Paippalāda-Saṃhitā · Chapter 13.8
devatalpā devakośāḥ kveha
tān naḥ pra brūhi yadi tān pravettha |
pṛcchāmi tvā garagiraḥ kiyanto
yebhyo 'gnir havyaṃ vahati prajānan
hutaṃ martyair amṛto martyebhyaḥ ||
svapne ya ekas tamasā sahaity
aṅgāni gṛhṇan puruṣasya cakṣuḥ |
sa prātar eti tamasā punaḥ
sa hā jyotir eti kva sadadeti ||
vratapatim adhipatiṃ
madhukṛtā madhupatim |
devāṃs tvā sarvān pṛcchāmy
ahutādaś ca te kati ||
ko 'ntarikṣāt pari paśyatīdaṃ
yasmād agra indriyaṃ saṃbabhūva |
mahat sa kasmād abhayaṃ bibhāya
kasya yuktasyāsyā srakvāl
lohitaṃ parāpatat tat kveha ||
ittham eke pravrajantīttham
eke dakṣiṇāḥ pratyañca udañcaḥ
prāñco 'bhi vrajanty eke |
teṣāṃ sarveṣām iha saṅgatiḥ sākaṃ
sa eko bhūtaś carati prajānan ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0