piṇḍopaniṣat · Chapter 1

piṇḍopaniṣat
ॐ devatā ṛṣayaḥ sarve brahmāṇamidamabruvan /
mṛtasya dīyate piṇḍaṃ kathaṃ gṛhṇantyacetasaḥ //
bhinne pañcātmake dehe gate pañcasu pañcadhā /
haṃsastvastvā gato dehaṃ kasmin sthāne vyavasthitaḥ //
tryahaṃ vasati toyeṣu tryahaṃ vasati cāgniṣu /
tryahamākāśago bhūtvā dinamekantu vāyugaḥ //
prathamena tu piṇḍena kalānāṃ tasya sambhavaḥ /
dvitīyena tu piṇḍena māsatvakcchoṇitodbhavaḥ //
tṛtīyena tu piṇḍena matistasyābhijāyate /
caturthena tu piṇḍena asthi majjā prajāyate //
pañcamena tu piṇḍena hastāṅgulyaḥ śiro mukham /
ṣaṣṭhena kṛtapiṇḍena hṛtkaṇṭhaṃ tālu jāyate //
saptamena tu piṇḍena dīrghamāyuḥ prajāyate /
aṣṭamena tu piṇḍena vācaṃ puṣyati vīryavān //
navamena tu piṇḍena sarvendriyasamāhṛtiḥ /
daśamena tu piṇḍena bhāvanaṃ plāvanaṃ tathā /
piṇḍe piṇḍe śarīrasya piṇḍadānena sambhavaḥ //
iti piṇḍopaniṣat samāptā