | madena | saha | gacchati

asya | vaḥ | hi | avasā | pāntaḥ | dakṣa-sādhanam | yaḥ | sūriṣu | śravah | bṛhat | dadhe | svaḥ | na | haryataḥ

saḥ | vām | yajñeṣu | mānavī iti | induḥ | janiṣṭa | rodasī iti | devaḥ | devī iti | giri-sthāḥ | asredhan | tam | tuvi-svani

indrāya | soma | pātave | vṛtra-ghne | pari | sicyase | nare | ca | dakṣiṇāvate | devāya | sadana-sade

te | pratnāsaḥ | vi-uṣṭiṣu | somāḥ | pavitre | akṣaran | apa-prothantaḥ | sanutaḥ | huraḥ-citaḥ | prātariti | tān | apra-cetasaḥ

tam | sakhāyaḥ | puraḥ-rucam | yūyam | vayam | ca | sūrayaḥ | aśyāma | vāja-gandhyam | sanema | vāja-pastyam