pāṇḍuraṅgāṣṭakam · Chapter 1

mahāyogapīṭhe taṭe bhīmarathyā
varaṃ puṇḍarīkāya dātuṃ munīndraiḥ /
samāgatya niṣṭhantamānaṃdakaṃdaṃ
parabrahmaliṅgaṃ bhaje pāṇḍuraṅgam

taṭidvāsasaṃ nīlameghāvabhāsaṃ
ramāmaṃdiraṃ suṃdaraṃ citprakāśam /
varaṃ tviṣṭakāyāṃ samanyastapādaṃ
parabrahmaliṅgaṃ bhaje pāṇḍuraṅgam

pramāṇaṃ bhavābdheridaṃ māmakānāṃ
nitambaḥ karābhyāṃ dhṛto yena tasmāt /
vidhāturvasatyai dhṛto nābhikośaḥ
parabrahmaliṅgaṃ bhaje pāṇḍuraṅgam

sphuratkaustubhālaṅkṛtaṃ kaṇṭhadeśe
śriyā juṣṭakeyūrakaṃ śrīnivāsam /
śivaṃ śāṃtamīḍyaṃ varaṃ lokapālaṃ
parabrahmaliṅgaṃ bhaje pāṇḍuraṅgam

śaraccaṃdrabiṃbānanaṃ cāruhāsaṃ
lasatkuṇḍalākrāṃtagaṇḍasthalāṃtam /
japārāgabiṃbādharaṃ ka~janetraṃ
parabrahmaliṅgaṃ bhaje pāṇḍuraṅgama

kirīṭojvalatsarvadikprāṃtabhāgaṃ
surairarcitaṃ divyaratnairanarghaiḥ /
tribhaṅgākṛtiṃ barhamālyāvataṃsaṃ
parabrahmaliṅgaṃ bhaje pāṇḍuraṅgama

vibhuṃ veṇunādaṃ caraṃtaṃ duraṃtaṃ
swayaṃ līlayā gopaveṣaṃ dadhānam /
gavāṃ bṛndakānandadaṃ cāruhāsaṃ
parabrahmaliṅgaṃ bhaje pāṇḍuraṅgam

ajaṃ rukmiṇīprāṇasañjīvanaṃ taṃ
paraṃ dhāma kaivalyamekaṃ turīyam /
prasannaṃ prapannārtihaṃ devadevaṃ
parabrahmaliṅgaṃ bhaje pāṇḍuraṅgam

stavaṃ pāṇḍuraṃgasya vai puṇyadaṃ ye
paṭhantyekacittena bhaktyā ca nityam /
bhavāṃbhonidhiṃ te vitīrtvāntakāle
harerālayaṃ śāśvataṃ prāpnuvanti

// iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtaupāṇḍuraṅgāṣṭakaṃ saṃpūrṇam //