Revākhāṇḍa (revised text) · Chapter 96
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe nārāyaṇītīrthamāhātmyavarṇanaṃ nāma pañcanavatitamo 'dhyāyaḥ ||
RKV adhyāya 96
śrīmārkaṇḍeya uvāca:
tato gacchettu rājendra tīrthaṃ koṭīśvaraṃ param /
ṛṣikoṭiḥ samāyātā yatra vai kurunandana
kṛṣṇadvaipāyanasyaiva kṣemārthaṃ munipuṃgavāḥ /
mantrayitvā dvijaiḥ sarvair vedamaṅgalapāṭhakaiḥ
sthāpitaḥ śaṅkarastatra kāraṇaṃ bandhanāśanam /
saṃsāracchedakaraṇaṃ prāṇināmārtināśanam
koṭīśvaramiti proktaṃ pṛthivyāṃ nṛpanandana /
snāpayettaṃ tu yo bhaktyā pūrṇimāyāṃ nṛpottama
pitḥṇāṃ tarpaṇaṃ kṛtvā piṇḍadānaṃ yathāvidhi /
śrāvaṇasya viśeṣeṇa pūrṇimāyāṃ yudhiṣṭhira
pitḥṇām akṣayā tṛptiryāvadābhūtasamplavam /
pitḥṇāṃ paramaṃ guhyaṃ revātaṭasamāśritam /
mokṣadaṃ sarvajantūnāṃ nirmitaṃ munisattamaiḥ
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0