Paippalāda-Saṃhitā · Chapter 1.74
indro devānāṃ varuṇo dhṛtavrataḥ
somo vīrudhāṃ jagataḥ paraspāḥ |
vāyuḥ paśūnāṃ paśupā janānām
ayaṃ purorā no asyāstu mūrdhā ||
mūrdhā divo antarikṣasya mūrdhā
mūrdhā sindhūnām uta parvatānām |
mūrdhā viśvasya bhuvanasya rājā-
-ayaṃ purorā no asyāstu mūrdhā ||
mṛdhas te samrāḍ ava hantu sarvām̐
amitrān rājā varuṇo viṣūcaḥ |
indraḥ śatrūn asunītiṃ nayāti te
'yaṃ purorā no asyāstu mūrdhā ||
viśas tvā rājan pradiśo juṣantāṃ
daivīr viśaḥ supraketāḥ saketāḥ |
viśvā āśā manuṣyo vi bhāhy
ayaṃ purorā no asyāstu mūrdhā ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0