પાણ્ડુરઙ્ગાષ્ટકમ્ · અધ્યાય 1

મહાયોગપીઠે તટે ભીમરથ્યા
વરં પુણ્ડરીકાય દાતું મુનીન્દ્રૈઃ ।
સમાગત્ય નિષ્ઠન્તમાનંદકંદં
પરબ્રહ્મલિઙ્ગં ભજે પાણ્ડુરઙ્ગમ્

તટિદ્વાસસં નીલમેઘાવભાસં
રમામંદિરં સુંદરં ચિત્પ્રકાશમ્ ।
વરં ત્વિષ્ટકાયાં સમન્યસ્તપાદં
પરબ્રહ્મલિઙ્ગં ભજે પાણ્ડુરઙ્ગમ્

પ્રમાણં ભવાબ્ધેરિદં મામકાનાં
નિતમ્બઃ કરાભ્યાં ધૃતો યેન તસ્માત્ ।
વિધાતુર્વસત્યૈ ધૃતો નાભિકોશઃ
પરબ્રહ્મલિઙ્ગં ભજે પાણ્ડુરઙ્ગમ્

સ્ફુરત્કૌસ્તુભાલઙ્કૃતં કણ્ઠદેશે
શ્રિયા જુષ્ટકેયૂરકં શ્રીનિવાસમ્ ।
શિવં શાંતમીડ્યં વરં લોકપાલં
પરબ્રહ્મલિઙ્ગં ભજે પાણ્ડુરઙ્ગમ્

શરચ્ચંદ્રબિંબાનનં ચારુહાસં
લસત્કુણ્ડલાક્રાંતગણ્ડસ્થલાંતમ્ ।
જપારાગબિંબાધરં ક~જનેત્રં
પરબ્રહ્મલિઙ્ગં ભજે પાણ્ડુરઙ્ગમ

કિરીટોજ્વલત્સર્વદિક્પ્રાંતભાગં
સુરૈરર્ચિતં દિવ્યરત્નૈરનર્ઘૈઃ ।
ત્રિભઙ્ગાકૃતિં બર્હમાલ્યાવતંસં
પરબ્રહ્મલિઙ્ગં ભજે પાણ્ડુરઙ્ગમ

વિભું વેણુનાદં ચરંતં દુરંતં
સ્wઅયં લીલયા ગોપવેષં દધાનમ્ ।
ગવાં બૃન્દકાનન્દદં ચારુહાસં
પરબ્રહ્મલિઙ્ગં ભજે પાણ્ડુરઙ્ગમ્

અજં રુક્મિણીપ્રાણસઞ્જીવનં તં
પરં ધામ કૈવલ્યમેકં તુરીયમ્ ।
પ્રસન્નં પ્રપન્નાર્તિહં દેવદેવં
પરબ્રહ્મલિઙ્ગં ભજે પાણ્ડુરઙ્ગમ્

સ્તવં પાણ્ડુરંગસ્ય વૈ પુણ્યદં યે
પઠન્ત્યેકચિત્તેન ભક્ત્યા ચ નિત્યમ્ ।
ભવાંભોનિધિં તે વિતીર્ત્વાન્તકાલે
હરેરાલયં શાશ્વતં પ્રાપ્નુવન્તિ

॥ ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિન્દભગવત્પૂજ્યપાદશિષ્યસ્ય શ્રીમચ્છઙ્કરભગવતઃ કૃતૌપાણ્ડુરઙ્ગાષ્ટકં સંપૂર્ણમ્ ॥