Scripture Library

Paippalāda-Saṃhitā · Chapter 3.17

3.17.1

ekaśataṃ bheṣajāni
teṣāṃ mātāsy oṣadhe |
samudram ava gacchasi
pṛthivyām adhi niṣṭhitā ||

3.17.2

tasyāṃ vedādhi bheṣajaṃ
daśaśīrṣo daśajihvaḥ |
yas te prathama ādade
śaṃ śvāvanta oṣadhe
yam adād vīrayug bhiṣak ||

3.17.3

punaś cakṣuḥ punaḥ prāṇaḥ
punar āyur na āgamat |
niṣ ṭvākaraṃ niṣkṛtyā
niṣ ṭvā niṣkṛtyākaram ||

3.17.4

muñcāmi tvā śapathyād
atho varuṇyād uta |
atho yamasya paḍvīśād
viśvasmād devakilbiṣāt ||

3.17.5

saṃ te śīrṣṇaḥ kapālāni
hṛdayasya ca yo viduḥ |
udyan sūrya ādityo
aṅgadyotam anīnaśat ||

3.17.6

himavataḥ pra sravatha
sindhau samaha saṅgamaḥ |
tā āpaḥ sarvāḥ saṅgatya
cakṣuḥ prāṇaṃ ca dhatta naḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0