પૈપ્પલાદ-સંહિતા · અધ્યાય 13.3

ઉદિતઃ શતયોજનમ્
ઇન્દ્રો વર્તયતે રથમ્ ।
સાયકં ક્ષુરવર્ત્માનમ્
અહેર્ જાતાનિ જમ્ભયન્ ॥

દૃઢાસ આસન્ન્ અહયો
હતા ઉદરસર્પિણઃ ।
પુચ્છમ્ ઉદ્વેષ્ટયન્તઃ
શ્વા પિણ્ડમ્ અદન્ન્ ઇવ ॥

પાપક પાપરૂપક
કિં મે સખાયમ્ આતુદઃ ।
ન મામ્ અપશ્ય આગતં
સતીનં વિષદૂષણમ્ ॥

અહિજમ્ભાશ્ ચરામસિ
મુષ્કાબર્હો ગવામ્ ઇવ ।
પીલા ઉપ સ્વજં હન્મ
ઉપ સ્તમ્ભે પૃદાક્વમ્ ॥

યે કે ચેદમ્ ઉપાસૌષુર્
વાતસ્યેવ પૃથગ્ યતઃ ।
અઙ્ગો નુ સર્વે બ્રૂત-
-આહેયમ્ અરસં વિષમ્ ॥

ત્રિદ્ધિસિ તે નિષદનં
ત્રિપુષિ પાપ તે ગૃહઃ ।
અચ્છિન્નં ત્વા વાતો હન્ત્ય્
અચ્છિન્નમ્ અભિ વર્ષતિ ॥

નાકુલેન ભેષજેન
તેનાહીન્ જમ્ભયામસિ ।
માંશ્ચતુર્ નામ વૃક્ષકઃ
સ એનાન્ અરસાન્ અકઃ ॥

અસિતાહે ઽરસં વિષમ્
ઉભયોઃ સિતસ્ય ચ ।
અભિક્રન્દસ્ય યા રોપીસ્
તા ઇતો ઽપ નયામસિ ॥

ઇદં પૈદ્વો અજાયત -
-ઇદમ્ અસ્ય વિવર્તનમ્ ।
ઇદં કનિક્રદો મૃગો
વિષમ્ એતિ પરાભવમ્ ॥

વિષૂચીના વાતા વાન્તુ
વિષ્વગ્ વર્ષન્તુ વૃષ્ટયઃ ।
વિષ્વગ્ વિષં પ્ર મેહ ત્વં
શતધાર ઇવાવટઃ ॥