Paippalāda-Saṃhitā · Chapter 16.142
saiṣā bhīmā brahmagavy aghaviṣā
kṛtyā kūlbajam āvṛtā
sarvāṇy asyāṃ krūrāṇi sarve ca mṛtyavaḥ
sarvāṇy asyāṃ ghorāṇi sarve ca puruṣavadhāḥ ||
sā brahmajyaṃ brahmagavy ādīyamānā
mṛtyoḥ paḍvīśa ā dyati |
meniḥ śatavadhā hi sā
brahmajyasya kṣitir hi sā ||
tasmād vai brāhmaṇānāṃ gaur
durādharṣā vijānatā |
vaiśvānara udvītā
mahādevo 'pekṣamāṇā
vajro dhāvantī
hetiḥ śaphān utkhidantī ||
kṣurapavir īkṣamāṇā
mṛtyur hiṅkṛṇvatī |
vāśyamānābhi sphūrjati
brahmagavī brahmajyam ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0