Ṛgvedasaṃhitā, Padapāṭha · Chapter 8.2

//16//.
-RV_5:7/17-
(RV_8,2)
idam | vaso
iti | sutam | andhaḥ | piba | su-pūrṇam | udaram | anābhayin | rarima | te

nṛ-bhiḥ | dhūtaḥ | sutaḥ | aśnaiḥ | avyaḥ | vāraiḥ | pari-pūtaḥ | aśvaḥ | na | niktaḥ | nadīṣu

tam | te | yavam | yathā | gobhiḥ | svādum | akarma | śrīṇantaḥ | indra | tvā | asmin | sadha-māde

indra | it | soma-pāḥ | ekaḥ | indraḥ | suta-pāḥ | viśva-āyuḥ | antaḥ | devān | martyān | ca

na | yam | śukraḥ | na | duḥ-āśīḥ | na | tṛprāḥ | uru-vyacasam | apa-spṛṇvate | su-hārdam

//17//.
-RV_5:7/18-
gobhiḥ | yat | īm | anye | asmat | mṛgam | na | vrāḥ | mṛgayante | abhi-tsaranti | dhenu-bhiḥ

trayaḥ | indrasya | somāḥ | sutāsaḥ | santu | devasya | sve | kṣaye | suta-pāvnaḥ

trayaḥ | kośāsaḥ | ścotanti | tisraḥ | camvaḥ | su-pūrṇāḥ | samāne | adhi | bhārman

śuciḥ | asi | puruniḥ-sthāḥ | kṣīraiḥ | madhyataḥ | āśīrtaḥ | dadhnā | mandiṣṭhaḥ | śūrasya

ime | te | indra | somāḥ | tīvrāḥ | asme iti | sutāsaḥ | śukrāḥ | āśiram | yācante

//18//.
-RV_5:7/19-
tān | āśiram | puroḷāśam | indra | imam | somam | śrīṇīhi | revantam | hi | tvā | śṛṇomi

hṛt-su | pītāsaḥ | yudhyante | duḥ-madāsaḥ | na | surāyām | ūdhaḥ | na | nagnāḥ | jarante

revān | it | revataḥ | stotā | syāt | tvāvataḥ | maghonaḥ | pra | it | oṃ iti | hari-vaḥ | śrutasya

uktham | cana | śasyamānam | agoḥ | ariḥ | ā | ciketa | na | gāyatram | gīyamānam

mā | naḥ | indra | pīyatnave | mā | śardhate | parā | dāḥ | śikṣā | śacī-vaḥ | śacībhi ḥ

//19//.
-RV_5:7/20-
vayam | oṃ iti | tvā | tatit-arthāḥ | indra | tvāyantaḥ | sakhāyaḥ | kaṇvāḥ | ukthebhiḥ | jarante

na | gha | īm | anyat | ā | papana | vajrin | apasaḥ | naviṣṭau | tava | it | oṃ iti | stomam | ciketa

icchanti | devāḥ | sunvantam | na | svapnāya | spṛhayanti | yanti | pra-mādam | atandrāḥ

o iti | su | pra | yāhi | vājebhiḥ | mā | hṛṇīthāḥ | abhi | asmān | mahān-iva | yuva-jāni ḥ

mo iti | su | adya | duḥ-hanāvān | sāyam | karat | āre | asmat | aśrīraḥ-iva | jāmātā

//20//.
-RV_5:7/21-
vidma | hi | asya | vīrasya | bhūri-dāvārīm | su-matim | triṣu | jātasya | manāṃs i

ā | tu | siñca | kaṇva-mantam | na | gha | vidma | śavasānāt | yaśaḥ-taram | śatam-ūteḥ

jyeṣṭhena | sotaḥ | indrāya | somam | vīrāya | śakrāya | bhara | pibat | naryāya

yaḥ | vediṣṭhaḥ | avyathiṣu | aśva-vantam | jaritṛ-bhyaḥ | vājam | stotṛ-bhyaḥ | go--mantam

panyam-panyam | it | sotāraḥ | ā | dhāvata | madyāya | somam | vīrāya | śūrāya

//21//.
-RV_5:7/22-
pātā | vṛtra-hā | sutam | ā | gha | gamat | na | āre | asmat | ni | yamate | śatam-ūtiḥ

ā | iha | harī iti | brahma-yujā | śagmā | vakṣataḥ | sakhāyam | gīḥ-bhiḥ | śrutam | girvaṇasam

svādavaḥ | somāḥ | ā | yāhi | śrītāḥ | somāḥ | ā | yāhi | śiprin | ṛṣi-vaḥ | śacī-vaḥ | na | ayam | accha | sadha-mādam

stutaḥ | ca | yāḥ | tvā | vardhanti | mahe | rādhase | nṛmṇāya | indra | kāriṇam | vṛdhantaḥ

giraḥ | ca | yāḥ | te | girvāhaḥ | ukthā | ca | tubhyam | tāni | satrā | dadhire | śavāṃsi

//22//.
-RV_5:7/23-
eva | it | eṣaḥ | tuvi-kūrmiḥ | vājān | ekaḥ | vajra-hastaḥ | sanāt | amṛktaḥ | dayate

hanta | vṛtram | dakṣiṇena | indraḥ | puru | puru-hūtaḥ | mahān | mahībhiḥ | śacībhiḥ

yasmin | viśvāḥ | carṣaṇayaḥ | uta | cyautnā | jrayāṃsi | ca | anu | gha | it | mandī | maghonaḥ

eṣaḥ | etāni | cakāra | indraḥ | viśvā | yaḥ | ati | śṛṇve | vāja-dāvā | maghonām

pra-bhartā | ratham | gavyantam | apākāt | cit | yam | avati | inaḥ | vasu | saḥ | hi | voḷhā

//23//.
-RV_5:7/24-
sanitā | vipraḥ | arvat-bhiḥ | hantā | vṛtram | nṛ-bhiḥ | śūraḥ | satyaḥ | avitā | vidhantam

yajadhva | enam | priya-medhāḥ | indram | satrācā | manasā | yaḥ | bhūt | somaiḥ | satya-madvā

gātha-śravasam | sat-patim śravaḥ-kāmam | puru-tmānam | kaṇvāsaḥ | gāta | vājinam

yaḥ | ṛte | cit | gāḥ | padebhyaḥ | dāt | sakhā | nṛ-bhyaḥ | śacī-vān | ye | asmin | kāmam | aśriyan

itthā | dhī-vantam | adri-vaḥ | kāṇvam | medhya-atithim | meṣaḥ | bhūtaḥ | abhi | yan | ayaḥ

śikṣa | vibhindo itivi-bhindo | asmai | catvāri | ayutā | dadat | aṣṭa | paraḥ | sahasrā

uta | su | tye iti | payaḥ-vṛdhā | mākī iti | raṇasya | naptyā | jani-tvanāya | mamahe