Ṛgvedasaṃhitā, Padapāṭha · Chapter 3.59

//4//.
-RV_3:4/5-
(RV_3,59)
mitraḥ | janān | yātayati | bruvāṇaḥ | mitraḥ | dādhāra | pṛthivīm | uta | dyām | mitraḥ | kṛṣṭīḥ | animiṣā | abhi | caṣṭe | mitrāya | havyam | ghṛta-vat | juhota

pra | saḥ | mitra | martaḥ | astu | prayasvān | yaḥ | te | āditya | śikṣati | vratena | na | hanyate | na | jīyate | tvāūtaḥ | na | enam | aṃhaḥ | aśnoti | antitaḥ | na | dūrāt

anamīvāsaḥ | iḷayā | madantaḥ | mita-jñavaḥ | variman | ā | pṛthivyāḥ | ādityasya | vratam | upa-kṣiyantaḥ | vayam | mitrasya | su-matau | syāma

ayam | mitraḥ | namasyaḥ | su-śevaḥ | rājā | su-kṣatraḥ | ajaniṣṭa | vedhāḥ | tasya | vayam | su-matau | yajñiyasya | api | bhadre | saumanase | syāma

mahān | ādityaḥ | namasā | upa-sadyaḥ | yātayat-janaḥ | gṛṇate | su-śevaḥ | tasmai | etat | panya-tamāya | juṣṭam | agnau | mitrāya | haviḥ | ā | juhota

//5//.
-RV_3:4/6-
mitrasya | carṣaṇi-dhṛtaḥ | avaḥ | devasya | sānasi | dyumnam | citraśravaḥ-tamam

abhi | yaḥ | mahinā | divam | mitraḥ | babhūva | sa-prathāḥ | abhi | śravaḥ-bhiḥ | pṛthivīm

mitrāya | pañca | yemire | janāḥ | abhiṣṭi-śavase | saḥ | devān | viśvān | bibharti

mitraḥ | deveṣu | āyuṣu | janāya | vṛkta-barhiṣe | iṣaḥ | iṣṭa-vratāḥ | akar ity akaḥ