Scripture Library

Paippalāda-Saṃhitā · Chapter 3.30

3.30.2

saṃ rājāno 'guḥ sam ṛṇāny aguḥ
saṃ kuṣṭhā aguḥ saṃ kulā aguḥ |
sam asmāsu suṣvapnyaṃ
nir dviṣate duṣvapnyaṃ suvāmaḥ ||

3.30.3

devānāṃ patnīnāṃ
garbha yamasya karaṇaḥ |
yo bhadraḥ svapnaḥ sa mama
yaḥ pāpas taṃ dviṣate pra hiṇmaḥ ||

3.30.4

tṛṣṇāmā nāmāsi kṛṣṇaśakuner mukhaṃ nirṛter mukham |
taṃ tvā svapna tathā vidma ||

3.30.5

sa tvaṃ svapnāśva ivākāyam aśva iva nīnāham |
anāsmākaṃ devapīyuṃ piyāruṃ vapsaḥ ||

3.30.6

yad asmāsu duṣvapnyaṃ
yad goṣu yac ca no gṛhe |
anāsmākas tad devapīyuḥ piyāruṃ
niṣkam iva prati muñcatām ||

3.30.7

navāratnīn avamāya-
-asmākaṃ tanvas pari |
duṣvapnyaṃ sarvaṃ durbhūtaṃ
dviṣate nir diśāmasi ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0