Ṛgvedasaṃhitā, Padapāṭha · Chapter 6.16

//20//.
-RV_4:5/21-
(RV_6,16)
tvam | agne | yajñānām | hotā | viśveṣām | hitaḥ | devebhiḥ | mānuṣe | jane

saḥ | naḥ | mandrābhiḥ | adhvare | jihvābhiḥ | yaja | mahaḥ | ā | devān | vakṣi | yakṣi | ca

vettha | hi | vedhaḥ | adhvanaḥ | pathaḥ | ce | deva | añjasā | agne | yajñeṣu | sukrato itisu-krato

tvām | īḷe | adha | dvitā | bharataḥ | vāji-bhiḥ | śunam | īje | yajñeṣu | yajñiyam

tvam | imā | vāryā | puru | divaḥ-dāsāya | sunvate | bharat-vājāya | dāśuṣe

//21//.
-RV_4:5/22-
tvam | dūtaḥ | amartyaḥ | ā | vaha | daivyam | janam | śṛṇvan | viprasya | su-stutim

tvām | agne | su-ādhyaḥ | martāsaḥ | deva-vītaye | yajñeṣu | devam | īḷate

tava | pra | yakṣi | sam-dṛśam | uta | kratum | su-dānavaḥ | viśve | juṣanta | kāminaḥ

tvam | hotā | manuḥ-hitaḥ | vahniḥ | āsā | viduḥ-taraḥ | agne | yakṣi | divaḥ | viśaḥ

agne | ā | yāhi | vītaye | gṛṇānaḥ | havya-dātaye | ni | hotā | satsi | barhiṣi

//22//.
-RV_4:5/23-
tam | tvā | samit-bhiḥ | aṅgiraḥ | ghṛtena | vardhayāmasi | bṛhat | śoca | yaviṣṭhya

saḥ | naḥ | pṛthu | śravāyyam | accha | deva | vivāsasi | bṛhat | agne | su-vīryam

tvām | agne | puṣkarāt | adhi | atharvā | niḥ | amanthata | mūdhnarḥ | viśvasya | vāghataḥ

tam | oṃ iti | tvā | dadhyaṅ | ṛṣiḥ | putraḥ | īdhe | atharvaṇaḥ | vṛtra-hanam | puram-daram

tam | oṃ iti | tvā | pāthyaḥ | vṛṣā | sam | īdhe | dasyuhan-tamam | dhanam-jayam | raṇe--raṇe

//23//.
-RV_4:5/24-
ā | ihi | oṃ iti | su | bravāṇi | te | agne | itthā | itarāḥ | giraḥ | ebhiḥ | vardhāse | indu-bhiḥ

yatra | kva | ca | te | manaḥ | dakṣam | dadhase | ut-taram | tatra | sadaḥ | kṛṇavase

nahi | te | pūram | akṣi-pat | bhuvat | nemānām | vaso iti | atha | duvaḥ | vanavase

ā | agniḥ | agāmi | bhārataḥ | vṛtra-hā | puru-cetanaḥ | divaḥ-dāsasya | sat-patiḥ

saḥ | hi | viśvā | ati | pārthivā | rayim | dāśat | mahi-tvanā | vanvan | avātaḥ | astṛtaḥ

//24//.
-RV_4:5/25-
saḥ | pratna-vat | navīyasā | agne | dyumnena | sam-yatā | bṛhat | tatantha | bhānunā

pra | vaḥ | sakhāyaḥ | agnaye | stomam | yajñam | ca | dhṛṣṇu-yā | arca | gāya | ca | vedhase

saḥ | hi | yaḥ | mānuṣā | yugā | sīdat | hotā | kavi-kratuḥ | dūtaḥ | ca | havya-vāhanaḥ

tā | rājānā | śuci-vratā | ādityān | mārutam | gaṇam | vaso iti | yakṣi | iha | rodasī iti

