પિણ્ડોપનિષત્ · અધ્યાય 1

પિણ્ડોપનિષત્
ૐ દેવતા ઋષયઃ સર્વે બ્રહ્માણમિદમબ્રુવન્ ।
મૃતસ્ય દીયતે પિણ્ડં કથં ગૃહ્ણન્ત્યચેતસઃ ॥
ભિન્ને પઞ્ચાત્મકે દેહે ગતે પઞ્ચસુ પઞ્ચધા ।
હંસસ્ત્વસ્ત્વા ગતો દેહં કસ્મિન્ સ્થાને વ્યવસ્થિતઃ ॥
ત્ર્યહં વસતિ તોયેષુ ત્ર્યહં વસતિ ચાગ્નિષુ ।
ત્ર્યહમાકાશગો ભૂત્વા દિનમેકન્તુ વાયુગઃ ॥
પ્રથમેન તુ પિણ્ડેન કલાનાં તસ્ય સમ્ભવઃ ।
દ્વિતીયેન તુ પિણ્ડેન માસત્વક્ચ્છોણિતોદ્ભવઃ ॥
તૃતીયેન તુ પિણ્ડેન મતિસ્તસ્યાભિજાયતે ।
ચતુર્થેન તુ પિણ્ડેન અસ્થિ મજ્જા પ્રજાયતે ॥
પઞ્ચમેન તુ પિણ્ડેન હસ્તાઙ્ગુલ્યઃ શિરો મુખમ્ ।
ષષ્ઠેન કૃતપિણ્ડેન હૃત્કણ્ઠં તાલુ જાયતે ॥
સપ્તમેન તુ પિણ્ડેન દીર્ઘમાયુઃ પ્રજાયતે ।
અષ્ટમેન તુ પિણ્ડેન વાચં પુષ્યતિ વીર્યવાન્ ॥
નવમેન તુ પિણ્ડેન સર્વેન્દ્રિયસમાહૃતિઃ ।
દશમેન તુ પિણ્ડેન ભાવનં પ્લાવનં તથા ।
પિણ્ડે પિણ્ડે શરીરસ્ય પિણ્ડદાનેન સમ્ભવઃ ॥
ઇતિ પિણ્ડોપનિષત્ સમાપ્તા