Paippalāda-Saṃhitā · Chapter 16.117
sa upahūtaḥ pṛthivyāṃ bhakṣayaty
upahūtas tasmin yat pṛthivyāṃ viśvarūpam |
pṛthivyāṃ tapati pṛthivyām ā bhāti
svargaloko bhavati ya evaṃ veda ||
sa upahūto antarikṣe bhakṣayaty
upahūtas tasmin yad antarikṣe viśvarūpam |
antarikṣe tapaty antarikṣa ā bhāti
(…) ||
sa upahūto divi bhakṣayaty
upahūtas tasmin yad divi viśvarūpam |
divi tapati divy ā bhāti
(…) ||
sa upahūto deveṣu bhakṣayaty
upahūtas tasmin yad deveṣu viśvarūpam |
deveṣu tapati deveṣv ā bhāti
(…) ||
sa upahūto lokeṣu bhakṣayaty
upahūtas tasmin yal lokeṣu viśvarūpam |
lokeṣu tapati lokeṣv ā bhāti
svargaloko bhavati ya evaṃ veda ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0