Paippalāda-Saṃhitā · Chapter 18.27
vrātyo vāvedam agra āsīd
vīyamāna eva sa prajāpatiṃ sam airayat ||
sa prajāpatir ātmani suparṇam apaśyat ||
tad ekam abhavat tal lalāmam abhavat
tan mahad abhavat taj jyeṣṭham abhavat
tat tapo 'bhavat tat satyam abhavat
tad brahmābhavat tena prājāyata ||
so 'vardhata sa mahān abhavat
sa mahādevo 'bhavat sa īśāno 'bhavat
sa devānām īśān agacchat
sa devānām ekavratyo 'bhavat ||
sa dhenur ādhatta tad indradhanur abhavat ||
nīlam asyodaraṃ lohiny asya pṛṣṭiḥ ||
nīlenāpriyaṃ bhrātṛvyaṃ prorṇoti
lohitena dviṣantaṃ vidhyatīti brahmavādino vadanti ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0