Scripture Library

Paippalāda-Saṃhitā · Chapter 3.12

3.12.1

yo apsv antar yo vṛtre
antar yaḥ puruṣe yo aśmani |
ya āviveśauṣadhīr yo vanaspatīṃs
tebhyo agnibhyo hutam astv etat ||

3.12.2

yaḥ some antar ya u goṣv antar
ya āviṣṭo vayasi yo mṛgeṣu |
ya āviveśa dvipado yaś catuṣpadas
tebhyo agnibhyo hutam astv etat ||

3.12.3

ya indreṇa sarathaṃ saṃbabhūva
vaiśvānara uta viśvadāvyaḥ |
yaṃ johavīmi pṛtanāsuṣāsahiṃ
tebhyo agnibhyo hutam astv etat ||

3.12.4

yo devo viśvād yam u kāmam āhur
yaṃ dātāraṃ pratigṛhṇantam āhuḥ |
yo dhīraḥ śakraḥ paribhūr adābhyas
tebhyo agnibhyo hutam astv etat ||

3.12.5

yaṃ tvā hotāraṃ manasābhisaṃvidus
trayodaśa bhauvanāḥ pañca mānavāḥ |
varcodhase yaśase sūnṛtāvate
tebhyo agnibhyo hutam astv etat ||

3.12.6

ukṣānnāya vaśānnāya
somapṛṣṭhāya vedhase |
vaiśvānarasya jyeṣṭhebhyas
tebhyo agnibhyo hutam astv etat ||

3.12.7

divaṃ pṛthivīm antarikṣaṃ
ye vidyutam anusaṃcaranti |
ye dikṣv antar ya u vāte antas
tebhyo agnibhyo hutam astv etat ||

3.12.8

bṛhaspatiṃ varuṇaṃ mitram agniṃ
hiraṇyapāṇiṃ savitāram indram |
viśvān devān aṅgiraso havāmaha
imaṃ kravyādaṃ śamayantv agnim ||

3.12.9

śānto agniḥ kravyād
atho puruṣareṣaṇaḥ |
atho yo viśvadāvyas
taṃ kravyādam aśīśamam ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0