Paippalāda-Saṃhitā · Chapter 16.111
parūṃṣi yasya saṃbhārā
ṛco yasyānūkyam ||
chandāṃsi yasya lomāni
paristaraṇam id dhavir
yajur hṛdayam ucyate ||
yad atithipatir atithīn pratipaśyati devayajanaṃ prekṣate ||
yad abhivadati dīkṣām upaiti
yad udakaṃ yācaty apaḥ pra ṇayati |
yā yajñā apaḥ praṇīyante tā eva tāḥ ||
yat tarpaṇam āharanti yo 'gnīṣomīyaḥ paśur badhyate sa eva saḥ ||
yat khātam āharanti puroḍāśā eva tau
yad āvasathān kalpayanti sadohavirdhānāny eva tat kalpayanti ||
yad upastṛṇanti barhir eva tat ||
yat kaśipūpabarhaṇāny āharanti paridhaya eva te |
yad upariśayanam āharanti svargam eva tena lokam ava rundhe ||
yad abhyañjanam āharanty ājyam eva tat |
yad aśanakṛtaṃ hvayanti haviṣkṛtam eva tad u hvayanti |
yad vrīhayo yad yavā nirupyante aṃśava eva te ny upyante ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0