Scripture Library

Paippalāda-Saṃhitā · Chapter 13.3

13.3.1

uditaḥ śatayojanam
indro vartayate ratham |
sāyakaṃ kṣuravartmānam
aher jātāni jambhayan ||

13.3.2

dṛḍhāsa āsann ahayo
hatā udarasarpiṇaḥ |
puccham udveṣṭayantaḥ
śvā piṇḍam adann iva ||

13.3.3

pāpaka pāparūpaka
kiṃ me sakhāyam ātudaḥ |
na mām apaśya āgataṃ
satīnaṃ viṣadūṣaṇam ||

13.3.4

ahijambhāś carāmasi
muṣkābarho gavām iva |
pīlā upa svajaṃ hanma
upa stambhe pṛdākvam ||

13.3.5

ye ke cedam upāsauṣur
vātasyeva pṛthag yataḥ |
aṅgo nu sarve brūta-
-āheyam arasaṃ viṣam ||

13.3.6

triddhisi te niṣadanaṃ
tripuṣi pāpa te gṛhaḥ |
acchinnaṃ tvā vāto hanty
acchinnam abhi varṣati ||

13.3.7

nākulena bheṣajena
tenāhīn jambhayāmasi |
māṃścatur nāma vṛkṣakaḥ
sa enān arasān akaḥ ||

13.3.8

asitāhe 'rasaṃ viṣam
ubhayoḥ sitasya ca |
abhikrandasya yā ropīs
tā ito 'pa nayāmasi ||

13.3.9

idaṃ paidvo ajāyata -
-idam asya vivartanam |
idaṃ kanikrado mṛgo
viṣam eti parābhavam ||

13.3.10

viṣūcīnā vātā vāntu
viṣvag varṣantu vṛṣṭayaḥ |
viṣvag viṣaṃ pra meha tvaṃ
śatadhāra ivāvaṭaḥ ||

Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0