Scripture Library
Ratnatrayaparīkṣā · Verses 318-322
318
anenaiva śarīreṇa parāṃ vyāptimakhaṇḍitām
prāpnuvanti mahādhīrā dhanyā hi śivayoginaḥ //
319
sa punāti dṛśā vācā caraṇena kareṇa ca
nadījanapadodyāna purādīni svalīlayā //
320
kiṃ punaḥ śaraṇāyātaṃ bhavabhītamimaṃ janam
namastathāvidhāyāsmad gurave śivatejase //
321
nidhaye yogaratnānām anantaphaladāyinām
rāmakaṇṭhakṛtāloka nirmalīkṛtacetasā //
322
ratnatrayaparīkṣeyaṃ kṛtā śrīkaṇṭhasūriṇā
śrīrāmakaṇṭhasadvṛttiṃ mayaivamanukurvatā
ratnatrayaparīkṣārthaḥ saṃkṣepeṇa prakāśitaḥ //
Original text: Ratnatrayaparīkṣā · Edition: Vajravallabha Dvivedi's edition: Astaprakaranam Varanasi: Sampurnanand Sanskrit University, 1988. (Yogatantragranthamala, 12) · Data entry Dominic Goodall · GRETIL (Göttingen) · CC BY-NC-SA 4.0