Ṛgvedasaṃhitā, Padapāṭha · Chapter 8.26

//25//.
-RV_6:2/26-
(RV_8,26)
yuvor oṃ iti | su | ratham | huve | sadha-stutyāya | sūriṣu | atūrta-dakṣā | vṛṣaṇā | vṛṣaṇvasūitivṛṣaṇ-vasū

yuvam | varo iti | su-sāmṇe | mahe | tane | nāsatyā | avaḥ-bhiḥ | yāthaḥ | vṛṣaṇā | vṛṣaṇvasūitivṛṣaṇ-vasū

tā | vām | adya | havāmahe | havyebhiḥ | vājinīvasūitivājinī-vasū | pūrvīḥ | iṣaḥ | iṣayantau | ati | kṣapaḥ

ā | vām | vāhiṣṭhaḥ | aśvinā | rathaḥ | yātu | śrutaḥ | narā | upa | stomān | turasya | darśathaḥ | śriye

juhurāṇā | cit | aśvinā | ā | manyethām | vṛṣaṇvasūitivṛṣaṇ-vasū | yuvam | hi | rudrā | parṣathaḥ | ati | dviṣaḥ

//26//.
-RV_6:2/27-
dasrā | hi | viśvam | ānuṣak | makṣu-bhiḥ | pari-dīyathaḥ | dhiyam-jinvā | madhu-varṇā | śubhaḥ | patī iti

upa | naḥ | yātam | aśvinā | rāyā | viśva-puṣā | saha | magha-vānā | su-vīrau | anapa-cyutā

ā | me | asya | pratīvyam | indranāsatyā | gatam | devā | devebhiḥ | adya | sacanaḥ-tamā

vayam | hi | vām | havāmahe | ukṣaṇyantaḥ | vyaśva-vat | sumati-bhiḥ | upa | viprau | iha | ā | gatam

aśvinā | su | ṛṣe | stuhi | kuvit | te | śravataḥ | havam | nedīyasaḥ | kūḷayātaḥ | paṇīn | uta

//27//.
-RV_6:2/28-
vaiyaśvasya | śrutam | narā | uto iti | me | asya | vedathaḥ | sa-joṣasā | varuṇaḥ | mitraḥ | aryamā

yuvādattasya | dhiṣṇyā | yuvānītasya | sūri-bhiḥ | ahaḥ-ahaḥ | vṛṣaṇā | mahyam | śikṣatam

yaḥ | vām | yajñebhiḥ | āvṛtaḥ | adhi-vastrā | vadhūḥ-iva | saparyantā | śubhe | cakrāteiti | aśvinā

yaḥ | vām | uruvyacaḥ-tamam | ciketati | nṛ-pāyyam | vartiḥ | aśvinā | pari | yātam | asmayū ity asma-yū

asmabhyam | su | vṛṣaṇvasūitivṛṣaṇ-vasū | yātam | vartiḥ | nṛ-pāyyam | viṣudruhāiva | yajñam | ūhathuḥ | girā

//28//.
-RV_6:2/29-
vāhiṣṭhaḥ | vām | havānām | stomaḥ | dūtaḥ | huvat | narā | yuvābhyām | bhūtu | aśvinā

yat | adaḥ | divaḥ | arṇave | iṣaḥ | vā | madathaḥ | gṛhe | śrutam | it | me | amartyā

uta | syā | śveta-yāvarī | vāhiṣṭhā | vām | nadīnām | sindhuḥ | hiraṇya-vartani ḥ

smat | etayā | su-kīrtyā | aśvinā | śvetayā | dhiyā | vahetheiti | śubhra-yāvānā

yukṣva | hi | tvam | ratha-sahā | yuvasva | poṣyā | vaso iti | āt | naḥ | vāyo iti | madhu | piba | asmākam | savanā | ā | gahi

//29//.
-RV_6:2/30-
tava | vāyo iti | ṛtaḥ-pate | tvaṣṭuḥ | jāmātaḥ | adbhuta | avāṃsi | ā | vṛṇīmahe

tvaṣṭuḥ | jāmātaram | vayam | īśānam | rāyaḥ | īmahe | suta-vantaḥ | vāyum | dyumnā | janāsaḥ

vāyo iti | yāhi | śiva | ā | divaḥ | vahasva | su | su-aśvyam | vahasva | mahaḥ | pṛthu-pakṣasā | rathe

tvām | hi | supsaraḥ-tamam | nṛ-sadaneṣu | hūmahe | grāvāṇam | na | aśva-pṛṣṭham | maṃhanā

saḥ | tvam | naḥ | deva | manasā | vāyo iti | mandānaḥ | agriyaḥ | kṛdhi | vājān | apaḥ | dhiyaḥ