vasvī | te | agne | sam-dṛṣṭiḥ | iṣa-yate | martyāya | ūrjaḥ | napāt | amṛtasya

//25//.
-RV_4:5/26-
kratvā | dāḥ | astu | śreṣṭhaḥ | adya | tvā | vanvan | su-rekṇāḥ | martaḥ | ānāśa | su-vṛktim

te | te | agne | tvāūtāḥ | iṣayantaḥ | viśvam | āyuḥ | tarantaḥ | aryaḥ | arātīḥ | vanvantaḥ | aryaḥ | arātīḥ

agniḥ | tigmena | śociṣā | yāsat | viśvam | ni | atriṇam | agniḥ | naḥ | vanate | rayim

su-vīram | rayim | ā | bhara | jāta-vedaḥ | vi-carṣaṇe | jahi | rakṣāṃsi | su-krato itisu-krato

tvam | naḥ | pāhi | aṃhasaḥ | jāta-vedaḥ | agha-yataḥ | / rakṣa | naḥ | brahmaṇaḥ | kave

//26//.
-RV_4:5/27-
yaḥ | naḥ | agne | duḥ-evaḥ | ā | martaḥ | vadhāya | dāśati | tasmāt | naḥ | pāhi | aṃhasaḥ

tvam | tam | deva | jihvayā | pari | bādhasva | duḥ-krtam | martaḥ | yaḥ | naḥ | jighāṃsati

bharat-vājāya | sa-prathaḥ | śarma | yaccha | sahantya | agne | vareṇyam | vasu

agniḥ | vṛtrāṇi | jaṅghanat | draviṇasyuḥ | vipanyayā | sam-iddhaḥ | śukraḥ | āhutaḥ

garbhe | mātuḥ | pituḥ | pitā | vi-didyutānaḥ | akṣare | sīdan | ṛtasya | yonim | ā

//27//.
-RV_4:5/28-
brahma | prajāvat | ā | bhara | jāta-vedaḥ | vi-carṣaṇe | agne | yat | dīdayat | d ivi

upa | tvā | raṇva-sandṛśam | prayasvantaḥ | sahaḥ-kṛta | agne | sasṛjmahe | giraḥ

upa | chāyām-iva | ghṛṇeḥ | aganma | śarma | te | vayam | agne | hiraṇya-sandṛśaḥ

yaḥ | ugraḥ-iva | śarya-hā | tigma-śṛṅgaḥ | na | vaṃsa-gaḥ | agne | puraḥ | rurojitha

ā | yam | haste | na | khādinam | śiśum | jātam | na | bibhrati | viśām | agnim | su-adhvaram

//28//.
-RV_4:5/29-
pra | devam | deva-vītaye | bharata | vasuvit-tamam | ā | sve | yonau | ni | sīdatu

ā | jātam | jāta-vedasi | priyam | śiśīta | atithim | syone | ā | gṛha-patim

agne | yukṣva | hi | ye | tava | aśvāsaḥ | deva | sādhavaḥ | aram | vahanti | manyave

accha | naḥ | yāhi | ā | vaha | abhi | prayāṃsi | vītaye | ā | devān | soma-pītaye

uu | agne | bhārata | dyu-mat | ajasreṇa | davidyutat | śoca | vi | bhāhi | ajara

//29//.
-RV_4:5/30-
vītī | yaḥ | devam | martaḥ | duvasyet | agnim | īḷīta | adhvare | haviṣmān | hotāram | satya-yajam | rodasyoḥ | uttāna-hastaḥ | namasā | vivāset

ā | te | agne | ṛcā | haviḥ | hṛdā | taṣṭam | bharāmasi | te | te | bhavantu | ukṣaṇaḥ | ṛṣabhāsaḥ | vaśāḥ | uta

agnim | devāsaḥ | agriyam | indhate | vṛtrahan-tamam | yena | vasūni | ābhṛtā | tṛḷhā | rakṣāṃsi | vājinā