પૈપ્પલાદ-સંહિતા · અધ્યાય 6.12

આયુષ્કૃતાયુષ્મતી સ્વધાવન્તૌ
ગોપા મે સ્થો ગોપાયતં મા ।
આત્મસદૌ મે સ્તં તન્વે સુશેવૌ
મા મા હિંસિષ્ટં સ્વાહા ॥

ઇન્દ્રસ્ય ગૃહો ઽસીન્દ્રસ્ય શર્માસીન્દ્રસ્ય વર્માસીન્દ્રસ્ય વરૂથમ્ અસિ ।
તં ત્વા પ્ર વિશામિ સર્વાઙ્ગઃ સર્વાત્મા સર્વગુઃ સર્વપૂરુષઃ સહ યન્ મે ઽસ્તિ તેન ॥

અસ્તૃતો નામાહમ્ અયમ્ અસ્મિ
સ આત્માનં પરિ દધે દ્યાવાપૃથિવીભ્યામ્ ।
ગોપીથાય પ્ર હૂયસે ॥

અસ્તૃતો નામ પ્રાજાપત્યો
દેવો માસસ્ ત્રયોદશઃ ।
સર્વગુઃ સર્વપૂરુષઃ
પ્રાગાં દેવપુરા અહમ્ ॥

અન્તઃ પ્રાગાં દેવપુરાઃ
સહગ્રામઃ સ્વસ્તયે ।
સંવત્સરસ્ય મધ્યતઃ
સર્વૈઃ સોદર્યૈઃ સહ ॥ પ્રપાઠક ॥

પ્રાહમ્ અગાં દેવપુરા
ય એવાસ્મિ સ એવ સન્ ।
યો મા કશ્ ચાભિદાસતિ
સ પ્રજાપતિમ્ ઋચ્છતુ ॥

અશ્માસિ પ્રતિસ્પશઃ
પાહિ રિષઃ પાહિ દ્વિષઃ ।
પાહિ દૈવ્યાભિશસ્ત્યાઃ
સ મ ઇહ તન્વં પાહિ ॥

યો ઽસ્માન્ પ્રાચ્યા દિશો ઽઘાયુર્ અભિદાસાત્ ।
એતત્ સ ઋચ્છાદ્ અશ્મવર્મ નો ઽસ્તુ ॥

(…) અસ્માન્ દક્ષિણાયા દિશઃ (…) ॥

(…) અસ્માન્ પ્રતીચ્યા દિશઃ (…) ॥