Revākhāṇḍa (revised text) · Chapter 206
|| iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe kurkurītīrthamāhātmyavarṇanaṃ nāma pañcādhikadviśatatamo 'dhyāyaḥ||
RKV adhyāya 206
śrīmārkaṇḍeya uvāca:
gacchettataḥ kṣoṇinātha tīrthaṃ paramaśobhanam /
sarvapāpaharaṃ puṇyaṃ daśakanyeti viśrutam /
mahādevakṛtaṃ puṇyaṃ sarvakāmaphalapradam
tatra tīrthe mahādevo daśakanyā guṇānvitāḥ /
brahmaṇo varayāmāsa hyudvāhena yuyoja ha
tadāprabhṛti tattīrthaṃ daśakanyeti viśrutam /
sarvapāpaharaṃ puṇyamakṣayaṃ kīrtitaṃ phalam
tatra tīrthe tu yaḥ kanyāṃ dadāti samalaṃkṛtām /
prāpnoti puruṣo dattvā yathāśaktyā svalaṃkṛtām
tena dānotthapuṇyena pūtātmāno narādhipa /
vasanti romasaṃkhyāni varṣāṇi śivasannidhau
tataḥ kālena mahatā tviha loke nareśvara /
mānuṣyaṃ prāpya duṣprāpyaṃ dhanakoṭīpatirbhavet
tatra tīrthe tu yo bhaktyā snātvā viprāya kāñcanam /
samprayacchati śāntāya so 'tyantaṃ sukham aśnute
vācikaṃ mānasaṃ vāpi karmajaṃ yatpurā kṛtam /
tatsarvaṃ vilayaṃ yāti svarṇadānena bhārata
naro dattvā suvarṇaṃ cāpi vālāgramātrakam /
tatra tīrthe divaṃ yāti mṛto nāstyatra saṃśayaḥ
tatra vidyādharaiḥ siddhairvimānavaramāsthitaḥ /
pūjyamāno vaset tāvad yāvad ābhūtasamplavam
Original text: Revākhāṇḍa of the Vāyupurāṇa (RKV) · Edition: Śrīkṛṣṇadās, Kṣemrāj (ed.): Śrīskandamahāpurāṇam. Veṅkateśvara Steam Press, Bombay: 1910 and its reprint: Siṃha, Nāgaśaraṇa (ed.): Śrīskandamahāpurāṇam. pañcama bhāga: śrī āvantyakhaṇḍam. Nag Publishers, Delhi: 1986. · Data entry Jürgen Neuss · GRETIL (Göttingen) · CC BY-NC-SA 4.0