Scripture Library

Paippalāda-Saṃhitā · Chapter 6.12

6.12.1

āyuṣkṛtāyuṣmatī svadhāvantau
gopā me stho gopāyataṃ mā |
ātmasadau me staṃ tanve suśevau
mā mā hiṃsiṣṭaṃ svāhā ||

6.12.2

indrasya gṛho 'sīndrasya śarmāsīndrasya varmāsīndrasya varūtham asi |
taṃ tvā pra viśāmi sarvāṅgaḥ sarvātmā sarvaguḥ sarvapūruṣaḥ saha yan me 'sti tena ||

6.12.3

astṛto nāmāham ayam asmi
sa ātmānaṃ pari dadhe dyāvāpṛthivībhyām |
gopīthāya pra hūyase ||

6.12.4

astṛto nāma prājāpatyo
devo māsas trayodaśaḥ |
sarvaguḥ sarvapūruṣaḥ
prāgāṃ devapurā aham ||

6.12.5

antaḥ prāgāṃ devapurāḥ
sahagrāmaḥ svastaye |
saṃvatsarasya madhyataḥ
sarvaiḥ sodaryaiḥ saha || prapāṭhaka ||

6.12.6

prāham agāṃ devapurā
ya evāsmi sa eva san |
yo mā kaś cābhidāsati
sa prajāpatim ṛcchatu ||

6.12.7

aśmāsi pratispaśaḥ
pāhi riṣaḥ pāhi dviṣaḥ |
pāhi daivyābhiśastyāḥ
sa ma iha tanvaṃ pāhi ||

6.12.8

yo 'smān prācyā diśo 'ghāyur abhidāsāt |
etat sa ṛcchād aśmavarma no 'stu ||

6.12.9

(…) asmān dakṣiṇāyā diśaḥ (…) ||

6.12.10

(…) asmān pratīcyā diśaḥ (…) ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0