रत्नत्रयपरीक्षा · श्लोक 318-322

अनेनैव शरीरेण परां व्याप्तिमखण्डिताम्
प्राप्नुवन्ति महाधीरा धन्या हि शिवयोगिनः ॥

स पुनाति दृशा वाचा चरणेन करेण च
नदीजनपदोद्यान पुरादीनि स्वलीलया ॥

किं पुनः शरणायातं भवभीतमिमं जनम्
नमस्तथाविधायास्मद् गुरवे शिवतेजसे ॥

निधये योगरत्नानाम् अनन्तफलदायिनाम्
रामकण्ठकृतालोक निर्मलीकृतचेतसा ॥

रत्नत्रयपरीक्षेयं कृता श्रीकण्ठसूरिणा
श्रीरामकण्ठसद्वृत्तिं मयैवमनुकुर्वता
रत्नत्रयपरीक्षार्थः संक्षेपेण प्रकाशितः ॥