Ṛgvedasaṃhitā, Padapāṭha · Chapter 8.46

//49//.
-RV_6:4/1-
(RV_8,46)
tvāvataḥ | puruvaso itipuru-vaso | vayam | indra | pranetaritipra-netaḥ | smasi | sthātaḥ | harīṇām

tvām | hi | satyam | adri-vaḥ | vidma | dātāram | iṣām | vidma | dātāram | rayīṇām

ā | yasya | te | mahimānam | śatam-ūte | śatakrato itiśata-krato | gīḥ-bhiḥ | gṛṇanti | kāravaḥ

su-nīthaḥ | gha | saḥ | martyaḥ | yam | marutaḥ | yam | aryamā | mitraḥ | pānti | adruhaḥ

dadhānaḥ | go--mat | aśva-vat | su-vīryam | āditya-jūtaḥ | edhate | sadā | rāyā | puru-spṛhā

//1//.
-RV_6:4/2-
tam | indram | dānam | īmahe | śavasānam | abhīrvam | īśānam | rāyaḥ | īmahe

tasmin | hi | santi | ūtayaḥ | viśvāḥ | abhīravaḥ | sacā | tam | ā | vahantu | saptayaḥ | puru-vasum | madāya | harayaḥ | sutam

yaḥ | te | madaḥ | vareṇyaḥ | yaḥ | indra | vṛtrahan-tamaḥ | yaḥ | ādadiḥ | svaḥ | nṛ-bhiḥ | yaḥ | pṛtanāsu | dustaraḥ

yaḥ | dustaraḥ | viśva-vāra | śravāyyaḥ | vājeṣu | asti | tarutā | saḥ | naḥ | śaviṣṭha | savanā | ā | vaso iti | gahi | gamema | go--mati | vraje

gavyaḥ | su | ṇaḥ | yathā | purā | aśva-yā | uta | ratha-yā | varivasya | mahāmaha

//2//.
-RV_6:4/3-
nahi | te | śūra | rādhasaḥ | antam | vindāmi | satrā | daśasya | naḥ | magha-van | nu | cit | adri-vaḥ | dhiyaḥ | vājebhiḥ | āvitha

yaḥ | ṛṣvaḥ | śravayat-sakhā | viśvā | it | saḥ | veda | janima | puru-stutaḥ | tam | viśve | mānuṣā | yugā | indram | havante | taviṣam | yata-srucaḥ

saḥ | naḥ | vājeṣu | avitā | puru-vasuḥ | puraḥ-sthātā | magha-vā | vṛtra-hā | bhuvat

abhi | vaḥ | vīram | andhasaḥ | madeṣu | gāya | girā | mahā | vi-cetasam | indram | nāma | śrutyam | śākinam | vacaḥ | yathā

dadiḥ | rekṇaḥ | tanve | dadiḥ | vasu | dadiḥ | vājeṣu | puru-hūta | vājinam | nūnam | atha

//3//.
-RV_6:4/4-
viśveṣām | irajyantam | vasūnām | sasahvāṃsam | cit | asya | varpasaḥ | kṛpa-yataḥ | nūnam | ati | atha

mahaḥ | su | vaḥ | aram | iṣe | stavāmahe | mīḷhuṣe | aram-gamāya | jagmaye | yajñebhiḥ | gīḥ-bhiḥ | viśva-manuṣām | marutām | iyakṣasi | gāye | tvā | namasā | gi rā

ye | pātayante | ajma-bhiḥ | girīṇām | snu-bhiḥ | eṣām | yajñam | mahi-svaṇīnām | sumnam | tuvi-svaṇīnām | pra | adhvare

pra-bhaṅgam | duḥ-matīnām | indra | śaviṣṭha | ā | bhara | rayim | asmabhyam | yujyam | codayat-mate | jyeṣṭham | codayat-mate

sanitariti | / su-sanitaḥ | ugra | citra | cetiṣṭha | sūnṛta | pra-sahā | sam-rāṭ | sahurim | sahantam | bhujyum | vājeṣu | pūrvyam

//4//.
-RV_6:4/5-
ā | saḥ | etu | yaḥ | īvat | ā | adevaḥ | pūrtam | ādade | yathā | cit | vaśaḥ | aśvyaḥ | pṛthu-śravasi | kānīte | asyāḥ | vi-uṣi | ādade

ṣaṣṭim | sahasrā | aśvyasya | ayutā | asanam | uṣṭrānām | viṃśatim | śatā | daśa | śyāvīnām | śatā | daśa | tri-aruṣīṇām | daśa | gavām | sahasrā

daśa | śyāvāḥ | ṛdhat-rayaḥ | vīta-vārāsaḥ | āśavaḥ | mathrāḥ | nemim | ni | vavṛtuḥ

dānāsaḥ | pṛthu-śravasaḥ | kānītasya | su-rādhasaḥ | ratham | hiraṇyayam | dadat | maṃhiṣṭhaḥ | sūriḥ | abhūt | varṣiṣṭham | akṛta | śravaḥ

ā | naḥ | vāyo iti | mahe | tane | yāhi | makhāya | pājase | vayam | hi | te | cakṛma | bhūri | dāvane | sadyaḥ | cit | mahi | dāvane

//5//.
-RV_6:4/6-
yaḥ | aśvebhiḥ | vahate | vaste | usrāḥ | triḥ | sapta | saptatīnām | ebhiḥ | somebhiḥ | somasut-bhiḥ | soma-pāḥ | dānāya | śukrapūta-pāḥ

yaḥ | me | imam | cit | oṃ iti | tmanā | amandat | citram | dāvane | araṭave | akṣe | nahuṣe | su-kṛtvani | sukṛt-tarāya | su-kratuḥ

ucathye | vapuṣi | yaḥ | sva-rāṭ | uta | vāyo
iti | ghṛta-snāḥ | aśva-iṣitam | rajaḥ-iṣitam | śunāiṣitam | pra | ajma | tat | idam | nu | tat

agha | priyam | iṣirāya | ṣaṣṭim | sahasrā | asanam | aśvānām | it | na | vṛṣṇām

gāvaḥ | na | yūtham | upa | yanti | vadhrayaḥ | upa | mā | yanti | vadhrayaḥ

adha | yat | cārathe | gaṇe | śatam | uṣṭrān | acikradat | adha | śvitneṣu | viṃśatim | śatā

śatam | dāse | balbūthe | vipraḥ | tarukṣe | ā | dade | te | te | vāyo iti | ime | janāḥ | madanti | indra-gopāḥ | madanti | deva-gopāḥ

adha | syā | yoṣaṇā | mahī | pratīcī | vaśam | aśvyam | adhi-rukmā | vi | nīyate