પૈપ્પલાદ-સંહિતા · અધ્યાય 16.111

પરૂંષિ યસ્ય સંભારા
ઋચો યસ્યાનૂક્યમ્ ॥

છન્દાંસિ યસ્ય લોમાનિ
પરિસ્તરણમ્ ઇદ્ ધવિર્
યજુર્ હૃદયમ્ ઉચ્યતે ॥

યદ્ અતિથિપતિર્ અતિથીન્ પ્રતિપશ્યતિ દેવયજનં પ્રેક્ષતે ॥

યદ્ અભિવદતિ દીક્ષામ્ ઉપૈતિ
યદ્ ઉદકં યાચત્ય્ અપઃ પ્ર ણયતિ ।
યા યજ્ઞા અપઃ પ્રણીયન્તે તા એવ તાઃ ॥

યત્ તર્પણમ્ આહરન્તિ યો ઽગ્નીષોમીયઃ પશુર્ બધ્યતે સ એવ સઃ ॥

યત્ ખાતમ્ આહરન્તિ પુરોડાશા એવ તૌ
યદ્ આવસથાન્ કલ્પયન્તિ સદોહવિર્ધાનાન્ય્ એવ તત્ કલ્પયન્તિ ॥

યદ્ ઉપસ્તૃણન્તિ બર્હિર્ એવ તત્ ॥

યત્ કશિપૂપબર્હણાન્ય્ આહરન્તિ પરિધય એવ તે ।
યદ્ ઉપરિશયનમ્ આહરન્તિ સ્વર્ગમ્ એવ તેન લોકમ્ અવ રુન્ધે ॥

યદ્ અભ્યઞ્જનમ્ આહરન્ત્ય્ આજ્યમ્ એવ તત્ ।
યદ્ અશનકૃતં હ્વયન્તિ હવિષ્કૃતમ્ એવ તદ્ ઉ હ્વયન્તિ ।
યદ્ વ્રીહયો યદ્ યવા નિરુપ્યન્તે અંશવ એવ તે ન્ય્ ઉપ્યન્તે ॥