Ṛgvedasaṃhitā, Padapāṭha · Chapter 9.64

//35//.
-RV_7:1/36-
(RV_9,64)
vṛṣā | soma | dyu-mān | asi | vṛṣā | deva | vṛṣa-vrataḥ | vṛṣā | dharmāṇi | dadhiṣe

vṛṣṇaḥ | te | vṛṣṇyam | śavaḥ | vṛṣā | vanam | vṛṣā | madaḥ | satyam | vṛṣan | vṛṣā | it | asi

aśvaḥ | na | cakradaḥ | vṛṣā | sam | gāḥ | indo iti | sam | arvataḥ | vi | naḥ | rāye | duraḥ | vṛdhi

asṛkṣata | pra | vājinaḥ | gavyā | somāsaḥ | aśva-yā | śukrāsaḥ | vīra-yā | āśavaḥ

śumbhamānāḥ | ṛtayu-bhiḥ | mṛjyamānāḥ | gabhastyoḥ | pavante | vāre | avyaye

//36//.
-RV_7:1/37-
te | viśvā | dāśuṣe | vasu | somāḥ | divyāni | pārthivā | pavantām | ā | antarikṣyā

pavamānasya | viśva-vit | pra | te | sargāḥ | asṛkṣata | sūryasya-iva | na | raśmayaḥ

ketum | kṛṇvan | divaḥ | pari | viśvā | rūpā | abhi | ārṣasi | samudraḥ | soma | pinvase

hinvānaḥ | vācam | iṣyasi | pavamāna | vi-dharmaṇi | akrān | devaḥ | na | sūryaḥ

induḥ | paviṣṭa | cetanaḥ | priyaḥ | kavīnām | matī | sṛjat | aśvam | rathīḥ-iva

//37//.
-RV_7:1/38-
ūrmiḥ | yaḥ | te | pavitre | ā | dava-avīḥ | pari-akṣarat | sīdan | ṛtasya | yonim | ā

saḥ | naḥ | arṣa | pavitre | ā | madaḥ | yaḥ | deva-vītamaḥ | indo iti | indrāya | pītaye

iṣe | pavasva | dhārayā | mṛjyamānaḥ | manīṣi-bhiḥ | indo iti | rucā | abhi | gāḥ | ihi

punānaḥ | varivaḥ | kṛdhi | ūrjam | janāya | girvaṇaḥ | hare | sṛjānaḥ | āśiram

punānaḥ | deva-vītaye | indrasya | yāhi | niḥ-kṛtam | dyutānaḥ | vāji-bhiḥ | yataḥ

//38//.
-RV_7:1/39-
pra | hinvānāsaḥ | indavaḥ | accha | samudram | āśavaḥ | dhiyā | jūtāḥ | asṛkṣata

marmṛjānāsaḥ | āyavaḥ | vṛthā | samudram | indavaḥ | agman | ṛtasya | yonim | ā

pari | naḥ | yāhi | asma-yuḥ | viśvā | vasūni | ojasā | pāhi | naḥ | śarma | vīra-vat

mimāti | vahniḥ | etaśaḥ | padam | yujānaḥ | ṛkva-bhiḥ | pra | yat | samudre | āhitaḥ

ā | yat | yonim | hiraṇyayam | āśuḥ | ṛtasya | sīdati | jahāti | apra-cetasaḥ

//39//.
-RV_7:1/40-
abhi | venāḥ | anūṣata | iyakṣanti | pra-cetasaḥ | majjanti | avi-cetasaḥ

indrāya | indo iti | marutvate | pavasva | madhumat-tamaḥ | ṛtasya | yonim | āsadam

tam | tvā | viprāḥ | vacaḥ-vidaḥ | pari | kṛṇvanti | vedhasaḥ | sam | tvā | mṛjanti | āyavaḥ

rasam | te | mitraḥ | aryamā | pibanti | varuṇaḥ | kave | pavamānasya | marutaḥ

tvam | soma | vipaḥ-citam | punānaḥ | vācam | iṣyasi | indo iti | sahasra-bharṇasam

//40//.
-RV_7:1/41-
uto iti | sahasra-bharṇasam | vācam | soma | makhasyuvam | punānaḥ | indo iti | ā | bhara

punānaḥ | indo iti | eṣām | puru-hūta | janānām | priyaḥ | samudram | ā | viśa

davidyutatyā | rucā | pari-stobhantyā | kṛpā | somāḥ | śukrāḥ | go-āśiraḥ

hinvānaḥ | hetṛ-bhiḥ | yataḥ | ā | vājam | vājī | akramīt | sīdantaḥ | vanuṣaḥ | yathā

ṛdhak | soma | svastaye | sam-jagmānaḥ | divaḥ | kaviḥ | pavasva | sūryaḥ | dṛśe